أشعار وخواطر
أخر الأخبار

( أوضة مكركبة ) سمير الشاعر

مقالة بعنوان ( أوضة مكركبة ) من تأليف سمير الشاعر

جميع الحقوق محفوظة

مقال بعنوان ( أوضة مكركبة )

حياتنا عاملة زى الأوضة المكركبة و مليانة حاجات كتير متلخبطة و فيها حاجات محتاجة ترتيب و تنضيف

شوية التراب اللى ع الارض و العنكبوت اللى فى السقف و اللون البهتان ع الحيطان دول ما هما إلا الذنوب اللى بنعملها بشكل متكرر و يومى

تخيل معايا كدة لو كنسنا الأرض من التراب و مسحناها بالماية و نشفناها و زعفنا السقف و غسلنا الحيطان و بقت فلة

نيجى بقى لشوية الهدوم المرمية ع السرير و الشوية اللى ع الكرسى و الحبة اللى متلخبطين فى الدولاب

و دول بقى أفكارنا المتلخبطة اللى مش عارفين نبدأ منين عشان نرتبها
تخيل كدة لو مسكنا الأفكار دى فكرة فكرة و رتبناها و ظبطناها و فكرنا بناء على هذا الترتيب المنسق

تعالى بقى لحبة الكراكيب اللى مالية الأوضة و مخلية شكلها وحش
و دول بقى المشاكل اللى فى حياتنا
تخيل لو فكرنا فى حل مشكلة مشكلة بهدوء و بعقل لحد ما يتحلوا أو نوصل لحل يهدى الموضوع شوية

بعد ما تخلص كل دة فى الأوضة

هات صور مناظر طبيعية و علقها ع الحيط و لمض و كشافات ملونة
و دول يبقوا أحلامنا اللى بنتمنى تحقيقها

و أقف كدة بص للأوضة بعد ما اتوضبت و قارنها بالوضع القديم

ايه رايك ؟؟ … تحفة مش كدة ؟؟؟؟؟؟؟

بقلم … سمير الشاعر

تقييم المستخدمون: 4.78 ( 5 أصوات)

الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock