أولاد المدينة للكاتب HASSAN AG

فريق النشر
2020-03-22T22:22:57+02:00
روايات كاملة
فريق النشر22 مارس 2020آخر تحديث : منذ سنتين
أولاد المدينة للكاتب HASSAN AG

روآية ~~~~ أولاد المدينة 👬👬👬

♡ المقدمه ♡

💞 مرحبا اسمي عمر مواليدي2001 شعري ابيض هكي ولحيتي سودة نبان كبير رغم صغر السن انحب الغناء ونسمع الموسيقى ومنلاخير ان هدا حلمي ووجهت مشاكل هلبااااا على خاطر منقعدش مغني وطبعا السبب عائلتي 🤦‍♂️💔 المهم نحكيلكم عن اصحابي الأربعه إيهاب مواليد 2001 شعره اسود وعنده لحية خفيفة هكي هدا الشخص معنداش حظ في الحياة بكككل امه وبوه ماتوا في حادث ومن هو صغير معاشش الطفوله فأضطر يقعد في حوش جده بدل ما يقعد في الميتم 🤦‍♂️💔 وصاحبنا وليد مواليد 2003 شعره فيه شويه من صفرويه ومعنداش لحية 😂 هدا الولد عايش حيااة طبيعيه لكن امه وبوه مهووسين بالقرايا يعني كان نقصت درجه بس في الامتحان يعقبوه وياخدو منه التلفون 🤦‍♂️💔 وصاحبنا مراد مواليده 2003 شعره اصفر وكيف لحية بدت تكبر وبشرته عاديه 😂ولد ذكي جدا يحب الرسم ويحب قرائة الروايات ويحب الحياة الهاديه ويكرره حاجه اسمها ازعاج 🤦‍♂️💔 وصاحبنااا فاروق مواليده2003 شعره اسود ومعنداش لحية وبشرته بيضه من اتفه الأصحاب اللي شفناها في حياتنا ولد تافه يحب النوم ولعب وطبعاا كل يوم يمشي لمقهى شكل وكل يوم يتعرف على وحده وتاني يوم يسيبها وعيلته المسكينه عطاياته الحريه على اساس ان يتلاقى مع اصحابه 😂🤦‍♂️💔 ويوسف وعثمان شخصيات حتتعرفوا عليها في نص الحلقات 🤗🔥

💞 شن فيها لو اني حبيت نطلع برا ونتعلم ونغني شن فيها لو طلعت موهبتي شن فيها خديت حريتي في كل شي في حياتي علاش تصعبوا في الأمور عليا 🤦‍♂️🤦‍♂️🤦‍♂️ لما تكون حاط هدف في حياتك وتبي توصلة يجيك واحد يوقف في طريقك ويخربلك كل شي غير الغناء يعني في اللي بيقعد ممثل وفي اللي بيكون رسام وفي اللي يبي يكتب روايات وفي اللي بيصمم ملابس عاادي هادا هدفي اني بروحي ليش العائلات تدخل في هذا الشئ اني تعبت يا ناس اني قررت ننتحر تعبت 💔😭🤦‍♂️💔

الحلقة الأولى تنزل …. .🔥

نتعرفوا على باقي الشخصيات في الحلقة الأولى 🙃

___//////_____////////_____//////______//////____/////

( كتابة : hassan AG )

روآية ♡♤ أولاد المدينة 👬👬👬👬

طربلس / حي الزهور طريق المطار / 2019 /1/1

(ملاحظة : مدخلوش القصه في الحرب اللي صايرة في ليبيا تمام !!! )

* في حوش فااضي مفيش حد غير عمر *

عمر وهو يبكي وحاط المسدس على راسه : انتم خليتوني نكره حياتي وخليتوني نكره روحي نكرهكم انتم مش عيلتي 😭😭

*طلق الرصاصه في راسه ومات ومرمي على الأرض ودم معبي الدنيا

عثمان : ايييه شن هدا الصوت اللي نسمع فيه من حوش عمر هدااا ايييييه خليني نقصقص زي عاداتي

*عثمان واحد حقير هلبا قصقاص ويحب ديما يعرف اسرار الناس ويحب ديما ان هو يفضحهم او يهددهم بحاجه يمسكها عليهم …

عثمان : ههههه اكيد بوه وامه كلعادة هزبوه هههه مسكين

ونزل عثمان من شقتهم وشاف عمر من الروشن وهو طايح وراسه معبي دم *

عثمان : يااااغ ناااااس يا عااااالم ياهووووووو اتعالوا عمررررر ماااات يا نااااس

إيهاب : حي حي شن هدا الصوت زعما
نورية : شن في شن هدا العياط
إيهاب : حناي خليكي توا اني ننزل ونشوف شن في
نوريه : اي واركب بسرعه را جدك ولا عمك يشبحك نازل يوريك توا قايله ناااس مرقدة
إيهاب : لا حول ولاقوة الا بلله 🙄🙄🙄🙄
نورية : الله غالب تحملهم …

________________

وليد : شن في تسمعي في العياط يمى تسمعي
مريم : قعمز كمل قرايتك وبعدين انزل تبي غدوا تجيبلي 9 من 10 نقتلك وناخد منك التلفون
وليد : باااهي خمس دقااايق ونجي وااااك
مريم : هي برا بسرعه هي ورينا ال خمس دقايق متعك

_____________________

مراد : امي تسمعي في العياط هدا يوت عثمان اكيد مداير عمله زي كل يوم
نسرين : برا انزل شوف وقولي بسرعه
مراد : اهوااا نازل متخليش حد يلمس الرسمه اللي نرسم فيها
نسرين : باهي غر برا وبعدين تعالا نشوفوا شن في
مراد : باهي هي …

____________________

فاروق : نعم حبيبتي … لالا يا روحي غدوا مش حنجي للتانويه معنديش نيه ايه بدايه السنه هكي ناس معطله

حنان : انت يا ولد انت هوووووي
فاروق : خيرك شن تبي يمى
حنان : برا انزل شوف شن في دنيا عياط لوطا بسرعه
فاروق : وااااك متشبحيش فيا نكلم بالتلفون
حنان : وفي مني تكلم ترا قولي
فاروق : نكلم في صاحبي إيهاب خيرك
حنان : حي حي على الكدب اهوا إيهاب نازل لوطا يجري
فاروق : 😳😳😳 ااااه هههههه هدا إيهاب تاني خيرك
حنان : انزل شوف شن في وحسابك معاي بعدين
فاروق : ازززفت باهي نازل …

__________________________

عثمان : حييييي يا حيييي ووواااااك عليا اني يا ولاااد تعالوا اجروا شوفوا شن في
إيهاب : شن في تكلم شن في ووووووك عمر خوي 😨
مراد : خيركم يا ولاد شن في اصواتكم الحي كل يسمع فيها
وليد : شن في شن في ….
فاروق : خيركم تعيطوا زي نساوين شن في الن…
عثمان : عمرر انتحر يا ولاااااد
مراد … فاروق … وليد … إيهاب : 😨😨😨😨💔💔

إيهاب : علااااااش هكككككككككي ياااربي يصبرني علاش هكي 😭😭😭
مراد : حيييي على امه حيييي 😳😨😨😨
فاروق : كيف هادي افتحوا الباب بسرعه يا ولاد
عثمان : كسروا الباب بسرعه كسروه
فاروق : واااااك شوفوا كيف طايح
مراد : المسدس قاعد في إيده شوفوا
وليد : لا اله الا اللله وين اهله وين بوه وامه وينهم

/ نزل الحي كله يتفرج وسيارة الاسعاف جت تجري ووناس كلها تتفرج / وام عمر وبوه روحوا ولقوا حوشهم قدامه ناس هلباااا …

نادية : شني هداااا شن في حولوا من قدامي
محمد : تي شن في يا شباب غر حولوا هكي من قدامي
ناديه شافت كيف ولدها حطوه في سيارة متع الإسعاف : وووووولدييي وولدي ااااااخ يا ولدي ولدي ووووولدي وليديييي اني حولوا حولوا من قدامي ولدي نوض افتحلي عيونك هيااا امك جت افتح عيونك اني جيييت افتح عيونكككك اني جيييت وووووك عليااا اني

حنان : يا نااااري سخفتني ناديه والله
نوريه : ينهار احرف خيره ولدها اللطف شن صاير معه
مريم : وووووك عليااااا عليك نهار مغبر عليه
نسرين : اييه هي تستاعل اصلا قالتلي ضغطنا عليه باش ميغنيش ومن هل الكلام الفاضي شن دخلهم بلولد بيغني ولا بيقعد ترا والله حاله اصلا الولد مش ولدهم هما
مريم : يا نهاااااري شن ولد مش ولدهم 😨😨😨
حنان : خيرك نسرين هبلتي
نوريه : يا حي ياا حيي وعلاش مقالتلناش ان هدا الولد مش ولدها
نسرين : متبيش تقوللكم باش متنفضحش والله حاله

_________

إيهاب : الله يرحمك يا صاحبي الله يرحمك
وليد : خلاص خلاص اسكت معاش تعيط
مراد : إيهاب متنساش حتى احني خوتك وقاعدين معاك كلنا زعلنا عليي عمي كلنا بس متنساش اعتبرني زي خوك وقاعد معاك
فاروق : وااااك نضايق لما نلقاك تبكي يا فرخ اسكت
إيهاب : خلاااص اسكتوا انتم خلاااص انتم متعرفوش شي معناها اسكتوا خلاص مش حتحسوا بيا لين واحد من اللي تحبوه يموت باش تحسوا
مراد : هووووي حتى اني عندي خوي من لحمي ودمي توفى اسكت بلله عليك
وليد : ايه واني ولد عمتي مات قبل سنتين خيرك انت
فاروق : اووووف خلاص انت وياه اسكتوا بتفتحولي سيرة الأموات توا
إيهاب : خلوووني في حاالي نبي نقعد بروحي
عثمان : شنجو يا ولاد
إيهاب وهو متعصب شد رقبة عثمان ويخنق فيه : اتعالالي جاااي شنجووو قتلي تعالا
عثمان : ياولاد كلموووه ساااعدوني بيقتلني هدا 😨😨😨
مراد … فاروق … وليد 😨😨😨😨😨😨🔥….

*جيراني وناسي زعلوا عليا لكن اكتر شخص زعل عليا هو إيهاب لأن عشنا الطفوله مع بعض وهو اللي عرفني على اصحابه مراد ووليد وفاروق وهو اكتر شخص يتأثر بالموت اي شخص كان وخاصة كان صاحبه او خوه او من ما يكون … عندي في حياتي سر خطير انتحرت على خاطره مش لأني اني نبي نغني لأ انتحرت على سبب كبير خلاني ننتحر عشت في كذبه كبيرة وبعد ما اكتشفتها انتحرت حتعرفوه السر مع الوقت 🤦‍♂️💔🔥….#يتبع

اما اكتر شخصية حبيتوها في الرواية ؟

الكاتب HASSAN AG 💞✍

كلمات دليلية
رابط مختصر

رأيك يهمنا

error: Content is protected !!