روايات كاملة

ابتزاز للكاتبة زهور جمال الدين

جميع الحقوق محفوظة للكاتبة

ابتزاز للكاتبة زهور جمال الدين

#ابتزاز

بقلم زهور جمال الدين 🌷
🌺المقدمه 🌺

-سيف/تى قلتلك ابعتى الصورة توة .. ورحمه بوى مايشوفها واحد غيري
-مودة/ احلف مامعاك حد
-سيف/ نفتحلك ام الكاميرا .. قلتلك بروحى
-مودة/ بينك بين ربك
-سيف / اوووووووف تى ابعتى النم
صوت رسالة وصلت توت توت….
مجموعه شباب مادين وجوههم قدام اللاب توب يشوفو فالصورة … تاريته سيف الكداب مش بروحه معاه صلاح ومفيد وعبدالرحمن وباسم …
وصلت صورة مودة.. باينه من كتافهاوصدرها وبطنها ورجليها لابسه سروال جينز
-صلاح / شفتها بنت الكلب .. مابعتتش وجهها
-سيف / تستهبل على امى الحيوانة ..
حط ايديه عالكيبورد يكتب/ انتى تستهبلى
-مودة/ 😁😁😁
-سيف / تضحكى .. تى وين صورتك
-مودة / اهيا قدامك صورتى
-سيف / هادى صورة جسمك .. نبى وجهك انا
-مودة/ ايام سورى … وجهى تشوفه عالطبيعه…
هيا باى ماما تنادى
-سيف/ تعالى
-مودة/ بااااااى
وصكرت نت …
-مفيد/ وراس امك لما تدفع … خسرت الرهان يا حبوب
-سيف/ تى اصبرو النم .. مفروض تعطونى يومين لين نقنعها
-صلاح يضحك / اصبرو عليه روح الما ما
الشباب كلها تضحك
-سيف خدى الطفايه وحدف بيها صلاح / تى صكر فمك ياتافه 😁😁😁
-عبدالرحمن / ورحمه امى الغاليه ماتبدا الا حاط المية توة
-سيف يضحك / مفيش رحمه بكل
وحط يده فى جيبه طلع ميه دينار حطهم عالسجادة
– مفيد خدى الفلوس / الرحمه عند ربي فى الاخرة يا حبوب .. هيا نوضو ياجماعه
-صلاح / وين
-مفيد وقف/ المشاريب والشيشه اليوم على سيف .. بنخلصو بالميه اللى حطها توة
-عبدالرحمن وقف / تم .. هيا نوضو
-سيف يحدف عليهم فى المخاد / يامسخين …
وطلعو الشباب من حوش سيف ماشيين للقهوة

_________________________________________

_

فى حوش جدة مودة

مقعمزات مودة ونرمين وسحر ….هما الثلاثه بنات الخالة .. كل وحدة من ام …
-مودة تضحك/ ههههه دمه انحرق
-نرمين/ انشاءالله يموت
-سحر/ مصح وجهه ايكلم فيكم انتو الزوز..وعارفكم بنات الخالة ..اما عار بعد هكى ماريتش
-مودة / غير نوضى نادى سلمى وانتصار بنات خوالى
-نرمين / احنا بابا قريب ايجينا .. ياريت ايخلونا نباتو مع بعضنا الهم
-سحر/ ياااريت .. فى حكم المستحيل هدا
-فتحت نرمين تليفونها / هوا بعتلى صورته غير خلى نوريهالكم
فتحت عالرسائل …
-مودة/ واصلينك رسايل عالمفلتر … شوفى
-نرمين حاطة صبعها تفتح فى رسائل المفلتر/ والله ماندور فيهم … اكيدة رسايل من شباب
البنات يضحكو …
-سحر/ غير افتحى اول رسالة .. كتاتب اسم بروفايله عشقى انتى
فتحت نرمين الرسالة ….. تنصدم بي صورها ….
وفالاخير كاتب رسالة ” لو تبى صورك .. كل صورة بثمنها .. وعندى غيرهم هلبا ”
نرمين بدت ترعش وتخبط على خدودها / حيييه عليا صورى كيف حصلهم يا غبارتى
-البنات مخلوعات / يانهارات الحرف .. غبارة ..
وهما يخبطو فى وجوهم حايرين على نرمين اللى خدت صدمه عمرها
-سحر / غير ادكرى بالك بعتى صورك لى حد
-نرمين تخبط / مسسسستحيل نبعت صورتى …تعرفونى ماندرق عليكم فى شى .. مستحيل نديرها
-مودة مصدومه / حتى لما بنبعتو صورة .. ناخدو فيها من الغوغل ونبعتو زعميتا احنا
-نرمين / ياغبارتى … ياحليلى من خوى اشرف كانا يسمع لما يقتلنى

-انفتح الباب / نوضو … تعالو يابنات
-البنات انخلعو / خيرك يا انتصار شن فى
-انتصار / عمىىىىى… عمى مختار دار حادث ومات

وطلعو البنات يجرو يتعايطو

_________________________________________

هادى مقدمه روايتى الجديدة “ابتزاز” ….
القصة حقيقيه ميه فالمية … صارت لى بنات اقارب من نفس العيلة .. من سكان طرابلس …القصة بدت فى قروب فيسبوك
.. وانتهت بي كارثة

الحلقة الاولى حتنزل يوم الخميس بأدن الله .. ديرو تاق لى صاحباتكم .. ولو تحبو تشاركو المنشور عادى

نحبببببببككككم

 

تقييم المستخدمون: 3.89 ( 4 أصوات)

1 2 3 4 5 6 7 8 9 10 11 12 13الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock