روايات كاملة
أخر الأخبار

الارهابية لا رحمه لا شفقة

جميع الحقوق محفوظة للكاتبة خلود شلابي

(المقدمة) الإرههابية لا رحمة لا شفقة

ويــجيك “مـــوقف” عـــمرك ما ريـــته حــتى فـــالحلم,,???

يـــاخدك من حـــياتك ومن روتــينك المـمل??

بــعد ســباتك الـــطويل ينوضــك?⌛

بــعد هــدوءك الـــقاتل بــضجيجه يـــصخبك ??

بــعد الــبرود اللي جــــاك ,, بـــنيرانه يــذوبك?

حــيحولك “الموقف هـذا” ⭕⚠️

إمــا لــشخص مـــنطوي ع نفسه خــايف ومـــهزوم?

أو لــشخص تــعلم من وجــعه و ألــمه وخلاهــم ســـبب لــقوّته القدّام??

بــــس في الـــحالتين

“الموقف هذا” حيقتل نظرتك البريئة ويمحي اللمعة ف عيونك??

الإرهابية لا رحمة لا شفقة

بـــــقـلـم :- خ ـــــــلود شــــــلابــي❤❤

تـــــنويه :-

روايتي هادي من نسج الخيال ومبنية على وقائع وقصص صايرة فطرابلس..

أبطال الرواية:-

اسمي إيمان نقرا تالت تانوي علمي,, كنت نسكن أنا وعيلتي ف عين زارة بس بعد أحداث الثورة خوي تعارك مع واحد صاحبه اسمه عبسي “عبد الستار” ,, كان ياكل ويشرب ويرقد ف مربوعتنا

إي يا حسرة عالصحبة ,,, ??

وكبرت المشكلة اللي احني منعرفوش شن سببها فالبداية ,, ومع الحلقات تو تعرفو قصة المشكلة(( بسس أكيد أي مشكلة كبيرة لازم يكون الموضوع فيه بنت))

تهجرنا وخسرنا حوشنا اللي حرقوه وإحنا فسطه بس حمد لله طلعنا منه و قريب مشينا فيها ومتنا محروقين..

وأرضنا وفلوسنا وذهبنا وقعدنا لا فوق ولا لوطى ,, متبهدلين وحالتنا حالة ,, بوي مرض لما انحرق الحوش من الدخان وبدي صدره تاعب ,, يبي عملية بأسرع وقت ,,وأمي كل يوم التالي,,

حصلنا حوش ايجار ف السّراج كان مبهدل بسس الحمد لله مهم سقف يلمنا ..

حولي خوي ملفي لمدرسة ثانوية قريبة شوي كانت مشوار ربع ساعة من شارعنا

وصح ف الأخير اعتبارنا رجعلنا وطلع خوي مظلوم فالقصة والجيران اعتذروا وأهل البنت!!

بسسس بعد شنو بعد ما خوي فقدناه !! كرهنا منطقتنا الأولى ومعش بينا نرجعو أصلا حوشنا يبي تهديم وبني م الأول ولجديد..

وقعدنا نحاولو ك عيلة نبدو حياتنا من الأول وجديد باديين من السالب

حنعرفكم ع اسماء عيلتي بالترتيب

بوي اسمه علي وعمره 61

أمي اسمها مريم وعمرها 56

وخوي المتوفي الكبير اسمه حاتم عمره 29 كان شرطي ,, وخوي التاني علاء عمره 26 يخدم في ورشة بش يصرف علينا

وبعده أنا إيمان عمري 17,, وعندي أخت أصغر مني اسمها منى عمرها 15 وخوي الأصغر اسمه ابراهيم عمره 12 سنة.. وجارنا صاحب خوي عبد الستار عمره 30 شاد كتيبة توا.. أماليه متبريين منه بعد المشكلة وبدي مقطوع من شجرة.. أما باقي الشخصيات ف حتعرفوها أثناء سرد الرواية.

…………

 

تقييم المستخدمون: 4.73 ( 2 أصوات)

1 2الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock