الجواز في مصر

فريق النشر
2020-02-18T11:17:13+02:00
منوعات
فريق النشر14 فبراير 2020آخر تحديث : منذ سنتين
الجواز في مصر

بقلم: أحمد محمد

السلام عليكم
الجواز مركب بشراع محتاج اتنين بيفكرو زي بعض نسخه من بعض عشان يبقو واحد ويقدرو يعومو بيه فمحيط الحياه الشاب والفتاه طول عمرهم زوار فمركب ابوهم وأمهم والجواز ده بدايه أن يبقي ليهم مركب خاص بيهم بيتحكمو فيه هما مش حد غيرهم رأيهم يبقي ليه لزمه ويتنفذ وهم بقي يحسنو مركبهم الصغير ويكبروه لحد ميخلوه سفينه كبيره تتحمل أي اعصار فالبحر مهما كانت شدته
الكل يسمع كلمه جواز ويتخض واللي يقول الكلمه دي الناس بتفتكرو مليونير حاليا وأغلب الشباب والبنات بقو مرعوبين من الكلمه دي عشان حلات الطلاق والانفصال والخلع اللي بنشوفها ونسمعها ……
طب ايه الحل سؤال حلو وجميل بس غلط ….
السؤال الصح ايه السبب ….
عشان نجاوب علي السؤال ده محتاجين نعرف التعارف والجواز بيتم ازاي .
اولا واحد عرف واحده فكليه فمدرسه فشغلها فالشارع شافها حد جابهاله اي كانت الطريقه متهمش اللي يهم اللي بعد كده

اولا بعد اخد قرار الارتباط الشاب ياخد عيلته ويروح لبيت العروسه حلو وتمام يبتدي الكلام سلامات واخبار الصحه والدنيا والحال .. طب بالنسبه للفرخه والديك اللي جنبهم دول ايه مش مهم المهم أن ابو العريس يتأكد أن ابو العروسه يبقي مناسب ليه كعيله ونسب وام العريس والعروسه يبقو مشغولين فتفقد الأحوال الاستراتيجيه المبدئيه لبعضهم دي بتتانعر منكسره اي كان طباعهم نعدي يبتدي الكلام
احنا جايين يحج نخطب بنتكم لابننا قولت ايه البت تعمل مكسوفه والود يمثل الادب والاخلاق وهو عامل زي البرص الجعان اصلا المهم ما علينا الاب يقول جملته المشهوره أنا اللي يهمني راحه بنتي وغيرو من الكلام المزوق وتنتهي بالموافقه وقرايه الفتحه وتلاقي البرص الجعان قاعد علي جنب حياكل بعينه السحليه اللي قاعده متقوقعه قدامه المهم يقرو الفاتحه وتمشي عيله العريس الاب والام الود شغال كويس ومرتبه حلو وعندو شقه او حياجرها المهم أنه حيجهز بسرعه مش حيركن والام كل اللي هممها أنه احسن من عريس بنت واحده فعيلتها أو من جيرانها ما علينا ….
اول غلط تم بنجاح ….. ايه الغلط بقي العلتين بصو علي الماديات والعيله والنسب ونسيو أن اللي حيتجوزو عيالهم يعني المفروض العلاقه تتبني عليهم مش علي ام المنظره فطبعا الاب مبيسالش العريس علي طباعه وتفكيرو وسلوكه والعروسه برضو أهل العريس مبيهتموش بالموضوع ده فيها ..
بعد كده العريس يقابل العروسه فبيت أهلها وبره بيت اهلها كلامهم كالتالي الاول أنا مش مصدق اني ربنا كرمني بيكي والعروسه زيه بعد كده يتطور البيت حنعمله كده وكده وبعدين الكلام يتطور لحاجه تانيه خالص بحبك وحشتيني متلبسيش الطقم دا تاني اصلو ديق لا راجل يعم البرص …وده تاني غلط بيتعمل العريس والعروسه المفروض تلت لقائات بتم مبنهم الاول العريس بيحكي للعروسه قصه حياته كلها من الالف لليه ويفهمها طباعه وسلوكه وطريقه تفكيره ويسبها تفكر اسبوع اللقاء التاني العروسه موافقه عليه أو فيه تحفظ أو في حاجه بتدايقها بتعرفهم وتفكر كويس حيناسبها ولا لا فبدايه اللقاء لو هي شايفه أنها تقدر تتعامل مع عيوبه وطريقته ومشحتضر منها تبتدئ تحميله هي قصه حياتها من البدايه لحد لحظتهم بسلوكها وتفكيرها وطبعها وتنبه عليه فاخر القاعده ايه اللي ممكن يخنقها منه ومتقدرش تتحمله منه فاسلوبه وتفكيرو وطبعه وتمشي بعدها يتفقو علي المعاد التالت وده الاتنين بيصارحو بعض ويتوفقو دي ممكن تتعدي بس دي صعبه ممكن نشوفلها حل ويتحاورو فكده ويظبطو دنياهم طبع وسلوك وتفكير اتوفقو مع بعض ولقيو حلول بيبلغو أهليهم بتكمله الموضوع لقيو أن في عقبه مينفعش تتعالج حتي مع الوقت لا هي حتتحملها لو فالولد أو هو لو فالبنت فبيبقو عارفين مينفعوش بعض …وعلي فكره انشالله تتم المقابله فصالون بيت العروسه مش مهم المكان المهم اللي يتقال .بعد كده يبقو يتغزلو برحتهم ويسهرو الليالي علي التلفون ميهمش المهم انهم وصلوا لأهم مضمون فالجواز أن الراجل والست بيبقو كيان واحد متجانس متناغم متفاهم ..
والاهل بقي بيبصو لحاجه تاني المفروض ازاي يخلو العروسين متهئئين نفسيا لفكره حياه جديده متوازنه ويخففو عليهم الضغط ويشيلو بعض إنما اللي بيحصل ابو العريس بيصر علي العفش والاجهزه ازاي ومنين وابو العروسه بيصر علي القائمه والمهر والشبكه والخطوبه تتعمل فين والفرح يتعملل ازاي والنيش لازم بتكتب فالقايمه بحزفيره اطقم اطباق اطقم شوك وكاسات بعد سنين من الركنه فالنيش بدون استعمال يالعيال بتكسرهم ييتركنو تحت السرير وفالاخر بتبقي حمل علي الأهل من الطرفين فحاجه ملهاش لزمه اصلا غير المندره والفشخره وربنا يستر علي عبيده
بعد الجواز تلاقي بقي البرص والسحليه بيتفاجئو بتصرفات بعض والتفكير وهو يخبي عنها حجات وهي تخبي عنه وهو يشكي لأهله وهي تشكي لأهلها والموضوع يكبر ويوصل لعك ما لا نهايه هي تتفاجئ وتتحمل وتظلم نفسها وتتحمل راجل مينسبهاش اصلا كده حرام وهو برضو ممكن يكون كده وعايش ظالم نفسه واكتر قعدته بره البيت وتلاقي الاتنين غاضبين علي نفسهم وعاصرين لمونه عشان المنظر برضو لو منفصلوش وتبقي حياه نكد وهم وغم ولو شطت منهم ومتحملوش بيحصل طلاق وخلع ومحاكم وهبل ملوش نهاي…
ده غير بقي الجواز اللي بيتم علي اساس الشكل والوجهه الاجتماعيه وبيع البنات عشان الفلوس اللي مع العريس واهلها فاكرين أنهم كده بيكرمو بنتهم دنتو بيعنها اقل من بيعت الجواري ومبيتعلموش برضو …… ولسه في كتير وكتير وكتير
وللحديث بقيه

رابط مختصر

رأيك يهمنا

error: Content is protected !!