روايات كاملة

المتدين والشيطانة للكاتبة القطة الشريرة

جميع الحقوق محفوظة للكاتبة

[box type=”success” align=”” class=”” width=””]المتدين والشيطانة للكاتبة القطة الشريرة[/box]

 

المتدين والشيطانة المقدمه

بقلم.. القطة الشريرة

بعدووووو عني بنشنق روحي بالتوكا متع شعر ميمي انا فتحية فتح الله كنت ف عرس بنت مواليد ال2000 اااااه ياكبدي شن تراجو أرفعوني لدار العجزة والى يقهر السنافر الى معاها يقولولي عقبالك ااااحححييه ياأبو سوسو

ميمي خالتي خيرك تقولي هكي

انا بعدوها من قدامي كانى متزوجه راهو اليوم متهنية ع بنتي والناس تباركلي

حميدة(أختي) ياروحي عليك الله غالب ياوخيتي مزال ماجاء نصيبك

انا بالله أسكتي الله غالب ع المحبوس وخيره مزال ماجاء راكب ع ظهر حمار ولاراكب ع ظهر سلحافة وإنتو مزال وحده تخليلي فرخ من فروخها تشوف اااه ياقهرتي

مسعوده(أمي) تي أسكتي يافرخه بوك يسمع فيك

انا ياماما عطيني مرويد الكحل متاعك والرداء خلي نمشي لدار العجزة بالك نحصل شيباني غادي لكن يام المقروض متعهم مش عادي ومدايرين فروبيه
يهبل

ماما عقبالك يابنتي

انا معاش حد يقولي عقبالك العتبه كلها ف الكلمه هدي

حميده ههههه عليك حالة إنتي

انا حاشيه صبعي ف الطاسة ونلحس ف الكابتشينو حالة وتس

سعاد اااخ ياولدي وين كنت وكيف وليت خاش ف حاجة مش ليك بكل

ياسين .. أستغفر الله العظيم أنا ربي هداني والحمد لله

سعاد.. بس الدين يسر مش عسر وانت متشدد هلبا حتى كلامك متغير

ياسين أرجوكي ياأمي لاتتكلمي معي هكذا

سعاد ربي يهدي

أنا مكسده ع النت وندور ف قروبات زواج وتعارف ليبيا ع أمل نلقى مقصوف الرقبه شكله شدت يوخيتي ع العسل

محمد..أهلين

انا .. جو الوهميات هاي يعني انتي بديري روحك عندك لغه ليش هاي اكتبي hi أسهل وأكيت

محمد .. شن أخبارك ياحلوة

انا .. تمام وانت

محمد.. دوم ياعسل

انا..بدا ف جو الوهميين

تبي تعرفيه وهمي ساهلة نعطيك شرح مبسط ع الفرخ الوهمي

أولآ يكثرلك من كلمه عسولة ألبي حلوة

ايميله معبي صوره لكن بالنظارة الشمسية ع أساس شخصية وتلقيه كاتب ع ايميله حك تنحك والقطاف الزايد هذا وتلقيه يحكي ف كل شي وفاهم كل شي ويتفلسف هلبا وعلى اساس مايحب البنات ومداير إخفاء للأصدقاء

محمد اوصفيلي شكلك

انا ..زوز عيون وخشم وفم وزوز ودان وشعر وايدين ورجلين .

محمد تتبردي

انا لا انت قتلي أوصفيلي شكلك

محمد باهي شن لابسة

انا بتلبس زيني

محمد بري يا……. ودارلي حظر

انا حيوان واحد

نعرفكم بروحي

انا فتحية مواليد92 متخرجة ونخدم ممرضة قصيرة وبيضة وعيوني عشبيات شعري طويل المتوسطه ف البنات نحنا اربعه بنات وخمسة ولاد وكلهم متزوجين الا انا وخويا أصغر مني

كانت حياتي أكثر من مملة ضمان غسيل تطييب شدان مفرخ يعني شبه متزوجه ناقصني الراجل بس

أنا .. الو حميدة شن الأخبار

حميدة.. أهلين حبها

انا .. شن هما الوراق الى درتوهم قبل الزواج

حميدة .. شن تبي فيهم ولا وصل عريس الغفلة

أنا.. لقيت روحي مكسدة قلت نديرهم بالوسع

حميدة …ههههه أسمعي انا بنجيكم بعد شوي توا نحكو

انا جيبي معاك فلوس لإنى بنطلع للمحلات جايبين أرواب نوم ماتفهمي شي بنمشي نجيب منهم لقوزي

حميدة ..ربي يهديك وخلاص

انا.. غير تعالي بسرعه

ياسين ..أستغفر الله العظيم وأتوب إليه بسم الله توكلت ع الله

حميدة .. خلي نسلم ع أمي

انا .. أمكم كارهة خلايقكم اربعة وعشرين ساعة وإنتو لاصقين فينا ماتقول عاطينكم لرجالة

حميدة..خزي عليك

أنا .. اهوا تاكسي تعالي أركبي وفتحت الباب السلام عليكم

ياسين .. راسه ف الأرض وعليكم السلام

انا.. هيا حميدة أركبي انتى وبنتك

ياسين .. أستغفر الله العظيم لو سمحتي ياأختاه انا لا أصطحب النساء من غير محرم

انا من قال صاحبنا نحنا نبوك توصلنا ونعطوك فلوسك وتمت

ياسين لو سمحتي ياأختاه انا لاأتحدث الى النساء فلاداعيا للإحراج

انا ياأخ العرب هلا اوصلتنا الى السوق نشتري بعض الحاجيات انت تصور ف مسلسل الرسالة ولاشن ياخوي انت تكسس مش صح معناها انت دير عملك وخلاص

ياسين .. ياأختاه أرجوكي لاتجدليني وإدهبي الى أحد أخر

انا لاأحد لاسبت انا التاكسي هذا عجبني وبنركب

ياسين أستغفر الله العظيم وأتوب إليه

حميدة..هيا يافتحية عيب خلي الراجل ف حاله

أنا ..لا نبي نركب معاه ويوصلنا

ياسين .. ياأختي إتقي الله ف نفسك وإدهبي الى أحد أخر

انا ..الأحد عطله انت ليش تكثر ف الكلام وبعدين نحنا مش بروحنا معانا عويل صغار

ياسين .. أفوض أمري الى الله

انا .. صفي النية ياخوي ووصلنا

ياسين .. ربي يهديك ويصلح حالك إركبو

أنا ايواه المفروض هكي من الأول مش فاتحلي ترجمه لفيلم أجنبي اختاه وإدهبي

حميدة .. شدي فمك وأسكتي مرات يطلع إرهابي ماتشوفي ف لحيته ومنظره

أنا شوفي عيونه يهبلو مالا ليش قعدت شادة نبي نركب معاه غير ركزي ف ملامحه طرف أغبر ياخيتي

ياسين .. يشوف للمرايا يلقاني نشوفله ينزل عيونه ويقعد يستغفر

أنا .. ااااخ ع جمال عيونك

يتبع

زي العادة رأيكم يهمني نكمل ولانوقف

1 2 3 4 5 6 7 8 9 10 11 12 13الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock