روايات كاملة

بنات ابليس للكاتبة اروى الطاهر المسلاتي (بنووتة الشيخ)

جميع الحقوق محقوظة للكاتبة

بنات ابليس للكاتبة اروى الطاهر المسلاتي (بنووتة الشيخ)

بنات ابليس للكاتبة اروى الطاهر المسلاتي (بنووتة الشيخ)

#بنات_إبليس 1 (مقدمه)

وسط ممر الحبس كل السجينات يشوفولي بطريقه مرعبه !!كأني عدوتهم رغم اني اول مره نجي للمكان هاذا بس عادي المصحه النفسيه يلي نشتغل فيها علمتني كل شي …مشيت بي ثقه لعند نهاية الممر وقفت وفتحولي الزنزانه …خذيت نفس عميق وخشيت بي اصرار.

الدكتوره:حطت الكراسه والقلم ع الطاوله الموجوده وقعمزت علي الكرسي …شنو ياحلوه رح تحكيلي قصتك زي ماتفاهمنا امس صح؟
البنت:تلفتت وعلامات الشحوب علي وجها من التعب والارهاق لون جلدها متغير كأنها انسانه ميته وناضت حيه!!…بصوت هادي تكلمت …اي قصه؟
الدكتوره:لاعاااد مترجعيش في كلامك امس تفاهمنا تحكيلي قصتك ولا؟
البنت:نحنا بنات ابليس..قصصنا هلبا اي وحده تبي؟
الدكتوره:كلهم عطيني من نقطة الصفر واحكي كل شي
البنت:قامت راسها وباعدت شعرها المبلول من علي عيونها…شن بديري بي قصصنا؟
الدكتوره:نحاول نساعدك مثلا مرات انتي مضلومه
البنت:ضحكت…ههههه اي ضلم !؟انا اسوء وحده ممكن تتخيليها فيهم!
الدكتوره:ابتسمت تحاول تخليها ترتاح….به احكيلي وانا نحكم
البنت:بلعت ريقها وتحرك في يديها بتوتر
الدكتوره:هي شنو ؟
البنت:خذت نفس وبدت تحكي بصوت واطي …طول عمري منحبش الدم وعندي منه فوبيااا ..لسبب هاذا قتلتها بدون ماتحس علي روحها وبدون فطرة دم وحده
الدكتوره:ليش قتلتيها!؟شن دارتلك
البنت:قامت راسها وكانت نضرتها حاده🔥…مش شرط تكون مدايرتلي شي
الدكتوره:استني استني …احكيلي من البدايه متقوليليش السبب طول
البنت:ابتسمت ابتسامه غريبه وبدت تحكي

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

نعمات:غير زيدي كلمي راجلك يخليك تباتي حتى الجمعه يلي فاتت روحً بيك
شيماء:تسلم علي امها …والله منقدر جنى غضوا عندها مراجعه
نعمات:باست جنى ….نجيها الغزاله ياربي
شيماء:هي بسلامه تصبحو ع خير
زهره:طلعت معاها…هاك القرفه مش من بكري تنقي ع راسي
شيماء:خذت منها…اي والله الدوره مقطعتني نجيها وخيتي ❤️
زهره:تعالي ونبي غضوا وجيبي بنيتي حبيبتي ..جمالها ياكبدي زي خالتها 🤤❤️وكان متبيش تجينا انا نجيك احم احم
شيماء:ههههه بتجيني انا ولا لي سلفي يابارده
زهره:اششش متحكيش علي حبيبي بالك تتعبي من الدوره غضوا وتبيني حاجه نديرهالك😅
شيماء:لا ياحنى خليك مع امي منبي منك شي
زهره:دراه كبد يالله اقلبي وجهك لي راجلك 😒
شيماء:طلعت وهيا تضحك ❤️
زهره:اشرتلها بيدها ..باي وسكرت الباب

____________________

في الطريق:—
محمد:وراس اغلا شي عندك قبل ما تركبي اقعدي تعشي لوطا مع خواتي وامي
شيماء:اي ويقعدو كل شويه يلقحو عليا في كلام تعرفني منتحملش محمد
محمد:تنهد بصوت واطي…كان ركبتي طول بيقولو عليك قليلة اصل مخشيتيش سلمتي شيماء علي خاطري خشي حتى5دقايق
شيماء:منبيش منبيش منبيش خلاص سكر عليا الموضوع درهتلي كبدي
محمد:درس السياره وعصب عليها…انتي شكلك متمشيش بي الكلمه الطيبه ورحمة امي متخشيش لوطه تتعشي وتتحركي زيك زي نساوين خوتي تشوفي شن بيصير يا شيماء وجربي
شيماء:نزلت من السياره تخبط وخشت لي حوش العيله وعلامات وجها وااضح خاشه بسيف!!

ام محمد:كيف حالهم اماليك
شيماء:يشكرو ربي 😒
منال(سلفتها):خيرك ياسلفتي كأنه فيك شي ولا حميده الغالي مكشخ عليك
شيماء:محمد مدلعني غير شن تبي بس انتي يلي معين كل يوم مرقدك بي طريحه وصوتكم واصل اخر الشارع
منال:شافت لي عزوزتها
ام محمد:هي ترا انتي وياها كان بتقعدو هكي كل وحده تركب لي حوشها انا مرا كبيره ومعش نتحمل
سلمى(حماتها):وجوه الشر ماعمرها خشت علينا بي حاجه باهيه
شيماء:تجاهلتها وكملت هدرزه مع سلفتها الثانيه (ليلى)
سلمى:غمزت لي بنت منال…سلم بنت خوي نوضي جيبي القهوا
رتاج:به حاضر…وناضت جابت القهوا جت بتفرق لاكن خذتها سلمى
سلمى:هاتي سلم بنتي….بدت تفرق عليهم وخلت شيماء اخر وحده
شيماء:خذت القهوا تشرب ومتجاهلتهم عشان المشاكل اما منال ابتسمت لي سلمى بهدوء !!

__________________

محمد:مقعمز جنب خوته يهدرز بنته في حجره ❤️وضميره يأنب فيه لان كشخ علي شيماء !!
صح ديما امه وخواته لازم يضايقوها بس في نفس الوقت ميبيش امه تغضب عليه او شيماء تقاطع العيله !!
شيماء:طلعت من حوش العيله وقفت ع المربوعه…كيف الحال معين
معين:الحمد الله تمام يبارك فيك
شيماء:انا راكبه محمد
محمد:اهو جاي حتى انا
شيماء:تمام …وركبت حوشها

غسلت وجها كانت حاسه بي شي غريب بس مدورتش ممكن من اعراض الدوره مثلا!
لبست قفطان نوم وحطت شوي بارفان بالك يخليها تصحصح
محمد:ماسك بنته في يده وورده في يده التانيه
شيماء:ابتسمت
محمد:عطاها الورده وباسها علي راسها….سامحيني عارف عصبت عليك
شيماء:خذتها ومدارتش ردت فعل…فيك الخير والله
محمد:حط بنته ع السرير وكانت نعسانه هلبا …
شيماء:سكر الضي محمد تاعبه نحس في روحي بنرقد
محمد:سكر الضي وطلع برا الدار يدخن …احيانا يضايق من تصرفاتها معاه !!يعني هوا يقدر فيها ويستسمح منها بطريقه رومنسيه لما يبدا غالط!!
بس هيا جااافه لدرجه مش طبيعيه معاه وديمه كلامها حار!…بس مع هاذا تقعد غاليه عليه وام بنته❤️…كمل دخانه ورجع غرفة باس جنى ع راسها ورقد جنب مرته يلي عطاته بضهر !

________________

معاذ:تي هيا الزح استاحشتك امتى بتجي حوش اختك
زهره:مزااال زيد استاحشني 😊😊
معاذ:بديتي ادرهيلي في كبدي ره يافرخه
زهره:اصلا عادي المهم زيد استاحشني
معاذ:كلها شهور ونجي نخطبك بعدين وريني كيف بتهربي مني به!
زهره:بعدين سااهل المهم توا خليني ندلل براحتي😌
معاذ:اخخخ منك بس قداش نحبك
زهره:مش اكتر مني 😙

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ثاني يوم:-🌤🌤

محمد:فتح عيونه علي صوت بنته تبكي بصوت عالي…استغرب في شيماء كيف راقده عادي وبنتها تبكي …ناض مسك بنته يلي كان وجها احمر من العياط يحاول يهديها وعيونه شبه مسكرات …وقف جنب شيماء وينوض فيها
محمد:شيمااء شيمااء نوضي لبنتك
شيماء:مفيش اي حركه
محمد:زاد حركها بقوه وصوته عالي…تي نووضي ياشيماء
شيماء:فاشله بدون اي حركه وهنايا محمد عرف ان في شي مش طبيعي !…حط بنته ع السرير وكانت مستمره في العياط
قرب من شيماء ويفيق فيها…شيماء شيماء حبيبتي نوضي !!شيماء بنتك تبكي
شيماء:……
محمد:حط صبعه علي يدها مفيش نبض!!!…وكان جسمها بااارد
ملامح وجه محمد تغيرت وبدي يرجف مش مستوعب يطبطب علي وجها….شيماء نووضي بالله نوضي بنتك تبيك شيماء….ناض بخطوات متعثره وسط عياط بنته جاب اميه ويديه يرجفو مسح علي وجه شيماء ومفيش فايده كان جسمها بارد وفي عالم تانيه
محمد:خذي بنته وخش في حاله هستيريه !!..عيونه دموع بس رافض فكرة ان مرته توفت💔…يتبع

قصتنا قاعده مبدتش مزال في قصص ناس تانيه وشخصيات جديده وغريبه بتطلع السؤال هوا تبوني نكملها؟وروني التفاعل!

تقييم المستخدمون: 4.22 ( 65 أصوات)

1 2 3 4 5 6 7 8الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock