روايات كاملة

بين نبضين للكاتبة خلود شلابي

جميع الحقوق محفوظة للكاتبة

بين نبضين للكاتبة خلود شلابي

الحلقات الاولي

رواية بين نبضين للكاتبة خلود شلابي

#بين_نبضين 💔 حلقة 8

ماما / الساعة 9 فالليل وبوك قاعد ما روّحش مع الراجل شوووفيه يا أسيل 🥺💔
أني/ تو نعاود نتصل بيه هي 📲📲📲 مفيش رد ،، مرة واتنين وعشرة .. لين رد علينا واحد
راجل/ الو السلام عليكم
أني/ عليكم السلام من معاي نبي بابا..
الراجل/ بوك مداير حادث توا فالمستشفى يابنتي💔
أني/ أما مستشفى 😱
الراجل/ مستشفى الحوادث 💔
أني/ لحظة نكلم خوي يتواصل معاك 😭😭
جي زياد واتصل بالراجل 📲 ليلة تامة أني وامي وسارة وميار ومديحة وميسون وهبة ساهرين نراجو ف خبر على بابا .. وعمي وزياد وفراس وعصام فالمستشفى
معز📲/ كيف حاله عمي عبد الله 💔
أني/ دخلوه للعناية .. خايفة عليه بنموت 😭😭
معز/ نوضي أسولة صلي ركعتين واقري مصحف..
أني/ نحس ف روحي فاشلة بنموت 😭😭
قعد معز يلح عليا وحلفلي إن أنوض نصلي ركعتين ونقرا مصحف .. ومسيبنيش بكككل ديما كل ما يصيرلي موضوع يقولي نوضي صلّي وادعي .. 😍
معز/ خلاص حاولي ترتاحي اني اتصلت بزياد وغدوة نازل لطرابلس 😘
أني/ توصل بالسلامة
________________________________________
تاني يوم العيلة كلها عندنا عماتي الزوز وخوالي وريهام جت من الجبل هيا ونبيل وامه عليا وسمر (اهل سارة) وجت عمتي سلوى ومعاهم أيات وقامو بالواجب
الحمد لله بابا مدمدم واصابات خفيفة بس الراجل اللي معاه يسوق صارله كسور الضربة متع الحادث جت من تالاه 💔
سلوى وعليا وامي ومديحة يهدرزو
هنية ناضت تساعد فيا فالمطبخ ما أكيتها تهببل الفرخة تشبهله هلبااا تحكيلي كيف معز يفدد فاها مرات😂 وقعدت نعطي فاها ف دروس خصوصية ع كيد النساء 😂
أيات/ هادي تطييرة عين قبل عرسك🤪
أني/ الحمد لله .. اسمعي ايوتة مرت خالي تسأل عليك شكلك عاجبتاها😉😉
أيات/ تم موافقة 😂😂
سارة/ غر شوفي شروطه ،، عقليته 😅 تفكيره 🙄 شن تم متعك هيااااا 😁
أيات/ كان يسكن فطرابلس خلاص تم ،، ياسر خليتيني يا قردة بروحي فالمستشفى غاديكا 🥺 ع الاقل نبدو بحدا بعض 🤪
أني/ بجديات نحكي راهو.. ولد خالي اسمه مالك ماشاء الله عليه ويخدم مع زياد 😁 يعني زوز صحبات مع زوز صحاب 😁🤪 من زيك يا معفنة ههههه
سارة/ شنو قلتي موافقة ولا موافقة هههههه
أيات/ وشن شروطه راهو اني نبي نخدم ..
أني/ ايييه ايييييه أكيد عاد دكتورة وبيبطلك 😁 خلاص شوفي امك وبوك ومرت خالي بعتالي بتكلمك وتفاهمو بيناتكم
أيات/ نتحشم 😣
سارة/ تو نجو نقعمز بحداك شن بنخلوك بروحك 😁
،
،
خشيت لغرفة الضيوف التانية سلمت على معز
معز/ خيره وجهك أصفر 😣 خلاص أسولة بوك بخير الحمد لله
أني/ الحمد لله أمس والله ما رقدت كويس
معز/ عين وطارت 😘
أني/ الحمد لله يا ربي..
معز/ قولي لأمي هيا خن نتسقدو الطريق طويلة
أني/ حبيبي
معز/ عيونه
أني/ أني نحلم ولاه
معز/ لالا حبيبتي متحلميش😉 ، أني قدامك وف حوشكم وعرسنا قريب أهو
أني نشبحله وهايمة🤤😍 ،، حركاته وبراءته وكلامه ونظرته ليا تقتل فيا بالعرق 🤞 يشبحلي ويطلّع ف لسانه ويغمز 🤪🤪
معز/ هيييي وين سارحة 😉
أني/ فيك 🤤🤤
معز/ بري خشي خير ما نخطفك توا
أني/ اخطفني ،، خلاص معش نقدر نقعد بعيدة عليك🥺
معز/ يلا ناديلي امي 😉
،
،
روحو عرب الجبل ،، ومرت خالي وبناتها عجبتهم أيات
______________________________________
هاجر/ بنمشي للمراء بندير حجامة
اسماء/ بري مع هديل منه تزيد تشوف
هاجر/ لالا بنمشي لوحدة تانية مانيش معطلة
أسماء/ باهي المهم راجلك عنده علم ..
هاجر/ يا سلام
اتصلت هاجر ب الشيخة زينب/ الو شيخة ،، ايييه ايييه جاية عالموعد ان شاء الله
،
،
،
خشت للغرفة/ السلام عليكم شيخة
شيخة زينب/ عليكم السلام تفضلي ،، تعالي قعمزي هي
قربت هاجر منها ..
زينب/ توا بنلود عليك دحية .. وبنشوفو كان فيك عوينة تتنحى قبل..
هي أني نلود عليك سبعة مرات ونجيبهالك انفخي علاها💨📿
هاجر/ اييه اييييه نعرفها
،
،
زينب/ مدي يديك الزوز.. وناضت تكشفلها
استغفر الله استغفر الله 😱
هاجر / خيرك 😥
زينب/ انتي عندك وعندك وخواتك هكي وهكي وبوك وامك ميتين وصارلك وجرالك وانتي راجلك مش متفاهمة معاه وديما مشاكل بيناتكم و انتي متخطية حاجة قبل كان جايك موضوع وتعرقل …. المهم حطتهولها كداس قدامها لين اقتنعت هاجر بالمشعوذة
زينب/ أني عندي كل الحلول تفضلي شن تبي ..
هاجر/ نبي نتحكم ف راجلي ..
زينب/ راهو يكلف 💰💴
هاجر/ يعني تقدري اديريه؟
زينب/ مالا شنو والحمد لله 😏
هاجر/ وشن الحاجات المطلوبة مني..
زينب/ (( …..أبرا كدابرا 😂……..))
هاجر/ تمام
زينب/ خودي هادو ديما بخري بيهم وقت المغرب لحوشك كويسات
هاجر/ بارك الله فيك يا شيخة
👇
👇
بالنسبة لحياة هاجر 🔥🔥 طاحت ف سامي عصبي وغيور هلباااااا وواعر ،، وبحكم سمع بعلاقتها قبل مع ولد عمتها معز ف هذا علاش ميبيش يخلاها تبات عند أهلها الا لما يكون هوا موجود معاها،، مركبها الشك حتى ف أبسط شيء يقوللها انتي تبي تقعدي بش تشوفيه،، وكان نندري عليك تكلمي فولد عمتك راهو مخديتكش 😭💔💔 .. وكانت بالخمار واللبس الشرعي بس بعد ما بدت تتعامل مع زينب رخالها الحبال 🔥🔥🔥 مش نبررللها بس سامي مقدرش يحتويها ويريحها وزادها هم على هم ف يمكن هذا علاش اضطرت تسحره 🔥💔
_________________________________
ام سامي/ مرتك معش قعدت ف حوشك بككل ديما وهيا فالجبل 😤
سامي ناض يكشخ على أمه/ والله أني راجلها وحر فاها
وطلع وقربع الباب وراه
اخته/ نحس فيه خوي مش طبيعي بككل ،، معقولة من خمار وعباية بدت تطلع بلبسات وحاكمة فيه بالصفارة وغر شن تبي🤔 اللي قبل كله لاااااا
امه/ جيل هذا كلام بسس .. دوة من غير فعل
___________________________________
العويلة فالسيارة قعدين فالطريق
أيات/ اييه وحصلت عريس ولد خال خطيبتك
معز/ اشششيه اشششششيه باهي اللي بنفتكو منك 😁
أيات/ شكلي أني اللي بنفتك منك يا وجه النحس .. راك تعقل امس بنت الجيران قتلي يعاكس فيا
معز/ غر ردي بالك تعاوداها لأسيل 😂
سلوى/ أرزن متحشمناش مع البرانية ياسر بنت خالك حرقتلها كبدها 😒
معز/ نبصرو يما شن بجديات بنكلم بنت جيرانهم وغمز لأيات 😉
أيات/ إيه قوليله مرت عمي يرزن على الأقل لين نتم موضوعي وبعتالي اقلبها على راسك😂😂
معز/ صار مصلحة مش على خاطر أسيل .. 🤪😁
ترررن تررررن 📲📞
أيات/ رد
معز/ خليه مالك وماله
كان رقم غريب
ترررن تررررن 📲📞
أيات/ رد روسنا انتفخو😑
معز/ الو سولتي ،، ايه كيف بنوصلو ..تسلمي بارك الله فيك 😊
أيات/ كان عندك جنيه رصيد حوّلي
معز/ هاكي حولي نسوق تشوفي فيا 😑
أيات خدت موبايله وتفاجئت ب رسايله مع هاجر 😱
،
،
هاجر/ وينه هذا ميردش 😤
،
،
روحو العويلة
معز/ قتلك معش تتصلي بيا ف أي وقت ولاه 💔
هاجر/ هكي مستاحشاتك وجيت ف خاطري .. شن امتى ما تبي تتصل انت تكلمني وامتى متبيش تنقلب 😒
معز/ خلاص.. توا اني عرسي قريب وأسيل بدت تلاحظ ف مكالماتي
هاجر/ حبيبي ارجوك .. خليني نتطلق وناخدو بعض😥 مزال عندنا وقت نتراجعو على كل شيء
معز/ الناس برانية معش نقدر نوخر التالي..
هاجر/ بعد شني ااااه .. قصدك هكي نتلاقو وعلاقتنا توا مدايرها نزوة انت؟ 🥺
معز/ مستحيل نقولك اطّلقي منبيش حد يجبدك ع لسانه .. هذا نصيبنا شن بدّيري هي نصيبك يجيك و اجلك تمشيله 🔥
هاجر/ بس انت قلت انك تحبني 😭😭 خليتني يا حقير نجيك لحوشك
معز/ بديتي تغلطي يا هاجر.. لان اني ووياك نحبو بعض .. اني مهما كان منرضى فيك شيء .. انتي متزوجة توا ،،
هاجر/ وعلاش لما تتلاقى معاي بالسر مش متزوجة كنت !!🤨 اصلا انتو هكي الليبيين تفكيركم خامر بالذات مع المدامات🤢🤮
معز قرب منها وحضنها / اهدي تو نفهمك
هاجر/ بعد عليا يا حقير 😭
معز/ البنت منقدرش نسيبها خيرررك 😭
هاجر قعدت تشوفله .. وسكتت 🔥🔥 سيوورك حتندم يا معز 😭😭 مشت وخلاته
_______________________________________
طق طق طق 🚪🚪🚪
مشيت فتحت الباب أهلين تفضلي
،
،
،
قعمزت كريمة أم سيف وقعدت تهدرز مع أمي
جيت وقدمتلها عصير سموثي وشكلاتة
كريمة/ ديما يحكيلي عليك سيف ،، كان يبي يخطبك قبل متنخطبي.. قتله نصيب يا ولدي
نجاة/ نصيب الله غالب
اني/ ربي يبعتله بنت الحلال يا ربي ..
كريمة/ المهم بوك بخير والحمد لله
اني/ الحمد لله صحيتي ع نشدتك وتعبك 😍
كريمة/ سلمك ي غَزَيْلة
،
،
،
،
سيف/ امي عجبتاها قتلي اخطفها ريتي امي كيف تحرض فيا 😂😂
أني/ تهببل امك ماشاء الله عليها 😘
سيف/ تعرفي كان تسيبيه وربّي الا ما نجي نتم فيك طول
أني/ عرسي بعد أسبوعين يا سيف حتى بديت نشري فالحاجات وحجزت 💔💔
سيف/ مش عارف علاش احساسي يقوللي انك حتكوني ليا
أني/ بجد إنت رااااجل مفيش منك يا سيف ،، حتى قدام خطيبي إنت راجل بكل شيء فيك،، لكن النصيب 🔥🔥 جيتني ف توقيت غلط واني منبيش نعشمه فجرتي ..
سيف/ حنراجيك لآخر العمر لين تحملي وتجيبي بنت وتكبر بنتك وناخدها
أهني انغص قلبي ،، أي بنت وهوا عقيم ميجيبش 💔
أني/ هيّا ليك 😂
سيف/ بشرط 😉
اني/ شنو 😁
سيف/ نباها نسخة منك ف كل شيء
اني/ انت والحظ يا تطلع تشبهلي يا لبوها 😂😂
سيف/ كان بتطلع لبوها شداها عندك متلزمنيش هههه
_______________________________________
هاجر/ هاكا حميدة
احمد خو سامي/ صحيتي هجورة 😊
هاجر/ شن رأيك فالقهوة 😉
أحمد / مليحة عالكيف
هاجر/ زيدي عمتي خودي مقروض
ام سامي / صحيتي يا بنتي
طق طق طق 🚪🚪🚪
مشى أحمد يفتح فالباب
خش عليهم وجهه أسود
ام سامي/ خيرك شن فيه؟
،
،
،
،
،
سوسن/ سلامة راسك ف راجلك يا وخيتي 😭😭💔
هاجر/🥺 💔
.
.
سامي دار حادث قوي .. فات العزاء وهاجر أنبها ضميرها على راجلها،،
قالتلها عزوزتها تبي تربطي ف حوشك عادي وإنّ حتقعد معاها زي بنتها .. واحمد قال بعد ما اتم عدتها يتقدملها بسس هاجر رفضت وقالت مناخدش خوه رغم انه قبل تمنت ان احمد هوا اللي خداها لانه حنون وكويس وعمامها رفضو تقعد وروحو باها لحوش أهلها 💔
،
،
سلوى/ بصراحة يا نجاة منقدرش ندير العرس وبنت خوي يا ناري راجلها توفى 💔😭
نجاة/ المشكلة ان البنت حجزت ف كل شيء..
سلوى/ حاولو تكلموهم بلكي يوخرولكم فالحجز أني عرس ولدي الأول نبي نفرح بيه ..
،،
أسيل رقالها هلبااااا 😭😭 علاش ديما أموري متعرقلة مع معز اااه😭💔 علاش ديما فيه شيء متعرقل علاااااش .. تي شن دخلي ببنت خاله مبعدها الزفت 😤
معز/ خلاص وسعي بالك امي متغششة على بنت خوها وشن عرس وحالة وفاة متحسيش انتي 😕
أسيل/ 🥺🥺😤😤 حست بشعور غلط بس كتمت فقلبها🔥🔥
،
،
،
،
سيف/ يلاّ وسعي بالك ، كله مكتوب
أسيل/ معقولة بنراجي شهرين 😤😤
سيف / كل تأخيرة وفاها خيرة ان شاء الله 😊 ع الأقل تقعدي تكلميني وانتي مستعجلة شكلك معش تبّي تسمعي صوتي 😂😂
أسيل/ ههههه هههه فالح اني نخطط لشيء وانت فبالك شيء تاني..
سيف قدر يتقرب من أسيل ومن عيلتها .. وامه كريمة بدت تواصل ف نجاة والعكس
،
،
،
هاجر/ متضايقة يا معز خيرني أي حاجة ليا نفقدها واتضيع منّي 😤
معز/ مكتوب هجورة 💔
معز بدا يكلم ف هاجر وواقف معاها ،، وهاجر فرحانة باهتمامه ومررررة مررررة يتلاقو ف حوشه بالسر🔥🔥 لدرجة معز أجّل عرسه لين ترمي عدتها ع خاطرها وتعارك مع أسيل عررركة لين قريب سيبو 🔥
وهاجر ناوياته تبي تقهره وتبي تقهر أسيل ،، وناوية تجيبه برضاه ولا بالقوّة 🔥🔥
،
،
،
**ايات خطبوها لمالك وتمو فاها وبدو يحبو فبعض 🤤😍
**ريهام جابت بنوتة سمتها رواسي ونبيل فرحان بيها 😍
،
،
،
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

أسيل هيّا ومعز متلاقيين ف حوش نبيل .. (نبيل بيصالحهم)
اني / هاكا دبلتك معش تلزمني😒
معز/ تعرفي متسكريش فمّك تشوفي شن ندير فيك😡
اني/ شني اللي مدرتاش انت ااااه،، شن خليت انت🥺 💔
معز قرب منها وقعد يتنفس بقوة،، قاعد موسع بالي معاك ،، دلع البنات فكيني منه
اني/ بش تفهم يا مخلوق أني معش نبيك 😭 خليني فحالي برا لبنت خالك اللي أجلته ع خاطرها ،، من شهرين قالت أمك اصبحت ف 4 شهور و20 يوم 😡
معز/ كاني نباها راهو خديتها هيّا،.
اني/ به أني منبيكش .. زيد عليا غادي وطلعت وخليته مسكني من يدي قريب كسرهالي .. ااااي اااااي يدي
معز/ تعرفي غر جيتي أسيل كان وحدة تانية راه كسرتهالك وقتلتك 😡😡
أني/ خليني 😭
معز/ نموت ولا نخليك حوّل من عليا 😭😭 طلعت مسكني ولصّقني عالحيط .. عضني من خدّي بالقوة وباسني ع خدي .. أني ضربته كف ..
معز/ نستاهل الضرب أصلا 😍🤤
اني/ هذا باش فالح 😒😡
معز/ هاتي بوسة فيسع
اني/ لما تقرا عليا الفاتحة بعتالي قرّب مني .. غر هكي ولا تحلم تاخد ربع بوسة 😡
معز/ أصلا نبي الحلال معاك
اني/ غر أني مش فاتحتلك المجال 😒😑
معز/ معقولة هكي تشوفيني وميتحرك فيك شيء 😉
اني/ ماهو واضح من تأجيلك فالعرس
معز/ اهو هانت قوللي باهي 😉😉
أني/ انلا 😒
نزل معز ع ركبته ومسك يدها/ تتزوجيني حبيبتي ؟
شفت لعيونه واصراره على انه يرضيني .. 🔥🔥 يموت أبصر منو تأجله تاني الا ما نسيبك 😤
معز/ باهي شنو موافقة ولا لا 😉😉
أني/ أممممم 🙄🙄
معز/ بنموت ف اممممم 😍🤤 تعبت منها
أني/ خيرك مولّي صايع 😁
معز/ مريتي شيء من صياعتي 😉😉 غر نحصل عليك بسس 🤤😍
أني ضحكت باه موافقة 😏🙄

__________________《♡》________________

فات الوقت بسرعة والجري من يمينه ويساره
نزار/هيا عطّلتو
أسماء / هي لحظة نلبس عبايتي وطالعين
،
،
هاجر تلبس فعبايتها.. والدمعة ع خدها..
هديل/ مصحك كيف ماشية توا الأنظار كلها عليك ..
سوسن/ بالعكس كان متمشيش بيقولو غر قاعد واجعها الحقير 😤 .. غر على خاطر عمتي والباقي والله ما نمشيها ..
مشت هاجر تشوف ف شبحات أخيرة فالمرايا وقلبها عاصرها 💔💔
اليوم بينزف حبيبها لغيرها 💔💔💔🔥🔥🔥
لبست عبايتها وركبت فالسيارة ..
________________☆○○☆_________________
بنرجعو احداث أول حلقة 🔥🔥
👇👇👇👇👇👇
كانت القاعة زحمة درناه حفلة مشتركة جاب من عيلته الأقارب المقربون بحكم الطريق طويلة فالجبل ف درناه مشترك .. وضيوفهم قعدو ف حوش عمه بيباتو فطرابلس 👑👑
درت شووو show لتدريجتي
ونزلت نمشي فالممر خشّيت بروحي والمصورة تصوّر فيا😁 حسّيت قلبي بيوقف مش مصدقة إنّ خلاص حنتزوج باللي نحبه حاربت ب كل شيء ع خاطره🔥🔥 وضحيت ب مبادئي (إن وثقت ف شخص خانني وكذب عليا قبل ،،)
وضحيت ب كلمة ماما 💔
وب راجل لو مرجعتش لمعز كنت متأكدة إن حنختاره هوا سيف
بس كان سقف طموحي بسيط وفبالي إن كل انسان لما يلقى الدعم والحب من الطرف الثاني حيتغير، كنت نقول ان معز يحبني وتغير ع خاطري 😍😍
قعمزت ع الصالون وخش عزوتي
———————>☆☆♡💍♡☆☆<——————
مكتوبة ليك إني أنا اللي تعيش لها 😍
مكتوبة على اسمك حياتي كلها
أول ما قلت بحبك كانت ليّا أنا
من تستاهلها غيري أو تتقالّها
مكتوبة ليك وأهي كل حاجة فوقتها
تكمل حياتك بيا لما دخلتها
وقت ما شافك قلبي شافت عيني فيك
صورة حبيبي اللي فخيالي رسمتها 😘😘
———————>☆☆♡💍♡☆☆<——————
كان جاي عالممر يتمختر والعيون كلها عليه،، واولهم عيوني 😍🤤🤤 قرب مني باسلي يديا وقاملي طرحتي ،، قعدت نبكي بدموع فرحة .. حضنته ع الخفيف
معز/ خلاص حبيبي معقولة تبكي ف ليلة عرسنا😘
اني/ اني نحلم ولاه 🥺
باسني ع راسي وقاللي / ان شاء الله البوسة هادي خلاتك تفيقي إن مش حلم 😁
وقفنا رقصنا،، أني مدرتش اعتبار لأي حد واستمتعت ب حفلتي مررة مررة نتلمس فيه نبي نحس إني بجد عروسة👰 وان هوا بجد قدامي
قعدنا نرقصو ونشوفو لبعض عيونا متنحوش ع بعض 😍 لين انخلعنا صوت المنظومة وقفت ونسمعو ف عياط وحدين
،
،
،
،
هاجر اغمى عليها..
..
نشبح فاها من بعيد خواتها يفيقو فاها مبتش تفيق .. ومعز يشبحلها وعيونه مليانات خوف وندم 🥺🔥🔥
،
،
سلوى/ اركب انت وعروستك للحجرة
معز/ خيرها هاجر🥺💔
،
،
فاقت هاجر والدموع زي المطر ،، اني ومعز واقفين نشبحولها..
سلوى كشخت على معز قتله اطلع انت وعروستك فووق 😡
مسكني معز ركبنا وأني مقلتش ولا كلمة 🥺💔 نشبح في معز راقيله 😤😤
والناس ناضت تدووي عاد
وجعني حالي ف يوم عرسي هكي يصير فيا😭😭
هاجر/ نبيه أني نمووت من غيره يا عمتي😭😭
سلوى/ خلاص يا بنتي 💔😭
هاجر/ نبي نكلمه ،، نبي نشوفه قبل ميروح باها الشكل 😭😭
سوسن/ ياسر بلا عار وناضت تضرب فاها وسلوى واسماء يحزو علاها💔
نسمع ف صوت الباب طق طق 🚪🚪
أسماء/ تراه يا معز شوية
معز طلع واني عرفت إن يبوه يكلمها 💔 وجعني حالها لأن موقفها صعب 🥺💔 حسيت إني خديت حاجة رخيصة وربي ع قد ما نوصفلكم شعوري منوفيشي ف هذيكا اللحظة… حسيت بكل شيء صار غلط وندمت على علاقتي وكرهت رووحي 😭😭 اني من النوع اللي ميحبش الزحمة على الحاجة.. قصدي هيا تزوجت وترملت مفروض نساته .. علاش لحد توا قعدة متعلقة بيه ااااااه 🤔🤔 قاطع تفكيري صوت الباب
خشتلي سارة وأيات مشيت طول حضنتها / ريتي يا مرت خوي كيف حظي 😭😭
أيات ف داخلها (ياريتني صارحتك باللي شفته، ديما نقولك معز مستحيل يتغير💔)
،،
خش معز لهاجر .. / خلونا بروحنا .. سكرت اسماء عليهم الباب
معز/ خيرك يا هاجر هبلتي ؟ 😡💔
هاجر/ بنموت 😭😭 امتى حتحس بيا اااه
معز/ مش تفاهمنا نتطمنو على بعض مررة مررة ،، وقتلك مش حنخليك..
هاجر/ هكي يقرب عرسك تكنسلني..
معز/ شن تبي أسيل تحس بينا 😒💔💔 ياسر بالله عليك متزيدينيش على ما بيا..
جت هاجر حضناته وتبكي.. قعد معز يهدّي فاها
هاجر/ قوللي نحبك أكتر منها..
معز/ نحبك هجورتي..
هاجر/ قوللي اكتر منها 😭😡
معز/ اكتر منها
هاجر/ قوللي إن أني حبك الأول ومش حتقدر تنساني 😭😭
معز/ إنتي حبي الاول ومستحيل ننساك🥺💔
هاجر/ علاااااش يا ربييه 😭😭
معز قعد يبكي معاها 😭 خلاص يا روحي هذا نصيبنا 😭😭
هاجر/ بتاخدك غيري وبتتهنا بيك 😭😭
معز/ خلاص يا روحي خلاااااص 😭😭
قربت هاجر منها باساته بكل قوة..
شبحلها معز زاد ماحضنها وقعد يبوس فاها ويبكو 😭
،
،
اني نراجي ف معز وامي وريهام ب بنتها فيدها👑 وسارة وايات معاي يهدّو فيّا🔥🔥
كنت نحس بشيء غلط ،، كنت كان نلقى نروّح مع عيلتي ونقوللهم معش نبي نتزوج خلاص 💔💔🤢
طق طق 🚪🚪
خشلي معز
أني شبحتله وتنهدت🥺💔
معز/ تعالي هي
اني/ وينك نص ساعة؟ 😕
معز مباش يزعلها وسايرها/ حقك عليا حبيبتي هي نروحو

…….. يتبع💔

 

تقييم المستخدمون: 3.97 ( 3 أصوات)

1 2 3الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock