روايات كاملة
أخر الأخبار

تزوجني ولكن | محمد مالك

رواية من وحي الخيال خليط رومانسي ع كوميدي ع تشويق للكاتب محمد مالك

#تزوجني_ولكن
حلقة (1 )
هاادي ثاني رواية ليا من وحي الخيال اهلا اسمي لينا مواليد 2001 بنت صغير تحب النوم ونكره حااجة اسمها ظمان ??
طبعا شكلي عادي مش حلووة هلبا ومش شينة
عيوني عسليات وشعري اسود داكن طويل
طويلة وبيضاء موصفات عادية لكن نشوف ف روحي اجمل نساء ليبيا ??
تبداء قصتي في نفس سيناريو خواتي الي اكبر مني بحكم بابا متعقد عنده عقلية غريبة لكن بعقلها الحمد الله ?
مهم
حتتعرفو الاحداث معاي بشوية بشوية نخليكم معا الحلقة ?
نور^ اختي التؤام / نوضي سااد نووم نوضي امتحانات نهايةة قريب نوضي يا هبلة كل شئ مهم توا
لينا * اني/ غير زيديني عشرة دقائق بس خشي البسي ونوضيني
نور^/ لا عشرة لا خمسة نوضي بسررعة راه الباص يمشي يا هبلة
اني^/ بالله علاش نقرو ونتعبو ونوضو بكري وف الاخير نبطلو ( اني نايضة وعين مسكرة وعين مفتوحة ??
خشيت الحمام ( حشااكم )
نور^ تي بسرعةة راه نمشي ونخليك
لينا^ ياريتك مشيتي وخليتيني راقدة
( طبعاا النوم عشقي الابدي ? اكيدة نصكم كيفي)
نورس^ ماما / هيا يا بنات الباص برا
نور^ هياا جااية يا ماما لينا بتعطلني
لينا ^ انزلي توا نلحقك ومنها تعطلي الباص وممكن يشوف وجهك يهرب هوا ?
نور^ مش فالحة غير ف الدوة هيااا يا بنت
ونزلت نور
اني بيني وبين نفسي نغيب ولا نقعد
قلت هي نمشي نغير جوي ونتسهوك ع الابلة ونروح
( طبعاا بابا متعقد بعد شهادة ثانوية ممنوع قراية عنده خواتي الي اكبر مني كلهم نفس الشئ بطلهم شهادة ثانوية وقالهم الي تبي تقراء تكمل عند راجلها وكلهم تجوزو بعد ما بطلو بسنين يعني صعب انك تكمل )
طبعا اني ونور اخر العنقود الصغار ف عيلتنا وعندنا اختنا فادية الكبيرة و حنان و اسماء واني ونور
هاده ترتيبنا وبابا اسمه احمد
يحب الاولاد يبي ولاد لكن الله غالب قضاء الله وقدره انه مجوشي ولاد طبعا فادية وحنان واسماء متجوزات يعني كلهم في حوش رجالتهم الا اني ونور قاعدين معا ماما وبابا
نور^ تي انزلي بسررعة هيااا
نزلت
اني^ صباح خير ماما
ماما^ صباح النور اهوا فطورك خوديه وامشي الباص برا من بكري
اني^ اهو طلعت معا سلامة
ماما^ رد بالك ع روحك يا بنت
اني^ طلعت بنركب الباص
نور^ طيب فينا في جديد بنمشي ونخليك
اني^ متقدريش تخليني متلقيش من يدافع عليك ??
نور^ لا ندافع ع روحي
طبعاا منحكيلكمش اني لساااني طووويل نضرب بيه ضرب بنات ف الثانوية يخافو مني مسكينة لي توصل فيا نمسح بيها مسح ????
فيصل^ صاحب الباص/ معاش تعطلي مرة ثانية
اني^ ان شاء الله خير ؟ ?
فيصل^ معاش تعطلي بنمشي ونخليك ف جديد
اني^ امشي من قالك لا شن في حد شادك من ذيلك
نور^ تي اسكتي واني مدايرة مشاكل معا الباصات كلها
اني^ سكري فمك مايمشوش الا بالعين الحمراء هادو اصلا
فيصل ^ توا تشوفي مرة جاية بنمشي ونخليك
اني^ برا شن مفيش غيرك باص هوا
طبعا فيصل هااده انساان ?? بمعني الكلمة كيف الايموجي هاده هوا هكي طبعه باارد ثقيل دم يتلقا ف الهزايب وقاعد يضحك وسنونه منحكيلكمش بكل اصفر من عصير فوستر اكيدة تعرفوه كلكم ??
وصلت الثانوية ونزلنا
نور^ يا بنت اسكتي ياسرك مشاكل وانتي تقول ولد
اني^ تعرفيني انتي الا كرامتي الي يوصل فيها نغنيله الاغنية الايطالية بيلا تشاو بيلا تشاو ??
نور^ ربي يهديك ان شاء الله ?
حنين* هادي صاحبتي وكيفي لسانهاا طووويل
حنين^ الحمد الله فكرتي تجي مدرسة وانتي مدايرتيها يوم بيوم مستغربة كيف تجيبي ف درجات كويسة
اني^ ناا حكومة يخافو مني يحطولي ف درجات ههههه
حنين^ هبلة ???
( طبعا منحبش نقراء بكل منحبش نظم يا ناكل يا راقدة يا فاتحة فيس بسس هااده يومي لكن شااطرة يعني نشوف الدرس مرة واحدة ينتسخ نسخ ف راسي لكن معا للاسف منحبش نقراء لو نقراء نجيب الاولي متاكدة ع المدرسة اختي نور تحب تقراء
وتقراء هلبا لكن في الاخير ??? تجيب معدل اقل مني
الحياة مش عادلة مرات ??
خشينا حصة الاولي كان عندنا كيمياء
اني ^يااربي نفخ ع صبح يا فتاح شن جابني بس
حنين^ امتا تجي مش تقولي شن جابني انتي
خشت ابلة جديدة واضح صغيرة ف العمر
طبعا هما ليهم اسبوع تقري فيهم لكن اني غايبة ف اول مرة نشوفها
الابلة^ السلام عليكم
اني ومعاي الطلبة^ وعليكم السلام
الابلة^ كيف حالكم اليوم
وشافتلي
الابلة اوقفي
اني وقفت ^ نعم ؟
الابلة^ طالبة جديدة ؟
اني^ لا قديمة
الابلة^ انتي لينا ؟
اني^ ايه
الابلة ^ بنقولك حاجتين راه تقليل ادب ما يمشيش معاي تمام وثاني حاجة جو تلقيح دوة منبيشي ف الفصل حتا لو كنتي غبية اني انجحك بس اهم حاجة الاحترام داخل الفصل يا بنات والي محترمة نفسها حتا لو درجاتها مسكرات حنسقطها ف المادة تمام ؟
^الطلبة& تمام
الابلة^ تفضلي قعمزي
اني قعمزت
اني^ خيرها هادي عليا طول شكلي بنحطها ف راسي
حنين^ تي ريحي روحك ه السنة وامتحانات نهاية واعرة راك شهادة تلقيها مرات
اني بيني وبين نفسي تمام حنخليها لكن لو قعدت تلقحلي حنحطهاا ف راسي
تم اليوم عاادي جدا زي كل يوم
روحت
خشيت داري لبست ورقدت نوضت ع دوشة الصغار
اني^ استغفر الله ياربي
نزلت
فادية^ العسل ناضت وهيا ديماء راقدة
اني^ كيف حالك
فادية ^ الحمد الله وانتي مش مهتمة بخواتك يا حلوة
نسمع في عياط بابا^ شدو مفرخكم(صغاركم) خيرلهم راه
حنان^ اهلين يا لينا وين يا لينا لا ادوري لا تتصلي لا شئ
اني^ ع اساس ليا قرن معاش شفتكم وانتو الجمعة الي فاتت اهني بصغاركم درهولي كبدي الا حمود العسل وينه
اني^ اسماء جت
فادية^ ايه تصلي ف العشاء
طه^(يكون ولد فادية هاده عمره 6سنين هاده اكبر الاحفاد) لينا كيف حالك
اني^ يا وخيتي يا وخيتي الي يسال عليا تعالي اعطيني بوسه وحضن تعالي
خشيت دار العربية ^ لقيتها مقلوبة ب العاب طبعا 6 احفاد وكلهم صغار والي يبكي والي يلعب والي يضرب ف الثاني
وبابا يبي يتفرج ع التلفزون مش قادر راقيله بكل ??
بابا^ تعرفو توا كان تريح عليا النشرة والله ما نخليكم تجو مرة ثانية تي تعالو لي صغاركم
اني خشيت الدرا لقيت حمودي عمره 8 شهور يبكي في القعماز
اني^ حمودي حبيبي يا روحي انتا تعالي خديته في حضني وركبناا فوق داري وقعدت نلعت نا ويااه
جت اسماء^ لينا كيف حالك
اني^ حمد الله يا سومة حمود بنرقدها اني باه
اسماء^ به كان قعد يبكي جيبهولي
اني^ به تمام
رقدت حمود وقعدت سهرية للصبح واني نتفرج ع مسلسل
نضت الجمعة ونفس الروتين اليومي
ثااني يوم نضت العشية زي عادتي لكن مش كيف روتين قبل في شئ مختلف
ماما^ تي نوضي نااس جو بيخبطوك نووضي وانتي راقدة للظهر
اني^ يعني اني توا حنتجوز قبل ما نكمل الثانوي به حلمي تحقق
ماما^ تي نوضي من غير برادة زايدة
نضت لبست واسيت روحي
ونزلت
خشيت عطيت شااهي
وقعمزت وقعدنا نهدرزو طبعا اني خبرة نطلع ارقي انسانة ف الكون قدام الناس ??
طلعو منا المراة وقالت بنعطي كلمة ف بنتكم لينا
ماما^ ايه عادي بس القرار لي بوهاا ورجالة يتمو الموضوع وع بركة الله
المراة^ ع بركة الله
وطلعوو
ممكن اسبوع بزبط جي ولدهم بيدير مقابلة شرعية
طبعا ( اني حلمي كيف كل بنت ليبيا راجل غني ونسافر من بلاد لي بلاد ويكون زي مهند التركي ?
نحب نقولكم الحلم هاده ارموه وديرو حلم جديد يناسب الشاب الليبي ??
جااني بابا
بابا^ البسي لبسة الصلي واطلعي وراي
اني^ هههه خاائف عليا ع اساس
خشيت لقيته طررررف
عيونه كحل شعره اسود عنده لحية ومنظره زي الغزال وحنطي الون
اني مقعمزة بعيدد
وبابا مقعمز في جنبه
طبعا صالة الضيوف كبيرة واني مقعمزة بعيد هلبا عليه
هوا
قعدناا ساكتين ونبحثو في بعضنا وخلاص
بابا نجيب القهوة ونجي
وطلع
اني خشيت ف بعضي السان الطويل وكل هااده راح ف الحظة هاادي ??
هوا^ شن بتلعبي ركنية ولا شن خيرك بعيدة
اني متت ضحك لما قالي بتلعبي ركنية ولا شن
اني^ ايه وبنسجل بيها قول
هوا^ اسمك لينا ولا
اني بصوت واطي ع اساس ميعرفاش الكذب الزايد
هوا^ شني ؟
اني^ لا شئ اسمي لينا ايه وانتا
هوا^ اسمي مهند اني
اني^ عاشت الاسامي
مهند^ عاشت ايامك
وخش بابا بالسفرة بتاع القهوة وفنص فيا بتاع اطلعي
طلعت اني ركبت داري
نور^ شن حلووو؟
اني^ زي مهند بزبط
نور^ تكذبي ?
اني^ اسمه مهند والله بس مهند تركي غزال ياربي ??
نور^ به ع الاقل نفس الاسم مش لازم الجمال ?
اني^ هههههههه لكن مش شين حلوو يعتبر
نور^ لا شوية وبيطلع مهند التركي توا اني نعرف اصلا
اني^ ايه ايه قولي ماشاء الله فرحانة اني بنتفكا من القراية ??
نور^ حلمك تافه
اني^ ايه تافه وعاجبني نووم وجوو م الاخيربعد مرور 3 شهور وانتهاء العام الدراسي
طبعا لينا جابت 86% ومقرتش هلبا
و نور قرت هلبا وجابت 85% ??

طبعاا مزال يومين ع عرس لينا ف نفس الوقت متحمسة وخاائفة لانه حيااة جديدة بكل
ومتعرفش ع مهند شئ معاش شفاته ولا كلماته بعد المقابلة ?
مهم يوم الثلاثاء يوم الفاتحة
فادية^ شوفو لينا الغزالة شوفو اول وحدة فينا تجوزت
لينا^ اللهم لا حسد لا تضربيني بعين توا ?
اسماء^ لا لا الي يحبك ميضربكش بعين ?
حنان^ به هياا اتصلي بي بوك شوفيه شن صاار
فادية تتكلم ف التلفون وتضحك ??
لينا ^ خيرك تضحكي
فادية^ بوك قالوله 25 ليرة قلهم وعليا طلاق بثلاثة اقل من 50 ماه واخدينها وطلع قالك وكمل الفاتحة عمك عبد الله ?❤
لينا^ والله بوكم عنده حالات تجيه غريبة مرة مرة راه ??
نور^ به كملها عمك عبد الله راه مصارش لا اصغر وحدة لا شئ وقعدتي معااي ?❤

يوم العرس ?❤

طبعااا كنت خائفة من غير سبب هكي خائفة وخلاص ☻

وهوا مبااش يخش للصالة متحشم مندري عليه خش بالف واسطة وقعد خمسة دقائق واختفي ☻
قصدي علاش تتحشمو ؟ ☹❤

مهم خائفة وقالولي راه سياارة العريس براا
نور^بسلامة حبيبتي رد بالك ع روحك واتصلي بيا باهي
اني^ به به توا نتصل بيك
والعائلة كلها سلمت علياا
وطلعت فتحلي الباب وضحكلي ضحكة صفرة بكلللل
اني قلت عادي يعني شى عادي جداا
مهم
ركبناا وطول الطريق نسمع ف صوت كلاكس بيب بيب واني وهوا سااكتين بكلل صمت
واني نشوفله يفنص ومدري عليه مش مزبوط بكل لكن قلت عادي متحشم ما علينا
شفت للمسجل هب رصيته نفتح اغنية انجليزية
هوا شافلي ويفنص وسكر المسجل
اني^ خيرك خليه مفتوح ( ولعته مرة ثانية)
مهند سكر المسجل مرة ثانية
مهند^ اسمعي يا بنت الناس اني راه تجوزتك من كثر كلام امي واني منحبكش ونحب وحدة غيرك
اني بووم صدمة برق ضربني ??
اني^ ……….

يتبع

 

تقييم المستخدمون: 5 ( 4 أصوات)

1 2 3 4 5 6 7 8 9 10 11 12الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock