حب إجرامي للكاتب حسن الجامعي

فريق النشر
2020-06-12T20:42:01+02:00
روايات كاملة
فريق النشر12 يونيو 2020آخر تحديث : منذ سنة واحدة
حب إجرامي للكاتب حسن الجامعي
رواية #حب_إجرامي 🔥
( خيال ممزوج بلواقع )
للكاتب : #حسن_الجامعي
الرواية بلهجة الليبية
حلقة 1🔥 “يارا / قاعدهه ع الأرض وتبكي وتريشش في شعرها زي المهبولة بزبط 💔 وعيوونها دمووع وحمر وكأن هي مهبولة فعلا !! … وتعيط وتقول اني مشش مهبوله … اني مش مهبولة … اني مش مهبولة … اني مشش مهبولة 💔
يارا م95 بنت غريبه وحياتها كلها غمووض متحبشش تسلم على حد ولا حد يسلم عليها … تكرره اي شخص يلسمها … وديما كلامها مسموع ومفهوم في الشركه يلي تشتغل فيها … وهي شركه كتابه وطبع روايات وقصص وسيناريوهات … تحب التدقيق وتحب القصص الحزينه اللي تشبهه حياتها … حياة يارا عبارة عن لون اسسود زي حوايجها وشعرها وعيونها … طويله وعندها ملامح تخووف … ولما تتعفلق تقلب الشركه فوقي لوطي … ومعندهاش حاجه اسسمها بصارة ولا ضحك … يارا اتكوون البنت الوحييدة من امها و بوها … متحبش غير امها فقط … اما بوها متحباش كان ديما يضرب فيها ويعاقب فيها لأن هي اصلا مشش بنته … هذا يكون راجل امها لكن يارا متندريشش بشي هذا !!!!! ….

مريم / اتكووون امها ليارا م80 تزوجت في عمر صغير وجابت يارا في عمر 15 … مراه خويفه تخاف من راجلها وبنفس الوقت تححبه وتحب بنتها ومقدرتشش توقف راجلها ودافع ع يارا كانت ديما تسكت وخايفه بسس …

جابر / يكووون راجل مريم … شخص مستهتر ميحبشش يارا لأنها مشش بنته ومقدرش يتقبلها غير خدامه عنده … كل ليله يطلع يسكر ويروح يقلب الحوش ويرقد ومع ذالك يارا ومريم تحملوه بسس يارا كل مرة تمسسك اعصابها وتبي تقتله 🔪 … بسس متقدرش ع خاطر امها…

______________

🔥

البطل 2 للرواية بديع … وعيلتهه

سحر / اتكووون مرت بووه لبديع م79 مرا طييبه بكككل من رغم ان مرت بووه بسس بعد ما توفى بووه بديع كانت هي الام والاب بنسسبه ليه وجابت اخ تاني لبديع اسسسمه مازن الصغير … تحب بديع زي ولدها بزبط ومنقصتش عليه ولا حاجه

بديع / م93 ششاب عيونه عسليات وعندها عضلات بارزات ششعره مايل بين الاسود والبني … ششخصيته عفوويه يحب يهدرز وهوايته التمثيل وكتابه سيناريوهات وميحبشش اي مخلوق يتحكم فييه بالحياة الخاصه او العامه ومنحي فكرة الزواج من راسسه

مازن / م99 ششعرها اسسود زي امه سحر يحب النووم و طلووع في ليل باشش يصيع زي ما يبي وعنيييد ومعروووف بالشارع ان ولد نسونجي … اول ما تعرف على خووه بديع كان يغار منه … لكن توا معاش في اي توتر في علاقتهم .. وولو خووت واصحاب ومتفاهمين

وهما التلاته عايششين في حووش بروحهم فقط!

_________________

🔥

البطلة 3 للروايهه … عيلة ورد

ورد م94 اتكووون بنت عمته لبديع … تححبه من ايام الطفووله ومشش قادرة تعترف بمشاعرها اتجاهه … وهي وامها وام بديع عندهم امل ان بديع يقرر يوم من الايام ان يتزوجها … شعرها اسود ومتوسسط وعيونها سود وبشرتها بيضه وقصيرة ونححيفه هلبا

عاييشه مع امها هناء … وخوها الصغير احمد

البداية 🔥…!

___________________

مريم تعيط / بنتتتي مش مهبولة خيرك انت شنو دارتلك باشش تقول عليها هكي
جابر / خلييينا ناخدووها للمستشفى الامراض العقلية بالك تتعالج غادي
مريم / هي هي هاذي بنتي ومش من حقكك تاخدها وين ما تبي مالكش علاقه فيها
جابر / خبط على طاولة … بنتك اهيا تبري منها مسببتلي اززعاج ازعاج في الحووش اهني
مريم / اعلاششش شنو في شن دارتلك هي للخدمه للحوش … وللحوش للخدمه
جابر / اصلا بنتك اهيا السبب في المشاكل يلي تصير معانا
يارا / تبكي على الارض … اني مش مهبولة اني مش مهبولة اني مش مهبولة وتحك في شعرها
جابر / اني ماششي وبنسيبلك الحووش اقعدي فييه انتي وبنتك الواطييه هاذي
مريم / شششدت ايده … جابر خلاص اسسفه خليك قاعد في الحوش رح نحطها في النفسي زي ما تبي يصير خليك قاعد بسس
جابر بنضرات خبث / ايووه من غدوا صبح ناخدوها تتعالج غادي
مريم بحزن / خلاص ححاضر يلي تبيه يصير
جابر / 😏
يارا / طلعت من الدار تجري وتعيط … انيي مش مهبووولة يا ماما اني مش مهبوولة مش رح نمشي للمستشفى خلووني اهني
مريم تبكي / حبيبتي انتي لازم تمششي باش نفسيتك تستريح وتهدي وترجعي متحسنه وترجعي لخدمتك
جابر / مهبوولة ونص تي انتي اصلا بنص عقل
يارا بنضرات حققد / خدت المزهرية وكسسرتها على راسسسسه😨

_________________

🔥

بديع / صبب ميه مسقعه على مازن وهو راقد😂
مازن انخلع/ يا فررررخ رييحح رووحك صبح…!
بديع / هيا نووووض باش تمششي للجامعه
مازن / منيش نايض فوووتني يا راجل
بديع / تي مش امسس اتفقنا انت تقرا واني نخدم
مازن / خليني راقد يا راجل منبيش اني اززفت
بديع / اسسمع شن رايك بالبستي شوفها… لبست سروال اسود وفوقها سورية مخططه ولبست ساعه ودرت برفان وهاذي نضارة
مازن / وحضرتك وين ماششي ؟؟
بديع / بنمشي للشركة طباعه وكتب والله خاطر نتعلم حجات هلبا ونعطيهم شويه من كتاباتي بالك يقبلوني نكتبلهم وهما مرات يديرولي كتاب
مازن / ههههه تححلم انت يا راجل … مش بساهل تووصل للشي هذا اول شي لازم تقعد معروف هلبا … في مواقع تواصل اجتماعي
بديع / هيا نوووض برا للجامعه عطلت راااه
مازن / دووتك هلبا اسسكت ياسرك دووه نحي من قدامي خليني نتوكل هيا
بديع / هيا بسسرعه نوصلك في طريقي
مازن / جهززز رووحهه بسسرعه
سحر / اتعالوا افطرووا قبل ما تمششوا
ورد /طق طق طققق …
مازن / فتح الباب… صباح الخيرات يا حلوهه
ورد / صباحوو خالتي صباحو مازونتي
مازن / تي خيرك نايضه قبل شحاته وبنتها
ورد / خوك بديع امسس قالي عنده مقابلة ف قلت خليني نديرله كيكه ياكلها … هذه اسمها كيكه الحظ هههههه
سحر / صبح الخيرات يا حلووه كالعادة جايتنا بكري ووين امك
ورد / تي امي لاهيا مع بوي توتيله في الفطور
سحر / توا نركبلها بعدين نهدرزوا ونغيروا جو
مازن / خدي طررف من الكيكه
ورد / نحححي ايدك انت يا حيوان مش ليك
مازن / لحبيب القلب ولاهه🤭
ورد / ششش صكر فمك يا قليل الادب … حقا ووينه هو الباشا بديع
بديع / اوووني اهنيي يا بنت عمتي شنج
ورد / درتلك كيكه الحظ
بديع / هييي ششكلها ومنضرها يسهف بس الطعمه ربي يسترنا😂
ورد / متعصبة…ذووقها واسسكت هيا
مازن / عطيني نذووقها حتى اني ونعطيك رأيي
بديع / كلي طررف منها..🤢🤢 هذذا ششني
مازن / وووووههه بطني شن هذا شن حاطه فيه
ورد / تي خيركمممم يا فروووخ …تتسهوكوا
سحر / بلا قلة ادب انت وياهه بجديات شن طعمتها
مازن / يممى رد بالك تذوقي منها حششا النعمه
سحر / وووك عليا هاتي خليني نذوقها يا همي … خززي حقير مفيهاش ششي الكيكه حلووهه
بديع / حبينا نطيحولك معنوياتك بسس
مازن / هيا بسسرعه عطلت اني اليووم هيا
بديع / برا طيرر لسسيارة بسسرعه هيا …

____________________

🔥

جابر / طاحح داخ عليهم 😨
مريم / علااااش ضربتيييه يا يارا شن درتي فيه
جابر / اااااه راسسسي راسسسي يا مريم
يارا / ششوف الجنون ع اصله توا اني مهبوله صح
جابر / ورررب العززهه انتي وحده هبله ومريضه
يارا / نززلتله ع ارض … دير بالك مني في جديد
مريم / يارا ششن تهددي في بوك هكي
يارا / اني مش مهبووله .. وطالعه للخدمه متعي ورد بالك توقف في طريقي
جابر / ككك كييف خيرها بنتك هاذي
مريم / ووين ماششيه
يارا / منحبشش نكرر كلامي مرتين … خششت للدار لبست اسوود كله اسسود ودارت شويه ميك اب وجهززت روححها وطلعت …
جابر في سرهه / وربي لما نوريك يا بنت الكلب…

_____________________ في ششركه🔥

يارا / نزززلت من سيارة والكل كان خايف منها
البواب / صباح الخيرات تفضلي مدام يارا
يارا / ششن صار استلمتوا السينارست او لا
الموظف / ءءءء.. لالا مزاال مجاشش عطل شكله
يارا / الغوو كل ششي وقولوله احني معندناش وقت نضيعوهه في كلام فاضي…ومششت
الموظف / بسسس
يارا / لوو درت عكسس ما قتلك اعتبر روحك من توا مطرووود
الموظف /…ان شاء الله هي توا نكلمه… يتصل…

ترررن ترررن ترررن 📞

بديع / يسسوق بسسرعه … ايوووا
الموظف / ايوا خووي بنقولك ان المدام رفضت
بديع / منسمعششش فيكك رااه
الموظف / الووو خووي تسمع فيا؟؟؟
بديع / صكر صكر خلاص قريب نوصل فيك
الموظف / تييي متجيشش ي راجل🤦‍♂️
بديع / صكررر الخطط… وكمل سواقتهه 🤦‍♂️
بديع / ووووصل لششركه … ونززل بسسرعه
البواب / تفضل خوي وين ماششي
بديع / تييي نححي من قدامي يا راجل نحي
البواب / المدام يارا مانعه دخوول الاشخاص غير العاملين والموظفين بشركه سامحني خوي
بديع / وراسس امك نحي من قداممي…خشش
البواب / تيييي متخشش والله طلعني من اهني
بديع / نححي ايدك هكي ازززفت
البواب / قتلككك اوقف را نكلمك الامن …

.🔥

_
_

يارا ببرود/ شن هو عذرررك يا انسسه ليش مجيتيش امس
البنت / تبي الحق امسس كان عيد ميلادي وحبيبي جابلي هديه وخداني اليوم كله معاه وهو يدهور فيا
يارا / مفيش حاجه اسسمها حبيبك … احني في شركتنا مفيش حاجه اسسمها حب الا في السيناريوهات وقصص وروايات وهذه كلها اوهام
البنت / ولييش تطبعي وديري في دعايات
يارا / باشش نكسبوا فلوس ونسلوا الناس بالقصص .. انتي مطرووودة
البنت / ككك ككيف😨 بسس مدرتش شي
يارا / خلي حبيبك يعيشك ويوكلك ويشربك ويعيشك احلى عيشه صكري الباب وراك
البنت / بسس يا مدام يارا….💔
يارا عيطت/ متعصبة…اطلعي برااا قتلك…!
بديع / خشش بسسسيف للمكتب يارا … السلام يا مدام يارا بسس زحممه طريق ومقدرتش نوصل في الوقت المناسبب
يارا بنضرات غريبه / الساعه قداش توا
بديع / 9:34
يارا / واحني ساعه قداش متفقين في وتس اب
بديع / 9 بزززبط
يارا / الغي كل ششي وتوكل على حالك
بديع / اوول ححاجه سلمي عليا زي الناس … مد ايدده باش يسلم
يارا / شبحتله بنضرات برووظ من فوق لتحت ومسلمتش عليه 😒
بديع / قصدي خيرك هكي نفسسيه انتي
البنت / يا مدام سامحيني معاش تككرر
يارا / دقيقتين لو مطلعتيش رح نطلب الامن
البنت / طلعت من المكتب وهي تبكي
بديع / هوووي انتي اختي عدلي علينا قصدي ليل كله تاعب فيهه سينارست هذا اني وبنت عمتي وسهرت عليه ولتوا مرقدتشش عندك علم
يارا / مشش مشكلتي هذه … اطلع برا
بديع / بههه نديرلك اي ححاجه نديرلك المستحييل
يارا / انت خيرك متفهمش اطلع برا قتلك
بديع / قتلك انديرلك اييي ححاجه تبيها افهمي
يارا / سسساكته وتشبح ببرود
بديع / ننقزلك من فوق سطاح … نكتبلك رواية كاملة في يووم واحد … نكتب سينارست للفيلم بلبلاش المهم اقبلي نمششي كتاباتي عندك
يارا / سسساكته…!!
بديع / بنطلع اني مالا … الحق عليا اصلا لعب مفرخ زززفت…!
يارا / تعالا 😒 … اني مقتلكشش اطلع توا!!!
بديع / تفضلي ششن تبي
يارا / تعالا بعدين ساعه 9 بزبط في ليل !! … تأخر دقيقه وحده بسس واعتبر جميع الفرص انتهت فهمت …
بديع / ششني هذا عقاب ولا كيييف
يارا / اطلع برا عندي شغل…!

بديع / طلع براااا قدام الشركه وخدي كررسي قديم وقعمز عليه …
الحاج / مني انتي…انت ولد مني
بديع / ها حاج شن امورك يا غالي
الحاج / انت ولد مسعود ولد خالت جمال ربيب سالم ولد عيت الحمروني
بديع / اياااااه يا حاج دسسكه عندك مغتشه
الحاج / خززززي قله الحياة طالع لبوك
بديع / برا يا حاج ربي يسامحكك بوي ميت 💔
الحاج / ووووههه الله يرحمه مسعود كان راجل كويس لكن قليل الادب زيك … مالا مرته سعاد عايشه
بديع / مرررته ميييته حتى هي يا حاج برا هي
الحاج / ايياه معندك حد عايش معاك مالا
بديع / ايه معندي ححد برا تووكل يا حاج

الحاج / في امال الله يا ولدي … خششش الحاج للشركه ودخل على مكتب يارا وهي مقعمزة تستنى فيه🔥

يارا / بثقة…ششن قصته الراجل هذا…؟
الحاج / الولد يتيم لا عنده لا ام ولا اب وشكله يبي شغل مهم باش يقدر يعيش يا بنتي
يارا / خلاص برا كمل خدمتك …

🔥

________________

سحر / شربت رششفه من القهوة … واللهي يا حنا على امل ان هو يفكر في الموضوع شويه
حنان / ايه والله نبي نشوفهم عرسان قدامي
سحر / اييه والله قبل ما تجي بنت ويحبها ويديرلنا موال وقصه … واني وين نلقا احسسن من ورد لولدي
حنان / ايه والله واني وين نلقا زي بديع مششاء الله عليه اخلاق وادب صح طايشش شويه بس نححبه موت زي ولدي
سحر / اييه والله ورد نفسس الشي يا حنا …
حنان / والله المفروض نديروا خطهه باش نخلوهم يتعلقوا ببعض اكتر
سحر / تي لا يا حنه هما متعلقيين في بعضهم زي الطنجرة وغطاها ومعاهم مازن من طفولتهم هكي
حنان / ايييه عارف بسس نخلوهم يطلعوا من علاقه الصداقة ونخلوهم يخششوا علاقه خطوة جديدة يعني
سحر / واللهي ماني عارفهه خلينا نفكرووا
ورد بحزن / بديع ميحبنيش يا عمتي
سحر،حنان/ مصدوومات من ورد

🔥

السسسسسساعه 9 لييل !!!!

جابر / نززل من السسيارة وناووي الششر 🔥
يارا / مقعمزززه على لابتوب تكمل في خدمتها
جابر / خششش من باب الخلفي باش البواب ميوقفاششش … وخششش عليها وهو متعصب
يارا انصدمتتت / انت شششنو دير اهني😨
جابر / جااااي ومستاحششك يا حلوهه تعالي
يارا / نححي من قدامي يا حقيررر
جابر / بدي يلمسسس في جسم يارا ويبي يعتدي عليها انتقاام 🔞😨
مع خششت بديع / بفززع هوووي نحححي ايدك عليها يا كلب يا مصخ
جابر / تعاااالي يا حلووههه
بديع / يشششد فييه وضررربه قريب قتله😨
يارا / مقدرتشش تتحكممم في روووحها طلع الموس يلي داسته في شنطتها
بديع / ضرررب جابر ليين خلاهه وجهه دمم
يارا / اعصابها معاش قدرت تتحكم فيهم … خدت الموووس ونخصصصته في قلب جابر
بديع / انتي شششنوو دررتي😱
يارا بحقد وكرهه/ موووووووووت
بديع/ تيييي شنووو درتتتي
يارا / م ممم مدرتششش شي اني قتلته بس
بديع مصدووم / صكر باب المكتب باش محد يشوفهم
يارا / ءءءء..اني قتلته اني مجرممه
بديع / شششن درتي في الراجل يا مهبووله
يارا / بدت تحك في شعرها زي الهبلة
بديع / ششن ديري انتي
يارا / اني اللي قتلته
بديع / خلاص خلاص نكلموا ششرطه نقوللهم دفاع عن نفس كان بيعتدي عليككك
يارا / بهلووسة وحركات غريبه…! ههههه هههه هههه هههه اني اللي خططت لي قتله
بديع / كيف كيييييف😲…#يتبع

كلمات دليلية
رابط مختصر

عذراً التعليقات مغلقة

error: Content is protected !!