روايات كاملة

حب من طرف واحد

حب من طرف واحد (حقيقيه)✔💯 (قصة ليبية واقعية بدون اضافة من خيال )ﻟﻜﺎﺗﺒﺔ : 🔥 ﺍﺭﻭﻱ ﺍﻟﻄﺎﻫﺮ ﺍﻟﻤﺴﻼﺗﻲ 🔥 ✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨

حب_من_طرف_واحد (حقيقيه)💯
الحلقه1(مقدمه)

قصه ليبيه واقعيه بدون اضافة خيال وطبعا زي معودتكم منكتبش لين نتأكد ونشوف بعيني

بسمه:فتحت عيوني وانا الضحكه مش مفارقه وجهي اليوم اسعد يوم في حياتي كلها اليوم نستنا فيه من 12السنه اخيراااا حلمي بيتحقق شفت ع يميني لقيت سلسبيل راقدجنبي زي الميته ضحكت ونضت للحمام غسلت وجهي وصليت وشكرت ربي الف مره اكيد تسألو في روحكم منو انا وليش فرحانه تعالو نحكيلكم

انا بسمه مواليد96 بابا وماما توفو في حادث وهما مروحين من تونس وقتها كان عمري سنتين بس واختي بيلسان يلي معنديش غيرها عمرها 6سنين تكفل بينا عمي مصطفى وربانا وكان حنين علينا هلباااااا وبدات مرته عمرها مخلتنا نحسو ان نحنا مش بناتها بلعكس حنية الام عطتهولنا ومبخلت علينا بي ولا شي اما خوالي لما عرفو ان عمي بيتكفل بينا حاولو ياخذونا بس عمي رفض واصر انه يربينا ومن وقتها قطعونا خوالي وولا نعرفهم عمي مصطفى عنده 3اولاد ادهم اكبر مني بسنه وادم اكبر مني بي3سنوات وتيم مواليد 89وهادا حب حيااااتي نحبه اكتر من اي شي في الدنيا من لما كنا صغار عمي يقول تيم لي بسمه وانا طووول حياتي نتخيل في روحي معاه سافر تيم لي المانيا يكمل قرايته تخصصه طب بشري وكان كلل صيف يروح وطبعا انا مهتمه بي تنضيف غرفته وماكلته وكلل شي عمي يستنا في تيم يكمل قرايته ويعلن خطوبتنا

عمي مصطفى جراح كبيررر وفاتح عياده متخصصه وانا تخرجت تحاليل وبديت نخدم في العياده واول ميروح تيم رح يخدم في نفس العياده طبعا تيم مكانش يهدرز معاي في سريب الحب نهائيا طول ها السنين واضح انه متحشم ويبيني في الحلال بس وها الي خلاه يكبر في عيني وكان كلامنا محدود بس مجرد يسألني علي حالي قلبي يرقص من فرحته ونبدا نرعش مع بعضي

وبنته سلسبيل نفس عمري وجوها يهببل بنت طيوبه بكل ونتعاملو زي الاخوات

اختي بيلسان رباها عمي وقراها لين تخرجت اقتصاد وجاها نصيبها تزوجت وعندها بنوتة

علاقتي بي ادم وادهم تهبببل نطلعو ونهيجو مع بعض ويحكولي في كللل شي يعني تقدرو تقولو خوتي واكتر

مواصفاتي بيضه هلبا لين خدودي بودريات😂شعري كستنائي هادي وعيوني عسليات شعري نص ضهري وملامحي طفوليه

تعالو نحكيلكم علاش فرحانه انا ….امس تيم تخرج وروح اليوم عمي مداير عزومه كبييييير واخيرا رح يعلنو خطوبتنا ❤️

روايات بنووتة الشيخ

تيم: مواليد 89اسمر ونقشه ع الاسووود وعيونه كبار شخصيته قويه هلبااااا وجدي معنداش في البصاره هلبا ورزين لين خلااااص ولما يعصب تنقلب الدنيا كللللهااا

سميره(مرت عم بسمه):الحلوا نايضه مروقه اليوم
بسمه:🙈🙈اي الجو حلو
سميره:الجو حلو ولا الناس حلوه
بسمه:خلاص عاد😂😂
سميره:هههههه خدودك راحو زي الطماطمه ياسلمها المتحشمه
بسمه:هاتي نساعدك
سميره:نوضي فرخه سلسبيل وهيا ديمه راقده
بسمه:خليها تو شويه ونوضها

بسمه:وبديت نعاون في مرت عمي جهزنا كلللل شي وانا اسعد بنت في الدنيا كلها وجي ليل لبست سروال جينز وبلوزه بيضه كمامها مفتوحات وفتحت شعري ومكياج خفيف
سلسبيل:سومه مليحه لبستي؟!
بسمه:اي بس البسي معاها السروال البيج احلا

ادهم:ياسلام ع الاناقه طالعين زي القروده الزوز😂
بسمه:اقلب وجهك يامعفن
ادهم:ههههههه بسمه نبي الشحن
بسمه:فوق السرير تلقاه
ادهم:مديهولي
بسمه:متشوفش فيا نمكيج
ادهم:طيح سعدكم انتي وياها تو ينفعكم الستوك يلي تلبزو فيه ع وجوهكم
سلسبيل:به وفر نصايحك لي عمرك واطلع

ادم:بسممممممه
بسمه:انا هنايا معش تعيط
ادم:تلعبي معاي شوط بوبجي؟
بسمه:مش وقتكم توا الناس قريب يوصلو
ادم:خليلنا حجات مش كله تسحتوه
سلسبيل:من عيوني

وبدت الناس تزحم وكلللهم جوو باقي عمامي وعماتي وخوال تيم سلمت ع البنات وكلهم يغمزولي ويقولولي اخيرا وانا مش مصدقه روحي والضحكه من الودن لا الودن

ادهم:بسمه يا بسمه
سميره:سومه ادهم يبيك
بسمه:جايا هي …وحطيت السفره في المطبخ ومشيتله

ادهم:تيم يبيك في المربوعه الداخليه؟
بسمه:ششنوو خيره
ادهم:وين نعلم ياعصافير الحب قالي ناديلي عليها بسرعه
بسمه:ااءء بب به جايا ….مشيت خذيت وشاح حطيته ع راسي وطلعتله وانا قلبي بيطيح وحاسه روحي بيغما عليا خلااااص

بسمه:الس السلام عليكم
تيم:وعليكم السلام تعالي قعمزي
بسمه:قعمزت وكانت ريحته معبيه المربوعه كللللهاا وشكله يهبل عيونه الكبار يجلطووو وشخصيته واااك عليا

تيم:كيف حالك
بسمه:بخيب بخير
تيم:مشاء الله كبرتي وحلويتي
بسمه:عيونك الحلوات….وفي اللحضه هادي انا قريب نضت رقصت اول مره تيم يهدرز معاي ويقولي حلويتي
تيم:طلبت نشوفك توا لان عندي موضوع مهم بنحكي معاك
بسمه:ااااه اكيد بيفتحلي سيرة الخطبه….ام ااء …حي عليا حتا الكلام معش قادره نطلعه
تيم:عارفه ان من لما صغار مقدرين لبعض وانا هكي كنت حاسبها
بسمه:❤️❤️القلب يدق
تيم:كنت بنتخرج ونتزوجك زي مطلب بوي رغم اني منحسش اي شي اتجاهك بس لما تزوجت تعرفت علي نهى ونهى هادي حسيت معاها بلحب
بسمه:💔💔قعدت نشوفله وبس
تيم:انتي حلوه ومحترمه واي ولد يتمناك بصدق بس انا قلبي مع غيرك ومنعرفش انتي لو في حد في حياتك اولا انا منقدرش نظلمك معاي وحكيتلك كل شي لو تبي نتزوجو عادي بس رح ناخذ نهى بعدك منقدرش نخليها بعد علاقه 3سنين من لما شفتها في المانيا
بسمه:مصدوومه مش مستوعبه شنو قاعده تسمع؟!
تيم:شنو رايك في الموضوع
بسمه:محسيتش بروحي كيف نضت وانا مستنده ع الحيط وطلعت من المربوعه وتيم ينادي فيااا..يتبع

علي حسب التفاعل نكمل الروايه 😘

تقييم المستخدمون: 3.89 ( 11 أصوات)

1 2 3 4 5 6 7 8 9 10 11الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock