حوار مع الكاتبة شيماء رضوان

Staff
أخبار الفن
Staff10 فبراير 2020آخر تحديث : منذ سنتين
حوار مع الكاتبة شيماء رضوان

[box type=”success” align=”” class=”” width=””]حوار مع الكاتبة شيماء رضوان[/box]

إعداد :فريق عمل المجلة

نشر وتنسيق : بوسي رأفت

اهلا بكل متابعين مجلة ست الحسن ومرحبا بكم في ثامن حلقاتنا من حوار مع كاتب /كاتبة حوارنا اليوم هيكون

مع الكاتبة الجميلة ذو القلم الرائع الكاتبة شيماء رضوان  كاتبتنا اليوم ابدعت في سردها لروايتها

والان هنتعرف عليها عن قرب من خلال حوارنا معها

اهلا بيكى كاتبتنا الجميلة و المميزة باسلوبك الراقي في لقائنا الثامن من حلقات حوار مع كاتب/ة يسعدنا تواجدك معنا

أهلا بمجلة ست الحسن وأهلا بيكى يا بوسي وسعيدة بتواجدى معاكم جدا مجلة رائعة وبتطور بسرعة وبشكل كبير ووجودى معاكم اضافة ليا

الاسم الحقيقي او اسم الشهرة؟

  • ..شيماء رضوان

السن او سنه الميلاد؟

  • ..سنى 21سنه واتولدت 15/71998

الهواية؟

  • ..الكتابة والقراءة

البلد

  • ..مصرية من مدينة السنطة

الحالة الاجتماعيه

  • ..عزباء

متى بدأتي عالم الادب وكتبتي اول عمل ادبي ليكي؟

  • ..بدأت من سنه ونص وأول عمل كانت رواية اسمها زواج لمصلحة العائلة

من هو مثلك الاعلي في مجال الادب ؟

  • ..الأستاذ محمود زيدان كاتب رائع

مين من الكتاب او الكاتبات نفسك تعملي معاها عمل ادبي مشترك؟

  • ..أكيد نفسي أعمل مع أية عبد العليم

كام عدد الاعمال الادبية التي قومتي بنشرها؟

  • …خمس روايات وحوالى خمس قصص قصيرة

هل ندمتي مرة على عمل ادبي بعد مانشرتي؟

  •  …لا ما ندمتش على حاجة حتى روايتى الأولى كانت تقليدية الا انها كانت بدايتى للعالم ده

هل ممكن يأثر فيكي النقد من المتابعين سواء بالسلب او الايجاب ؟

  • ..سلبي لا أما ايجابي فبيأثر فيا جدا وبيدينى دفعة لقدام

لو رجع بيكي الزمن هل هتكتبي نفس الاعمال الادبيه ولا هتحذفي منهم شئ؟

  • … لا هكتب نفس الأعمال

ماهى عناوين اعمالك الادبية التي قومتي بنشرها؟

  1. . زواج لمصلحة العائلة 
  2. عشق ووجع
  3. الصياد 
  4. لست احدى ممتلكاتك 
  5. انتقام مجهولة النسب
  6. زوجة بالايجار 
  7. لم أكن قبيحة يوما
  8. أرواح ضائعة 
  9. تربية يدى 
  10. جورى 
  11. الملكة الشقية

ماهي طموحاتك المستقبلية سواء على الجانب الشخصي او الادبي؟

  • ..أخلص دراسة وأشتغل مدرسة عربي لانه تخصصى وكمان أكون كاتبة مشهورة والناس بتحبها وأطبع أعمالى ورقي

لو طلب منك شراء شخص شراء احدي اعمالك الادبية ووينسبها اليه هل توافقي ام ترفضي؟

  • …أرفض طبعا

لو عاوزين نعرف الجانب الانساني اللي كتير من متابعين مايعرفش عنه حاجة هتقوليلنا ايه؟

  • …أنا إنسانة عادية جدا هادية مبحبش المشاكل وبتجنبها صحيح بشهادة أصحابي ردى جاهز دايما الا انى مبعرفش أواجه أو أتخانق
    فيا حاجة أنا بعتبرها ميزة وهى إنى حتى لو مش بطيق بنت وبكرهها جدا الا انى بعاملها طبيعى خالص ولا كأن حصل حاجة وده بيخلى واحدة صاحبتى تقولى بخاف منك لو انتى زعلانه منى مش هعرف

هل سبق لكي ان ربيتي حيوان وهل اعتنيتي بي بنفسك؟

  • ..ربيت قطة صغيرة وكنت بأكلها وبتقعد على رجلى الا ان أمى سربتها بره البيت

هل سبق لك وعملتي في عمل تطوعي ؟

  • …بصراحة لا

ايه الاكلات اللي تحبي تكون دايما على السفرة ؟

  • …بحب الرز وده بيخليه متوافر دايما وقت الغداء

شخصيتك عصبية ام هادئه؟

  • …شخصيتى هادية جدا وبحب الهدوء بس لما أتعصب مش بشوف قدامى وممكن أقول كلام جارح وقت عصبيتى لانى مش بعرف أتحكم فيها

ماهي اكتر عمل ادبي ليكي قريب لقلبك؟

  • …رواية الصياد أكتر عمل بحبه أوى

لو حابة تقولي كلمة لمتابعينك هتقولهم ايه خدي راحتك؟

  • …إنتوا دايما واقفين فى ضهرى أنا من غيرهم ولا حاجة وكمان أكبر دعم ليا بشكركم أوى وربنا يخليكم ليا

ايه اكتر 3 بلاد نفسك تزوريهم؟

  • …بصراحة مش عايزة أخرج بره مصر

لو خيروكي انك تكوني مسؤول الثقافة والادب على مستوى البلد بتاعتك لمدة شهر واحد اي القرارات اللي ممكن تاخدها لتحسين الوضع الثقافي والادبي؟

  • …أول قرار إنى أفرض رقابة شديدة على دور النشر وتشكيل لجنة كبيرة من النقاد وفحص جميع الأعمال قبل ظهورها بمعرض الكتاب صحيح المهمه صعبة بس أتمنى ده يحصل

لو مسافرة دولة اوربية اي اكتر حاجة هتهتمي تكون معاك اثناء سفرك؟

  • …مظنش ان فى حاجة هتكون أهم من التانية كل متعلقاتى مهمه جدا بالنسبة ليا

لو عندك 3 رسايل لازم ترسليهم لحد

  1. رسالة اعتذار
  2. رسالة حب ومودة
  3. شكوى او لوم
  • رسالتى الأولى هتكون اعتذار لأهلى على تعبهم معايا وإنى مدخلتش الكلية اللى نفسكوا فيها
  • رسالتى التانية هيا شكوى من حالنا دلوقتى ومن دور النشر اللى بقت تقبل الاسفاف وترفض الأعمال المحترمة
  • رسالتى التالته هتكون لأقرب أصدقائى أسماء دينا أمانى بسمة اسراء وجودكم فى حياتى نعمة كبيرة ربنا يخليكم ليا

في نهايه لقائنا حابين نوجهلك شكر خاص على اعمالك المميزة مع تمنياتنا لكي بمزيد من التالق والنجاح على الجانبين الادبي والاجتماعي

ولو حابين تتابعوا اعمال الكاتبة على المجلة

رابط مختصر

رأيك يهمنا

error: Content is protected !!