رغم إبتزازي للكاتب حسن الجامعي

فريق النشر
روايات كاملة
فريق النشر13 أبريل 2020آخر تحديث : منذ سنتين
رغم إبتزازي للكاتب حسن الجامعي
حكاية #رغم_إبتزازي 📱🔥
( خيال مقتبس من الواقع )
للكاتب: #حسن_الجامعي
الرواية بلهجة الليبية
( البداية )
.
.
.
عاصمة الليبية ( طرابلس ) . . .

حياة / لييييش بسسس لييش درت فيا هكي تلعب بششرفي يا حيوان حسسبي الله ونعم الوكيل فيييك 💔🔥
مجهول / على اساس عندك شرف انتي اصلا ششنو رأيك نخلي المبلغ اكتر من هكي يعني بدل ال 12 الف نخلوهم 24 الف ههه
حياة تبكي وحاطه ايدها على راسها / لا لا لا بالله عليك معندكش اخوات معندكش عيلة
مجهول / طلع الدخان من فمه بكل برود … بعد 24 سساعه يكونوا عندي الفلوس فاهمه
حياة / الله يلعنك ويلعن هديك الساعه …
مجهول / ششششش…فصل الخط!!!! …

_____________

{ قبل يومييين }

ساعهه 11 الصبحح!!! …

حياة / فاقت الصبح غسلت وجها لبست عبايتها دارت شوية ميك اب ولبست خاتم الخطوبة متعها 💍
فاطمة / طق طق طق … هيا يا بنيتي قبل ما يصكر المحل المنزلية
حياة / شووية أمي نساوي في وشاحي بسس
فاطمة / هيا زودي اطلعي رااه البضاعه رخيصة عندهم لحقي على الميكرويف والخلاط متعك ياسر هبل زايد وعطور ومكياج مش ماشية لفرح
حياة / فتحت الباب… حبيبتي ماما اهوا جهزت رووحي توا طالعة
فاطمة / ادعيلي يقبلوني ويطلع اسسمي في العمرة يا بنيتي
حياة / بإذن الله يطلع اسسمك أمي وتمشي للعمرة وتحققي رغبتك
فاطمة / هيا سلم بنيتي تحركي وروحي بسسرعه خطيبك موصي مفيش طلعات وخشات من الحوش الا للضرورة !!!
حياة / تمام مش رح نتأخر … خدت شنطتها وطلعت وصكرت الباب 🚪 ….

_

حياة / اشررت بإيدها ع تاكسسي
جهاد بصوت عالي / ووين تبي يا اختي ؟؟؟!
حياة / نبي سسوق غوط شعال وين مافي المواد المنزلية والكهربائية !!!
جهاد / زوودي هي لكن بنرفعك ب 30 دينار
حياة/ اعلاش الطف ياربي !!!!
جهاد / الحكاية بنزينة وزحممه وتعب وجهد
حياة / الله غالب … باههي هي توكل ع الله
جهاد / مشششي بالسيارة سسرعت فوق ال 80
حياة / معليشي على مهل مش مستعجلة
جهاد / نضرات بررووود 🙄 … هكي سواقتي!

ترررن … ترررن … ترررن 📞

مالك متعصب / وووينككك!!!
حياة بخوف/ ايوا حبيبي شوف اني طلعت انجيب الميكرويف امتعي وناقصتني كم حاجه
مالك / تكملي ابسسرعه وترووحي طول منبيش ننشغل عليك رررااه!!!
حياة/ تمام حبيبي دير بالك على رووحك … سلام
مالك / شووية ونكلمك نتأكد… سلامات!!

( تعريف شخصيات للتوضيح اكتر . . . البطلة … حياة بنت طيييبة فوق فوق الازم بيضه وعيونها عسليات ولما تكون طيييبه اكتر من لازم تكون مرات تصرفاتها غبيية ومتعرفشش تتصرف معظم الاوقات!!!💔 مواليد 1997 … معندهاش لا خوت ولا اخوات … عايششة مع امها فاطمه … وامها تخطط لسسفر لمملكة العربية السعودية باش تمشي للعمرة وتحقق رغبتها بس قبل هذا كله تطمن على بنتها وتمم عليها زواجها اللي مزال علييه ششهر واحد فقط !!! وحاليا جهزت كل شي الا حجات بسسيطة لتكميل بضاعة العريس والعروس 👫💍 … مالك يكون خطيبها مهمته يخدم شرطي وتحديدا محقق يحقق في القصص ويتبع كل قضية بتفصييل 👮‍♂️ … مواليد 1990 … ححب حياة طيبتها وطيبت قلبها وعفويتها وقرر ان يتزوجها بالحلال وفعلا تمت الخطبة 💍 … ششن هي قصة حياة !!! وششن هو الشي يلي حيخش في حياتهم وحيقلب الاحوال رأسا على عقب!!!… 🤔؟؟؟؟ )

🔥

. . .

حياة / ووصلت للمكان اللي هي تبيهه… معليش لو سمحت وخيي اني بناخد حاجه بس من المحل عادي تستنى دقيقتين بسس شوف زحمه ومش رح نلقا تكسيات كلهم معبيات 🥺
جهاد تأفف وكان يبي يفوتها / باهي باهي بس بالله بسسرعه ورانا اشغال ومصالح!!!
حياة / هي عطيني دقيقتيين بسس 😍
جهاد / نفخ اهيا بببكل 🤦‍♂️
حياة / خششت للمحل وخدت الميكرويف وخايفة التاكسي يمشي وواقفه في طابور وخايفه 😥
العامل / تفضلي وخيتي تتهني بيه ان شاء الله 😀
حياة / سسلمك … هي السلام عليكم … ركببت التاكسسي بسسرعه وشافت لجهاد هكي 😁
جهاد / دار الفرينو ومشششي جررري🚕

. . .
ححووش اهل مالك!!…

منيرة ام مالك / شرربت رششفة من القهوة… لا يا حنا البنية كوويسه وقالتلي امها منظمه ومهتمه برووحها هلبا وتنضف وتكنس وطيب ومشاء الله

نور / اتكوون اخت مالك الصغيرة مواليد 1999….

نورا / اتكوون اخت مالك المتوسطة مواليد 1995…

نور / تي والله حاله تتمايع هلبا حسسيتها وهكي جووها متع صغار ومش باين عليها ان حتفتح حوش
منيرة / عيييب … متحكمييش بالششكل!!! من برا ششوفيها وتعرفي عليها ززين رح تفهميها وتحكمي بعدين عليها
نورا / قصدي يا امي مشش خااششة راسي ان هو يتزوج وحده اصغر من ب 7 سنيين !!!
منيرة / يارب اعطيني الصبر … عادي يا بنيتي عادي البنت مناسبة لقيتها وخوك مشاء الله عليه ولى شاب توا عمره 30 هذا وقتت الزواج كان متزوجشش توا امتى بيتزوج ياحسسرة!!!
نور / قصتنا مشش في الزواج اححني … قصتنا في اللي بيتزوجها!!؟
منيرة/ مدخلكشش بيها والهي في رووحك يكون افضل للجميع هاذا خوك وحياته تخصصة
نورا / شربت رششفة من القهوة… لا يا حنا احني علاش احني نخمموا خلينا نمشوا شي يوم ونجربوها كيف غداها وكيف ماكلتها من تووا هكي نظمنوها والله هذا وخيينا معندناش غيرره!
منيرة/ طيحح سعدك شاقية بهم ناس بدل ما شاقية بهم راجلك اللي حرجانه مننه!!!
نورا تعفلقت حطت قهوة وخشت لدار/ الحق عليا قاعده ننصح فيكم😤
نور / اختاري الصحح يمى وافتحي عويناتك …
منيرة / تشرب في القهووة وتفكر في العرس كيف بيكون ومني بتعزم ومعدلتشش على كلام بناتها 😂 . . .

🔥

_
_
_
_

موظفة / تتصل بأم حياة ( فاطمة ) تررن 📞
فاطمة / الو السلام عليكم …
موظفة / وعليكم السلام اختي فاطمه بالقاسم معانا على الخط!!؟؟؟؟
فاطمة / ايييهه اني منو معاي؟!
موظفة / حضرتك طلع اسمك في ذهاب الى المملكة العربية السعودية رحلة العمره
فاطمه فرررحت / لا بالله تحكي جديات يا بنيتي
موظفه / نحنا عايزين تعطينا بيانات حضرتك كاملة ودلوقتي ترسليهم لموقعنا على الفيس بوك
فاطمة / ححاضر بإذن الله تعالى

😍 … صكرت الخططط…وبدت فاطمة تزغرررت وتسسمع في الجارات الاخبار وكل شوويه وحده جايتها تشرب عندها القهوة وتحتفل بالخبر اللي سمعاته ❤ …

.
.
.

عنننند حياة 🚕 …

حياة / تفضل خووي اهما 60 دينار ذهاب واياب
جهاد / خداهم بالقوة ومعاها نضرة باردة 😒
حياة / نززلت وهي تششبح في وجه جهاد
جهاد / شبحلها ششبحه تخوف شويه ومششي
حياة / الغبيية من كتر ما خافت من شبحهه نسست الميكرويف 😨😨 …خششت للحوش وهي تتفكر في شبحات 🤦‍♂️💔😤
فاطمة / هلا هلا بنيتي اتعالي نقولك الاخبار الحلوووههه 😍 خششي …
حياة / خششت…. ونحت في رجلها وقعمزت على صالون…
فاطمة / طلللع اسسمي في العمرة يا بنيتي 😍
حياة فررحت / الف الف الف مبروووك يا امي واخيرا جي الخبر يلي يفرح قلبك ويطمنك
فاطمة / يا حنا هيا توا خششي للدار واستريحي باش ششوية تاني تتغدي اليوم مدايرة فاصوليا
حياة/ تمامم… خششت للدار وفتحت شنطتها وملقتشش التلفووون باش تكلم مالك وطمننه وفتششت زيين ملقتشش شي في شنطة 😨 طلعتها كلها ودورت التلفون في كل جهه من شنطة وفتحت كل الجيوب متع شنطة ملقتشش شي !!!! 😨😨😨 واتذكرت ان نسست تلفونها في تاكسسي 😱💔 / انهااري اححررف ححي عليا اكيدة مالك اتتصل بيا ومش حيلقى ررد ووك عليا الكارتة الكبيرة ان صووري في التلفون 😱 لا يا ررربي لا مسسستحيل يلي قاعد يصير معاي 😨 …

🔥

صاحب التاكسسي 🚕

جهاد / اخخخ السيارة تبيلها تنضيف يا حاج
شغال / تم تم مديررر خمس دقايق تكون تلمع
جهاد / قعمزز ع كرسي يستنى في شغال يكمل تنضيف
شغال / جايب في اييده تلفون حياة وميكرويف متعها 😨 … مدير مدير لقيت هاتف موجود هنا
جهاد انصدم ؟ / ترررا هاات خلييي نشوف!!!
شغال / انا حكمل تنضيف مدير
جهاد / كمل كمل برا فوت الموضوع مدير … شاف التلفووون وعررف ان التلفون متع حياة !! لأنها آخررر وحدة ركبت معاه 🚕 … وررركب جهاد في سيارة بعد ما كمل تنضيف وحط تلفون في جييبه التلفون عججبه وبيمشي يبيعه لأول مححل تلفونات وياخد ححقه ويطلع من القصه رابح 😨😨😨🤦‍♂️💔🔥 …

خشش لأول محل تلفونات قداممههه📱📷

جهاد/ السلاام عليكم …
نزار / وعليكم السلام اووو غالي شن امورك
جهاد / الحمدلله يا غالي شن مداير
رواد / شنجو شن امورك انت … والله ماشيه
جهاد / الحمدلله الحمدلله
نزار / ششني مني يا غالي بتصلح تلفونك ولا كيف
جهاد / لا يا غالي عندي تلفون نبي نبيعهه ومستحق والله اليامات هادي وطايحه بيا
نزار / من وين جايبهه تلفون هذا…!!!؟؟؟
جهاد توتر ! / والله يا غالي تلفون العيلة معاشش يبوه ويبوا فلوسسه نستفيدوا منهم
نزار / قداشش تبيه يا غالي هذا ايفون 7 بلس حاجهه صحح راه
جهاد / اي اي زاببطهه قداش يجيب عندكم
نزار / ترا ششوفه قداش يجيب يا رواد
رواد / هات يا غالي خلي نششوف!!! … شافهه
جهاد / ششني مني قداشش يجيب من الاخيرر
رواد / يشوف في تلفون ويركز عليه ويستعمل فييه باش يتأكد مفيهشش شي !!! … هذا يا غالي اقل شي يجيبلك 750 لأنه مستعمل
جهاد / تم يا غالي عطيني سوومه ومبرووك عليكم
نزار / تم يا غالي … دقيقة بسس نعطيك حقاتك
جهاد / خود راحتككك
نزار / عطاه ربطة فلووس 👀💵 …
جهاد / خداهم وحطهم في جييبه وكأن حلاله 🤦‍♂️💔 لون الفلوس وربطة حلت في عينه مقدرش يتراجع ولا لحظة 💔🔥🔥 … وطلع من المححل
🚶🏻‍♂🚶🏻‍♂🚶🏻‍♂🚶🏻‍♂🚶🏻‍♂ …

🔥

نزار / فتحح التلفون ششاف البرامج والرسائل 😳 … وفتح المسنجر ووتس اب وكل البرامج وبعديين خشش على الاستديوو ششاف صوور حياة في الاعراسس والايام العادية كيف شعرها مطلوق وهكي صور البنات العادية 😱😱💔🔥… رواد رواد تعالا بسسرعه يا راجل شوف
رواد استغرب / خخيررك يا راجل؟؟؟؟!!!
نزار / ششوف صورر البنت هاذي 😳
رواد / حححي ححي على اممه ككيف اهيا محدفتش صوورها قبل ما تعطي خوها تلفون الغبيييه !!!!
نزار / بالعقل توا راجل يعطي تلفون اخته بدون ما يتأكد ان مفيهش شي شنو غباء هيي !!!
رواد / ايييه ررسسمي معناها…..!
نزار / معناها التلفوون مخنووب 🔥!!!
رواد / ايوووا بززبط ششن بدير بيهم الصوور
نزار / نهددوا صحبة الصوور وناخدوا فلوس يا غالي واللي دفعناه 750 نجيبوا عششر اضعافه 😈😈🔥🔥🔥
رواد / يا عييييني عليييك هكي انت تعجبني وانت تبني يا غالي !!! بسس قوولي كيف رح توصل للبنت وهو تلفونها قاعد عندنا !!!!
نزار / ششغل دماغك ششوية … ناخدوا اول رقم يكون صحبتها المقرربه بكككل نوصلوها عن طريقها فهمتها كيييف ياذككي!!!؟
رواد / ايه ايه رسسسمي … بس الغبية علاش مشش حاطه رمز للتلفون
نزار / حتى لووو حطت اني نقدر نفتحهه بالكمبيوتر 😈🔥🔥…
رواد / نزار راك مشش سساهل انت يا غالي 🔥
نزار / كيييف عاد ششني نلعبوا بالبلاش !!!!

🔥

_
_
_
_

مروة / متكيييه على سرير وتتصفح على تلفون وفجأهه جاها اتصل من رقمم حياة تحسابها حياة!!!!!!

تررن تررن ترررن 📞📞📞

مروة بفرح / ايوووا حبيبتي شنجووو
نزار بأستفزاز/ اوني الجوو حلوو توا يا مروة
مروة انخلعتت/ مننني معاااي😳😳😳 !!!!؟؟؟
نزار / معاك خوك صاحب محل تلفونات 😏
مروة / وششن يدير تلفون صاحبتي عندك!!!!
نزار / صاحبتك الغبيه نسست تلفونها في تاكسي المهم يا حلوهه صاحب تاكسي باع التلفون لينا وفتحنا التلفون ولقينا مفجأت حتعجبكك يا بنتي
مروة طاح قلبها في مكانه / ككككيف كككيف 😨
نزار / هذا يلي صااار بتعطينا الست حياة نكلموها ونحدفولها الصور وناخدو قرشين اهلا وسهلا متبيشش خليني انزلهم في صفحه new libya على الفيس بووك خلي الناس تتفرج على جمال بنات ليبيا 😏😂
مروة / طااااح قلبها ومصدووومههه وقريب تجيها الحاله النفسسسية😱 … اس اسسسمع خووي وووسع بالك ش ششووية بس رح نعطيك تكلم حياة وفلوس حنعطوووك بس خلي التلفون عندك ومديرريش بالصورر شي بالله عليك
نزار / ايووووا خليك شطورهه هكي عندك نصص ساعه وتعطينا نكلموهها …

مودة / لبسست عبايتها طوول مششت تجري لعند حياة باش تحكيلها يلي صار معاها كله …

طق طق طق 🚪 …

فاطمه / هلا هلا بنيتي مودة بنت عزيزة الغالية
مودة متوترة / هلا خويلة كيف الحال وحال صحتك ☺️
فاطمه / الحمدلله والشششكر بخير كلنا … كؤف حال ميمتك باهية!!؟
مودة / ايه الحمدلله تسسلم عليك … ووين حياة!
فاطمة / توا كييف رووحت خشيلها في دار
مودة / خششت لدارها ونفسسها مقطوع 😨
حياة / مقعمزة تندب وماهي عارفه شنو دير!!!!
مودة بزع/ حياة حياة ششن صاير معاك معقووله تنسي تلفوونك في تاكسسي
حياة تبكي / حيي ححي عليا يا موودة نهاري اغبر اليوووم اني شن ندير في روحي
… سكتت شوويه … و انتي كيف عرررفتي!!!😳
مودة / تي كلموني ويبتزووا فيا عيني عينك وقالولي لو معطيتناش المبلغ المطلوب ونكلموا صاحببة الفلوس رح ينشرهم على الفييس😨!!!
حياة / ششششنووو فييسس 😱😱 اني انتهيت خلاص سمعتي بيقعدوا الناس يمسحوا فيها
مودة / خوودي نفسس عميق وخلينا نفكروا شن رح نديروا خليكي قووية اني معاك حبيبتي 😥💔
نزار / تررررن ترررن ترررن 📞📞📞
مودة / اهوووا يشرين عليا الحيوان 😨
حياة / هاااتي التلفون هاتي 😠 … اسمع يا حيووان اني مش لعبة بين ايديك قوول شن تبي مني وخلصني
نزار / شششش انتي خيرك معصبة خليكي ريلاكس شووية
حياة / انطق شششن تبي شن المطلوب !!!؟؟؟
نزار بأستفزاز / 12 الف 😈 ونبيهم بعد 24 سساعه والا رح تفسخي خطبتك لأن اني فضولي شوويه قريت رسايلكم هو رومانسي وانتي رومانسية يعني ومحبيتش ننهيها لذلك زي الشطورة عطيني المبلغ ورح نحذف الصور 📷
حياة / لييييش بسسس لييش درت فيا هكي تلعب بششرفي يا حيوان حسسبي الله ونعم الوكيل فيييك 💔🔥
نزار / على اساس عندك شرف انتي اصلا ششنو رأيك نخلي المبلغ اكتر من هكي يعني بدل ال 12 الف نخلوهم 24 الف ههه
حياة تبكي وحاطه ايدها على راسها / لا لا لا بالله عليك معندكش اخوات معندكش عيلة
نزار / طلع الدخان من فمه بكل برود … بعد 24 سساعه يكونوا عندي الفلوس فاهمه
حياة / الله يلعنك ويلعن هديك الساعه …
نزار / ششششش…فصل الخط!!!! …
حياة تعصبت / وواحد نذل حقير 😭😭😭
مودة / شششن قالك قوولي احكي
حياة / يبي 12 الف قبل 24 سساعه 😭😭💔
مودة / وووك عليا هلبا 12 الف حياة من وين رح تعطييه 12 الف يا حياة
حياة / ررح ناخد حوايجنا ومكينات اللي شريتهم للحوش متعي والباقي رح ندبره من مالك يعطيني 😥💔💔
مودة / ححرام هاذم حجات عرسكم اللي بتتهنوا بيهم وتعيشوا بيهم خيرك انتي !!!!💔
حياة / والله ما يهوون عليا مسستحيل نبيع حاجه من حجات الحوش يلي كل حاجه اخترتها مميزة من الاتات ومكينات وطناجر اخخ 😭💔
مودة / اني طلعت من الحوش ومحد قاعد لو يندروا ان طلعت يقتلوني المهم جهزي الفلوس واني رح نمشي معاك غدوا مرات تصيرلك مشكلة او ححاجه
حياة / حظنت موودة بقوووة … ربي يخليك ليا يا حبيبت قلبي 😭❤
مودة / ويحفظك ليا يا قلبي … هي سلامات طالعه اني ❤
حياة / عيوونها شحبات وتمسسح في دموعها وخدت نفسس عميييق … وخششت للدار ولبسست عبايتها طووول معندهاش صبر لششي تبي تبيع الحجات طول وتاخد الفلوس خايفه في اي لحظة ينتشرووا الصور وكل شويه تبكي وتمسح في دمعه من عيونها تبكي وتمسسح تقهرر💔💔💔💔 … طلعت من الحوش بسبلة ماشية تششري حجات للحوشهم وهي ماشيه تبيع الحجات يلي في حوششهم 💔💔💔 بدل ما تزيد توا تنقص وبدل ما تفرح توا تزعل اكتر وتنقهر اكتر ويزيد قلبها يتكسر ويتحطم … وتفكر كييف مالك رح يتقبل القصه و بأما مبرر رح يهدا مفييش مبرر لهذا الشي 😥😥💔 … ومشششت للحوش استأجرت سيارة وباعت الاغراض كلها الماعيين التلاجة والغاز 💔 وبساطات كلهم لواحد اتفقت معاه ياخدهم بسعر 10 الالاف قالت تبي 12 لكن رفض وقاللها يجيبوا 10 بسس 💔💔💔💔💔😥😥😥 …

🔥

وبعد مرووور 3 سسساعات !!!

#تسريع_الأحداث

طلبت حياة من مالك 2000 دينار ناقصات من 12 وطلبتهم بسبلة حوايج ناقصات لحوششهم اللي يجهزوا فييه … وبعد مالك عطاها ال 2000 وحطهم في حسابها … فاقت حياة تاني يوم مشششت للحوش استأجرت سيارة وباعت الاغراض كلها الماعيين التلاجة والغاز 💔 وبساطات كلهم لواحد اتفقت معاه ياخدهم بسعر 10 الالاف قالت تبي 12 لكن رفض وقاللها يجيبوا 10 بسس 💔💔💔💔💔😥😥😥 …
وباعتهمممم كلهم وبدووون تفكييررر 💔💔!!! وكلمت صحبتها موودة يتلاقوا في كافي باش يمشوا مع بعض للمحل تبع التلفونات اللي عنده الصور… 🔥

📲💔… ووصلوووا هما الزووووز …

مودة / وووينه المححل!!! شكله عطيك العنوان غلط رااه!!
حياة / اهووووا المحل 😳… خدت نفسسس
مودة / متستعجليش خودي تلفونك وشوفيه صورك انحدفووا وبعدين اعطيييه فهمتي
حياة / خششي معاي مودة علاش جايه مالا
مودة/ ماه خااايفه!!!! بس يلا خلينا نخشواا😥…
حياة خشت / السلام عليكم 😑
نزار / مقعمززز ع كرسسي … ههه وعليكم ششني جبتي ال 12 الف كاملات
حياة بتعصب / ايييه جبتهم احدف الصور وعطيني فوون متعي
نزار / فتح الهاتف متععههه وحدف الصور قدامها وعطاها فوون متعهااا… تفضلي يا شطورة
حياة/ خووود اهما واطلع من حياتي وخليني في حالي واللي دررته ربي رح يحسابك علييه يوم القيامه … هيا موودة خلينا نروووحوا 😤…
حياة / طلعتتت من المحل وكأنه طلعت من غممه كانت على قلبهااا…واخيرااا يا موودة الله واخيرا افتكيت من ابتزاز ووك عليا اني
مودة / لا حول ولا قوة الا بالله معقووله في ناس هكي قصدي تنزل لمستووى تبتزززك ع خاطر فلوووس!!!!
حياة / هيا توووا خلينا نروحوا اني تعبانه ومنبيش مالك يحسس على المووضوع لأن لو عررف حتنقلب الدنيا فووق لووطا على راسي
مودة / حياة !!! شنو بيصير فيك توا كيف رح تبرري الشي هذا لمالك 💔😥
حياة تبكي ومقعمزة / واللهي ماني عارفه يا مودة مقهوورة مقهورة يا مودة تعبانه واني نبيع فيهم قطعه قطعه واني يلي شريتهم قطعه قطعه باش نتهني بيهم شووفي شنو صار توا اخخخ اخخخ 💔💔💔

مودة / اذكري الله يا حياة ربي مع الصابرين خليك صبورة نعرفك قويه وطيبه اني مش هكي
حياة تبكي / لا اله إلا الله 💔💔💔 … خلاص انتي بري راه حد يشوفك ويشك فينا
مودة / اييه صح تمام ماشيه توا اصلا
حياة / رح نكلمك بعدين نقولك شن يصير 🤕💔
مودة / تمام حبيبتي … سلامات اني ❤
حياة / سلام يا قلبي ❤ … رووحت حياة على رجليها طريق كلها خاااافت ان يصيرلها نفسس الموقف وتتعرض للإبتزاز لأن الششعور هذا حقيررر جدا يخليك تكرهه روحك وتكره الناس مع الاسسسف…!💔💔 …

🔥

{ بعد مرووور يووومين من المششكلة هاذي … رجعت حياة لى حياتها الطبيعية مع خطيبها ومششاكل خوات خطيبها طبعا نور و نورا قايمين الواجب في حياة مركزيلها على نص كلمة تقولها ولا حررركه صغيرونهه في العزوومه بس بعد ما تمت العزوومه حياة حطت راسسها على المخدة وجاها مسسسج 🔥😥 … }

وناضت حياة من سريرها مفزوووعه وشافت / … حقيررررر الله يلعنننككك 😨💔💔

{ اوووبس الصور خداهمم صاحبي من التلفون وللأسف ان هو رفض يحذفهم الا بمقابل فلوووسس }

حياة / انفاسسسها نقطعت ومعاش عررفت شنو اديرر … يااارب يارب يارب ياارب ساعدني شن ندير يا ربي 😨 …
حياة / اتصلت بمووودة طوول باش تحكيلها
مودة / راقدهه في سابع نومهه…ترررن تررن📞… بصوووت نعسس وتعب /الوووووو
حياة / مودة الحيوان مزال محدفش الصورر😨
مودة / تنهدت وفاقت على حيلها … كيييف كييف 😨😨 مش بعتي حوايج عرسكك وخديتي فلوسس من مالك وعطيتيهه المبلغ
حياة تبكي / ايييه عارفه بسس رجع يبتزني ورح يرجع يبتزني اكتر واكتر الصور مفيهمش امان يا مودة قالي صور خنبهم صاحبه واني عرفاته كداب
مودة / على الحاله هاذي رح تقعدي عمرك كله يبتزك على خاطر صورك وانتي رح تقعدي العمر كله تقاومي باش خطيبك ميندريش وتصير مشاكل كبيرة بينكم!!!!!
حياة / انتي تنصححي فيا ولا تزيدي فيها عليا يا موودة 😨😨😨💔
مودة / اسسفه بس هذا الواقع يا حياة … توا برري صلي ركعتين وادعي ربك ياخدلك حقكك وغدوا يصير خير حبيبتي
حياة / حسسست ان مودة بدت تبعد عليهها لأن المشكلة كبرت 💔💔 وحسست ان الهم بدي رززين عليها …!!!!
حياة / خلاص ششكرا مودة تصبححي ع خير
مودة بأستغراب / وانتي من اهله!!؟؟؟؟ … صكرت الخطط!! …

يووووم جديد …..!!!! 🆕️

حياة / رررااااقدههه في سابع نووومههه وغارقه في النوم لأن بدي عندها هم معاشش بدت تفيق الصبح بهذاكا النشاط وتستمع باليوم متعهها!! … توا ترقد هلبا باشش تنسى وتبعد على الوقع شوويه😴😴😴😴😴😴…
فاطمة / طق طق طق 🚪… حياة خطيبك جي نووضي يا حنا
حياة / فاقت وبتعب وتحس ان جسسمها متكسر ومش قادرة تنوض … اوووف نايضه شويه بس
فاطمه / خششت عليها … تي نووضي خطيبك قاعد برا يستنى فيك شن راقدهه لتوا ساعه 1 ظهر طيح سسعدك
حياة / خلاص خلاص نضتتت نضتت … فاقت حياة وغسسلت وجها ولفت شعرها ولبست بلوزة وحاوولت ان تخغي الحزن يلي معبي وجهها بالبودرة وشوية ميك اب وحطت وشاح …

طق طق طق طق طق …. 🚪

فاطمة بأبتسامه / ههههه قعمز يا وليدي نديرلك قهيوة قعمز اهني … نفتح الباب ونجيك
مالك / خودي راحتك يا عمتي
فاطمة / فتححت الباب 😳؟؟؟؟
ولد صغير/ السلام عليكم خالتي هذا حوش حياة
فاطمة / ايه ايه هذا حووشها تفضل ولدي
الولد / عطي هاذي الدسسكة لى حياة … عطاها CD 📀 !!!!!! ؟
مالك / منو يلي جيي عمتي ؟؟؟؟ . مع طلعت حياة من الدار …
حياة بأبتسامه مزيفة / صباح الخير مالك ❤
مالك / صباح الخيرات … عيوونه قلوب قلوب 😍
فاطمة / هذا ولد صغيرون عطانى الدسكة هاذي قالي عطيها لى البنت اسمها حياة 📀
مالك / اسسستغرررب ؟؟؟؟؟؟!!!!!!!
حياة قلبها طاح 😨 وتقول في سسرها / ححي عليا اني اليوووم انتهيت خلاص 😱 … خلاص رح يشووف مالك صووري ورح نخسسرة يارب صبررني منبيش نخسرهه يارب ساعدني ششن نديرررر توووا!!!!!!😨😨😨😨
مالك / ترا اعطيني ال CD عمتي خلي نشوفوه!
حياة / ءءءء…😨😨 لا خلي نشوفه اني بروحي
مالك اصرر وغار 🤨 / لالا افتححي لابتووب خلي نشووفهه اني وياك 😄
حياة / قلبها يتقطع بتمووووت خلاص 😰💔
فاطمة / شششكت ان في ششي !!!!!!
مالك / هيا افتحي لابتوب وحطي الدسسكة خلي نشوفوا شنوو فيه!!!!!!🙂
حياة / ءءءءءءء😨💔🔥🔥🔥…#يتبع…

ششنوو رح يصير لحياااة !!!؟؟؟

اكييده رح يشوف مالك الصور ام لا؟؟🔥😰

ورح يصير يلي كانت خايفة منهه حياة ام لا .؟

وكيف رح تكون حيات حياه رح تنقلب للأسواء اوللأفضل 😰🔥 ؟؟؟؟

{ هذا كلهه رح نعرفوهه في الحلقة القادمة }

الكاتب / حسسن الجامعي ❤

كلمات دليلية
رابط مختصر

رأيك يهمنا

error: Content is protected !!