روايات كاملة

رواية إنحراف للكاتبة ميلو حسن

جميع الحقوق محفوظة للكاتبة

رواية إنحراف للكاتبة ميلو حسن

 

#انحراف 🔥(حقيقيه)

المقدمه ( حلقه 1 )

إسراء:مقعمزه في وسط الصاله ونشم في ريحة حوشنا نودع في كل مكان كأنه وصلني خبر وفاتي مكانش شعور عادي لالا كان شعور يخنق فيا مش مريحني اي مش مرتاحه ونا عارفه أنه الي ندير فيه مش ساهل صعب هلبا حايخرب هلبا حاجات بس مافيش حل غير هكي نحبه وحبيته هلبا كان القانون الي واضح في عقلي هوا الي يقوولهه هوا واللي يقرره صح حتا لو الناس كلها ضده كنت نحس في روحي شي منه وشي قريب منه هلبا حلالهه بدون مانتزوجه وبدون مايلمسني كنت نشووف في الحب اكبر شي وانه اهم شي في الدنيا حطيت اهلي ع جهة وسمعتي وشرفي ع خاطره ووافقت ع لهروب معاه بعد مااقنعني بكلامه سيطر عليا ع طريق قلبي وديما القلب يفووز ع العقل 💔

قبل أذان الفجر بي ساعه كنت راقده ع سريري بس عيوني مفتوحه كنت نستنا في الرساله منه قبل مايأذن الفجر وتصير دوشة وصلتني الرساله ع 4:30 بزبط قريت الرساله نضت وقفت عقلي من التفكير حطيت وجه حبيبي قدامي وبس نضت بخطوات بطيئه لبست عبايتي وحطيت وشاحي ع راسي وخديت الشنطه لانه كنت حاطتها ع رف وفتحت باب الدار حطيت يدي ع قابضة الباب وتلفتت وانا نشوف بنضرات حاااده لي اخواتي شديت حيلي وطلعت من باب الوراني ونا نجري لن وصلت لي السيارة

اسراء :اسمي اسراء مواليد 95 السكنه في منطقه ليبيه (ممنوع ذكرها) اكبر بنت في عيلتنا الي هيا تتكون من بويا وامي وخواتي مسرة ووئام (نتعرفو عليهم في الحلقات الجايه )

المهم انا متخرجه طبعا من كلية الطب وخدمت في مصحة طبعا تعرفت ع ياسر لانه كان يخدم في مكتب زي المشرف كان عادي شخص كويس ولد ناس سمعته كويسه استمرت علاقتنا سنتين حبيته بجنون كان اول حب ليا كنت منشوفش في الدنيا بخيرها وحلاوتها حياتي معبي ياسر وبس الروح والحاجه الحلوه هوا وبس كنت سمحه ونحب نلبس كانت لعيوون عليا هلبا وهلبااات يتقدمولي كنت نرفض ع خاطرره كنت عاطياته حب كبير كان التوب عندي حتا اتصالي بيه كان بي ساعات كنت نحس انه في شعور متبادل بينه مننكرش انه محبنيش لالا كان يحبني ويغار عليا يبيني ليه وبس كان مهتم بأدق التفاصيل بس كان عارف انه نا قدامه ضعيفه وهلبا كان عارف انه مهما دار حانقعد نحبه كانت علاقتنا حلوهه بالنسبه ليا 💔

نعرفش هل في حاجات من ورايا صايره منعرفش هل ياسر ممكن حس نفسه امتلكني ممكن يفكر في شر نعرفش لكن مش راح نحكي شي اقروها قصتي حلقه حلقه وتعرفو عليا اكتر💔

طبعا ياسر كان يستنا في مبلغ بيوصله باش يشري حووش محكليش شن قصة لفلوس بس كنت واثقه فلوسه حلال وكان يقولي اصبري عليا اول مايوصلني المبلغ حانشري حوش في طرابلس ونجي نطلبك من بوك ونتزوجو وفعلا فاتت فترة وكلمني كاااان فرررحاااان صووته وهوا يكلم فيا مقدرتش ننساه ونا فرحت وحددنا يووم وفعلا جاب اهله وكلمو بويا بس للاسف بويا رفض بما انه ناس مش نفس قبيلتنا حاول يقنع بويا بس بويا سكر راسه لدرجة تناقشو وياسر تعصب وروحو اول ماسمعت بي هدا كله كانت صدمتي كبيره وصوت بابا وهوا يحكي لماما وكان واثق من كلامه ومستحيل يتراجع ع قراره خفت نخسر ياسر في حياتي ماتوقعت هكي يصير وانه ممكن اهلي يكونو حاجز بينا نصدمت هلبا ومريت بي اسبوع ونا تعبانه من التفكير والسهر واول ما فتح معايه ياسر موضوع لهروب رفضت وقتله ارجع حاول معاه قالي بعتله خالي وعمي ورفضهم كان شعور الخوف يتغلب عليا والشيطان مقصرش معاي وأقوى من هدا كله الحب ياناس قووي هلبااا صح رفضت من البدايه بس بعد ما حسيت مافيش امل كلمت ياسر وقتله نا معاك كيف ماتبي لن جت الليله وصار الي فوووق كلهه🤷‍♀️

هادي قصتي عاديه ممكن تصير مع اي بنت مجرد علاقه محترمه بس شوفو كيف تخرب كل شي ولي وين وصلت ؟؟

مواصفاتي:طويله جسمي نحيفون شعري ع الاسود نقشي ع رقيق عيوني واسعات مايلات للقهوي بشرتي حنطيه هاااديه هلبا نحكيش هلبا الا مع الناس الي نعرفهم شبه مش اجتماعيه عادي بس نحب الناس ونحب الخير للكل طبعا كانو فيا اطباع مش حلوه بس اول ماتعرفت ع ياسر غير فيا هلبا حاجات شفت الدنيا من كل النواحي لقيتها حلوه عكس لما كنت نشوف في حياتي هيا قرايا وحوش وأهل وبس حتا صاحبات معنديش الا بنت جيرانه فاطمه كانت انتيمي وكل شي حلوو بعد ياسر

مـــيُـــلــو حــــسسـٰـــن🔥

🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

ونا في سياره لأول مره نركب جنب شخص غريب كان شعور مش حلو فجاءه حسيت انه الشخص هدا غريب منعرفش شن صار بس من كثر ماانا مصدومه وخايفه مقدرتش ننطق ولا حرف ونفس الشي ياسر كان متوتر وكأنه ملامح وجه تقول سامحيني انا مضطر فتنا مسسافه طووويله واضح انه طلعنا من المنطقه الي احنا فها
ترن ترن ترن:-
ياسر:الوو
سيف:بصووت خششن…..ايوااا وين لتوا بنرقد
ياسر:اهو وصلت لشارع افتح الباب
سيف:الباب مفتوح خليكم في الصاله منبيش نسمع حتا ريحتها الي معاك
ياسر:تمام غير تفوت الليله الصبح فيه حل
سيف:ميهمنيش مش مشكلتي عندك ساعات ووجهك بعدين
ياسر:بصوا متعصب….تمام تمام وصلت انا
سيف:سسكر الخط

اسراء:وين احنا عند من جيبتنا
ياسر:وقف السياره….اس انزلي متخافيش هدا صاحبي من زمان
اسراء:بصوت يررعشش…حح حااضر فتحت الباب
ياسر:نزل وسسكر الباب
اسراء:جيت جنبه
ياسر:حط يده من وراء ضهري وخشينا مع بعض
اسراء:كنت نشوف في ياسر متغير ومش ع بعضه هكي زاد خوفي مكانش مطمني وضعه…ياسر في حاجه انا خايفه

ياسر:لا حبيبتي اطمني توا ارقدي لانه الساعه 9 بنطلعو من هني
اسراء:هزيت براسي بمعنى تمام
ياسر:فرشلي فراااش كبير رقدت عليه وغطاني قعدتت نفكرر لن خداااني النوووم….بس طبيعي كان وجود ياسر معاي مطمني🤷‍♀️🔥

تاني يوووم الصبببحح:-

اسراء:فتحت عيوني لانه الشمس اخترقت عيووني. …ونا نشوف للمكان المختلف واذكرت الي وصلني لي هني وكااان قلبي يووجع فيا والله ماكنت نبي هكي يصير …نضت قعدت ندور ع الحمام لن شفت باب واضح انه حمام دخلت غسلت سنوني ومشطت شعري وطلعت انااادي ع ياااسر ….ياسر ياسر انا نضت وينك يااااااسر
سيف:سكري فمك توا يجيك ياسر وانتي قلبتي الحووش ع الصبح
اسراء:قعدت نشوفله وانا مصدومه في اسلوبه وشكله لكيوت الي مخلانيش نهززبه ….بلعت ريقي اءءءءءء …..ااا اناا وين ياسر
سيف:حط المنشف الي كان في يده ع رقبته وتلفت…ناقصني مجننه
اسراء:بنضرات تعجب!!….مجنووون تلفت بلملم لفراش وهكي…شفت ورقه ع صالوون…خديتها وكانت الصدددمهه؟؟🔥🔥

🔥مـــيُـــلــو حــــسسـٰـــن🔥

🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

((المحكمه))
القاضي:مالك عمران ال؟؟؟؟ مسجون رقم 2 المتهم بي جريمة قتل عائله ال(،،،،،،) وبعد سجن خمسة سنوات بدون ادله واضحه اليوم بي تاريخ 8/9/2015 وصلتنا الادله الواضحه ع برأته بعد اعتراف المجرم قبل وفاته بي ربع ساعه وتعويض ع السنين التي نسجن فيهم ضلما سايكافيه القااانون بي نص مليووون ونتقدم جميعا كا قضاء وقانوون بتأسسف من السجين والسلام عليكم ورحمة الله🔥
مالك:كان واقف وقريب طاح من طوله من الصدمه والضحكه كانت ترتسم ع وجه وتختفي مش مصدق الي قعد يصير علاش؟ لأنه كل سنة يديرو في محكمه وكان القرار السجن زي كل مره سلمت ع الكل والكل كانت نضراتهم عكس كل المرات لانه كنت في نضرهم مجرم وتوا عكس طلعت تميت وراقيه مع القاضي واستلمت المبلغ
وطلعت مع الشرطي مشينا لسجن سلمت ع المساجين كلهم وكل شخص عنده قصه في الي مضلوم وفي الي ضالم صاحبت هلبا بما انه ليا خمسة سنين والي شفته مش ساااهل لكن كان ايماني بي ربي قووي وانه ربي راح يبين الحق وحانطلع وربي مخيبش ضني وجي اليوم الي طلعت فيه 🔥💪🏻

مالك:اسمي مالك مواليد 94 انسان بسيط كنت عايش مع امي وجداي تربيت معاهم شبه نعتبر في جدي بوويا الي نحرمت منه ومنعرفش عليه شي الا انه عايش برا ومتزوج ومسألش عليا نهائيا كملت قرايتي ومحصلتش تعين دورت ع خدمه لانه كنت نسجل في صالة الرياضه ونبي نخفف ع جدي المصروف وخدمت في مطعم ع شارع كنت نخدم من الصبح لي المغرب لن مره جاني اتصال من بويا ومقدرتش نهينه وله حتا نتعامل معاه بعنف فرحت انه سمعت صوت بويا سألني ع حالي وحياتي وبعدها قالي انه بيبعتلي مبلغ من برا وانه خدالي حوش في منطقة(؟؟؟؟؟) رفضت لكن قالي ي ولدي انا مريض بي الخبيث(عفاكم الله) وطلب مني السماح وفعلا كان موصي عليا راجل صاحبه وكاتب املاكه الي في ليبيا كلهم بي اسمي بعد ثلاثه ايام وصلتني رساله انه في مكان (؟؟؟؟؟) في موضوع وهكي ع طول حطيت في بالي نفس موضوع بويا وبسبب زحمة الطريق وصلت للمكان المغرب نشوف في نار ودخاااان قربت من الحوش نشوف خبطت الباب مقدرتش ندخل اتصلت بي المطافي وتجمعو الجيران كلهم ونا وقفت بعيد نشوف لن اكتشفو انه في ضحايا بشريه نصدمت من المنضر قدامي وحسيت انه في شي غلط رفعوني الشرطه لتحقيق وحطولي التهم ومعرفتش ندافع ع روحي حاولت هلبا نقنعهم وحلفت بس كان في حد لاعبها صح والي فهمته هوا انه في حد طامع في املاكي قدر يوصل للراجل الي موكله بويا وضرب عصفورين في حجر واحد نحبست انا وهوا قدر يسجل الاملاك بأسمه 🤷‍♀️🔥

🔥مـــيُـــلــو حــــسسـٰـــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

هادي قصتي كلها الي صارت معاي 🔥
في اليوم الي طلعت فيه اول مكان جي في بالي وقلت لي تاكسي يحطني فيه هوا المطعم واول ماوصلت للمطعم سلمت ع الي كانو يشتغلو معاي وشبه نصهم مهناش وفي اشخاص جديده تخدم في المطعم لانه كان مطعم مشهور ومعروف وكبير قعمزت ع طاوله لانه تعبان واستحشت بيتزا من صاحبي عزو خش شخص شاد سلاح وكان وجه ميطمنش قعمز ورايا لن نسسسمع فيه يقول اهو بعتلها الأحول بيروح باها ع اساس انا ….تي اي اي سيارة مضلمه تي مدور شي …في المعهد الي مقابل مطعم (؟؟؟؟؟) تي ع شارع خليك واقف ونا نكمل الموضوع اطلع منه🔥
مالك:نضت بخطوات متسرعه وموضحتش لي شخص انه سمعته او شي بس مقدرتش مندخلش في الموضوع طلعت نشوف للمعهد وشفت ال سياره رصاصيه مضلمه قدام المعهد ……يتبببعع🔥

مازال الابطال وهلبا شخصيات وهلبا احداث لدرجه خايفه تتلخبطو والله هادي المقدمه وصلووها لي 800لايك راهو لقروب فيه 16،500K
حلقه غدوووه اقووى من اليووم والروايه قووويه 3قصص انحراف جمعتها مع بعض وانشاءالله نكوون قدهاااا🔥

 

تقييم المستخدمون: 4.4 ( 35 أصوات)

1 2 3 4 5 6 7 8 9 10 11الصفحة التالية
الوسوم

‫7 تعليقات

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock