روايات كاملة

رواية استحشتك للكاتبة فاطمة سالم

جميع الحقوق محفوظة

رواية استحشتك للكاتبة فاطمة سالم

 

روايـةه: استحشتك💓
بقلم Debth heven🔷
الكاتبةه فاطمةه سالم ♡………… ……. ..
. ………….. ..
الحــلــقــةه :الـاولـــى &برومـو💓🌸
…..
🌸🌸🌸
كنا نهدرزو تحت شجرةه في جردينةه …

انا (حياةه):استاد حفيره مغولي لالوح غر كان ينجحنا في المادة العربي متاعه بس ونفتكو منه ويفتك منا

سرور:قالك مغولي بس تي مش عارفه اني كيف متحملاته مرته بس من صبح ربي خاش وملبز وجهه بلطبيخه وفالينيا طالعه وفالينيا خاشه والكانتيرا على جاكيت اني مش عارفه شن مخلوق هدا

بلقيس :عارفين شن لي يقهر بنته تقرأ مع اختي تمشيلها وتجيها مره مشيت مع اختي لحوشهم تقول قصر يفلجج تعرفو يا بنات حاجه خرافيةه

رواسي :أمم ياخيةه والله عندي ليكن فكرةه ننجحو كلنا في الماده هذي

البنات :تييي ادوي

رواسي :مش وقته توا استاد طلع من اداره وبيلقانا في جردينه يقتلنا وجردينه كلنا عارفين ممنوعه فا لدالك في استراحه خير

بلقيس :مبردك الزفت كم مره نقولك تبي تقولي حاجه قوليها من الاول

رواسي:عدي عدي توا بعدين ساهل …

كلنا مشينا للطابور الا رواسي كالعاده مشت لي حبيبها …

وجت ابلة محضيه تفتش على ضوافر والخلال …
وسألت على رواسي ..
..
ابلة محضيه :وين رواسي وشنطتها هنا !

بلقيس :خشت للفصل مريضه يا ابله

ابله محضيه :عدي ناديها فيسع لو مريضه تجيب معاها روشيته طبيه ايوه

بلقيس مشت خدت شناطي لان فيهن مكياج

ابله محضيه:وين وين قلت امشي لي رواسي ما تاخديش شناطي

بلقيس دارت روحها سمعتهاش وقعدت تسرع في خطواتها ومشت طول لي حاويه عرفتش وين تحطها قعدت تحول في اللوح بشوي باش يديرش صوت و حطت مكياج ودارت على مكياج لوحة وجت بتطلع لقت الابله …

الابله: شديري

بلقيس :نساوي في سروالي يا ابله

الأبلة: هاتي شناطي

بلقيس طبست خدت شناطي :تفضلي
ووقفت بثقه

ابلة محضيه قعدت تشوف في تعابير بلقيس خايفه او لا وقعدت تفركس فيها على الماشي …

ابله محضيه :عدي عدي داهيه ودقه على الملهد

بلقيس طرمت شواربها وبنظره غل :اييي يا ابله مشكوره وبنقولك حاجه ديريها في بالك البنات مش سواسيه

ابله محضيه:عدي خيرلك جدري ناقصني فلسفه مفرخ

طارتلها بلقيس وقعدت تضرب خماس في سداس …. هي نرد عليها ونديرلها شطحه على كلامها المسموم هدا امممم !!!….هيييي رواااسي نسيتها نهار حرش 😶…خديت شناطي ومشيتلها

ابله:شن تراجي تحركي فيسع لفصلك….
🌸🌸
مشت بلقيس بسرعه دارت روحها بتخش للفصل بتنادي رواسي وبعدين لفت من على فصول وطلعت من باب الخلفي ولقت رواسي جنب باب خلفي متاع سور مدرسه

عدت تجري بلقيس شدتها من مرفقها :تعاااالي يا معفنه نهااارك اسود على راسك فيسع فيسع تعالي نخشو من باب خلفي وعلى اساسك كنتي في فصل مش تفلقيني

رواسي ووجها احمر:غرر بشوووي الزفت سليتي ايدي من مكانها اففف
(نفضت أيدي من بلقيس وقعدت نواسي في روحي )
وحطيت ايدي على وجهي على أساس متنرفزه باش تفطنش بلقيس …
..
ومسحت دموعي على سريع بدون ماتحس بلقيس …..
:هاتي المرايا يا دراه وروج

بلقيس:نعممم وقتك توا وقتك هوو وشن منظرك قدام ابلات ومديرين

رواسي حاطه أيدي على عيوني وبصوت حاد :اسمعي عارفتيني متعاركه اني وعواطف مانبيش نكون قدام بنت عمها مبهدله واكيد بنت عمها بتعاودلها الدوه ايوه مش انا لي نتبهدل ومش كلمه من يمين ويسار من مدرسين ومدراء تقيمني انا نعرف قيمتي بروحي

بلقيس مش مركزه وطلعت مرايا وروج من جيبها :خرررفي هاك هاك المرايا وسقدي روحك فيسع خير ما ابله تفطن وتلقاناش في فصل وننفضح

رواسي :مكثر دوتك ازح تي به باه عدي انتلفي للفصل وكان لقاتك قوليليها اني في الحمام على اساس مريضه وخودي معاك الشناطي شن جايبتيهلي هنا

بلقيس :تييي اووك يا طروح وجك هي

…..
وقعدت رواسي تواسي في روحها على أقل من مهل عندها وسعةه بال لا توصف وبعد تبعدت بلقيس خديت مرايا ومسحت دموعي ….
….
المايك لي رواسي ….
..
..
قعدت نواسي في روحي على أدق تفاصيل نحب روحي انيقه مش مدروشه كيف بلقيس …..
..
صح انا محتاجتها لحظه هذي اكتر من ايي وقت لاحق … محتاجتها ونبيها بسس…

يفضل نكتم مواجعي في داخلي يكفي سلام خدلتني اها صح الكل مش كيف بعض اها صح يمكن مش بقصد 💔

بسسس كفااااايةه خلاااص نبي نفرح نبي نرتاح تعبت💔

تعالو نحكيلكم شن صاير وحدةه وحدةه 💓

….
شخصيتي طبعا اني حساسه بشكل لاااا يووصف اي نعم لما حد يجرحني نكون خبيته ….

عموما :
..
خلي نعرفكن على شلتي اووك قايز 💕
..
.
طبعا شلتنا مش ايي شله ولا زي ايي شله ولا حد زينا المهم شلتنا كانت …
كلنا م99 بس عواطف وسلام يعرفوش بعض في الاول وبعدين تعرفو على بعض بطرق توجع القلب عموما هم نجحو من تانويه وانا وحياة وسرور وبلقيس عاودنا السنةه..
..💓
🌸🌸🌸🌸🌸
……

🌸🔷ابطالنا🌸🔷

(1..🔷رواسي شخصيه غامضه وقويه وهبله مع لي تحبهم
🌸🌸🌸🌸
….

(2…🔷بلقيس مرحه وهبله شوي تعرفش تتصرف وتحب قرايا وبس وتحب شخص بس من طرف واحد تصرفاتها ختشةهه وعندها الخبث 😅😑
🌸🌸🌸🌸🌸🌸
…..

و( 3…🔷حياة حساااااسةه احرف مني وحكايتها حكاااياااات ومهوووسةه درجه اولى بي روايات وأبراج وتحليل شخصيات
🌸🌸🌸🌸
…..

و(4…🔷سلام تمشي خط واحد على كلام عواطف عندهاش شخصيه بسسسس فلتوزةهه …
🌸🌸🌸🌸
…..

(5…🔷عواطف حقوووووودةهه وماتحبش حد خير منها لا في قرايا لا جمال ومشكلتها لا جت من هدي لا هدي 😂😂😂
🌸🌸🌸🌸🌸
……

(6….🔷سرور مختشه درجه اولى ولسااان طويل وتسهويك وزبيكووو درجه الامتياز😂😂😂😂
….
🌸🌸🌸🌸

كنا احنا سته معروفاات بالغموض وغرور واناقه ولي يجي في راسنا نديرو رأسه من راسنا لي يسأل علينا ولي يعرفنا من بعيد هدا وصفنا المهم …

كانت حياةه تحب شخص اسمه ميلود تحبه وتعشقه عشق لا يوصف كانت أقرب بنت ليها لي هي عواطف كانن هن الاثنين راسين في شيشه …
المهم حياة تعاني واجد وعانت في حياتها لين خلاص ومدايره أملها الوحيد والملجئ هو ميلود طبعا كانت قصه حبها غريبه بدايتها عبيطه 😂😂😂🐸..
كيف بدت طبعا …
بدات من من صف تاني ابتدائي …
كيف هك تعالو معاي نحكولكم كيف …
….
فلاش باك 🌸..

كان وقتها اختبار في املاء وحياة تغش كاتبه القطعه املائيه في حوش وكل شوي تفتح في شنطه وتنقل منها كانت حياة زبيكو مش منها لكن من هلها مش مهتمين بيها نهائي هدا مش موضوعنا خلي نرجعو …
..
عواطف استاقضت لي حياة كل شوي زيوو زيووو من سوسه شنطه 😂😂😂😂
التفتت لها بحتت لي ورقتها غاضت عواطف لان حياة كل املاء متاعها صح :املاء متاعك خطأا😑

حياة ببراءه :كدابةه عارفتها صح نقولك كيف 🙊

عواطف :كييف ياحماره تعرفيش تكتبي انتي

حياة بخوف:اووس تسمعنا ابله شوفي الورقه هذي كتبت فيها القطعه لي قالتلنا عليها ابله

عواطف :هيييي غشاااشةه ربي يحطك في نار

حياة طرمت شواربها بزعل ونفخت خدودها : حييي باهي ربي يسامحني !

عواطف تحلف فيها :تو نوريك ياااا ابلةه يااا ابلةه

ابله :نعم نعم كنك يا طالبه

عواطف شيرت على حياة :هذي تغش يا ابله

ابلة شافت حياة زعلانه طبست عليها : كنك ما قريتي يابتي

عواطف تبحت في تبحيته غل لي حياة وتراجي في ابله تضربها

حياة دموعها ينزلو على خدودها ووجها كله احمر:حقا يا ابله ربي بيحطني في نار وبيزعل مني

ابله شبحت في حياة بنظره حنوونةه:ياااخيةهه حبيبتي انتي اوشش بلا دموع ربي غفور رحيم حبيبتي 💓 معاش تغشي واقري وجيبي درجات سموحات كيفك (وقرصتها على خدودها)

حياة ابتسمت :شكرا

ابله تشبح في حياه بحنيه على برائتها :ياااخيةه عليك عسل

عواطف غاضت :وانييي😑

ابله :هههه حتى انتي

عواطف طلعت لسانها لي حياه :اننن مش انتي بس
والتفتت عنها …..

ووقتها كان ميلود يشوف في حياة ويضحك على هبالها وقعد كل يوم يشوف فيها ميلود كان يقرأ معاها بس هو خاسر اربع سنين عشان كان مسافر يعني يعتبر صف سادس المهم هي استغرباته أن يشوفلها …..

………..
كل شوي حياة ترفع راسها تلقاه يشبح فيها كل ما تلفت جيهته تجي عينها في عينه ويبتسم
..
خافت حياة وخدت شعرها وحطاته على وجها واشرت عليه وقعدت تعيط : 😭 ببيخطفني مجرررم مجرررم بيرفعني لعزووز قايلةه …..

فصل كله قعد يضحك 😂😂😂😂😂🐸
….
وميلود قعد يشبح يمين يسار يدور من يشبح فيها لقاها تأشر عليه نحرج منها وخدي الكتاب غطه بيه وجهه 🙈💓…
🌸🌸🌸🌸

…….
ــــــــــــ🌸ـــــــــ
انتهى فلاش باك 💭💭🌸
…..
…………………..
رواسي …
….
بعد واسيت روحي خشيت للمدرسه لاقتني ابله في الممر
….
…………….
ابلة :وين كنتي ياسمحه حصه اولى قريب تبدأ …

رواسي مرتبكه:ها اا اي اي كنت…..كنت في الحمام في حمام اييي

ابلة تشبح فيها بتركيز :امممم باه به بسرعه خفي روحك امشي لفصلك فيسع

رواسي :حاضر حاضر …

وقعدت نسرع في خطواتي لما وصلت للفصل وباب متاعه مفتوح قعدت نشوف في صحباتي كااان خاطري ننقوللهن شن واجعني بس خايفه بعد نقول وجعي يزيدني وجع اخر خديت نفس عمميييق وحاولت نكتم دموعي💔وخشيت للفصل قعمزت في اخر مقعد بدون مايفطن حد….

….

فلاش باك 🌸…
….
لما طلعت من جردينه وبنمشي لي ارحومةه 💓

فتحت باب الخلفي متاع مدرسه بشووي فتحته ياااادووب نطلع راسي 🐸🌚…
….
عشان في جامعه جنب مدرستنا وهو على أساس يحرس في الجامعه الأخرى ويخدم في الباص يوصل في بنات الجامعه …

لما طلعت رأسي لقيت الحاويه ونسمع في صوت ارحومه ؟!؟؟
….
استغربت في من يكلم كان ديما يستنى فيا قدام الباب !؟
….
قدمت شوي وجيت وراء الحاويةه وطلعت راسي شفتتتت💔💔💔😞….
..
ارحومه شاد بنت من كتوفها ويحكي معاها سمعتش الكلام شنو زدت قدمت وجيت بحدا البلوكات ….

ارحومه:اسمممعي تعاااالي للاستراحه خير ما نفضحك في مدرسه فاهمةه ولالا

..: ب بسسس لليييش هكك انت قلت بتتزوجني💔

ارحومةه:هههههههههههه وووووه ضحكككتيييني وووهه هههههه بطننني
(طاح على تراب وهو يضحك وشاد على بنت برجليه وحط ايديه على الوطا اتكى عليهن …
..:ههه يااااعممري
(رفع رأسه فوق يشبح وقعد يدندن:اخخخ تسخفي فيا وحق ربي ههه صار نتزوجك

….بشهقه..:ب بسس انا مش هكك انت هددتنا على فيس بي ايميل صحباتي كلنا نفتحو فيه ودرنا قرعةه وطلع اسمي طلعت معاك وبس مش بقصد والله مش بقصد كيف ما ماتفكر وحق ربي اني مش هكك 💔

ارحومه:ههه اخخخ يااعممري امم على شنوو تخططي هاا على شنوو تحسابيني نمص في صبعي تحسابيني قطوس في شكاره هااا تحسابيني ماريتش زيكك ياكناااسةه

(وقعد يضرب فيها برجليه لين طاحت بنت )
….
رواسي
اني هنا خلاااص معاش عرفت كيييف ندير نقدم ندافع عنها بس لو دافعت عنهااا ..

خااايفةه يهددني بصوووري💔💔💔بعد يعرف كشفت حقيقته …
وقلبي نحس فيه ناااار في وسطهه نااار بس بعد سمعت كلمتين هادم حسيت روحي انتهييييت ….
….
..
ارحومه:اسمممعي يافرخه انتلفي من قدامي بسرعه توا ساعه تمانيه الا ربع قريب تجي العاهرة هديكا بسرعه انتلفي

:..حررااام عليك اتقي الله رووواسي كويسه ياااريتني ماعطيتها رقمك ودرتك ولد عمي انتتت ماتشرفنيش ياااحقير

رواسي :
اني هنااا خلاص قلت معقولةةه معقولةه تكووون سلام هذييي💔💔💔
لااا لا ياااربي لاااا قعدت نحاول نتأكد منو هي …

شد وجهها بلقوه بي ايده : تعرررفي كااان ماتغلقي فمكك ياااا$#@& وربي وديننني نخلي سمعتك ميعاااد في كل مربوعه وكل مكان فاهمةه ولااا وتجي شووورها رواااسي نقتلككك

قعدت تنتفض سلام وتحاول تفك روحها منه لان قطع عليها النفس …
….


رواسي …
اني هنا خلاااص بعد شفت وجهه سلامم💔 قعدت نرعش مع بعضي وخااايفه وشفت سياره لانصر سوده قدمت اتجاههم وخرت اني بسرعه ونرعش ولما صكرت الباب بخوف وحطيت ايديا على الباب واني نرعش مع بعضي ونزلت راسي بننفجججرر دموووع خلاااص …

قعدت تنادي عليا بلقيس وقعدت نمسح في دموعي بلكم القميص وهي شدتني من ايدي بلقوه واني نتفضت بخوف 💔
…..
انتهى فلاش باك 💭🌸
….
🌸🌸
توا اكيد فهمتو شن صاير صح خليني نكملكم💓

الصراحـةه كان قلبي حااسسني أن يكدب عليا خلينا نرجعو للماضي قبل شهرين 🐊

فلاش باك 🌸

كنت نحكي مع سلام𵀽񙐊…….

رواسي : مش عارفه بجد
مش قتلك تعرفت ع بنت صديقه
مش عارفه كيف
مرات نحس فيها تعامل فيا معامله سطحيه يعني وتوشوش واليوم ع أساس بتزلبحني أن ف كلام بتقوله بس ف بنت معانا أخرى ع أساس قدرتش تحكي لكن انا فهمت ان حتى نا نفس جو يعني هي تبيش تحكي قدامي بس مشيتهلها

يمكن موقف بسيط بس شينه أن حسبتيها رفيقتك….

هي حرةه وعادي لكن
قصدي واعره أن تحسبي بنت هي اختك وان ح تسندك وهي دير حركات هك يعني
كأن خيبه من اول نا نخنقت أن عنديش حظ ف صحبات يعني ولا حتى ف حب
.
…. وهو ارحومه مغير صوره غلاف وفهمت أن يلعب ف بلستيشن دز لي امس اهلين بس فيس يفتحش يلعب بس وانا فقدته حق تعودت ع تصرفاته بس محتاجه حد يكون معاي دووم

….يعني مش لاقيتها من حد تعرفي ليوم سمعت صاحبتي تحكي فهمت موضوع نا بس درت حوله قالت إن حبيبها بيخطبها ولما سألتها قالت عنديش قلت بلكي شافتني عاقله وحكيت أن ع شلة تاع ولاد إن هن مدايرات علاقات واجد

…. يعني وهي تحسست مهم هدا مش موضوعي أن هي تحكي لي أو لا حرةه بس سمعتها أن بتنخطب تبي الحق حزت ف نفسي أن عليش نا لا خوات لا صحبات لا حظ ف الحب قلت زعما يا ارحومه شن نهايتك معاي الحق واعره يعني مره نحكي معاه ومره لا وقصه وما فيش حاجه تثبت حزت ف نفسي أن نا مجروحه من قبل فهمتيني قصدي لما جيت جيت ع دنيا بلا اخت ولما صاحبت خانوني ولما حبيت خدعوني

اي ونعمه بالله وحمدالله. لكن ف نهايه توجع يا سلام ننخنق ع حالتي وحاله عائلتي قصدي ره وحق ربي توجع ولما حكيت محد ساعدني

مافش كله ربي يعاونك واها وهدي حكمه ربي ما انا عارفه وحمد الله لكن توجع لما تنجرحي ف كل شي نشوف أن روايات وحكايات وبنات وناس أن تنجرح من حب مره او صداقه مره وتتعوض تعرفي 58 بنت حليت مشاكلهم وبعدها مدورنيش

شفتي حتى ف شغلي وملجئي روايات نطعنت نخدعت ف كل مصكره مجروحه بجددد يعني وحق ربي تعبت ره انسانه بس مش طايقه ولا متقبله ان نا مواليد 2000 وصاير فيا معنى كلمه انكسار تمامآااا تعرفي ان حاجه تتكسر من كل جهات هذي نا من صداقه وحب وعائله وناقص أن عنديش اخت

و عندي عائله لكن مافيش احساس وحنيه وكله رعب وخوف شن نقولك ترا كل يوم نشوف ف جنون عايشه رعب وهموم للعلم مش عارفه شن نوصف ولا نحكي وارحومه لما نقوله تغيبش عندي كلمه هذي معناها بحرر لان عنديش غيره الحق وحمد وشكر لله بس هك نحبه يا عالم نبيه محتاجاته فوق ما أن نحبه محتاجه. سند تعرفي اصعب شي شنو ان نكتب نكتب نكتب نبي نحكيله كل شي بس نخاااف يشفق عليا ويكمل معاي مجرد شفقه عارفه شننن تي حتى صحتي ضاعت

عارفه قبل نا صغيره ابله تضرب فيا ونا نبكيش تضرب فيا 50 ضربه وصقع وعلى صوابع ونا عااادي تحسابني نستفز فيها تقول ابله خيرك تحسيش خاطري نقوللها اي نحسش لان امي مفروض تجي تعاركك بس هي تضرب فيا ليل نهار عارفه لما تصب مطر تصب علينا ياااسلامم حوش بينهد علينا ولما جينا بنبيعوه عمي يبي نص حق حوش هدا بيش شربت قاز
وكل يوم نفس ينقطع عليا وقلبي يوجع فيا ع ايي وجع تحكو عليه بس
تعرفي
في امتحان نعرفش جواب سؤال نبدا نبكي يحسابوني حساسه ودلوعه بس نا نبي نبكي عشااان همووومي

💔💔💔💔ال💝 عنده حاله وفاة ومشاكل تعرفي ونا مستاحشاته ومحتاجاته تعبت من أن نحكي بصفه ماضي تعبت أن نجي نحكي صارلي وصارلي نبي اخت 💔نبي نجي نبي حد يواسيني تعرفي شن وصل بيا أن ناخد نبي بنت من دار ايتام ع اقل تعيش معاي لحظات حزني فرحي 💔اكتفيت وانا نحكي بشكليه ماضي صعبه لما حد مايحسش بيك صعبه واجد لما تكون حياتك عباره ع نت وتكنولوجيا ع اصدقاء وع حب بدون واقع فيس تو فيس صعبه

سلام:ياقلبي هذي حكمه ربي ولا اعتراض ربي ح يرزقك بي فرحه باش تحسي بيها

رواسي: تعرفي مبكري خشيت ع بوست ع اصدقاء بجددد عليش نا مايكونش عندي صديقه عمر عليش علييش وأخرى نلقى في لي تحكي ع اختها وتبصر ونبدا نشبح بس مليت صديقتي تخوني مع نحبه هذي اول تجربه ليا ثانيه تعاود في اسراري الأخرى تقرم فيا وأخرى فاتتني قصدي تعبت وحق ربي ولي نحبه يا يخوني يا يخدعني يا دنيا تشغله عني ماكفايه هك قصدي من اول تجارب 💔هك وصحتي تدهورت مافوق قلبي تورم من جروح ويوجع فيا ومافوق لين عيوني يدغدشو ضبابه تبدأ من كثر 😭 بكاء تعبببت

سلام:ياقلبي هم خدعوكش هم هذي حقيقتهم وبس

رواسي: والأصعب من هك💔 تكون جروحك سبب نجاحك نكتب في قصصي وحكاياتي وجروحي لي روايه 💔نسمع كلمه ابدعتي يحسابوش أن الغدر وخبث أبدع فيا في رسم جرح ع أصول أن احبابي ابدعو في رسم بكاء وقهري مدى زعله 💔

سلام:حبيبتي انتِ دنيا مش كامله يا حزن شوي وشوي فرح هي دنيا هك ياقلبي انتي هااا ريتي شن درتي في روحك عليش هك حرام عليك وربي ح يرزقك بي نعمه على هيئه شخص وباش ما تجرحيشي لان يقول مثل مايعرف كاسك غير لي ماشي ع نارك يعني ربي ح يرزقك بي فرحه باش تحسي بيها وانتي وقتها مش ح تجرحي شخص لان تعرفي مرار جرح

رواسي: نجككلي 😘 جعني مانفقدك 💚 ياوخيتي تعرفي 😂😂😂 مبكري قلت حي يا ارحومه حصلت في وحده رابش 😂😂 شن رايك نقولها له

سلام:عادي ياقلبي ماحتى بنات زمن هدا مطلعات رواحهن اوفر عادي جو جميل أن تشفطي

وبعد تلاته ايام بعد راسلتها وصلتني دردشه من ارحومه وباعتلي رساله اطلعععي من حياتي

وبعدها عرفت أن كادب عليا في اسمه وهو اسمه الحقيقي ارحومه وبعدها عرفت أن ارحومه هو نفسه لي مرتبطه بيه سلام وعرفت ان هي كانت تحكي له بصفه يساعدها ويساعدني وهو عرفني أن اني من خلال صورتي واسم ايميلي وبعد فتره هدد سلام وقاللها على أساس هو ولد عمه طبعا بحكم اني شفتاش لما نعرف اسمه معتز لكن
يتبع….
🌸🌸🌸
الكاتبةه فاطمه سالم ♡

……………..

 

تقييم المستخدمون: 4.83 ( 5 أصوات)

1 2 3 4الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock