روايات كاملة

رواية الشيطان للكاتبة راما قصاص

جميع الحقوق محفوظة للكاتبة

رواية الشيطان للكاتبة راما قصاص

انا يافا شاهين
انا الشيطان
انا القوية والشجاعة
انا من لا ارحم
انا من خلقت من رحم ميت
انا من مت يوم ولادتي
انا من ولدت مرة اخرى بعد موتي
انا التي تربت على ايدي الرجال
انا من اقسمت على تدمير قاتل امي
انا من ضحيت بحياتي من اجل الانتقام
انا من قتلت قلبي ودفنته بجانب امي
انا من ستجعل الزمن يعيد حساباته مجددا
انا من سيجعل العالم يركعون امامي يطالبون بالرحمه ، وهم يرتعشون خوفا من وجودهم أمامي ، واجعلهم يخافون لمجرد ذكر اسمي
فانتظرني ايها العالم فانا احضر لك من العذاب ألوانرواية الشيطان للكاتبة راما قصاص


الشيطان 🖤☯
البارت الأول

خُلِقْتُ مِنْ رَحِمْ مَيتْ

◀دكتور ، دكتور في حالة خطيرة كثير جاية لهون على الطريق وطالبينك لحتى تهتم بالحاله
◀خير الحالة كثير خطيرة يعني
◀دكتور عم يحكوا انها بنت الوزير
◀يلا جاي وانتو حضرو غرفة العمليات لاي طوارئ

وهيك كل الي بالمستشفى اتجهز لحتى يستقبل هالحالة المهمة
وصلت الاسعاف على باب المستشفى وحواليها مئات من سيارات الشرطة والحراسة
نزلوا بنت الوزير وكانت ملامحها مو واضحة ابدا من الضرب ،
واضح انها متعرضة للعنف الجسدي
وابوها وزير المالية ماشي وراها وعلى وجهه علامات الخوف والحزن
والدمعة واقفة على طرف جفونه
مهما كبر شانه بالبلد وارتفعت مكانته بيضل مجرد اب خايف من خسارة بنته
وزوجها ماسك بايدها وعم يترجاها ويستحلفها انها ما تتركه لوحدة
والغريب انه كان عم يستسمح منها ويطالبها بالمغفرة ، وعم يدعي على حاله
دخلوها على غرفة المعاينة وبعدها دخلوها على غرفة العمليات لانها واقعة من الطابق الثاني، والدماغ متضرر كثير ، وكانوا خايفين على الجنين
مضى الوقت واهلها واقفين على باب غرفة العمليات والتوتر والخوف مرافقهم
🖤🖤🖤🖤🖤🖤🖤🖤🖤
بعد ساعات طويلة طلع الدكتور وعلامات الحزن واليأس على وجهه
ركض زوجها وابوها لعند الدكتور

الزوج:طمني يا دكتور
الدكتور:أهدأ استاذ احمد ، نحنا اطرينا نتصرف بدون علمك
احمد:شو قصدك فهمني
الدكتور:المدام بعد ما وصلت بدقائق وقف دماغها عن العمل ، الضربة على رأسها كانت كثير قوية لهيك نحنا فضلنا ما نخاطر بالمولود وهيئناله ظروف ليضل عايش لوقت الولادة
احمد بعدم فهم: شو قصدك مرتي توفت
الدكتور : للاسف هيه هلا على الاجهزة بعد ما توفت دماغيا ، لحتى تولد المولود وقتها رح نشيل الاجهزة عنها لانو ما في امل بانه تعيش
احمد بغضب:لا لا هيه ما بتتركني وتروح لا ما رح تروح هيه وعدتني

انهار احمد والدكتور عطاه ابرة مهدئ ونقلوه على غرفة بالمستشفى
اما الاب كان بحالة لا يحسد عليها
بنته الوحيدة كانت بالنسبة اله كلشي مو بس بنته هي امه وابوه وصديقه وابنه وبنته حتى انها اخذت مكان زوجته وحبيبته الي وتوفت بحادث سير وتركته مع بنته وهي بعمر الخمس سنوات
رباها وعلمها وهو لوحده رفض يتزوج غيرها بسبب حبه الشديد الها
ما توقع بيوم انه رح يودعها مثل ما ودع زوجته ، ما توقع انه يومها رح يكون قبل يومه
سمحله الدكتور يفوت لعندها بعد ما نقلوها على غرفة العناية المركزة

دخل لعندها وشافها بمنظر عمرة ما كان يتوقعه ، الاجهزة باعداد هائله مركبة عليها من كل مكان ، وجهها شاحب ومليئ بالكدمات الي تسبب فيها زوجها
مع هيك الاب ما كان غضبان على احمد لانه كان السبب بهالكدمات والسبب بوقوعها من الطابق الثاني لانه بيعرف السبب الي خلى احمد يعمل هيك وبيعرف انه كان ضحيه فخ نصبوه الاعداء اله
ولما عرف فيه وكان رح يخبر احمد ويمنعه من أذية بنته مها كان الأوان قد فات وبنته كانت قدامه ودمها معبي الارض
ما تحمل شوفتها هيك وطلع لبرا الغرفه
🖤🖤🖤🖤🖤🖤🖤🖤🖤
بعد ثلاث اشهر ^^
صار في خوف على الطفلة خاصة بعد ما توقف قلب الام مرتين خلال هالمدة لهيك قرروا الدكاترة توليد مها
وخاصة انها ببداية الشهر التاسع
اخذوا الموافقة من ابوها لحتى يعملوا العملية

ابو مها كان عم يتحضر لحتى يستقبل حفيدته ، ويدفن بنته
هاليوم كان من أسوأ الايام الي مرت على الناس والسبب هو المشاكل الي صارت بين الشرطة ضد اكبر رجل مافيا بالبلد وكان الوضع اشبه بالحرب وراح ضحية هالشي ناس كثيرة
بنفس الوقت الي العالم كانوا عم يصرخوا فيه بسبب الوجع والفقد على اهلهم الي ماتوا
صرخت ملاك صغيرة لتعلن قدومها على هاي الحياة
انولدت هالبنت مع هالصراع وكانها بتعلن للعالم انو من اول يوم الها بالعالم مارح تجلب الا الدمار والوجع
من اول يوم عم تتحدا العالم
ليستعد العالم لمولود #الشيطان
ليستعدوا للدمار والخراب
ليستعدوا للألم والوجع
ليستعدوا #للشيطان
🖤🖤🖤🖤🖤🖤🖤🖤🖤
خرجت الممرضة وكانت حاملة الملاك بين ايديها
الممرضة:مبروك، بنت
ابتسم الجد وشالها بين ايديه
راحت بنته بس بنفس الوقت تركتله قطعة منها
اطلع عليها وهي ساكنه بين ايديه ، وكان عم يملي عينه منها ومن امها الي رح ينحرم منها كمان دقائق
الممرضة مقاطعة:لو سمحت عطيني اياها
اطاها البنت وهو روحه معلقة فيها مو حابب يتركها بس لازم تروح لحتى يطمنوا على وضعها ويفحصوها
🖤🖤🖤🖤🖤🖤🖤🖤🖤
واقف ابوها قدام بلور الغرفة وعم يتفرج عليها وهي باخر لحظاتها
عم يشوفها لاخر مرة قبل ما توقف نبض
شال الدكتور الجهاز الي لسا شغال بنبض قلبها لتعلن من الدنيا رحيلها
في الغرفة الثانية
الممرضة:بسرعة نادي الدكتور ما بعرف شو صارلها
اجا الدكتور وبعد محاولات كثيرة عاد النبض لقلبها الصغير
الممرضة:دكتور رجع النبض
ابتسم الدكتور
الممرضة:وقفت عن الحياة تسع دقائق وبعدها رجع مرة ثانية
الدكتور:هالبنت اليوم رح يشيلوا عن امها الاجهزة لانها متوفية يمكن قلبها حسها انه امها رح تتركها وتروح
الممرضة:يا حرام الله يرحمها ، شو ذنبها هالطفلة تنولد وبنفس اليوم تموت امها
🖤🖤🖤🖤🖤🖤🖤🖤🖤
طلع الدكتور ولقى الجد ناطرة بعد ما خبروه انه حفيدته عم تكافح الموت
الجد:طمني يا دكتور
الدكتور:اطمن كلشي تمام ،
حفيدتك مكافحة وقوية
اليوم انولدت من جديد
وقف قلبها عن النبض لمدة 9 دقايق
الجد بشرود:حست بوالدتها
الدكتور:الله يرحمها ، استاذ حسان انت لازم تحمد الله انه عوضك بهالملاك
الجد بغصة:الحمد لله على كلشي
🖤🖤🖤🖤🖤🖤🖤🖤🖤
بعد يومين طلع حسان من المستشفى وحامل بحضنه بنت بنته
ركب السيارة ووصل على قصره
قصر اقل ما بيقال عنه روووعة كيف وهو قصر الوزير ،
دخل حفيدته على بيت عزا امها الي نفتح مبارح بعد ما دفنوها
واحمد ما كان موجود من ثلاث اشهر ما ظهر،
من وقت الحادث وهو ما اجا شاف زوجته وهلا ما اجا شاف بنته ، حسان معصب منه بس هو بيعرف انه هلا عم يأخذ حقه وحق زوجته مها وحق بنتهم من إلي تسبب بوجعهم وقهرهم

أعطا حسان الطفلة للمربية لحتى تهتم فيها لحتى يخلص العزا مع انه مو حابب انه حدا يعتني فيها الا هو
🖤🖤🖤🖤🖤🖤🖤🖤🖤
بعد مرور 15 سنة

حسان:يا بنت بس اهدي
◀ما رح اهدأ لحتى تحكيلي السبب، لك بكفي انا ما بسمحلك تخبي عني هلا بدك تحكي
حسان بغضب:يافا
يافا:ناطرة اسمع منك والا انا رح اعرف لوحدي
استسلم حسام قدام حفيدته العنيدة وقرر يحكيلها كلشي..
هلبنت ما كانت هيك بس من بعد ما سمعت سبب موت امها وهو ابوها الي ما بتعرفه وما شافته من قبل تحولت لبنت عصبية وعنيدة حتى انها صارت غريبة كثير وبينخاف منها ، وكمان من وقتها وهي عم تحاول مع جدها لحتى يخبرها بالقصة كاملة
يافا بغضب:سامعتك
حسان:القصة بدت من لما جبت امك على هالدنيا كانت فرحتي فيها ما بتنوصف بس الفرحة ما كملت لانه وقتها عرفت انها رح تكون وحيدتي بعد ما شالوا رحم زوجتي بسبب النزيف الحاد الي تعرضتله بعد الولادة
حمدت ربي لانه زوجتي لسا معي والباقي مو مهم وكما انو هلا صار عندي بنت مثل الوردة كملنا حياتنا ونحنا مبسوطين بس ما كملت معنا لانه زوجتي تركتنا بعد خمس سنين وتوفت بحادث سيارة ، ما قدرت احزن عليها لانه امك كانت لسا صغيرة
اهتميت فيها لمها وربيتها وعلمتها ودلالتها وما خليتها تحتاج اي شي ،اخذت مكان امها وابوها واختها وصديقتها كنت كلشي بالنسبة الها وهيه كانت كلشي بالنسبة الي عوضتها عن امها وهيه عوضتني عن زوجتي

مر العمر وكبرت مها وصارت صبية بتجنن
بيوم تعرفت على ابوكي احمد وحبوا بعض ،
احمد كان محترم دخل من باب البيت وطلب امك مني وانا وافقت لاني كنت شايف الحب بعيونهم
عاشوا بسعادة وكملت سعادتهم بخبر حمل امك فيكي
ابوكي ما كان مصدق والفرحة مو واسعيته وامك نفس الشي حتى انا فرحت وكانوا بنتي او ابني الي رح يجي مو حفيدي
بس ما انا بعرف انه ما في شي بيكمل ابوكي بكون عميد بالمخابرات وعنده اعداء كثير
وبيوم كنت انا واياه مع بعض وصلته رسالة فتحها وشافها
لاحظت إنه عصب وما صدق أخذت منه التليفون وانا مصدوم من إلي عم شوفه كانت أمك بالسرير مع زلمه ثاني عم تخون ابوكي
رفعت راسي عن التليفون وأنا الشيطان يلعب فيني لقيت أحمد طالع وما كان موجود
لحقته لحتى أقتل بنتي بأيدي بعد إلي شفته بس قبل لا اركب بالسيارة اجاني اتصال وكان من صديقة مها المقربة
رديت عليها وخبرتني وهي عم تبكي انو مها انخطفت وهيه كانت مخدرة وهلا فاقت
بصيص امل دخل لقلبي تكون بنتي شريفة وما تكون عملت هالشي اطلعت على الصور مرة ثانية ولاحظت انه مها غايبة عن الواقع ومو بوعيها
فرحت كثير وهلا لازم خبر أحمد قبل ما يفوت الأوان
بس تليفونه معي كيف بدي اوصله ، قررت روح على البيت
لما وصلت حاولت أفتح البيت بس ما في حدا لهيك دخلت من باب الحديقة الخلفي…

لما دخلت ما صدقت الي شفته منظر بحياتي ما اتخيلته منظر ما راح من بالي ولا لحظة كانت امك على الأرض وغرقانه بدمها لانها واقعة من البلكونة
ووجها كله ضربات ، عرفت أنه أنا تاخرت وما قدرت أنقذ بنتي عرفت انو الأوان قد فات
صرخت على ابوكي ولما طلع لعندي ما صدق الي شافة.. ركض عليها وحاول يصحيها بس هيه كانت بعالم ثانية
نقلناها على المستشفى ومثل ما بتعرفي امك عاشت على الاجهزة ثلاث أشهر مشانك
بيوم الحادث ابوكي بعد ما سمع خبر موت امك غاب عن الوعي وعطوه إبرة ، ما صحي لثاني يوم وقتها رحت لعنده وخبرته انه مها ماا كانت بوعيها وهاد كله خطة من عدو إله اسمه رائد ولقبه الصقر
طبعا هو معروف بعالم المافيا ، وبيشتغل بتجارة الممنوعات وابوكي دائما كان يصده ويمسك بضاعته لهيك الصقر بيكره ابوكي وقرر ينتقم منه
انا عرفت هالشي من رجالي

تقييم المستخدمون: 3.99 ( 5 أصوات)

1 2 3 4 5 6 7 8 9 10 11 12 13 14 15 16الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock