روايات كاملة

رواية جرائم غامضة للكاتبة ميلو حسن

جميع حقوق الطبع والنشر محفوظة

#جرائم_غامضة (المقدمه) او حلقه 1

من بعد سنين طويله من الحياه الهاديه وطقس الراحه والاجازه الي خديتها بعد قضية أهلي ورجعت خواتي وشوفتهم مرتاحين وبعد م تزوجت وحملت وجبت بيبي استنيت فتره ونا نحاول ننهي حبي لخدمتي وانه نستقيل ونهتم بعيلتي ونحس بشعور الأمومه وبس
بس مصارش زا م كنت نتصور او نتوقع حياتي….
اهو انا اليوم اطورت خدمتي وبديت نشتغل في اكبر القضايا
خدمتي مكانتش في المحاكم وبس ثقة القانون فيا وصلتني للمصحات النفسيه برغم كنت عارفه ح نتعب هلبا وح نكون في خطر بس من بين قضايا الجرائم الغامضه الي وصلتني خترت قضية البنت هادي الي كانت ف نضر الكل مريضة نفسيا…كيف ح تتعاملي ي رانيا مع مريضة عقليا ونفسيا وكيف ح تقدري توصلي للحقيقه ممكن هيا بس راس الخيط بس الراس هدا كان مشكوك فيه
حبيت اليوم نمشي نزورها ونا متأكده وواثقه انه الانسان مهما صار معاه مش ح يقدر ينسا الجرح والاوجاع الي كسراته وح يقعد يذكر فها بالتفصيل
خاصة انه بسبب الأوجاع هادي وصل للحاله الي هوا فها حاليا

واخيرا وصلت للمصحه لاحضت الممرضات والدكاتره كلهم يشوفولي بعيون شريره كأنه في شي قعد يصير مش عاجبهم …يالا نا حاطه احتمالات هلباااا قدامي والمشتبه فيهم كلهم ح يجيهم الدور 🔥

••رانياأشهر محققه عرفتهم علاها في رواية رحم من النار••

رانيا(المحققه):السلام عليكم ي حلوه
السجينه:قامت عيونها فيا وعلامات الحزن باينه ع وجها بدون م تتكلم
راني:كيفك وشنو وضعك مع العلاج؟
السجينه:وجها شاحب…هزت براسها
رانيا:أوك …..المهم خلينا نبدو ف قصتنا لأنه بعد ألف محاوله باش قدرت نوصل فيك
السجينه:ليش؟
رانيا:صعب اي حد يوصل فيك او يسمحوله يحكي معاك
السجينه:هه وانتي كيف قدرتي توصلي فيا ؟
رانيا:فتحت الشنطه وطلعت المذكره وقلم…السبب الي خلاني نوصل فيك لأنه جربت نعيش بعيده ع اهلي زا مصاير فيك توا بس الفرق انك انتي ليك خمسة سنين ونا اكتر من15سنه
السجينه:هههههه انا حياتي م تتقارنش مع حياتك لأنه نا خلال خمسه سنين بس شفت المر
رانيا:اسمك لو سمحتي؟
السجينه:انا سجينه
رانيا:بعيد الشر عليك من قال انا ح نسجنك
السجينه:ومن قالك مش انا المجرمه
رانيا:اوك براحتك تغيرو اسمك لسجينه تمام….هي نتمنا انك تحكيلي الحقيقه كامله باش نقدر نساعدك لأنه لو كدبتي عليا تأكدي انك برا المصحه هادي مش ح تطلعي
السجينه:بلعت ريقها ….وبدت تقيم في شعرها بتوتر
رانيا:كأنك خايفه مني؟
السجينه:ههههه مسكينه؟
رانيا:هي شنو ؟
السجينه:كيف بتساعديني؟
رانيا:نا منقدرش نوعدك قبل م نسمع القصه كامله.
السجينه:تبي تعرفي قصتي ؟ وله جرايمي؟
رانيا:بصوت حاد….نبيك تحكيلي كل شي من نقطة البداية ونتمنا متكونيش ناسية شي
السجينه:ننسا؟؟ ههههه أكتر شي تمنيته يصيرلي هوا اني نفقد الذاكره
رانيا:لدرجه هادي؟
السجينه:بعيون مليانه حقد….واكتر مما انتي متخيله وربي
رانيا:هي احكيلي؟
السجينه:خدت نفس عميق وبدت تحكي ببرود

🔥روايــات ميـــــلـو حــــسسـٰـــســن🔥

🔥مـــــيُــــلــــوحــــسـٰــن🔥

وليان:كيف خاشة لغرفتها وماسكه ورقة التحليل وتبكي
صقر:جي من وراها ولف يديه ع خصرها ي قلبي متزعليش هدا نصيبنا مافيش هروب منه
وليان:بالله سيبني وخليني ف حالي انا معنديش مشكله المشكله فيك انتا الدكاتره كلهم قالو نفس لكلام 😭
صقر:قعمز جنبها حبيبي انا راضي بي نصيبي ميهمنيش جبت صغار او لا المهم نا وياك مع بعض
وليان:حضناته بقوووة حبيبي وراسك وافق وخلينا نزرعو ممكن ينجح الزرع ويتعبا حوشنا صغار
صقر:بلع ريقه…اءءء لالا مستحيلا فوتيه الموضوع
وليان:علاش؟؟ شن السبب الي يخليك متحاولش للحضه هادي مفهمتش 💔
صقر:سحب يديه بهدوء……وهوا يمسحلها في دموعها انا هكي مرتاح حبيبي
وليان:خدت نفس عميق بس انا منتمناش شي ف الدنيا غير اني نشوف بيبي منك
صقر:قرب منها حبيبي خلينا ننزلو العيله كلها تستنا فينا بلاش منه لكلام توا
وليان:انا مش فاهمه ليش تغيرت برغم انتا كنت تتمنا تشوف بيبي اكتر مني؟
صقر:لأنه انا مأمن بالقدر ومنبيش نخالف حكم ربي وربي اكيد ح يعوضنا
وليان:لكن .قاطعها صقر…لو تحبيني انهي الموضوع وخلينا ننزلو هكي ح يفهمونا غلط ويقولوا انه احنا مش فرحانين بالعزمه
وليان:بصوت هادي….تمام حبيبي انزل انتا انا مش ح ننزل لن ندوش ونغير حوايجي
صقر:باسها ع خدها به قلبي متعطليش بس
وليان:حاضر من عيوني
صقر:طلع…وسكر باب الحوش وراه.
وليان:خشت لدووش.

_______________

حور:تقص في الكيكه…اففففف وصيتهم الف مره قتلهم متخلوش الكيكه عليا ومكانوش يفهمو
منذر:خيرك علاش صوتك طالع ؟
حور:بلعت ريقها بخوف….الكيكه مجتنيش حلوه كيف م يبو
منذر:وشن المشكله مافيش حد براني خويا صقر ومرته وامي وخواتي
حور:مهما كان مفروض الكيكه مش هكي برغم عبيتها مكسرات وكارميل ع فاضي
منذر:به انا نطلع ناخد وحده من المحل واتيه وهادي غلفاها خليني نرفعها معايه للحوازه
حور:لالا مافيش داعي اتعب روحك وانتا من امتا تطلع للحوازه في ليل
منذر:مه نا وجماعه كان جونا مش تمام لكن امس تصالحنا واليوم يبو يديرو سهريه
حور:بصوت هادي….اممم اي فعلا حتا خدمتك معاش مشيتلها في جرتهم
منذر:اي غير هيا غلفاها ع سريع مابين نا جبتلك الكيكه
حور:ابتسمت….نحطلك منها طرف من غير شكلاطه تمام منذر:تمام….
حور:هي اقل شي اليوم منسمعش هزايب من حد
منذر:هههه عادي تعودي امي وخواتي لسانهم متبري منهم
حور:تي عادي غير اطلع وقت هوا هداكه
منذر:حاضر….وطلع!

________________

مفيده:شنو قعد داس علاها
صقر:حاط يده ع راسه مقدرتش نصارحها بكل وكل مره تصعب عليا اكتر
مفيده:اسمع لو انتا متبيش تقولها خليني انا نحكيلها سيوره ترضا بالواقع
صقر:مستحيلا وليان انا اكتر واحد نعرفها ضعيفه ومش ح تقدر تتحمل
مفيده:لكن هكي انتا الخاسر لي امتا بتقعد هكي
صقر:توا ربي يفرج يما انا مأمن بي ربي
مفيده:ربي قال اسعا ي عبدي نسعا معاك مش قال دس الحقيقه الي ادير فيه غلط معقوله تقعد محروم من صغار ع خاطرها
صقر:يما بالله معاش تزيداها عليا انتي من جهة وليان من جهة تانيه والله معاش متحمل
مفيده:شوف خوك منذر هوا ومرته مكانتش طايقاته نهائيا لكن لما جابو اول عيل بدو متفاهمين وتغيرت حتا معاملتها معانا
صقر:تي يما مش بيدي قتلك منقدرش نقولها السبب منك وانك مستحيل تحملي متنسيش انه وليان م عندها حد غيري وخاها الله يرحمه وصاني علاها
مفيده:وووو علينا عاد كل منجيبلك السيره ضروري تجبد سيرة خاها متنساش انك خديتها وهيا صغيره وتساير فها ومدلعها مفروض ترضا بنصيبها وتخليك تتزوج وتجيب صغار يحملو اسمك
صقر:توا بالله يما بعد م طلعت السبب فيا ؟؟والله صعبه علاها
مفيده:انتا كدبت علاها وانتا الي بتتحمل المسؤوليه خليك قوي زا م نعرفك وواجها
وفاء:شنو قعدين ع نفس الموال غبر فيكم
صقر:خلاص اسكتو وليان قريب تنزل
وفاء:خايف ع مشاعرها ومش خايف امه تغضب عليه
صقر:مدخلكش وربي مازال نسمع منك حرف واحد بس ح تشوفي يوم أسود
وفاء:به به برا نداها تنزل لعشاء طلعناه ع طاوله
صقر:لا قريب تنزل وردو بالكم حد يسألها ع تحاليل ولا يزعلها
مفيده:😏😏….به غير اطلع برا باش تنزل عادي طول لانه والله معاش متحمله نشوفها قدامي وجها نحس علينا
وفاء:😂😂..والله صدقتي فها
هبة:هاااي تي وينكم ي نكد اطلعو هيا كل شي واتي برا حتا حور نزلت
وليان:السلام
صقر:ناض…..هيا خلينا نطلعو برا
مفيده:نزلتي؟
وليان:اي عمتي تبي حاجه؟؟
مفيده:تطلقي وتريحينا منك
وليان:شن قلتي عمتي مسمعتكش؟
مفيده:لا م نبي شي قتلك
وليان:هيا صقر خلينا نطلعو الجو حلو برا ….وطلعو!
وفاء:نازله حتا باكو عصير لا مصح وجها وخلاص
هبة:انا قتلها م ديري شي عارفتها تعبانه
وفاء:انتي؟ ريتك ميته وخلاص

____________

حور:تحط في الحلو في صحون…شن جوك وليان اليوم؟؟
وليان:الحمدالله بخير كيف حالك انتي؟
حور:بخير اهو يزيد متعبني وخلاص
وليان:به وينه اليوم منزلش معاك
حور:لا عند اهلي خالاته مستاحشينه وبالمره قلت اقل شي نتعشا مع العيله بدون نشاف راس
وليان:والله حرام عليك مفروض خليتيه
حور:ههه حتى امبكري قبل م يرفعه بوه يقول نبي عمتي ليان
وليان:ي روحي منه امتا بيروح
حور:منذر وهوا مروح من لحوازه بيخطم عليه
صقر:قصدك منذر مش متعشي معانا اليوم
حور:اءء لالا انتا تعرف هوا مياكلش في دهون قال بنمشي نتعشا مع لولاد
وليان:تنهدت صحابه؟؟ اول مره نسمع منذر عنده صحاب
حور:😨 مه ليه فتره صاير بينهم نقاش والأيام هادي تصالحو دايرين عشاء
وليان:اهااا اي ربي يحفضهم
حور:هبة وفاء عمتي اطلعو هيا
هبة:ماسكة سفرة المشروب….انا جيت غير كنت نوتي في سفره بس
حور:قعمزت مقابله صقر وشافت لي وليان…مسكينه بالله ي سلفتي
وليان:شافت لحور وجت عيونها ع رقبتها الباينه وشعرها الي نصه باين…..معاش فهمت تصرفاتها عمدا وله بدون م تنتبه؟؟
هبة:فنصت ف حور بمعنى انتبهي لمنضرك
حور:ساوت وشاحها وهيا تبتسم•
صقر:يحط لي وليان في الاكل قدامها وكان مهتم بها
حور:كانت تبادل في نضراتها عليهم وكأنه عاجبينها كيف حلوين مع بعض ابتسمت بفرح!
صقر:ع خاطري كمليها
وليان:لا صقر والله شبعت خلاص
وفاء:تي خلاص نفختوهم كل م نتعشا معاكم وانتم ع نفس الاغنيه اكبرو الننم
وليان:😔
هبة:حبت تقاطع الي صاير…..شن رايكم في البيتزا؟
حور:عسل ي عسل
وليان:اي حلو سلم يدياتك
صقر:صحيتو م فيش حاجه حلوه
حور:بصوت متسرع….اكيد واحلا كيكه درتها
صقر:ذوقينا هيا
حور:لحضه بس ونزلت من الكرسي خدت صحن وحطت فيه طرف….تفضل ي سليفي الغالي ي راجل الغاليه
وليان:
صقر:فمه معبي كيكه…..ماشاءالله يعطيك الصحه
حور:واقفه جنبه سلمك يارب
هبة:شافت لي وفاء
وفاء:فنصت فها
حور:رجعت قعمزت ع كرساها
وليان:وصلها مسج ع تلفونها…..حبيبي انا بنركب فوق انتا كمل والحقني
صقر:به حبيبي براحتك
وليان:نزلت من الكرسي وركبت لشقتها•
حور:حطت سفرة القهوه…تفضلي عمتي ذوقي من كيكتي
مفيده:اكيد حلوه زيك
صقر:يشوفلهم كيف يعاملو في حور عكس وليان معقوله الحمل يغير النفوس؟؟
حور:خود طرف تاني صقر لو تبي
صقر:لا صحيتي ونزل من الكرسي…هيا نستأذنكم
حور وهبة:اذنك معك سعيده
صقر:سعيده….وخدا بعضه وطلع•
مفيده:ربي يهديك ي ولدي بس لو تحكيلها وتريحني
حور:خيرها عمتي تدعي هكي فوفو شن في؟؟
وفاء:ردي بالك تحكي لي وليان السبب طلع ف وليان مش ف خويا صقر غير صقر كدب علاها
حور:تغيرت ملامح وجها..اهاا اي اي ي ناري💔
وفاء:حقا حور بكري لما ركبتلك نسيت ريحتي عندك
حور:به توا نركب ندوش وننزل نجيبهالك
وفاء:لا م فيش داعي حتى غدوه
حور:تمااام!

_______________

وليان:لابسة روب النوم وتدهن في زيت جنسون ع وجها
صقر:كيف طالع من الدوش….شن في حبيبي علاش نضت لما جاتك الرساله
وليان:خدت نفس….لالا اختي أروى مريضه شويه وتبيني غدوه نمشيلها
صقر:فهم انه في موضوع خاص بينهم…به حبي غدوه ونا طالع للخدمه نحطك عندها
وليان:ابتسمت…به حبيبي ياريت
صقر:هيا تعالي جنبي مستاحشك
وليان:حطت العلبه ع طاوله ونحطت في حضن راجلها الي كان يحبها ويعامل فها زي البيبي
الي كانت لعيون عليهم وهلبا يتمنو يكونو زيهم وحاسدينها

_______________

حور:بعد م كملت ترتيب مع لبنات ركبت لشقتها…تنهدت امتا جيت
منذر:ليا ربع ساعه لكن محبيتش ننزل لانه مش قادر واقف ع رجليا
حور:خير حبي شن فيك
منذر:لا حاس بي شوية حراره وجسمي مرهق شويه نبي نرقد اكيد اول م نوض يخف عليا
حور:متأكد؟
منذر:اي اي من التعب بس
حور:باهي ي روحي …وقربت غطاته….خدت حوايجها م الدولاب وخشت لدووش

_____________

يوم جديد:-

وليان:حبيبي البس جاكة تع الصوف لأنه الجو صقع برا
صقر:حليلي م الي خايف عليا…حاضر
وليان:لبست جاكيتها..وطلعت البوت من الرف
صقر:انا نازل نولع السياره باش تسخن ولما ارن عليك انزلي
وليان:حاضر
صقر:كيف فتح باب الدار …وسمعو صوت عياط قالب الدنيا
وليان:شن في ؟؟
صقر:نزل يجري ووراه وليان

حور:وووووكككك عليا وووككككك ماااااات الغالي ماااااات 😭😭 يحليلي ع النار الي فيا 😭😭
هبة:منذررررر نوووووض ي منذررر 😭😭
مفيده:ي حليلي شن بيصبرني ع ولدي 🔥😭
وليان:حضنت حور وتهدي فها ي روووحي عليك ي قلبي😭
حور:امس قاللي مريض نبي نرقد منحسابش انه تعبان هلبا هكي يحليلي ياريت نزلت لصقر وقتله يرفعك للمصحه يحليلي
وفاء:بادلت نضراتها لي وليان ع طووول…..يتببع💔

رانيا:كملي ليش وقفتي وليش منزلتش منك ولا دمعه لتوا؟؟
السجينه:منذر كان اكتر شخص بريئ بينا م يستاهلش يموت ع يدين مجرمه
رانيا:يعني مات مقتول؟
السجينه:هلبا ح يموتو ع نفس اليد
رانيا: تقدري تقولي من المجرمه هادي؟؟
السجينه:انسانه حقيره كانت ممثله رائعه وذكية وكان جمالها هوا الي مخلاها بريئه في عيونه
رانيا:من تكون المجرمه من بين الشخصيات الي ذكرتيهم
السجينه:ههههه ومن قالك المجرمه طلعت مرات مازال محكيتش علاها
رانيا:شن مصلحتها من انه تقتله؟؟
السجينه:ههه سبب تافه ومن كثر ماهوا تافه انا للحضه هادي مصدومه
رانيا:السبب؟؟
السجينه:الحب …الحب ي كبدي
رانيا:شنو اسم المجرمه ؟
السجينه:لو سمحتي بطلي اسئله انتي طلبتي مني نحكيلك خليني نحكيلك بطريقتي
رانيا:هه …..أوك بس انتي مجبوره تجاوبي ع هلبا اسئله
السجينه:اوك•

انا حكيت اول يوم صارت فيه الحادثه لكن معرفتش بي شخصيات ولا حكيت اسرار العيله بالكامل الحلقات الجايه نتعرفو ع الكل؟؟ وهلبا شخصيات ح تطلع 🤷‍♀️

الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock