روايات كاملة

رواية جعلني اعشقه

جميع الحقوق محفوظة للكاتبة hadoo al

رواية جعلني اعشقه للكاتبة hadoo al

احيانا الحياة تسلب منك اشياء المفضلة لديك حتى تمنحك الافضل 😍😍

#جعلني_أعشقه

هنحكيلكم علي قصتي ممكن قصتي تشبه هلبة من قصص وممكن فيه منكم عايش قصة زي قصتي 💗 لكن قصتي تختلف بحاجة واحدة وهيا #جعلني_ أعشقه
::
::
::
::
أسمي جوري مواليد 94 متخرجة من الإدارة الأعمال مش هنحكليكم علي مميزاتي ، هنحكليكم علي عيوبي عيبي انه إلساني طويل ومتبري مني وعنيدة هلبة
::
::
بابا أسمه أحمد متوفي (( الله يرحمه )) 😢😢
ماما أسمها صفاء عمرها 48 سنة طيبة
راجل ماما أسمه حسين عمرها 60 سنة
::
::
خوتي من ماما
صفوان مواليد 87 عصبي ومعنداشي اُسلوب بكل وخاطب من واحدة حتي هيا سم يقطر منها يعني طنجرة وإلقيت غطاها 😂😂
ياسين مواليد 90 حنون يحبني هلبة وقريب مني ويحامي عليا
سارة مواليد 98 تشبه ياسين يعني حنونة ونحبها هلبة
::
::
أكيدة مستغربين كيف خواتي أكبر مني توا انقولكم ماما كانت متزوجة من عمي حسين قبل بابا بعد ماجبت ياسين بي سنة صارت مشاكل وطلقو ، وبعتالي ماما تزوجت من شخص كان يحبها من سنين وولد عمها في نفس الوقت بابا وبعدها جابتني أني وبعد ماجبتني بثلاثة سنين توفى بابا 😢😢 وأنتم تعرفو كلام الناس اول مرة طلقت وثاني مرة توفى راجلها وجو هاذي منحوسة فصار مشاكل في حوش جدي وبعد مدة قصيرة عمي حسين طلب من ماما ان يتزوجها مرة ثانية وخلوها خوالي ترجعلها بسيف فتزوجو نعرف انها قصة متلخبطة ومعقدة ولكن هيكي قصة ماما 😔😔
::
::
توأمي روحي ❤️❤️
هبة نفس مواليدي واني وياه صحبات من روضة يعني هيا صندوق اسراري أفراحي واحزاني وكل شيء وهيا الي تخلي فيا نضحك وقت انكون زعلانة💗💗

وملاك بنت عمي مجد نفس مواليدي ونفس تخصصي حتي هيا صندوق اسراري💗💗

يعني ملاك وهبة كان يطلبو حياتي نعطيهالهم ❤️❤️

الحلقة { 1 }

سارة : جوري نلبس سبيدرو هدا
أنا : البسي
سارة : شكرًا ياأحلا أخت
أنا : ساعة كم
سارة : 7:00
أنا : بتمشيء للثانوية
سارة : بنمشيء نهرب
أنا : فكينا من حناطتك في صبح هذا 😒
سارة : أنتي تسألي في سؤال غبي اكيدة في وقت هذا بنمشيء للثانوية
أنا : باهي باري
سارة : راهو أوس من بكري يتصل
أنا : خليه
سارة : خيركم متعاركين
أنا : إيه
سارة : وقت نروح احكيلي
أنا : تمام

أوس حبيبي مواليد 90 تخصصها إقتصاد لكن عنده محل خاص في المول << المول الي تعرفنا علي بعض فيه ❤️❤️ >> علينا سنة كاملة علي علاقة متأكدة انه يحبني واني نحبه لكن مشكلة اول مانجيبله سيرة زواج يقولي خلي نجهز روحي قبل لان مانبيش نظلمك معاي ونبيك تعيشي معاي حياة حلوة ومش ناقصاتك شيء

ساعة 10:30

صفوان : يابلي أنتي الي راقدة
أنا << نحك في عيوني >> : خيره من صبح ربي
صفوان << قعد يدق في الباب قريب يكسره >>
أنا : شني فيه خيرك
صفوان : شني لتوا راقدة
أنا : شني مطلوب
صفوان : تكلمي كويس احسن منكسرلك فك سنونك
أنا : شني تبي ياأخي العزيز 😒
صفوان : حدديلي سوريتي
أنا << بشوية >> : قالولك خدامتك
صفوان : شنو قلتي
أنا : قولت حاضر من عيوني 😒

خشيت غسلت وجهي وصليت وبعتالي امشيت احددت سورية صفوان

أنا : صباح الخير
ياسين : أوووو الحب
حسين : أح أح
ماما : صباح النور حبيبتي
أنا : صباح الخير عمي
حسين : صباح الخير

قعمزت فطرت بحداهم

أنا : عمي عادي نطلع اني وهبة للمحلات
حسين : لا << وناض من طاولة >>
أنا : لكن عمي اني عليا مدة ماطلعتيش وناقصني حاجات
حسين : اني قولت لا << بصوت عالي >>

أني خشيت نجري لداري ودموعي علي خذي (( ماقلتيش اهم صفة فيا اني حساسة يعني نبكي بسرعة ))

ياسين : علاش يابوي كسرتله بخاطرها
حسين : أسكت أنت
ياسين : مش ساكت ، عليك سنين وانت مداير فرق بينها وبين سارة
حسين : اكيد بندير فرق سارة بنتي ولكن هادي بوها مات وارتاح منها وخلهالي هيا وهمها
ماما : حسين
حسين : أسكتي
ماما : مش ساكته بنتي ماتوصليش فيها
حسين : وليت تعلي في صوتك << كيف بيمد ايديه بيضربها شدله ياسين ايديه >>
ياسين : امي معش تمسها
حسين : كيف تشد ايديا
ياسين : بوي وعلي راس والعين لكن امي ماتقربلهاش كان تقربلها بعتالي منعرفكيش
ماما : ياااااسين كيف تشد ايد بوك
ياسين << تلفت لي امي >> : ملا نخليه يضربك قدامي ونقعد ساكت
ماما : هذا بوك

اني نسمع فيهم كيف يتعاركو وقَعَدت كلمت عمي حسين تردد في وذني (( هادي بوها مات وارتاح منها وخلهالي هيا وهمها ))

أنا : 😭😭😭

قعدت نبكي مقهورة من داخل مش مقهورة علي خاطر نفسي مقهورة ونبكي علي خاطر أمي الي صبح وليل تأكل في طريحة وهيا ساكته

دق دق
أنا : مني
ياسين : أني

نوضت مسحت دموعي

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

#تتبع

#هدو

 

تقييم المستخدمون: 3.08 ( 7 أصوات)

1 2 3 4 5 6 7 8 9 10 11 12 13 14 15 16 17الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock