روايات كاملة
أخر الأخبار

رواية جيبي اهلكني

جميع الحقوق محفوظة للكاتب Arhima Alagory

رواية جيبي اهلكني للكاتب Arhima Alagory

#جيبي_اهلكني
#قصة_من_الخيال
#المقدمة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
سلام عليكم نبدو ع باركة لله رواية جديدة جيبي اهلكني اكيد تستغربو في اسم بس الاسم لو ترزكو فيه تلقوه في معنى كبير طبع اسم رواية مش مني من صاحبي يوسف الدرسي بيش ما يقولش خذيت اسمي وهو لي قالي ديرها رواية بس طبعا افكر كلها مني لي في رواية من عقلي خلاص انا قعدت نحكي في قصة الاسم وفهمتوها طبعا جا الاسم من موضوع كانه نحكو نحنا شباب معانا صاحبي اسامه شريف بيش ما يزعلش حتي هو ?المهم خلاص ضحكنا واجد نبدو في قصة اهم شي تفاعل يا عرب ?
.
.
امي:يا حنين تعالي نبيك
حنين:نعم يا ماما والله نقرا ومنسجمه شن تبي
امي:تعالي فرق بينك وبين روايات لو قرايه هذي ديرتها في مدرستك راك من الاوئل
حنين:يا امي توا بالله عليك ما نقرش انا كملت يوم نقرا وكملت قريتي جت ع توا مسكت نقال
امي:تعالي ناغسلي المواعين امشي اقعدي عليه روايات نين تبطلي
حنين:عليك قصة المواعين حتي سخانه ما عندنا بيش نغسل بمياه دافيه كيف ناس
امي:خلاص بلا كثرت كلام وانتي نفس دسك كل يوم
طه:يا امي وين كتباتي
امي:شوفهن في دار عند باتك
طه:باهي سفرتيهن
امي:اها سفرتهن لكي
طه:يعطيك صحة
حنين:حصلتيله سفر طه
امي:اها جابه ليا يوسف الله يربحه خلي يمشي بكرا بلكي الابلة تحشم ع وجها وهيا تهزب وخلاص ما تقولش ناس ضروف يومي تهزب فيه عليه
حنين:حتي طه ع صغر سنه لكن عقل ماشاءالله يتحمل وكل مره جايبها عضر
امي:وتعرفي ساكته مايحكش بكل يوسف هو ساله قال شن ناقصك بيش قاله نبي سفر
حنين:ربي يحفظهم لنا هم الاثنين
امي:ان شاءلله يارب
الكاتب:Arhima Alagoryفي دار باتي
طه:خير
باتي:خيرات وين كنت
طه:كنت قدام الحوش توا خشيت تبي حاجه
باتي:لا سلامتك يوسف روح
طه:لا مزال شوي اخر ويروح
باتي:باهي تمامرن تلفون حنين
حنين:الو
يوسف:حنين وراس خيتي واتيلي عشاء
حنين:حاضرين من عيوني حاجه اخره
يوسف:لالا نقصتكم حاجه
حنين:لالا ما نبو شي سلامتك بس

عند يوسف
يوسف:سلام عليكم
صاحب المحل:عليك سلام
يوسف:خذا 2باريوش و2عصير سنتوب بيش هذين
صاحب المحل:4 جنيه
يوسف:تفضل عطاه راجل 5 جنيه
راجل:تفضل
يوسف:لا خليه وزيدنا باريوش اخر
راجل:تمام صحتين
يوسف:سلمك

طلع يوسف من المحل وماشي للحوش

في حوش يوسف
طه:امي انا خلاص نبي نرقد
امي:تصبح ع خير
حنين:امي واتيت عشاء ليوسف لما يجي قوليه قاعد ع طوله
امي:تو يسقع
حنين:ع اساس درتله مكرونه انا هي جبنه مالحه وهريسة بس راه
امي:باهي امشي من قدام وجي

الكاتب:Arhima Alagory

تعالو نعرفكم ع عائلة هذي،طبعا بطل يوسف مواليد 98 يقرا ثالثة ثانوي علمي ماشاءالله عليه وشاطر في قرايه ويروح من مدرسه يقرا وبعد مغرب يمشي يشتغل في غسيل سيارات لعند ساعه11 بيش يجيب فلوس ويصرف ع هله

امه اسمها جميلة هيا لي كبرتهم وربتهم رغم ان باتهم حي بس باتهم مايقدر يدر هذا كله توا تعرفو ليش

باته اسمه احمد كان يشتغل في كهرباء ولكن في يوم من الايام كان يخدم في ضي فوق عمود شوي طاح ع ظهر وانكسر وصارله شلل عبره قاعد ع سرير وخلاص يحرك ايدي وراسه بس لكن ما يقدرش يصبي لو يديروله عملية يقدر يرد كيف قبل بس مافيش فلوس وماعندش واسطه حتي في كهرباء بيش يطلع ع حساب شركة وشركة رفضت لان كان يخدم في وقت مش وقت توكه متاعه وقدم تقاعد يصرفرله في مرتب 400جنيه كل شهر لكن شن يبن يسدن 400 في وقتنا توا

اخت حنين م 2000 تقرا اولى ثانوي وخوه طه مواليد 2003 يقرا اولى اعدادي

هذي عائلة يوسف طبعا يوسف ما يتحمل فيهم شي وقصة احمد ولما انشل كان عمر يوسف نفس عمر طه توا يعني كان في اولى اعدادي هو يصرف وشايل هم الحوش

باقي شخصيات تعرفوهن بعدين نرجع لقصتنا

الكاتب:Arhima Alagory

مر ربع ساعه
امي:حنين نوضي بسرعه
حنين:خليني يا امي ماصدقت خشيت في نوم
امي:مش وقت نوم نوضي بسرعه
حنين:كنك عاد
امي:…..

في المستشفى
الشرطي:انت كيف ضربته
راجل:والله ما فطنتله انا جيت سلمت روحي طول
الشرطي:باهي شن لقيت معاه حاجه تثبت من هو
راجل:لقيت تلفونه معاه بس مافي حد رن عليه ولا دوره
الشرطي:وين تلفون
راجل:اهو
الشرطي:مسك تلفون لقاه بيله وبدون رمز لا شي فتحه شوي تلفون رن شرطي رد طول
الشرطي:الو
.
.
.
.
.
#يتبع
رايكم في مقدمة تفاعل عليها وناس لي تبي تابع رواية تقولي توا لان نبي نصفي ولي يتفاعل توا يتفاعل حتي في باقي الحلقات وان شاءلله رواية ح تعجبكم وانا عارف روحي شن نكتب وشكر مصممه Safa Elwrfeli مشكورين

تقييم المستخدمون: 4.95 ( 7 أصوات)

1 2 3 4 5 6 7 8 9 10 11 12 13 14 15 16 17الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock