روايات كاملة

رواية حب عنيف للكاتبة اروى الطاهر

الحلقات الاولى من هنا

حب عنيف للكاتبة اروي الطاهر المسلاتي

#حب_عنيف 13
امير:مسك يدها….شوي شوي ردي بالك
حور:وصلت قدام السياره سحبت يدها ونحت الكندره لوحتها في السياره وقعمزت متربعه في السياره 😂🤦🏻‍♀️
امير:ركب وولع ….بدون ما يحكي معاها
حور:قلبها بيطلع من التوتر بس كانت قويه 🔥
وهوا احرف منها 🤦🏻‍♀️..
امير:ولع الدخان ويسوق ..
حور:قامت برنوص الڤيلو
امير:نزل البرنوص بقوه بدون مايحكي
حور:تي به بناخذ نفس كيف فقصتلي عيوني عريس القهره
امير:كمل دخانه ويسوق مردش عليها
حور:لمحت طرف شكلاته جهة امير خذتها وبدت تاكل بدون اهتمام ليه وامير جديات حاير في تصرفاتها العبيطه !!
يعني مها مكانتش هكي معاه مها يوم عرسهم تدلع وتاكل بشويه عكس حور وتقعميزتها 😂🤦🏻‍♀️
حور:لوحت كاغط الشكلاته ولحست صوابعها😂….بما ان اليوم عرسنا وهكي معتصم طلع ولا مزال!
امير:من معتصم؟
حور:قامت البرنوص بصدمه….شنو من معتصم خيرك انت؟😨😨😨
امير:نزل البرنوص بقوه مره تانيه….اممم حبيب القلب نسيت اسمه طلع اي مع المغرب
حور:تنفست بي ارتياح تسحابه يضحك عليها!!

_________________

مهاب:راقد في الصاله وعيونه في الفون
مها:سمعتي ياماما سمعتتي مهاب شن قال!!رافعها لي فندق هاذا ع اساس زواج شكلي وخلاص ع خاطر الورث وانا ليلة دخلتي في الدور التاني بنموووت حاسه نفسي
مسره:بصوت واطي عشان امها متسمعهاش …انا قتلك من البدايه متتزوجيش عشان مصلحه امير واضح من البدايه مش رح يحبك بسبب قصته القديمه
ام مها:اسكتي مسررررره اختك مش ناقصه كلامك هاذا!!
مسره:سكتت
ام مها:انتي كانك بنت امك توا متقعديش هنايا اول ما يروح من الفندق ارجعي للڤيلا ولي دارك وراجلك متخليلهاش الساحه فاضيه
مها:الحقره هاذي ام شبر ونص هكي ادير فيا اناااا!!!
ام مها:اول ما يروح ارجعي طول متخليهاش تتهنى معاه
مها:وانت ياسبع البرومبا …وين مرتك؟
مهاب:متكلمينيش عليها وطلعوني منها مواضيعكم الزايده
ام مها:انا خوك هاذا مفهمتش قصته مرات يموت علي التراب يلي تمشي عليه مرته ومرات سيرتها ميبيش نجيبوها
مها:ساكته وسااارحه تفكر شنو يلي رح يصير !!

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

حور:نزلت من السياره والكندره في يدها امير مسك يدها التانيه وخش
حور:نحي يدك
امير:سكري فمك وامشي وانتي ساكته
حور:ننننن …بعدين فهمتي علاش جايبني للفندق؟
امير:مردش عليها خذي مفتاح الغرفه من الموضف وركبو المصعد …تسكر عليهم الباب
حور:قامت البرنوص …ووه متت
امير:يديه في جيوبه شافلها بي نضره من فوق لعند لوطه
حور:تعالا غمس
امير:معش تستعملي الالفاض السوقيه هيا حور !
حور:نننننن😒
انفتح الباب وامير نزل البرنوص متع حور ومسكها من يدها وحور هكي تعابير وجها 😒
😂😂خشو الدار وسكر الباب
حور:نحت الكاب ومشت جري لي الشنطه يلي فوق السرير عشان تغيرر ملابسها قبل مايشوفها امير بي الڤيلو …فتحت الشنطه لقت فيها3ارواب كل روب عار اكتر من يلي قبله !!
امير:متكي ع الحيط ويشرب في العصير …بنضرات تحرررق من الاستفزاز ….علي شنو ادوري
حور:بصوت هاادي…ااه ياواطي…وتلفتت
امير:يفصل فيها بعيونه وكيف طالع عليها الڤيلو يجنن
حور:شني هاذايلي في الشنطه؟
امير:وين نعلم تقوى هيا يلي وتتها
حور:اممم يعني واو اذهلتني بي ذكائك مفروض نصدق توا
امير:نحى الجاكيت متعه ..والله هاذا الموجود بتغيري باهي متبيش حتى هكي مليح
حور:عقدت حواجبها
امير:ينحي في بطم سوريته
حور:ااءءء هي هي خش غير في الحمام 😨
امير:وين مايعجبني نغير
حور:عطاته بضهر …يالله خلي الليله هاذي تفوت بدون ما نذبحه ونقطعه طروف طروف بسس
امير:لوح السوريه ع الكنبه ورقد ع السرير
حور:شبحتله من فوق مش لابس شي وقاعد في نفس السروال
امير:هكي بتقعدي
حور:ابتسمت بخبث ….لا طبعا
امير:ضحك….واجهي الواقع والبسي حاجه من يلي حطتهم تقوى
حور:فتحت شنطت امير خذت منها تب وسروال…وخشت للحمام
امير:قام حاجبه بي استغراب متوقعش ان حور رح تتصرف هكي مخططاته فشلت 😂
حور:نحت الڤيلو والحمد الله يلي كان بسيط مش اوفر ..لبست تب امير جايها لفوق الركبه بشوي مع سرواله الواسع😂…مسحت مكياجها وقامت شعرها كعكه…طلعت من الحمام وحطت الڤيلو ع الكنبه
امير:قارن حواجبه وبصوت حاد…من سمحلك تلبسي حوايجي
حور:انا سمحت لي روحي…وطلعت غطاء من الذولاب فرشاته ع الارض
امير:يشوفلها وساكت
حور:جابت مخده حطتها ع الغطاء ورقدت…خاطري نقولك تصبح ع خير لاكن حرام فيك…وعطاته بضهر
امير:معرفش يضحك علي حركاتها او ع منضرها كيف مدايره شعرها ولا ع لبسته كيف طالعه عليها او يعصب عليها ع قلة الاحترام ليه ….بس الواضح انها رح اتعبه هلبا😂🤦🏻‍♀️

________________

حور:مقدرتش نرقد كنت خايفه موووت عارفه اكلو انه حاول يتقرب مني مستحيل نقدر نمنعه لان يديا الاثنين يمسكهم بيد وحده 🤦🏻‍♀️قعدت نحاول مياخذنيش النوم عشان لو حاول يدير شي نكون فايقه شوي….سكرت عيوني وقعدت الافكار ترفع فيا وتجيب!!رمزي شنو مداير معتصم اكيد ترا فرحان بين اهله ان طلع بخير
اكيد معتصم حاول يتصل بيا ويكلمني ..اففف كيف رح تكون ردة فعله لما يسمع اني خذيت الحقير هاذا!!…وااااك بير اسراري مش عارف كيف بيسمع بي زواجي بعد يومين 🤦🏻‍♀️

امير:فتح الثلاجه يلي جنب السرير خذي حكت مشروب فتحها وبزعها ع السرير كله !!….نزل من السرير غدي غطاء وفرش جنب حور
حور:غارقه في اسئله وهلبا حجات وكانت شبه بترقد خلاص ..حست بي نفس سخون جنب رقبتها ناضت بسرعه قعمزت ….شن جابك هنايا انت 😨
امير:السرير مسخ
حور:شافت السرير كله مبقع بي الاصفر 😂
امير:سكر عيونه…ارقدي ارقدي الدار انا دافع حقها نرقد وين مانبي
حور:اه ياواطي….رقدت وعطاته بضهرها
امير:رقد علي ضهره وسكر عيونه وهوا مبتسم بخبث!!

_________________

رواد:فاتح الفيس ويتصفح في الاخبار فجآه جاه طلب من ايميل بي اسم تقوى موسى …استغرب !معقوله تقوى تبعت تكلمه قبل ما يخطبها ولايرد عليه امير اصلا؟!…قبل الطلب وع طوووول وصله مسج
تقوى:هااااي
رواد:اهلين
تقوى:اكيد عرفتني صح؟
رواد:اي واضح من اسم ايميلك😊…كيفك؟
تقوى:الحمد الله تمام كيفك انت
رواد:كويس بخير
تقوى:حبيت نحكي معاك بخصوص قصة الخطوبه يلي قلتها لي امير
رواد:استغرب اسلوبها !رغم ان محكاش معاها ابدا شافها من بعيد فقط لاكن حس انه مش اسلوبها !!
تقوى:الووو؟
رواد:تفضلي
تقوى:المهم انت بجد ولد كويس وطيوب بس انا منقدرش نوافق عليك الحق عندي شخص تاني في حياتي نحبه
رواد:ساكت
تقوى :ربي يبعتلك بنت الحلال يلي تستاهلك
رواد:شكرا وربي يهنيك
تقوى:هي سلام
رواد:سلام
مسره:اخيرا تشجعت ودرتها
مها:اي احس خوذيه منها الخقيره هذيكا اكيد متفاهمه هيا وحور من البدايه عشان ياخدها امير
رواد:قعد شاك انها مش هيا بدات ان الايميل جديد!!

_______________
الساعه3في الليل:-
حور:قعدت نتململ يمين ويسار ووه مش قادره نرقد…شافت لي امير مسكر عيونه واضح انه غاطس في نوم عممممميق
حور:حيوان ارقد ارقد ترقد عليك الايام يارب …وعريان من فوق قليل الادب
امير:😴😴😴
محور:لفت انتباها عضلات بطن امير …الحجات هيا نشوف فيها في التلفزيون يبدا بطل الفيلم عنده عضلات تجنن في بطنه …والحقير هاذا عنده محلاهم واول مره نشوف حد ع الطبيعه هكي🤤
حرام فيه جماله المريض هاذا
حور:قربت يدها تبي تمس عضلاته..بما ان راقد نستغل فرصتي والله منخليها في خاطري😂
حطت صبعها بهدوء ع بطنه وضغطت علي عضلاته بشويه وتشوف لي وجها خايفاته ينوض😂
نسجمت حور وهيا تتفرج لين حست بشي قامها فوق وحطها ع بطنه 🤤🔥
حور:بسم الله العضيم بسم الله😨😨
امير:ابتسم ع جنب….تفرجي عليهم ع قرب خيرلك
حور:جت بتنزل من عليه رجعها …مقتلكش انزلي انا
حور:مش لين تقول نحي بنرقد وبعدين انا مكنت ندير في شي لقيت ذبان علي بطنك قعدت نلز فيه
امير:والله؟ذبان قلتيلي
حور:اي …نفضت يدها جت بتنزل بس امير قلبها بدي هوا فوق وماسكلها يديها
حور:اميرررررر متنساش الشرط يلي بينا !!
امير:قريب ليها:مش ناسي بس في حجات لازم تعرفيها
حور:قولهم وانت بعيد
امير:يمسح علي شعرها ويتكلم ببطئ…عشان تتفادي المشكل والاهانات وحتى الضرب!….خليك تسمعي في كلامي وتمشي زي ما انا نبي
حور:ابتسمت…حاضر
امير:استغرب فيها؟!….يعني كل حاجه نقولها متتنفدش عليها عقاب ليك
حور:حاضر…وفي داخلها تقول امم يافرخ الكلب والله لما نوريك غير اصبر بس!
امير:يمسح علي وجها…كويس كويس خليك هكي
حور:ابتسمت…به بعد علي بنرقد خنقتني
امير:شبحلها شوية نضرات غريبه وبعد من عليها ورقد
حور:خذت نفس عممميق،….شوقني عضلاتك يلي مقسومات تقول كريب🤦🏻‍♀️

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

ثاني يوم ⛅️⛅️
تقوى:طالعه مع انس لسوبر ماركت ومعاهم رمزي
رمزي:انووسي عندهم بيضة كندر
انس:عليك هم الزفت متعياش منها كيف ندحيهولك انل
تقوى:ماسكه الدقيق تقرا فيه …قامت راسها فجآه يجي قدامها رواد ….وجها بدي اصفرررر ومش عارفه شن يلي صارلها
رواد:ابتسم …اهلين
تقوى:اءء اءء اه اءءء …صوتها راح
رواد:ضحك وشاف لي انس….اووو حلاقنا شنو الجو
انس:اهلا رواد….اهو ماشيه
رواد:شن جاي ادير هنايا
انس:بناخذ هكي شوي بضاعه
رواد:شاف لي تقوى به ربي يعاون
تقوى:هزت راسها بدون ماتحكي
رواد:طلع من المحل وهوا مش مصدق معقول تقوى يلي من حشمها مقدرتش ترد الكلام تتجرأ وترفض الخطبه ع الفيس؟؟؟!

________________
امير:حووور حووور
حور:حطت المخده فوق راسها …ها ها
امير:نوضي الفطور واتي
حور:فتحت عيونها بسرعه شافت سفره قدامها فيها بريوش وشكلاته وعصير طبيعي وكريب
حور:شافت للكريب وضحكت
امير:ينشف في شعره….خيرك؟؟
حور:شي اذكرت حاجه…وقعمزت تاكل
امير:سيبي يلي في يدك ونوضي اغسلي وجهك قبل
حور:شن دخلك م……
امير:قام حاجبه
حور:حااااضر😊😊…وناضت للحمام
طبعا حور مكانتش خايفه منه ولا مخططه تاخذ كلامه بس تبي تهبله بي طريقه تانيه وهيا انه تسمع الكلام قدامه ولما تبدا قدام العيله كلها تستفزه وتحشمه….ناضت حور والسروال يطيح منها
رغم منضرها المزري بس جديات كانت كيوت وامير مش قادر ينزل عيونه من عليها 😂
حور:غسلت وجها ورجعت ع الطاول بتاكل
امير:لاااا
حور:اياااااه علينا شن تبيني ندير ندوش مثلا؟
امير:نوضي صلي الصبح قبل
حور:والله ياسديسي معرفتكش ياوسيم يوسف
امير:نوووضي
حور:اففففف….ناضت توضت ولبست الكاب صلت بيه 😂😂

________________

تقوى:السلام عليكم
كلهم:وعليكم السلام
تقوى:مها؟😨
مها:اي ياروحي مها خيرك مصدومه
تقوى:تشوف لي عمتها وخلاتها وامها….لا شي اهلين بيك
مها:خلي انوض نرتاح في داري قداش ليا عليها
عائشه:اي تمام
مها:ناضت تتمخطر بي الكعب متاعها
خالة تقوى:شنو ياوخيتي هاذي جايه علي شنو ناويه؟
عائشه:علمي علمك حاسه نهايتي بتجي علي يديهم
همة تقوى:مديري شي يامرت خوي طلعي روحك منها هوا يلي تزوج يتحملهم الزوز ريحي راسك
عائشه:اي والله انتي الصادقه

______________

حور:حطت الماب ع السرير وخذت الفطور قعمزت ع الارض وبدت تاكل
امير:حور ن…..
حور:لا ونبيييي لاااا خليني ناكل ع راحتي لاحقه عليه التصنع في حوش بوك
امير:😒
حور:ونبي ونبي 🥺
امير:هز براسه وكمل يشرب في قهوته ومره مره يخطفلها في نضره …عفوية حور كيف تاكل بدون اهتمام والشكلاته اطيح ع فمها وخصلات شعرها علي عيونها كان المنضر هاذا يجنن في امير بشكل مش طبيعي 🤤🔥بس مع هاذا يقاوم لازم يسيطر عليها قبل !!!

كملت حور ماكلتها ناضت تفتش في الشنطه طلعت لقت عبايه سوداء راقيه مع وشاح وشنطه تجنن …نحت السروال لان التب كان طويل ولوحاته ع امير
حور:هاك سروالك نرجعوهولك في الافراح
امير:ساكت ويتفرج عليها
حور:لبست العبايه مشطت شعرها ولبست الوشاح بطريقه حلوه…هيا نوض نروحو استاحشت رمزي بنموت عليه
امير:خلينا يوم تاني راسي مصدع
حور:لاااااااااااع …نقصد ان استاحشت خوي
امير:فهم انها خايفه منه بس محبش يوضحلها 😂وكان الشعور هاذا يتمتع بيه 🤘
خذي الشناطي والمفاتيح وطلعو

________________

مهاب:حياتي استاحشتك هيا امتى بتروحيلي
اريج:ساكته بس في داخلها خلاص قررت تواجه الموضوع هاذا وديرله حد!!..ليها شهور متزوجه تعاني في نفس المشكله بس محكتش لي ولا واحد وخلاص تعبت
مهاب:اريج؟
اريج:اها…تمام تعلالي مع العصر روح بيا
مهاب:تمام ياقلبي وتي روحك
اريج:تمام ❤️

____________

حور:فتحت السناب وبدت تصور فيديو تغني مع الاغنيه يلي فاتحها امير في السياره
وامير يسوق مش معبرها
حور:حابت الكاميره علي امير….وهاذا زوجي الحقي….زوجي يلي لا بأس به طلعني لي فندق معفن سرايرهم خامرات وفطورهم يدره الكبد
امير:هاذا باش مخليتي منه شي!
حور:سكرت الفيديو …من الجوع بالله
امير:درس السياره…انزلي وكل شي زي ماتفاهمنا عليه!
حور:هزت راسها ونزلت من السياره …بمجرد ماخشت للحوش بدت الزغاريط يسحابوها تهنت لان كان وجها منور بطريقه غريبه ….سلمت عليهم كلهم وركبت دارها .

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

امير:خش لي غرفة مها ..فتح الدولاب طلع فلوسه وتفاجأ لما شاف مها طالعه من الحمام
مها:الحمد الله ع سلامه ….مبروك ياعريس
امير:يبارك فيك…امتى جيتي ؟
مها:اليوم الصبح
امير:به مليح …متبي شي ؟طالع
مها:نبي
امير:شبحلها يستنى فيها تحكي
مها:مسيتها؟
امير:كان رده سريع…لا..وطلع وسكر الباب
بينزل بس جي قدامه باب غرفة حور…ابتسم لما اذكر تصرفاتها ومنضرها وحلف داخله ان تبدا مرته سواء كان ع الورق او غيره!!بس الوقت مزال مش توا!!

_______________

معتصم:ساكت
حور:هديت معتصم صح؟حيوان متزعلش مني عشان يطلعك الحقير هاذا وعشان حريتي بعدين هكي درت انا
معتصم:قرب منك؟!وكان حملتي حوووور
حور:لا طبعا مستحيل خيرك معتصم الاثنين منطيقرش بعض من البدايه قتلك زواج ورق
معتصم:امتى يطلقك؟
حور:مزال شوي
معتصم:كمل العدرزه مع حور وهيا تشرحله وتبررله

______________

اريج:بدت اطلع في حوايجها من الشنطه وترتب فيهم
مهاب:شنو ادير مرتي
اريج:نرتب في الحوايج يلي كنت رافعتهم معاي
مهاب:مسكها من خصرها …فوتيهم توا استاحشتك
اريج:حطت يديها ع لحيته….مهاب
مهاب:عيونه
اريج:بتسأله بس نضرة الحب يلي في عيونه منعتها!
مهاب:حضنها وشوي شوي 🔞🤫🤫

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

الساعه10في الليل:-

حطو العشاء امير وصحابه بروحهم وعمة امير وخلاته ومها وعائشه بروحهم اما حور قعدت راقده زي العاده
تعشو الاقارب وروحو ومع الساعه 10ونص نزلت حور بعد مانادتها تقوى لانها مدايره نسكافي وكانت اول مره يتلاقو مها وحور ضراير 😂
حور:مقعمزه تهدرز هيا وتقوى ويضحكو
امير:نقصو صوتكم
مها:قعمزت جنب امير وتفتح معاه في مواضيع عاديه بس تحكي بصوت هاذي عشان حور تشكرفي حاجه
تقوى:اقسم بالله لو تشوفي بنت ناجيه تلللللمع لمع من الزيت يلي في وجها 😂
حور:ع طول حسها…..هههههههههه
امير:شن قلت انا 😡
حور:تشرب بي استفزاز….وين نعلم بيك سوري مكنتش منتبها كملي تقوى كملي
امير:شعور ان مليشي اي كلمه او حتى متجاهلاته قدام تقوى ومها كان يحرررق فيه 🤦🏻‍♀️
حور:تعمدت للمره الثالثه تضحك بصوت اعلى
امير:حور اركبي دارك
حور:نستى في عمتي عائشه تروح من الجيران ن…..
امير:لوح الفنجان ع طول يده….اررررركبي قلت
حور:قاعده تستفز….به بشويه يطقلك عرق نقعد نعاني في معاق 😂
مها:😨😨😨😨😨
تقوى:😂😂😂😂😂😂
حور:ركبت دارها وطلعت الفون تحكي مع معتصم يلي صار

_______________

اريج:طلعت من المطبخ شافت مهاب طالعه …مهاب العشاء واتي
مهاب:كوله بروحك
اريج:لوحت الفوطه ع طول يده ووقفت في وجها…خلاااااااص عاد قرررفت مليت من تصرفاتك يلي مليهاش تفسير كل مره معاي بشكل وفي الليل تطلع منعلمش بيك فديت انا شنووو انت فهمني م…
مهاب:ضربها كف لين طاحت

————————-

حور:هههههه حيوان حاسه روحي قاعده تافها ومش قادره نتأقلم مع فكرة الزواز
معتصم:الزواج اسمه وماعندك علاش بتتأقلمي مدامك بتطلقي اسكتي
حور:😂😂😂😂
منصور:لو سمحت
معتصم:يشوف لي السياره مش مصدق؟!كيف سياره زي هاذي راقيه وواحد زي منصور لبسه فخم هنايا …؟
معتصم:تفضل ياباشا تفضل
منصور:نبي خدمه بسيطه لو قاعد فاتح؟
معتصم:اكيد اكيد الورشه ع حسابك…حور نحكي معاك بعدين
حور:امبه …وسكرت الخط
معتصم :تفضل

حور:حطت الفون تحت المخده وشافت وراها كان امير واقف ومربع يديه ….يتبع

 

1 2 3 4 5 6الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock