روايات كاملة

رواية : سأنجح في كسب حبك

جميع الحقوق محفوظة للكاتبة إيمان الباشا

البارت (1) ..

من رواية : سأنجح في كسب حبك

(The fat💔 ) ..

……………

اميرة : مقعمزة علي سريرها وحزينه علي الاخير
ماتبي تمشي للعرس وامها جابرتها تمشي بسيف ..

الام تتكلم بصوت عالي …

حميدة : يلا يااميرة نوضي وتي روحك اني بنمشي
للمزينه وياويلك نجي ونلقاك مش موتيه روحك ..

اميرة ردت بنفس صوت امها ..

: حاضر ياامي زي ماتبي …

اميرة في خاطرها ..
وهوا اصلا اني نقدر نقول لا 💔 ..

الام طلعت من الحوش ومشت لمشوارها الميكأبي والتسريحي …

اميرة : ناضت اطلع في ملابسها ولبستهم وحطت ميك اب خفيف لانها ماتحتاج من اساسا …

ناضت تشوف في اخر لماستها وبدت تكلم في روحها كالعادة قدام المريا ..

تعرفو شن يلي مخرب عليا كل هذا الجمال وزني الزايد عن اللزوم يعني بنت صغيرة عمرها في 21 سنة يكون وزنها 150 كيلو ولله هلبا ولا ياريتني طويله المشكله طولي 155 سم ..

وغير هكي يلي زايد معقدني اكثر واكثر كلام الناس وهمسهم عليا الكل يقولي ديري دايت حرام مزلتي صغيرة ووووو ..

احيانا نفكر لو تجيني الجنية السحرية وتغيرني زي سندريلا بس لاسف كلها مجرد روايات وخرافات ..
والاسواء من هذا كله كل مانزعل من شيء حتي لو كان شيء تافه نحط غلي كله في الاكل مهما حاولت ندير دايت نلقي نفسي نزيد رغبة في الاكل اكثر واكثر 💔💔

اني انسانه منحوسة ولله حتي جمال وجهي احيانا نقول حرام فيا كلة بسبب وزني 💔 ..

قررت تنهي الحوار اليومي ..
وتنزل تحت كالعادة تاكل من جديد ..

الكاتبة : الانسانه هادي حياتها اكل لو ماتاكل يمكن تصير حرب العالمية الثالته في المجاعة البشرية كيف جت مش عارفه مشوها مشوها 😅

……….

نعرفكم علي الشخصيات ..

عبد الرحمن : اب اميرة رجل اعمال العمر 58
سنه ..

راجل ماشي علي حالة ومايحب المشاكل وفارض احترامه علي الكل …

همة الوحيد كيف يجوز بنته لانه يشوف فيها فقمة متحركة وانه يصلح من حالها اصبح امر مستحيل ..
و علي قد مارفعها لي دكاترة ادير روجيم بس في الاخير الدكتور يمل من عدم وجود نتيجة يتم طردها زي كل مرة ..

فاقرر ان الحل الساليم انه يزوجها بأية طريقة ..

في ناس هكي للعلم ..

حميدة : ام مش مهتمه لي بنتها بشكل كبير مهمله اهم شيء اناقتها وفروضها المنزلية واهتمامها بزوجها اما بنتها اخر مسؤوليااتها ..

العمر : 44 سنة ..

بس مع هذا ديما تعيط عليها لما تكتر اكل بس شنو الفايدة اذا كان ياامي تعيطي عليا وماتصحيني وتوقفي معاي في محنتي وانتي كل يوم تشوفي فيا نتعذب بدل المرة الف مرة 💔💔 ..

فيصل : يكره اخته لي سبب صاير معاه من قبل
هوا انسان اناني بعض الشيء ويحب يستفزها ويخليها تبكي واحيانا يحب يتمتع بدموعها ..
بس مع كل هذا مايرضي فيها شيء ..

العمر 25 ) سنة مغرور وبناوتي بشكل ..

اميرة : بنت فائقة الجمال كلمة الجمال شوية في حقها بس نص الجمال مختفي بسبب كثرة السمنة
وكل ماتمشي لدكتور ادير عنده دايت يمل منها ويطردها لانها ماتسمع في الكلام ..

وعيلتها ديما يعيطو عليها سادك اكل _ حرام عليك ارحمي نفسك يابنت _ غير راك بتتفجري هذا الكلام اصبح من حياتها اليومية المملة ..

العمر : 21 سنة

ماعندها صديقات مقربات كلهم يصاحبو فيها لغرض
المصلحه يبو يوصلو لي خوها فقط لا غير ..

يمكن الوحيدة يلي تحبها وتكون ديما جنبها بنت عمها قريبة عليها هلبا ( ريم ) ..

..

في مكان تاني …

علي الفون 📞

عبد الوهاب📞 : ولله ياصاحبي امتي بتجي وتنورنا الدنيا من ذونك اخييي ياصاحبي ..

ادم 📞: ههههه ولله شن رايك ترحمني بسكاتك و تفتح الباب ..

عبد الوهاب📞 : بس بس سادك برادة وشن جو باريس معاك وشن جو الشقرات السمحات ..

ادم : يالوسخ رجليا ادمرو من الوقوف افتحلي الباب اما شقر وحمر ولله بنات ليبيا احسن منهم بالف مرة ..

عبد الوهاب : بدينا في الكدب توا شنو يعني نفتحلك الباب بتنقز من باريس مثلا ..

ادم : شوف الرقم ياحمار هذا رقم دولي توا يادماغ
الجزرة انت 😤😤

عبد الوهاب : شاف الرقم تنطر زي القرد جري جري 🏃 يفتح في الباب وقعد يحضن ويرحب بي ادم …

صديق الطفولة ..

وينك ياصاحبي ولله استحشتك واخيرا بعد (8 ) سنوات يالظالم رجعت وشفتاك يالعافن ..

ادم : قعد يحضن في صاحبة ويضحك
ولله ياصاحبي انت عارف كنت صعب ننزل لي
ليبيا بساهل بس هانت واهوا اني قدامك و رجعت ..

عبد الوهاب : هههه اوووو من هالعسل هذا كلة
وين ماشي بالزين هذا كلة اكيد طيرت عقل الشقروايات يامعفن ويصغر في عيونه بطريقة شك وبعض الشي مضحكه ..

ادم : يضحك علي صاحبة يلي علي قد مامرت السنوات قاعد علي نفس الجنون ..

ولله هما غير طار العقل وبس ههههه

الكاتبة : ام الغرور 🙄🙄

تخيل مرة صارت عركة بين زوز بنات علي خاطري وترا قول شن السبب قلب عيونه بطريقة ممله 🙄

عبد الوهاب : تحمس شوي شن السبب
ياوحش احكي يامطلع عيون البنات 😂😂

ادم : الكافي كان معبي بزيادة ومافيش مكان فاضي الا طاولتين بس ..

كل طاولة فيها كرسي فاضي يلي هيا طاولة كريستينا والكرسي التاني في طاولة لورا ..

اني سميت ومشيت ..

طلبت نقعمز في طاولة كريستينا جت لورا تجري بغل واضح وتشد في شعر كريستينا وبدي الفشخ انت عارف الجو بتاع البنات بصراحه موقف لا يحسد عليه اني بجد نصدمت ولله ياصاحبي ..

عبد الوهاب : ههههه ياحبيب الملايين انت
بدي يصفر اوووو معنها عندي مشية غادي
بالك نحصل مزة ولا تنين

ادم : ههههههه ولله ماك طبيعي
خليك مع اختي خير ماطير راسك ..

عبد الوهاب : ههه يحك في راسة بطريقة محرجة
ولله حق صدقت خلاص اني توا حصلت في الشبكة
معاد فيها شقرات ياحظي المنحوس ..

وداير روحه حزين ولقطات عايش الدور مسكين ..

ادم : هههه درق وجهك وانت تتسخف منظرك نكته فكني منك خلي نرتاح شوية ..

عبد الوهاب : ماشي ماشي عندي مشوار علي السريع ونجيك الحوش حوشك ..

ادم : اني بنرتاح شوية وبنمشي للعيلة ..
مستاحشهم فوق الازم ..

… نعرفكم علي باقي الشخصيات ..

مصطفي : اب ادم متوفي ..

زهرة : ام ادم العمر 50 سنة ..

طيية وحنونه علي الاخير وتحب صغارها بشكل كبير
بس المرض واخد حصه فيها ..

ادم : انسان طموح في حياته بشكل كبير جميل بمعني الكلمة نقشة علي الاسود عليه صوت رجولي جسم رياضي اناقة ذوق عزة نفس هيبة كل الصفات الحلوة تتجسد في الشخص هذا ..

مهندس معماري كان يقري في الخارج وفتح اكثر من شركة وكان شغله ناجح وكلة من مجهوده الخاص والشخص لي ساعدة ووقف معاه عمه عبد الرحمن ..

ذكي ويحب عيلته بشكل كبير مايحب حد يدير فيه معروف والا لما يرجع المعروف هذا ..

العمر : 29 سنة ..

صديقه المقرب عبد الوهاب …
ويكون ولد خالته ..
وخطيب اخته ..

ريهام : خطيبة عبد الوهاب ..

انسانه هادية ورقيقه علي الاخير تحب الاستقلالية والهدوء ..

العمر : 22 سنة ..

ريم : عكس اختها كليا انسانة مجنونه وتحب المغامرات كانت تحب شخص بس لما عرفت عليه هلبا اشياء حاولت تتنسا حبها بس هل رح تنجح في الشي هذا ..

العمر : 20 سنة

مع اميرة في كل شيء …
وتحبها وديما تنصح فيها ..

جمالها ملفت لانظار وجذابة بشكل كبير رشيقة عكس بنت عمها اميرة ..

……………………..

عند اميرة ..

نزلت تحت خدت بطاطة شيبسي وعصائر وكيكات وبدت تاكل بشراها ..

علي خشت فيصل ..

فيصل : ضحك ضحكة جانبية اوووو دب الباندا اهني

او سوري غلطت في حق الدب قصدي وحش الغوريلا
اهني ..

سادك اكل سمسام يسمسمك وانتي وليتي زي برميل الزبالة ..

اميرة : نخنقت بالاكل ولت تكح
الدمعة في عينها حرام عليكم سادكم اهانات مش بيدي الشي هذا ولله ماهو بيدي

فيصل : لا برجلك نوضي درقي وجهك سادك ماكله خير ماتوا نصفق عليك نوريك البكي الزايد بتاع الصغار ..

اميرة : حطت مافي يدها ومشت تجري بتكمل باقي دموعها في دارها ..

فيصل : حشاااا ماهي انسانه يالعن شكلها كيف تقدر تاكل بشراها هادي ..

شاف الزباله معبية للفوق فنص عيونه 💔

اميرة : فتحت اول قجر قدامها وطلعت كيكات وشكاليط وعالم حايس ..

وبدت عمتكم البدينه ترحي فيها اكل 😂😂

علي صوت امها تنادي فيها ..

اميرة : ناضت تجري جري
لمت الحوسة وحطتها تحت السرير مسحت فمها
وردت علي امها ..

جاية جاية ..
ونزلت تحت لي امها جري ..

…………..

عند عبد الرحمن مقعمز علي شط البحر ومهموم
وحاسس نفسه مضايق ..

ادم : اضايق فوق اللزم بسماع الخبر ان امه تعبانه ومافي حد خبره وحاسس ان الدنيا تخنق فيه قرر يمشي للبحر يمكن تهون عليه الوجع شوية

شن بصير خليكم معاي
🌹

الكاتبة : Eman Albasha
ET🌹

تقييم المستخدمون: 4.83 ( 4 أصوات)

1 2 3 4 5 6 7 8 9 10 11 12 13 14الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock