رواية عشقت المستحيل للكاتبة صفاء

فريق النشر
2020-04-24T23:49:51+02:00
روايات كاملة
فريق النشر24 أبريل 2020آخر تحديث : منذ سنتين
رواية عشقت المستحيل للكاتبة صفاء

#عشقت_المستحيل10

رهف :::::: مش اليوم والا امس نحبك من لما عمري 14 السنه نحبك من يوم عرفت شن معنى كلمت حب نحبك ولا يوم ولاساعه طلعت فيها من قلبي 💔
محمد ::::::: تعصبت 😡 تحبينى تمشي تكلمي خوي وتقطعي شوية الامل يلي عندي
رهف ::::::😳
محمد ::::::: تنفست براحة بعد ماقلتها💔 كنت موجوده في قلبي من سنين خاطري نلومها بصوت مسموع
رهف :::::: يعنى انى السبب وله 😢 كله منى انى انى درت كل شي
محمد :::::: نهز في رأسي بمعنى ايه
رهف :::::: وقفت 😡 من يلي سيب الثاني 💔 في الوقت يلي كنت متأكده انك تحبنى في الوقت يلي كنت متأكده انك ح تعترفلي في اي لحظه 💔 من يلي سافر بدون اي كلام ولا تبرير 😢 تعرف وقتها شن حسيت ، حسيت انى نتوهم نحلم نتخايل كأنك ما كنتش موجود اصلا 😢 حسيت انى كذبت على روحي 💔 تعرف قداش رقدات هنى عالسرير هذا وبكيت وانى نحساب صارلك شي وانى نقول محمد مايسيبنيش بإردته ! ماتعرفش طبعا لانك ماشي تعيش في حياتك وتحقق احلامك 😢 لما اتصلت اول مره حقدت عليك كرهتك لمتك لانه خليتنى نعيش هذا كله ومااهتميتش بهدها رجيت لشهور شهور 😢 انك تقيم تلفون وتشرحلي تبعت رساله اي شي محمد يلي حافظ رقمي اكثر من اسمه شن مبرره انه مايتصلش 4 سنوات لما تكلم في امك وميس 😢 نعلي في صوتي باش تسمعنى وتقول اعطوهالي حتى دقيقة نسمع صوتك لكن ولا مره اهتميت ولا سألت
محمد :::::::😢 مسحت عيوني بالقوية علاش ماجد ؟؟؟؟ علاش ماجد مش غيره !
رهف :::::: تبي تلومني وخلاص توا ! علاش ماجد لانه ماجد كان الشخص الوحيد يلي معاي ماجد هو يلي مسح الدمعة يلي انت خليتها على خدي 😢 ماجد هو يلي يطلع فيه باش نغير جو هو يلي يواسي فيا هو يلي يسمع فيا هو يلي مهتم بيا وهو يلي تعمل مجازي عصبيتى تقلبي 💔 هو يلي طلعني من الوضع يلي كنت فيه وين مانشوف مانشوفش غير يده هو
محمد :::::: 💔 منقدروش نردوا الوقت
رهف :::::: قعمزت تاني ، 🥺 مش لازم نردوا الوقت نعيشوا يلي مقدرناش نعيشوه ق….
محمد ::::::: رهف 🤫
رهف :::::::: وقفت قدامه باهي قولهالي 😢 قولهالي بس 💔 نبي نسمعها مره منك
محمد :::::::: لفتت وجهي عليها
رهف :::::::: جبان 💔 انت اكثر انسان جبان شفته في حياتى 😢 وطلعت وخليته
محمد ::::::😢 نزلوا دموعي تعرف شن معنى تطلب منك كلمة اساسا انت ميت انك تقولها 💔 لكن مش قادر يلي مانعني اكبر منى ومنك يارهف انى منقدرش نتحمل نظرت بوي ليا ولا انى نكون مديون لماجد طول عمري

~~~~~~~~~~~~~~~~~~~~~~~~~~~

ميس ::::::::😘 نموت فيك
موسى ::::::: شن رايك ماتنزليش ونروحوا لحوشنا طول 🥺
ميس :::::::: ياريت 💔 لكن امي بروحها راهي حايسه
موسى ::::::: تمام معنها انزلي فيسع نستنى فيك
ميس ::::::: ❤️ نزلت وانى طايرة بالفرحة اذا مش احلا يوم في حياتى ، حبي الراجل يلي يضحك وجهك مش يلي يخليك تبكي طول العمر ❤️

~~~~~~~~~~~~~~~~~~~~~~~,~~~~

رهف :::::: كان خاطري نحكي لحد فكرة نقول لخالتي لكن بتزيد همي هم 💔😭 قعدات نبكي بعدها نضت انى عبيطة في الاخير بديت نعرف عالاقل انه يحبنى زي مانحبه ❤️
فتحت الفيس كتبت

“إذا لم تحارب من أجل
‏شيء تحبه فاصمت إذا خسرته .”
ورقدت

~~~~~~~~~~~~~~~~~~~~~~~~~~~

محمد :::::: شفتها شن كاتبه 💔 عرفت انه انى المقصود طول الليل وانى نردد في الكلام يلي قالتهولي كانى نحفظ فيه معرفتش هل انى تسرعت انى سافرت 💔 في الاخير ممكن يكلمها ماجد وترفضه ونقدرو انكونوا مع بعض ، طالما علاقتهم مابدتش طول معنها يومها ماجد كذب عليا 😠💔 وانى صدقت طول كذب يلي نحس بيه وصدقت خوي حتى سؤال ماسألتهاش لا عطيته فرصه يقرب منها بغيابي 💔 اها يامحمد اها قداش مفروض تكون غبي مازلت

~~~~~~~~~~~~~~~~~~~~~~~~~~~~~

#ثاني_يوم

ميس ::::::: حبيبي نوض موسى 😍 ياعيوني الفطور جاهز
موسى ::::: امممم شن هالروائح الحلوه هذه
ميس :::::❤️ جهزت كريب و…
موسى :::::: انى نحكي عالروائح هذه وقعد يبوس في رقبتها
ميس :::::: هربت منه ههههه نوض خلاص بيبرد الفطور
موسى :::::: انى قاعد من العمل علشانك اليوم
ميس :::::: ربي يخليك ليا ، لكن نفطروا قبل
موسى :::::: ههههه خل ننوض خير من تديري روحك ملبوسه عليا
ميس :::::::🙈 معادش تدكرني نتحشم
موسى :::::: يقلد في صوتها شاد موس بيقلني ننتههههههههه
ميس :::::: ننننننني ننينني 😒 بايخه
موسى ::::::: ههههههه 😘 نحب نشوفك معصبه كيوووووت
ميس :::::: هيا هيا وسبقته بنمشي لامي عشية
موسى :::::: كان عندهم دار زايده يعطوهالنا نقعدوا عندهم وخلاص
ميس ::::::: ههههههه ماهو حوست العرس وهكي
موسى :::::: حاضر حبيبتى حاضر

~~~~~~~~~~~~~~~~~~~~~~~~~~~~~

محمد :::::: نضت لقيت امي حاطه الفطور في الجنان هي وبوي قعمزت جنبهم وانى عقلي في رهف كيف بنتعامل معها توا هل بنرجعوا زي قبل 💔 مستحيل كيف
رهف :::::: مشتلهم السلام عليكم
محمد :::.:: مابيتش نشوفلها
ناجي ::::::: اهلا تعالي افطري معانه
رهف ::::::: بعتتنى امي نشوف مرت عمي بالك تبي حاجه نعاونها فيها
فوزية :::::: صحيتى بنتى التزييق بس عارفتين ماعندي ليه جهد
رهف :::::: حاضر وجيت ماشيه للمطبخ
فوزية :::::: خليه بعدين تعالي توا
رهف ::::::: بنمشوا لعيلة خالي عشية
ناجي :::::: اها كويس وصلهم يامحمد
محمد :::::: هزيت رأسي باهي
رهف ::::::: كلمت رامي بيجي 😒 ومشيت فتحت الميه ههههه خربت تقعمزتهم قلتلهم بنزيق حتى الجنان ناض عمي ومحمد ومرت عمي حولو عالكراسي يتفرجوا عليا تقول لجنة ذا فويس🌚
كريمة :::::: اشيه 😍 على بنتى وصلت حتى في الجنان
فوزية :::::: ايه ياحنه ياسعد يلي بتجي كنتها انى ماصارلي منها
محمد ::::::: شاد التلفون ونسمع فيهم
كريمة ::::::: حتى شهد ماشاءالله علها
رهف ::::::😒 شن ترفسي يانبع الحنان توا واحد يوجه الطبوا عليك ويقول بالغلط 🌚🚿
محمد :::::: شفتلها فوق ، وشفت لمرت عمي طلعوا الاشاعات عاد
فوزية ::::::: ياودي مانحسد كان عزوزت رهف فيها
رهف ::::::: ماتخافيش يامرت عمي امه ميته ( بعيد السوء عليك 🌚 لكن لازم نحرق دم ولدك البارد)
محمد ::::::😳
فوزية :::::::: اشيه شوره واتي هو
كريمة :::::::رررررهههههف
رهف :::::::: نبصر ياودي وانتى بتضربي
فوزية ::::::: هههههه ياريته سعد كل حبيب كان حصلتيه
رهف :::::: على اساس جدي الله يرحمها كان مبهدلتكم
فوزية :::::: امك مالحقتش علها لكن انى شفت منها ايام الله يسامحها وخلاص
محمد :::::: باهي رازرزي بوي جي يطلقك نقعد حاصل فيه بعد هالعمر
فوزية ::::::: هههههه شن مايعرفهاش هو
رهف ::::::: وطال الحديت وولت زرده وطار معها البرستيج 😭💔 يهبل وهو يضحك لقيت روحي رجعت نحكي معاه عادي ، طيبنا الغدي برا وماصارش من عيلة خالي 💔 محمد قعد في الحوش اليوم على غير العاده وماحاولش يهرب منى بالعكس يجس في نبضي اذا نكلم فيه عادي والا واخده موقف ، عشيه جت ميس وراجلها مشوا الرجاله مع بعض وحنى قعمزنا مع بعض لا خلينا لا كنافة عالحطب لا بيتزا لا مكرونة تقول قروب أبيسات هههههههه وانى وميس نصوروا ❤️

~~~~~~~~~~~~~~~~~~~~~~~~~~~~~~

ماجد ::..:::😡 نازل وخبط باب سيارته
ناجي :::::::: نوض شوف من هذا
موسى :::::😳 ان شاءالله خير
محمد :::::: طلعت شفت ماجد ماشي للجنان لحقته
ماجد :::::: لاسلام لا كلام ماشي لرهف طول 💔 😡 خيرك انتى شن درتلك النم بنعيش مرتاح مخربه امها عليه من تاني يوم
محمد :::::: جيت نجري شديته ماجد خيرك 😠
فوزية :::::: اللطف ياربي
كريمة:::::: 😳
رهف :::::: وقفت 😠 خيرك شن تبي
ماجد ::::::: تي انتى شن تبي منى نايضه تبعتي في رسايل من الفجر شافتهم أميرة ودارت من امها قصة هكي كبرها 😡 مدام تحبينى ومش قادره تنسينى علاش قلتي لا لما خطبتك
محمد :::::: شفت لرهف 💔
رهف ::::::: مريض انت بروحك قلتلها كان نبيك علاش رفضتك 😠
ماجد :::::: تي من نعرف غيرك من فيه غيرك
رهف :::::: لا احلف خل نصدقك !!! من ماتعرفش 😠
كريمة ::::::: تحشم عاد هيا 😡
ماجد :::::: تي اطلقني عليها 😡 هذا بدي خراب بيوت راهو وانتى مستهتره بيه
ميس ::::::: ماجد مش رهف مستحيل تكون هي اساسا رهف تحب واحد تاني 😳
كريمة ::::::: 😳
ماجد :::::::🤨
محمد ::::::: رخيت يد ماجد
رهف :::::::: قلت هذه تكذب باش تهدي خوها ، قلتلها ميس مش ….
ميس ::::::: رهف نعرف وسمعتك لما حكيتى لغزالة
رهف ::::::: لفت بيا الدنيا ميس تعرف 💔 معادش عرفت شن نقول انسحبت خشيت للمطبخ طول
ماجد :::::::: 😏 طلع وسيبهم
ميس ::::::: قعدات نهدي في امي ومرت عمي
محمد :::::: لحقتها خشيت للمطبخ لقيتها مقعمزه
رهف :::::: رفعت رأسي رد بالك محمد تسألني بعتله حق والا لا💔
محمد :::::: مش بنسألك خاش بنطمن عليك انتى كويسه
رهف ::::: هزيت برأسي وطلعت روحت
محمد :::::: كان في بالي ميس قالت هكي باش تسكت ماجد

~~~~~~~~~~~~~~~~~~~~~~~~~~~~~

ميس :::::: خشيت عليها رهف 💔
رهف ::::::😢 ميس …. متحشمة منك بجد ميس انى 😭
ميس ::::::: حضنتها عارفه مش بيدك اكيد حتى انتى مش حابه تكوني في وضع زي هذا عارفه وحاسه بيك وماحبيتش نتكلم باش مانحرجكش
رهف :::::: والله ماخنت ماجد 💔
ميس ::::::: عارفه
رهف :::::: ولا تحججت باش نسيبه لانه ماعنديش امل في محمد
ميس :::::: عارفه انه هو يلي خانك 💔 بعدين تحكيلي انى يلي كلمت حبيبي بعد ماتزوجت 💔 انى اكثر وحده نعرف كيف انه معندناش حكم على قلوبنا كيف هم يمشونا بتجاه النار وحنى نشفوا فيها نار ومع هذا 💔 مستمرين
رهف ::::::: حضنتها تاني 😭😭 انتى احسن اخت في الدنيا
ميس :::::: مسحت دموعي احسن من خواتك الحقيقيات 🌚؟
رهف ::::::: ههههههه احسن بألف مره
ميس ::::::: ههههه😘

~~~~~~~~~~~~~~~~~~~~~~~~~~~~

#ثاني_يوم

رهف :::::: طلعت لقيت محمد يسخن في سيارته
محمد ::::: رهف هيا
رهف ::::: ياسلام 🌚 ، جيت ركبت معاه صباح الخير
محمد :::::: صباح النور وطلعت وانى ساكت
رهف ::::::: قالت ميس نحلت القصة ؟
محمد :::::: ايه طلعت البنت يلي لقتها معاه في المكتب وين سمعت بيه تزوجت تحسابه تزوجك انتى 💔
رهف ::::::: اممم
محمد :::::: مااعتدرش منك قصدي اتصال والا …
رهف ::::: لا
محمد :::::: سكتت
رهف ::::::: وقد مايدير فيه ويهنني مش قادره نسمع منك كلمه وحده على شانه وله ؟
محمد :::::: 😒 انتى يلي حطيتيه بينا 💔
رهف :::::::😠 ايه انى انى يلي غالطه ديما باهي يامحمد انى مش انت يلي ارتبط بشهد وهي صاحبتى وله ، خلاص اصلا انى ليش مازال نتكلم معاك
محمد :::::: تبي نتكلموا ؟
رهف ::::: شفتله وسكت
محمد ::::: تبي تسمعي يلي عندي 😡 ، اوكي تمام لفيت السيارة بسرعه ومشيت …

#يتبع

كلمات دليلية
رابط مختصر

عذراً التعليقات مغلقة

error: Content is protected !!