روايات كاملة

رواية كراميل

بقلم محمد مالك وميرو الشريف

رواية كراميل بقلم محمد مالك وميرو الشريف

 

الحلقات الاولي

كراميل بقلم محمد مالك وميرو الشريف

كــــراميــــل
الحلـــقه “الــخامســه عشـــر ”
بـِ قلم “محمــد مالـك _ميـرو الشريـف “معتصـم. و هو منزل راسـه : عبـدلله الصافـي
عبـدو بدون ما يفطنلـه : نعــم.
رفع معتصـم راسـه لما سـمع الصـوت مش غريـب عليـه و أنصـدم عكس صـدمةة عبـدو الي كانـت بالنسبـه له صـدمـات أن يشتـغل عـند و تحـت معتصـم
قـعد واقـف و ايبحـث في معتصـم و يرجـا شن هيـا ردة فعلـه.
معتصـم شد الملـف و قـعد يقـرا فيـه. و بـعدها. قعـد يـضحـك. : ههههههههههه
و الموظفيـن التانييـن واقفـين ايبحتو فيـه باستـغراب لان مفـيش شي أيـضحك. !
عبـدو تلفـت يبـي يـطلع لان بالنسـبه له وضـع لا يُحتمـل.
معتصـم. : مخـديتـش أذني انك بتطـلع
بـرم عبـدو عليــه. و يستنـا فيـه أيكمل كلامـه
معتصـم. : مبـروك تقدر تبـدا. شغلـك من غــدوه أني منـقطعش رزق حـد و أموري الشخصيـه فاصلـهم عن العـمليـه.
عبـدو رد لمكانـه و كـان من داخلـه. حينـفجر و حيـطقلـه شي عـرق و زاد أستـغرب أن معتصـم. شغلـه معـاه و حيـباشر عـادي و كـأنا شـيئا لـم يكُــن.
و كـان طول هالفتـره هـذي تلفونـه أيرن هـزاز في جيـبه. لعـند طلعه و قـفله._________________________
هيـثم. خـش للـشارع بتـاع حوشـهم و قـعد أيبيـب و وراه. اسـلام بسيارتـه حتى هو أيبيـب. و الشـارع كلـه أيبحت فيــهم.
فتـحلهم البـواب البـاب و خـش بالسيـاره
كـانت عمتـي حواء و عـمي حمـد قاعديـن و غيـداء لان معـندهش جامعـه و حنيــن و عيـت عمهم.
نـزل عصـام من السيـاره و جـاء هيثـم و اسلام قـعدو أيسندو. فيـه
هيثـم. : يارا شـد روحـك و انـت امولـي. زي الوليه الوالده
عصـام. : ضـم فمـك.
عصـام سلـم علي أمـه و قـعد أيبـوس في أيديـها. و سـلم علي بوه اضبطـه بالقـوه و هـو مغمـض أعيونـه و يـذكـر. الـي داره و شن دار عشـان بس جرعـةة مخـدرات. كيـف خـان الثقــه. و لعـب و دار الحــرام.
غيـداء اضبطاتـه زيـن. : حمـدلله ع السـلامه. ولله توحشتـك هـلبا
عصـام يشفشفلهـا في شعـرها. : الطـف على شعـرك كيف نايـض هـكا يا امـي وين زيـت الزيتـون بالله. 🤦‍♀️
غيـداء فنصـت عيونهـا و ضرباتـه علي كثفـه. : مصحــك.
اسلام. : فاتيكـا زيت زيتـون للشعـر لو شعـرك. مقصـف ماشـي
غيـداء. : ياااا عمووو 😭
عمـهم. جـاء و اضبطهـا : عـاد كُله أيهون الا الغاليـه بنـت الغـالي
ضحكـو كلـهم و قـدمت عليـه حنيـن سـلمت عليـه. و سـالهـا علي نـادر
حنيـن. : مش معطـل شوي و حيـرجع من الشركـه
اهـو يتصـل. و ردت. ” : ألو نـادر اي ههههههه كـيف دخـل عليـنا. أي ” و بحتت في عصـام زين ” : تي لا حالـه. أنشـط من حالي و حـالك.
بحت فيـها عـصام و قـعد أيديرلـها. 5 5 5
ضحكـت حنيـن. : اي باهـي بالسلامـه. اهـو جاي هو و معتصـم. في الطريـق.معتصـم. : شني صـار.
نـادر: بـعد غـدوه بعـون الله. بنـاخد لـ النفسـيه. أسبوع و يـطلع أموره هانيـه
معتصـم مسـح علي وجـه و تنـهد
نـادر بحت فيـه. : شني ويـن نحيت الدبـله لـ كنت تلبـس فيـها. !
معتصـم غـمض أعيونـه وجت كراميـل بين. اعيونـه ضحـك. : الايـامات الجـايه هيـا بتلبسهـالي بايـدهـا.
نـادر بحـت فيـه و هز راسـه يمين و يسـار.
معتصـم. : شوري بـنكمل نـص ديني قريب
نـادر: هههههههههه تي هـو وينـه النـص الاول على خـاطر بتكمله. 😂
معتصـم: ضربـه على كثفـه وهـو يـضحك. : سوق سوق احسـن ليـك و ليــا.____________________________بينمـا انـا كنت أنديـر مع مـامـا. في نوعيـن الموالـح عشـان بكــرا.
نـزل منـذر و طلع من الحـوش بسرعـه.
ماما. : كنـه خوك. ؟
انـا. : منعـرفش شن. كويـس هـكي ؟
مـامـا. : أهــا خلاص حطيـه فب الكوشـه وأبدي حطي في طاجيـن الثانـي
انـا مسحـت أيديـا و صبيـت حطيتت الطاجيـن. في الكوشـه. وقتـها وصـلتني رسالـه من عبـدو. ” شفـت معتصـم اليـوم ”
نقـزت. على بعضـي و ملامحـي تغيـرو
بابا يشـرب في القـهوه احدانـا. : بسـم الله شن في؟
بحتت فيـهم. : لا شي شويـا تو انجـي
و ركبـت الـداري و أتصـلت بيـه
عبـدو: ههههههههه شفتـي أسم معتصـم طول رديتـي وانا امبـدري اتصـلت مترديش
انـا. : مريـضه ولله مش ناقصـه شن جو. الشغـل
عبـدو: تخـيلي مديـري قعـد معتصـك متخيـله الموقـف. ؟
انـا. باستـعباط : تخـدم مع بابا يعـني توا أنت.
عبدو و هـو. يحـول في ربـطةة عـنق بتـاعا و يفتـح في سيارة الي عطتـه له الشركـه : أاااه تو عـرفت هـوا شن علاقتـه بيـك. و انتـو تسكنـو جنبـهم تمام
عقـدت حواجبـي و استـغربت من أسلوبه. : وعلي سيـرةة أني مرنيتش عليـك. رنيـت عليك مرتيتن عطـاني مشـغول. و. بعـدها مقفـل.
عبـدو أرتبـك. : أي امي كانت تتصـل بيـا. و. قفـل كمل شحنـه.
هزيـت راسـي. : باهي شن صار
عبـدو: توقعتـه أيلزنـي أقل شي بـس قالي مـظ حنقـطع رزقـك و الكلام هضـا.
انـا. : باهـي تمـام و انـت راضـي.
عبـدو: طبعـا راضـي مهـما كـان لانـه الشي الوحيـد الي يخـليني نشـوف من أنحـب.
انـا. : باهـي تمـام.
عبـدو. : بكـرا. بنتـلاقو ايـوه.
انـا. : باهـي شن قاعـد أتديـر انت. و وينك. ؟
عبـدو: نشتـغل. هي خـليني انكمل و نـعاودلك.
انـا. : أوكي باي

صكـر عليـا عبـدو. و ولع المسجـل. و حـول جاكتـه الرسميـه و سوريتـه. البيـضه. و لبـس تيشـرت ثانـي و بـخ عطـره. ضحـك علي جنـب و ولع سيارتـه و طلع و هـو أيـدور ويكتشـف شـوارع طرابــلس.

____________________________________________
_

فـرح بعـد ما هـدرزت مع خوتـها. و ركـب كل حـد لداره و نـادر مشا لحوشهـا ❤️
ركبـت لدارهـا. و هـي اتكلم في صحبتـها. : بنحضـر عرسـك بـاذن الله مش حنفوتـه عليـا.
هـديل صحبتـها. : مش تنسـي بالله عليـك. !
فـرح. : ولله للسهريه. منوعـدكش عصـام خوي كيف طلع و متفركسـين عليته. بس العـرس بنجـي و مـعاي بنـت شرقاويـه.
هديـل ضحكت. : نعليـا بلهجتـهم و لهجـةة حبيبي قـلبي ❤️
فـرح: ربي يخـليكم لبعضـكم جا هو. من بنـغازي
هديل: أي و غـدوه أماليه جاييـن معـاش في وقـت. هلبـا.
فـرح. : باهـي ربي يـباركلك. يارب و نشـوفو صـغاركم صـغار الغرباويـه و الشرقـاوي.
هديل: ههههه سـلمهـالي بالله فروحـه تعالي ما تكسـري بخـاطري و سـلميلي على عمتي وغيداء و حنين
فـرح. : حـاضر يوصـل بـسلامـه. ” صكـرت عليهـا و خشـت على واتـس بعتت لـ هيثم. : ❤️
رد عليهـا هيثـم بِ مكالمـةة فيـديو ضحكـت قعـمزت في سريرهـا. و علقت السمـاعـات و ردت. كـان هيـثم متمـدد علي ظهـره و لابـس تيشـرت حاطـه علي فمـه لان صـقع. و مبتسـم. : شن حـالك باهيه. ؟
فرح و هـي أعيونهـا قلوب و قـلبها نـار ❤️❤️❤️. : أي
و قعـدو أيهـدرزو و موضـوع يجـيب في موضـوع.
هيثـم. :أنتِ يا قـرده. !
فـرح. فنصـت أعيونهـا. : هئـه مش راقـده أنس
هيثـم. : يا احسـن أبنيـه شبحتـها عيـني و حبهـا قلبـي 🤤❤️
فـرح أبتسـمت. : سلمهولـي أيوه هـكي ❤️
هيثـم. : عـمي أمتى يفضى علـى خـاطر بنـجي نشـرب امعاه. !
فـرح. : نهـارك أحرف شن تشـرب معاه. ! أنت قصـدك.
هيثـم. : أستغفرلله ههههه بنـشرب عـندكم قهـوه. 🤤على خـاطر بنفتـح معاه موضـوعي
فـرح. : موضـوع شنـي؟
هيثـم. : على خـاطر عـنده قـرده نبيـه يـزوجهـالي❤️
فـرح. غمضـت عيونـها و تذكـرت شن قال عليـها في البدايـه و عـرفت أن هي المقصـوده بحتت في برفعـةة حـاجب و هـو قعد يـضحك. !
فـرح. : 🌚معنـدناش قرود احنـي. !
هيثـم. : امـالا الـي قـدامي مـني. ! 🤦‍♀️😂
فـرح. : عـلاش بتـاخـدني. و تتزوجنـي طالما اني قـرده ها🤦‍♀️
هيثـم. : على خـاطر ابنيـت عـمي ملقيتـش من أيلمـك قُلت أنجـي انطـبك ❤️🥺و في صـدري أنضـمك ❤️
فـرح. سرحـت فيـه و قـعدت أتبحـت فيـه و عيونـها يرمشن بسرعـه و ارتبكـت. !
هيثـم. : و بالليـبي ملقيتـش من ايلمك قلت نـاخدك و انلمـك أنييي 🤤🤤❤️❤️
ضحـكت فـرح و أستمـرت مكالمتـها وكل مـره يحكـو. في موضـوع ليـن خـداهم الوقـت. و رقـدو هـما الاثنيـن في مكالمـةث الفيـديو و تلفوناتـهم طايحـات علي جنــب. ❤️🤤

_______________________________

ريـان صبـت بعـد صـراع كبيـر مع أدموعهـا. قعـدت أتبحـت في أعيونهـا كيف منفـوخـات واجـد فتحـت دولابهـا و طلعـت جينـز أمريـكي ازرق وتيشـرت صوف أبيـض لـ قبـل الركبـه بشويـا و حطـت وشـاح بينـك.
توضـت وصـلت قبـل. و بـعدهـا بـرمت على الحـوش شويـا. و لبسـت و مكيجـت خفيف بحيـث أن تبـرز ملامحهـا فقـط. و تخـفي عـلامـات الحـزن الـي عليهـا
خـدت تلفونـها و نـزلت. كـان جبـران نـازل من فـوق أصطـاح بعصافيـره سـلمت عليـه و خـشت عليـنا نحنـا
كنـا نلبـسو عشـان بنمشـو لحـوش عـمو حمـد. و أنوتـو مع بعضـنـا.
ريـان. : كان كلمتونـي نـزلت ساعدتـكم.
قـمر: تي عـادي يا خيـه غيـر هيـل نطلعو.
خـدينـا. الموالـح في أيدينـا وانا فـي يدي كيـكة كراميـل و طـلعنـا. مشينـا عنـدهم. و نحنـا ماشييـن. كـان عصـام طالع بـيركب لشـقةة معتصـم سلمنـا عليـه. و حمـدناله علي سلامتـه و خشـينـا

_____________________________

حنيـن حـددت لنـادر سوريتـه و علقتـها. : باهـي. ؟
نـادر: شنـي باهـي خيـرك وين عقـلك. ؟
حنيـن بحتت فيـه. و قربـت منـه. : أعـذرني حبيبـي تعلـم الحمـل أمتعبـني و مـلخبط أموري
نـادر : مُش مشكلـه. ! خـيرك تحـلوي هلبـا أنتِ كل يوم. !
حنيـن قربـت من المرايـا اتبـخ في عطـرها و نـادر تمـدد على السريـر قـعدت أتبحت فيـه من أنعكـاس المرايـا. : شوري حامـل ببنـت لان. الحـامل بالبنت تتحلـى. !
نـادر. : أي 🤤تعـلمي خـاطري تتوحمـي و انـي انجيبـلك. خيـرك الهم الاحـرف متتوحميش 🤦‍♀️
حنيـن بـرمت عليـه. : العفـو. ! كانا توحمنـا يا ساتـر وكان متوحمنـاش يا ساتـر
ضحـك نـادر و تغطـا. : فيقينـي مع المغـرب
حنيـن. : تمـام
خـدت تلفونـها من الزيانـه و نـزلت عليـع خـدت منـه بوسـات.
نـادر شدهـا من وسطـها. : مُش كـان تنقـزي جنـبي. 🤤❤️
حنيـن ضرباتـه علي يـده و طلعـت اللسانهـا. : لا هيـا سلامـات.
طلعـت من الدار و هيـا مازال شاغل عقلهـا. معاويـه و كلامـه و أفعالــه.

___________________
عصـام وقف قـدام شقـةة معتصـم. قعـد أيدق لعـند فتحـت حيـاه.
حيـاه. : الحمـدلله على سلامتـك. !
عصـام. : الله يسـلمك. خيـرك اهني؟
حيـاه. : معتصـم قالـي متخـليهاش
عصـام هـز راسـه و حـول كويشـه بصعوبـه. : وينـها. ؟
حيـاه أشرت علي دار. : اهنـي. !

دق معتصـم و خـش. : السلام عليـكم
تسنيـم رفعـت الغطـا من علي وجهـا و قـعدت أتبحـت فيـه و خشـت في بعضهـا من الخـوف. و هـوا غـاب عن الوعـي و فقـد كل شـي و سـرح فيهـا و في أعيونـها و بعـد وقـت تكلـم. : عـلاش خـايفـه. !
حيـاه بقـلة حيـله. : حتى. أني هكي اول مـا شبحتنـي بعـدها. ارتاحـت و ارتخـت معـاي
عصـام قرب منهـا و قعـمز على الكرسـي. : تتفكـري فيـا ولا. ؟
تسنيـم. اتبحـت فيـه و ساكتـه و هيـا مشبكـه أيديهـا الاثنيـن. في بعـضهن.
عصـام. : أني لـ كُنت راقـد على سريـر المريـض وقـت انتِ دخلتـي عليـا

تسنيـم غـمضـت أعيونهـا زين و تبكـي لان شافـت في عصـام ملامـح هيـا. تحبـهن ملامـح اتفكـر فيهـا بحـاجـات غاليـه عليهـا.
قربـت منـه و صـبت حضناتـه. بالقـوه بـدون سبق أنـذار
و هـو كـان مصـدوم و رفع أعيونـه أيبحـت في حيـاه الـي أنـصدمت حتى هيـا أكثر منـه.
عصـام. : أهـدي عـلاش هـذا كلـه. ! احم انـي معــاك.
تسنيـم كـانت رافضـه تسمـع أي شـي. و حاضنتـه لعنـد بـدت ترتخـي و غـمضت اعيونـها
عصـام بخوف عليهـا بحت في حيـاه. : خيـرهاااا. ؟
حيـاه و هيـا قاعده في صـدمتـها. : اخـدت دواهـا و شوره فيـه. منـوم

هـز راسـه معتصـم و رفعهـا بصعوبـه لـ السريـو غطـاها و قعـد أيبحـت فيهـا و مبتسـم هو مش عـارف شن صارلـه و عليـش في أحسـاس حلو أيحس بيـه و هـي قـدامه هـو مش فاهـم روحــه شن صايرلـه بس كـان مستمتـع بالشعـور الي عايشـه و في نفـس الوقـا متضـايق مم الجانـب الاخـر علـي شـان موضـوع النفسيه والمخـدرات

______________________________

كنـا نمسحـو في اماعيـن العزومـه أبتـاع بكـرا و نهـدرزو.
عمتـي حواء. : فـرح قالك معتصـم ديريلـي فنجـانين قهـوه هو وصاحبـه
فـرح. : باهـي نوضـي معاي كراميـل. !
أبتسـمت و صبيـت معــاها خشينـا للمطـبخ قعـدت أنوتيـلها في الصفـره و اتهـدرز عليـا

فـرح. : أي عنـدي فرح الايـامات الجايـه صاحبتـب هلبا بتمشـي معاي
انـا. : باهـي نشـوف بابا و انقولـك. !
فرح. : واخـدها شرقاوي كيـف بـدا يشتـغل هنـا. وحيقيـم هنـا.
انا : مشاءلله ربـي يهنيـها.
و جمـدت لمـا سمعـت صـوت معتصــم ورايـا. جـاي من الباب الورانـي.
معتصـم قعـد أيبحـت زيـن و خـدا الصـفره من فـرح. : صحيتــن. !
فـرح ضحكـت. : سـلمك.
و جينـا بنمشـو. وقفـنا معتصـم لمـا قال.
معتصــم. : فــرح. !
فـرح. : خيـرك. ؟
معتصـم وهو ايبحـت فيـا وانا عاطيتـه بالظهـر. : و انــي انحبــك هــلبا 🤤❤️

جمـدت و فنصـت أعيونـي و ابتسـمت لا تلقائيـا عشـت الف شعـور و شعـور و مشيـت نجـري و قعـمزت و طـول الوقـت فـرح اتلقحلـي في الكـلام و تبتسـم و تغـمزلـي.
ريـان جتـها رسالـه من مُنـذر فتحتـها. ” انـا مشيت لبنغازي اسبوع و نـص و راد و ان شاءلله. فب الاسبوع و نـص هضـا اتغيري و تقـعدي كيف ما نبـي أنـا اهـا و المـوف أيهبل عليـك. ”
صكـزت الرسالـه و هيـا مصدومـه كـيف مشـا هكي بـدون ما يقوللهـا ولا يعطيـها علـم بمشيتـه. !

في المربوعـه الخـارجيـه كـان قاعد معتصـم و كمـال صاحبـه. الـي جايـبله. معلومـات تامـه علي تسنيـم. و قصتــها.

حلقة الجاية ممكن اقوى حلقة ف الرواية لتوا

قصة تسنيم + زواج ؟! + صدمة حلقة نار بمعنى الكلمة

يتبع
لايك مش حياخد منك ثواني

تقييم المستخدمون: 4.34 ( 16 أصوات)

1 2 3 4 5 6 7 8 9 10 11الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock