رواية ليبية منحرف واحببته لكوكا صالح

#مـنـحـرف_وأحـبـتـه الـحـلـقـة (38) گـتـابـتـي Koka Saleh """""""''"""'"""""""""""""""""""" الساعة 3 سراج روح للفيلا وهدى شافاته اول ماروح لبست عبايتها ونزلت بشويش وطلعت ووصلت عند حوش سراج لقاته كيف بيسكر الباب مسكت الباب بيدها سراج;كنك شن تبي هدى:فيه موضوع مهم بنحكيه معاك سراج:شن هو الموضوع هدى:بنحكيلك عالطفل اللي في بطني سراج:باهي خشي وخشت وسراج سكر الباب """" سندس صبت وشافت من عند الروشن وفرحت لما شافت سراج مروح قمعزت عالسرير وقعدت اتفكر وفي لحظة صبت وقررت تمشي تعتذر من سراج عاللي داراته وان هي ماكان قصدها وطلعت من دارها ونزلت تحت ووصلت عند حوشها ""'"" سراج:ها احكي شن تبي هدى:نبيك انت سراج:شنو هدى:زي ماسمعت نبيك يعني انت مش حاس بالشيئ هذا "" وسندس جت بترن الجرس وبعدها سمعت صوت طالع من جوا ومعش عرفت من مع سراج كان فيه نسخة من المفتاح ديما ايخلو فيها تحت قروش الورد اللي جنب الباب رفعت القروش وطلعت المفتاح وفتحت بشويش وشافت هدى مع سراج وانصدمت بس ماخلتهم ايشوفوها سراج ضحك;تبيني بس انا مانبيكش هدى تبكي:حرام عليك حس بيا انا انحبك سراج:انتي اخر وحدة تحكي عالحب وبعدين مافيش واحد ايحب واحد ايضره هكي هدى:انا درت هكي لاني انحبك ونبي اولدك ايعيش معاك لوكنت حكيتلك انت ماكنتش اعترفت بيه فكنت لازم انجي الهلك عشان ترضى تجوزني سراج:فكرة اني نجوزك هذي شيليها من بالك بكل راه مش حنديرها هدى بصدمة;وولدك اللي في بطني يعني مش حتعترف بيه سراج:تعرفي ياهدى لو اتحطي يدك عالكعبة وتحلفي ان الطفل اللي في بطنك ولدي مش حنصدقك انتي عارفة كويس انك تكذبي هدى:كيف نكذب في موضوع زي هذا وبعدين نفرضو انا نكذب التحاليل اللي انت درتهن وطلعن يثبتن ابوتك هذينا شنو حتى هنا كذبة سراج:هذا اللغز اللي مازال ماحليته بس صدقيني حنعرفه هدى:اي لغز تحكي عليه انا حامل منك وانت عارف اللي صار بينا وعارف كويس انك القيتني بنت يعني انت الراجل الوحيد اللي لمستني هذا مش شيئ كافي سراج:بما انك حكيتي عاللي صار بينا يبقى اكيدة عارفة ان اللي صار ماايوصلش للحمل كيف بتحملي مني وانا داير واقي ترا فهميني هدى:مش عارفة بس هذي حكمة ربي ممكن رايدنا انتقربو من بعضنا سراج;وشنو الحكمة في ان ايقربني من وحدة زيك هدى تبكي:لان ربي عارف ان انا اكثر وحدة انحبك سراج:هدى بطلي تمثيل خلاص مش ماشي معاك الدور بكل هدى:انت اتحس فيا نكذب وانمثل لان قلبك معلق في سندس واتحبها بس انا متأكدة لما هي تطلع من حياتنا حتعرف قديش انا انحبك سراج بعصبية;ومن قالك هي بتطلع من حياتي انتي اللي بتطلعي اما هي بتقعد طول عمرها معايا هدى;بس هي مااتحبكش وسلمت فيك دغري وسيباتك عشان غلطة في الماضي هذا كله دليل انها مااتحبكش سراج:وانا عارف انها مااتحبنيش المهم انا انحبها ومانبيش غيرها هدى:معقولة اتسيب وحدة اتحبك وتقعد متعلق بوحدة هي مااتحبكش سراج:اللي مااتحبنيش هذي القيتها تفرق علي كل البنات اللي عرفتهن اللي القيته فيها ماالقيتش في ولا بنت ولا حنلقاه عند اي وحدة هدى سلحت عبايتها وقربت من سراج:وريني الشيئ اللي عندها وانا ماعنديش بالعكس انا احلى منها بواجد شوفني قدامك مافيش راجل يقدر ايقاومني او ايقاوم جمالي وقربت من سراج سراج دفها منه:انا اكثر انسان مرات عليا بنات شايف اجمل الجميلات وقضيت عمري بالطول وبالعرض مافيش حاجة مادرتها الا حاجة وحدة الحب الشيئ الوحيد اللي ماالقيتش الا مع سندس هي اللي خلتني انحس بيه ونعرفة علقتني فيها وخلتني انحبها واجد الدرجة اني معش انشوف الاي بنت ولا عاد تغريني اي بنت فمااتعبيش روحك واتحاولي محاولاتك القذرة هذينا لان النية طارت من اي بنت خاطيها هي الوحيدة اللي تقدر اتحرك مشاعري وبس هدى تبكي:بس انا بنكون مراتك زيي زيها معقولة تحكيلي هكي سراج ضحك:زيك زيها حشاها اتكون زيك او زي اي بنت من نمرتك وفكرت اني ناخذك حوليها من راسك حتى لو باتي غضب عليا انا راضي بس اهم شيئ غير سندس مش حتقعد علي ذمتي وحدة اطلعي برا وردبالك اتغكري اتخشي للحوش هذا مرة اخرى ولا اتحاولي اتقربي مني حتشوفي شيئ مايعجبكش هدى تبكي:انت واحد ظالم فوق اللي درته فيا ماتبيش تجوزني ولا تعترف بولدك سراج مسكها من يدها وبقوه:اللي درته فيك كان بارضاك وخذيتي ثمنه فعاقبي نفسك لان انتي اللي بعتي روحك بالرخيص هدى قعدت تبكي وسراج كرهها من يدها وبيطلعها برا وهي كانت منهارة ولما وصل للباب انصدم بوجود سندس عند الباب سراج بصدمة:سندس ماتفهميش غلط هدى جتني عشان سندس:انا سمعت كل حاجة مافيش داعي اتبرر شيئ سراج ايشوف السندس:اسمعيني خليني انفهمك سندس:انا فهمت كل حاجة وتهيالي حتى انتي ياهدى فهمتي كويس قد شنو سراج ايحبني ويبيني وان مستحيل عاد ايشوف الغيري يبقى لو تفهمي تطلعي من حوشي ومعش اتخشي بيني وبين راجلي نهائي سراج قعد ايشوفلها وهو مستغرب من كلامها ومش فاهم قصدها سندس بعصبية:هي اطلعي في شنو ترجي هدى:حنطلع بس حطي في راسك بمجرد ماانجيب الطفل انتي اللي حتطلعي وانا اللي حنقعد سراج بعصبية:لو جبتي 10 مش واحد سندس هي اللي فوق الراس وانتي اللي تحت الكرعين يارخيصة وطلعها برا مالباب وسكرا ورد علي سندس سراج:والله مانندري عليها لين جت ولو نعرف انها بدير الحركات هذينا ماكنتش خششتها بكل سندس ساكته وخلاص سراج:سندس ردي قولي اي كلمة سندس مطبسة راسها وساكته سراج رفع راسها بأطراف اصابعه:قولي اي حاجة بس ماتسكتيش هكي سندس اتشوفله:جديات انت اتحبني للدرجة هذي سراج قعد ايشوفلها:واكثر من هكي ياريت نقدر نفتحلك قلبي واتشوفي مكانتك فيه سندس:انا مش مصدقة ان سراج المنحرف فيه بنت عرضت نفسها عليه وبدون مقابل ورفضها سراج:سراج المنحرف علي قولتك تاب وعلي ايديك انتي سندس:انا مازال مصدومة انحس فيك شخص اخرى مش اللي عرفته سراج:لا صدقي لان مافيش اصدق من مشاعر شخص كان صايع ومنحرف وفجأة ايخش الحياته حب حقيقي في اللحظة هذكي بنات العالم كله معش يسون شيئ جنب حبيبته سندس قعدت اتشوف لعيونه وساكته سراج قرب منها وقعد ايحرك في ده علي خدها سراج بصوت هادي:أنا انـحـبـك ومش حنقدر انعيش بلاك ارجوك مااتسيبينيش انا مانبيش غيرك اتكون مراتي حتى الاطفال اللي مش منك مانبيهمش سندس:كانت اتشوفله وساكته بس قلبها كان بيطلع من مكانه❤ سراج;سندس اللي صار في الماضيي انسيه وخلينا نبدو صفحة جديدة ونوعدك حتكون احلى صفحة مش حيكون فيها ولا خطأ سندس:باهي انا كيف بننسى انك كنت بتظرني وكيف بننسى اللي كنت بديره في البيبي انت كنت بتقتل روح سراج:اللي كنت بنديره فيك هذا كان قبل ماانحبك عارف ان غلط بس شوفت روحك عليا وكلامك الجارح كل ماانشوفك زاد كرهي لكي قعدت خاطري انشوفك مذلولة قدامي بس لان ربي بيهديني ماصارش من خطتي ونجاكي ونزل حبك في قلبي يعني ربي عطاني فرصة وخلاني انحبك ليش انتي ماتبيش اتسامحي وتعطيني فرصة واما عشان البيبي انا عارف اني غلطت بس مافكرتش بعقلي انا فكرت بقلبي لاني انحبك ماكنتش نبي اطفال من غيرك سندس نزلت راسها:مش عارفة شنو انقولك سراج رفعلها راسها بأطراف اصابعه:قولي اللي حاسة بيه بس سندس:لو نحكي اللي حاسة بيه حنقولك اني حاسة بالذنب سراج:تجاه من حاسة بالذنب وليش سندس:حاسة بالذنب تجاهك انا صح مقهورة منك ومضايقني اللي صار بس لما فكرت القيت ان ماليش حق انحاسبك علي ماضي وماليش حق اني نحكي اللي شفته قدام عمو وانسبب مشكلة كبيرة بينكم أنا اسفة سراج والله ماكان قصدي انديرلك مشكلة مع عمو او بسببي يغضب عليك بجد أسفة سراج حط يدها علي شفايفها:مااتأسفيش عشان انا مش زاعل منك واصلا اللي صار بيني وبين باتي مش ذنبك كان حيصير مجرد مايعرف اني مانبيش نجوز هدى سندس:جديات انت ماتبيش تجوزها سراج:اها ولو مهما كلفني الشيئ هذا مش واخذها سندس:بس هي حامل منك حرام هكي سراج:كيف بتفهمي اني مانبيش غيرك اتكون مراتي وام عيالي سندس:باهي فاهمة بس الطفل اللي في بطنها شن ذنبه سراج;ذنبه ان هي امه وبعدين انا والله متأكد انها مش حامل مني سندس بحزن:والتحاليل سراج:هذا اللشيئ اللي محيرني بس حنعرفه اكيدة سندس:امتى حتعرف سراج مسك ايديها:انتي بس خليكي معايا وحنعرفوها مع بعضنا بس خلي يدك في يدي ومااتسيبينيش سندس سكتت وقعدت اتشوفله وذايبة في عيونه اللي ماشالهن من عيونها سراج;اتكملي معايا وتعطيني فرصة جديدة سندس:توعدني ماتخذلنيش ومااتندمنيش اني عطيتك فرصة سراج:نوعدك نوعدك نوعدك سندس ابتسمت وسراج حظنها ورفعها وقعد ايلف بيها وايقول سراج:انحبك انحبك انحبك ❤ """'""" #في_الشقة فيصل:كمال انا نعست وشكله سراج اليوم مش جاي لنقني بنروح كمال:باهي رن عليه خليه ايجي والله المزة مااتفوتش طرف مالأخير فيصل:من بدري انرن عليه ماايردش هيفاء:كمولي شكلو ارفيقك منو جاي وانا صار لازم روح كمال:استنيه اشوي مرات ايجي راه صاحبي حلو كتير مابيتفوت علي قولتكم هيفاء:لا عنجد انا اتاخرت كتير الي معكن هون من 7 المغرب فيصل:خلاص ياراجل خلي البنت اتعدي سراج مش جاي هيفاء:باين انو ارفيقك منو طايقني بنوب فيصل شافلها بالجنب ومابش ايرد عليها😒 فيصل:انا بنمشي راه هيفاء:بدي اعرف اشلون قادر اتقاوم كل هالجمال اللي فيني😎 فيصل شافلها من فوق التحت:اي جمال هذا انا ماانشوفش فيه😒 هيفاء انصدمت😳 كمال:تي فوتيه هذا مايفهمش في الجمال لان ماعندش في البنات تي والله الا طرف اطلع طول انتي 😍 هيفاء:واذا ما قلو بالبنات لشو جاي لشقة متل هي منشان ايصلي متلا😂 فيصل صبى:حتى انا فاضي قاعد معاكم كمال:خليك اشوية ياراجل نبيك هيفاء صبت:لا اتروح حبيبي انا اللي بدي روح كمال:اسمع انوصلها لعند السيارة وانرد فيه بنتين موصيني مراد انجيبهن للشقة عشان ماعندهنش وين ايباتن نمشي انا وانت انجيبوهن عشان سيارتي مش معايا فيصل:باهي بسرعه مااطولش كمال:5دقايق وانرد وطلع مع هيفاء عشان ايوصلها لعند السيارة فيصل سند راسه عالكنبة وغمض عيونه وكان ناعس بكل وهو مغمض عيونه قعد الفون ايرن فتح عيونه بيشوفه من يحسابه فونه وبعدها لقاه فون كمال ماعدلش ورد غمض عيونه اخرى فصل الفون ورد ايرن مرة اخرى وزعج فيصل وجا بيرد عساس مراد او واحد مالشلة بس لما مسك الفون شاف الرقم ولقاه مكتوب #هدى حس بإحساس غريب وشك وجاه فضول ايرد بيتأكد من شكه ولما فتح هدى بعصبية:الحقير لزني ومابش ايدير اللي نبيه فيصل سكر وكتب الرقم في فونه عالسريع وقفل الفون وقعد بيتأكد ان اللي في راسه صح او لا ورن برقمه علي رانيا رانيا كانت راقدة ووعت علي رنت فونها وانفجعت لما لقاته فيصل لان مش من عوايده ايرن في الليل رانيا ردت:خير فيصل شن فيه فيصل:عندك رقم هدى رانيا;اي هدى فيصل:هدى اللي تقرا معاكن البنت اللي اتفقت مع سراج علي سندس رانيا:ضني عندي فيصل:ترا مليه عليا بسرعة رانيا:شن فيه فيصل فيصل:غير مليه بسرعة بعدين نحكيلك رانيا:باهي خليك معايا اشوي وقعدت اتبحت للرقم في فونها رانيا:اهو القيته وملاته عليه فيصل بصدمة:هو نفس الرقم رانيا:شن فيه فيصل:سلام توا نحكيلك بعدين وسكر رانيا بخوف:بسم الله شن فيه هذا كنه اكيدة فيه حاجة كبيرة صايرة ان شاءلله خير يارب كمال خش:معليش طولت غير عنجدها البنت ماينملش منها بكل 😍 فيصل:لا عادي هيا كان بتمشي كمال:استنى اشوي انجيب جاكتي من جوا فيصل;باهي خش كمال للدار بيجيب جاكته وفيصل خش للمطبخ وجاب موس وخش عليه في الدار وهو يلبس في جاكته ولف يده وراه زين وحط الموس علي ارقبته كمال بخوف:فيصل حول الموس انت طرشقت ولا شنو فيصل:لا مازال ماطرشقتش لكن كان ماقتلي توا شن علاقتك بهدى والله انوريك الطرشيق علي اوصوله كمال بإرتباك:اي هدى انا مش فاهم شيئ فيصل بعصبية:كذاب انت فاهم كل حاجةيا تحكي يانقسملك بربي نذبحك هنا وماحد يندري عليك كمال:انا مش فاهمك انت في شنو تحكي اصلا فيصل:تمام انت اللي جبتها الروحك وحرك الموس علي ارقبته لين اجرحه هنا كمال خاف😢 كمال بخوف ويرعش:خلاص خلاص توا نحكي """'""" #عند_سراج سراج مقمعز عالكنبة وسندس حاطة راسها علي صدره وباقي جسمها عالكنبة وهو لاف ايديه عليها سراج:خايف نطلع نحلم سندس:لا ماتحلمش حقيقة سراج زاد حظنها:اه لو تقدري اتخشي القلبي وتعرفي قديش انحبك سندس ابتسمت وسكتت سراج:حبيبي نسألك سؤال سندس:شنو سراج:شنو احساسك تجاهي انتي حبيتيني ولا لا سندس رفعت راسها من علي صدر سراج وقمعزت سراج قمعز;حبيبي ضايقتك بسؤالي معليش كان زعلتك بس مش عارف لما سمعت كلامك الهدى وقلتيليها ماتدخليش بيني وبين راجلي والكلمة هذي اول مرة اتقوليها حسيت انك اتحبيني سندس قعدت اتشوف السراج وساكته سراج مسك ايديها:شوفي انتي احكيلي اللي حاستيه وانا حنتقبله مهما كان بس بنعرف شنو انا بالنسبة لكي سندس كانت في عقلها اتقوله:وحق الله انحبك رغم كل شيئ صار وكل شيئ درته انحبك ماعرفتش نكرهك ولا عرفت نبعد عليك كل ماانحاول نبعد انزيد انقرب منك سراج:احكي دوستي اللي في قلبك قوليه نسمع فيك سندس في عقلها:انا حنحكيله اللي حاسة بيه وحنقوله اني انحبه واللي ايصير ايصير سندس:أنا قعد فون سراج ايرن وكان فيصل سندس;رد علي فونك سراج:لالا احكي وبعدين توا انرد سندس;لالا الوقت متاخر اللي ران اكيدة يبيك في شيئ مهم وبعد اترد توا نحكيلك سراج:باهي ورد سراج:ايوا فيصل فيصل:سراج تعالي في الشقة توا ضروري سراج;مش جاي غادي انت عارف وموضوع السهور هذا سيبته فيصل:مانبيكش تسهر موضوع ضروري ومصيري سراج:فيصل مالاخر مش جاي بتقول شن تبي ولا انسكر فيصل:موضوع ايخص حمل هدى فعلا طلع كلامك صح سراج صبى:يعني صح مش حامل مني فيصل:تعال وتوا تفهم كل حاجة سراج:اهو جايك توا وسكر سندس;شن فيه سراج:كلامي طلع صح هدى مش حامل مني سندس:من من حامل وانت شن عرفك سراج:مازال مافهمتش توا نمشي انشوف القصة وانجي انفهمك سندس:باهي سراج باسها علي جبينها وطلع بسرعة وفي دقايق معدودة كان قدام الشقة وخش لقلى فيصل رابط كمال علي كرسي وكمال وجه دم وحالته حاله سراج بصدمة:شن فيه هذا كنه فيصل:قمعز وتوا تفهم القصة كلها سراج قمعز:شن فيه وشن دخل كمال في الموضوع فيصل بعصبية:كمال الحقير اصل الموضوع كله سراج مازال مش فاهم وشاف الفيصل بنظرة تعجب فيصل:انت ياتافه احكي اللي صار واللي حكيته ليا كله ومااتحاولش اتغير كلامك لان اللي حكيته مبدري كله مسجل بالحرف كمال:حنحكيه كله مش حندس شيئ فيصل:باهي خش في الموضوع وبلا دوة زايدة كمال:الموضوع بدا من لما حبيت بنت جيرانا اللي كانت في الاعدادي كانت صغيرة وطفولية كبرت قدام عيوني كملت عمري نحلم اتكون مراتي لين كملت قرايتي كانت في وقتها هي في الثانوي ومشيت خطبتها من هلها وهلها رفضو عشانها مازال تقرا في الثانوي بس طبعا ماايستش وقعدت انكون في نفسي وبديت نشتغل وقلت نرجاها لين اتخش للجامعة وفعلا قعدت ثلاث اسنين امتاع الثانوي امتاعها انا نخدم لعند لما خشت للجامعة وقلت خلاص هذا الوقت المناسب الخطبتها ورديت قلت الهلي يخطبوها ليا من جديد بس لما خطبتها كان الرفض منها مش من هلها ولما حاولت انكلمها ونفهم ليش رفضت مارضتش تحكي معايا وجرحتني بكلام انا ماقدرتش انتحمله منها لاني حبيتها واجد ومن اليوم هذكي كرهت الشارع كرهت كل البنات كرهت كل شيئ واصريت علي هلي انحولو من جنبهم وطبها كانت هي سبب انحرافي واني قعدت هكي عشان ننساها ببنات اخرى وبعد 3سنين مش انسيتها بس معش فكرت فيها زي قبل بس كان حبها مازال في قلبي وفي خلال هالثلاث اسنين شفت بنات وتعرفت علي بنات اكثر من شعر راسي بس طبعا زيها وزي اخلاقها وخفة دمها وشخصيتها ماشفتش بكل وخلال الثلاث اسنين معش شفتها بكل لين جا يوم وتعرفت علي هدى وكلمتها وكلمتني واجد عجبتني ودرت موعد معاها في الجامعة وشاء القدر اني نلقى البنت اللي انحبها تقرا معاها في نفس القسم سراج:انت علي من تحكي بزبط من البنت هذي كمال:البنت اللي نحكي عليها هي سندس سراج نط من مكانه وهجم عليه وبيضربه وبعده فيصل منه فيصل:اصبر واسمع الكلام لعند الاخر سراج معصب عالاخر😡;كيف تبيني نصبر اسمع كلامه اللي يحكي فيه فيصل:اسمع لعند الاخر وبعدها دير اللي تبيها سراج قمعز وبعصبية:خلي الكلب ايكمل فيصل:كمل كمال:شفتها في الجامعة كانت متغيرة بكل بس شخصيتها هي نفسها طبعا لا شافتني ولا عرفتني وانا ماحبيت انكلمها قلت ساد الوجع اللي جاني منها وحكيت الهدى اني نعرفها وانها بنت جيرانا بس ماحكيت شيئ اخرى لاني كنت ناوي اندير علاقة مع هدى عشان عجبتني المهم بعد فترة انا وهدى ماتأقلمنش وبذات لما عرفت انها متقربة مني عشانك وتفرقنا لين جا يوم ورنت عليا هدى وسألتني سؤال غريب قالتلي صح سندس بنت جيرانكم اجوزت سراج انصدمت وقالتلي لازم انتاكدلها مالخبر طبعا لان هلي مازال علي تواصل معاه هلها كلمت اختي وخليتها اتأكدلي مالخبر وفعلا اكدتلي ان الكلام صح وان سندس توا في شهر عسل معاه وطبعا كل اللي عارفينه الكل علي سندس كان رفضها الفكرة الزواج نهائي الشيئ اللي خلاني انتاكد انها تغيرة رايها فجاة في الزواج اكيدة وراه قصة حب مع سراج المهم هدى لما سألتها ليش تسألي انهارت عالفون وقعدت تبكي وحكتلي قصة اتفاقها مع سراج علي سندس وكيف هي مصدومة ان طلع ايحبها الدرجة ياخذها والمسكينة كانت مقهورة بكل واللي صدمني كيف ان هدى طلعت اتحب سراج ومن كثر حبها لين سلمتله روحها علي امل ايكون بينهم علاقة مهما كان نوعها اهم شيئ اتكون مع سراج وحتى الفلوس اللي عطاهن الها سراج قالت انهن قاعدات وماقربتهنش لان مش همها الفلوس كان همها سراج المهم طلبت مني ان لما ايروح سراج انقوللها عشان بتعترفله بحبها له لانها ماقدرت توصل فيه من لما سافر وقلتلها حاظر يوم اللي روحت مالسفر وكلمك فيصل وانا كنت معاه دزيتلها رساله وقلتلها انك روحت وبعد الرسالة بحاجة ساعة وكنت معاكم في الشقة رنت عليا هدى وهي تبكي وقالت انك هددتها ان لو قربت منها حتصرف معاها بطريقتك حاولت انهديها لين سكرت وجيت رديت قمعزت معاكم وقعدت انشوف كيف عايش حياتك مع البنات ومقضيها شرب وادلع هذي وتحظن هذي واتبوس هذي ولا كأنك متجوز جديد وجعتني سندس البنت العاقلة المحترمة اللي تعرف ربي معقولة تاخذ واحد زيك وقعد انفكر كيف ربي يعطي واحد زيك انسانة كاملة هكي وانت انسان مستهتر وصايع مش هامك الا نفسك صح انا مش بعيد منك ونسكر واندير في كل حاجة بس انا عارف ان مجرد مانجوز الشفة هذي معش نعرفها وانت كيف مروح من شهر العسل وكل مرة خاش مع وحدة للدار وفي نفس الوقت وجعتني هدى اللي حباتك وخذيت منها اغلى حاجة عندها ولا شفقة ولا ضمير قعدت انتخيل قدامي في صورة شيطان مش انسان وعرفت ان الضحية سندس اللي حباتك ومش عارفة حقيقتك سندس الملاك اللي ربي عطاه لكي وانت تصرف هكي وجعتني واجد وقررت اني ننتقم منك السندس والهدى ضحايا انحرافك وروحت وقعدت انفكر في خطة انديرها وثاني يوم كلمت هدى وحكيتلها خطتي اللي هي انها لازم مااتكون حامل منك وهي حكتلي ان ماصارش حمل لانك كنت داير احتياطك فكان لازم هدى تحمل بجد واتفقت معاها انها تحمل مني سراج:يعني هدى مش حامل مني حامل منك انت كمال:اها حامل مني سراج:ونتيجة التحاليل كيف زورتها كمال:ابسط حاجة كانت نتيجة التحاليل انت انسيت ان معتصم خويا وانا كنت عارف قديش توثق فيه لان اسرارنا كلهن عند معتصم والبنات اللي انحللولهن كلهن عند معتصم فلما فكرت عرفت ان اول مااتقولك هدى حامل مش حتصدقها ودغري حتاخذها المعمل معتصم عشان تثبت الحقيقة لانك عارف كويس ان معتصم صاحبك وتوثق فيه ولانك عارف ان مافيش اي علاقة تربط هدى بمعتصم وفعلا هدى عمرها ماشافت معتصم الا يوم التحليل انا اتفقت مع معتصم ويوم اللي خذا منك العينة وبيحللها خذا عينة مني انا وهي اللي حللها والنتيجة طلعت مطابقة صح لان العيل كان مني انا وكنت متأكد ان باتك في اللحظة هذي حيغصبك تجوز هدى وفي نفس الوقت متأكد ان سندس وهلها بعد اتصير قصة زي هذي مش حيخلوها عندك بس حظك لعبلك مرة اخرى ومرض امك ساعدك انها تقعد معاك سراج معش تحمل وهجم عليه عطاه طريحة سمحة وقعد فيصل ايبعد فيه عليه وقعد ايحاول ايهدي سراج """"''' الساعة 8 الصبح سندس استنت سراج واجد بس غلبها النعاس ورقدت عالكنبة وهي ترجى فيه وعيت شافت الساتة لقتها 8 مسكت فونها ورنت علي سراج ماايردش لقاته مقفل خافت ايكون صايرله شيئ طلعت ومشت للفيلا لقت عمها يفطر سندس:صباح الخير محمد:صباح النور كنك جاية من برا وين كنتي سندس:كنت في الجنان محمد:باهي قمعزي افطري سندس قمعزت:ماشفتش سراج محمد:لا ليش هو روح سندس:اها روح وعالساعة 4جاه تليفون طلع ولعند توا مازال ماجا وانرن عليه مقفل محمد بخوف:ماعرفتيش من رن عليه سندس:تقريبا فيصل محمد ببرود:اكيدة يسهرو مع بنات زي زمان سندس وجهها تغير:معقولة محمد:العيل هذا تعبت منه خلااااص مليييت جد سراج:شكلكم تحكو علي سراج محمد صبى:صباح الخير ياباتي وسلم عليه وحب علي راسه ويده وبعدها صبت سندس سلمت علي جدها وباست راسه ويده جد سراج:بعد كلمتني وقتلي فيه موضوع ضروري بتحكيه ليا اليوم ماقدرت نصبر وماصدقت الضي طلع جيت دغري محمد:عنك مااتغيب ياباتي جد سراج:شن صاير شغلتني من امس انفكر وانا متأكد ان الموضوع فيه سراج محمد:لنقنه فيه سراج وهالمرة تفرق مصيبة غير كل المصايب اللي ايدير فيهن جد سراج بخوف:احكي يامحمد شغلتني محمد:هذا سراج غالط مع بنت والبنت حامل منه وتوا قاعدة معانا هنا جد سراج:قبل مااتقول حامل منه لازم اديرو تحاليل اتأكدو مرات تطلع تكذب محمد:درنا والتحاليل اكدن ان الحمل من سراج جد سراج بحزن:لا حول ولا قوة الا بالله محمد:المشكلة هو توا معند راسه مايبيش يستر عالبنت وياخذها وانا امس قتله بتاخذها غصبن عنك ولا انتبرى منك سراج:مافيش داعي لا نجوزها ولا اتبرى مني محمد بعصبية:شوف كلامه ياباتي انا قلت يجوزها يعني يجوزها وكلمة وحدة سراج:ليش بنجوزها وهي مش حامل مني محمد:فكنا مالكذب امتاعك التحاليل طلعن مانكش اصدق مالتحاليل سراج:لا اصدق منهن واصبر اشوي وتوا تفهم سراج:فيصل خششه خش فيصل ومعاه كمال مربط ومضروب محمد بصدمة:شن فيه هذا ليش مربوط هكي جد سراج بعصبية:شنو القصة فهمنا سراج:احكيلهم اللي حكيته قعد كمال يحكي في اللي حكاه السراج كله مالبداية للنهاية كمال:ولو مش مصدقين نقدرو انديرو التحاليل من جديد واتشوفو النتيجة والحمل حيطلع مني محمد:سندس صح تعرفيه الشخص هذا وكلامه اللي حكاه وان ولد جيرانكم وخطبك صح سندس كانت مصدومة من كل الموضوع سندس:صح هو كان جارنا ساس عالساس وخطبني زمان هدى نزلت من فوق واول ماشافت كمال ارتبكت وخافت وجت بترقى بسرعة ومسكها سراج عطاها كف سمح وجابها واعترفت حتى هي بنفس الكلام اللي قاله كمال محمد بعصبية:هذوما لازم ايتعاقبو لازم انبلغو فيهم فيصل:انا حنكلم الشرطة توا جد سراج:استنو الموضوع كبير والدولة هنا القانون فيها شرعي وسراج في نظر العدالة حتى هو مجرم سراج:ليش مجرم ياجدي جد سراج:انت في نظر العدالة تعتبر زاني والزاني في القانون ايتحاسب محمد:اصبرو انكلم فؤاد محامي الشركة ايجي هنا ونشروحولة القضية وهو حيحكملنا فيها جد سراج:عين العقل محمد:فيصل خوذ هذوما في الدار فوق احبسهم لين انشوفو شن انديرو فيهم سراج:فيصل ربطهم كويس وكلم معاك شباب الامن اللي برا ايساعدوك ويحرسو الدار فيصل:تم وطلع ومحمد كلم المحامي وجاهم وشرحوله القضية كلها فؤاد المحامي:القضاء في ليبيا شرعي ويحكم بالشرع وبالنسبة للمتهمين فمهما عندهم جريمتين الاولى طعن في الشرف والثانية جريمة تزوير في اوراق وهذينا مع بعضهن حكمهن 10 اسنين الكل واحد فيهم محمد;وبالنسبة الوضع سراج في القضية فؤاد المحامي:سراج في نظر العدالة زاني والزاني لازم يعاقب جد سراج;وشن عقوبته فؤاد المحامي:100جلدة والبنت 80جلدة والشاب الاخر 100 جلدة محمد:بحت في سراج جد سراج;يبقى الاحسن مااندخلوش القضاء في الموضوع وانحلوه من عندنا سراج كان ساكت ويسمع في الكلام وطبعا النقاش هذا سندس ماكانتش حاظرته كانت مع عمتها فوق ماخلوهش تقعد معاهم فؤاد المحامي:القرار في يد سراج هو اللي ايقرر شن بيدير ايفكر في الموضوع ويعطينا رأيه محمد:شن ردك عالكلام ياسراج سراج;---- #يتبع قولكن سراج شن حيكون قراره هل حيقرر ايتعاقب او لا واذا قرر ايتعاقب شن موقف سندس من قراره وهل حتوافقه عليه او لا واذا ماقرر ايتعاقب برضو شن حتكون رد فعلها 🤔 واهو حلينا قصة هدى بس قولكم كيف حتكون حياتهم بعد تنتهى قصة هدى هل حيكون فيه استقرار وثبات ولا حتطلع قصة اخرى السراج اتخرب حياتهم 😳 كله حنعرفوه في الحلقة الجاية😍 حطيتلكم شخصية هدى عطني رايكن فيها وهل ماشية مع الشخصية او لا ☺ أسفة لو فيه لخبطة في الأسماء وأكيد رأيكم ايهمني 😉 گـتـابـتـي Koka Saleh #مـنـحـرف_وأحـبـتـه الـحـلـقـة (39) گـتـابـتـي #Koka_Saleh """""""''"""'""""""""""""""""""""""" محمد كلم المحامي وجاهم وشرحوله القضية كلها فؤاد المحامي:القضاء في ليبيا شرعي ويحكم بالشرع وبالنسبة للمتهمين فمهما عندهم جريمتين الاولى طعن في الشرف والثانية جريمة تزوير في اوراق وهذينا مع بعضهن حكمهن 10 اسنين الكل واحد فيهم محمد;وبالنسبة الوضع سراج في القضية فؤاد المحامي:سراج في نظر العدالة زاني والزاني لازم يعاقب جد سراج;وشن عقوبته فؤاد المحامي:100جلدة والبنت 80جلدة والشاب الاخر 100 جلدة محمد:بحت في سراج جد سراج;يبقى الاحسن مااندخلوش القضاء في الموضوع وانحلوه من عندنا سراج كان ساكت ويسمع في الكلام وطبعا النقاش هذا سندس ماكانتش حاظرته كانت مع عمتها فوق ماخلوهش تقعد معاهم فؤاد المحامي:القرار في يد سراج هو اللي ايقرر شن بيدير ايفكر في الموضوع ويعطينا رأيه محمد:شن ردك عالكلام ياسراج سراج;انا بنسلمهم للقضاء لازم ياخذو جزاتهم فؤاد المحامي:بس حط في بالك انك بتعاقب زيهم سراج:عارف وموافق محمد بصدمة:بس انا مش موافق مش حنسمح انك تنضرب سراج:خلاص ياباتي انا قررت ونبي انتعاقب لاني كنت شريك في اللي صار محمد:انت كنت شريك بس توا عرفت غلطك وهذا المطلوب اما نسمحلك اتعاقب هكي لا لا سراج:اللي بيصير كان لازم ايصير من زمان ومنك انت بس للاسف كنت مخليني براحتي وعشان هكي لازم حد اخرى ايعاقبني عشان نعرف اخطائي محمد صبى وبعصبية:انا ماكنت فاضي انوعيك وانعلمك الصح مالغلط كنت نشتغل طول الوقت عشان انوفرلك مستقبل كويس سراج:واهو وفرتلي مستقبل وفولس بس وانا ماعنديش اخلاق مانعرفش شيئ علي ديني كنت نزني وماحد قالي هذا حرام وتوا جا وقت انتحمل نتيجة اخطائي وانت بدل مااتقولي مااتعاقبش المفروض اتكون مصر كيفي واتشجعني لاني عرفت الطريق الصح محمد:بس ياسراج جد سراج:محمد سراج معاه حق هو غلط واجد ولازم يدفع ثمن غلطه وطالما اختار هكي يبقى هو ماشي في الطريق الصح وناوي ايتغير سراج يااوليدي نفذ قرارك لان صح وكنت نرجى فيك تختاره وانا معاك في اول خطوة التغيرك سراج ابتسم:يبقى خلونا انطلعو كمال وهدى وانركبوهم في السيارة عشان نمشو للمركز توا جد سراج:توا انقول الفيصل ايطلعهم توا محمد:باهي اقل شيئ خش الامك ومراتك احكيلهم اللي بديره سراج:حتى انا ماشيلهن توا ورقى سراج فوق وخش الدار امه سراج:صباح الخير سندس وعفاف:صباح النور عفاف:ها شن قررتو اديرو سراج:انتي شن عرفك بالموضوع عفاف:دوسة حكتلي ولا تبيها ادس خبر سمح زي هذا الحمدلله حمل وانزاح سراج:الحمدلله سندس:شن قررتو اديرو فيهم سراج:بنسلموهم للشرطة سندس:والمحامي شن قال علي وضعك في القضية سراج:قال ان انا نعتبر متهم لان القانون هنا شرعي وانا نعتبر زاني في نظر القانون عفاف:يعني شنو سراج:يعني انا بنتعاقب زيهم عفاف:وشن حيكون عقابك بتنحبس سراج:لا حيجلدوني 100جلدة سندس بصدمة:شنو متاكد انت بتوافق عالشيئ هذا سراج:انا غالط ولازم ندفع ثمن غلطي سندس:بس هذا عقاب صعب مش ساهل وبعدين انت قررت اتغيير وعارف غلطك مش داعي اتعاقب بالطريقة هذي انت بس تقرب من ربي واطلب ان ايسامحك من قلبك وحيسامحك اكيدة لان ربي ايحب الخطائون التوابون بس الجلد لا ياسراج سراج:انا صح قررت انتغير بس نبي شيئ حقيقي عقاب حقيقي عشان انتعاقب عاللي درته انا درت حاجات حرام واجد كل مانذكرهن نكره روحي لو نلقى انهم يجلدوني علي كل حاجة غلط درتها بلكي انتريح اشوي سندس:بس التغيير مش بالعقاب التغير يبدي من قناعتك من قلبك من جوا لو انت مش مقتنع اتغير لو عاقبوك بدل المرة الف مرة مش حتغير بس انت توا مقتنع انك اتغير وتبي اتغير يبقى مافيش داعي الاي عقاب ولو علي هدى وكمال تقدر اتسيبهم بلا عقاب وربي حيعقابهم وحيكون اشد عقاب منهم سراج;وهذا ليش انا نبي انتعاقب توا لاني عارف عقاب ربي ليا بعدين يمكن الشيئ هذا يشفعلي بعدين وايخفف عقابي عند ربي سندس انتي مازال مش مستوعبة اللي كنت اندير فيه راه اللي كنت اندير فيه اكبر حرام ودمعو عيونه عفاف:خلاص يادوسة سراج معاه حق هو صح بيتغير بس لازم ايتعاقب عشان ربي يقبل توبته وياريت اتسامحنا ياسراج نحن سبب اللي انت فيه توا غياب باتك علينا طول الوقت وشغله اللي كان واخذه منا وانا اللي كنت انحبك بزيادة ومانبيش انقولك هذا غلط عشان ماتزعلش مني وكنت انقول حتكبر وتعرف بروحك بس للاسف كنت غلطانة انا وباتك غلطنا في حقك واجد والمفروض نحن اللي انعاقبو مش انت سراج:انا مسامحكم واهم شيئ عندي توا عرفت الطريق الصح واللي لازم نمشي فيه سندس كانت مطبسة راسها ومتضايقة تبيش سراج ايتعاقب عقاب زي هذا سراج قرب منها ورفعلها راسها وسندس قعدت اتشوفله سراج:ماتزعليش مني اللي بنديره كله عشانك عشان نقعد نستحقك سندس:مش زاعلة انا بس نبي راحتك ولو الشيئ هذا ايريحك انا معاك فيه سراج باس جبينها:ربي ايخليك ليا سندس شافتله:وايخليك ليا سراج تنهد:هكي نقدر نمشي وانا متريح عفاف كانت اتشوفلهم وهي مبتسمة وفرحانة باللي ايصير قدامها عفاف:احم احم سندس كانت ناسية عمتها وانحرجت بكل وخدودها انحمرو☺ سراج ضحك:انسيناك عفوفة عفاف ضحكت:مقيولة اللي يلقى احبابه ينسى اصحابه سراج:تي انتي الحب كله يالحب وباس راسها عفاف:الله ايربحك وايوفقك في حياتك سراج:والله ياعفوفة هذي اكثر حاجة محتاجلها توا عفاف:ربي اينور طريقك ويحفظك ياولد كبدي سراج يضحك:مش كانت ولد بطنك عفاف تضحك:انا الغلطانة ندعيلك سندس تضحك عليهم سراج:انشفط معاك عفوفة المهم توا طولت عليهم لوطى لازم نمشو للمركز توا سندس حست بنغزة في قلبها بعد سمعت الكلمة وكانت خايفة علي سراج بس ماحبت اتبين عفاف:ربي معاك سراج:يارب وطلع عفاف:مااتخافيش عليه سراج راجل وحيتحمل واللي ايدير فيه كله عشان حبك بصدق وبيتغير عشانك الفضل لكي انتي اللي وريتيه اللي نحن ماعرفنش انوروه له سندس:انا مادرت شيئ اللي قاعد ايصير توا ايدل بس علي ان كان ايدير فيه سراج كان مش مقتنع بيه وكان عارف بينه وبين نفسه ان غلط بس ماكان قادر يعترف النفسه واللي درته انا اني خليته ايصارح نفسه بس سندس سمعت هرجتهم في الجنان وصبت تجري للروشن وشافتهم وهما يكربو في السيارات كلهم وبيمشو للمركز سراج بيركب مع جده ورفع راسه شاف سندس في الروشن ابتسم وشريلها بيده👋 سندس ابتسمتله(بس كان قلبها واجعها عليه💔)وشيرتله بيدها👋 سراج ركب في السيارة وطلعو للمركز ""'"" #في_المركز سراج فتح محظر وشكى فيهم وحكى كل القصة مع هدى مالبداية وطبعا صار زي ماقال المحامي واعتبروه حتى هو مذنب لان زاني والمحقق قرر حبسهم يومين والثالث ايرقوهم للنيابة وغادي ايتم الحكم عليهم كلهم وجابو حتى معتصم لان شريك في الجريمة معاهم حطو سراج ومعتصم في الحبس وهدى حتى هي حبسوها في الحبس النسائي """"""""""" روح جد سراج وباته للفيلا بدون سراج طبعا كلهم كانو مايبوها توصل الهكي وواجعهم سراج بس في نفس الوقت كانو عارفين ان هذا الحل الصح عشان سراج ايتغير بجد """"""" سندس طبعا اكثر وحدة كانت متأثرة باللي صار وكانت زاعلة لانها من اول ماسراج اعترف بحبه الها والمشاكل تنزل عليهم وواجعتها انها من اول مابدى الحب بينهم مازال ماعاشو ولا لحظة حلوة مع بعضهم حست ان حياتهم لما كانو مش معترفين بحبهم البعضهم كانت مستقرة اكثر طبعا مامشتش الحوشها وقعدت قاعدة في الفيلا وكانت اتحاول اتبان طبيعية قدام عمها وعمتها بس طبعا هي كان قلبها موجوع ومشاعرها متلخبطة مابين حب وارياف علي سراج وخوف مالمستقبل اللي جاي """"" #الساعة 7 في المغرب وتحديدا عند رانيا من بعد مكالمة فيصل الها امس في الليل وهي اترن ماايردش ودزلها رسالة مكتوب فيها(بعد نفضى انكلمك انفهمك اللي صاير) وكانت مشغولة ومش عارفة شن صاير والف فكرة في راسها مش قادرة اترن علي سندس خايفة اتحس بحاجة وماكان عليها الا انها ترجى فيصل ايرن عليها رانيا ماسكة فونها واتفسفس😂 مع رنت فيصل من غير وعي ردت دغري فيصل:بسم الله عالخضرا شكلك رانيا انحرجت:مش هكي بس مشغولة بنعرف شن صاير فيصل;صاير موضوع كبييييير رانيا:احكي شغلتني فيصل:والله كان نحكيه اتحسي روحك اتفرجي علي مسلسل تركي رانيا:فيصل بلا صماطة احكي فيصل:حاظر وقعد يحكيلها في اللي صار كله ورانيا تسمع ومصدومة وماعلقتش بولا كلمة لين فيصل كمل كلامه فيصل;الو رانيا تسمعي فيا رانيا مصدومة:معاك فيصل:وكنك ماحكيتيش شيئ رانيا:بجد مصدومة معقولة هذا كله يطلع من هدى فيصل:تخيلي رانيا:بس دوسة ليش ماحكتلي شيئ معقولة انا صاحبتها كيف ادس عليا موضوع خطير زي هذا فيصل;شن دست مسكينة اللي صاير كان اكبر منها تخيلي سراج اعترف بحبه من هنا وبدن المشاكل من هنا ومرض عمتي عفاف وبعدين موضوع زي هذا ماتقدرش تحكيه بالتليفون لازم اتشوفك وشايفة وضعها هي حتى للمشروع معش جت رانيا:والله معاك حق ربي ايكون في عونها من خشت سراج في حياتها وهي المشاكل وراها بطريقة مش عادية الدرجة اني حسيت ان سراج لعنة فيصل يضحك:فعلا سراج لعنة رانيا:امتى بس ايحبو بعضهم وايكملو حياتهم واتم قصة روميو وجوليت عشان حتى نحن انتريحو خلاص انا تعبت فيصل:انا عكسك تماما انا فرحان باللي صار واللي قاعد ايصير يكفي انا بسببهم انا وانتي تعرفنا علي بعضنا رانيا فهمت تلميح فيصل وحبت اتغير الموضوع رانيا:باهي توا قولك صح هدى دارت هكي عشان اتحب سراج?? فيصل فهم انها بتغير الموضوع فيصل:والله مش عارف بس انا انقول لا ممكن غرضها باللي داراته طامعة في فلوس مثلا رانيا:ممكن فيصل:بس شن رايك في جيمس بوند اللي اكتشف الموضوع 😎 رانيا تضحك:لا طلعت خطير مش ساهل😉 فيصل:بعد بانت الحقيقة تمنيت روحي نشتغل محقق رانيا:المحقق كونان😂 وقعدو ايهدرزو """""""""""""""""""" في حوش اخرى وعند رويدة بزبط وتحديدا #الساعة 10 امتحاناتها هي ومعاذ بدن وبكرا أول يوم وقاعدين في دارهم ومعبيين السرير شيتات ويقرو رويدة:حبي مش فاهمة هذي معاذ شافلها وبتفنيصه:من بدري وانتي كل حاجة مش فاهمتيها رويدة بصدمة:شنووو اول مرة انقولك مش فاهمة حرام عليك انتي اللي من بدري كل مرة نشرحلك في حاجة معاذ يضحك:انبصر عليك يامشفشفة رويدة صبت وشافت شعرها في المرايا لقاته صح مشتشت وانحرجت وقعدت اتلم فيه رويدة:معليش بس كنت نقرا ومافطنتلش معاذ جا حظنها من لاورة:تي انبصر يامطرشقة وبعدين انتي اتهبلي في كل حالاتك رويدة لفت راسها وشافتله:اتحبني معاذ:اكيدة انحبك وباسها علي شفايفها ولفها شورها وقعد ايبوس فيها رويدة بعداته وبشويش:حبيبي مازال ماكملنا قرايتنا معاذ تنهد:انكملو قرايتنا وبعدها انتي ليا رويدة ابتسمت:حاظر معاذ:كان تقعدي صقع واتعدي اديريلنا فنجالين قهوة ايخلنا انصحصحو رويدة اشرت علي عيونها:من عيوني معاذ ابتسم:نجك ليا انتي وعيونك😘 صبت رويدة وبتطلع ادير قهوة وهي فتحت الباب ولقت مروة اخت معاذ جايبتلهم قهوة بالحليب ومعاها كيكة رويدة ابتسمت:والله اتقول عارفين شن نبو توا كنت ببنزل اندير قهوة مروة:توا ماما وتتهن وقالتلي شيليهن فوق اكيدة صدعو مالقراية ويبوها توا معاذ:ربي يحفظها نبع الحنان ديما فاهمة الجو مروة:ولدها الوحيد كان مافهماتك من تفهم من زيك المدلع والله يارويدة نقعد نقرا بالساعات مااتعبرني بكل لكن لما يبدن امتحانات معاذ كل يوم دايرتلنا حاجة وتقعد طالعة خاشة علي دار معاذ كل مرة شايلتله حاجة معاذ:عليك حسد ازح رويدة تضحك وخذت الصفرة:الله غالب ياحنة محبة الوالدين بخوت مروة:مش غير وهيا عاد ماانعطلكمش ننزل خير ماماما اديرلي قصة رقيت وهي اتقولي ارقي بسرعة وانزلي مااتعطليهمش يقرو معاذ:معناها انزلي بسرعة عشان مااتعطلينش مروة:نازلة نازلة ياصامط ونزلت ورويدة خشت ومعاذ سكر الباب وقعدو يشربو في القهوة وياكلو في كيكة وبعدها قعدو ايكملو في قرايتهم """""""""""""""""""""""" #الساعة 1 عند سندس قاعدة في دارها ومش قادرة ترقد وهي اتفكر في سراج وشنو ايدير توا وهل راقد او لا كانت مرايفتله بكل غمضت عيونها وقعدت اتفكر فيه اتخيل في عيونه ولحيته ووجه حست انها تسمع في صوته صبت مالسرير وصبت في الروشن وقعدت اتشوف الحوشها وتذكر في أيامهم فيه وبعدين ردت عالسرير وحاولت ترقد بس ماقدرتش وخذت جاكتها وطلعت ومشت الحوشها وخشتله ومن اول ماخشت وهي اتشوف الكل زاوية فيه وتذكر في لحظاتهم كلهن فيه وبعدها رقت الدار سراج وقعدت اتشوفلها وتذكر فيه وهو فيها لقت جاكة سراج عالكرسي خذتها وشمتها كانت معبية عطره جت وامتدت علي سريره وهي حاظنة جاكته ودغري رقدت وكأنها حست بوجودة معاها ❤ """"""""""""" #عند_سراج في الحبس طبعا لا قادر يرقد ولا قادر ايتريح اولا مالمكان اللي قاعد فيه وثانيا يذكر في سندس ومرايف عليها ماكان ايفكر في الحكم اللي بينحكم عليه كل تفكيره كان في امتى يطلع عشان ايشوف سندس وايعيش حياته اللي متمنيها معاها كمل الليل وهو غير ايفكر فيها ويذكر في حركاتها وكلامها وضحكتها وكل حاجة كانت ادير فيها حتى جلاطتها كان حابها ويذكر فيها 😍😂 """""""""""""""""""""""""""""""""""""" #صباح_يوم_جديد سندس وعت لقت روحها في دار سراج ابتسمت وصبت غسلت وصلت وطلعت شور الفيلا عشان تفطر معاهم """"""""" #عند_فيصل في المكتب قاعد وايفكر🤔وايدور في سبلة ايرن بيها علي رانيا وبعدها خطرت في بالة حاجة ورن رانيا ردت:صباح الخير فيصل;صباح الورد شن جوك رانيا:تمام شن جوك انت فيصل:تمام التمام معليش عالرنة في الصبح غير كنت بنسألك ماكلمتكش سندس رانيا:لا والله ماكلمتنيش بكل فيصل:توقتعها بعد قرار سراج وحبسته هذي اتكلمك رانيا:اكيدة نفس ماقلت انت امس تبينا انتلاقو لان الموضوع ماينحكى بالفون وسيم:رانيا معليش ممكن اتجي اشوية نبوك رانيا:هيا لحظة وانجيكم فيصل:وين قاعدة انتي رانيا:انا في مقر المشروع اليوم شغلنا واجد فيصل:اها تمام ومن اللي كلمك رانيا: هذا وسيم فيصل:تشرفنا😒 بس من وسيم هذا رانيا:هذا الشاب اللي معايا في المشروع فيصل:هذا اللي شفناه في المستشفى رانيا:اها هو فيصل:اها عرفته رانيا:عالمهم انا توا بنسكر عندي شغل انكلمك بعدين فيصل:باهي سلام وسكر بس لما سكر سكر وهو غامتله عالاخر وحاس بنار الغيرة علي رانيا 🔥💔 وقعد ايفكر ولقى حل واحد وصبى بيديره """"""""""""" بعد نص ساعة بزبط👌 رانيا;اوكي وسيم تمام مافيش مشكلة في التغيير وسيم:يعني الفكرة عجبتكم رانيا ومصطفى;اها عجبتنا وسيم:خلاص مصطفى هي نمشو نحكو الاستاذ علي عاللي بنديروه مصطفى:تمام ومشو ورانيا قعدت امصبية في مكانها مع جية فيصيل فيصل:صباحوو رانيا بإستغراب:انت كيف خشيت هنا فيصل:مالباب من وين بنخش رانيا:مش قصدي هكي قصدي ان ممنوع ايخشو الا اللي يشتغلو هنا فيصل مدلها الورقة;وانا نشتغل هنا رانيا قرت الورقة;قصدك انت قعدت المشرف عالمشروع فيصل:اها رانيا:مش انت شغلك في الشركة فيصل;مش عارفة كلمني عمي محمد وقالي ماليوم انت المشرف عالمشروع وطبعا هذينا اوامر من جدي علي يعني اوامر عليا رانيا:غريبة واستاذ فوزي كيف ايصير فيه هو المشرف فيصل:مش عارفة ماعنديش فكرة عالموضوع رانيا سكتت وفهمت ان فيصل دار هكي بلعاني وقعد تفكيرها متلخبط مابين عجبتها اللقطة وماعجبتهش قاطعهم في لحظة السكوت وسيم وسيم:رنوشة مالقيتش استاذ فوزي فيصل لما قال الاسم فنص فيه زين 😳 فيصل:استاذ فوزي مش حيجي خلاص وسيم:عليش كنه فيصل:لان حطوه مشرف علي مشروع ثاني انا توا المشرف هنا وسيم من نظرته ماعجباتش الفكرة:تمام مع ان كنا متفاهمين معاه والله فيصل;حتى انا حتفاهمو معايا بإذن الله وسيم:ان شاءلله وعدى من جنبهم وطول ماوسيم يمشي ونظرات فيصل وراه ورانيا منتبهتله فيصل لف الرانيا:شكلها دلالتكم قوية رانيا:عادي زملاء نحن فيصل:تمااااام رانيا سكتت فيصل:هي ياشاطرة ساد كسل وتعالي انشوفو شغلنا راه انا ماانحبش الكسل انسامح علي اي حاجة الا عليه 🤨 رانيا:حاظر يااستاذي 😊 ومشو وبدو شغلهم وفيصل فرحان واخيرا قريب من حبه وحيقعد ايشوف فيها كل يوم وايكلمها كل يوم لان توا عنده سبب خلاص 😂 (أكيدة عرفتو ان فيصل هو اللي دارها بلعاني مش أوامر عليا😒😜) """""""""""""""" مرن يومين بالنسبة السندس كانن صعبات مرايفة علي سراج ومستنية امتى يطلع عشان تبدى حياه طبيعية معاه وفي نفس الوقت كانت خايفة عليه وخايفة منه يعني شعور ملخبط 💔 أما رانيا ماشي شغلها مع فيصل اللي كان اهتمامه بيها وااااضح للكل وغيرته فاضحته هي كانن يعجبن فيها حركات فيصل بس لما كانت تذكر في رؤوف كانت اتحس روحها كارهة فيصل😔 بالنسبة الرويدة كانت لاهية هي ومعاذ في امتحاناتهم ولعند توا حياتهم هاااااااادية """"""""""""" #يوم_المحكمة⚖ خشو عالقاضي وشاف القضية وحكم علي هدى ب 10 سنين وجلد 80 جلدة عشان جريمة طعن الشرف وجريمة التزوير والزنى ونفسها كان كمال وحتى هو 10 سنين وجلد 100جلدة عشان التزوير وطعن الشرف والزنى ومعتصم حكمو عليه 3سنين عشان التزوير ومنعوه من عمله في مجال التحاليل أما سراج فانحكم عليه ب الجلد 100 جلدة عالزنى والحكم بالجلد كان بيتنفذ في نفس اليوم علي معتصم وسراج اما هدى لانها كانت حامل فتنفيذ حكم الجلد تأجل وانحبست بس تنفذ الحكم علي سراج ومعتصم ولما طلعو سراج كان تاعب بككككل خذاه باته وجده للمستشفى داوو الجروح اللي في ظهره وروحو بيه للفيلا (مااتركزنش واجد لاني مش عارفة الطقوس في الحالة هذي كيف ايصيرن او الحكم كيف ايتنفذ😉) """"""""""" #في_الفيلا وتحديدا الساعة 7 المغرب وهذا وين كملو الحكم واجراءات الحبس وروحو واول ماروحو بيه كانت سندس وعفاف يرجن فيه في الجنان وكانت الحاجة هذي خطيرة علي عفاف بس اصرت ترجاه برا واول ماخشو محمد بعصبية:معقولة ياعفاف قاعدة في هالصقع عفاف تبكي:والله ماقدرت نستنى قلت نرجاه نبي انشوفه شن صايرله سراج نزله فيصل سراج بألم:كويس عفوفة بس انتي ليش متعبة روحك وقاعدة برا هكي عفاف حظناته وسراج تألم لانها حطت يدها علي ظهره عفاف بعدت بسرعه:سامحني ياسراج نسيت ووجعتك سراج:ساهلة ساهلة سندس:الحمدلله علي سلامتك سراج:الله ايسلمك محمد:خلاص خلونا انخشو صقع علي امك سراج:باتي أنا تاعب بكل ونبي انتريح في مكان واحد خلوني انعدي الحوشي مش داعي انخش هنا وبعدين نطلع اخرى عفاف:وين تمشي خليك هنا لين نطمن عليك محمد;خلاص عفاف خليه براحته هو تاعب ومش راقد في الحبس خليه ايتريح في حوشه عفاف:باهي براحتكم فيصل:خلاص خليني انوديك الحوشك وانروح محمد:هي عفاف خشي صقع عليك هنا وخشو محمد وعفاف وفيصل وصل سراج الحوشه ومعاه سندس فيصل وصله عند الباب وروح وهو وسندس خشو للحوش ورقت معاه سندس وهي ماسكة يده لين وصلو الدار سراج خشو سراج رقد عالسرير بصعوبة ورقد علي جنبه لان مش قادر يرقد علي ظهره وسندس قمعزت جنبه سراج كان ايتألم وسندس اتشوفله بحزن سراج شافلها وابتسم وضغط علي يدها زين سراج:رايفتلك وااااجد سندس ابتسمت:حتى انا سراج:انتي شنو سندس سكتت سراج;جالطة والسانك طويل بس لما اتجي عند هكي معش تعرفي تحكي سندس ضحكت وقعدت اتشوفله وخلاص سراج:توا نقدر انقولك انحبك بكل صدق انقولها وانا عارف اني من حقي انقولها لكي اللي قدامك توا تعلم حاجات واجدات بفضلك انتي بجد نحمد ربي كل يوم انك خشيتي في حياتي مش عارف كان ماخشيتي في حياتي وحبيتك راه مازلت ماشي في ظلالي اللي كنت فيه سندس:كل حاجة مكتوبة من ربي ياسراج أنا كنت سبب بسيط في اني انغيرك بس في الاصل انت ماكنتش راضي عاللي ادير فيه وكنت عارف بينك وبين نفسك انك غلط وانا بس خليتك تعترف بالشيئ هذا سراج: تعرفي في كل جلدة نذكر في حاجة دايرها ولما كملن حسيت روحي تعاقبت علي كل حاجة انا توا هكي قعدت نستحققك صح لان قبل هكي كنتي حرام فيا كنتي تستحقي احسن مني سندس ابتسمت:المهم في الموضوع هذا كله انك تغيرت وعرفت الصح وبجد لما قررت اتعاقب كبرت في عيني واجد سراج من فرحته بالكلمة جا بيقمعز وبعدها حس ظهره سراج:اه😣 سندس;ليش اتحرك اتوجع روحك سراج:من كثر الفرحة بكلمتك انسيت بس جديات انا كبرت في عينك سندس:جديات حسيتك راجل متحمل نتيجة اخطائك سراج ابتسم:والله انحبك سندس انحرجت وخدودها انحمرو☺ سراج;نجيلي خجولتي ياربي سندس:باهي انت مش جيعان انديرلك حاجة تاكلها سراج عظ علي شفايفه:بناكلك انتي بس😍 سندس:سراج انت مريض راه سراج;هذا اللي واجعني لكن مش حنقعد مريض ديما بكرا نبرا سندس سكتت سراج:حبيبي عادي اتساعديني انغير تيشرتي فيه دم وانا ماانحبش بنة الدم بكل سندس:حاظر وصبت جابت بيجامة وقعدت اتساعد في سراج ايغير دبشه وكانت منحرجة مالموقف بس حول شعورها هذا الحزن لما شافت ظهر سراج المهم سراج غير دبشه ولبس شورت راب وماحبش يلبس تيشرت لان مضايقه سندس بعد سراج غير دبشه قمعزت حذاه وقعدت اتهدرز معاه وبعد اشوي سندس:خلاص الوقت تأخر انا بنمشي نرقد سراج مسك يدها:أرقدي جنبي سندس:لالا سراج خليني نرقد في داري سراج:ماشي سندس براحتك سندس صبت وطلعت مالدار ومشت الدارها غسلت ولبست بيجامة وردية خفيفة وصلت العشاء وجت امتددت في سريرها بس وجعتها انها كسرة بخاطر سراج قعدت اشوي في سريرها وصبت ومشت السراج سندس دقت عالباب وبعدها فتحاته سندس:سراج سراج:هاااا 😏 سندس:عادي نرقد معاك سراج;تحكي جد سندس خشت سندس;اها جد وسعلي سراج;لالا خلاص العرض نعرضه مرة وحدة وانتي رفضتي توا معش نبيك ترقدي معايا سندس:مش بجوك وبنرقد ورفعت الورغان وخشت مع سراج سراج;اوووف عليك صماطة مش قتلك ماترقديش معايا سندس:وانا بنرقد غصبن عنك😒 سراج بعصبية:والله مانحسابك باردة هكي😡 سندس شافتله زين وحساته يحكي جد سندس;عارف حاجة اقعد فيها وأسفة اني جيتك سراج يضحك وحظنها:تي وين تمشي يامهبولة انبصر معاك سندس ضحكت;فجعتني نحسابك ماتبينيش صح سراج:انا مانبيكش انتي تحلمي تي انا كل يوم نحلم باللحظة هذي سندس:واهي تحققت سراج زاد حظنها وقعدو ايخرفو لين نعسو مع بعضهم 😍 """"""""""" #عند_رويدة معاذ:دودي انا بنرقد امتى بترقدي رويدة;مازال مش ناعسة بنراجع كم مسالة ونرقد معاذ:باهي براحتك بس مااطوليش وانتي واعية عشان عندنا وعية بدري رويدة:حاظر معاذ تمدد عالسرير ولان كان ناعس بسرعة مارقد أما رويدة قعدت تقرا وخذاها الوقت ومعش ركزت وبعد شافت للساعة لقتها 2 لمت شيتاتها وجت بترقد معاذ الباين يحلم وقعد يحكي في حلمه بس الصوت كان عالي اشوي وباين ان كابوس مش حلم معاذ:لينا مااتسيبينيش انا انحبك خليك معايا رويدة انصدمت #يتبع قولكن شن حيصير مع رويدة هل حتنفجر في معاذ مرة وحدة بعد كل هالصبر اللي صبراته وتحكي كل اللي عارفته ولا حتسكت زي كل مرة 😔 أما رانيا هل حتفتح قلبها الفيصل وبذات بعد كل اللي ايدير فيه عشانها ولا حب رؤوف هو اللي حيكون مسيطر وقولكن هل فيه أحداث مستنيتهم في الشغل مع بعضهم ممكن ايخلو رانيا اتغير فكرتها 😉 أما أبطالنا اللي حياتهم بدت سمحة هل حتستمر هكي وتقعد هادية ولا حيصير شيئ ايغير الهدوء العاصفة😱 بنات والله توا غير كملت حتى عندي كويز ماقريتش 😥😱 لكن علي خاطركن ايهون 😘 على فكرة خليت الحلقة هادية مافيها أي أكشن عشان تنسجمن اشوي بالحب لان لسة الخير جاي لقدام والأكشن مازال مابدى😜😎✌ وأسفة الحلقة قصيرة بس ماقدرتش نسهر اكثر من هكي بكرا عندي جامعة ما الساعة 8/2😭 أسفة لو فيه لخبطة في الأسماء وأكيد رأيكن ايهمني😉 گـتـابـتـي Koka Saleh #مـنـحـرف_وأحـبـبـتـه الـحـلـقـة (40) گـتـابـتـي #Koka_Saleh """"""""""""""""""""""""""""""""""""""" #عند_رويدة معاذ:دودي انا بنرقد امتى بترقدي رويدة;مازال مش ناعسة بنراجع كم مسالة ونرقد معاذ:باهي براحتك بس مااطوليش وانتي واعية عشان عندنا وعية بدري رويدة:حاظر معاذ تمدد عالسرير ولان كان ناعس بسرعة مارقد أما رويدة قعدت تقرا وخذاها الوقت ومعش ركزت وبعد شافت للساعة لقتها 2 لمت شيتاتها وجت بترقد معاذ الباين يحلم وقعد يحكي في حلمه بس الصوت كان عالي اشوي وباين ان كابوس مش حلم معاذ:لينا مااتسيبينيش انا انحبك خليك معايا رويدة انصدمت ومالقتش روحها الا رويدة تبكي:معااااااذ😭 معاذ راقد رويدة تبكي وبحرقة:معاذ نوض 😭 معاذ نط مفجوع لان وعاه صوت بكى رويدة معاذ بخوف:شن فيه شن صاير رويدة تبكي وتحكي ومن كثر ماكانت تبكي كلامها مش واضح معاذ:حبيبي اهدي وفهميني بشويش شن صاير رويدة كانت العبرة اتشيل فيها واتحط معاذ صبلها مية وشربها الها معاذ:دودي اهدي وقوليلي كنك ليش تبكي هكي رويدة سكتت بس دموعها مازال ينزلن علي خدودها زي الشلال وكانت اتشوف المعاذ وتبكي معاذ:حبيبي كنك خوفتيني عليك رويدة تبكي:انت مازال اتحب لينا معاذ بصدمة:انت ليش تحكي هكي رويدة تبكي:جاوبني انت مازال اتحبها معاذ:لا وبعدين هيا ماتت وموضوعها انتهى رويدة تبكي:انت كذاب معاذ بصدمة:شنووو انتي كيف تحكي هكي رويدة:لانك كذاب صح لو معش اتحبها ماكنتش توا اتقول في اسمها وقاعد تحلم بيها وانا معاك معاذ ارتبك:أنا قلت أسم لينا رويدة تبكي:اها وكنت تحلم بيها وانا جنبك يعني مازال ماانسيتها ليش تاخذني وانت مش قادر تنساها معاذ:دودي حبيبي اني حلمت بيها مش معنى اني مازال انحبها وماانسيتهش بس هذا حلم ماحدش فينا ايتحكم في حلمه رويدة تبكي:بس الواحد مايحلمش بحاجة الا وهو ايفكر فيها واجد معاذ:مش شرط يارويدة رويدة تبكي:عارف انت في شن كنت اتقوللها في حلمك كنت اتقول لينا مااتسيبينيش انا انحبك معاذ:هذا حلم مش حقيقة رويدة تبكي:حلم صح بس هذا تفكيرك خاطرك تقعد معاك وخاطرك متجوزها هي مش انا معاذ:مافيش منها الدوة هذي انا انحبك ومش داعي انتعاركو عشان حلم استهدي بالله واسكتي رويدة:مش ساكته سكتت الا واجد وانا متحمله وحاطة في قلبي وشايلة كل الهم بروحي معاذ:اي هم شايلتيه بروحك رويدة تبكي:تحسابني مش عارفة اللي صار يوم الفرح وانك كنت بتسيني عشانها لانك عرفت انك مش قادر تنساها معاذ انصدم من كلام رويدة وانها عارفة اللي صار ومعش عرف كيف ايرد عليها معاذ;انتي من حكالك الكلام هذا رويدة:مش مهم من حكالي المهم اني عرفت وماكنتش حابة نحكي عشان قلت انها ميته وانا اللي قاعدة وحنسيها لكي بس طلعت غلطانة انت اتحبها ومستحيل تقدر تنساها مهما درت وقعدت تبكي بحرقة معاذ وجعاته رويدة وقرب منها ومسك ايديها معاذ:حبيبي معش تبكي راه والله اتقطعيلي في قلبي اهدي وخليني انفهمك رويدة فكت ايديها من ايديه وبعدت منه:انا فاهمة كل حاجة ماعندكش مااتفهمني خلاص كل حاجة واضحة معاذ قرب منها:خليني نحكيلك اللي صار رويدة بعصبية وتبكي:لو سمحت خليني بروحي مانبيش نسمع شيئ منك توا معاذ:انا مش حنخليك بروحك وانتي في الحالة هذي رويدة صبت:يبقى انا اللي حنطلع معاذ صبى قدامها:قتلك مش حنخليك بروحك اقعدي وانا حنفهمك كل حاجة رويدة بعصبية وحطت ايديها علي وذانها; افهم مانبيش نسمع منك شيئ ومش داعي يعلى الصوت أكثر من هكي ويسمعونا تحت معاذ:ماشي يارويدة براحتك وانتي تريحي توا وخليكي هنا وانا اللي حنطلع وبكرا بعد تهدي توا نحكو وطلع وسيبها رويدة طاحت عالسرير وقعدت تبكي بكل حرقة اما معاذ فنزل الداره القديمة وقعد فيها وهو ايفكر في رويدة وليش ماحكتش من اول ماعرفت حس ان غالط في حقها واجد صح هو ماحسسها بشئ طول الفترة اللي فاتت بس الحلم كان صاعق ماكانش خاطر في باله ايصير هكي وقعد طول الليل حاير بين الماضي والحاظر """""""" #عند_سيرجو_ودوسة سندس فتحت عيونها لقت روحها في حظن سراج ابتسمت وقعدت اتشوفله وهو راقد وقعدت اتحرك في اصابعها بشويس علي لحية سراج وقعدت تنزل لين وصلت علي شفايف سراج وحركت أصابعها بشويش عليهن وفي اللحظة هذي سراج باس أصابعها وفتح عيونه سراج:في شنو كنتي اديري سندس انحرجت:شيئ سراج ابتسم:توا انوريك في شن كنتي اديري وقعد ايحرك في اصابعه علي خدها ونزل عليش شفايفها سراج ايشوفلها:بنعرف هذينا شفايف ولا فراولة سندس انحرجت:سراج بلا صماطة سراج:اس ماتحكيش خليني انذوقهن عشان نعرف شن هنا وقعد ايقرب منها وحط شفايفه علي شفايفها وقعد ايبوس فيها بكل حنية سراج حاول ينزل وايكمل باقي بوساته بس حس بألم بسبب الحركة سراج حاول ايكمل رغم الالم اللي حاس بيه لكن سندس كانت ملاحظة اللي ايحس بيه سندس;سراج انت مازال مريض خليها اشوي لين تقعد كويس سراج:لالا انا كويس ماانحسش في شيئ سندس:انا انشوف في تعابير وجك انت قاعد تتجوع وبعدين انت عليش مستعجل نحن مش طايرين سراج حظنها زيين: عارفة ليش مستعجل نبيك اتكوني ليا نبي انعيش اللحظة هذي معاك صح عشتها واجد من قبل بس متأكد طعمها معاك حيكون يفرق لانها حتكون بنكهة الحب❤ سندس قعدت اتشوفله ومبتسمة سراج قعد ايشوفلها وايحرك في في اصابعه علي خدها سراج تنهد:انحبك انحبك وخاطري انعيش زواج حقيقي معاك ونوعدك في كل يوم فيه حنثبتلك فيه اني انحبك اكثر ماليوم اللي قبله سندس:ان شاءلله سراج قعد حاظنها وايشوفلها بنظرات كلهن حب سندس ابتسمت:تعرف كان قعدنا علي هالحالة مش حنتحركو اليوم كله سراج:وعليش بتحركي واتسيبيني بروحي سندس:لا مش حنسيبك بروحك حنساعدك توا عشان تغسل وجك واتغير دبشك وبعدين انصلو الصبح ونفطرو سراج ابتسم:تمام بس فيه مشكلة كيف حنصلي هكي وانا وانا مش قادر انتحرك ولا انطبس سندس:تقدر اتصلي وانت مقمعز سراج;معقولة وكيف اتجي هذي الصلاة المفروض ونحن مصبين والا تقعد حرام سندس:لا اتصير لان دينا دين يسر مش عسر وربي فرض علينا الصلاة الكل الناس الصح والمريض واللي يقعد مريض عطاه ربي كم طريقة للصلاة وكيف مايقدر هو اهم شيئ ماايسيهش لان هي الصلة بين العبد وربه وانت لانك تقدرش اتصبي فربي عطاك رخصة انك اتصلي وانت مقمعز لين تبرى شفت رحمه ربي كيف واسعة سراج:سبحان الله خلاص حنصلي وانا مقمعز بس وريني كيف سندس:حاظر بس توا لازم اتحاول اتصبي معايا تغسل واتغير ادبشك واتوضى عشان اتصلي سراج:باهي هي ساعداته سندس لين صبى وساعداته في غسلت وجه وساعداته في التوضاية للصلاة وساعداته في تغيير دبشه وقمعز عالسرير وحطتله مخدة عالية اشوي علي رجليه عشان ايحرك راسه بس لان ظهره كان يوجع فيه ووراته كيف ايصلي أما هي توضت ولبست ملاية الصلاة وقعدت اتصلي سراج كمل الصلاة قبلها وقعد ايشوفلها وهي اتصلي وبعد كملت جت وساعداته يرقد علي جنبه سراج ايشوفلها ومبتسم:تعرفي شن اكثر حاجة اثرت فيا من اول يوم لنا مع بعضنا سندس:شنو سراج:لما شفتك اول مرة بملاية الصلاة حسيت بشعور غريب حسيتك وانتي مغطية روحك هكي احلى بواجد من كل البنات اللي شفتهن رغم كل دبشهن الحلو والمغري والملفت للانتباه بس بسسبب كرهي لكي ماحبيت انبين وقعدت نقنع في روحي بعكس هكي بس كل مرة انشوفك بيها ايزيد اعجابي بيك اتصدقي ان الها سبب كبير في اني حبيتك سندس ضحكت:هي شيئ عادي بس لانك مش متعود اتشوف بنت لابستها عشان كل اللي تعرفهن كانن سراج حط صبعه علي شفايفها:والله ماعاد اتكملي مااتذكرينيش بيهن سندس:حاظر وتوا خليك هنا 10 دقايق انجهز الفطور وانجيبه عشان نفطرو مع بعضنا هنا سراج:اووو بتجيبيلي الفطور للسرير لا هكي دلع واجد وكان تعودت عليه معش انسيبه وبتقعدي ديما ادلعي فيا هكي سندس:لا ياشاطر مااتعودش عليها ديما هذا بس عشان مريض سراج:نجيها الحنونة سندس ابتسمت:10دقايق وانجيك سراج:باهي مااطوليش اكثر هذينا ومش عارف كيف يمشن بلاك سندس:ياساتر سراج;والله كان عليا نبيك كل ثانية قدامي وفي كل لحظة انشوفك لين انعبي عيوني ونشبع منك سندس:وبعد تشبع مني معش تبيني سراج:اصلا مش حنشبع منك بكل وقعد ايشوفلها سندس ذابت في عيونه سندس:كان قعدت اتشوفلي هكي واجد حنكمل اليوم هنا ومش حندير شيئ سراج ضحك:باهي عدي وتعالي بسرعة سندس:حاظر ومشت ووتت الفطور في 10 دقايق زي ماقالت وجاباته السراج وساعداته عشان ايقمعز وقعدتت تفطر هي وياه في أجواء كلهن حب وسراج مابطل سخافة ومغازله فيها وهي طبعا منسجمة وذايبة في كلامه """'''"""""" #عند_رويدة😔 مازال واعية من بعد أمس وعيونها كانن منتفخات من كثر البكى صبت من سريرها وغسلت وجهها وتوضت وصلت وقعدت تلبس لان عندها امتحان جت صبت عالمراية وقعدت ادير في اشوي ميك اب عشان اتخبي اثر البكى والسهور مع خشت معاذ اللي حتى هو مازال واعي من امس معاذ:صباح الخير رويدة:صباح الخير وتيتلك دبشك وانا بننزل تحت عشان نفطر معاذ:رويدة رويدة:مااطولش واجد لان وقت عالامتحان وطلعت معاذ تنهد وخش يغسل وطلع صلى ولبس ونزل فطر وطلع هو ورويدة ومشو للجامعة ورويدة اصرت ان ماتحكيش في الموضوع عشان تبيش تضايق وهي بتخش للامتحان لانها معش اتحل ومعاذ سكت واجلو الكلام بعد الامتحان """""""" #عند_فيصل_ورانيا رانيا تأخرت اشوي وماجت للمشروع وفيصل قعد يرجى فيها وقالق عليها لان كلمها وماردتش عليه قعد مصبي برا ومسيب مكتبه ويرجى فيها اشوي ورانيا جت مع السواق ونزلت رانيا:صباح الخير فيصل:صباح النور كنك طولتي رانيا:بابا طالع قبلي مالصبح بدري وانا قعدت نرجى في السواق طول ماجا فيصل:كان رنيتي راه جيت خذيتك رانيا بصدمة:من جدك انت فيصل فطن الروحه وضحك:والله من كثر ماانشغلت عليك قلت هكي لان مش من عادتك اتاخري وحتى رنيت عليك مارديتش زدت انشغلت اخرى رانيا:معليش ماكنتش فاطنة للفون وشفت المكالمة ونحن قريب مالمشروع قلت مافي مارن قريب نوصل فيصل:باهي حصل خير هي تعالي عشان نفطرو مع بعضنا رانيا:بس انا فاطرة ☺ فيصل:مع اني مافطرتش جبت فطور وقعدت نرجى فيك عشان نفطرو مع بعضنا بس مش مشكلة حنفطر بروحي وخلاص رانيا:بس لو فيه قهوة نشرب فيصل:فيه واذا مافيش عشانك تنخلق وتقعد فيه😉 رانيا ابتسمت ومشو مع بعضهم وخشو المكتب فيصل وقعدو يفطرو فيصل:بنسألك سؤال رانيا:تفضل فيصل:ليش مااديري سيارة رانيا ضحكت:بابا ديما ساكنلي عليها وفيه فترة خلاص قرر نمشو للمعرض ونشروها بس انا رفضت فيصل:وليش رفضتي رانيا:ايام علاقتي برؤوف وهو كان رافض فكرة بنت اتسوق وتعارك معايا وانا قلت البابا مانببش عشان ماانتعاركش معاه فيصل اضايق لما حكت علي رؤوف فيصل:قصدك هو عقليته متاع البنت مااتسوقش وهكي رانيا:اها فيصل:الشباب اللي عقليتهم هكي مش عارف كيف ايفكرو رانيا:ليش انت مش هكي فكرتك فيصل:لا مش هكي تفكيري واللي ايفكر هكي انحسه متخلف يعني نحن في عصر قعدت فيه مساواه في الحقوق بين الراجل والبنت يعني البنت قعدت تشتغل في نفس اشغال الراجل قعدت اتسوق وتقدر تطلع بروحها وطبعا كل وحدة وعلي حسب تفكيرها والحرية مش الكل وحدة تنعطى يعني فيه اللي تقعد بنت ناس ومتربية وانك اتحط فيها ثقة وتعطيها كامل الحرية مش اخسارة فيها لانك اتكون متأكد لو قعدت بين الف راجل حتقعد في الشكل بنت اما التعامل زيهم ومافيش حد حيجيب عليها كلمة وفيه اللي مااديرش خير بالحرية هذي وتندم انك عطيتها حرية رانيا:معاك حق في كلامك عالحرية بس انا عكسك بالنسبة التفكير الشاب اللي مش مقتنع ان حبيبته اتسوق انا انحسه مش تخلف انحسه غيرة فيصل:الغيرة مش اني نحرمها من كل حاجة او انضيق عليها كل حاجة بالعكس الغيرة عندها اوقات واسباب يعني ممكن انغار لو حكت علي شخص قدامي وممكن انغار لو حسيت انها مهتمة بحد اكثر مني انغار لو حسيت ان فيه حد ايحاول ايقرب منها أو ايحاول ياخذها مني في اللحظة هذي نقلب الدنيا بس عشان تبي تقرا او تشتغل لا ماانغرش لان هذا مستقبلها يعني لو مثلا حسيت ان فيه حد في شغلها بيقرب منها ماانوقفهش عن شغلها ممكن انغير شغلي وانجي انا نشتغل معاها ونقعد قريب منها وقريبة مني وبهكي مايقدرش حد ايقرب منها بس مستحيل نمنعها من حاجة هي تبيها عشان انا انغار بس رانيا بأخر كلام فهمت فيصل شن يقصد رانيا:وجهة نظر معاك حق فيها وسيم خش عليهم:صباح الخير رانيا وفيصل:صباح النور وسيم: وينك اليوم كنك طولتي انشغلت عليك فيصل شافله زين رانيا:السواق تأخر عليا وسيم:باهي اهم حاجة انك بخير هيا تعالي فيه كم حاجة بنستشيرك فيها فيصل:اول حاجة هي مازال تشرب في قهوتها ثاني حاجة مش شايفها قاعدة معايا يعني عندي معاها شغل ولما انكملو شغلنا حنجوكم غادي ونستشيرو بعضنا وسيم:معليش كنت نحسابكم اتخرفو بس مانحسابش عندكم شغل خلاص بعد اتكملي شغل تعالي رنوشة وطلع فيصل غامتله:العيل هذا مازرطتش بكل رانيا:عليش كنه والله محترم وكويس فيصل زاد غمتله:هكي اتحسيه يدحنس واجد وبعدين شن قصة رنوشة هذي شكله بينكم دلالة قوية رانيا:لا مافيش دلالة بس من ايام دوسة معانا يسمع فيها اتقول فيها ليا شكله لقطها وقعد ايقول فيها فيصل:عليك اللي ماايتحشم شوفي انا ليا كم نعرفك وعمري ماقلتها لكي رانيا:وهذي اللي واجعتك فيصل:اها واصلا كان اتجي للحق ماانحبش حد ايقول اسمك غيري رانيا انحرجت وحبت اتغير الموضوع:شن رايك نطلعو انشوفو الشغل فيصل:تمام هي وصبو بيطلعو """"""" وسيم:ياراجل الفرخ فيصل هذا زاقبلي زقبه شينة هيثم:عليش كنه وسيم:من اول ما جا وهو ماايسيبش فيها لحظة وشكله يبيها ازح هيثم:توا انت شن هامك فيه وسيم:كيف شن هامني مش عاطيني فرصة نحكي معاها بكل هيثم:وانت شن تبي في الدوة مش البنت عاجبتك وسيم:اها عاجبتني وبكل اخرى هيثم:خلاص خش عالخطبة دغري يعني ماترجش لين تعترف بمشاعرك وترجاها اترد عليك وقصة خوذ معاها موعد ودز هلك وبعدها اتلحق عالاعتراف بمشاعرك وسيم:قولك هكي هيثم:ماتبقى الا هكي مع جيت فيصل ورانيا وسيم:سكر عالموضوع اهو جا وجوهم وبدو في شغلهم """""""""" #عند_معاذ_ورويدة طلعو مالامتحان ودغري طلعو مالجامعة وركبو في السيارة معاذ:شن درتي في الامتحان حليتي كويس رويدة:اها الحمدلله معاذ:حتى انا حليت رويدة:باهي تمام معاذ:دودي عارفة اللي صار يوم الفرح والله رويدة قاطعاته;معاذ لو سمحت أنا مانبيش نحكي في الموضوع توا معاذ:باهي امتى بتحكي فيه كل ماانجي نحكي اتقولي توا لا وانا نبي انفهمك رويدة:بعد انروح من هلي نحكو معاذ بخوف:كيف وعليش بتمشيلهم هلك رويدة:انا نفسيتي تاعبة ومتضايقة ونبي نمشي نقعد كم يوم عند هلي معاذ:لالا مش حنخليك تمشيلهم توا خلينا انحلو المشكلة قبل وبعدها حاظر من عيوني انشيلك رويدة:معاذ المشكلة دبينا مع بعضنا مش حتنحل لذلك لازم نبعدو كم يوم علي بعضنا وكل واحد ايفكر بروحه بعيد عالاخر وايرتب افكاره معاذ:وانا شن عرفني اذا لما بتمشي الهلك بتردي عليا رويدة:اسمع لا انا صغيرة ولا انت صغير عشان نضحك عليك ولو بنمشي ومعش بنرد كنت قلتها لكي واكيدة مش حنكذب بس انا قتلك بنبعد فترة عشان نقدر انفكر اكويس ونعطيك وقتك للتفكير في كل شيئ وكل واحد فينا يعرف شن يبي معاذ:مش توا قلتي ايام ليش توا قلتي فترة وراس رويدة مااطوليش مانقدرش نبعد عليك واجد رويدة:خليني براحتي عشان الشيئ اللي نختاره نختاره بقناعه معاذ:باهي موافق بس اوعديني اتردي رويدة;نوعدك معاذ:تمام وراك تنسي انك وعدتيني رويدة:مش حننسى بس توا تكي بيا عالحوش عشان ناخذ معايا دبش معاذ:حاظر ومشو للحوش ورقت وتت دبشها ومعاذ ايشوف للدبش وكان خايف بكل انها تمشي ومعش اترد فاللضمان ماخلهش تاخذ دبش واجد وبعد كملت لم دبشها جو بيطلعو معاذ:حبيبي بعد يومين عندنا اخر امتحان بتردي قبله عشان نمشو للجامعة مع بعضنا رويدة:معاذ خليها عالجو لو كنت بنروح حنروح وكان ماهذا حيشيلني بابا من غادي معاذ:باهي انجيك انا ناخذك من غادي رويدة:معاذ افهمني انا بنبعد عليك انت بناخذ فترة بروحي ضني من حقي معاذ:تمام براحتك ومش حنضايقك رويدة:ياريت طلعو ونزلو تحت وحكت العمتها انها بتمشي الحوش هلها كم يوم لانها مرايفة عليهم وماحكتش الحد عاللي صار بينها وبين معاذ وبعدها طلعو وشالها معاذ الهلها ونزلت هي ومعاذ وتغدى معاذ معاها عند هلها وبعدها روح وهي حكت الهلها عساس زيارة كم يوم لانها مرايفة عليهم و بتريح مالامتحانات وضغطهن """"""""" مر اليوم طبيعي بالنسبة الرويدة حاولت تلهي روحها مع هلها وتنسى اللي صار أما معاذ فكان حاس بالذنب تجاه رويدة واللي داره فيها وكان خايف انها تكرهة ومعش تقعد اتحبه وخايف من انها معش اترد عليه فكان كل بعد ساعة ايدز الرويدة رسالة فيها(أنحبك) أما رانيا فأيامها قعدن شبه بعضهن في الصبح عمل وفي الليل في الحوش ياتفرج عالتلفزيون ياادير في حاجة في المطبخ يا اتخرف مع هلها مافيش شيئ جديد بس اليوم كان فيه اختلاف عندها لانها كانت كل ماتسرح بخيالها اشوي تلقاه ماشي عند فيصل واتفكر في تصرفاته معاها أما فيصل من غير شيئ عقله كله قاعد عند رانيا ويبي ايصارحها بمشاعره بس خوفه انها ترفضه مسيطر عليه وكل مايقعد ايفكر في رانيا يخطر في باله وسيم اللي ايخلي فيه ايعصب كل مايذكره """""""""""""""" في الليل وتحديدا الساعة 11 رؤوف راقد مالساعة 9 لان عنده محاضرة في الصبح بدري بس وبينما وهو راقد كان يحلم ببنت قاعدة في زاوية في مكان مظلم وتبكي تبكي بحرقة ولما رؤوف خش عالمكان هذا البنت جاته تجري وحظناته وقعدت تبكي رؤوف:من انتي وليش تبكي هكي مجرد ماسألها السؤال هذا البنت قعدت اتشوفله واختفت رؤوف ناض من نومه فجأة وهو مفجوع رؤوف يمسح علي وجه:شن قصتها البنت هذي كل مرة جايتني في الحلم خذا مية من جنبه شرب منها وعاود امتد عالسرير وحاول يرقد بس ماقدرش وطلع برا للجنان وقعد مقمعز رويدة كانت اتخرف مع امها في دار المعيشة وبعد امها خشت طلعت هي بترقد بس شافت الباب اللي يفتح عالجنان مفتوح ومشت بتسكره وشافت رؤوف برا طلعتله رويدة:مازال ماجا الصبح شن وعاك رؤوف:وعاني حلم رويدة;قيسها قصة قصة الاحلام رؤوف:شنو رويدة;شيئ بس قولي بشنو حلمت رؤوف:حلم هكي مش مفهوم ماادوريش رويدة;باهي قولي شن جو قرايتك رؤوف:تمام ماشية رويدة;وشن جوك انت وعصام اصالحتو رؤوف:مااصالحنش لاني مش قادر انسامحة ولا قادر ننساله اللي داره فيا رويدة;معقولة يارؤوف عمره ماكان قلبك أسود هكي رؤوف:أنا قلبي مش أسود أنا قلبي مجروح وسبب جرحه هو عصام رويدة:لازم اتحاول تنسى عشان تقدر اتعيش حياتك رؤوف:ياريت نقدر ننسى عشان نقدر انتريح المهم فكك مني وقوليلي انتي شن دايرة مع معاذ مريحك ولا لا من بدري بنسالك غير قعد عصام مقمعز وانا ماانحبش نقعد انا وهو في مكان واحد رويدة;تمام كويس معايا رؤوف:وهله شنو مش مضايقتك قعدتك معاهم رويدة:اعميمة والبنات كويسات بكل وايحبني والحق ماايضاقوش فيا بكل رؤوف:باهي الحمدلله طمنتيني رويدة:ياريت زي ماانا طمنتك عليا اطمني عليك انت رؤوف:ان شاءلله وقعدو ايخرفو اشوية وبعدها كل واحد خش رقد """""""""""""" #عند_أبطالنا😍 وقاعدين في دار سراج سراج راقد علي جنبه وسندس في حظنه وايتفرجو علي فيلم سراج طبعا طول الوقت وهو اينابش في سندس مرة ايبوسها مرة ايغمضلها عيونها ومرة يلعب علي شعرها سندس:سراج بطل خليني انتفرج سراج;تفرجي شن درتلك انا😒 سندس:هذا كله وشن درت لا الحق مادرتش شيئ سراج;الله غالب نقدرش انشوفك وماانابشكش وقعد ايشوفلها وايقرب بشوية عشان ايبوسها سندس لفت وجهها:استنى سراج شكلها بدير حادث بالسيارة سراج:ونحن شن دخلنا🤔 سندس:اسس🤫 سندس غنضت عيونها:حي خبطت سراج انصدم:توا اكثر فيلم رعب تفرجتي عليه معايا وماخفتيش جاية خايفة من وحدة دارت حادث وحتى انهم ماوروه ورو بس السيارة سندس:اكثر حاجة نكرهه سواقة السيارة والحادث بالسيارة مستعدة انموت باي شيئ الا الحادث سراج:غريبة ليش هذا كله سندس:السبب كان لما كنت اول سنة في الجامعة كان بابا ايعلم فيا في السواقة عشان بياخذلي سيارة وكنت انتعلم وجوي تمام وفي يوم كنا ماشيين ندهورو في الشرق ونحن مروحين في الليل بابا قالي تعالي سوقي عشان اتعلمي اكثر وطبعا انا كنت فرحانة وماصدقت بابا قالها ليا وخذيت السيارة وبديت انسوق كان ليل وكنت مش فاهمة واجد في السواقة وفجاة طلع قدامنا في الطريق كلب حاولت انتفاداه نبيش نخبطه بس للاسف لفت مني السيارة وخبطنا في الساس وخشينا كلنا للمستشفى وكلنا عندنا كسور ومن الحادث هذا وانا ماانحبش انسوق وانخاف مالحادث بككل سراج:وانا ديما انفكر وانقول غريبة ليش مااتسوقيش وماعندكش سيارة رغم انك وحيدة هلك بس قلت ممكن باتها مالنوعية اللي عندش بنات ايسوقن سندس:بالعكس بابا ديما يبيني اندير بس انا رافضة لاني انخاف مالسواقة سراج حظنها:باهي ماليوم معش نبيك اتخافي من شيئ وانا معاك باهي سندس:باهي سراج قعد حاظن سندس وايتفرجو علي باقي الفيلم لين نعسو وروقدو """""""""""""" #صباح_يوم_جديد اليوم وعى سراج قبل سندس ولقاها في حظنه ابتسم وقعد اينابش فيها بحركات بسيطة وناعمه بأطراف أصابعه لين وعت واول حاجة دارها اول مافتحت عيونها سندس ابتسمت:صباح الخير سراج قرب وباسها علي شفايفها بوسة سريعة وفيها حنية سراج:صباح الورد والحب وكل حاجة سمحة في الدنيا سندس ابتسمت:شنو كويس ظهرك اليوم سراج:الحمدلله حتى حاس اني قادر انتحرك سندس:باهي الحمدلله معناها هي عشان نغسلو وانصلو سراج:باهي بس بندوش قبل سندس:باهي هي صبي بس وصبى سراج وسندس سراج خش ايدوش وسندس طلعت ودوشت في دارها ولما ردت الدار سراج لقاته طالع مالحمام ولابس وبيبدى ايصلي خشت عليه وصلو مع بعضهم وبعد الصلاة نزلو مع بعضهم وفطرو وبعد الفطور مشو الهل سراج في الفيلا عشان بيشوف امه لان امس كله كانت بس اتكلم فيه بالفون وماشافهش وقعدو ايهدرزو معاها هي وباته ومسكوهم عشان ايتغدو معاهم """""""""""""""""""" #عند_رانيا_وفيصل في الشغل رانيا كانت مع فيصل في المكتب ولما جو العمال يحكو معاه طلعت ولما طلعت مالمكتب شافها وسيم وجاها وسيم:رانيا معليش نبيك في موضوع رانيا:تفضل وسيم ان شاءلله خير وسيم:لا خير الحق مش عارف كيف نبداه لكي منحرج واول مرة نحكي موضوع زي هذا رانيا:شغلتني شن فيه وسيم:بصراحة ومن غير اي مقدمات انا عجبتيني ونبي انتقدملك ياريت لو تقدري اليوم تاخذي موعد مع هلك عشان هلي بيجوهم رانيا انصدمت وارتبكت ومعش عرفت تحكي وسيم:انا عارفة اكيدة انصدمتي واتقولي هذا كنه والدنيا توا اطورت ومعش ايصيرن الحاجات هكي يعني المفروض حكيتلك وهكي لكن انا فكرت وقلت عاجبتيني وانا عارفك وكويس وانتي عارفتيني يبقى مافيش داعي نحكيلك وانتعرفو علي بعضنا وبعدها نخطبك حبيت اتكون خطبة دغري واطباع بعضنا حنعرفوهن في الخطبة رانيا:القصة مش قصة انا عارفتك او مش عارفتك القصة ان انا موضوع الخطبة والزواج توا شايلتهن من بالي بكل وسيم:باهي ليش رانيا:هكي لاني توا انفكر في شغلي بس وسيم:وشغلك قاعد صدقيني مش حنحرمك من شغلك ولا حنقيدك في اي حاجة انا بس عاجبتيني وانتي فيك كل مواصفات البنت اللي نبيها مراتي رانيا:مش عالتقييد بس انا رافضة مبدا الزواج كله والله وسيم:عليش مع ان كل بنت اتمنى الزواج فيصل:تهيالي قالتلك رافضة الزواج عليش السكنان هذا كله وسيم:وانت شن خششك في الموضوع فيصل:من بدري نسمع فيك تحكيلها وهي اتقولك رافضة الزواج وانت ساكنلها تي خلاص بالك البنت مش عاجبها ولا اتحب حد اخرى ومتحشمة اتقولك وسيم:عموما انا نحكيلها هي مش انت وهي صاحبة الراي فكري رنوشة وردي عليا وعدى فيصل غامتله:عمري ماشفت برادة كيف برادة العيل هذا رانيا:بس انت حرجته حرام فيصل:وجه بارد مش حينحرج اصلا كان بينحرج راه انحرج ومن انتي اتقوليله لا وهو مازال مصر ويحكي رانيا:اصلا انت من امتى قاعد هنا وتسمع فينا فيصل: شفتكم من اول مابدى يحكي معاكي بس ماحبيت انجي وانضايقكم لكن بعد كثر لنقني ادخلت رانيا:اها خلاص خلينا انشوفو العمال شن دارو فيصل:باهي ومشو وهما يمشو فيصل:توا هو قالك فكري وعطيه رايك رانيا:اها قالها فيصل:وانتي بتوافقي عليه رانيا:اكيدة لا مش حنوافق فيصل ابتسم:باهي كان تقدمتلك انا اتوافقي رانيا بصدمة:شنووو فيصل ضحك:انيصر صدقتيها وقعد يحكي مع العمال ومشى الوضع كأنه ايبصر """""""""""""""""" #عند_سندس_وسراج تغدو في الفيلا مع هل سراج وبعد الغداء روحو الحوشهم واول ماخشو سراج:حبيبي اتجي اتحطيلي مالمرهم حسيت ظهري قعد يحرق فيا سندس:حاظر ومشو الدار سراج وخشو حول سراج تيشرته وسندس جابت المرهم وبدت اتحطله فيه وهما في الوضع هذا رن فون سراج وكان الفون جنب سندس سراج:من اللي ايرن سندس:لولي😒(اذكرتوها😂) سراج:ترا مديه سندس مداته له:هاك وصبت بتطلع سراج مسك يدها سراج:شوفي ودار مشغول اللولي سندس ضحكت ضحكة هزوة عساس بعد نقعد انا مش جنبك حتكلمها سراج;على فكرة فهمت ضحكتك ولازم تعرفي كويس اني معش نبي اي وحدة غيرك مهما كانت وعشان اتصدقي اكثر فك الشفرة من تليفونه وكسرها سراج:انا قتلك انحبك ومن قلبي والكلمة هذي عمري ماقلتها وعمري ماحسيتها من قبل مع اي وحدة الا انتي وقررت انكون معاك انتي وبس يبقى حنكون معاك وانسيب بنات العالم كلهن مهما كانن انتي بس اللي قدرتي تاخذي هذا وشير علي قلبه ❤ سندس ابتسمت;انا عارفة بس مش عارفة جاني شعور غريب لما شفت الاسم وحبيت انسيبك براحتك معاها سراج;انتي راحتي وكرها من يدها وحطها علي رجله وقعد ايحول في شعرها من علي خدها وايحط فيه ورا وذنها بكل حنية😍وايشوفلها بحب وسندس ذايبة في عيونه وكلامه الها قعد ايقرب منها وباسها علي خدها بشويش ومن خدها الشفايفها وسندس كانت مشاركته في البوسة وبعدها نزلها عالسرير وجا عليها ومازال مستمر في بوساته الرومانسية 😍بس قاطعهم صوت فون سندس اللي ايرن سندس بشويش:الفون ايرن سراج بشويش وجنب وذنها:اسسس مش وقته نبيش شيئ ياخذك مني توا وقعد ايبوس فيها وسندس مسلمة روحها تماما فون سندس فصل ورد ايرن اخرى سندس:سراج خليني انشوفه مرات حد مهم سراج;مافيش اهم ماللي نحن فيه توا وكمل بوساته😘 فصل الفون وعاود ايرن للمرة الثالثة 🤔 سندس:لا سراج جديات اكيدة شيئ مهم سراج بعد من عليها ومسك الفون سراج:هذي صاحبتك رانيا سندس قمعزت: هات اكيدة شيئ مهم الها زمان مارنت وخذت فونها وردت بس مازال سراج ماسيبها هي ردت وهوا اينابش فيها سندس:اهلا رنوشة رانيا:باهي اللي رديتي مرض في شنو كنتي اديري سندس ابتسمت:شيئ كنت مش جنب الفون بس سراج يضحك وبشويش:كذابة كنتي في حظني وطبعا مازال اينابش فيها وايبوس فيها وهي تحكي وسندس كانت اتحاول اتوقفه رانيا:باهي اسمعي اليوم بنجوك انا ودودي قاعدة سندس:بفرحة قاعدة واخيرا بنلتمو رايفت عليكن رانيا:ونحن رايفنا عليك وكل وحدة عندها عرم كلام بتحكيه سندس:انا شر منكن رانيا:خلاص بعد العصر دغري انكونو عندك سندس:خلاص نرجا فيكن وسكرت سراج قرب منها: خلاص اقفلي تليفونك عشان تقعدي ليا بروحي سندس:لالا سراج ماايصيرش منها توا صحباتي بيجني ويادوبك انلحق انجهز الجيتهن سراج فنص عيونه:كيييييف😳لا مش وقتهن توا بكل ليش ماقلتيلهن مش قاعدة ولا مش فاضية سندس:ليا زمان ماشفتهن عشاني مشيها توا انا مش طايرة والله مرايفة عليهن بكل سراج:بس كان اجلتيها البكرا سندس:كيف اناجلها وانا ماصدقت بيجني انقولك ليا زمان ماشفتهن ونحن عمرنا ماتعودنا هكي كنا كل يوم انتلاقو ماتصورش قد شنو توا مرايفتلهن سراج:باهي حبيبي خلاص فهمت مرحبتين بيهن في اي وقت وكان لاوي وجه سندس:زعلت سراج:لا😒 سندس:والله زعلت سراج:اها زعلت سندس:باهي اسفة شن انديرلك عشان ترضى سراج:تبي اتراضيني سندس:اها سراج;بوسيني هنا واشر علي خده سندس;حاظر وباساته سراج بعد سندس باساته قرب منها وباسها بوسه سريعة علي شفايفها سراج:هكي رضيت😍 سندس ابتسمت وصبت وبعدها ردت سندس:سيرجو هنا بيجن اووو سراج:فاهم فاهم توا نمشي للفيلا سندس ضحكت:احسن حاجة فيك تلقطها وهي طايرة سراج;لا مش هكي فهمتها لما قلتي سيرجو عرفت وراها حاجة اصلا عمرك ماقلتيها 😉 سندس انحرجت:ما اصلا سراج:مااتبرريش عادي المهم قوليلي كان ناقصتك حاجة عشان انجيبها لكي سندس:لالا توا اندز حد اخرى انت تاعب تقدرش اتسوق سراج:ماعليك انتي بس قوليلي شن تبي وتوا انكلم فيصل ونمشي انا وياه سندس:باهي عدت سندس المطبخها وشافت شن ناقصها وبعدها كتبت كل اللي ناقصها السراج وكلم سراج فيصل بفون امه وجاه ومشو ايجيبو في الحاجات مع بعضهم وجابو كل الطلبات وبعدها فيصل وسراج مشو الحوش فيصل وكسدو فيه """'""""""""""""""""" #عند_رويدة كانت هي صاحبة فكرة المشية لانها كانت مرايفة علي صحباتها وكانت محتاجتلهن بكل في الوقت هذا حكت الهلها انها بتمشي السندس ووافقو هلها واتفقت مع رانيا بس امها قالتلها لازم اتقولي الراجلك فدزت رسالة المعاذ مكتوب فيها(أنا بنمشي السندس صاحبتي مع بابا) معاذ دغري رد عليها((اللي اتريحك ديريها اهم شيئ ايكون جوك تمام)) """""""""""""""""""""" بعد العصر دغري جن البنات السندس وأول وحدة جت رانيا وبعدها جت رويدة واول ماتلاقن كملنها احظان وبكى وارياف وبعدها سندس شالتهن العمتها سلمن عليها وحمدللها عالسلامة وبعدها مشن الحوش سندس شربن القهوة والعصير مع بعضهم اما العصرية فقررن ايخشن مع سندس للمطبخ ايساعدنها فيها وايهدرزن مع بعضهن وقعدن ايجهزن وايهدرزن واول وحدة بدت بهمومها هي رويدة لانها كانت متضايقة بكل وحكتلهن عشان اتريح رويدة;حكت كل اللي صار معاها وسبب مشكلتها الاخيرة وانها مش عارفة شن ادير مع معاذ رانيا:هو شن قالك مابررش موقفه بكل رويدة:انا ماخليتش يحكي شيئ ومابيتش نسمع منه وقتله بنقعد عند هلي عشان نعرف انفكر سندس:ولما جيتي الهلك معش كلمك رويدة:من اول ماجيت غادي وهو ايدزلي انحبك كل ساعة وفي الليل رن كم مرة مارديتش عليه سندس:بس يادودي حسيته متأثر وايحبك وبعدين هو حلم يعني معقولة بتحاسبيه علي حلم رانيا:بس لما الواحد يحلم بحاجة معناها ايفكر فيها رويدة:وهذا اللي قلته حتى انا والشيئ هذا قاهرني كيف ايفكر فيها وانا معاه سندس:مش شرط نحلمو بحاجة انفكرو فيها مرات نحلمو بأشخاص ناسيينهم بكل الحلم عمره ماكان بيد الشخص رويدة:يعني انا توا شنو اندير سندس:انتي توا زاعلة ومتضايقة واحسن حل انك جيتي الهلك لان لو حكيتو وانتي بالحالة هذي حتنتهى بمشكلة وقصة لانك معصبة بس توا احسن حاجة اتخليك عند هلك كم يوم منها اتريحي اعصابك ومنها اتفكري كويس واترايفيله لان بعد اترايفيله حتعرفي شن تبي رويدة تبكي:انا مرايفتله من توا يابنات من اول مانزلني عند هلي وانا مرايفتله بس زاعلة منه حاسة مش حنقدر انسامحه بكل رانيا:دودي كم مرة حكيتلك ان البنت ميته يعني مافيش منها خوف ومصيره ناسيها لكن انتي حساسة بزيادة رويدة:مش حساسة يارانيا بس مافيش بنت ترضى حبيبها وراجلها ايفكر في غيرها يعني توا اكثر حاجة مخوفتني ان لو توا سامحته وانسيت الموضوع اتصير اللي اكبر يعني امس حلم بيها خايفة بكرا ايناديلي بأسمها في اللحظة هذي شن يقعد موقفي سندس:انتي توا شعفيه اشوية عاللي داره وطول الفترة اللي عند هلك ماتحكيش معاه بكل خليه ايرايف عليك ولو قررتي اتردي ردي بشروطك واول حاجة اديريها مااترديش الا اذا اعترف وحلف ان نساها من قلبه وعقله رانيا:ايوا انا مع دوسة في كلامها رويدة:ان شاءلله حندير زي ماقلتن لكن هي انا حكيت مشكلتي واللي عندي احكن انتن شن صار معاكن وشن ماصار رانيا:انا مافيش جديد علي حطت ايديكن سندس تضحك:الاكشن والأفلام الهندية عندي انا رانيا ورويدة:شن صاير احكي سندس بدت تحكي القصة من يوم فرح رويدة وحرجتها وردتها واللي صار كله وقصة هدى من بدايتها النهايتها رويدة مصدومة:معقولة هذا مسلسل تركي رانيا دارت روحها مصدومة:هذا كله ايصير وماتحكيش سندس;شنو بنحكي مواضيع زي هذينا ماينحكنكش في الفون وبعدين كنت في حالة مايعلام بيها الا ربي رانيا:وسراج شن كان رده ماللي صار كله سندس:سراج من اول ماجت وهو ايقول تكذب وفعلا طلع كلامه صح رويدة:وانتي عادي سامحتيه علي موضوع زي هذا سندس:انا لما خذيت سراج خذيته وعارفته صايع ونحن اصلا ماانحبوش بعضنا واللي دايرة مع هدى قبل مانجوزو رانيا;واهم حاجة وماتنسيهش ان توا تااااب وحب دوسة ومعش ايشوف في غيرها العقبة الدوسة تعرف قلبها شن يبي رويدة;وانتي حبيتيه وبتكملي معاه وبتلغو اتفاق السنة اللي كان بينكم سندس:لو قتلك ماانحبش نبقى نكذب رانيا بفرحة;واخيرا اعترفتي سندس:انا تاكدت لما صارت القصة كنت مقهورة مش مصدقة ان حياتي بتكمل بلاه حسيت روحي تعودت عليه ومش قادرة انعيش بلاه تخيلن يابنات سندس اتحب واحد منحرف زي سراج سبحان الله قبل 5شهور من توا كنت مش طايقة نسمع اسمه او انشوفه وتوا نفرح كل ماانشوفه وانتريح لما نسمع اسمه ونحكي معاه رويدة:انا فرحانتلك يادوسة انك حبيتي وانك واخيرا اقتنعتي بالحب وجربتيه بس نصيحة مني ماتوثقيش في سراج واجد اصلا اللي زي سراج مستحيل ايتوب بالسهولة هذي ومستحيل ايحب بالسرعة هذي حاسه ان عنده غرض معين رانيا:نوعية سراج صريحة يعني لو عندك غرض معين ياخذه وبذات انها مراته بس مستحيل ايلف وايدور في قصة حب وهمية سندس:هو تاب وحتى ان تعاقب عاللي داره عشان بيتغير رغم اني كنت رافضة ان ايتعاقب بس سراج توا نادم علي كل حاجة دارها في حياته وايقولي ياريت عرفتك من زمان ومادرتش كل اللي درته رويدة:انتي حرة بس بنعرف انتي اعترفتيله بحبك له سندس:لا مازال رويدة;باهي صار بينكم حاجة ولا لا سندس:لعند توا مازال رويدة:معناها كان تسمعي مني ارجي اشوي رانيا:شنو بترجى يارويدة انتي كنك بس رويدة:ترجى لين اتبان نيته كويس واتأكد ان فعلا ايحبها والطريقة الوحيدة اللي اتأكد بيها هي ان ماتعرفش بحبها له ولا تعطيه اللي يبيه لو صبر عليها وقعد ايحبها بالظروف هذينا معناها صح ايحبها بجديات بس لو حسيتيه بعد ورد جوه لولي لانك ماعطيتيش اللي يبيه يبقى يكذب وماحبكش وفي الحالتين انتي اللي حتكسبي رانيا:مااتعدليش علي كلامها انتي حبيتي سراج وحاسة ان تغير صح يبقى خليك ورا قلبك مش حتندمي رويدة:هي مجرد نصيحة انا مافرضتش عليها شيئ وهي حرة انا في الاخير نبي مصلحتها بس سندس:وانا فاهمتك ياقلبي واللي فيها خير ايجيبها ربي رويدة:يارب سندس:خلاص هي كل حاجة جهزناها تعالن خلنا ناكلو وطلعن البنات مالمطبخ وقعدن في الصالة وقعدن ايعصرن وايخرفن وجوهن سمح وعالمغرب كل وحدة جاها باتها روح بيها """"""""""""" أما سندس قعدت اتلم في حوشها وفي المطبخ وبعد اشوي سراج خش عليها في المطبخ سراج حظنها مالخلف:خير ياسموحتي سندس:خيرات سراج:انسجمتي مع صحباتك سندس:أها جو ايهبل سراج:نجك ليا ان شاءلله ديما جوك ايهبل زيك سندس ابتسمت:ان شاءلله سراج قعد ايبوس فيها علي رقبتها ويحكيلها بشويش سراج:اتصدقي اني رايفتلك واجد انا معش انحب نمشي من جنبك بكل سندس كانت ساكتة وذايبة في حركات سراج وكلامه سراج لفها شوره: توا معش عندك وين تهربي مني اليوم انتي ليا 😍 وشالها ورقى بيها للدار وحطها عالسرير وهو ايبوس فيها وبعد قعد يطورن البوسات وسندس كانت اتشارك فيه في بوساته وذايبه في لحظة اذكرت كلام رويدة وحست انها لازم تسمع نصيحتها وفي لحظة سندس:سراج مانقدرش انكملو سراج بشويش:قتلك اليوم انتي ليا مافيش هروب بكل سندس:بس انا اليوم مريضة سراج:بلاش اطروح اي مرض اهو مافيك شيئ سندس:سراج افهم وخدودها انحمرو وطبست راسها سراج:اوكي فهمتك بس تعرفي مش وقتها بكل توا سندس:معليش☺ سراج:باهي كم يوم سندس;5 أيام سراج ابتسم:باهي مش مشكلة انتحملوهن وقرصها في خدها سندس ابتسمت سراج:دبينه مافيه شيئ معناها خليني نطلع انجيب عشاء جاهز وانجيب افلام انكسدو عليهن في الليل سندس:خلاص باهي بس جيب افلام حلوة سراج:شن رايك تمشي معايا سندس:لا عنديش جو نطلع خليني انكمل شغلي في المطبخ علي ماروحت سراج:خلاص براحتك وباسها علي خدها وطلع سندس نزلت بعده وقعدت اتلم في المطبخ سندس اتفكر:دبينه طلع نمشي انصلي العشاء بسرعة قبل ماايروح ويفطنلي ورقت دغري الدارها توضت ولبس ملاية الصلاة وبدت اتصلي سراج ركب في سيارته وطلع بس وهو طالع اذكر ان مافيش معاه فلوس ورد بياخذهن مالحوش وخش ورقى فوق بيمشي الداره بس وهو راقي كان الحوش هادي فسمع سندس وهي اتصلي وقف عند الداره وشافها وهي راكعة واتصلي #يتبع قولكن سراج شن حيكون تصرفه ورده علي سندس بعد اللي شافه وسندس شن حيكون ردها وشن حتقول السراج هي ليش دارت هكي وهل حيفهمها ولا حتصير مشكلة 😱 أما رويدة شن حدير وكلامها مبدري مخيف وهي مش قادرة اتسامح معاذ قولكن حيصير شيئ عشان اتسامحه ولا خلاص حتكون هذي النهاية أما معاذ زعمك هو ايحب رويدة جديات ومايبيش يخسرها ولا حاس بالذنب اتجاهها مش اكثر 😳 أما فيصل امتى بيعترف بحبه الرانيا وهل لما يعترف حيتغير احساسها تجاهة وتتقبله اولا 😕 اما رؤوف شن قصة البنت اللي اتكرر في الحلم او حيكون موضوع عادي 🤔 كله حنعرفوه في الحلقة الجاية ☺ أسفة بنات عالتاخير بس بسبب الجو والمطر اليوم الضي طافي مالصبح والنت مافيش 😭 أسفة لو في لخبطة في الاسماء وأكيد رايكم ايهمني😉 گـتـابـتـي Koka Saleh #مـنـحـرف_وأحـبـبـتـه الـحـلـقـة (41) گـتـابـتـي #Koka_Saleh """"""""""""""""""""""""""""""""""" سندس:سراج مانقدرش انكملو سراج بشويش:قتلك اليوم انتي ليا مافيش هروب بكل سندس:بس انا اليوم مريضة سراج:بلاش اطروح اي مرض اهو مافيك شيئ سندس:سراج افهم وخدودها انحمرو وطبست راسها سراج:اوكي فهمتك بس تعرفي مش وقتها بكل توا سندس:معليش☺ سراج:باهي كم يوم سندس;5 أيام سراج ابتسم:باهي مش مشكلة انتحملوهن وقرصها في خدها سندس ابتسمت سراج:دبينه مافيه شيئ معناها خليني نطلع انجيب عشاء جاهز وانجيب افلام انكسدو عليهن في الليل سندس:خلاص باهي بس جيب افلام حلوة سراج:شن رايك تمشي معايا سندس:لا عنديش جو نطلع خليني انكمل شغلي في المطبخ علي ماروحت سراج:خلاص براحتك وباسها علي خدها وطلع سندس نزلت بعده وقعدت اتلم في المطبخ سندس اتفكر:دبينه طلع نمشي انصلي العشاء بسرعة قبل ماايروح ويفطنلي ورقت دغري الدارها توضت ولبس ملاية الصلاة وبدت اتصلي سراج ركب في سيارته وطلع بس وهو طالع اذكر ان مافيش معاه فلوس ورد بياخذهن مالحوش وخش ورقى فوق بيمشي الداره بس وهو راقي كان الحوش هادي فسمع سندس وهي اتصلي وقف عند الداره وشافها وهي راكعة واتصلي انصدم وقدم كم خطوة وبيخش علي سندس بيعرف ليش كذبت عليه وبعدها وقف ومشى شور داره بشويش خذا الفلوس وطلع بهدوء ويسحب من دون ماسندس تفنطله وركب في سيارته وهو مصدوم ومش فاهم ليش سندس كذبت عليه رد بظهره عالكرسي وسند راسه عليه وهو مقهور💔من فكرة ان سندس تبيش اتكون معاه زي ماهو يبي ايكون معاها والتفسير الوحيد اللي لقاه ان سندس مااتحبش ومافيش منها حتى إعجاب تجاههة (سراج كان عارف ان سندس مااعترفتش بحبها له ولا مرة بس هو كان حاس انها اتحبه من تصرفاتها معاه وان برغم المشكة اللي صارت هي سامحاته ولانها كانت بتقعد معاه حتى الهلها ماحكتش شيئ بس بعد اللي شافه عرف ان احساسه خطأ) ولع سيارته وطلع وهو متضايق ومش شايف شيئ قدامه """"""""" سندس كملت صلاتها وفرحانة انها صلت قبل ماسراج ايروح(مسكينة مش جايبة علم من شيئ💔) نزلت تحت وقعدت اتجهز للعشاء وتت سلاطة وحطت اجبان وهريسة وقلت بطاطا وحطت مايونيز وحطت العصير ووتاته كله علي طاولة الأكل ومشت خذت دوش سريع عشان ريحة القلي ولبست(استرتش أسود وعليه كت اسود في الأبيض نظام طبقتين الليت تحت بيضة واللي فوقها قماشة دانتيل شفافة اسود ومن لاورة نظامه طويل)وبعدها قعدت ترجا في سراج وحست ان تاخر ولان شفرته كسرها معش عرفت كيف اتكلمه """""""""""" سراج لف واجد بالسيارة وهو ايفكر شنو ايدير السندس وكيف يصرف معاها وهل ايصارحها باللي شافه أو يسكت بعد تفكير طويييييل قرر ان ايساير سندس عاللي ادير فيه ومايضغطش عليها في شيئ ومايحكيش اللي شافه ومعش ايحاول ايقرب منها بكل لين ايتأكد من حبها له وتعترف بيه وهي تطلب بروحها اتكون معاه (كان القرار صعب عليه لان كان ايحبها وكان يبي ايكون معاها ويبي زواجهم ايكون حقيقي بس لان حبه الها اكبر من الحاجات هذينا قرر ايدير اللي هي تبيه) بعد القرار اللي خذاه مشى شور المطعم خذا عشاء وروح للحوش وصل عند الباب خذا نفس #عمييييق عشان ايبان طبيعي وخش عليها والإبتسامة علي وجه سندس:كنك طولت سراج:القيت واحد ليا زمان ماشفته قعدت انهدرز معاه ومعش ركزت عالوقت سندس بنظره عالجنب😒: اها واحد سراج ضحك:والله واحد يامطرشقة امتى تفهمي وتستوعبي ان معش نبي اي وحدة غيرك قناعة شخصية ياحلوة وغمزلها😉 سندس ابتسمت:عارفة بس حبيت انتأكد سراج:وتأكدتي توا سندس:اها وهات العشاء عشان انوتيه عالطاولة سراج:بنجي انساعدك سندس:لالا انت خليك هنا انكمل واناديك سراج بلوية بوز:وعليش ماتبينيش انساعدك😒 سندس:خليني انحس درت حاجة مش ساد عشاء جاهز واخرى بتساعدني عليه سراج:الله غالب عشانك باير انجيبو في جاهز😒 سندس بصدمة😳باهي ياسراج شكرا وبعد مادرتها حتى عشاء جاهز معش فيه وبنعزقه ودور ما تاكل سراج يضحك:وحق ربي انبصر بلااا عليك الجالطة 😂 سندس تضحك:الخوف كويس ومشت اتجهز في العشاء وتت العشاء ونادت سراج عشان ايتعشو وسراج جا سراج:اوووو عالاجواء السمحة سندس:ابتسمت:شن رايك سراج:لا بجد تاعبة وعشان اتعبك هذا نعتبرو العشاء انتي اللي دايرتيه ومش جاهز سندس بعصبية😡:سراج عليش مصر كل مرة اتذكرني بان العشاء جاهز سراج:نبيك اتعلمي علي حالك ياهبلة بكرا بعد بكرا تجوزي وراجلك يقعد يبيك اطيبيله سندس ضحكت:توا ناحذ راجل ايجيبلي كل يوم جاهز سراج:مافيش راجل هبل ايديرها سندس:فيه انت😂 سراج ضحك:لنقني انهبلت من اول يوم شفتك وطرشقت في جرتك وجرت حبك سندس:يعني مش زاعل عشان نعرفش انطيب وكل يوم ناكلو جاهز وخفيف سراج:مش زاعل وحتى لو نقعدو العمر كله هكي عادي سندس:جديات سراج سراج:والله جديات وهي خلينا ناكلو راه ميت من جوعي وبدو ياكلو في جو وبصارة وضحك وسراج ماجابش سيرة شيئ ماللي شافه """""""""""""""""" بعد كملو العشاء ساعدها سراج في لم الحوسة ولم المطبخ وبعدها شغلو فيلم اجنبي وقعدو يتفرجو وهما مقمعزين عالكنبة جنب بعضهم وحاطين فواكه ومكسرات وشبس مكسدين عليهن كانت سندس مقمعزة قريب من سراج وسراج متسند عالكنبة وحاط يده عالكنبة من فوق وجاية يده ورا سندس وقريب الفيلم ينتهي سندس نعست وكانت حاطة راسها علي يد سراج سراج فطنلها بعد نعست قرب منها وحط راسها علي صدره وقعد يمسح بيده علي شعرها سراج ايفكر;ليش درتي هكي ياسندس ليش مش حابة نقعدو زوجين حقيقين معقولة ماحبيتنيش بعد كل اللي درته ياريتك تقدري اتخشي قلبي عشان تعرفي قديش انحبك تنهد تنهيدة من وسط قلبه وبعدها صبى وشال سندس بين ايديه وخش الدارها وحطها علي سريرها وغير دبشه وجا تمدد جنبها ومسك يدها ورقد """""""""""""" #صباح_يوم_جديد #عند_رانيا_وفيصل في الشغل رانيا كانت تحكي مع هيثم وعطاها التصاميم بعد التعديلات وخشت علي فيصل اتوري فيهن له فيصل:هكي قعدن تمام رانيا ابتسمت:بجد اول مرة ايمر عليا واحد بذكائك يعني الاخطاء اللي كانن فيه حتى المشرف اللي قبلك مالاحظهنش فيصل:القصة مش قصة ذكاء هي خبرة بس لان هذا مش أول مشروع نشرف عليه رانيا:اها تمام فيصل:تطلعي معايا نشوفو العمال رانيا:تمام وطلعو وقعدت تمشي واتخرف هي وفيصل رانيا:مش عارفة بعد يكمل المشروع شنو اندير اتحسني تعودت عالشغل فيصل:مااتشيلش في بالك غير يكمل المشروع شغلك قاعد رانيا:وكيف هذي فيصل:مافيهش كيف حتى مكتبك واتي رانيا بإستغراب:ووين هذا فيصل:قصدك ماقتلكش انا رانيا:لا ماقتليش فيصل:مش حكيت مع عمي محمد عليك وعينك معانا رانيا:أحلف فيصل:عيب كلام راجل مش عيل راه رانيا:مش قصدي بس مالفرحة ماصدقتش فيصل:لا صدقي غير تطلع نتيجتك وتاخذي الإفادة تعيينك يقعد رسمي في الشركة رانيا:اصلا النتيجة قالو هاليومين فيصل:ان شاءلله ناجحة وبعدها حتبدي في شغلك دغري رانيا:بجد مش عارفة شنو انقولك جمايلك عليا وااااجد بكل فيصل:مش بينا الكلام هذا راكي اتعزي عليا واجد رانيا:وحتى انت مالكي الا قرعتك وهما ايهدرزو هكي ومنسجمين كانت في عين اتراقب فيهم وتنظرلهم بنظرات حقد رانيا:عارف شنو بنمشي انجيب قهوة انجيبلك معايا فيصل:لنقنه وقتها رانيا:خلاص كمل لفتك علي ماجبتها فيصل:تمام مشت رانيا للكفي اللي ايديرو فيه في القهوة وكان داخل المقر اللي يشتغلو فيه رانيا مشت وكانن نظرات فيصل يلحقن فيها لين اختفت عليه بس في اللحظة هذي فطن ان وسيم لحقها فيصل تنرفز عالاخر ولحقه وصبى قدامه فيصل:وين ماشي وسيم:وانت شن دخلك فيصل:جاوب مااتردش السؤال بسؤال وسيم:مافيش مشكلة انجاوبك ماشي الرانيا بنعرف ردها فيصل:ردها حنقوله لكي انا مااتعبش روحك مش موافقة وسيم:الموضوع هذا مش شورك وانا بنسمع منها هي فيصل مسكه من قميصه:رانيا اتخصني واي موضوع ايخصها هو شوري انا واحسنلك تطلع مالطريق كلها هذا كان بتحافظ علي برستيجك وماتببش تاخذ طريحة قدامها وكان بتحافظ علي شغلك هنا الزم حدودك ورانيا خط حمر ردبالك اتعداه وانتمنى ان رسالتي وصلاتك احسن مانصرف تصرف مايعجبكش وتوا تقدر تنتلف علي شغلك وطلقه وسيم شاف الفيصل زين وماردش ولا كلمة ومشى الشغله وفيصل رد المكانه اللي سيباته فيه رانيا وبعد اشوي جت رانيا جايبة القهوة وقعدو يشربو فيها مع بعضهم """"""""""""""""""" #عند_سيرجو_ودوسة وعى سراج قبلها وخش دوش وطلع دبشه مالدولاب وبدا ايغير بشويش يبيش ايوعي سندس سندس وعت:صباح الخير سراج;صباح الورد معليش حبيبي كان زعجتك سندس:لا وعيت بروحي بس انت وين بتمشي سراج:بنمشي للشركة ولا انسيتي اني نشتغل سندس شافتله زين:غريبة واعي بروحك وبتمشي للشركة والاغرب ان حتى عمو ماقالكش تعال سراج:ماقلنا تغيرنا ياهمي سندس:دوم هكي انشاءلله بس ليش ماوعيتني انديرلك فطور سراج:مانبيش انتعبك سندس تضحك:عساس يعني ماهو كنت كل يوم انديرلك في فطور توا خطرلك اتعب فيا سراج;ووووه من السانك مايعرفش ايقول كلمة رومانسية بكل عالصبح سندس:لالا يعرفش وهي البس علي مادرتلك فطور وصبت خشت للحمام غسلت وجت بتطلع وبعدها ردت سندس:خطرها نبيك اتشيلني معاك سراج;وين ان شاءلله سندس:للمشروع تي قريب ايكملو وانا مامشيتش الا اول ايام بس سراج شافلها;ضروري يعني سندس حطت يدها في نصها:أها ضروري وهذا شغلي سراج قرب منها وقرصها في خدها:حاظر مغير مااتعصبش عليا ياحلو😉 سندس ابتسمت ومشت جهزت الفطور وفطرت هي وسراج وبعدها هو قعد يرجى فيها علي مالبست وطلع هو وياها ووداها للمشروع وماكان عارف ان فيصل يشتغل غادي واستغرب لما لقاه وفيصل قاله ان عمو محمد هو اللي نقله هنا لين يكمل المشروع وطبعا سراج صدق ونفس القصة حكتها رانيا السندس سراج قعد حوالي ربع ساعة وبعدها مشى اول حاجة خذا شفرة جديدة وبعدها مشى للشركة وفي الشركة كان جاي بقوة واندفاع وخش علي باته وقاله ان بيتعلم كل حاجة في الشغل (لان زي ماتعرفو كان ايجي ايسخن في كرسي المكتب وايروح😂) عمو محمد كان مصدوم ماللي طلبه سراج بس فرحته بيه اكثر من صدمته وقعد ايوري فيه في كل حاجة """"""""""""""""" #عالساعة1 سراج جا خذا سندس مالمشروع وهما في الطريق سندس قالتله ان تبي هلها ومشولهم وتغدو عندهم وبعد الغداء خرفو معاهم اشوي وعالساعة 4 صبت سعاد بدير قهوة وفرج مشى ايصلي في العصر سراج:حبي بعد القهوة انروحو سندس:سراج انا بنبات عندهم والله مرايفة عليهم سراج:بالجو دوسة بيات لا بتكسدي لعند الليل وفي الليل انروح بيك اوكي غيرها لا سندس:عشاني سراج سراج:وحق الله عشانك اندير اي حاجة الا هذي بيات فوتيه سندس بدلع:سراااج😍 سراج:اه ياكبدي مااديريش هكي عارفة ماانتحملكش سندس بفرحة:يعني وافقت سراج:لالا بيات لا👆 سندس:تي كنك صامط هكي سراج:تي انتي اللي افهمي الحوش لما تقعدي مش فيه ماانحبش انخشله سندس:يعني سراج:يعني كسدي ان شاءلله لعند الفجر وانجيك انروح بيك بس بيات لا سندس:لعند الفجر هي البيته سراج:لا مش هي لعند الفجر عادي مانرقدش ونرجاك لاني عارف بتروحي لكن اتباتي يقعد جوي مش تمام راه سندس:خلاص باهي مش بايته في الليل تعالي سراج اشر علي عيونه;من عيوني ياعيوني سندس ابتسمت 😊 سراج:نجك ليا وخلاص سراج:خطرها ماتحكيش شيئ الهلك ماللي صار باتي قالي نحكيلهم بطريقتي سندس:حاظر مع جيت سعاد جايبة القهوة وبعدها جا فرج وشربو القهوة مع بعضهم وبعدها سراج روح وسندس قعدت مع هلها """"""""""""" #عند_رويدة كان بكرا امتحانها ووعت مالصبح عشان تقراه بس نفسيتها كانت تاعبة وحتى مش قادرة تستوعب اللي تقرا فيه امها كانت ملاحظة عليها الشيئ هذا بس كل ماتسالها رويدة اتقوللها مافيش شيئ معاذ كان ايرن عليها مالصبح ومااتردش عليه وبعد كثر عليها قفلت فونها وحاولت اتركز في قرايتها ومعش اتفكر فيه وفي اللي صار """""""""""""""""" مر اليوم عادي جدا بالنسبة للكل في الليل سراج جا السندس وخذاها من هلها وروح بيها وهما في الطريق سراج:حبيبي شن رايك نعطيك اترجبي اتسوقي سندس:لالالا فكني مانبيش سراج:كنت نحسابك قوية طلعتي خوافة بكل سندس:انا قوية بكل الا لعند السواقة فكني نبيش انكرر اللي صار زمان سراج وقف السيارة ولف عليها سراج:حبيبي ياقلبي اللي صار فات وهذا غلط وكل واحد ايصير معاه انتي مش عارفة وانا انتعلم كم سيارة كسرتها فوق من 4سيارات وعادي اهو مازال انسوق سندس:بالك انت كسرتهن وانت بروحك بس انا كان معايا بابا وماما يعني كان فيه احتمال لاقدر الله ان ايموت واحد منهم او هما الاثنين بسببي تخيل كان صار هكي راه متت بعدهم سراج:والحمدلله هذا ماصارش واهم توا عايشين معاك والحادث اللي صار كان مكتوبلكم يعني حتى لو باتك كان هو اللي ايسوق راه صار معاكم سندس:بس انا اللي كنت انسوق وانا اللي كنت بنقتلهم سراج;كان كل واحد لما ساق ودار حادث قال معش بنسوق راه مافيش حد ايسوق توا سندس سكتت سراج;حبي الغلط ديما ايصير ويقدر الواحد ايصلحه بس اكبر غلط ان الواحد يغلط وماايحاولش ايصلح الغلط متاعه سندس:بس سراج:توا بنسألك أفرضي راك درتي امتحان وحليتي ونفس حلك عطيتيه الصحباتك وبعد طلعت النتيجة سقطتي انتي وصحباتك وصحباتك مشن الموضوع عادي اتقولي معش نمتحن مرة اخرى عشان انا اللي سقطت صحباتي سندس;اكيدة لا سراج:خلاص نفس الفكرة السواقة حتى هي امتحان ومرات نسقطو فيه وهلك مش معدلين عاللي صار وناسيينه اصلا وبعدين فكري في نص الكباية المليان مش الفاضي قولي الحمدلله هما معايا وربي ماحرمنيش منهم سندس:اكيدة الحمدلله وربي مايحرمني منهم سراج:ان شاءلله حبيبي ولا يحرمني منك انتي سندس سكتت وقعدت اتفكر سراج مسك ايديها:من اول ماعرفتك وانتي قوية صارن بينا مواقف واجدة قبل مانجوزو عمري ماشفت في عيونك نظرة ضعف او خوف وحتى بعد اجوزنا ماشفتكش ضعيفة ولا مرة وهذي من ضمن الحاجات اللي ايخلني انحبك قوة شخصيتك كل البنات ايميلن للدلع وللتصنع الا انتي وهذا ليش توا مش حاب انشوفك ضعيفة او خايفة من حاجة سندس:خلاص توا انجرب بس مرة وحدة سراج ابتسم:تمااام هي انزلي وتعالي في مكاني نزلت سندس خذت مكان سراج وسراج خذا مكانها سندس;سراج ذكرني كيف اندير اصلا ناسية وخليك مركز معايا راه ليا واجد عالسواقه سراج:ماعليك مركز وجنبك وحتي لو درنا حادث روحي مسلم فيها ونفرح كان متت علي ايديك سندس بعصبية;خلاص سراج معش بنسوق سراج يضحك:انبصر مش حيصيرلنا شيئ غير ابدي هي وقعد ايذكر فيها باللي بديره سندس بدت ادير في اللي ايقول عليه سراج وقعدت تذكر في اللي تعلماته كله وبدت اتسوق بالشوية بالشوية وهي خايفة بككككل بس بعد 5دقايق حول الخوف وسلك الجو معاها في السواقه وقعدت اتسوق وسراج جنبها وفرحان بأن سندس قدرت اتعدى خوفها مالسواقه وصلت سندس بالسيارة لعند الفيلا وكانت فرحانة لانها قدرت اتخطى خوفها وكله كان بفضل سراج خشو للحوش وغيرو دبشهم وطبعا لان الاثنين واعيين بدري ومش راقدين في القايلة كانو نعسانين بكل فدغري دارو هجوم عالسرير سراج:اليوم بذلت مجهود في الشغل في حياتي كلها مابذلتش سندس بإستغراب:شن درت سراج:اليوم طلبت من باتي ايعلمني الشغل كله ووراني حاجات واجد بجد مسكين باتي الشركة شغلها صعب مش ساهل سندس:وهذا ليش ديما يبيك اتعلم عشان اتساعده سراج:باذن الله بس انتعلم كل حاجة ومعش انخليه يتعب اكثر من هكي حتى هو لازمة راحة وفترة نقاهة هو وعفوفة يمشو يدهورو وايعشو حياتهم زي الناس سندس ابتسمت:ان شاءلله بس راه ياخذك انت الشغل زي ماخذا عمو سراج غمزلها😉كيف خايفة ياخذني منك سندس:لا مش هكي يعني قصدي اتعب روحك فيه زي عمو سراج:لا مااتخافيش انا نعرف انسق أموري كويس وتوا بطلي دوة وخلينا انرقدو بكرا ورانا يوم طويل سندس:تصبح علي خير سراج:وانتي بخير غمض سراج عيونه سندس شافتله لقاته مغمض: سندس:رقدت سراج شخر😴 سندس:بلا صماطة عارفتك واعي سراج فتح عيونه:ها ياهمي كنك سندس:شكرا وغطت وجها ورقدت سراج قرب منها وشال الورغان من عليها سراج:فيه واحد يشكر واحد بالطريقة هذي سندس:مش وصلاتك خلاص سراج:باهي بنعرف عليش تشكري فيا سندس:عشان كنت سبب اني تجاوزت مخاوفي سراج ابتسم:هذي ماتشكرينيش عليها لان من يومتها قتلك وانتي معايا مانبيكش اتخافي من شيئ نبيك ديما قوية زي ماعرفتك بزبط سندس ابتسمت:حاظر سراج باسها علي جبينها:تصبحي علي خير سندس:وانت بخير سراج:عادي انضمك ولا ماايصيرش منها عشان مريضة سندس انحرجت وخدودها انحمرو:لا عادي سراج قرب وضمها الحظنه ورقدو """""""""""""' عند رانيا ساهرة ومكسدة وفاتحة نت وتصفح والحياة ماشية فيصل ايشوف فيها نشط ومش عارف يلقى سبب ايخش يحكي معاها فيه قعد ايفكر وايفكر وقرر ان هالمرة مايسبلش وايخش يعترف الرويدة بحبه عن طريق أغنية خش ودزلها مقطع الاغنية كان أسم الأغنية( #يا_أول_حب) ودزلها بعد المقطع رسالة (أسمعي المقطع هذا وانتمنى تفهمي اللي فيه كويس)وسكر نت مع خشت امه عليه أم فيصل:انت شنو اللي قلته الخالتك اليوم فيصل:اللي كان لازم ايصير ام فيصل:اتعلق بنت معاك كم سنة واتسيبها واتقولي اللي لازم ايصير فيصل:انا ماعلقت حد البنت هي اللي علقتني من يوم اللي حكيتي الخالتي وهي قالتلك صغيرة اتخش للجامعة قبل ام فيصل:والبنت مازاللها كم شهر واتخش للجامعة عليش سيبتها توا فيصل:ماحبيتهش مافيش تجاهها اي شعور مش بالغصب هو ام فيصل;وتوا كيف عرفت ان ماعندكش شعور تجاهها فيصل:كان مش فارق عندي حب او غيرة بس توا بعد ذقت طعمة الحب فرقت معايا ام فيصل:قولي انك مازال عالق علي موضوع البنت امتاع المصيف فيصل:اها عالق عليها وهي اللي بناخذها وغيرها وحق ربي ماني واخذ أم فيصل:احلم اني انزفها لكي وبرضاك ولا غصبن عنك بتاخذ بنت خالتك وتوا انشوفو كلام من بيمشي وطلعت وخبطت الباب وراها فيصل بعصبية:بالطول بالعرض مش واخذ الا رانيا وتوا اتشوفو """""""""" #عند_رانيا انصدمت بعد سمعت المقطع او بالاحرى هي كانت حاسة لكن ماكانت متوقعة ان فيصل يعترف بحبه في الوقت هذا وبذات ان عارف انها قلبها مازال مجروح وانها مازال اتحب رؤوف لعند توا فيصل في اللحظة هذي خرب كل حاجة وذكر رانيا بماضي كانت طول الوقت اتحاول تنساه وقعدت تذكر اول مرة اعترف فيها رؤوف ان ايحبها وكمل الليل عند رانيا بكى وحنين الذكريات قديمة مش قادرة تنساهن💔 """"""""""""""" #صباح_يوم_جديد #عند_رويدة وعت وغسلت وصلت الصبح وراجعت امتحانها وبعدها لبست وطلعت فطرت وشالها رؤوف للإمتحان وتعمدت تمشي متأخر قصدا عشان اتخش والإمتحان بادي وماايحاولش معاذ يحكي معاها بكل """"""""""""""""""" #عند_أبطالنا ❤ وعت سندس قبل سراج وخشت للحمام غسلت وتوضت وخذت ملاية الصلاة وسحبت بشويش بيها وطلعت مالدار عشان سراج يفطنلهش سراج كان واعي وايراقب في تصرفاتها من غير ماتفطنله وبعد طلعت سراج تنهد:مازلتي مصرة عاللي اديري فيه بس بنعرف ليش اديري هكي باهي اذا مااتحبنيش ليش ماتعترفي بيها واتريحي روحك واتريحيني وليش مااتسيبيني شنو الشيئ المهم اللي مخليك قاعدة معايا وبعدها ردله عقله سراج:عساس انا كان قالتلي بنسيبك انسيبها والله لو انموت ماانسيبها وبعدها صبى وخش للحمام ولمى طلع لقى سندس اتلم في السرير سندس:صباح الخير سراج:صباح الفل والورد والياسمين علي احلى بنوته في الدنيا سندس ابتسمت:يالذيذ يارايق انت سراج:توا فيه واحد يصبح في وجك اللي زي الملاك هذا ومايقعدش رايق سندس انحرجت:باهي بلا صماطة وبطل عاد سراج قرب:توا ليش انبطل وانتي مراتي ومن حقي انقولك كلام حلو سندس:باهي قلته كله خلاص توا هي انزل عشان نفطرو ونمشو سراج:بنصلي قبل وننزل سندس:باهي تمام نرجى فيك تحت سراج:صقع عليك انا نقدر انصلي وانتي لا😜 سندس:لا حتى أنا سراج بخبث:انتي شنو🤔 سندس:حتى انا توا انصليه بعد يكملن ال 5 أيام سراج:اها صح سندس:مااطولش باهي وطلعت سندس تحكي بروحها:عليك الغبية كلا انا قريب فضحت روحي😡 نزلت سندس تحت وبعد اشوي جا سراج وفطرو مع بعضهم وبعدين هما الاثنين رقو عشان يلبسو ويطلعو ويمشي كل واحد الشغله سراج طلع هو وسندس وشالها للمشروع قبل وطبعا نزل امعاها زي امس سراج:صباح الخير يانصي فيصل:صباح النور يالحب سندس شافتلهم زين😳 سراج:ماتنصدميش متعودين هكي راه سندس:رنوشة مازال ماجتش فيصل:لا مازال ماجت وكلمتها رقمها مقفل ترا شوفي لو عندك رقم من هلها اصلا غريبة مااتجيش وهي عارفة عندنا شغل مهم اليوم سندس:لا اكيدة بتجي غير ممكن مش محصلة حد ايجيبها سراج:كلميها لو ماعندهش حد ايجيبها نمشو انا وياك انجيبوها قبل مانمشي للشركة سندس:باهي حنكلم امها لان رنا اكيدة في المدرسة وطلعت سندس فونها ورنت علي سمية وسمية ردت سمية:صباح الخير دوسة شن اخبارك سندس:بخير اعميمة شن اخبارك انتي وشن اخبار صحتك سمية:الحمدلله وينك ماعاد جيتينا سندس:والله كنت لاهية اشوي وان شاءلله حنجيكم الايام الجاية سمية:اهلا بيك في اي وقت سندس:اعميمة وين رنوشة غير رنيت عليها فونها مقفل سمية:وعيتها امبدري قالت مش ماشية سندس:غريبة باهي تقدري تعطيها ليا انشوف كنها سمية:لحظة بس ونعطيها لكي سندس:باهي خشت سمية علي رانيا وقالتلها تبيك سندس وعطتها الفون وطلعت رانيا:صباح الخير دوسة سندس:صباح الخير تي كنك ماتبيش اتجي رانيا:مريضة اشوي سندس:الف لاباس عليك في شنو اتحسي رانيا:معدتي متعبتني اشوي سندس:باهي حبي الف لاباس عليك وخودي امبرازول كويس وتوا انكلمك بعدين نطمن عليك رانيا:باهي ياقلبي سلام وسكرت فيصل:كيف صار مش جاية سندس:اها قالت مريضة معدتها توجع فيها فيصل:ان شاءلله سلامتها(وطبعا بينه وبين نفسه كان عارف انها مش مريضة وانها غايبة عشان المقطع اللي امس لانها فهمت قصد فيصل) سراج:معناها انا بنمشي للشركة حبيبي سندس:باهي ربي معاك سراج:ان شاءلله سراج اشر الفيصل بمعني تعال وراي ومشى شور سيارته وفيصل الحقه فيصل:كنك سراج:صحبتها مش جاية خليك معاها مااتسيبهش راه مش متريح للشباب اللي معاكم فيصل;ولا انا متريحلهم عموما كون هاني سراج:انا ماانطولش اشوي وانرد ناخذها مافيش داعي تقعد بين شباب بروحها فيصل:تمام باهي ركب سراج في سيارته وفيصل رد السندس وقعد قاعد معاها زي ماوصاه سراج بزبط قعدو فيصل وسندس يشتغلو ومعاهم باقي الشباب وطبعا سندس كان في شغل واجد مش شايفته وتعديلات عالمشروع قعد فيصل ايوري فيهن الها """"" مرن ساعتين رويدة طلعت مالامتحان قبل مامعاذ يطلع عشان تضمن ان يحكيش معاها ودغري رنت علي رؤوف وجاها وروحت ومعاذ لما طلع مالقهش انقهر بكل وحس ان النهاية قربت وان رويدة معش اتحبه ومستحيل حتسامحه وطلع مالجامعة وهو متضايق بكككل 💔 """""'"""""""""""" سندس وفيصل كملو الشغل وقمعزو يشربو في قهوة هي وفيصل وقعدو ايهدرزو وقاطعهم فون سندس ايرن وكانت بنت تقرا معاها وسندس ردت سندس:اهلين هبوش شن اخبارك هبة:تمام دوسة شن اخبارك انتي سندس:تمام شن خطرني عليك في هالوقت هبة:نبي انقولك النتيجة طلعت وانتي طلعتي الاولى عالدفعة سندس صبت وبفرحة:تحكي جد هبة;وحق ربي جديات وفرحت اني اول من خبرك ان شاءلله ألف مبروووك سندس:الله ايبارك فيك ورنوشة شن صار فيها هبة:رانيا هي الخامسة سندس:باهي فرحتيني وانتي شن صار فيك هبة:الحمدلله نجحت انا التاسعة ياحنة سندس:ألف مبرووووك هبة:الله ايبارك فيك وسلام توا خليني انشوف باقي الدفعة شن صار فيها سندس:سلام فيصل:النتيجة صح شن صار فيكن سندس بفرحة:نجحت الاولى عالدفعة فيصل:مشاءلله ألف ألف مبروك سندس:الله ايبارك فيك فيصل:ورانيا شن صار فيها سندس:خذتها الخامسة عالدفعة والله هذا مش نجاحها رنوشة ديما الثانية بعدي بس السنة صارنلها ظروف فيصل:مش مشكلة اهم حاجة ماالعشرة الاوائل سندس:والله جديات مش مصدقة الحمدلله ياربي تعبي عدش عالفاضي فيصل:الحمدلله وان شاءلله الف مبرووووك مع جية سراج سراج:شن فيه عليش اتباركو فيصل:افرح ياللي عمرك مافرحت بنجحة مسقمة مراتك نجحت الاولى عالدفعة سراج بفرحة:تحكي جديات سندس بفرحة:وحق الله جديات سراج حظنها:ألف ألف مبروك ياقلبي نجيها ليا الشاطرة ياربي سندس مالفرحة حظناته زين وبعدها اذكرت انهم في الشغل بعدت منه سندس بصدمة:سراج نحن في مكان عمل سراج:واذا يعني مراتي وناجة وفرحان بيها طز في الدنيا كلها وكرها شوره وحظنها فيصل:سراج تحشم ينعن جد وجك كلهم قعدو ايبحتو فيكم سندس بعدت منه:خلاص سراج منظرنا قعد بايخ سراج:عليك تخلف في هالشعب راجل ويحظن في مراته شنو المشكلة بس سندس:المشكلة ان مافيش عندنا حاجات هكي عيييب فهمت سراج:خلاص فهمت هي نمشو عشان انفرحو هلي وهلك بنجاحك سندس:باهي بس استنى انكلم رنوشة انفرحها قبل سراج:باهي هي كلميها رنت سندس علي سمية اخرى وردت سندس:اعميمة مبروك نجاح رنوشة سمية فرحت وقعدت اتزغرت رانيا سمعتها وطلعت بتشوف شن فيه رانيا بإستغراب:ماما شن فيه سمية:مبروووك النجاح واخير حلمك تحقق وقعدتي مهندسة رانيا بفرحة:جديات ماما سمية:اهي دوسة عالخط توا تحكيلك رانيا خذت الفون:جديات نجحت سندس:الف الف مبروووك ياقلبي رانيا:الله ايبارك فيك وانتي شن صار فيك سندس:الحمدلله نجحت رانيا:الف الف مبروووك باهي شن نجحت سندس;الخامسة عالدفعة رانيا:كنت عارفة مش حننجح زي السنين اللي فاتن باهي مش مشكلة اهم شيئ نجحت مالاوائل وانتي شن صا فيك سندس:خذيتها الأولى رانيا بفرحة:نجك ليا ديما رافعة راسنا الف مبروك ياعمري سندس:الله ايبارك فيك وسلام توا بنمشي انفرح بابا وماما رانيا:سلام وسلميلي عليهم واجد سندس:يوصل وسكرت سراج:نمشو حبي سندس:هي سراج:سلام يانصي انتلاقو فيصل:ان شاءلله سراج وسندس ركبو في السيارة ومشو فيصل مسك فونه وقعد ايرن علي رانيا بيباركلها بس فونها مازال مقفل 💔 """""""""""""""""""" #عند_رويدة روحت للحوش ودغري خشت الدارها وقعدت تبكي من قهرتها مش مصدقة انها شافت معاذ وماقدرتش تحكي معاه هي تبيه واتحبه بس مش قادرة اتسامحه ولا قادرة اتحدد شن تبي كانت طايحة علي سريرها وتبكي بكل حرقة😭😭 امها شافتها بعد خشت بسرعة واستغربت ان حتى خير ماقالتلهش لان مش من عوايدها وخشت في جرتها وانفجعت لما لقتها تبكي هكي عالية بخوف:كنك يادودي شن صاير معاك رويدة تبكي ومااتردش عالية:صارتلكم حاجة في الطريق ولا ماحليتيش في الامتحان رويدة تبكي وتشهق😭😭 عالية زاد خوفها:كنك يارويدة شن صاير والله رعشتيني احكي قلبي قريب ايوقف رويدة تبكي:معاذ ياماما عالية بخوف:كنه معاذ شن صايرله رويدة تبكي:انا متعاركة معاه ياماما معاذ طلع ماايحبنيش عالية:انا من اول ماجيتي وكنت عارفة ان صايرة معاك حاجة اهدي واحكيلي بشويش خليني نفهم رويدة حاولت تهدى وتسكت وقعدت تحكي الامها في كل حاجة صارت مالبداية بكل عالية:وهو شن قالك مازال ايحبها رويدة:انا ماخليتش يحكي في الموضوع بكل وقتله نبعدو كم يوم علي بعضنا عشان انفكرو كويس عالية:انا مانبيش انقولك الموضوع بسيط ومايستاهلش لاني عارفة انها واعرة لاي وحدة انها اتحس ان راجلها قلبه مع غيرها لكن في حالتك انتي البنت ميته يعني مالهش وجود ولو اذكرها شهرين ولا اربعة بعدين حينساها لان انتي اللي معاه وبكرا بعد اتجيبيله اوليد ولا ابنية بتقعدو انتو كل حياته والله ماعاد ايفكر فيها ولا اتجي في باله القصة تبي بس اشوي صبر رويدة تبكي:اي صبر وانا نقعد نسمع فيه يحلم بيها وايقوللها انحبك ومش بعيد ايجي يوم ايناديلي بأسمها عالية:توا بنحكيلك حاجة ماعمري حكيتها الواحد لكن قبل بنسألك شن اتشوفي في علاقتنا انا وباتك رويدة تسمح في دموعها:مافيش احسن من هكي ياريت معاذ ايحبني بنص حب بابا لكي عالية:باهي لكن عارفة ان اول مااجوزت باتك قعدنا قريب الشهرين ماصارش بينا شيئ والسبب كان وحدة وقاعدة عايشة رويدة مستغربة;من هذي وشن قصتها عالية:باتك قبل ماياخذني كان ايحب بنت خالته وكانت بينهم علاقة قوية بكل لكن جدك كان رافض فكرة الزواج مالاقارب ومابش يخطبها له باتك سيب الحوش ودار المستحيل بس جدك كان رافض بكل وبعدها قرر ان يخطبله عشان ينساها وخطبني انا لاني كنت بنت صاحبه وافقت علي باتك وانا مانندريش عاللي صاير وغصبو باتك عالجواز مني ودارو زي كل عيلة ماادير ياتاخد هذي ياانتبرو منك وخذيته وجيت معاه للحوش ومن اول ماخشينا ومازال ماحكى معايا بكل قعد يبكي وايقولي مش انتي البنت اللي نحلم انعيش معاها ومش انتي اللي انحبها انقهرت وانكسر قلبي لكن في نفس الوقت ماعنديش مااندير زيي زي اي بنت في مجتمعنا اللي مايرحمش لو انرد من اول ولا ثاني يوم ولا حتى من اول شهر بيطلع كلام واجد يعني اي حاجة انديرها من مخسوري فقررت نسمع منه حكالي قصته كلها وانا مازال لابسة الفيلو تخيلي الشيئ هذا قعدت انهدي فيه ونحكيله وانقوله كل شيئ نصيب وحكيتله كلام واجد قعدت اول اسبوع معاه هكي وهو كل يوم غير يحكيلي عليها ويبكي وبعد اول اسبوع جاني بروحه وقالي يابنت الناس اللي درتيه مافيش وحدة اديره طيبة قلبك وصبرك عليا واللي درتيه معايا كبير بكل قالي الراجل اللي ربي راضي عليه هو اللي ايطيح في وحدة زيك قالي تحمليني وعطيني فرصة وحاولي اتنسيها ليا قعدنا شهرين ونحن عايشين مع بعضنا زي الخوت ماصار بينا شيئ لكن كان ايعامل في احسن معاملة وصبرت عليه وبعد شهرين بدا الاعجاب بينا بروحه طلب ايصير بينا حاجة وفعلا صار وكل مرة قعدنا انقربو من بعضنا اكثر واكثر انا عرفت كيف انخليه ايحبني قعدت اندير بس في اللي يرضيه واللي نعرفه ايقربه مني قعد كل مرة ايزيد ايحبني ولما حملت بعصام كان طاير مالفرحة وجبت عصام وقعد ماايتحمل فيا شيئ وانا هي عيونه وحملت وجبتله رؤوف زاد حبني وحبهم اكثر وجبتله انتي كبد فيك وزاد حبني وقعد معش يقدر ايعيش بلايا وبنت خالته نساها رسمي اجوزت واطلقت ولما طلقت كان جدك متوفي عرفت انها كلماته عساس موافقة حتى ان تقعد الثانية بس هذك اللحظة باتك هو اللي رفض وقاللها عندي اللي ملت قلبي وعيني وماعاد انبدلها بحد وجاني وحكالي اللي صار كله وحتى اني لا كلمتها لا جيت شورها بعد اللي داراته لاني ضمنته هو خلاص هي معش اتهمني ولو انقولك هي من توا تعرفيها لانك انتي بذات ديما تسالي فيا ليش لما انتلاقو معاها اطنش عليا وانا انقولك مش عارفة رويدة:قصدك زينب بنت خالتي مسعودة عالية;اها هي شفتي كيف عرفتيها عمري ماعبرتها ولا انقهرت منها لاني عرفت كيف انطلعها من قلب باتك لو تقعد قدامه اسبوع خلاص مستحيل ايحنلها لان بدل حبها بحبي انا وحبه العياله معش تعنيله شيئ رويدة:اول مرة نسمع بيها القصة هذي عالية:لاني انا مادرتلهش سريب وماقعدتش كل مرة نفتح في موضوعها الباتك وانذكره بيها عاملته عساس مافيش ماضي وانسيناه انا وهو رويدة:ياعوينك بصبرك ياماما عالية;انا صبرت ونلت حب وعيلة سعيدة ومتريحة شن نبي اكثر من هكي ونبيك اديري زيي ماتقعديش غبية كل مرة اذكريه بيها وبذات انها ميته مش حيه كل مايمشي الخالته ايحقها زي باتك بداية زواجنا كان ايشوف فيها ولما ايروح انشوف في حالته شن تقعد انصبره ونحكيله كلام ايهديه مع اني كنت مقهورة زي اي وحدة لكن مادرتش معاه عركة وكبرت القصة وهذا ليش هو حبني لاني صبرت عليه من دون حتى مانشكي الاي حد قدام الناس كنت انوري ان حياتنا مافيش اسعد منها مابالك انتي ميته وخلاص معش بيشوفها بكل شن فيها كان حلم بيها خليه يحلم وبعد فترة حتى في باله ماعاد اتجي رويدة:قولك ياماما ينساها عالية:كان قعدتي شاطرة حينساها ومعش ايفكر الا فيك انتي بس اصبري عليه وحسسيه بحبك واهتمامك وعطفك الراجل كيف العيل الصغير ايحب اللي ايدلعه وايلعبه ويهتم بيه لما اديري هكي والله تاخذي قلبه وعيونه ودنيته كلها خليك عاقلة وماتنهيش زواجك بسبب وحدة ميته رويدة سكتت وقعدت اتفكر وامها اتشوفلها رويدة:تعرفي ياماما كلامك ريحني واجد وقنعني انا مكبرة الموضوع بكل وبذات ان معاذ مافاتنيش وايحاول يحكي معايا وانا اللي مانبيش وحتى جيتي هنا ماكانش يبيها قالي انحلو المشكلة قبل لكن انا سكرت راسي عالية:شفتي ان الموضوع ساهل لو كنتي حكيتي من اول يوم راك ماقعدتيش هنا بكل لكن يالله منها هو ايتعلم رويدة تنهدت:عارفة ياماما ان اليوم عيد ميلاد معاذ عالية;وقاعدة هنا ياشاطرة صبي خلي رؤوف ايشيلك وديري حفلة الراجلك واحتفلي معاه وسامحيه عاللي صار وافتحو صفحة جديدة وصدقيني حتكبري في عينه واجد رويدة ابتسمت وحظنت امها:ربي ايخليك ليا ياأحسن ام في الدنيا عالية ابتسمت:وايخليك ليا😍 رويدة:خلاص انصبي انلم ادبشي وانروح يادوبك انلحق نشري الحاجات عشان انديرله احتفال عالية:والغداء رويدة:مانبيش بنمشي انجهز انا والبنات للعيد ميلاد عالية:باهي اللي اتريحك صبت رويدة ولمت دبشها وقالت الرؤوف ايشيلها وجت للحوش لقت معاذ مازال ماجا وحكت للبنات وعمتها ان بديرله عيد ميلاده مفاجئة وطلبت مالبنات ايساعدنها في الحاجات واتفقت معاهن ان ماحد ايقوله انها روحت والبنات فرحن بالجو وبدن ايجهزن معاها """""""""""" #عند_رانيا كانت قايلة وهلها متغديين ورقدو قيلولة وهي مقمعزة في الصالة بروحها واتفرج عالتلفزيون رن جرس الحوش ولما فتحت لقاته ولد جيرانهم ماسك في يده علبة متوسطة الحجم أنس:هاكي هذي لكي رانيا:من من هذي ياانوسي انس:من عمو هذكي رانيا طلعت راسها وتباوعت وشافت فيصل ابتسم واشرلها بيده وركب في سيارته وعدى رانيا خشت وسكرت الباب وخشت الدارها وفتحت العلبة لقتها مليانة شكولاطات وفيها علبة صغيرة فيها ساعة اتهبل😍 وعطر ريحته كانت خيال وكرت صغير مكتوب فيه (عارف عليش قافلة تليفونك وعليش ماجيتيش للشغل بس هذا كله مايمنعش اني انباركلك بنجاحك الف الف مبروك والله فرحتلك من وسط قلبي😍) رانيا تنهدت ونزلو دموعها ومش عارفة كيف تصرف مع فيصل اللي كل تصرفاته الهن سبب واحد وهو ان ايحبها ومش حب عادي """""""""""""""""" #عند_دوسة_وسيرجو😍 سراج خذا معاها حلو وشالها الهلها عشان ايبشروهن بنجاحها قعدت عند هلها لانهم مسكوها للغداء وهو روح لكن فيه حاجة دارها سراج وسندس مافطنتلهش سراج اتفق مع ام سندس ان اليوم بيديرلها عشاء كبير عشان نجحتها وحفلة بعد العشاء ومايبيش سندس تعرف شيئ عالموضوع وطلب من امها انها تعزم كل صحباتها واقاربهم كلهم بس من دون سندس ماتفطن واتفق معاها ان اتقول السندس عندها فرح وتغصبها عالمشية معاها عشان سندس تلبس واتجهز روحها وايجو بيها للعشاء من غير ماتفطن الشيئ وام سندس وافقت علي هذا كله واتفقت مع سراج """"""""" روح سراج للفيلا وبشر هله بنجاح سندس وفرحو بكل وحكالهم عاللي بيديره وهما وافقو وعفوفة طبعا ماصدقت اتصير حاجة سمحة مع سندس عشان تحتفل بيها واتباهة بيها وبدت تكتب السراج الكل حاجة تبيها طبعا سراج في الحالات اللي زي هذينا فزعته الوحيدة فيصل دغري من غير اي تفكير كلمه وحكاله اللي بيديره وجاه فيصل ومشو مع بعضهم ايجيبو كل اللي مطلوب منهم عفوفة عاد مسكت فونها وبدت تجري في اتصالتها وكلمت العيلة كلها فرحانة بكنتها عاد😂 كانن تجهيزات العشاء ولا اروع من هكي كانو مقررين العشاء يقعد نظام بوفيه مفتوح للرجالة والصبايا ودارو للصبايا صالة متنقله في جنان الفيلا اما الرجالة فكان مكانهم من ورا الفيلا نظام مرابيع كبار يستخدمو فيهن للحفلات والحفلة اللي بعد العشاء كانت للصبايا وتجهيزاتها استلمتهن عفوفة كلهن وكانت مختارة ضيافة للحفلة اتجنن من انواع حلو االانواع العصائر والمكسرات والشكولاطات وللموالح والفواكه مش منقصة شيئ حتى المواعين اللي حطتهن عالطاولات وحاطة فيهن ضيافة الحفلة كانت من ارقى الأنواع كان نظام عرس الا شوي ناقصة مسرح وعريس وعروس بس """""""""" انجو الدوسة اللي امها غصبتها عالفرح عساس فرح بنت صاحبة امها ولما امها سكنتلها رنت علي سيرجو عساس بتمشي للفيلا واتجيب دبشها من غادي بس سراج قاللها ان مش فاضي ياخذها وايردها وقاللها اتقوله شن تبي وايجبه الها وصاته عالفستان اللي تبيه والاكسسوارات والجو هذا وجابهن الها سراج لكن اصر وحايل عليها عساس كيف اول مناسبة لكي بعد فرحك وماتمشيش الكوافيرة طبعا سندس اقتنعت وبذات ان امها ادخلت وقالتها مااتصيرش لازم تمشي للكوافير وشالها عمكم سراج هي وامها للكوافير وقاللها لما اتكملي رنيلي انجي ناخذك انا للفرح """""""""""" #عند_رويدة كانت اتجهز للعيد ميلاد وفرحانة بكل وزينت جناحهم تزيينة اتجنن وجهزت تورته وموالح وعصائر ودارت جو حلو ولبست ومكيجت ووتت روحها علي جية معاذ حتى بعد كلمتها رانيا عشان اتجي للحفلة امتاع سندس اعتذرت وقالتلها ان بتحتفل بعيد ميلاد معاذ وتوا اتجيها ثاني يوم اتباركلها رانيا طبعا جهزت روحها هي وامها ورنا عساس بيمشن يحظرن الحفلة """""""""""""""" #الساعة 8 سندس رنت علي سراج وجا خذاها من الكوافير هي وامها وفي الطريق سندس لاحظت ان سراج ماشي في طريق الفيلا سندس:سراج وين ماشي مش هذي طريق الفيلا سراج:بناخذ حاجة مالحوش عالسريع ونطلعو سندس:باهي مغير راه تاخرنا اكيدة القاعة فتحت توا سراج:لا مش حنطول ووصلو للفيلا وخشو سراج نزل وفتح الباب السندس سندس:شن فيه سراج ابتسم:انزلي يااحلى ملاك في الدنيا سندس مصدومة ومش فاهمة شيئ سعاد:الف مبروك النجاح واشكري سراج دايرلك حفلة النجاحك وكان يبيها مفاجئة سندس:قصدكم مالصبح تضحكو عليا عفوفة جت من غادي واتزغرت عفاف:لووووللووولي الف مبروك ياقلبي وحظنت سندس سندس:الله ايبارك في اعميمة عفاف:الله واكبر علي كنتي جمال وذكاء والله سراج محظوظ سندس ابتسمت:انا اللي محظوظة اللي عندي عمة زيك سراج رفع حاجة🤨:وبالنسبة للي جهز كله حاجة وتاعب مالصعب حتي دبشه ماغيرش يطلع مصري ماحد ايقوله محظوظ فيك سندس ضحكت:بالشوية علي روحك اكيدة محظوظة فيك حتى انت بجد شكرا سراج علي كل حاجة سراج:مانبيكش تشكريني نبيك اتخشي وتنسجمي جوا انتي اميرة الحفلة اليوم ياأميرتي انا وقرب وباسها علي جبينها وبعدها حكالها بشويش سراج:مالاخر طالعة طرف بكل قلبي الصغير لا يتحمل هذه الكائنات الجميلة🤤 سندس ابتسمت:والله مجنون سراج:مجنون فيك تي والله انحبك عفاف:إحم احم تحشمو راه نسمعو فيكم سعاد:بكل كلا جيل توا معش ايتحشمو بكل سراج:تي عليش بنتحشم مراتي وانحبها وحق ربي انحبها وقعد ايعلي في صوته عفاف قعدت ادف فيه:اس اس تحشم الصبايا يسمعن فيك هي اركب في سيارتك بلا كشايف زايدة سراج:بلا دف اني ماشي خلاص وركب في سيارته وطلع وسندس خشت مع امها وعمتها وبدت عفوفة من خشتها وهي اتزغرت اتقول خاشة عروس وقعدو الكل ايباركولها عالنجاح وبعدها قمعزت مع رانيا عالطاولة وقعدت اتهدرز معاها وكان جو واغاني كانه عرس وبعد اشوي فتحو البوفيه وقعدو المعازيم ايتعشو وجو كان خيالي بكككل (دوسة كانت لابسة فستان طويل وردي درجة من الوان الجسم وكان نظامه ظابط وامبين تفاصيل جسمها الحلوة ودايرة مكياج هادي وطالقة شعرها وقصاته نظام جنب طويل وجنب قصير وكان منظرها فعلا زي الاميرة) """"""""""" بعد العشاء قعدت عفوفة اتجهز التطليعة تورته حجمها كبير خيالي وعليها صورة دوسة وبطلعها للحفلة """"""'""""" رنوشة لما جت للفرح فتحت فونها عشان سندس مااتشك في شيئ وكانت مقمعزة مع سندس وايهدرزن وبينما وهنا ايهدرزن جتها رسالة من فيصل(لو سمحتي بنطلب طلب ولو اتعزيني جديات اديريه ليا انا حاليا قاعد قدام حوش سراج نبيك 5دقايق انقولك كلمتين مش اكثر) رانيا شافت الرسالة وقعدت حايرة ومش عارفة شنو ادير طلعو الخدم التورته للمعازيم وحطوها ونادت عفاف علي سندس سندس صبت مصدومة ومعش عرفت شن بيصير هي وصلت عند الطاولة اللي عليها التورته وخش سراج (وكان لابس جينز اسود وعلي قميص اسود وجاكة واقفة كحلي داكن وكاويش كحلي وطالع طررررررف😍😍)وكان ماسك في يده باقة ورد سندس لما شافت سراج حطت يدها علي فمها وعيونها قعدن فيهن لمعة اتهبل مالفرحة سراج وصل فيها ورك ركبة ونص ومدلها الباقة اللي كان فيها هدية اخرى وهي مفتاح سيارة سراج:ألف الف ألف مبرووووك ياسعادتي هدية متواضعة بكل الاحلى ملاك في الدنيا ومتاكد حتى لو جبت الدنيا كلها مش حتوفي اشوي ماللي درتيه ليا انتي سبب اكتشافي للحياة اللي كنت المفروض نعرفها من زمان سندس الدموع قعدن في عيونها بس ماخلتهنش ينزلن سراج صبى وباسها علي جبينها وحظنها حظن زيين بان من عروق ايديه اللي كانن شادات وكان منزل راسه جنب وذنها ويحكيلها بشويش سراج:وحق الله انحبك ومعش نقدر انعيش بلاك """"""""" #عند_رويدة معاذ طبعا من طلعته في الصبح معش روح وقعدو كلهم يرجو فيه وقلقو لما طول لان مش من عوايده ولما رنو عليه لقوه مقفل قعدو قالقين ومشغولين عالاخر ورنو علي ضنى عمه عساس بيشوفوه عند اصحابه ومن بين ضنا عمه كان خو لينا وجا حتى هو قالق ومشغول ومشى الاصحابه ايدورو فيه وفي اللحظة هذي خشت أسيل وشافت كيف الكل متوترين وخايفين علي معاذ اللي ماحد عارف عنه شيئ خشت أسيل وبكل برود قمعزت عالصالون وحطت كراع علي كراع اسيل:قصدكم انتو مشغولين علي معاذ مروة بعصبية:شن رايك انتي أسيل ضحكت:ماعندكم عليش قالقين عليه معاذ قاعد رويدة:وين قاعد احكي اسيل:معاذ مالصبح من لما روح مالجامعة وهو في حوشه هو ولينا انتو انسيتو ان اليوم عيد ميلاده وهو كل سنة يحتفل فيه مع لينا في الحوش رويدة انصدمت ونزلو دموعها;وين حوشهم هذا اسيل:كيف مش عارفتيه الحوش اللي مسكر جنب جنان الحوش مروة:استني اسيل كذابة مش اول مرة تكذب اسيل بعصبية:انا مانكذبش وكان مش مصدقين اطلعو شوفوه رويدة طلعت تجري وهي وصلت عند الباب ومعاذ طلع من جوا الحوش رويدة مصدومة وبعصبية وتبكي:انا جاية عشانك وسامحتك ودايرتلك حفلة عيد ميلادك وبنحتفل معاك وانت هنا تحتفل مع وحدة ميتة معاذ:خليني انفهمك اشوية رويدة بعصبية وصوت عالي:شنو اتفهمني كل حاجة واضحة انا الغلطانة اللي بنبدي صفحة جديدة مع واحد زيك انت ماتستاهلش شيئ انت واحد خوان وكذاب معاذ قرب منها:حبيبي مااديرش هكي اسسس وانا انفهمك اللي صاير رويدة دفاته:طلقني طلقني معش بنعيش مع واحد زيك معاذ بصدمة:انتي شنو اتقولي مستحيل انطلقك رويدة تبكي وبعصبية:طلقني انا نكرهك نكرهك وفجاة لفت الدنيا بيها وطاحت من طولها """""""""""""""""""" رانيا كانت فرحانة باللي ايصير مع دوسة ومش مصدقة نقطة التغير اللي وصللها سراج وفي اللحظة هذي جتها رسالة من فيصل مكتوب فيها(راه مازال نرجى فيك)في اللحظة هذي رانيا قررت تمشيله وصبت ومشتله '""""""""""""" دوسة وسيرجو كملو الحظن سراج مسك ايديها وقرب منها سراج:اتحبيني سندس اتشوف العيونه وذايبة وقلبها كان هو المتحكم في عقلها وقررت اتقولها سندس: تالين جت من ورا سراج وغمضتله عيونه:سيرجووو حبيبي😍 سندس فكت ايديها من سراج وقعدت مصدومة #يتبع اذكرتوها تالين صديقته اللي في ألمانيا😳 قولكن شن سبب جيتها وهل حيكون ضار ولا نافع وشن رد سندس عاللي صار وشن حيدير سراج بعد اللي صار وشن احساسه اصلا تجاه تالين🤔 أما فيصل قولكن شن يبي من رانيا وشن حيكون موقف رانيا من كلامه الها😕 أما معاذ كيف حيواجه المصيبة اللي حط نفسه فيها وهل رويدة حتقعد مصرة عالطلاق😔 مقطع الاغنية امتاع فيصل حنزله في منشور بروحه❤ كله حنعرفوه في الحلقة الجاية ☺ حلقة #طوييييلة بكل ان شاءلله تعجبكن😍 #مـنـحـرف_وأحـبـبـتـه الـحـلـقـة (42) گـتـابـتـي #Koka_Saleh """"""""""""""""""""""""""""""""""" رويدة دفاته:طلقني طلقني معش بنعيش مع واحد زيك معاذ بصدمة:انتي شنو اتقولي مستحيل انطلقك رويدة تبكي وبعصبية:طلقني انا نكرهك نكرهك وفجاة لفت الدنيا بيها وطاحت من طولها """""""""""""""""""" رانيا كانت فرحانة باللي ايصير مع دوسة ومش مصدقة نقطة التغير اللي وصللها سراج وفي اللحظة هذي جتها رسالة من فيصل مكتوب فيها(راه مازال نرجى فيك)في اللحظة هذي رانيا قررت تمشيله وصبت ومشتله '""""""""""""" دوسة وسيرجو كملو الحظن سراج مسك ايديها وقرب منها سراج:اتحبيني سندس اتشوف العيونه وذايبة وقلبها كان هو المتحكم في عقلها وقررت اتقولها سندس: تالين جت من ورا سراج وغمضتله عيونه:سيرجووو حبيبي😍 سندس فكت ايديها من سراج وقعدت مصدومة سراج مغمضات عيونه:تي من تالين فكت ايديها وجت قدامه:تولي وحظناته زين سندس مصدومة ومش فاهمة شيئ سراج كان فرحان بتالين وحاظنها بس بعد شاف الدهشة اللي علي وجه سندس بعد تالين منه سراج:شن اخبارك ووين هالغيبة وشن خطرنا عليك توا تالين:مش انت قتلي تعالي عيشي معانا اهو درت بنصيحتك وجيت سندس اتشوف السراج وتالين زين سندس:صح لازم اتجي واتعيشي معاه اصلا الطاقم مش ناقصة الا انتي وجت بتمشي سراج مسكها من يدها سراج:تولي انعرفك علي سندس حب عمري ومراتي تالين بصدمة:قصدك انت اجوزت سراج:شفتي كيف سيرجو مش بس اجوز وغرق في الحب لعند راسه تالين مصدومة وشافت السندس زين:انتي عارفة سيرجو كويس وشن كان سندس برفعة حاجب;اكيدة وعارفته اكثر منك واللي فات كله ماضي ومات سراج لفها الصدره وحظنها وابتسم:ومستحيل عاد ايرد تالين قعدت تمسح في عيونها:مستحيل انا اكيدة في حلم مش حقيقة اقرصني سراج عشان انتأكد سندس غمتلها ومعش تحملت:خلاص استوعبي الموضوع وصدقيه علي مهلك وبعدها توا انردو عليك وكرت سراج من يده وخشت بيه للفيلا """"""""""""""""""" #عند_رانيا_وفيصل رانيا جت الفيصل رانيا:نعم فيصل شن فيه فيصل:كنت خايف مااتجيش رانيا:لا اهو جيت شن عندك وشن الكلام المهم اللي بتقوله فيصل:وصلك المقطع صح رانيا:اها وصلني فيصل;واكيدة فهمتي اللي بنوصله رانيا:اسمعني يافيصل انا فيصل:قبل مااتقولي اي كلمة انا انحبك وانحبك بجنون اخرى طول الوقت وانتي في بالي ماغبتيش عني ولو اللحظة كنت انحاول انخبي حبي لاني عارف مش وقته وحالتك توا ماتسمحش الموضوع زي هذا بس والله ماقدرتش الحب قعد فوق من طاقتي مش طالب منك اتحبيني توا بس عطينا فرصة وخلينا انجربو وانا نوعدك مش حنخليك تندمي وحنعوضك عن كل لحظة الم عشتيها وحنسيك كل اللي فات وانخليك اتحبيني بس نبي فرصة وحدة رانيا:فيصل انت بجد شاب كويس بكل ومحترم وصبيت معايا في مواقف واجد وماننكرش اني انعزك وغالي عليا بس حب وهكي مش في بالي الموضوع هذا بكل انت عارف التجربة اللي مريت بيها ومش في بالي بكل فكرة الارتباط مرة اخرى ياريت تعذرني فيصل:بس انا حبيتك ونبيك واي حاجة تبيها مستعد عشانك انديرها انا يارانيا عمري ماحبيت في حياتي كلها بداية حياتي كنت طالب مثالي ماعنديش في شيئ الا القراية وبعد كملت كان كل وقتي الشغلي حتى لما كنت نسهر كان السبب الاول بننسى المي في فقد باتي وبعدها قعد التغيير الجو بس مافيش بنت لمست احساسي او خذت قلبي او شعرت معاها بحب كله كان الغرض التسلية اما انتي والله من اول لحظة شفتك فيها حسيت بيك وكنت بنحكي ووقفت مجرد ماعرفت انك علي علاقة بشخص ثاني واتحبيه وبعد ربي ماقدرش اتكونو البعضكم جا وقت نعترف بمشاعري ارجوك ماتحرمينيش من احساسي بالحب الاول مرة وصدقيني انا متأكد اني نقدر انسيك كل اللي فات رانيا:فيصل افهمني مانقدرش انكون معاك وانا قلبي مازال عند رؤوف مازال كل يوم نذكر في ايامنا مع بعضنا مش قادرة نستوعب فكرة اني انكون مع غيره فيصل:انا راضي ان قلبك ايكون معاه ومتحملها لاني متأكد حتكون فترة معينة وبعدها حنخليك اتحبيني صدقيني يارانيا والله ماحتندمي بس انتي عطيني فرصة وحدة وماتحرمينيش مالحب الوحيد اللي حسيته رانيا:انا اسفة مش حنقدر انكون معاك وقلبي مع غيرك انا هكي حنستحقر نفسي عشان هكي ارجوك خلينا اصدقاء وانسى اي مشاعر ثانية فيصل:بكل سهولة اتقولي انسى اذا انتي ماقدرتيش تنسي رؤوف لانك حبيتيه كيف قاعدة تطلبي مني ننساك اناعندي نفس القلب اللي عندك ومش حنقدر ننساك وماعندكش الحق تطلبي مني هكي حتى لو انتي ماتبيش تعطي فرصة الحبي لكي ولا قادرة اتحبيني بس انا حنقعد طول عمري انحبك وحتقعدي انتي البنت الوحيدة اللي خشت هنا واشرلها علي قلبه❤ رانيا:بجد أسفة ياريت اتسامحني وماتزعلش مني فيصل:مش من حقي نزعل منك وفي الاخير القرار قرارك وكل شيئ بالغصب الا الحب بس حاجة وحدة نبيك تعرفيها اني حبيتك الدرجة كبيرة ماتتصوريهش وكنت متني تقبلي حبي واتكوني حلالي بس في الاخير هذا قرارك ربي يسعدك في حياتك علي قد ماحبيتك وجا بيمشي وبعدها رد عليها فيصل:رانيا فيه حاجة قبل ماانعدي نبيك تعرفيها رانيا:شنو فيصل:ماللحظة هذي يحرمن عليا كل البنات بعدك رانيا بصدمة:فيصل انت شنو اتقول فيصل:هذا الحق وان شاءلله لما انشوفك مرة اخرى اتكوني داويتي جرحك وانسيتي رانيا:فيصل شن قصدك كنك تحكي هكي فيصل;ماقصدي شيئ وتوا خشي الجو مصقع ومش داعي ايخطم حد وايشوفك هنا رانيا:فيصل فيصل;قلنا عدي هيا رانيا مشت وهي مش عارفة فيصل شن يقصد بكلامه وفيصل قعد مصبي في مكانه وايتبع فيها بنظراته لين خشت وبعدها طلع مالفيلا كلها """"""""""""""""""" #عند_رويدة_ومعاذ دغري أول ماطاحت رويدة قعدو يمسحو في وجها بمية وايشممو فيها في عطر يبوها توعى بس بعد ماوعتش شالها معاذ بسرعة بين ايديه وحطها في السيارة وركبت معاه امه ومروة وطلعو عالمستشفى وفي المستشفى خذوها منه وطلعوهم برا مالدار وقعدو الدكاترة معاها ومعاذ وامه ومروة قاعدين علي اعصابهم ومش عارفين شنو اللي صارلها واكثر واحد كان متأثر معاذ وكان قالق بكل وخايف عليها وحاس ان هو سبب اللي صار ""''""""""""""""""""""""" #عند_دوسة_وسيرجو سندس وسراج خشو للفيلا جوا اللي كانت فاضية مافيهش حد سندس صبت:تقدر اتفهمني من هذي لخرى وشن قصتها سراج:دوستي حبي انتي غايرة ولا شنو سندس:لا اكيدة مش غايرة بس بنعرف من هذي وشنو المصيبة الثانية اللي جاية من ورا ماضيك الأسود سراج:اول حاجة الماضي خلاص فات ومات وان شاءلله مش حيطلع مرة اخرى في حياتنا سندس:امالا هذي شنو مش من ماضيك سراج:هي من الماضي صح بس ماالهش علاقة بالبنات اللي في الماضي سندس رفعت حاجبها🤨:هذا لغز مثلا وتبيني انحله سراج ضحك:مش لغز ياهمي القصة ومافيها ان تالين صديقة ومن نحن صغار والتعبير الاحسن انها زي اختي لانها شبه تربت عندنا سندس:علي اي اساس متربية عندكم سراج:اصبري جايك في الكلام لما كنا في المانيا وكان عمري 6 سنين كانت حياتي مملة وديما بروحي ماعنديش حد نلعب معاه وكانت هذي اكبر مشكلة مواجهتني في حياتي لعند اليوم اللي الفيلا اللي جنبنا انسكنت بعائلة كان الاب فيها ليبي اما الام كانت لبنانية وكانو معاهم بنت وعيل المهم كانت الكبيرة هي البنت وكانت تالين انسجمت معاها اكثر مالعيل سندس بلوية بوز:صايع من انت صغير سراج ضحك;تبي تسكتي عشان انكمل ولا لا سندس:كمل😒 سراج:المهم قعدت تالين ديما عندنا واللي عرفناه بعدين ان هي امها ميتة واللي معاها كانت مرات باتها هذا ليش تالين كانت ديما عندنا لان ماكان حد مدورها قعدت انا وتالين اصحاب واااجد وديما نلعبو مع بعضنا وحتى باتي وباتها قعدو شركاء في العمل وعفوفة حبت تالين زي بنتها بزبط وكبر الموضوع وقعدت تالين اتبات عندنا بالثلاث ايام ومرات الاسبوع الدرجة درنالها دار عندنا في الفيلا لان باتها ماكان مدورها واجد وكان لاهي في شغله وعياله الثانيين لان جاته بنت مع العيل وقعد اغلب وقته معاهم وهذا كان اكثر شيئ يقهر في تالين بس عفوفة كانت ديما اتحاول اتعوضها علي حرمانها من امها وتالين قعدت معتبرتها امها الدرجة فيه اوقات واجد اتقوللها ماما وكبرنا انا وتالين مع بعضنا وقعدو اصدقائنا مشتركين نطلعو مع بعضنا انسافرو مع بعضنا نسهرو مع بعضنا يعني كانت شاهدة علي كل كوارثي اللي اندير فيهن وانا نفس الشيئ ماكنت معدل عاللي اديره لان الحياة غادي فري بكل بس كنت ديما زي الاخ وسند يعني كل الشلة عارفين اني مانحملش حد ايزعلها او ايضايقها يعني بإختصار كانت صديقة قريبة بككككل غادي زي فيصل هنا واخر مكالمة بينا حكتلي علي هلها وانهم مازالو نفس المعاملة وانها كارهة المانيا بعدنا فااقترحت عليها اتجي اتعيش معانا هنا زي ماكانت غادي لان حتى عفوفة عرضت عليها الموضوع هذا كم مرة بس من حظي السمح انها جت اليوم هذا بذات عشان تخرب الليلة وانتي تحسبيها من ماضيي الاسود علي قولتك سندس:يعني قصدك ماكان بينكم شيئ سراج:ابدا عمره ماكان بينا حاجة سندس;وكيف هي تصرف هكي وحظناتك بالجو العادي هذا سراج:زي ماقتلك هي متربية معايا وصديقة قريبة مني بكككل هذا ليش تصرف هكي سندس:اها فهمت سراج قرب منها وهو مبتسم:دوستي حبي انتي غرتي منها سندس فنصت عيونها:انا انغار من وحدة زي هذي سراج;وكنها هذي انتي ماشفتيهش تالين طرف اطلع طول سندس:وكان طرف وعاجبتك قاعدة برا عديلها واشبع بيها وقلبت وجها سراج ابتسم ومسك يدها وجبدها له وحطها علي صدره سراج:بس انتي احلى منها بواااجد ياملاكي السمح سندس:اكيدة احلى منها اصلا مافيش وجه مقارنة بينا سراج:نجيها ياربي الواثقة من روحها مع خشت تالين وعفوفة عليهم سندس بعد شافت عمتها انحرجت وبسرعة بعدت من سراج عفوفة:هذي تولي وشبه اني مربيتها يعني هي وسراج زي الخوت سندس:فهمت اعميمة حكالي سراج توا تالين:معليش اذا كلامي زعجك بس انا ماكنتش عارفة ان سراج اجوز لانها شبه انها اتكون من معجزات الدنيا عشان هكي كلامي اللي قلته كان نتيجة صدمتي بس سندس:حصل خير مش مشكلة تالين:يعني مش زاعلة مني سندس:لا عادي مش زاعلة سراج:خلاص سوء فهم ومشى في حاله وبعدين دوستي عقلها كبير ومااتعدلش علي حاجات زي هذينا تالين تضحك:لا الحكاية مطورة وسيرجو شكله واقع في الحب وماحد سمى عليه عفاف تضحك:قلتي واقع وسكتي هو توا غاطس فيه لعند راسه تالين:يستاهل وربيه يادوسة خاطري انشوف فيه يوم سراج يضحك:مش مغير ربتني علمتني الادب من تول وجديد تالين:تستاهل ديما متمنيتها لكي سراج:وااااو عالحقد هذا كله وين كنتي داستيه يافرخة تالين تضحك:ليا زمان داسته لكي في قلبي سراج:خزي حقيرة 😒 تالين تضحك:انبصر انت خيي في وحدة تكره خوها سندس كانت تبتسم مجاملة بس ماكان عاجبها اللي ايصير قدامها عفاف:خلاص سراج انت هبهب وخلي دوسة وتولي يطلعن للناس برا تالين بإستغراب;شن هبهب هذي🤔 سراج يضحك:يعني تبيني نطلع هذينا مصطلحات عفوفة المختصرة ماحد يفهم فيهن عفاف:المهم انت فهمتها اطلع سراج:طالع طالع ماادفيش بس وطلع عفاف وسندس وتالين طلعن برا وقعدت عفاف اتعرف في الناس علي تالين وانها معتبرتها بنتها وعرفتها عالعيلة كلها """""""""""""" #في_المستشفى معاذ وهله مازلو علي اعصابهم وماحد طلع مالدكاترة عشان ايطمنهم معاذ بعصبية:طولو ياامي كان حد يطلع ايقول شن صار معاهم بس ام معاذ:اهدى اكيدة اشوي ويطلعو ايطمنونا مروة:اهو الدكتور طلع معاذ مشاله يجري معاذ:طمني يادكتور الدكتور:هي زوجتك معاذ:اها الدكتور:المدام عندها انهيار عصبي معاذ:وشن حالها توا الدكتور:حالتها مش مستقرة وفقدت الجنين بسبب الانهيار معاذ بصدمة;شنوو الدكتور:ماعندك علم ان المدام حامل في شهرها الاول معاذ:لالا ماعنديش علم ولا حتى هي عارفة الدكتور: الباين ان المدام نفسيتها كانت متأزمة هذا ليش صار الاجهاض وان شاءلله الجنين يتعوض معاذ;نقدر انشوفها الدكتور:حاليا لا بعد توعى تقدرو اتخشولها ومشى معاذ قمعز عالارض ويمسح في وجه بإيديه معاذ بصدمة:اللي صار كله بسببي رويدة مش حتسامحني رويدة حتسيبني خلاص ام معاذ:ان شاءلله مش حتفرقو واللي صار ديما ايصير رويدة مش اول وحدة تجهض مروة تبكي:مش اول وحدة صح لكن اول وحدة تفقد طفلها الاول عشان راجلها يحتفل بعيد ميلاده مع حبيبته الميته وهي جاية ونست كل اللي صار عشان بس تحتفل معاه ام معاذ بعصبية:اسكتي مش وقته الكلام هذا توا مروة:مش ساكته معاذ يبي حد ايوعيه العقله حرام عليك رويدة شن ذنبها عشان هذا كله ايصير فيها كله بس عشان حباتك معاذ;والله انتو فهمتو غلط مروة:فهمنا صح من اول مااسيل حكت عرفتك دايرها بس رويدة هي اللي طلعت وكانت مش مصدقة وانصدمت بعد لقتها صح معاذ رفع راسه وشافلها زيين وسكت وهو الغصة في قلبه💔 """"""""""""""""" #عند_فيصل كان في سيارته والدنيا ضايقه بيه ووجعاته رفض رانيا له لان كان حبه الها كبييير وكان حاب ايعوضها عن كل اللي عاشاته وكان مستعد ايتحمل حبها الرؤوف لين يقدر اينسيه الها بس اهم شيئ اتوافق اتكون معاه بس رفض رانيا وجعله قلبه وضلم الدنيا في عيونه لانها كانت حبه الاول واللي قرر ايكون الحب الاخير له 💔 """""""""""""""""""""""""" #في_الفيلا روحو الناس كلها وماقعدش الا جدهم علي وخشو وقعدو ايخرفو مع بعضهم محمد:والله ياتولي فرحتينا بجيتك تالين;وانا فرحانة بشوفتكم والله كنت مرايفتلكم واااجد عفاف:والله جيتها تبي حفله سراج يضحك:وعليش الحفلة اهي جت علي قصاد الحفلة كيف الجن مافيش حفلة تهلبها تالين:عشان ماعزمتنيش طبيت عليك وحظرتها معاك غصبن عنك عشان معاش ادير حفلة من غير مااتقولي ساد حفلة زواجك هلبتني سراج يضحك:حفلة قوية بكل حفلة زواجي وشاف السندس وقعدو يضحكو تالين اتشوفلهم:احكولي شن صار فيها سراج;انلا سر بيني وبين دوستي ماحد عارفه اصلا جد سراج شاف السراج:كلا انت هابا عليك سراج يضحك:هابتين وهابا محمد:توا تحكيلنا دوسة مااتخافوش سندس:مافيش شيئ غير سراج يصمط وفنصت فيه سراج:جديات مافيه شيئ غير انشوق في تولي سندس ماعجهش الكلمة بس ماحبت تحكي وطول الوقت وهي مقمعزة اتشوف التالين من تحت التحت والمشكلة ان تالين كانت #طررررررف (يسترالله وخلاص🤔) جد سراج:الف مبروك النجاح سندوسة يعجبني الشخص المتفوق وهذي هدية بسيطة مني لكي تعالي خوذيها غير تصبايتي بالتصبايات سندس ابتسمت وجت الجدها خذت الهدية وباست يده وقمعزت جا سراج جنبها سراج:وريني شن جابلك جدي سندس:سراج بلا صماطة سراج:غير افتحيها بلا حركات سندس:هديتي مش فاتحتها 😒 سراج خذا منها العلبة وفتحها وكانت في اسوارة ذهب حلوة سراج:والله ياجدي من اول مااجوزت وانت اتجيب في هدايا بس السندس وانا كني مش حفيدك ولا شنو كلهم قعدو يضحكو😂 جد سراج يضحك:هديتك جاية غير اصبر بس انوتيلك في هدية اتليق بحظرة جنابك سراج:باهي في سيارة جديدة واخر موديل انقولك اسمها وجيبها ليا غير باتي قالي لم راتبك واشريها😒 محمد:ياباتي حقها حق 10 سيارات جد سراج:مش اخسارة في سراج حتى لو حق مية سيارة مش بس عشرة سراج بتكبر😎شفتو الناس اللي تفهم عفاف:عمرك ماتعقل سندس بقلة حيلة:ابدا مش حيعقل😔 تالين تضحك:والله هكي احسن مايعقل خليك ديما هكي سيرجو 😉 سراج:ماعليك انا ديما هكي 😂 (سندس غايرة من تالين رغم انها كلامها كله كان ايدل انها تعتبر سراج صديق واخ بس سندس ماكانت فاهمة غيرتها منها ممكن بسبب بصارة سراج معاها وحست انها غالية عليه) سندس صبت;معليش اسمحولي بنمشي انتريح ونرقد اليوم واعية مالصبح وكمل يومي كله تعب جد سراج:اذنك معاك بنيتي عدي تريحي محمد وعفاف:تصبحي علي خير سندس صبت عفاف:سراج سندس بترقد واتهزله براسها بمعنى امشي معاها سراج;تصبحي علي خير حبيبي انا ساعة هكي وانجي مازال بنهدرز مع جدي وتولي سندس:تمام براحتك ومشت الحوشها وهي غامتلها ومتضايقة من سراج ومن اول ماخشت وهي اتهزب عليه سندس بعصبية:حتى انا هبلة انصدق في هالصايع المنحرف اهو ماصدق شاف وحدة ولصق جنبها بس ماشي ياسراج والله انوريك والله اندمك عليها الحركة هذي وقعدت غير تغلي واتهزب😡 """"" سراج طول وهو ايهدرز مع هله وتالين وبعد حوالي ساعتين كل واحد خش الداره ورقد وحتى جدهم بات عندهم """""""""""" روح سراج الحوشه وجا بيخش للدار لقى سندس قافلتها عرف انها زاعلة منه دق كم مرة عالباب بس سندس مافتحتش مشى الداره وخذا دوش وتمدد عالسرير وهو ايفكر كيف ايراضيها وايحل المشكلة اللي حط روحه فيها ولان كان باطل وكان اليوم متعب بكل دغري خذاه النوم ورقد """"""""""" #في المستشفى الممرضة:المدام وعت تقدرو اتشوفوها معاذ صبى وبيخش ام معاذ:استنى اشوي انخشولها نحن قبل وانشوفو وضعها خير ماتنهار اخرى معاذ:بس انا بنطمن عليها مروة:ماما معاها حق خلينا اقل شيئ انمهدو وانشوفو ردها قبل معاذ بقلة حيلة:باهي بس حاولو تقنعوها واحكولها اللي حكيته لكم والله هي فهت غلط ام معاذ;حاظر وخشن علي رويدة اللي اول ماشافتهن انهارت بكى ام معاذ جتها وحظنتها:اهدي بنيتي ساهلة كل وحدة اجوزت صار معاها هكي رويدة تبكي:انا ماكنت عارفة اني حامل ويوم اللي نعرف نفقده ام معاذ:ساهل مازلتو صغار واتعوضوه رويدة تبكي:شن بنعوضو يااعميمة ماخلاص كل شيئ انتهى 💔 ام معاذ:مافيش شيئ انتهى معاذ حكالنا كل حاجة والله نحن فهمناه غلط رويدة:مافيش غلط وهو مازال ايحبها ومش قادر ينساها حتى يوم ميلاده محتفل معاها وهي ميته مروة:دودي معاذ قاعد برا ومن بدري قلبه نار عليك وقالق بكل وحكالنا اللي صار خليه ايخش ويطمن عليك وايفهمك بروحه رويدة تبكي:لا انا معش بنشوفه بكل ام معاذ:باهي خليه يطمن عليك حتى من بعيد اقل شيئ رويدة:لو انهمه وايخاف عليا ماكان دار كل اللي داره فيا ام معاذ:ماهو لو تسمعيه مش حتقولي هكي مروة:والله انا كنت معاك وهزبته برا بس لما حكالنا اقتنعت رويدة:شن حكى يعني اكثر ماللي شفناه مروة:اسمعي منه هو خير رويدة سكتت وادموعها كانن ينزلن 😭 ام معاذ;انكلمه ايشوفك ويطمن عليك رويدة تبكي:لالا مانبيش انشوفه معاذ معش تحمل فكرة انها وعت ومااطمن عليها وخش عليها رويدة تبكي:انت شن جابك هنا اطلع برا معاذ:رويدة والله والله اني انحبك اكثر حتى من روحي وقسما بالله الفترة اللي بعدتيها عني كنت كيف اللي عايش في نار وعرفت وتاكدت اني انحبك اكثر من اي حد في الدنيا وعرفت اني حبيتك حتى اكثر من لينا والله من اول يوم لكي معايا كنت خايف من فكرة عيشتي معاكي وخايف لينا اتكون بينا بس والله اول ماقعدت معاكي ومن اول اسبوع تاكدت من حبي لكي وقعدت كل يوم انزيد انحبك اكثر وقسما بالله قعدتي عندي اهم من انفسي اللي انتنفس فيه وزدت تعلقت بيك وحبيتك اكثر لما بعدتي عليا ولما اليوم شفتك في الجامعة وطلعتي مالامتحان دغري طلعت وراك بس ماالقيتكش حسيت اني فعلا خسرتك وخسارتي لكي هي اكبر خسارة في الدنيا والله الله لما القيتيني في الحوش كنت فيه مالصبح انلم في كل حاجة اتخص لينا عشان كنت بنحرقهن لاني تاكدت ان حبي لكي اكبر من حبها بواجد وكنت بنثبت حبي لكي بالطريقة هذي عشان اتأكدي ان مافيش الا انتي في قلبي مروة:شفتي والله معاذ ايحبك ومعش يبي الا انتي ونسى كل ماضيه معاذ:لو مش مصدقتيني لما انروحو حتخشي للحوش واتشوفي اني لام كل حاجة وطلعت عشان بنطلعهن ونحرقهن كلهن بس انتي شفتيني وفهمتي غلط ام معاذ:خلاص سادكم مشاكل يارويدة اهو معاذ فهمك اللي صار واكدلك ان ايحبك وشاريك هي ابدو صفحة جديدة مع بعضكم رويدة ماردتش ولا كلمة بس قعدت تبكي ام معاذ اشرت المروة براسها بمعنى هيا نطلعو وطلعن وسكرن الباب ومعاذ قرب من رويدة معاذ:سامحيني اني كنت سبب بكاك والمك كل الفترة اللي فاتت ياريت متت ولا صار كل اللي صار رويدة مطبسة راسها وتبكي معاذ:والله تقهري فيا بدموعك وراسي عندك لو انهمك اسكتي راه والله مامتحمل انشوفك تبكي وبذات لما ايكونن مني رويدة تبكي:مقهورة منك قلبي واجعني معاذ:ياريت متت ولا كنت سبب حتى الم بسيط لكي وزاد قرب ورفعلها راسها ورويدة شافتله وانصدمت لما شافت دموعه نازلات علي خدوده رويدة مصدومة:معاذ عليش تبكي معاذ:لاني كنت سبب وجعك رويدة سكتت معاذ:سامحيني رويدة شافتله ودموعها ينزلو: انت مازال اتحبها معاذ:انحبك انتي رويدة:جاوبني اتحبها معاذ: قتلك انحبك انتي رويدة سكتت وطبست راسها معاذ رفعلها راسها:انحبك انتي ومعش انحبها وانسيتها ومعش نبي حد الا انتي بس بنكمل حياتي معاك رويدة:اكيدة يامعاذ معاذ;والله الله انحبك وماانحب حد الا انتي قلبي كله لكي انتي رويدة:وانا انحبك وقعدت تبكي معاذ خذاها في حظنه:خلاص اسكتي والله ماانحب انشوفك تبكي قلبي ايتقطع خلاص لو اتحبيني اسكتي وقعد يحكيلها لين هدت وسكتت وبعد اشوي خشو امه ومروة وقعدو معاهم """""""""""""""" صباح يوم جديد #عند_سيرجو_ودوسة ناض سراج مالصبح غسل وجه وصله وجا الدار لقاها مازال مسكرة قعد ايدق وايدق عششلها سندس كانت واعية وراقدة في سريرها وتسمع فيه وكانت ماتبيش تفتح بس بعد سكن صبت وفتحتله سندس بعصبية:عليش هذا كله سراج:صباح الورد عالحلوين سندس:شن تبي سراج:كيف شن نبي بنصبح علي عويناتك السماح هذينا سندس بلوية بوز:مش صبحت خلاص تفضل سراج خش وبإبتسامة:شكرا☺ سندس بصدمة:قصدي تفضل برا سراج:انتي زاعلة صح سندس:انا زاعلة لا مش زاعلة وعليش بنزعل مافيش شيئ ايزعل ومن من بنزعل عادي الجو تمام سراج يضحك:الكلام هذا كله ايدل علي انك زاعلة سندس:سراج اطلع بندوش وانجهز روحي عشان بنمشي للمشروع سراج:مش طالع وعارفك زاعلة مني بس والله ماكنت نحسابك بتزعلي انا بس كنت بنهدرز معاهم وبعدين تالين جاية من بعديد باخية انسيبها هكي سندس لوت بوزها;وعادي اتسيبني انا سراج:اكيدة مش عادي انتي عندي اهم مالدنيا كلها والله انحبك ياهمي وحق ربي ماعاد انعاودها مرة اخرى ولا عاد نسمح اتخشي للحوش من دوني سندس لوت بوزها سراج نزل ركبة ونص وحط ايديه علي بعضهن تحت راسه زي اللي ايتوسللها سراج:ارجوك سامحيني حبيبتي سندس قعدت تضحك😂 سراج صبى;وحق ربي ماعاد انعاودها سندس:متأكد ياسراج سراج ابتسم:متاكد ياعيون وقلب وروح سراج متأكد يادنية سراج كلها انتي سندس ابتسمت:انت اكثر واحد بياع كلام في الدنيا سراج:عيب يادوستي كلامك هذا اتقوليه الحبيبك للي ايموت في حبك سندس شافتله بالجنب وضحكت سراج:نجيها الضحكة السمحة وقرب وباسها علي خدها سراج ايعظ علي شفايفه:مازال ماكملن الخمس ايام سندس طبست راسها:لا مازال وهي اطلع بنخش اندوش سراج:باهي دوشي علي ماوتيت الفطور لوطة سندس:انت بتوتيه🤔 سراج:اها وشن فيها ولا مش واثقة في قدراتي سندس:بصراحة مش واثقة سراج:خلاص توا تطلعي واتشوفي سندس:تمام سراج طلع وسندس خشت ادوش وبعد دوشت طلعت صلت عالسريع قبل ماسراج ايشوفها😂 ولبست دبشها ونزلت لقت سراج موتيلها فطور ايهبل😍 سندس:اوووو ثاريتك مش هين سراج بغرور;نعجبك😎 سندس قمعزت وقعدت تفطر هي وسراج وبعد كملو سراج رقى غير دبشه ونزل وطلعو هو وسندس بيشيلها للمشروع وهو يمشي للشركة """"""""" #عند_رانيا في الشغل جت للشغل وكانت خايفة من ملاقات فيصل بعد اللي صار بس لما جت تفاجئت بأن فيصل مسيب وردينلهم المشرف اللي قبل الشيئ هذا وجعها واجد وعرفت ان فيصل زاعل وواخذ موقف منها حاولت اترن عليه بس ماعرفتش شنو بتحكيله وهي مازال علي قرارها وماتقدر اتغيره وبعد اشوي وصلت سندس وقعدت معاها بس رانيا طبعا ماحكتلهش شيئ """"""""""""""""""" #عند_رويدة الجو كويس والامن واخيرا استتب وكلمولها امها وجتها هي وباتها مالصبح عشان يطمنو عليها ومعاذ كان طاير مالفرحة لان رويدة سامحاته عاللي صار اما رويدة فكانت فرحانة ان واخيرا تريحت من شبح لينا اللي ايطارد فيهم """""""""""""""""" #عالساعة 2 سراج جا خذا سندس مالمشروع وبيروح بيها سراج:حبيبي شن رايك انتغدو برا سندس:عادي ماعنديش مشكلة اهم شيئ ناكل وخلاص حسني جيعانة بكككل سراج:انموت ونعرف كل هالوكال وين يمشي سندس تضحك:والله انا بروحي مش عارفة سراج ضحك ومشو شور مطعم حلو وقعدو يتغدو سراج:حبيبي بعد انكملو نمشو انجربو السيارة الجديدة سندس:صح انسيتها انا حتى ماشفتهش شن لونها هي سراج:لونها ابيض عندك استعداد اتجربيها سندس:اها تمام بنجربها سراج:بس مش معنى اني جبتلك سيارة معناها معش انشيلك راه بنقعد انا اللي انشيل فيك الاي مكان تبيه سندس:وعليش درتلي سيارة امالا سراج:درتلك سيارة الاوقات الضرورة بس اما شيلك وجيبك هذا مسؤوليتي انا سندس:عليك صماطة 😒 سراج:والله هذا اللي عندي ياحلوة مراتي وحبيبتي مسؤولة مني انا وبعدين انا نقعد فرحان لما تقعدي جنبي وشايلك المكان سندس:ياساتر سراج:وحق ربي هي سندس ابتسمت:خلاص صدقتك وكملو وكالهم """""""""""""""" #عند_رويدة في المستشفى وكل مرة جايها حد ايزور فيها واشوي جت اسيل اللي زعلت وتاثرت بعد عرفت ان رويدة نزلت البيبي وحست بالذنب وجت بتزور رويدة وتطمن عليها واتاسف عاللي صار بس اول ما خشت ومعاذ شافها عصب وغمتله منها معاذ بعصبية;انتي شن جاية تبي هنا مش ساد كل اللي درتيه أسيل تبكي:معاذ اسفة ماكنت عارفة بتوصل هنا معاذ بعصبية:اطلعي برا ساد كل اللي درتيه واللي وصلتينا له رويدة:لا معاذ مش هكي اسيل قعدت تبكي وطلعت تجري ومروة جت بتلحقها بس معاذ منعها رؤوف كان جاي بيزور رويدة بعد امه حكتله اللي صار وهو خش للمستشفى بسيارته طلعت قدامه وحدة وكان قريب يخبطها وعلي اخر لحظة وقف السيارة ونزل بيشوف لو صارلها شيئ رؤوف نزل:معليش ياانسة والله طلعتي قدامي فجأة ان شاءلله بس ماانكون عوقتك أسيل كانت تبكي بحرقة ورفعت راسها وشافت الرؤوف وهنا رؤوف جاته الجمدة وقعد ايشوف الاسيل ومصدوم """"""""""" سراج وسندس كملو الغداء وجو بيطلعو مع جية رسالة السراج ولما فتحها لقاها من رقم وكان مكتوب فيها(أفتح النت واستقبل اللي ايجيك عشان تعرف الهانم مراتك في شنو ادير من وراك) سراج ارتبك مالرسالة وفتح النت وهنا كانت الصدمة جنه قريب خمس صور السندس من رقم غريب وفي النهاية كاتبله (هذي مراتك الحلوة اللي انت اتحبها وادلع فيها وهي تستغفل فيك ودايرة علاقة معايا وادزلي في صورها ولو مش مصدقني اكتب الرقم عندها وحتطلع مسجلته دودي والله مسكين واجعني انت بس تعرف مراتك طررررف ياعوينك بيها) سراج----- #يتبع قولكن شن قصة الصور ومن اللي دزهن وشن رد سراج وكيف حيصرف مع سندس وشن رد سندس عالكلام هذا وكيف حيكون ردها علي تصرف سراج 🤔 اما رؤوف شن قصة اسيل معاه ووين يعرفها وهل هي تعرفه او لا وهل حيكون لقاء فيه خير او شر الهم 😕 أما فيصل وبعده عن رانيا حيكون في محله وهذا القرار الصح او ان ارتكب اكبر غلط في حياته 😔 اما معاذ ورويدة واخيرا تخلصو من شبح لينا وحيعيشو حياة متريحة وخالية مالهم زعمك صح ولا حنديرلهم انا شيئ اخرى😂 بنات والله تأخرت لان افكاري متشتته مش عارفة ليش😭 هذا شيئ من امس وانا نكتب ونمسح وان شاءلله بس الحلقة تعجبكن🤲😔 أسفة لو فيه لخبطة في الأسماء وأكيد رايكن ايهمني😉 گـتـابـتـي Koka Saleh #مـنـحـرف_وأحـبـبـتـه الـحـلـقـة (43)(الجزء الأول) گـتـابـتـي #Koka_Saleh """"""""""""""""""""""""""""""""""" اسيل قعدت تبكي وطلعت تجري ومروة جت بتلحقها بس معاذ منعها رؤوف كان جاي بيزور رويدة بعد امه حكتله اللي صار وهو خش للمستشفى بسيارته طلعت قدامه وحدة وكان قريب يخبطها وعلي اخر لحظة وقف السيارة ونزل بيشوف لو صارلها شيئ رؤوف نزل:معليش ياانسة والله طلعتي قدامي فجأة ان شاءلله بس ماانكون عوقتك أسيل كانت تبكي بحرقة ورفعت راسها وشافت الرؤوف وهنا رؤوف جاته الجمدة وقعد ايشوف الاسيل ومصدوم """"""""""" سراج وسندس كملو الغداء وجو بيطلعو مع جية رسالة السراج ولما فتحها لقاها من رقم وكان مكتوب فيها(أفتح النت واستقبل اللي ايجيك عشان تعرف الهانم مراتك في شنو ادير من وراك) سراج ارتبك مالرسالة وفتح النت وهنا كانت الصدمة جنه قريب خمس صور السندس من رقم غريب وفي النهاية كاتبله (هذي مراتك الحلوة اللي انت اتحبها وادلع فيها وهي تستغفل فيك ودايرة علاقة معايا وادزلي في صورها ولو مش مصدقني اكتب الرقم عندها وحتطلع مسجلته دودي والله مسكين واجعني انت بس تعرف مراتك طررررف ياعوينك بيها) سراج بعصبية:من ولد الكلب هذا سندس بصدمة:شن فيه سراج😳 سراج:هي اطلعي سندس:شن صاير كنك معصب سراج بعصببة وصوت عالي:قتلك هيا اطلعي سندس معش فهمت شن صاير وطلعت معاه وركبو في السيارة وسراج معصب عالاخر وماحكش شيئ وولع السيارة وكان في سرعة جنونية وسندس مش فاهمة شيئ وكل اللي جا في بالها انها ممكن اتكون مشكلة في الشغل وصلو للفيلا وسراج درس السيارة تدريسة غريبة ونزل وخبط باب السيارة بقوة وسندس اتشوفله ومش فاهمة شيئ سراج بعصبية;هيا انزلي في شن ترجي سندس مستغربة من تصرفات سراج ومش فاهمة شيئ ونزلت وخشو للحوش سندس:تقدر اتفهمني كنك وليش تصرف هكي سراج:وين تليفونك سندس:في الشنطة بس شن دخل فوني عليش تسأل شن صاير سراج:توا نفهمو توا شن صاير وكر منها شنطتها وفتحها وطلع الفون (وزي ماقلنا سندس مااديرش في باسورد الفونها ابدا)المهم مسك فونها وفونه وكتب الرقم عندها وفعلا طلع مسجل #دودي😳 سراج بعصبية:تقدري يامدام اتفهميني الرقم هذا رقم من سندس شافت للفون:مانعرفش سراج:يعني مش رقم رويدة صاحبتك سندس:لا مش رقمها سراج بعصبية:وكيف مسجل الرقم عندك وباسم صاحبتك سندس:الرقم مش انا مسجلته سراج بعصبية:كيف مش انتي واهو مسجل عندك وبرقم صاحبتك سندس:انا لما انسجل رقم ضروري ماانحط جنبه سمايل وهذا مافيش جنبه شيئ معناها مش انا سراج:ياسلام تضحكي علي فرخ صغير انتي سندس عصبت:جو للمشكلة ماعنديش بتحكي شن فيه ولا لا سراج:وعندك عين بعد اللي درتيه اتعصبي واتهزبي اخرى سندس لفت ايديها علي بعضهن;وشن درت ان شاءلله سراج;توا انوريك يامدام يامحترمة ياللي ماتحكيش الا عالاخلاق سندس:بلا هزوة وقول اللي عندك سراج فتح عالرسائل والصور ومدلها الفون سراج بعصبية:اهو يامدام هذينا صورك وهذا الرقم اللي دازهن مخزن عندك انكري انك تعرفيه توا(وكانن صورتين في الجامعة وثلاث صور في فرح رويدة) سندس بصدمة:من هذا وكيف وشن طبب صوري عنده سراج:لا يا زيدي مثلي وديري روحك ماعندكش العلم سندس:والله مانندري ولا نعرف هذا من سراج بعصبية وصوت عالي:لما بتكذبي اكذبي علي غيري مش انا الطروح هذينا كلهن حافظهن وباصمهن بصم سندس بعصبية:اي طروح سراج انت عارف كويس اني انا مانكذبش سراج:شنو نبي عشان ماتكذبيش سندس:لا مش نبي بس هذا طبعي وتهيالي انك عاشرتني وعرفتني كويس وعارف اني ماعمري كذبت عليك سراج ضحك بهزوة:صح عمرك ماكذبتي سندس بعصبية:بتبطل حركاتك المستفزة هذينا وبتفهم ان ماليش علاقة بالموضوع ولا لا سراج بعصبية:فهميني كيف مالكيش علاقة والرقم اللي جايات منه الصور مسجل عندك ليش تخدعي فيا انا شن درتلك هذا جزات الانسان اللي حبك اتخونيه بالطريقة البشعة هذي سندس بصدمة:اي خيانة هذي انا وحق ربي ماعندي فكرة بالموضوع بكل سراج بعصبية:ماعندكش فكرة باهي شن جاب الرقم عندك وكيف مسجل اذا مش انتي مسجلتيه من يقرب فيه تليفونك خاطيك انتي سندس:انا معاك فوني ديما عندي وماحدش ياخذ فيه بس والله ماعندي فكرة شن جاب الرقم عندي وانا والله ماانسجل في الارقام هكي اكيدة في سوء فهم سراج بعصبية:مافيش سوء فهم الرقم تعرفيه وحد اتحبيه ودازتيله صورك سندس بصدمة:سراج شن اتقول انت سراج بعصبية:انا عارف انك ماحبيتينيش بس ماكنتش عارف ان السبب لانك اتحبي واحد اخرى ياريتك حكيتي مالاول عشان ماحبيتكش وتغيرت عشانك سندس:سراج والله مافيه حد في حياتي انا عمري ماكانلي علاقة بحد قبلك سراج بعصبية:وهذا اللي كنت فاهمة انا وفاهمينه هلي وهلك بس طلعنا غلطانين ومخدوعين فيك لكن جا الوقت كلهم يعرفوك علي حقيقتك سندس بخوف:شن قصدك سراج سراج:توا بنكلم باتي وباتك ونحكيلهم كل اللي صار وانوريهم حقيقتك وهما بطريقتهم ينهو كل حاجة بينا وطلع وهو معصب وغامتله عالاخر سندس قعدت اتناديله سراج سراج بس سراج طلع وماردش عليها قمعزت عالكنبة وهي مش فاهمة شيئ ومش قادرة تستوعب اللي صار ولا قادرة اتفكر في من دار هكي وشن غرضه كل اللي كانت اتفكر فيه الفكرة الغلط اللي خذاها سراج عليها واكثر شيئ شغل بالها رد باتها واللي حيصير فيه لو شاف حاجة كيف هذي حتى وهي عارفة ان واثق فيها بس حتكونله صدمة قوية وبذات لما اتجيه من سراج وعارفة سراج بعد ايعصب معش يعرف يحكي خافت سراج ايقول الباتها حاجة اتزعله وايصيرله شيئ من وراها خذت فونها وقعدت اترن علي سراج بتقوله ايرد ايتفاهمو يوصلو الحل بس سراج قعد ايديرلها في مشغول وبعدها قفل فونه سندس هنا قلبها وقف وتمنت الموت ولا باتها ايصيرله شيئ من وراها وكملتها في الحوش تبرم وقاعدة علي اعصابها وهي مش فاهمة شن بيصير """""""""""""""""""""""""""""""""""" #عند_رؤوف رؤوف مازال مصدوم وايشوف الاسيل اللي تبكي بحرقة وقهر رؤوف مصدوم:مستحييييل أسيل شافتله وادموعها كانن ينزلن علي خدودها تلقائي رؤوف:انتي هي نفس البنت وبنفس الموقف اسيل مش فاهمة شيئ واتشوفله وادموعها مازال علي خدها رؤوف:من انتي وكنك تبكي أسيل هنا ماتحملش كلمة كنك(زي اي شخص ايكون موجوع وحد ايقوله كنك دغري ينهار😭💔) أسيل في اللحظة هذي انهارت بكى ومافطنتش الا وهي مرتمية في حظن رؤوف وتبكي ورؤوف هنا ماعرفش كيف يصرف الا ان يحظنها وايحاول ايهديها أسيل من كثر وجعها وانها من زمان فاقدة شعور ان حد ايحس بيها او يسألها كنك ماركزتش عاللي داراته بعد حوالي 5 دقايق وهي في حظن رؤوف وتبكي انتبهت الروحها وبعدت بسرعه وقعدت تمسح في دموعها رؤوف:شن صاير معاك أسيل:شيئ واسفة عاللي صار وجت بتمشي رؤوف طبس راسه;شكله حتى انتي متعبك الحب أسيل صبت ولفت عليه:مش شرط الحب ايكون سبب اوجاعنا مرات فراقنا من احبابنا ومرات احساسنا بالذنب تجاه الناس اللي اذيناهم رؤوف:من فارقتي أسيل:فارقت أغلى انسانة عندي وتوأم روحي اختي اللي ماعنديش الا هي في الدنيا ونزلو دموعها رؤوف:غريبة هالدنيا انتي سبب وجعك فراق اختك وانا سبب مأساتي في الدنيا خويا أسيل مسحت دموعها:اسمحلي انا تأخرت ولازم نمشي ولفت وبتمشي رؤوف:أنا حالم بيك أسيل لفت عليه وشافتله وهي مصدومة;كيف حالم بيا رؤوف:والله جيتي في حلمي كم مرة وبنفس اللقطة اللي توا الدرجة اني مش عارف توا انا في حلم ولا حقيقة أسيل مازال مش مستوعبة الكلام اللي قاعدة تسمع فيه رؤوف:انا متاكد ان اللي قاعد ايصير مش صدفة فيه شيئ مش طبيعي اسيل:صح فيه شيئ مش طبيعي عشان حتى انا برغم اني عمري ماشفتك بس حاسة روحي نعرفك من زمان رؤوف:فيه اسئلة واجد ايدورن في راسي ونبي اجوبتهن أسيل:شن هنا رؤوف:انتي من وشن اسمك وبنت من وليش شفتك بنفس الوضع اللي انشوف فيه في حلمي أسيل:توا مش حنقدر انقول شيئ الواحد اول مرة انشوفه بس لو الصدفة تكررت وشفتك مرة اخرى نوعدك نحكيلك كل حاجة عني لان في اللحظة هذي حيكون للقدر كلمته رؤوف:بس انا هكي مش حنتريح لازم نعرفك من أسيل:خليها زي ماقتلك احسن رؤوف:ماشي اللي اتريحك أسيل:سلام توا ومشت ورؤوف قعد ايتبع فيها بعيونه لين ركبت في سيارتها ومشت وهو رقى الرويدة وهو الف سؤال في راسه ومش قادر يستوعب اللي صار """""""""""""" رانيا كيف خشت للحوش ولقت باتها وامها ورنا مقمعزين في الصالة ويرجو فيه عشان ايتغدو رانيا:خير الكل:خير رنا:باهي اللي جيتي عشان انتغدو بابا سكر راسه ماناكلو لين اتجي رانيا:نجيلي بابا ياربي سمية:وين طولتي اليوم رانيا:اليوم مغيرين المشرف وكنا انورو فيه في الشغل اللي فات سمية:باهي خشي غيري ادبشك علي ماحطيت الغداء وانتي يارنا الحقيني عشان اتوتي معايا رانيا:حاظر وجت بتخش الدارها عشان اتغير دبشها ورن فونها وكانت سندس رانيا:اهلين ياحبي سندس:اهلين رنوشة رانيا:شن جوك سندس:مش تمام بكككل رانيا بخوف:شن فيه شن صاير معاك سندس:رنوشة محتاجتلك بكل كان تقدري اتجي تعالي نبيك رانيا:حاظر ياقلبي بس انتي وين قاعدة سندس:انا في حوشي رانيا:خلاص اشوية وانكون عندك وسكرت رانيا:بابا بناخذ سيارتك ونمشي الدوسة مش عارف شن صاير معاها وتبيني توا ضروري بات رانيا:باهي يابابا خوذيها بس مش كان اتغدي قبل رانيا:لا يابابا نمشي انشوف كنها قبل بات رانيا:باهي بس طمنينا عليها وحاولي مااتخأخريش رانيا:حاظر وخذت المفتاح من باتها وبتطلع بسرعه سمية جت جايبة الصفرة سمية;تي وين ماشية اخرى تعالي تغدي رانيا:توا يحكيلك بابا وطلعت بسرعة سمية:شن فيه البنت كنها بات رانيا:كلمتها سندس وقالتلها نبيك ضروري سمية:غريبة ان شاءلله خير بات رانيا:ان شاءلله جت رنا جايبة صفرة المشروب وقمعزو ايتغدو "'''''''''""""'"""""""""""" رانيا في 10 دقايق كانت مدرسة قدام حوش سندس ودقت وسندس فتحتلها رانيا بخوف:كنك شن صاير معاك خوفتيني عليك سندس بحزن:ياما صار يارنوشة رانيا:تي شن فيه كنك خوفتيني سندس:خشي وانفهمك جوا وخشن البنات وقمعزن في الصالة رانيا:ها احكي شن صاير سندس بدت تحكيلها في اللي صار في المطعم وبعد ماروحو للحوش وحكتلها كلام سراج كله رانيا مصدومة:ومن الحقير اللي دار هكي وشن غرضه سندس:مش عارفة ومازال مش فاهمة شيئ من جهة انفكر الشخص هذا منين جاب صوري ومن جهة ثانية وهذي اللي محيرتني شن سجل الرقم في فوني وبأسم دودي رانيا:والله قصة غريبة سندس:بككل رانيا:ترا الرقم انشوفه في فوني بالك يقعد مسجل عندي سندس:اهو ومدتلها الفون ورانيا كتباته عندها وماطلعش رانيا:انا حنشوفه الرقم وحنمشي للشركة ونعرفه تبع من سندس بحزن:ياريت نقدر نعرفه من اللي بيخرب حياتي هكي رانيا:ماتزعليش ياقلبي كل شيئ وله حل سندس:اي حل وسراج ماعطانيش حتى فرصة اندافع علي نفسي وتوا ماشي البابا وانا خايفة بابا بعد ايشوف الصور اتصيرله حاجة رانيا: مااتخافيش انتي مش دايرة شيئ وبعدين عمو فرج واثق فيك ومش حيصدق اللي حيقوله سراج سندس:صح بابا واثق فيا بس واعرة لما ايجيه راجلي وايوريه صور جاياته وايقوله هذي بنتك وقدام عمو محمد اخرى والله تقهر شن بيكون رد فعله رانيا:يانا علي ياقلبي والبارد سراج هذا مافهمش ان القصة باينة لعبة سندس:مافهمش ولا عطاني فرصة انفهمه بس مرات انقول معاه حق راجل وواحد دزله صور مراته رانيا:بس هو المفروض عاشرك وعارفك كويس انك مستحيل اديري حاجة هكي سندس:هيتي من ايفهمة توا بس اللي قاهرتني ان من غير اي تفكير بيمشي البابا لو خلاها بينا وحتى لو بينفصل عني عادي بس بابا لا رانيا:جديات لو قرر تنفصلو اتوافقي سندس بعصبية:شن بندير لو هو فاهم اني خنته ويبي ينفصل واصلا اكيدة حيقرر ننفصلو لان قالها ليا و ماشي البابا عشان هكي رانيا:باهي خلاص حبي وسعي بالك وحتى لو انفصلتو المهم انتي عارفة روحك شنو وهو الخاسر في الاخير سندس:بس انا الكلام هذا انقول فيه من ورا قلبي انا انحبه يارانيا ومانبيش ننفصل عنه وقعدت تبكي رانيا انصدمت من بكى دوسة اللي عمرها ماتخيلت ان ممكن اتحب في يوم الدرجة تبكي لانها ماتبيش اتسيب سراج رانيا حظنتها:بطلي بكى ياحبي وسراج اكيدة بعد يهدى حيفهم ان فيه غلط في الموضوع وحيحاول يفهم سراج مش غبي ومستحيل علي سبة واحد او وحدة قاعد واضح ان بيخرب عليكم ينفصل عليك وهو ايحبك وتغير عشانك مش حيسبك غير حامق بس ولما يهدى حيجي يحكي معاك بهدوء ويفهم منك سندس تبكي:انتي مش عارفة سراج زي ماانا عارفته لما ايحط حاجة في عقله مستحيل حد ايغيرها له رانيا:باهي ياقلبي حاولي لما ايروح تحكيله انك اتحبيه للدرجة هذي مرات بعد يعرف ايغير رايه سندس تبكي:سراج لما ايجي اكيدة حيكون معاه بابا وعمو محمد وايكون مقرر ومتفق معاهم عالانفصال وبابا حيجي معاه عشان ياخذني وانا لما ايكون مقرر هكي مانقدرش نحكيله مانقدرش انزل كرامتي ونطلب منه ماننفصلوش رانيا:الحب مافيش كرامة سندس;انتي عارفة ان عندي انا كرامتي فوق من كل شيئ حتى الحب مش حنقدر نطلب منه نقعد معاه وهو امقرر ايسيبني مانقدرش رانيا:انا شفت سراج يوم الحفلة وشفته كيف باين ان ايحبك بكككل وانسان ايحب هكي مستحيل ايسيب الشخص اللي ايحبه مهما كان السبب وعندي احساس كبير ان مش حيحكي الحد عاللي صار سندس:تحكي سراج حاس روحه انهان بالحركة هذي وكل حاجة اتهون عنده الا اهانته رانيا;باهي توا انتي مقررة لو روح سراج ومعاه باته وعمو فرج مش حتحكيله انك اتحبيه صح سندس تبكي:اها حنخليه يفهم اللي يفهمه وبعدين بعد يعرف اني مظلومة حيندم عاللي داره كله رانيا:لكن لو صار زي ماانا قلت وماحكش الحد معناها هكي سراج ايحبك وانتي لازم تعترفيله بحبك له بالك يهدى وتلقو حل سندس:بس انا عارفة ان اكيدة توا حكالهم رانيا:ارجي لين ايروح وتوا نعرفو بس والله عندي احساس كبير ان مش حيحكي عشان هو لما حكى هكي كان معصب وبعد يهدى حيفكر في الموضوع بعقله وتوا يعرف انها لعبة من حد يبي ايفرقكم سندس تبكي:ياريت يارنوشة يفهم زي ماقلتي بس مشكلتي عارفته وفاهمة كيف ايفكر رانيا قعدت معاها قريب ساعة واتحاول اتهديها واطمنها وبعدها روحت وقعدت سندس في الحوش ترجى في رحمة ربي وترجى امتى ايجي سراج ومعاه باتها عشان ياخذها وفي نفس الوقت خايفة علي باتها اتصيرله حاجة لما سراج يحكيله """"""""""""""""""""""'" #عند_رويدة طلعوها مالمستشفى لانه حالتها قعدت اكويسة واول ما روحو للحوش وجو بيخشو معاذ:حبيبي قبل مااتخشي بنشيلك المكان ام معاذ:مراتك مازال تاعبة وين بتاخذها معاذ:بناخذها انوريها حاجة عشان تطمن رويدة:وين مكان بعيد يعني معاذ:لالا اهو خطوتين رويدة:باهي معاذ مسكها من يدها وشالها الحوشه هو ولينا وفتح الباب رويدة كانت خايفة ومش عارفة شن بتشوف معاذ:هي خشي ورويدة خشت معاه ولقت صور وكتب واوراق وهدايا وحاجات عرم محطوطات في علب وشكاير معاذ:شفتي حبيبي اني كنت مختارك انتي وكنت بنمحى كل الماضي رويدة:شفت معاذ قرب منها ومسك ايديها:حبي انا نبيك اتكوني انتي بس حاظري وماضيي ومستقبلي وكل شيئ في دنيتي رويدة نزلو دموعها:انحبك معاذ معاذ:وانا وحق ربي انموت فيك وعشاني معش تبكي وقعد يمسحلها في دموعها وبعدها حظنها زيين 😍وريدة دفنت راسها في صدره وزادت حظناته بعد اشوي معاذ بعدها معاذ مع ابتسامه عريضه علي وجه;هي حبيبي عشان اتريحي في سريرك رويدة ابتسمت:هي حبيبي وطلعو ومشو الجناحهم """"""""""""""""""""""""""" #عند_رانيا روحت الحوشهم ولما هلها سألوها علي دوسة قالت انها كانت مريضة اشوي وقعدت معاها وبعد قعدت كويسة روحت وشربت قهوتها مع هلها وبعدها خشت الدارها بتريح من يومها المتعب واول ماخشت للدار وغيرت دبشها وجت تمددت علي سريرها واول ماحطت راسها علي مخدتها دغري جا في بالها فيصل وقعدت اتفكر ليش دار هكي هل لان زعل منها ومعش بيشوفها هل هذا رد فعله لانها رفضاته وهل هو كرهها مية تفكير جا في راسها وفي لحظة قمعزت فجأة ومسكت فونها وقررت اترن عليه وتعرف ليش سيب الشغل حطت علي رقمه واتصلت بس الصدمة الها كان مقفل استغربت واجد وفتحت نت بتشوفه ممكن فاتح ولما شافاته لقاته اخر ظهور امس الصبح قلقت واجد ومعش عرفت وينه او ليش ايدير هكي وحطت راسها عالمخدة وهي كل تفكيرها في فيصل """""""""""""""" #الساعة 8 في الليل سندس قاعدة علي اعصابها ومش قادرة تصرف او ادير شيئ فكرت اترن علي باتها واتجس النبض اذا عارف او لا وبعدها خافت ولغت الفكرة وجتها فكرة تتصل بامها عساس تطمن عليهم ولو سمعو اكيدة امها عارفة ومسكت فونها واتصلت وسعاد ردت سعاد:اهلين دوسة شن اخبارك سندس:تمام ياماما شن اخبارك انتي واخبار بابا سعاد:كويسين الحمدلله اهو قاعدة انوتي في العشاء باتك طالب عصبان شن رايك اتجو انتي وسراج اتعشو معانا سندس:لالا صحة سراج عنده شغل مش قاعد سعاد:خلاص توا انعقبلك قرعتكم بكرا وانتو مروحين تعالو خوذوها فرج:مازال هالعصبان اللي شعفتينا عليه سندس:بابا قاعد في الحوش سعاد:قاعد اليوم ماطلعش بكل قال تاعب اشوي سندس بخوف:كنه ياماما سعاد:ماكنه شيئ مااتخافيش غير راسه صداع كلمت الدكتور فؤاد جارنا جا قاسله الضغط لقاه مرتفع اشوي وقاله اليوم تريح سندس:ليش ماكلمتيني قلتيلي سعاد:عليش بنكلمك قتلك كويس سندس:اليوم كان روح سراج بدري انجيكم وكان هذا بكرا مالصبح تلقوني عندكم سعاد:والله يادوسة مااتعبي روحك راهو كويس غير اليوم تريح عشان نطمن عليه بس سندس:اللي هي لازم انجي انشوفه سعاد:ييي اخر مرة عاد انقولك حاجة والله باتك لو يعلم اني قتلك وفجعتك هكي ايتعارك معايا اصلا من بدري ايقولي ماتحكيش الدوسة توا تنشغل لكن انا كيف امتاع بلح جليانه ماتندس في فمي حاجة سندس:وكان ماقلتولي بنتكم الوحيدة المن بتقولو سعاد:المهم بعد اتجي مااتقوليش الباتك انا حكيتلك سندس:باهي سعاد:خلاص انا بنسكر خير ماباتك ايتركب فيا علي هالعصبان سندس:باهي ماما سلام سعاد:سلام وسكرت سندس لما سكرت تأكدت ان سراج ماحكش شيئ الباتها بس كان السؤال هو وين لعند توا وليش ماحكش الهلها زعمك زي كلام رانيا لان ايحبها ولما ايروح حيتفاهم معاها ويوصلو الحل قعدت في حوشها وهي الف تفكير وتفكير في راسها وعالساعة 10 روح سراج وخش للحوش ولقى سندس مقمعزة في الصالة ماقالش حتى خير ودغري رقى الداره سندس اضايقت من تصرفه بس بعدها قررت اتصبي وتحكي معاه واتقوله كل حاجة في قلبها لانها تعبت من تخبايها الحب سراج صبت ورقت فوق وخش للدار لقت سراج ايلم في دبشه مالدار سندس:في شنو ادير سراج:شوفة عينك انلم في دبشي 😒 سندس:عليش هكي سراج لف عليها:يعني مش عارفة اللي درتيه حظرتك سندس:سراج انا والله مادرت حاجة والله اللي داز الصور غرضه بس ايفرقنا سراج:باهي من هذا وليش بيفرقنا سندس; مش عارفه بس خلينا انفكرو مع بعضنا اكيدة حنعرفو سراج:مافيش شيئ نعرفوه والرقم مسجل عندك لنفرض ان حد جايب صورك من اي مكان او باي وسيلة باهي كيف الرقم اسجل عندك سندس:والله مش عارفة بس اكيدة كيف ماوصل الصوري وصل الفوني وسجل الرقم سراج بعصبية;سندس انا مش فرخ تحكيلي هكي وتكذبي عليا سندس:سراج انا والله مانكذب عليك ولا عمري كذبت بكل وانت عارفني سراج بهزوة:عارفك بكككل😒 سندس:بلاش حركات مستفزة انت لازم اتصدقني سراج:وليش لازم انصدقك ان شاءلله سندس:لاني انا مانكذبش سراج بعصبية وصوت عالي;انتي تكذبي واكبر دليل ان لما حاولت انقرب قلتي انك مريضة وانا من اول يوم اكتشفت انك تكذبي وشفتك اتصلي بس ماحبيت نحكي ولا نضغط عليك وخليتك براحتك قلت ممكن خايفة او مازال ماحبتني بس توا عرفت انك درتي هكي عشان اتحبي واحد اخرى سندس انصدمت لما عرفت ان سراج عرف كذبتها سراج بعصبية:انكري انك درتي هكي سندس: مش ناكرة بس والله هذي كانت اول كذبة نكذبها عليك والله درت هكي بنتأكد من حبك والله حياتي مافيها غيرك سراج بعصبية:اللي كذب مرة يكذب عشرة بس ماتخيلتش انك ترفضيني عشان اتحبي غيري واهو باعك ليش درتي هكي ياسندس انا حطيتك في مكانه مافيش بنت وصلتلها معايا تي انا عشانك تغيرت عشان بس انكون نستحقك لاني اكتشفت ان فيه بنت شريفة وفيه بنت صاينة نفسها وروحها غالية عندها وعمرها مارخصتها حبيتك وحبيت ادبك واخ حترامك وانتي اتفاجئني بانك رخيصة زيك زي كل البنات يااخسارة ياسندس سندس انصدمت من كلام سراج سندس بعصبية:انت كيف تحكي عليا هكي انت عارف كويس انا شنو انا عمري ماكنت رخيصة ولا نرضى انكون هكي سراج بعصبية:لا انتي هكي طلعتي كيفك كيفهن مافيش فرق كلكن زي بعضكن يااخسارة حبي لكي سندس بعصبية:انا مانسمحلكش اتقول هكي واتهيني انا سكتتلك واجد بس لعند هنا واستوب صح فرحت لما عرفت ماحكيت شيئ الحد بس بعد كلامك هذا انا اللي مستحيل عاد نقعدلك فيها وجت بتمشي وسراج مسك يدها سراج ماسك يدها بقوة:لا ياحلوة مش بجوك تطلعي من حياتي هكي قبل مانعرف الشخص اللي تعرفيه وفلضلتيه عليا هذا من سندس اتحاول اتفك يده لانها وجعها سندس بعصبية:اعرفه بروحك انا معش قاعدة معاك هنا سراج بعصبية وزاد ضغط علي يدها:تي مافيش طلاق ولا فيه طلعوع من هنا لين نعرفه مش انا اللي ننخان بسهولة انا البنات ايموت ويقضن ليلة معايا والبنت اللي تعرفني اتحرم بعدي اتعاشر راجل وجاية انتي اللي عطيتك قلبي وكل حبي اتخونيني هكي وتبي تطلعي بالساهل لا مش انا اللي انديرها وهنا كلمتين تبي تطلعي من هنا حنحكي كل حاجة الهلي والهلك وكل الناس وحنقول انك رفضتي انقرب منك ونحكي عالصور والرقم اللي مخزن عندك وانقوللهم ان هذا كله عشان حبيبها وبرضو مافيش طلاق لين انا نعرفه وناخذ حقي منك ومن هلك ثالث ومثلث وبعد كل هالكلام حنشوفو باتك وامك شن حيصير فيهم بعد يسمعو علي بنتهم الوحيدة الكلام هذا لكن لو قعدتي لين نعرف هذا من وناخذ حقي منه نوعدك مانحكي الحد شيئ وانطلقك بس الفرق الطلاق حيكون بكل هدوء بحجة ماتفاهمنش بس لازم نعرف من اللي فضلتيه عليا قبل سندس بالم:والله مافيه واحد وحق ربي مانعرف حد سراج:خلاص لو واثقة مافيش حد خليني انتأكد بروحي وبعدها انطلقك عشان انا بروحي قرفت منك ومعش نبيك سندس لما سمعت هكي حست بألم قلبها اكثر من الم ايديها اللي ضاغط عليها سراج بس حاولت ماتضعفش قدامه واتبان قوية سندس:ماشي سراج موافقة بس مش لاني خايفة ماللي بتحكيه لاني بنثبتلك اني مانعرفش حد وان كله ظلم بس بعد اتأكد حنطلق لان بعد كلامك هذا مستحيل نقعد معاك سراج سيب يدها:ولا انا عاد نبيك خلاص كرهتك كرهتك وقعدتي كيفك كيف غيرك سندس بعصبية:ماحد كيف حد ولا انا عمري قعدت كيف الرخاص اللي تعرفهم انا اشرف منك ومنهن كلهن سراج بهزوة:واضح بكل بأمارة الصور سندس بعصبية:لو خذيت ادبشك اطلع معش عندي نية لا نسمعك ولا انشوفك سراج:وبالك انا اللي عندي نية انشوفك او نسمعك مسيبها لكي كلها اقعدي فيها وطلع مالدار وطلع مالحوش كله سندس اول ماطلع سراج خبطت الباب وراه وقمعزت وقعدت تبكي وتبكي بكل الم وحرقة مش مستوعبة كلام سراج معقولة الحب اللي كان ايحبه الها تحول فجاة الكره معقولة سراج ايصدق شيئ زي هذا عليها كانن ادموعها حارة وقلبها مجروح وتمددت علي سريرها وقعدت تبكي لين تعبت من كثر البكى ورقدت """"""""""""""""" صباح يوم جديد وعت سندس وهي عيونها منتفخات من كثر البكى صبت خذت دوش وطلعت لبست وبعدها طرحت الصلاية وقعدت اتصلي في الصبح ودعت واجد ان ربي ايفرجها عليها وايريح قلبها وبعد كملت صلاتها صبت عالمراية وحاولت ادير ميك اب خفيف يخفي اثار البكى وطلعت مالدار ومشت الدار سراج عساس بتوعيه الشغله بس تفاجئت ان مش في الدار وان السرير مازال ملموم زي ماكان امس يعني سراج مش بايت فيه نزلت دوراته لوطه مالقاتش ولا لقتله اثر في اي مكان ان راقد فيه فعرفت ان مابتش في الحوش بكل تنهدت تنهيدة من وسط قلبها وخشت ادير في قهوة اتصحصحها لان راسها مازال مصدع من بكى امس وتت قهوتها وخذتها وطلعت مالمطبخ وخشت الدار المعيشة وقعدت تشرب فيها مع دقت الباب صبت بتفتح تحسابه سراج ولما فتحت لقتها عفوفة عفاف:صباح الخير دوسة سندس:صباح الخير اعميمة عفاف:توا غير وعيتي سندس:من نص ساعة هكي عفاف;باهي وتيتي ادبشك سندس:اي دبش عفاف:كيف اي دبش ماهو بنمشو للمزرعة توا كيف ماحكالك سراج سندس:لالا محكاليش عفاف:غريبة هو صاحب الفكرة ان نمشو للمزوعة منها جو ومنها اتشوفها تولي واتشوف الطبيعة نحسابه متفق معاك سندس:لالا سراج ماحكالي شيئ عفاف:عادي اكيدة انسي اصلا مالصبح طالع ايجهز للمشية سندس:اها تمام عفاف:دبينك مازال ماوتيتي ادبشك هيا انساعدك بيش انكملو بسرعه سندس:لالا اعميمة انا ماعنديش جو للمشية عفاف:الستر ليش ماتبي تمشي معانا سندس:حاسة روحي تاعبة ومانقدر نمشي عفاف:لا وراسي عندك تمشي ولو مامشيتي انتي معانا والله ماني ماشية سندس:راسك غالي عندي اعميمة بس والله تاعبة ومش قادرة عفاف:انا حلفت كان ماتمشي ماني قاصتها سندس بقلة حيلة:حاظر اعميمة حنمشي معاكم عفاف:معناها هي سلم بنيتي انوتو ادبشك عشان انكملو بسرعة سندس:هي ومشت مع عمتها وهي قلبها موجوع وواجعتها ان سراج بدى يستكرد فيها هكي وماكان في خاطرها تمشي بس عمتها اصرت عليها وماتبي اتزعلها وتت الدبش هي وعفوفة ولبست (جينز ازرق وعليه بلوزة بيضة وجاكة جينز ازرق وكاويش ابيض ووشاح ملون وشنطة بيج)وطلعت مع عمتها بس لما طلعت شافت سراج مروح وجايب معاه حاجات الرحلة بس الصدمة ان كانو هو وتالين طالعين مع بعضهم بيجيبو الحاجات في اللحظة هذي حست بإهانة كبيرة بس ماحبت اتبين ولا تحكي قدام حد وتعاملت مع الوضع كأنها ماشافاتش بكل 💔 وبعد اشوي ركبو كل حاجة في السيارات وطلعو وجت سندس ركبت مع سراج من قدام وسراج لما جا للسيارة ولقاها قلب وجه 😒 سراج;تولي مكانك معايا هنا راه تاالين:عارفة سيرجو اهو جاية وجت وركبت معاهم من لاورة وعمو محمد ومعاه عفوفة مشو في سيارتهم سندس طبعا ماعجبتها اللقطة اللي دارها سراج بس لانها متعاركة معاه اضطرت تسكت وخلاص وطبعا سراج كان طول الطريق تشفيط واتهدريز هو وتالين ولا كانه سندس موجودة وسندس كانت تحرق وتغلي من جوا مقهورة ومش قادرة اتبين وماتبيش سراج يعرف ضعفها وحبها له لان كرامتها عندها اهم مالحب 💔 #يتبع في الجزء الثاني ما الحلقة 43 گـتـابـتـي Koka Saleh #مـنـحـرف_وأحـبـبـتـه الـحـلـقـة(43)(الجزء الثاني) گـتـابـتـي #Koka_Saleh """""""""""""""""""""""""""""""""""""""" #وصلو_للمزرعة ونزلو الكل وبدو الخدم اللي في المزرعة اينزلو في الحاجات اللي جايبينهن عفاف:دوسة وتولي تعالن انوري كل وحدة فيكن دارها عشان اتحطن دبشكن فيهن ومشن معاها وكانت فيه دار فيها سرير شخصين وكبيرة هذي عطتها الدوسة وسراج وخلت سندس اتنظم في دبشها فيها واما الدار لخرى كانت التالين وبدت حتى هي اترتب في دبشها فيها وكانن الديار جنب بعضهن اما دار عفوقة وعمو محمد فكانت في الطابق الارضي ومشت حتى هي انتظم في دبشها ودبش راجلها فيها وبعد حوالي ريع ساعة طلعن البنات وعفوفة من جوا لقن سراج وعمو محمد مقمعزين مع بعضهم تالين لما نظمت دبشها لبست(بلوزة سودة كم بس من عند المرفق والصدر مشبكة ولابسة عليها جينز ازرق وكاويش اسود وطبعا ماكانت متحجبة فكانت طالقة شعرها الذهبي وكان قصير ومدايرتله مساكة علي هيئة وردة صغيرة في شعرها مالجنب وكانت حلوة واللون الاسود عاكس عليها بككل😍) سراج اول ماطلعت تالين شافلها وابتسم سراج غمزلها:وين عالطرحات تولي تالين تمايلت وحطت يدها علي خسرها:شن رايك سيرجو سراج:لنقنك طرف أطلع طووول سندس في اللحظة هذي اضايقت بس مابتش تضعف ومابتش اتعدل عليه بس كانت نار في قلبها سندس:عمو مش فيه خيول هنا بنمشي انشوفهن محمد:اهو سراج بيمشيلهن توا ياخذك معاه سندس;لا عمو بنمشي معاك انت اصلا بابا حاكيلي انك احسن واحد يركب عالخيل محمد ضحك;الكلام هذا زمان توا كبرنا سندس:اي كبرت والله اللي ايشوفك ايقول عمرك 30سنة محمد يضحك:سراج علمك الطروح شكله سندس:لا عمو معقولة والله نحكي في الصدق محمد:انبصر ياهبله هي انتي وعفوفة وتالين انوريكن الركوب عالخيل شن شكله سراج:لا تالين خلوها بتمشي معايا انا بس مش توا مازال بنهدرزو اشوي وبعدها نمشو عفاف اتفنص في سراج وتبيه ايتحشم سراج ماعدلش بكل وقاعد ايهدرز مع تولي محمد:باهي براحتكم هي يادوسة ومشو وعفاف قعدت اشوي وخذت سراج علي جنب عفاف:شنو الحركات اللي ادير فيهن قدام مراتك سراج:وشن درت عفاف;هذا كله وشن درت ماتسمعش في كلامك مع تالين ومغازلتك الها قدامها ولا توا اتقول بنقعدو انا وتالين انهدرزو شنو الحركات هذينا انت كنك شن صايرلك سراج;ماصايرلي شيئ وبعدين تالين زي اختي وكلكم عارفين وحتى هي عارفة وشفتيها بروحك مش متكلمة ولا معدله عالموضوع محمد بصوت عالي:عفاف هي كان بتمشي معانا عفاف:هي جايتكم وانت ياسراج حسابك معايا بعدين ومشت وسيباته سراج رد وقمعز مع تولي وماعدلش علي كلام عفوفة بكل وكملها هو وتولي اتهدريز وضحك والحياة حلوة """" وصلو دوسة وعفوفة وعمو محمد المكان الخيول ووراهن عمو محمد الحصان امتاعه وطلعه وركب عليه وسندس كانت اتحب الخيول فكانت منسجمة مع الوضع وعفوفة تحكيلها علي عمو محمد ايام شبابه وكيف كان احسن واحد يركب خيل بعد اشوي جا عمو محمد وركب سندس معاه وكانت فرحانة ومنسجمة لانها كانت اول مرة تركب بعد اشوي جا سراج ومعاه تالين وطلع الحصان متاعه وركب تالين وركب وراها وقعدو يدهورو بالحصان وتالين فرحانة وتضحك وسراج منسجم عالاخر وهذا كله كان قدام سندس واتشوف فيهم واضايقت سندس:عمو انا بننزل محمد:حاظر انزلك وانركب عفاف كان بت سندس:توا نقنعها انا محمد وقف ونزل بينزلها لكن النزله كان فيها صعوبة ولما نزلت علق كراعها في عدة الحصان وطاحت محمد دغري نزل بيشوف كراعها وعفاف جتها من غادي تجري واتعيط سراج قعد ايشولها من بعيد وخلاص تالين:انزل شوف شن صارلها سراج:لالا فوتي مايبي ايصيرلها شيئ عفاف:حي عليا وريني شن صارلك سندس:ساهلة اعميمة محمد:شنو ساهلة اهي ركبتك ادمم سندس:والله جرح سطحي وبسيط توا نمشي للمزرعة وانديرله مطهر وانحط عليه لسقه يقعد تمام عفاف:باهي هيتي يدك عشان انوصلك محمد:لالا غير قمعزيها هنا اشوية توا انجيب السيارة وانوصلها بيها للمزرعة ماتمشيش هكي سندس:عمو والله ساهلة ماتستحقش هذا كله محمد:خلاص بنجيب السيارة كلمة وقلتها وعدى عمو محمد ايجيب في السيارة وسندس ساعدتها عفوفة لين صبت وقمعزتها علي كرسي مع جية تالين تالين:شن صار عمتو سندس كنها عفاف:طاحت مالحصان تالين:سلامتك ان شاءلله ساهلة سندس بدون نفس:لا ساهلة 😒 تالين:تبي مني حاجة عمتو انساعدكم في حاجة عفاف:سلامتك تولي تالين مشت السراج بس هالمرة كان نازل مالحصان ومشو ايتفرجو علي باقي الخيل في الاسطبلات عفاف:دوسة عارفة مش وقتها بس انتي وسراج باين انكم متعاركين صح سندس:اها عفاف:انا مانبيش ندخل وانقولكم كنكم بس انتي لو حابة تحكيلي احكيلي ومرات نلقالكم حل يرضيكم انتو الاثنين سندس:معليش اعميمة انا توا مش قادرة نحكي شيئ عفاف:براحتك لكن امتى ماتبي تحكيلي انا نسمعك في اي وقت وديما حتلقيني واقفة في صفك مش صف سراج سندس:والله عارفتك اعميمة مع جية عمو محمد جايب السيارة وروح بيها وسيبو سراج وتالين مع الخيول وروحو للمزرعة سندس داوتلها عمتها الجرح ووريحتها علي كرسي برا وماخلتهش اتحرك بكل وشربو القهوة مع بعضهم وبعد اشوي بدا عمو محمد ايجهز للشوايات وفي اثناء التجهيزات جا سراج وتالين وبدو ايجهزو معاه وسندس وعفوفة مقمعزات وايخرفن بس دوسة كان عقلها كله مع سراج وتصرفاته مع تالين اللي كانن يقتلن فيها ومش قادرة اتبين واللي واجعها اكثر ان سراج شافها بعد ماطاحت وشافها وهي توا كراعها مش قادرة اتحركها وماجاها ولا سأل علي حالتها ومش مصدقة ان سراج وصل بيه الكره للدرجة هذي وكأنه شخص ثاني مش زي اللي عرفاته بكل ومصدومة فيه لان حتى ايام وهما ماايحبوش بعضهم ويتناقرو كان معاها احسن من هكي وكان يزعل لو صارلها شيئ سراج خذا من عمو محمد الشوايات وقعد هو وتالين يشوو وضحكهم واصل للكل الدرجة حتى عمو محمد لاحظ ان فيه شيئ مش طبيعي ايصير ورقتله من سراج بكل وكيف ايدير هكي قدام سندس وتن الشوايات وقمعزو الكل ياكلو مع بعضهم وسراج كان كل تصرف يقهر دوسة ايديره مرة ايوكل تالين ومرة ايغازلها وسندس كانت اتحاول اتمالك اعصابها وماتبيش اتبين غيرتها قدام سراج واتحاول تجاهل اللي قاعد ايصير قدامها كانن ملامحها عادية وباين عليهن الابتسامه اما قلبها من جوا والعة فيه النار🔥 بعد العشاء قمعزو ايخرفو كلهم وتالين كانت تحكي في مأساتها مع مرات باتها وباتها وخوتها اللي مش معتبرينها من عيلتهم بكل سندس حاولت اتعاطف معاها بس تصرفات سراج معاها وكيف مهتم بيها خلنها تكرهها بكككل عالساعة 11 دوسة وعمو محمد وعفاف نعسو ومشو بيرقدو وطبعا سراج وتالين قعدو مع بعضهم لان سهرتهم مازالت مطولة سندس خشت الدارها وهي حامقة بككل من سراج ومش قادرة تمنعه من اللي ايدير فيه ولا قادرة اطفي نار الغيرة اللي في قلبها قعدت طول الليل مصبية في الروشن واتشوف السراج وتالين من غير ماايشوفوها واتشوف في ضحكة وبصارته مع تالين الشيئ اللي خلاها اتحس ان سراج عمره ماحبها وطول الوقت يكذب عليها قعدت طول الليل وهي مصبيه في الروشن واتشوفلهم عند لما خشو مع بعضهم جت وقمعزت في سريرها ترجى في سراج ايخش للدار وكانت مقررة تحكيه معاه واتوقفه عند حده في كل حاجة ايدير فيها قدامها استنت 10 دقايق ترجى في سراج ايخش بس سراج ماخشش وفي اللحظة هذي كل اللي جا في بالها ان سراج خش مع تالين الدارها😱طلعت تجري وبدون خبط لا شيئ فتحت الدار علي تالين وانصدمت لما لقت تالين مقمعزة في سريرها وماسكة اللابتوب وفي الدار بروحها تالين بصدمة:شن فيه كنك سندس:معليش فتحت الدار هكي كنت بنسألك علي سراج وين مشى تالين:سراج سيبته تحت قال بيرقد في الدار اللي تحت سندس:اها تمام وجت بتطلع تالين:سندس انتو متعاركين سندس بنظرة عالجنب😒:لا جونا تمام وطلعت وخبطت الباب وراها زين اول مرة اتحس انها في صراع مع بنت في حاجة اتخصها واول مرة اتحس ان فيه بنت انتصرت عليها مشت الدارها وخشت السريرها ورقدت وهي دمعتها علي خدها 😢 """"""""""""""""""""""""" صباح ثاني يوم #عند_رانيا جت الشغلها وكانت فيه بلا عقل حتى كل اللي كانت تشتغل عليه غلط لان عقلها ماكان معاها كان في مكان ثاني هيثم:رانيا انتي كنك شغلك اليوم كله غلط شن صاير معاك رانيا:معليش اليوم تعبانه اشوي هيثم:خلاص عدي اليوم تريحي وبكرا تقعدي اكويسة اتجي رانيا:بس شغل واجد مانقدرش انخليه عليك كله هيثم:ماعليك معايا وسيم والمشرف مش حيقعد فيه ضغط وانتي تريحي وبعد تقعدي كويسة تعالي رانيا:بجديات اليوم لازمني راحة شكرا هيثم هيثم:العفو كلمت رانيا السواق عشان ايروح بيها وجاها وركبت معاه وطول الطريق كانت اترن علي فيصل مقفل وامس كله كانت اترن عليه برضو مقفل ونت مش فاتح من يومين كانت مشغوله عليه بكل لان الجو هذا مش من عادته وفي اللحظة هذي قررت تمشي للشركة واتشوفه رانيا:عمو شيلني الشركة-------عارف مكانها صح السواق:اها عارفة حاظر توا انشيلك وشالها ووصلها للشركة واول مانزلت وسألت علي فيصل قالولها ان واخذ اجازة مفتوحة خذت رقم حوشه مالشركة وطلعت اتصلت بالحوش وردت عليها ريان ريان:ايوا من معايا رانيا:هذا حوش فيصل ريان:لا هذا حوش ماما فيصل مازال مادارش حوش😒 رانيا:باهي فيصل قاعد ريان:لا فيصل له يومين ماايروحش هنا انتي من شن تعرفيه رانيا:انا صديقته لما ايروح قوليله يتصل بيا حبيبتي ريان:انتي متاع الكيكة صح 🤔 رانيا ضحكت:اها انا ريان:انا نعرف اسمك انتي رانيا صح رانيا:صح وانتي ريان ولا روان ريان:انا ريان😒ولما ايجي فيصل انقوله ايكلمك رانيا:باهي تمام شكرا ياحلوة 😘 وسكرت ريان:طلع فيصل مش ساهل وعنده معجبات ايكلمن فيه وداير روحه مؤدب😒ومشت تحكي في اللي صار الروان😂 """""""""""""" #في_المزرعة وعو علي صوت واحد جاهم ماكانش متوقع بكل (سماكم من😂) صالح ايعيط:سرااااااج سراااااااج سراج فتح الروشن وعيونه مغمضات:يافتاح ياعليم شن تبي اتعيط مالصبح صالح:منور يابرو انت وخالتي تدهورو من ورايا ليش ماكلمتوني مش قتلك بعد تمشو للمزرعة كلمني سراج: هذا عليش اتعيط مالصبح انسيتك ازف صالح:باهي اللي جيت للفيلا بالصدفة عشان نكتشف خيانتكم مع طلعت عفوفة عفاف:اهلا اهلا بصلوحة شن اخبارك صالح:كويس لكن زاعل منك عفاف بخوف:وليش يااصلوحة زاعل صالح:قتلك انتي وسراج لما تمشو للمزرعة بنمشي معاكم وجيتو وفتوني عفاف تضحك:حقك علي راسي وامس بس جينا ومازلنا قاعدين اهو لحقت علينا صالح:وين خالو محمد راقد محمد يضحك:اهو جيتك فيه واحد يسمع عياطك مالصبح ويرقد وسلم عليه صالح:تي المفروض تفرحو اول مرة نوعى بدري وخطرتو في بالي جيتكم في الفيلا الامن قالي انكم هنا محمد: واتقول فيها وفرحان اول مرة توعى بدري طيح والله سعدك انت وسراج فوله وانقسمت نصين سراج طلع:توا شن دخلني مااهو قعدت نوعى بدري ودرتلك كل اللي تبيه عليش مازال تحكي عليا محمد:مادرته لين قريب جلطتني تالين طلعت:صباحو☺ صالح صفر:تي من الطرف هذا محمد;صالح تحشم علي وجك وفكني من صياعتك هنا راه انلزك 😒 سندس طلعت:صباح الخير 😊 صالح:اه جا الصارووووخ لاخر قلبي الصغير لا يتحمل سراج شافله بالجنب😒 وسكت بعد هالجو والبصارة حطو الفطور وفطرو مع بعضهم واثناء الفطور رن فون سراج وكانت ام فيصل وسراج رد سراج:خير ياسلملم(اسمها سالمة) شن اخبارك ام فيصل:كويسة الحمدلله شن اخبارك انت سراج:تمام كويس ام فيصل:سروجه بنسألك علي فيصل له يومين ماروح للحوش مش معاك هو سراج بإستغراب:لا مش معايا انا بروحي ليا يومين ماشفتش ام فيصل:المشكلة ان قافل تليفونه وقلبي نار عليه ترا اسالي باتك بالك يقعد مسافر عشان الشغل ولا حاجة سراج حاظر توا نساله سراج:باتي مش داز فيصل في سفرة للشغل ولا حاجة محمد:لا والله امس في الصبح جا للشركة خذا اجازة مفتوحة وسألته عالسبب ماحكش وعطيتها له سراج:قال باتي واخذ اجازة مفتوحة ام فيصل:حي عليا العيل وين وشن صايرله شوفه ليا الله ايربحك ياسراج هو صاحبك واكيدة عارف وين يمشي سراج:حاظر والله حنشوفه لكي وان شاءلله ماايجي الليل الا وانا عارف مكانه ام فيصل:ان شاءلله واسمحلي علي هالاجعاز رانة عليك مالصبح سراج:لا عادي لافي اجعاز لا شيئ فيصل خويا ام فيصل:وانا عارفة هذا ليش كلمتك ومع السلامه توا وكلمني كان صار معاك حاجة سراج:حاظر وسكر وقعد ايفكر في فيصل وين ايكون مغطس ومختفي وشن سبب هذا كله وبعدها كملو الفطور وكل واحد قعد ايدير في حاجة عمو محمد وعفوفة مشو بيدهورو في المزرعة وسراج وتالين مقمعزين في سيارة سراج ويسمعو في الاغاني وسندس حاطه سماعات في وذانها واتحاول تجاهل سراج واللي ايدير فيه صالح مشى شور الخيل وبعدها روح صالح:سيرجو تعال نلعبو كورة سراج:ترا ملح ياعيل كورة صحيح صالح:شن فيها الكورة نوع من انواع الرياضة ويلعبو فيها لاعبين كبار مش العيال يامتخلف سراج:انا عندي يلعبوها الفروخ الصغار ومش لاعبها صالح:بارد مافيكش جو بكل😒 وجا قمعز عالكرسي جنب سندس صالح:في شنو يسمع الحلو سندس حولت السماعات;شن قلت صالح:قلت في شنو يسمع الحلو سندس:مادخلكش😒وردت حطت السماعات في ذانها صالح انصدم منها😳 وحس انها مالبنات الصعبات اللي الطريقة معاهن مش المغازلة والجو هذا وهو ايموت في النوعية المعصية هذي فحطها في راسه🤨 كانت سندس حاطة السماعات واتشوف السراج وتالين وكيف منسجمين وايبصرو مع بعضهم وفي لحظة نزلت تالين تجري مالسيارة وفي يدها فون سراج وسراج نزل يجري وراها ومسكها وقعد بياخذ منها الفون وهي قاعدة في حظنه سندس نبضات قلبها زادو ودمعو عيونها وصبت بتمشي واتوقف هالمهزلة بس في صوت داخلها منعها سندس:لا انا عمري ماانهين كرامتي عشان حد هو اختار الطريق هذي هو حر وهكي هكي نحن مش مكملين مع بعضنا لذلك مش داعي يعرف بحبي له خليني محتفظه بيه في قلبي بس والله نقهرك ياسراج زي ماقهرتني سندس:صالح تمشي ندهورو في المزرعة صالح وعيونه قلوب:اكيدة😍وطلعو من جنبهم وسراج كان مصدوم من لقطة سندس وكيف ماشية مع صالح ومبتسمة واتهدرز وقعد ايتبع فيها بعيونه لين اختفت من قدامه سندس طبعا الابتسامه والتخريف كان بس لما خطمت من قدام سراج ومن اول مااختفو قالت الصالح معش تحكي معايا وعلقت السماعات في ذانها😂وفاتاته بعد اشوي ردت سندس وصالح واول ماوصلو للمزرعة وشافت سراج وتالين دارت روحها تضحك معاه وتحكي الشيئ اللي خلى صالح يحسابها مطرشقة ومعش فهم شيئ🤔😂 مشى الوقت علي هالحال سندس قدام سراج دايرة روحه اتهدرز مع صالح عشان تقهره وسراج مش هامة الموضوع بكل وهايم مع تالين اما عمو محمد وعفاف مش عاجبهم اللي قاعد ايصير كله😡 مر اليوم بنفس الطريقة لعند الساعة 10 من بدري متعشيين وناهيين الموضوع تالين:وقت نسكافيه صح صالح:لنقنه وقته ومعاه حاجة حلوة عفاف:توا نمشي انقوللهم جوا ايديروه تالين صبت:لا عمتو بنمشي انديره انا عفاف:مافيش داعي اتعبي روحك توا ايديروه الخدم جوا سراج;مش حيديروه زي متاع تولي ياما شاربة منها بعد نقعدو في الفيلا بروحنا وغمزلها وقعدو يضحكو سندس😒 صالح:ناماحقيت شي ذوقونا تالين: توا انديره وعطوني رايكم فيه الكل:باهي سراج:ارجي تولي خوذيني معاك انساعدك فيه تالين:باهي هي سراج صبى ومسك تالين من يدها وخشو للمطبخ هنا سندش معش تحملت كل اللي قاعد ايصير وصبت بتحكي مع سراج وبتوقف المهزلة هذي واللي بيصير ايصير وخشت وجتهم في المطبخ سندس خشت ولقتهم بروحهم في المطبخ وايجهزو مع بعضهم وضحكهم واصل لعند برا سندس:سراج معليش نبيك بروحك اشوي تالين:خوذو راحتكم وطلعت سراج:كنك شن تبي😒 سندس;شنو اللي قاعد ادير فيه هذا ليش مش محترمني بكل سراج:نحترمك ليش انتي احترمتيني لما دزيتي اصورك سندس بعصبية:قتلك مادزيت شيئ الحد كيف تفهم انت سراج:صح انا مانفهمش وانتي مادزيتيش اصورك الحد بس شكلك عاجبك صالح واللي مادرتيش معايا ومع حبيبك لاخر بديريه مع صالح سندس فهمت قصده وهوب جاه كف سندس بعصبية:انت حقير وواطي وتفكيرك كله غلط ومشت وسيباته وهي حامقة عالاخر سراج عصب من سندس الدرجة كسر فناجيل القهوة اللي عالطاولة كلهن وجاته تالين تجري وقعدت اتهدي فيه بعد حوالي ربع ساعة جا سراج وتالين وجايبين النسكافيه ومعاه نوع حلو وكلهم خذو الا سندس مابتش ومقمعزة بروحها وجنبها صالح اللي ماصدق ضحكتله بعد ساعة هكي خشو عمو محمد وعفاف بيرقدو وقعدو الشباب بروحهم صالح:الحلو ليش زعلان سندس بلا نفس:شيئ صالح:انا نعرف كيف انرد ضحكة الحلوين اللي زيك وصبى من جنبها وعدى السيارته وجاب منها نوع شكولاطة من نوع راقي وفااااخر بكككل صالح:هذي ارقى انواع الشكولاطات الارقى بنت شفتها سراج كان عيونه علي صالح وسندس سندس شافت السراج ولفت خذتها من صالح سندس ابتسمت:شكرا 😊 صالح:مش قتلك نعرف اندرد ضحكة الحلوين سراج صبى:تولي حبي هي الدارك عندي معاك موضوع طويل وغمزلها 😉 تالين شافتله زييين سراج مسكها من يدها وصباها وخش بيها جوا ورقو فوق الدار تالين """"""""""""""""" #عند_سراج_وتالين في الدار تالين بعصبية:سراج تهيالي زودتها واجد سراج بعصبية:مازوددهش انتي شايفة مش معبرة الموضوع بكل قاعدة واضحة مااتحبنيش تالين:انا وافقتك عالخطة وساعدتك فيها ودزيت الصور زي ماقتلي وكله عشان اتاكد من حبها لكي وتاكدت واضحة البنت اتحبك سراج:مافيش شيئ ايدل علي حبها ليا بالعكس اهي قاعدة منسجمة مع صالح عالاخر تالين:تي اي صالح انا شايفة كل نظراتها بعد نقعدو مع بعضنا الغيرة بتقتلها امس ماشفتش كيف فتحت عليا الباب تحسابك معايا حرام عليك الحركات هذينا يقهرن سراج:وصالح اللي قريب نقتله وهو ايتقرب منها وهي راضية تالين:مش راضية بس هي اتحاول تقهرك زي ماتقهر فيها وهذا اكبر دليل علي حبها لكي سراج:باهي لو اتحبني ليش مااتجي اتقولها ليا تالين:انت ماعطيتهش فرصة كل اشوي اتزيد تقهر فيها حرام والله حرام هكي عذبتها راه من ناحية كل اشوي تحكيلها علي قصة الصور ومن ناحية اخرى اتشوف في حبيبها منسجم مع غيرها والله بحركاتك هذينا اتخليها تكرهك سراج بخوف:جديات تكرهني تالين:اها تكرهك وحتحس انك تكذب عليها ومااتحبهش سراج:وشنو اندير توا تالين:انزل لوطة وبينلها ان ماانديروش في شيئ سراج:باهي ونزل '""""""""""""""""""" سندس معش تحملت فكرة ان سراج مع تالين وقاعدين فوق وهي عارفة شنو ايديرو فقررت اتروح واتلم دبشها وتمشي الهلها وتحكيلهم كل حاجة واللي ايصير ايصير سندس:صالح عادي ناخذ سيارتك صالح:توا تبيها سندس:اها ومعليش نبيها ضروري وحتلقاها في الفيلا غادي صالح:تمام ماعنديش مشكلة اهو المفتاح ومده الها خذت سندس المفتاح وركبت في سيارة صالح وطلعت وماشية شور الفيلا بتلم دبشها واتكلم باتها ايجي ياخذها سراج نزل مالقش سندس رقى الدارها وفتح مالقهش ونزل بسرعة لوطى سراج:صالح وين سندس صالح:توا خذت سيارتي وقالت ماشية شور الفيلا سراج بعصبية:كيف تعطيها سيارتك مازال ماتعرفش اتسوق اكويس صالح:والله مانعرف انها مااتسوقش سراج مشى يجري السيارته ركب فيها وطلع قعد في الطريق ايدور فيها بس مالقهش لانها كانت تجري بالسيارة وصلت سندس لعند الفيلا ونزلت الحوشها وبدت اتلم في دبشها سراج وصل ونزل وخش الدارها لقاها اتلم في دبشها سراج بعصبية:انتي كيف اتجي لعند هنا في السيارة بروحك سندس بعصبية:مادخلكش بيا سراج:كيف مادخلنيش بيك مش حظرتك مراتي سندس:لا مش مراتك وتوا نبيك اطلقني معش بنعيش معاك سراج بعصبية:طلاق قتلك مافيش لين نعرف من اللي دازتيله الصور ولا تبي نحكي للكل وانفضح بيك سندس:احكي اللي بتحكيه مش هامني شيئ خلاص انا تعبت منك ومن تصرفاتك سراج:بالله عليك من اللي تعب من تصرفات لاخر سندس بعصبية:ارحمني انا معش نبيك كرهتك طلقنيييي طلقنيي واتعيط بصوت عالي سراج بعصبية:الكلمة هذي معش اتقوليها وطلاق لو اتموتي مش مطلقك سندس بعصبية:عليش عشان تقهرني اكثر وتقتلني كل اشوية باللي ادير فيه مع تالين وبعدين انت كيف جيت وسيبتها مش طلعت معاها عشان وقعدت تبكي سراج هنا انصدم اول مرة ايشوف سندس تبكي😳 سراج ارتبك:لو سمحتي معش تبكي اس دوسة الا انك تبكي سندس تبكي:انا مانقدرش انشوفك مع غيري انموت كل ماانشوفك معاها والله انموت 😭 سراج من بكى سندس كانن الدموع في عيونه وجا قرب منها وحظنها سراج:دوسة حلفتك بالله معش تبكي والله ماانتحملش انشوفك هكي والله قريب نبكي سندس زادت حظناته زين:انحبك انحبك سراج بعدها منه وبصدمة:شن قلتي😳 سندس تبكي:قتلك انحبك افهم انحبك سراج شالها وقعد يبرم بيها وفرحان وبصوت عالي سراج:انحبك انحبك انحبككككككك وبعد اشوي نزلها سندس تبكي:والله وحق ربي مادزيت صوري الواحد ولا فيه واحد في حياتي الا انت سراج قعد يمسحلها في دموعها:عارف انك مادزيتي الحد شيئ سندس بصدمة:كيف عرفت😳 سراج:نحكيلك بس اوعديني ماتزعليش سندس;نوعدك سراج:تذكري يوم اللي جيت بنقرب منك وقلتي مريضة اليوم هذكي طلعت وانسيت الفلوس رديت عشان ناخذ الفلوس ولما خشيت شفتك اتصلي عرفت انك كذبتي عليا وعرفت انك مااتحبينيش وقلت مش حنقرب منك لين انتي تطلبي بس بعدها قعدت فكرة انك مااتحبينيش مسيطرة عليا وقلت لازم انتأكد كنت انفكر في الطريقة هذي اني اندير ان فيه حد دازلي صورك وخذيت الصور وسجلت الرقم ثاني يوم الحفلة في الصبح لما كنتي ادوشي وانا اللي كلمت تالين وحكيتلها القصة كلها وقلتلها اتساعدني وجت من غادي عشان اتساعدني واندير ان بسبب قصة الصور تقربت من تالين ولو غرتي معناها اتحبني ولما اتغاري حتعترفي بحبك بس شكلي زودتها سندس كانت مصدومة وماحكتش ولا كلمة سراج:عارف انك تزعلي مني بس وحدة بوحدة انتي كذبتي عليا انك مريضة من دون مانعرف السبب وانا درت هكي عشان نعرف اذا اتحبيني او لا سندس ساكته واتشوف السراج زين سراج:انتي عليش كذبتي عليا سندس:عشان كنت بنتأكد من حبك زين وان مااتحبنيش عشان اتقرب مني وخلاص وبنشوف اذا ماضيك يطلع في حياتنا من جديد او لا والله هكي بس سراج:انا والله انحبك انحبك انتي مش لاني بنقرب منك والله الحاجة هذي مااتهمني حتى لو مادرناهش بكل خلاص اهم شيئ عرفت انك اتحبيني وعادي انعيش معاكي عالحب بس سندس:بس انا واجعني كلامك ليا انت اتهمتني باني رخيصة وزي باقي البنات سراج:سامحيني وحقك علي راسي والله كنت نحكي في الكلام هذا وناقم علي روحي بس قلته عشان ايبان الموضوع حقيقي وعشان انعصبك واطلعي اللي قي قلبك تجاهي وبعدين حتئ انتي ضربتيني كف وسبيتيني ولا ناسية سندس انحرجت:اسفة بس عصبت من كلامك ووجعني سراج:وانا مش زاعل منك مش ايقولو ضرب الحبيب زي اكل الزبيب سندس ابتسمت سراج:اه نجيلي الضحكة السمحة والله لما طحتي قلبي كان بيوقف عليك ومسكت روحي بالغصب اني ماانجيش وانشوفك سندس ضرباته علي كته:والله زعلت منك لما فتتني هكي سراج :ولا الحقير صالح الكلب اللي مستغل الفرصة وايهدرز معاك قريب قتلته😡وانتي منسجمة واتهدرزي لكن والله حسابه معايا بعدين الكلب سندس ضحكت:والله كنت بنقهرك واسأله نحكي معاه بس وانت قاعد ولما انت تمشي نلوي وجي عليه ومعش نحكي معاه اكيدة يحسابني مطرشقة سراج ضحك:احلى مطرشقة وحق ربي وباسها علي خدها سندس ابتسمت وحطت يدها علي خد سراج وقعدت اتحرك فيها سندس:انحبك سراج:انموت فيك سندس حطت يدها علي شفايف سراج وقعدت اتحرك في صبعها عليهن سندس:سيراجو سراج:عيونه😍 سندس:نبي انكون مراتك بجديات سراج بفرحة:تحكي جد سندس ابتسمت:والله جد سراج عظ علي شفايفه:والله هذا حلم حياتي سندس ضحكت سراج:اه والله انحبك وقعد ايقرب منها بشويييييش لين وصل في شفايفها وبدا ايبوس فيها بكل حنية وحب وبعدها نزلها عالسرير وجا عليها (طفينا الضي في شنو ترجو 😂 اصلا الباقي #مششششششششششفففففففففففففر 😂) #يتبع لولوولوووليييي واخيرا 😍 قعدو متزوجين بجديات😂ربي ايكمل عليهم هناهم😜 بس هل حدوم هكي ولا شن بيصير بعدها 😳 اما تالين ضلمتوها كلكم المسكينة وطلعت كويسة 😍 أما فيصل قولكن شن سبب اختفائه وهو وين توا وامتى حيرد وشن حيصير بعد ايرد 😔 أما رؤوف هل هذا حد لقائه مع اسيل ولا حيجمعهم القدر مرة اخرى ولو جمعهم هل اسيل حتوفي بوعدها له🤔 أما معاذ ورويدة فمها سمنة على عسل بس لو خليتهم هكي ديما عاد😜 كله حنعرفوه في الحلقة الجاية ☺ أسفة عالتاخير الحلقة طويلة ليا يومين نكتب فيها وحق ربي وتوا غير كملتها حتى عوايز العشاء مازال ماغسلتهن 😭😭وفوق هذا كله دارها في الضي مالعشية طافي😒 أسفة لو في لخبطة في الأسماء وأكيد رأيكم ايهمني 😉 گـتـابـتـي Koka Saleh