روايات كاملة

رواية ما بعد الكره حب

جميع الحقوق محقفوظة للكاتبة hadoo_al

[box type=”success” align=”” class=”” width=””]رواية ما بعد الكره حب للكاتبة hadoo_al [/box]

الحلقات السابقة

ما بعد الكره حب

 

.
.
.
.
.
الحلقة 22
من (( مابعد الكره حب ))
…………………..

إياد شافني وقت طلعت مع إيهاب

…………………

عندي أنا في سيارة 🚗
إيهاب : وين تبي تمشي
أنا : أرفعني للبحر نشم شوية هواء
إيهاب : حاضر

رفعني إيهاب للبحر ووقفنا برا سيارة

…………………..

عندي محمد
محمد : 😨😨
طوط طوط
أصيل : أيوا
محمد : أصيل أسيل وين
أصيل : خيرك مخلوع
محمد : أني قلت وين أسيل 😠
أصيل : طلعت مع إيهاب
محمد : وين
أصيل : منعرفيش
محمد : كلمه قوله يروح بيها توا
أصيل : شني فيه
محمد : إياد هبل ولحقهم ومرات يديرلهم حاجة
أصيل : 😨😨
سكر محمد من أصيل وكلم إيهاب
محمد : رد ياإيهاب رد
طوط طوط
إيهاب : أووو الحب متصل
محمد : وين أسيل
إيهاب : خليتها بحدا سيارة واني امشيت نجيب جلاطي
محمد : 😨 شني أتقول برالها بسرعة

محمد سكر من إيهاب وركب سيارة قعد يجري

……………….

إيهاب : خيره هذا خلي نمشي انشوفها
إيهاب جيء وين خلاني
إيهاب : وين أمشيت ، أسيل أسيل

…………………

في الحوش
ماما : خيرك ياأصيل
أصيل : محمد تصل ……….. حكالهم
ماما : ياحليلي بنتي مع تاجر مخدرات توا يديرلها حاجة 😭😭
يحي : شني أتقول أنت خلي أنكلم إيهاب
طوط طوط
إيهاب : أيوا
يحي : وين أسيل
إيهاب : منعرفيش
يحي : كيف متعرفيش
إيهاب : خليتها بحدا سيارتي وقالتلي جيبلي جلاطي أمشيت اني بنجيبلها وقت رجعت ماقلتهاش
يحي : كييييف 😨

……………….

ساعة 5:00 في حوش عمي خالد
يحي : كييف يامحمد تخليها تتلاقى معاه وانت تعرف هذا كله
محمد : قولتلها معش تتلاقي معاه ولكن منقدريش نغصبها
يحي : مفروض أحكيتلها علي حقيقته من قبل
محمد : تبيني أنقول لي أختي الي معتبراته خوك مجنون بيك ويبي يتزوجك وطالع تاجر مخدرات
يحي : مفروض قولتلها لان هتعرف عاجلا وأجلا وتوا عرفت متأخر

محمد تعصب وطلع لجنينة

ماما : أوووو عليا بنيتي 😭😭 من هم لي هم معلهاش ثلاثة أيام طالعة من مستشفي
فاطمة : إهديء يافاطمة إنشاء الله يلقوها

أصيل ضرب في طاولة اني قريب تكسرت إيديه

يحي ( في سره ) : معقولة بعد ماحبيتها نفقدها مستحيل

تلفون محمد يرن 📲
إياد : هههههه قولتلك أختك ليا اني وبس
محمد : يا @&£ وين أختي
إياد : متخافيش عليها موجودة في إيدين أمينة
محمد : أني قولتلك وينهاااااا

سكر إياد علي محمد ومحمد يحاول يتصل بيه مقفل

أصيل : هذا هو الي تصل بيك
محمد : ايه

………………….

عندي أني قعدت نفتح في عيوني
أنا : أه ياراسي أه

قعدت أنشوف من حولي القيت في روحي في سرير في دار تهبل لونها لوني مفضل وكل شيء زي مانحبه وكبيرة ونصها علي هيئة مرش ولكن متغطيين بستاير

أنا : وين أني
قعدت نتذكر وقت كنت واقفة علي بحر

إياد : ياحلو
أنا : من وين جيبت وقاحة هادي كله
إياد : من حبي ليك
أنا : إياد برا ومتخليش نكرهك أكثر من هيكي
إياد : إني إنحبك موت ومن غيرك منقدريش نعيش
أنا : إياد
وقعد يكر فيا بإيديا يخشش فيا بسيف لسيارة
أنا : سيب إياديا توجع فيا
إياد طلقني : أسف حبيبتي وجعتك
وبعدها أخذيء فوطه دارها في فمي
أنا : أه أه
إياد : أسف حبيبتي ولكن مضطر
بعتالي معش حسيت بحاجة ومعش نندري علي حاجة

دق دق
إياد : حبيبتي نوضتي
أنا : انت طبيعي
إياد : نعرف خوفتك ولكن كنت مضطر
أنا : في شني مضطر
إياد : كان مدرتيش هيكي كيف منتزجو
أنا : ههههه أني مستحيلة نتزوجك
إياد : اني منقدريش بلاك
أنا : هههه أني من يوم أخلقيت نعرفك صديقي ونعتبرك فيك زي خوي لا أقل ولا أكثر كان أنت معاملتي ليك فهمتها غلط هذيكاي حاجة تخصك
إياد : ووعد الي أخذيته من عمي عبد الله انتي هتقعدي مرتي
أنا : ضحك فيا بابا والله يرحمه وهادي حياتي وزيادة مابعد عرفتك تاجر مخدرات تحلم أني نأخذك هذا كله متفقين نعالج الناس ونخلوهم يعيشو مش نقتلوهم

(( أني كنت مش خايفة لان مهما ديرت إياد مستحيلة إيديرلي حاجة لان نعرفه حتي لو وله تاجر مخدرات ولكن أني مستحيلة إيديرلي حاجة ))

إياد : أسيل حبيبتي أني مستحيلة نتخلي عليك وظروف الي خليتني اتدير هيكي
أنا : ماتكذبيش علي روحك واتدير سبلة ظروف مهما كانت ظروف أنت تقتل في الناس هاذي مخدرات
إياد : أسيل
أنا : لي أمتي بتخليني أهنيء
إياد : هتقعدي طول عمرك لان هتكوني مرتي
أنا : هه تعرف أنموت ولا نتزوجك
إياد : معقولة وليتي تكرهيني هيكي
أنا : وأكثر ممكن تطلع توا
إياد : حاضر وطلع

وقت طلع إياد قولت خلي نوض أندور علي أي حاجة مرات تسعدني علي هروب دورت دورت ومالقيتيش حاجة وشوفت من شباك معرفتيش وين موجودين

أنا : إياد أفتح باب
إياد : نعم ياعيوني
أنا : نبي نطلع نشم هواء مخنوقة
إياد : مش توا بعتالي نرفعك وطلع
أنا : إيااااااد

قعمزت قعدت نتذكر في بابا
أنا : معقولة أتدير فيا هيكي يابابا 😢

………………….

في حوش عمي خالد
ماما : 😭😭 محمد ساعة 11:00 منعرفيش بنتي عايشة ولا ميت
محمد : متخافيش نعرف إياد مريض نفسي ولكن مستحيل إيدير حاجة لي أسيل
ماما : إنشاء الله 😭
أصيل : معقولة نقعدو واقفين هيكي وأسيل موجودة عنده
محمد : باهي شني أنديرو
يحي : معقولة معنداشي حد يقربله
محمد : عمتي راضية
أصيل : باهي حوشهم منعرفوشي
محمد : أني نعرف مرة قعدت نلحق فيه
أصيل : علاش ماقلتيش من بكري
محمد : هيا
يحي : حتي نمشي
ماما : أتصلو وأطمئنوني 😭

ركبو لسيارة 🚘 وأمشو لعمتي راضية

دق دق
راضية : هيا هيا مني
محمد : أني ياعمتي
فتحت الباب
راضية : أهلين ولدي
محمد : أهلين عمتي
راضية : أصيل صح
أصيل : إيه

ويحي قعد في سيارة وخوتي خشو داخل

محمد : عمتي إياد خطف أسيل تعرفي وين
راضية : 😨😨
محمد : ياعمتي سعدينا
راضية : واللهي مانعرف
أصيل : ياعمتي نقدرو نأخذوك زي مأخذي إياد أسيل لكن علي خاطر عشرة كان الي بيناتنا مش هنديرو هيكي ساعدينا ياعمتي
راضية : واللهي مانعرف ياوليدي

……………………

عندي أنا
أنا : إيااااد
إياد : نعم حبي
أنا : نبي تنوضا ونصلي
إياد : حاضر
رفعني إياد لحمام
أنا : شنو بتخش معاي ولا كيف
إياد : أسف هنوقف أهنيء بس

أني خشيت وفتحت شيمة
أنا : أوف كيف الحل ( قعدت أندور في أي شيء تسعدني من غير جدوا )
أنا ( في سري ) : خلي نتوضي ونصلي وإنشاء الله ربي يحلها
وطلعت
أنا : ممكن سجادة
إياد : من عيوني

وعطاني سجادة وبصدفة شوفت تلفونها فوق طاولة
لهذا صليت ودعيت ربي يكون معاي وبصدفة طاحت مزهرية لهذا أمشيء يشوفها أني أخذيت تلفونها ورجعت لسجادة

أنا : السلام عليكم السلام عليكم
إياد : تقبل الله ، حبيبتي تعالي تعشيء
أنا : مانبيش ، نبي أنبدل وماعنديش دبش
إياد : تلقي في دولاب دبشك
أنا : كيف دبشي
إياد : كنت كل مرة تعجبني حاجة نشريهالك
أنا : 😒😒

ركبت والقيته وراي

أنا : إياد تعرفني منعرفيش نسوق يعني وين بنهرب علاش تلحق فيا
إياد : حاضر المهم راحتك ونزل

اني ركبت أخذيت مفتاح الي كان من برا وخشيت وسكَّرت باب بالمفتاح وطلعت تلفون واتصلت بي محمد

أنا : رد محمد رد

طوط طوط

يحي : ألو
أنا : محمد
يحي : أسيل وين أنتي
أنا : يحي أني في مكان غريب في حوش كبير أتقولي مزرعة
يحي : باهي شوفي أي شيء قريب
أني قعدت أنشوف شوفت لافته مكتوبة صيدلية …..
أنا : شوفت لافته مكتوبة صيدلية ……
إياد : حبيبتي
أنا : يحي إياد جاي
يحي : أستني
أنا : نعم
يحي : إنحبك 😍
أنا : 😳😳

سكرت من يحي وحطيت تلفون في إيديا حتي مايشوفنيش إياد ولكن قاعدة تحت تأثير صدمة

إياد : حبيبتي أفتحي بابا
أنا : ءءءء باهي
إياد : خيرك سكرتي
أنا : كنت نبدل
إياد : خيرك مابدلتيش

أنا من صدمة أنسيت نغير دبشي (( يقولو عاملي رجل كأنه طفل ))

أنا : معرفتيش شني نلبس كلهم حلوات لهذا قولت نسألك
إياد : 😍😍 من عيوني
وأختارلي بدلة
إياد : ماتعطليش
أنا : حاضر
طلع إياد وسكَّرت بابا وبدلت

أنا ( في سري ) : معقولة سمعت غلط لالا سمعت كويس معقولة لان مسخفاته ، أنسيت خلي نمسح رقم مسحت رقم بسرعة

إياد : هياااا أسيل
طلعت وديرت روحي طبيعية
إياد : طالعة تهبلي كالعادة 😍😍 تعالي كولي
أنا : أني قولت مانبيش
إياد : حاضر مهم راحتك

…………………

محمد : عمتي لو سامحتي تذكري كان في أي مكان
راضية : منعرفيش ياوليدي

دق دق

محمد : أصيل برا أفتح
أصيل فتح باب
يحي : وين محمد
أصيل : خيرك
يحي : توا أتصلت أسيل
أصيل : كيف
يحي : أنسيء محمد تلفونه في سيارة وأتصلت …. وحكاله
أصيل : خلي أنكلم محمد

خش أصيل وقعد يحي برا يستني فيهم
أصيل قال لمحمد في وذنه

محمد : عمتي بنسألك أخر سؤال وحطي عشرة الي كانت بيناتنا بين عيونك
راضية : كان نعرف يامحمد أنقولك
محمد : عمتي عندكم مزرعة صغيرة بحداها صيدلية …….

عمتي راضية قعدت تذكر قالها شريت مزرعة

راضية : إيه إياد شريء مزرعة في منطقة ……
محمد : شكرًا خالتي
راضية : محمد
محمد : نعم
راضية : نبي وعد ولدي مايصيرله شيء مهما يكون هذا قطع من كبدي وماعنديش في دنيا الا هو
محمد ( سخفاته عمتي راضية ) : حاضر عمتي

محمد وأصيل ويحي ركبو سيارة وأتجهو لي مزرعة

محمد : شني هذا أصيل
أصيل : أتشوف فيه مسدس
محمد : وعلاش جايبه
أصيل : طلع مريض نفسي وماتندريش شني يصير
يحي : عنده الحق يامحمد إحتياط
محمد : المهم ماتضربيش بيه الا وقت ضرورة مهما يكون هذا إنسان وكان قتلناه معش يولي فرق بينا وبينه
أصيل : تمام

…………………..

أنا : نبي نشم هواء نبي نقعمز في جنينة
إياد : حاضر خلي نمشي نجيبلك جاكيت من فوق
ركب إياد فوق وأني رجعت تلفون وين كان ورجعت مكاني
إياد : تفضلي حبيبتي جاكيت
كان يبي يلبسهولي
أنا : هاته 😠

وطلعت اني وإياد قعمزنا برا في جنينة
أنا قعدت نفكر زعمه يحي قالي إنحبك شفقة ايه أكيد شفقة ولا سخفته ومايبينيش نخاف ، باهي علاش أمتي قالي إنحبك فرحت مع أنه مخطوفة وقاعدة مع تاجر مخدرات ولكن وقت قالي إنحبك طيرت من فرح

إياد : حبيبتي وين سرحانه
أنا : شنو حتي في سرحي تتحكم فيا 😠
إياد : أسف
أنا : علاش وليت هيكي
إياد : لان إنحبك بجنون😍
أنا : تحبني حبك خلاك تاجر في سم هاري ولا حبك الي خلاك تفكر فيا وتعرفني انه معتبراتك زي خوي ولا حبك إلي خلاك تخطفني صدقني حب كان مجاش من قلب مش هيجي بالغصب ولا خطف

………………….

يحي : هاذي هيا صيدلية
محمد : أكيد هاذي مزرعة
أصيل : ننزلو بشوية

…………………

أنا : نبي عصير برتقال
قولت خلي يمشي مرات نلقي حاجة في خل مخلي الي جايبني ليه
إياد : حاضر كان كيف بيربط إيديا
أنا : وين منهرب في مكان زي هدا وإيديا هتوجعني 😢😢
إياد : خلاص حبيبتي الا دمعاتك
إياد أمشيء وأني قعدت أندور في أي شيء وجيت بحدا سور
أنا ( بصوت مش عالي هلبة ) : ياناس سعدوووووني
محمد : هدا صوت أسيل
أصيل : إيه أسيل
محمد : أسيل أسيل
أنا : هذا محمد 😃 محمد أنت أهنيء
محمد : إيه حبيبتي
أنا : باب مسكر 😭
محمد : ماتبكيش حبيبتي توا إنجيك

بعد شوية نقد محمد من سور

محمد : حبيبتي وضمني
أنا : وأخيرا جيت كنت نستني فيك 😭😭

محمد بسرعة فتح باب رئيسي متع مزرعة وخش أصيل ويحي وضمني أصيل كيف بنطلعو لان محمد قال وعدت عمتي راضية مانديروله شيء

إياد : ههه تسحابو دخول حمام زي خروجه

كلنا نلفتنا واني نصدمت أنه في إيديه مسدس

أنا : إياد خيرك هبلت نحيء مسدس من إيديك
إياد : ديما نسمع في كلامك لكن مرة هيا لا لان بتمشيء وتخليني وأني من غيرك منقدريش نعيش

محمد وأصيل ويحي يقدمو بشوية ويوخر فيا

إياد : وخرو أحسن ماتجيء رصاصة في رأسك أنت وياه
يحي : يتمرجل بالمسدس الي عنده أضرب بيه ولا تعرف تشده بس
إياد : 😡😡
أنا : أسكت انت إياد ماتسمعيش كلامه
إياد : تعالي معاي
أنا : أني منحبيكش ياإياد أفهم

محمد قرب من إياد وأخذيء مسدس طاح فيه ضرب أن داخ

محمد : خليتك عايش علي خاطر أمك الي تستني فيك
محمد : هيا أسيل

كيف طالعين وخليناه مستلقي علي أرض
بوڤ بوڤ

أنا : محمد محمد 😭😭😭
أصيل : محمد

شد أصيل ضرب إياد وخلاه طيح لوطه وبعدها بشوية جوء شرطة أخذوه لان قبلها بشوية محمد بلغ شرطة وأحنيء رفعنا محمد لمستشفي ودخلوه لغرفة عمليات

أنا : 😭😭😭😭 كله بسببي كله أني نقتل في أغلي الناس عندي كله بسببي 😭😭

يحي جيء ضمني

يحي : خلاص حبيبتي إنشاء الله هيكون كويس
أنا : 😭😭😭 منقدريش يايحي أن سبب موت بابا وتوا هنكون سبب موت محمد واللهي مانقدر نعيش من غيره 😭😭😭😭😭😭😭😭

أصيل كان مقعز في زاوية مصدوم كيف أنه مدافعيش علي محمد

أنا : دكتور شني محمد 😭😭😭
أصيل ناض
أصيل : قول أنه بيعيش
دكتور : إنشاء الله خير تبو إكياس دم مريض فقد دم هلبة تعرفو فصيلة دمه
أنا : دكتور أني ومحمد نفس فصيلة O سالب
دكتور : هيا تفضلي
أصيل : لا يادكتور أختي كيف طالعة من مستشفي هيكي هيكون خطر علي حياتها حتي هيا

وبصدفة يجيء دكتوري كان أسمه مازن

دكتور ( مازن ) : إيه يادكتور أصيل علي حق بيكون خطير عليها وأصلا أني مانعها أتنوض من سرير لمدة شهر ولكن هات من يسمع كلام
أنا : 😠😭😭 أنت ماليكش دخل في حياتي دكتور هيا خوذ وماتعدليش علي كلامهم
دكتور : منقدريش مرات يصيرلك حاجة
أنا : متخافيش مسؤولية خليها ليا أني في العمر قانوني يخليني أندير أي شيء وهادي حاجة أني بس الي نتحكم بيها
يحي : أسيل لكن
أنا : يحي لو سامحت
أمشيت ضميت أصيل
أنا : حبيبي متخافيش عليا إنشاء الله نطلع وأني ومحمد وإحنيء مستحيلة نخلوك
أصيل : 😢😢 أسيل حياتي من غيركم مليهاش معنى تذكري هذا كلام
أنا : ماتقوليش لماما علي اي شيء
أصيل : حاضر

خشيت أني ودكتور لمختبر حتي يسحب مني دم

دكتور : متأكدة ممكن نأخذو دم زيادة وممكن هذا يسببلك فقر دم حاد ومرات تموتي
أنا ( أبتسمت ) : مش مهم المهم محمد يقعد يتنفس ووقتها هنكون فرحان حتي لو موتت
دكتور : إنشاء الله خير
أنا : إنشاء الله

قعدو يسحبو في دم واني دخت

ممرضة : يادكتور جسمها ضعيف مش هتقدر تستحمل
دكتور : إنشاء الله هتستحمل زيدي أسحبي لان مريض محتاج الي دم
ممرضة : لكن
دكتور : من غير لكن

وأخذيء دكتور مني وأمشيء كمل عملية محمد
بعد 4 ساعات طلع دكتور من غرفة عمليات

أصيل : شنو يادكتور
دكتور : حمد الله علي سلامته نجحت عملية وإنشاء الله شوية هينوض
أصيل : وأسيل
دكتور ( نزل راسه لوطه )
أصيل : خيرك سكتت
دكتور : أسيل صارله فقر دم ولتوا مافيش إستجابة
يحي : كيف مافيش إستجابة
دكتور : يعني لتوا منعرفيش كيف هتكون حالتها لان لتوا مانتضتيش
دكتور ( مازن ) : أني حذرتك يادكتور أمجد لان مريضة معلهاش أسبوع طالعة من مستشفي وقبلها بفترة خاشت غيبوبة وقلبها وقف بسبب ضعف جسمها صارلتلها معجزة وناضت
دكتور ( أمجد ) : هيا تبي تنقذ خوها واني حققت الي طلبها
دكتور ( مازن ) : أنت دكتور مفروض تساعد الناس وتخليهم يعشو مش تعيش شخص علي حساب شخص ثاني
يحي : لو سامحتو ممكن قولو شنو هيصير توا
دكتور ( مازن ) : كان مانضتيش خلال 24 ساعة ممكن تموت لان ممكن فقر دم هذا يتحول الي فقر دم حاد وتموت
دكتور ( أمجد ) : في طريقة ثانية أنكم تلقو متبرع فصيلة دمه نفس فصيلة دمها
يحي : أني نمشيء أندور علي متبرع وانت أقعد مع محمد
أصيل : لو سامحت بسرعة

أمشيء يحي يديرلي علي دم اما أصيل خش لمحمد وقعد بحدا ومحمد بديء يفتح في عيونه

أصيل : حمد الله علي سلامة يالحب خوفتنا عليك
محمد : الله يسلمك ، وين أسيل
(( ضربة جاته في كتفه ))
أصيل : ءءءء
محمد : تكلم أصيل
أصيل : أسيل حاليا في غرفة الي بحداك
محمد : خيرها ماجتيش
أصيل : لان لانها مريضة ومانضتيش
محمد : فهمني ياأصيل
أصيل : أنت كنت محتاج لدم وبما أن فصيلة.دمك تعتبر مش موجودة بكثرة
محمد : أسيل أعطيتني من دمها لانها نفس فصيلة وهيا عليها مش مدة طالعة من مستشفي
أصيل : إيه صارلها فقر دم ويحي طلع يدورلها علي دم لان كان ماتنوضيش خلال 24 ساعة ح 😢😢
محمد : ح شني
أصيل : حتموت 😢😢
محمد : وين كنت علاش ماوقفتهاش وين كنت ياأصيل
أصيل : وقفتها لكن أنت خوي وهيا أختي ومعرفتيش شني نتصرف وهيا قالت كان ناض محمد حتي أني أنوض
محمد : ياأصيل ياأصيل
محمد نحى سيروم الي في إيديه وناض
أصيل : تي وين انت كيف طلعت من عملية
محمد : ساعدني بس خلي نمشيء لي أسيل
أصيل : لكن
محمد : أصيل 😠

محمد وأصيل جوني للغرفة الي كنت فيها

محمد : خيرك غبية هيكي معقولة اتدير هيكي
أصيل : 😢😢
محمد : أسيل

……………….

في حوش عمي خالد
ماما : 😭😭😭
فاطمة : خلاص ياحنان
ماما : قلبي قبضني عند إحساس أن صغاري صايرلهم حاجة 😭😭😭😭
فاطمة : إنشاء الله خير ، أسماء كلمي يحي
أسماء : حاضر
طوط طوط طوط
أسماء : مايرديش ياماما
ماما : قولتلك صاير حاجة 😭😭
فاطمة : حنان إهديء ، خوذي تلفون خالتك حنان وأتصلي بي أصيل ولا محمد
أسماء : حاضر

وأخذيت تلفون وقَعَدت تتصل

أسماء : ماما محمد تلفونها مقفل و أصيل مايرديش
ماما : 😭😭😭
فاطمة : متخافيش أكيد يدورو علي أسيل
ماما : منعرفيش خيرنا هم فوق هم وكله بنتي الي طيح فيه اه اه 😭😭

رِن رِن

فاطمة : مني
أسماء : هذا يحي
فاطمة : شوفتي ياحنان قولتلك مافيهوميش شيء
أسماء : ألو
يحي : أسماء كان بحدا خالتي حنان حاولي من بحداها

أسماء : حاضر ماما مافيش تغطية نطلع برا
فاطمة : به

أسماء : شني فيه
يحي : محمد مضروب برصاصة
أسماء : كيييف 😨
يحي : هو حاله كويس ولكن أسيل هيا الي في خطر
أسماء : شني اتقول انت 😨😨😨😨
يحي : ……… حكالها بإختصار
أسماء : تسخف خالتي حنان كان حاسة 😢😢
يحي : مش وقت كلام هذا فصيل دمك شني
أسماء : O موجب
يحي : أوووف مافيش حد في عيلة O سالب
أسماء : لالا
يحي : أوووف
أسماء : أستني أحمد ممكن فصيلة O سالب
يحي : وينه توا
أسماء : طلع
يحي : تمام
فاطمة : شني بنيتي
أسماء مسحت دموعها
أسماء : أطمئني خالتي حنان توا قالي يحي ألقينا أسيل قال يتعشو برا لان أسيل جيت نية في عشيء برا وقال ممكن هيتأخرو
ماما : أتقولي حق
ماما فرحت قريب طارت من فرح
أسماء ( في سره ) : زعمه تصرفت صح

………………….

عند يحي
يحي : رد ياأحمد رد

طوط طوط
أحمد : أيوا
يحي : وين ياأحمد
أحمد : وين بنكون كالعادة في قهوة مع الأولاد
يحي : توا أنجيك
أحمد : شني فيه
يحي : وقت نوصل توا أنقولك

………………….

أصيل : هيا نوض محمد أرتاح
محمد : شني بنرتاح وأسيل صارله هيكي بسببي
دكتور ( أمجد ) : شني أتدير اهنيء أنت
محمد : كيف حال أسيل توا
دكتور ( أمجد ) : سبحان الله أول مرة أنشوف عيلة متعلقة ببعضها لهذه درجة تعرف أختك شني قالتلي قبل نسحبلها دم قولتله ممكن تموتي قالتي المهم محمد يقعد عايش واني وقتها هنكون فرحانة حتي لو موتت
محمد : 😔😔😢
أصيل : 😢😢
يحي : يادكتور جيبت متبرع
دكتور ( أمجد ) : هيا ممكن تطلعو توا وانت طول لسريرك أرتاح
محمد : مش هننسى جميلك واني عايش
أحمد : مش بيناتنا
يحي : هيا نطلعو

بعد ساعة وبعد معطاني أحمد دم اني وليت نفتح في عيوني

دكتور ( أمجد ) : حمد الله علي سلامة
أنا : الله يسلمك
نوضت قعمزت مخلوعة
أنا : محمد شنو

محمد كيف خاش ولكن بكروسة لان أمتي يوقف يحيس بعدم توازن لان فقد دم هلبة

محمد : حالي كويس مدام دم الي يجري في عروقي دم دبدوبتي

أني فرحت وقت شوفته ماتوقعتيش أنه نشوفه توقعت إنه معش أنشوف 😔

كيف بنوض
دكتور ( أمجد ) : وين ماشية
أنا : نمشيء أنضم خوي
دكتور ( أمجد ) : حاليا عرفتك مجنونة يابنتي توا كنتي قريب تموتي

يحي خاش هو وأحمد وأصيل

يحي : ههههه توا بس عرفت
أنا : مامتيش صح يعني حالي كويس انتم دكاترة تؤڤرو زي دكتور مأرن يؤڤر ( علي خشته )
دكتور ( مازن ) : صار نؤڤر قولتلك ماتنوضيش من سرير شهر

أني بلعت ريقي تحشمت وقولت خلي انلطف جو
أنا : هو انت قاعد عايش

كنت أنبصر عليهم لان أعمارهم مش كبير
دكتور مازن نعطيه مواليد 87 وأمجد زيه

دكتور ( مازن ) : لالا موتت هذا شبحي يتكلم معاك ( وأبتسم )
أنا : أوف 😂 طلعت تعرف تبتسم
دكتور ( مازن ) : 😒😒

نزلت من سرير وأمشيت إتجاه محمد وضميته

دكتور ( أمجد ) : عناد عندكم وراثة في عيلة
الكل : 😂😂

(( لا يوجد أجمل من سعادة بعد الحزن ❤️ ولا يوجد أجمل بأن أتكوني مع أقرب الناس إليك ))

أصيل : كلمي أمي أكيدة حايرة
أنا : أعطيني تلفون

كلمت ماما وقولتله أني كويسة ومنمشي نبات مع محمد في فندق وحتي أصيل
وبعتالي محمد أمشيء لغرفته لان دكتور قاله أرتاح وأصيل نزل للكفتيريا وأني قعدت في غرفة
أني كنت سرحانة في كلمة الي قالها يحي

أنا ( في سري ) : زعمه علاش قالي هيكي

دق دق

أنا : تفضل
يحي : كيف حالك توا
أنا ( تحشمت ولكن قولت مش هنبين ) : الحمد الله

قعمز في كرسي الي بحداي

أنا : يحي
نفس الوقت
يحي : أسيل
أنا : 😊😊
يحي : قولي أنتي قبل
أنا : قول أنت أول
يحي : ……..
أنا : 😳😳

………………..
.
.
.
.
.
#أستنوني لحلقة جاية …….😍😍

#هدو

1 2 3 4 5 6 7 8الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock