رواية وما ذنبي انا للكاتب مروان فرج

#وما_ذنبي_أنا

#المقدمة

#قصه_حقيقيه
.
.
.
.
.
.
.
.
.
.
.
.
.
.
.
ﺍﻟﺴﻼﻡ ﻋﻠﻴﻜﻢ ﻭﺭﺣﻤﻪ ﺍﻟﻠﻪ ﻭﺑﺮﻛﺎﺗﻪ ﻫﺎﺫﻱ ﻗﺼﻪ ﺣﻘﻴﻘﻴﻪ ﻣﻦ ﻭﺍﻗﻌﻨﺎ ﺍﻟﻠﻴﺒﻲ ﻭﺍﻧﺎ ﻛﺎﺗﺐ ﻓﻘﻂ ﻭﺻﺎحب ﺍﻟﻘﺼﻪ هوا ﻣﻦ طلب ﺍﻧﻲ ﻧﺰﻟﻬﺎ ﻟﻜﻢ😉

ﻛﺎﻟﻌﺎﺩﻩ ﺍﻧﺎ ﻧﺤﻜﻲ ﺑﻠﺴﺎﻥ ﺻﺎحب ﺍﻟﺮﻭﺍﻳﻪ نبدو علي بركه الله

#ﺍﻟﻤﻘﺪﻣﻪ

اسمي محمد من زليتن مواليد96 بوي اسمه احمد م 60طبعه عصبي ومايدورش يعني لو حد مريض يقول خليه توا يصح بروحا وهكي امي فاطمه مواليد 65 ربت بيت

عندي تلات خوات زوز اكبر مني ومتزوجات ووحده صغيرا تقرا في الابتدادي وخو واحد كبير مزوج وعندا ولد صغير
.

.

.

البدايه كانت في سنه 2000وقتها كان عمري تقريبا4 سنين كان وقت اشتي ومطر

طبعا نحب نلعب تحت المطر وهكي جونا صغار عمامي يلي اندادي

المهم نحنا قعدنا نلعبو برا الحوش وكان جو سحاب وريح ومطر جت امي وقاتلنا خشو داخل توا تمرضو دخلتهم كلهم بس انا قعدت برا

وقعدت نلعب بعدها خشيت جت امي لقتني ملابسي معبيات ميه قعدت تهزب فيا وتضرب وهكي

المهم حسيت روحي بنمرض وقعدت طول اليل نكح وهيا اتقولي هذا اللعب في المطر

بعد ما روحو صغار عمامي وعماتي وقعدت نا حراره ومريض وقعدت نرجع يلي ناكل فيه كلا وعندي اسعال وحراره وامي كاينا بجنبي خايفا وتغيرلي ف الكمادات

حرارتي وصلت لعند 39درجه خلاص عيوني نقلبو خلاص حسيت بروحي معاش نحس في شي

امي مشت لباتي قاتلا شيلا للمستشفي قاللها خليه توا يصح بروحا ومباش يدورني قعدت5ايام ونا ع الحال هذا لين جي عمي من طرابلس لقاني هكي قال لامي وتي روحك توا نشيا للمصحه

المهم رفعوني ونا بين الحياه والموت لمستفشي دخلونا للدكتور كانت حرارتي 39درجه طبعا الدكتور طلب عليا تحليل امتاع التهاب السحايا اكيد كلكم تعرفووو بالدات يلي عندهم صغار ماعلينا

وطبعا التحليل هذا مش اي حد يقدر يديرا عشان هيا يبراه بيضربوها في جنب النخاع الشوكني وبيسحبو منها عينه

المهم امي مشت للممرضات وعطتهم الورقه امتاع الدكتور خدوني منها وقالولها استني هنا دخلوني للغرفه وطبعا المرضات هادم كاينا قاعدات يدرب يعني مش حتي اخصائيات

المهم في وحده منهم خدت يبرا وظربتها في ظهري عشان بتاخد مني العينه وهنا كانت الصدمه يلي قلبت حياتي كلها 360درجه

#يتبع

#تحياتي_Marwan