روايات كاملة
أخر الأخبار

روايه هتلر للكاتبه:اروى الطاهر المسلاتي

جميع الحقوق محفوظة للكاتبة أروى الطاهر المسلاتي

#هتلر 4 ?

نور:منو انتي ؟!
دنيا:نادي عليه لو سمحتي
نور:ولو مسمحتش
دنيا:اففف نادي عليه بنتي وبري لي مدرستك سلم ماما
نور:تكنطت كيف تحكي معاها كأنها عيله جت بترد لاكن قاطعها صوته ???
مالك:ملامح وجها برود…اهلا دنيا
دنيا:اهلين بيك شن الجو
مالك:تما ماشيه خشي
دنيا:لا مستعجله جيت بنعطيك وراقي باعتهم بوي …تفضل
مالك:خداهم منها ويتفحص فيهم….تمام
دنيا:مسكت نور من خدها….سلمها الطالبه الناشطه
نور:تشوفلها وقارنه حواجبها
دنيا:هي سلامات
مالك:سلام..وحط الاوراق ع المدخل ويلبس في سبيدروه
نور:يديها في جيبوها …مالك مني هاذي
مالك:بنت واحد يخدم مع بوي
نور:وعلاش هيا تجيب في الاوراق وين بوها
مالك:بوها مسافر وهيا تجي لان مفيش حد يقدر يكلمها
نور:فوق راسها ريشه يعني
مالك:لا فوق راسها انا …وضحك
نور:سكتت مش فاهمه بس عادي …..لا مش عادي حاسه بي حاجه اخي
طول عمري متعوده انا بس يلي في حماية مالك وانا بس يلي يكلمني بي اسلوب حلو شن جاب هاذي توا
مالك:بتمشي ولا متبيش
نور:طلعت قدامه …صباحو فراس
فراس:يشرب في القهوا…صباح الورد نورنا
مالك:ولع السياره
فراس:بي اسلوب مستفز….نوصلها انا ؟!عندك خدمه انت ولا
مالك:شافله بنضره حاده…..ارتاح يافراس
فراس:هز بكتافه….ع راحتك
مالك:سكر الباب وطلع
فراس:ابتسم بي خبث….لو تجيب كل الاعذار مستحيل تخبي عليا شي انا فراس ياهتلر?

_________________

نور:طول الطريق ساكته وعيونها في الروشن
مالك:يسوق ويخطف في نضره مره مره….وين سارحه
نور:ولا شي بس قداش ليا مطلعتش
مالك:امم
نور:خذت نفس عميق …مالك عادي نقولك شي
مالك:طلعيها الجوهره
نور:انت شايف حياتنا عاديه؟!
مالك:قام حاجبه بي استغراب….شن قصدك؟!
نور:يعني من لما صغيره انا حراس في الحوش اكتر من سكان الحوش نفسهم سلاحات كأنه من اثاث الحوش وكل يوم جاينا حد جديد بدل مانخالطو الناس يبتعدو علينا كله كله بسبب اسم العيله
حتى انت مالك
مالك:عيونه في الطريق….انا شنو
نور:انت مالك مش هتلر انت خوي يلي تربيت معاه من صغري وحافضاته
مالك:الكلمات هاذم زي الموس خشو في قلبه?لان ميحبش نور اذكره ان معتبراته خوها وهوا ذايب فيها ?
نور:انا عارفه انك حنين وطيب وكل شي يحكو فيه عليك كذب بس نبي نعرف علاش قاعد مستمر فيها الحجات هاذي
مالك:شافلها وابتسم….في وجه تاني متعرفيشي ….ودرس السياره
نور:تشوفله وساكته
مالك:والاحسن انك متعرفيشي يانور وقتها رح تكرهيني وتكرهي روحك
نور:لل ليش انا شن درت
مالك:مدرتي شي بس لو خالفتي كلامي وقتها بتكوني درتي
نور:اهااا
مالك:وصلنا لمدرستك انزلي يالله
نور:فتحت الباب وجايه بتنزل
مالك:نور
نور:شافتله
مالك:تعالي عطيني بوستي زي لما نرفع فيك زمان ايام الاعدادي مش كان كبرتي خلاص ره
نور:ضحكت وقربت عليه بساته
مالك:بساته وقلبه يزيد يتعلق بيها اكتر واكتر ع قد محاول يمنع نفسه مفيش اي فايده?
نور:نزلت من السياره وسكرت الباب …استغربت في كل الطلبه يلي يشبحولها ويتهامسو عليها انها بنت فلانه ويلي جايبها هتلر
والطالبات يلي يشوفو لي مالك وهايمين في عيونه الرماديات ❤️
منى:اخيراااا جيتي قرن و7سنين نراجي فيك
نور:شافت لي مالك كيف مقعمز في سيارته ويراقب فيها….خلينا نخشو ونحكو مالك ميحبنيش نوقف هلبا برا
منى:سيبت نور واقفه ومشت تتمخطر لي مالك وطقت عليه المرش
مالك:نزل روشن السياره
منى:عادي تنزل تسلم عليا وتوقف تهدرز5دقايق بس
مالك:شاد ضحكته من منضرها…وعلاش
منى:عندي كم بنت هنايا نبيها تتشوط مش تنحرق بس
مالك:نزل وهوا يضحك عليها اتكى ع السياره وقربت منهم نور
منى:ان شاء الله تموت قداش ما وسيم خوك يانور وووه عليا
نور:ابتسمت
مالك:مش فراس راجلك ؟ولا مصارش
منى:طبعا لاكن والله لو تعطيني اشاره بس مستعده نخونه معاك ?
مالك:هههههه
نور:هيا منى بلا هبال
منى:ياوخيتي ع اللحيه والعيون زي المرايا عطيك دي علاش مجيتش انا هكي ع الاقل انا بنت?
مالك:يهز في راسه ويضحك….ربي يتبت عليك العقل
نور:خذت منى من يدها ومشت
مالك:حط يديه في جيوبه وهوا يتأمل فيها لين خشت

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

علاء:طلع من الحبس وكان فيه زوز سيارات يستنو فيه
علاء:يولع في دخانه …علاش مخلي مالك بروحه ؟
فراس:خوك مش صغير جيت بنروح بيك
علاء:يعني انا الصغير توا ??
فراس:مبتسم بي استفزاز …بزبت بزبت
علاء:لوح دخانه …عطيني المفتاح عندي كم مشوار قبل منروح الحوش
فراس:هاك….وخليك بعيد ع البنات منبيش مشاكل مع خوك
علاء:ياسلام من عيوني
فراس:مفيش شي يدرق عليا راهو ?
علاء:فهمنااا….ركب سيارته نزل السقف واغاني ع قوتهم زي العاده وطلع

____________________

نور:من اول يوم كان قرايه طول لان مدرستي خاصه مش زي العامه الايام الاولى مفيش شي
بس مع هاذا كله طول الوقت عقلي مش معاي
كان فكري كله يذكر شن صار ليلة عرسي وشن دارلي حسام ?مكنتش نعرف ان فكرة الاعتداء والاغتصاب رح تقعد في بالي تعذب فيا هكي
كل يلي في الحوش نسو القصه وحياتهم فاتت عادي حتى انهم واجهو الناس بكل قوى بس انا مقدرتش ننسى
مسحت دموعي يلي كانو بينزلو خلاص وحاولت ننتبه مع كلام الابله يلي قدامي
اما منى كانت ادير في زمالطو الاخضر عشان اطلع قصتها ويبدو نفس اللون ?مش عارف شنو خلاني نصاحبها وهيا هكي بس نحبها ❤️

__________________

في الجامعه:-
الاء:واقفه بتوتر
سليم:خيرك اهدي
الاء:هاديه عادي …اي احكيلي شن خدمت مع خوي؟
سليم:متعمقتش معاه الحق كان عنده قضيه في المحكمه وخدمته فيها
الاء:يعني محامي انت؟!
سليم:ان شاء الله اي
الاء:عيونها لمعو…اها كويس ربي يعاونك
سليم:الاء انتي مرتبطه؟!
الاء:اذكرت شاهين حب حياتها ❤️اءءء
سليم:لحضه نرد ع تالفون مهم
الاء:ولا يهمك….سكتت وقعدت تسمع في سليم شنو يحكي
سليم:الو…اهلا بيك….اي رفعته مبكري 250الف واستلمت منه حقي ….لالا بارك الله فيك انت تبي اي شي تفضل رح مش فلوس بس….تمام ياغالي سلامات
الاء:فهمت من خلال الكلام ومنضر سليم انه فلوس هلباااا وواضح ان سليم معجب بيها …به توا تاخذ حب حياتها يلي يخدم من صبح لا الليل ع خاطرها ولا تفضل الفلوس؟!
سليم:سكر تالفونه وحطه في جيبه….ها ياحلوه؟!مجاوبتينيش
الاء:خذت نفس وتحاول تاخذ قرار وبعد تردد كبير تكلمت…كنت كنت مرتبطه وتوا خلاص
سليم:حلو بكل

____________

رن جرس الاستراحه وطلعت نور تمشي بي هدوء ومنى تصيح وتضحك بصوت عالي زي العاده…..
نور:اففف كساد تعرفي مضايقه ليا قرون معش طلعت
منى:تفتح في الكيكه….ماهو كان انتي تخليني بس نطلعك وتمشي بي كلامي راهو حالك مش هكي
نور:حالك باهي منى؟انتي عارفه مالك مش مخليني حتى نتنفس
منى:رسمي ولد عمك الخرا هوا قصدي خوك معش عرفت شن نقول
نور:ابتسمت
فاطمه:السلام عليكم بنات
نور:وعليكم السلام
فاطمه:منبيش نطول عليكم لان الاستراحه قصيره وهكى المهم …مدتلهم كرت دعوا …..انتي ومنى معزومين علي عيد ميلادي اليوم
منى:ياسلااااام اهو جاتك طلعه لعندك…امتى عيد ميلادك ياسمحه نقصد اي وقت
فاطمه:مع الساعه 7المغرب قلت نعزمكم مدايرلته كبير فهمتي
نور:منعرفش لو مالك يخليني او…..
منى:جايين فطومه مدوريهاش هاذي
فاطمه:تمام هي سلام بنات وزي مقتلكم الحفله كبيره راهو وعازمه المدرسه كلها
منى:ولا يهمك
فاطمه:مشت وخلتهم

نور:مصحك كيف تعطي كلمه
منى:اسكتي بنمشو وبنلبسو قفاطين وبنهيجو ياسرك نكد فرخه فاطمه بوها عنده منصب في الدوله يعني اكيد الحفله اكبر من جداي
نور:منعرفش لو يخليني ولا لا
منى:يخليك وانتي تقول متزوجه الزفت كل شي مالك مالك افففف

________________

علاء:خش القهوا وكانت زحمه شويه…لمح بنت من بعيد واقفه تراجي …قعد يفصل فيها كانت طويله وجسمها يجنن حنطيه وطالع شويه من شعرها البني ❤️…عدل شعره بطريقته وقرب منها
علاء:لو سمحتي
البنت:تفضل
علاء:انا جديد ع المنطقه هاذي واول مره ننزل للقهوا لو يعني تقوليلي شنو احسن حاجه نطلبها وهكي
البنت:قهوا ره مش حاجه معقده ميبيعوش في حاجه من المريخ
علاء:وقف بي استغراب ….اول مره ينحط في الموقف البايخ هاذا وبدل ما اذوب فيه البنت قصفاته ?
علاء:انا سيارتي اللبوه يلي مدرسه برا لو ممكن نجيب تالفوني ونجيك تراجيني غير نبيك في كم حاجه
البنت:شافت لي سيارت علاء….ع اساس بتوضخلي انك فلوس وعندك سياره مليحه….انت فاشل في المعاكسه للعلم بس برا انتحر انت وسيارتك يلي تتفاخر بيها ….وخدت طلبيتها وطلعت
علاء:قعد يشوفلها ويحك في راسه…جديات يلي صار قبل شويه؟!رفضاته بنت ؟؟؟؟

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:ركبت السياره ….السلام عليكم
مالك:يشوفلها بنضرات تجنن❤️…وعليكم السلام
شن جو المدرسه
نور:ماشي الحال…خيرك عطلت
مالك:خدمه …وقرب منها هلبااااااا
نور:حست بشي غريب وتوقعت هلبا حجات غلط ممكن يديرها مالك بي قربه فجآه منها هكي
مالك:دخل خصلات شعرها
نور:خذت نفس وقلبها يدددق
مالك:متكي ع الكرسي وقاعد قريب عليها …ضحك ع جنب ….كبرتي وبديتي اطلعي في شعيراتك؟
نور:تشوف لي ضحكته ?
مالك:فجآه نقلب وبدي يعيط…..حركااااااات الفروخ معش اديريهااااااااا
نور:سكرت عيونها وفتحت بخوف
مالك:ضرب يده ع الكرسي يلي مقعمزه فيه…..الف مررررررره نقولك شعرك ميشوفه حدددددد قلت ولا مقلتش
نور:بلعت ريقها بخوف
مالك:بصوت يخوف….قللللللت ولا مقلتتتتتتتتش
نور:قق ق ق قلت
مالك:ملامحه تخوف والغضب واضح علي وجها …..ردي بالك يانور ردي باااااالك وربي مزال نشوف شعره منك برا بت……
منى:فتحت الباب وركبت…..هاي هتلر روح بيا معاكم كلمت بوي وقالي باهي …وفتحت شنطتها طلعت الروج الاخضر?
مالك:خذي نفس وهوا يحاول يرجعه لي طبيعته ….ولع السياره وطلع
اما نور طول الوقت تشوف لوطه وهيا مصدومه من مالك وتصرفاته علاش هاذا كله؟!
منى:خيركم ساكتين العفو تقول في فرق عزي
نور:شي عادي
منى:قدمت لي كرسي مالك….قولي راجلي في الحوش
مالك:ابتسم…اي يراجي فيك
منى:ختسلمه ?

____________

بعد سكوت طووويل وصلو قدام الحوش نزلت منى بسرعه تجري ونور جايه بتنزل لاكن مسكها مالك من يدها
نور:شبحتله…..
مالك:سكري الباب
نور:سكرت الباب وفي داخلها شعور بلخوف
مالك:معش اديري حجات تخليني نفصل عليك نور
نور:انا منتبهتش
مالك:انتبهي في الجديد
نور:هزت براسها

منى:عيونك عيونك في الشمس تجنن وربي ?
فراس:استغفر الله ياربي….اخطيني يافرخه
منى:نحبك بي كل شي حتى صلعتك اقسم بالله
منى:عارفاتك ادير في الجو متبيش تبين انك ميت فيا عارفاتك
نور:منى ياسر هيا خشي
منى:استني نملى عيني من شوفته
فراس:انتي عارفه لو ممشيتيش شن بندير فيك
منى:حضناته
نور:شهقت ….منى يامجنونه مصحك وباعدتها
منى:مجنونه بيه اناااا
فراس:وجها احمرررر يمروح بي يده وباقي الحراس يضحكو عليه
نور:خدت منى وخشت الحوش بسرعه

_______________

مالك:منزلش من سيارته حاط يديه علي وجها ويحكي مع روحه…..هبلت خلاص معش قادر نسيطر علي اعصابي لما نشوف حد يشبحلها ولا شعرها طالع مش متحمل فكرة حد يشوفها حتا وبعدين مع ها القصه هاذي

فراس:بصوت عالي….انزل من السياره انزل يحلها ربي
مالك:نزل من السياره…متقوليش انت شن الحاسه ال15يلي عندك
فراس:نزبط ?

نور:لا جديات هبلتي انتي ره
منى:اححح معش بندوش حتا5سنين ريحته ياناس ريحته
نور:هههههه ربي يتبت عليك العقل
منى:المهم شنو بنسلبسو في عيد الميلاد بنطلع من هنايا انا بنلبس معاك امي في حوش خالتي ومش مدورتني
نور:من قالك بنمشي اصلا
منى:نور انتي شنو ؟!في وحده مخاطرهاش تمشي لي حفله زي هاذي؟!
نور:خاطري اقسم بالله لاكن مالك والله ميخليني
منى:بري اسأليه وبعدين ساهل
نور:بنبدل قبل
منى:به خلي ننزل ندير دوره انا
نور:منى بعدي ع فراس خليه في حاله
منى:به ?

_________________

علاء؛لوح مفاتيحه ع المدخل ….سلام
نهله:روروروروي الحمد الله ع سلامتك وليدي
علاء:حضنها….الله يسلمك
نهله:ولدي ضاعف الله لاتربحهم
نيروز:هههههه 4ايام يما بس في الحبس شنو بيضعف فيهم
نهله:والله واضح هي
علاء:ضحك….انا بنركب نرقد تااعب
الاء:العفو؟خيرك خوي متغير حسيت
علاء:تاعب بس تو نهدرزو بعدين
نهله:نحي انتي وياها خلي خوكم يتريح
علاء:راكب لي الدور التاني وعقله في البنت يلي شافها عيونها العسليات وجسمها طريقة كلامها وعنادها يلي هبلاته….لازم يلقها البنت لازم
منى:هاي بي خريج الحبوس شن حالك
علاش:شن مدايره في شعرك خيره هكي ?
منى:خيره العفو قنين زي لون الفردوس الاعلى يلي مستحيل نخشلها بسبب ذنوبي ?
علاء:هههههههه انزلي فراس لوطه
منى:عارفه شميت ريحته اصلا …هي بسلامه
علاء:مختشه….وخش لي داره

__________________

نور:واقفه قدام المرايا…احم مالك حبيبي لالا
مالك وخي لا
مالك احسن اخ في الدنيا ممكن تخليني نمشي عيد ميلاد فاطمه؟!افففف معرفتش نقولهاااا
بنمشي ويحلها ربي

منى:خشت المطبخ …مشاء الله نيروز اطيب شن صاير في الدنيا
نيروز:العرس قريب ?
منى:روروروروي الف مبروك اخيرا بنحصل عرس عندي قفطان اخضر بنلبسه
نيروز:هههههه شن قصتك مع الاخضر انتي
منى:عشق عشق ..احم بنقولك روزا
نيروز:تخلط في الطنجره….اها
منى:قاعدين انتم بعدين؟!
نيروز:لا ماشيين حوش خالي مع صلاة المغرب
منى:اهااا
الاء:خشت المطبخ….متقوليليش وين امك انتي متسألش عليك ولا شنو؟!
منى:تاكل في الخيار….مش رح نرد عليك اصلا معتبراتك ذبابه
الاء:مبردك
منى:طلعت من المطبخ وهيا تغني بصوت عالي …ويلي ميضوق العنب حامضاً عنه يقووول
الاء:لازم تتعالج
نيروز:تهبل لاكن ?

____________

طق طق طق
نور:خشت لي غرفة مالك وتتفحص في الغرفه ملقاتاش تسمع في صوت هزاز قربت ع تالفون مالك وكان المسج متع الواتس واضح علي برا
مكتوب فيه

شنو بتجي تونس في راس السنه نحتفلو؟!
المرسل:B
نور:حست بشعور اخي منه
كيف ميخليهاش ادير شي ولا تطلع وهوا واخذ راحته ?رجعت التالفون في مكانه وجت بتطلع لاكن سبقها مالك وطلع من الحمام
نور:وسعت عيونها بصدمه من يلي شفاته …كان مالك طالع من الدوش ولاف فوطه بس عليه
مالك:لاحض ان نور تشوفله زي المصطوله….
نور:ساكته وتشوف
مالك:بي ابتسامة استفزاز….كأنه مستمتعه يلي تشوفي فيه يافرخه
نور:مالك انت موشم?
مالك:شاف لي جيهة رقبته من لوطه ….اول مره تشوفيه؟
نور:حراااام الهم قداش مره بنقولك علي حجات الحرام حتى انا
مالك:قرب عليها…غير زيدي ركزي فيه مش حلو؟!
نور:بعد من عليا ترا …المهم بنسألك في حاجه
مالك:يلبس في تيشرته….احكي
نور:انا انا
مالك:اها؟
نور:بنت تقرا معاي اسمها فاطمه مدايره عيد ميلادها وعازمتني و…..
مالك:لا
نور:علاش به علاش مالك فهمتي مضايقه انا
مالك:تغيرت نضراته لي قسوه….لا قلت منبيش نقول اسباب ولا شي
نور:فديت انااااااا
مالك:ضرب الطاوله لين عطوره طاحو ….كلمه هياااا
نور:خافت ..به مش ماشيه اهو قاعده زي متبي به ؟ان شاء الله ترتاح…..وطلعت من الغرفه
مالك:سكر الباب وكان سبب رفضه يخاف يخطبها حد او تنعجب بي شخص تاني ?
مالك كان عارف مستحيل ياخدها لان هيا معتبراته خوها وبس لاكن في نفس الوقت يبها تقعد هكي لو مخداتاش …كانت شخصية هتلر الاناني متحكمه فيه هلبا ?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

منى:غير اسمعني
الحراس:كلهم يضحكو علي فراس وفراس يشوفلهم بنضرات حقد
منى:انا عندي خوت ولاد وزي منخاف عليهم نخاف عليك راهو انا بنجيك من الباب نبي نخطب
فراس:??‍♂️
منى:شني موافق ولا تبي تكمل قرايتك؟
فراس:تعالو خذوها ولانقتلهاااااااااا وجلالة الرحمن
منى:عمرررري انا العصبي
نور:وجها احمر….منى تعالي
منى:تو نرجعلك حبيبي
فراس:سكر الباب بعنف ويحاول يرجع شخصيته قدام الحراس لاكن بدون فايده ?

نور:الحيوااان هوا عايش حياته وانا كل شي لا لا لا
منى:احم عندي فكره بسيطه وهكي
نور:قعمزت ع السرير متنرفزه…شنو
منى:مرت عمك وبناتها ماشيين لي حوش مش عارف منو بعدين وهتلر طالع اكيد
نور:يعني
منى:قوليله انك ماشيه مع امه وانا بنروح وقولي لي امه انك بتقعدي في الحوش
نور:به؟!
منى:اي ونطلعو للعيد ميلاد منعطلوش حتى ساعه بس هتلر متعك يكون مريح باله انتي مع امه وامه تسحابك قاعده هني
نور:لالا مستحيل
منى:افففف عاد هيا نور خلينا نهيجو قداش علينا مكبوتين
نور:سكتت ولما اذكرت الرساله قرنت حواجبها…تمام بنمشو
منى:يييييييييييي اخيرااااا

____________

مالك:ركب مخزن سلاحه وحطه في خصره
فراس:قداش تبي واحد يمشي معاك؟!
مالك:مفيش داعي انت ساد اجتماع هوا مش تفجير ارهابي
فراس:اممم تمام
نور:طلعت من الحوش تجري….مااالك مااالك
مالك:سيب السياره وقرب عليها بسرعه غطا شعرها بي البرنوص ويتكلم وسنونه يطقطقو ع بعض….قداش مره نقولك معش تطلعي قدام الحرس هكي
نور:نسيت وربي?
مالك:خشي داخلي
نور:به اسمع بنمشي مع امك به حوش خالك منى بتروح
مالك:تمام
نور:بفرح به باي…بتخش لاكن ولت بساته علي خده وخشت بسرعه
مالك:يشوفلها كيف تجري ولابسه توته قطنيه طالعه زي الاطفال …رجع لي السياره
فراس:اشرب اميه مصقعه
مالك:قام حاجبه…علاش
فراس:بتخش علي ناس عصابات وعيونك قلوب هكي؟!?
مالك:شافله بنضره تخوف ع جنب

____________

مروان:اختي الغاليه….
فاطمه:بلا تزمزيك…عزمتها هيا وصاحبتها ع خاطرك رغم اني منحبهمش الزوز
مروان:لان نور طرف ؟!اصلا انتي متحبيش اي وحده احلا منك
فاطمه:طز فيها وفيك ….المهم متطلعش انت وياها برا من داري خير متصير فضيحه وانت عارف منو يكون ولد عمها
مروان:عارف متخافيش
فاطمه:بعدين استنى شوي….انت شنو ناوي بديرلها اليوم
مروان:سر ?
فاطمه:المهم منبيش مشاكل خلي عيد ميلادي يفوت ع خير
مروان:مدوري شي

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

بعد ماتأكدت نور ان مرت عمها طلعت هيا والبنات بدت منى تمكيج وشدت نور مكيجتها بسيف

طقت الساعه 7ونص
نور:شافت لي روحها في المرايا بي صدمه …كانت لابسه قفطان حني استريت وضيق ع الجسم لعند الركبه فاتحه شعرها مع الميكب يلي درتهولها منى
نور:محلاااي كيف طالعه
منى:تلبس في عبايتها….سلم يديا ياكبدي
نور:تلف وتتفحص في شكلها ع المرايا….كان يشوفني مالك يقتلني
منى:افففف منك ومن مالك متعك هيا وقت
نور:نطلعو من الباب الخلفي خير ميشوفنا حد
منى:انتي البسي بس والباقي خليه عليا
نور:ااااه يااااارب استر

_____________
مالك:مقعمز في الاجتماع بكل هيبه وشخصيه ?
لاكن عقله مع نور حس بي تأنيب الضمير كيف حرمها من هلبا حجات
فراس:واقف ورا مالك نخصه ع كتفه عشان ينتبه ع الناس
مالك:حط يديه علي عيونه مش قادر يركز….معليشي لحضه
الشاب:هتلر في شي؟
مالك:تالفون وراجع
كلهم سكتو ويشوفو البعض شنو الشي المهم يلي يخلي مالك يقاطع اجتماع زي هاذا ع خاطره ؟!

نور:واقفه مصدومه في الزحمه والاغاني يلي كانت قوووووووويه بشكل مش طبيعي
منى:ووووووووه ارقصي ارقصي
نور:ضحكت…..هههههه خيرك منى
منى:خلينا نهبلو القلب ?
نور:هههههههه

ترن ترن ترت
نهله:ايوا مالك
مالك:اها امي ترا عطيني نور نتصل بيها مسكر
نهله:نور؟مجتش معانا قعدت مع منى في الحوش
مالك:كيف ؟!مش معاكم
نهله:اي في الحوش
مالك:تمام
نهله:سكرت الخط وكملت هدرزه
مالك:حط التالفون في جيبه وسكر عيونه لي لحضان يتواعد لو انه يلي في باله صح رح يحررررق الدنيااااا??????
فراس:هتلر؟!
مالك:خش خذي نفاتيحه….الغو الاجتماع صار شي مهم ….وطلع بدون ميوضح اي شي مخلي نضرات ناس عصابات مهمه مصدومين كيف يلغي كل شي علي كيف ويطلع؟!

________________

فاطمه:خذت المقرفون من المنشطه….نورتوني حبيباتي وشكرا لانكم لبيتو الدعوه وتوا خلينا نهيجو شويه قبل متوصل التورته
زاد صوت المنضومه وصوت عياط البنات اكتر واكترررررر
ونور ومنى بيهبلو معاهم

مالك:نبي حوش البنت متع العيد ميلاد
فراس:شني،؟
مالك:تفجر….نبي اممممممممم ال?حوش البنت يلي معاهم
فراس:انزل للحوش قبل ممكن داخل هيا
مالك:نزل وقريب كسر الباب متع السياره
فراس:فتح تالفونه واتصل ……
مالك:خش لي دار نور واول ملقاها فاضيه بدي فيها تكسير وعيااااااط كسر كل شي كان موجود ع الزيانه ومراية الدولاب ?
فقد اعصابه هلبااااا يحبها بشكل جنوني ويخاف عليها حس بي ان ضايقها بي غيرته قرر ياخذها ويدهور بيها ويخلي كل الخدمه يلي تمنعه وتباعده عليها لاكن في لحضه عرف انها كسرت كلامه ….

سكروالاضواء وفتحو اغاني اجنبيه مع احواء ديسكو وهاذا زاد هبال البنات اكتر واكتر
فاطمه:نوررر
نور:ايوا
فاطمه:بنقولك
نور:منسمعش فيك صوت الاغاني عاااااالي
فاطمه:قربت علي وذنها….بالله عليك تجيبيلي تالفوني في الدار يلي نحيتو فيها عباياتكم فوق
نور:اهااا تمام
فاطمه:كملت رقصيها وهيا مبتسمه بي نصر ?…يتبع

 

#هتلر 1 (المقدمه):-

نور:كان الدم في كل مكان ?الڤيلو مقطع جسمي ازرق حاسه بي هلباااا الم لاكن الم قلبي كان اقوى من كل شي ريحته علقت فياا حاسه روحي بنستفرغ من كثر القرف يلي صار …

___________________

قبل 4ساعات …..

نور:شفت لي روحي في المرايه ولاول مره جديات انبهرت بي شكلي وبي جمالي يلي كنت محرومه منه
كنت محرومه من اي ذرة مكياج وحتى اني نخلي شعري مفتوح لاسباب منعرفهاش…
اليوم حفلتي ❤️ بس مكنتش فرحانه لسبب مش معروف
كل العيله فرحانتلي وكل شي تمام والعريس بيهبل عليا بس انا في خاطري شي مكسور في شخص معين مشي وخلاني منعرفش علاش هوا مش حبيبي لاكن!!!!!…..خليني نعرفكم بي نفسي عشان تفهمو السبب

اسمي نور عمري 17السنه بس قريت ثانيه ثانوي ووقفت عشان الزواج مواصفاتي حنطيه ونقشي ع الاسود عيوني كبار وشعري طوويل لنهاية ضهري ناعم ولونه اسود داكن
بوي وعمامي الزوز اكبر تجار ممنوعات في المنطقه كلها امي متحملتش الوضع الاجرامي يلي كنا عايشين فيه سلاحات وسيارات مصفحه وحراس ،فقررت تطلب الطلاق وفعلا حصلاته
اطلقت وخلتني ?
عندي اخت وحده(نرمين)ومتزوجه قداش ليها واخ واحد (نور الدين)مسافر ليه سنين واخباره نقطعت
قعدت بروحي معندي حد وقتهاعمري 14السنه بس
خذاني عمي لي حوشه وكنت عايشه نفس الوضع الاجرامي يلي في حوشنا بس كان فيه شي حلو ومختلف يلي هوا (هتلر)❤️
هتلر هاذا اسمه مالك يكون ولد عمي هوا يلي رباني رغم صغر سنه ودار باله عليااا ومعتبرني اخته وكان احسن اخ في الدنيا وهاذي كانت وصية بابا ليه قبل مايتوفى طلب من مالك(هتلر)يخليني في عيونه لين نكبر …مكنتش نعرف ليش ينادو فيه هتلر وهلبا ناس تخاف منه حتى بوه يلي هوا عمي
انا مكنتش نحب اناديه هتلر زيهم لا بلعكس كنت الوحيده يلي انادي فيه بي اسمه نموت في حنيته وضحكته معاي .شكله وملامحه يلي تقتل مخلياته احلا احلا وشخصيته مع الناس تجنن❤️كنت نحب كيف قاسي معاهم كلهم الا انا ياخذ فيا في حضنه ويقولي نور عيوني الحلوه ويدلل فيا بس كان مانعني من هلبا حجات زي المكياج وحتى اني نخلي شعري مفتوح لبسي كله هوا المتحكم فيه رغم ان خواته مش مدورهم هلبا كان الشي هاذا يضايق فيا بس نفرح لما كل ميشوفني مضايقه يحضني ويقولي انتي غاليه وامانه في رقبتي …لاكن من لما خشيت ال17سنه تغير كل شي ?

لما نجي بنحضنه كان يباعد عليا ويتهرب مني كإني مرض?لما نبوسه يقعد دقايق ويدفني وهوا معصب منعرفش ليش?
يتابعد عليا معش يحكي معاي هلبا ولا يشوف في عيوني زي كل مره ?
حتى في عيد ربي يسلم عليا بي يده زي البراني ويمشي ….وقتها حسيت اني فقدت خوي الوحيد

كملت ثانيه ثانوي وخطبني واحد ولما سمع مالك(هتلر) هبلل وجن جنونه وطوووول رفض لاكن عمي وقف في وجها وقاله خلي البنت تشوف نصيبها وانا وافقت لاني كنت محروقه من تصرفاته معاي ?كل يلي داره هذيك الليله شافلي بي نضره تقتل وطلع فرغ مخزن كامل سلاح لدرجة الناس كلها خافت ويسحابو ان في مجزره رح تصير لاكن ركب سيارته ومعش شفته ابدااا?

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

خشيت الصاله وانا مبهوره بي زحمة الناس الله قداش عزم عمي ومرت عمي …الله علي فخامة الحفله وفخامة الضيافه بشكل مش طبيعي
قعمزت ع الكوشه وانا مصدومه في كل شي قاعد يصير جنبي …بنات عمي الزوز الاء ونيروز (خوات مالك)كانو يرقصو ويهيجو بدون اي اهتمام لي شي
خذيت نفس وقررت نكمل الحفله عادي اكيد راجلي رح يعوضني علي كل شي اكيد ❤️

مالك الملقب بي هتلر عمره وسط العشرينات مواصفاته اسمر ولحيته وشعره علي العسلي …عيونه لونهم رماديات يخوفو في كل حد يوقف قدامه ?❤️
شخصيته مش ديمه عصاب بلعكس هادي وعنده نضره وضحكه مستفزززززه وادوب ❤️
لاكن وقت الجد الدنيا تنقلب نااااااار حمراء هاذا كان احد الاسباب يلي خلا الناس تسميه هتلر ورح نتعرفو ع الباقي بعدين
عنده اختين الاء ونيرزو واخ واحد علاء …منبيش نحكي عليه اكتر من هكي لان رح تعرفوه مع باقي الروايه ❤️

______________

فات الوقت بسرعه كبيره لقيت روحي في غرفة النوم …وين كنت سارحه طول الوقت خيرني انا؟!
قمت الطرحه ووقفت نراجي في العريس(محسن)
قلبي قابضني حاسه ان في شي رح يصير لاكن منعرفش شنو ?
سمعت صوت الباب بلعت ريقي وعطيت بضهر

حسام:مبروك ياعروس
نور:تلفتت بسرعه وحطت يديها ع صدرها تحاول تغطي نفسهاومصدومه …وين محسن انت شن ادير هنايا؟!
حسام:سكر باب الدار ويفتح في بطم سوريته….محسن عنده شغل جيت انا انضملك امورك بدله
نور:شن تقوووول انت اطلع من هني
حسام:لوح السوريه ع الارض وقرب منها….اششش الموضوع كله مياخذش 5دقايق
نور:كانت في حالة رعببب مش مصدقه يلي قاعد يصير حاولت تهرب لاكن صعب عليها
حسام:خذي المقص من الدرج وقرب عليها يقص في الڤيلو بوحشيه وحقدددد
نور:تعيط بصوت عالي يمكن حد يسمعها وادف فيه لاكن مفيش اي فايده لين لقت روحها عريانه ?
حسام :يباعد في قماش الڤيلو المقطع ويشوفلها بخبث….لذيذه ياكبدي ذوقه مليح محسن??
نور:لافه يديها ع جسمها وتبكي….بالله عليك لااا وراس امك خليني
حسام:قامها من ع الارض وجابها ع السرير وهيا تحاول تقاوم وتشهق بي البكي لاكن حسام كان عنيف وقوي كأنه متعاطي شي يخليه هكي ?
نور:من كثر الضربات يلي كلتها والخنق وقوة الاغتصاب خلتها تستسلم وتفشل ومعش تحس بي شي غير الدم يلي ينزل منها في كل مكان من جسمها ?

حسام:لبس حوايجها وهوا يمسح في الدم من ع يديه وطلع بدون ميقول حتى كلمه ولا يشوفلها اصلا

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:كان الدم في كل مكان ?الڤيلو مقطع جسمي ازرق حاسه بي هلباااا الم لاكن الم قلبي كان اقوى من كل شي ريحته علقت فياا حاسه روحي بنستفرغ من كثر القرف يلي صار …مش قادره نبكي من التعب نزلت من السرير نزحف لي الطاوله وانا خلاص مش قادره نوقف خذيت التالفون واتصلت بيه اي كلمته لاني معنديش غيره في الدنيا هاذي كلها ?….يتبع

هيا قيموها بي الحلقه الاولى باش مع الحلقات نعرفو علاش سبب الاغتصاب هاذا وشن الحجات يلي مخبيه ؟!ونتعرفو ع باقي الابطال
وروووني لو عجبتكم وكان التفاعل ضعيف بنشوف غيرها

تقييم المستخدمون: 4.79 ( 11 أصوات)

1 2 3 4 5 6 7 8 9 10 11 12 13 14 15 16الصفحة التالية
الوسوم

تعليق واحد

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock