أشعار وخواطر

شاعر مرفوع بالضمة

جميع الحقوق محفوظة للكاتب :د|محمود لطفي

[box type=”success” align=”” class=”” width=””](شاعر مرفوع بالضمة)للكاتب :د|محمود لطفي[/box]

 

الفاعل مرفوع بالضمة والشاعر زيه يا اما
يقدر بكلامه يقود امة من غير رقص ولا صاجات
…..
قالت امي ده زمانه فات واللي بتحكي عنه مات
وقت ما كان الشاعر شاعر كلامه يهدد في الحكومات
………………….
قلت لها وايه اللي جرى لهم قالت بيخافوا على عيالهم وحتى لو الهم طالهم يديروا عن الازمات
…………………….
قلت اكيد مش كلهم لسه في جدعان منهم يكتبوا همنا وهمهم ولا يرضوا ابدا بالسكات
………….
قالت مش عيب يخاف ويغطي نفسه بمية لحاف ولو كتب بخبر شفاف هايقلبوا له في اللي فات
………….
تبقي كده يا امي عذراه في خوفه في الرعشة اللي بكفوفه في الاحباط اللي لما اشوفه في عينه ببكي بالساعات
…………
قالت كل ده مش سبب يسيب علشانه شعره والادب ويكتب لنا من العجب كلام يودي للمتاهات.
…………..
يعني يرجع تاني فارس على قلمه ولكلامه حارس مش يقول على مايو مارس علشان يرضي اراجوزات
…………..
وساعتها هايرجع لمكانته مرفوع مش بالضمة لكن بامانته ولعقله يعود ولرصانته ونغني له اهلا سلامات.
#د_محمود_لطفي

الوسوم

رأيك يهمنا

زر الذهاب إلى الأعلى
error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock