روايات كاملة

صفحات ممزقة بقلم القطة الشريرة

صفحات ممزقة بقلم القطة الشريرة

#صفحات ممزقة
(قصة واقعية)
المقدمة
بقلم.. القطة الشريرة

داليا.. تعالي ياخنساء شوفي أمين ولد عمي محمود كيف بدا طرف
خنساء.. أسكتي معاش تكلميني وأنا نقرا
داليا .. طيح سعدك وخلاص محلاه الهم كيف طول وعرض ولحية وشخصية
خنساء .. صكرت ودانها وغمضت عيونها وبدت تهز وتقرا بصوت عالي
دلال.. فتحت الباب وخشت بسم الله خير أمها الفرخه هدي ركبها جن ولاشن
داليا.. خليها هاري بوتر هدي تعالي شوفي البقلاوة أمين ولد عمي محمود
دلال ..وين لقيتي صوره
داليا.. الصور بعتتهم مرات عمى زهرة متع بيان رانيا لقيتهم ف دار امك وبوك
دلال..😍😍😍 عسل تغير هلباااا عن قبل
داليا.. كله من بوك معيشنا ف تركينة بروحنا وحارمنا من ولاد العم وولاد العمات
دلال.. ايه مش عارفة شن يحس لاعمام لاخوال
خنساء.. هكي أحسن الخلطة هلباااا تجيب المشاكل
داليا.. والنبي أسكتي انتي خليك ف قرايتك
خنساء.. حطت صبعها ع نظارتها ودفتها القدام اصلآ قاعدة من غير قولك
دلال.. تعرفو قداش ننقهر لما تصير مناسبة عندهم وبابا مايخلينا نمشو
داليا.. اسكتي ساكتة ربي يكون ف عونا وخلاص
مديحة.. نوضو عاونوني شن ديرو متجمعات هنا
داليا.. نتكلمو ع راجلك
مديحة.. راجلي كان يجي ومايلقى الغداء واتي حاتتهذبو
خنساء.. انا امتحاناتي قريب وماحد يكلمني
داليا .. قداش تقهر فيا المعقدة هدي كل شي قرايا قرايا هيا وشنباتها زي عيلة او حجاجات
دلال.. ههههههه
خنساء .. كلمي بناتك
دلال.. حق بري ديري فتلة
داليا.. اكسري حتى طاسة وديري بالمرش متاعها مش عارفة كيف متحملة روحك هكي
مديحة.. خلوها ف حالها
خنساء .. ماعندكم بيا علاقة بعدين انا واثقة من نفسي وهكي عاجبتني روحي ولما تشوفوني شادة شهادتي وأنا دكتورة قولولي يامعقدة باهي
داليا.. بالله غير إحلمي بوك والله ماهو مخليك تقري طب لأن مافيش جامعة هنا والبرا ماتحلمي تطلعي
دلال.. شوق ماتمنينا لكن بوك طمسنا لاجامعات ولامدارس زي الناس
مديحة.. غير إنتي أطلعي من الشهادة الإعدادية وبعدين ساهل
دلال.. ماتخليها تتأمل ع الفاضي هيا المشكلة التخصص من الثانوية مش من الجامعة والثانويات هنا مافيهم تخصص طب
خنساء .. نمشي نقرا عند خوالي ف طرابلس
داليا.. هههههههههههه
دلال.. هيا هيا مسكينه تسخف أختك وطلعو
خنساء.. وقفت ع المرايا وقعدت تشوف لمنظرها نظراتها كبار واخدين نص الوجه حواجبها عراض هلبة وزنها الزايد ولبسها الفضفاض الواسع حتى انها تقعد بالحجاب ف الحوش هما يشوفو فيا معقدة بس ماحد فاهم انا شن نبي وشن طموحاتي ناس تهمها المظاهر بس
دلال.. وهيا تقرض ف السلاطة وين سليم
داليا.. نقصي صوتك توا تسمعك أمك
دلال..أمك تصلي ف الظهر
داليا.. من لما قتله تعال أخطبني معاش رد عليا
دلال.. الواطي واضح انه يعلب عليك كان
داليا.. لاهوا يحبني اكيدا غير مش فاضي
دلال.. اهو بوك جاء اسكتي خلاص
موسى.. السلام عليكم
داليا ودلال .. وعليكم السلام
موسى.. أمكم وين
دلال .. تصلي
موسى.. وخنوس
داليا.. تقرا ف الدار
موسى.. تمام بكل وخش غير دبشه
مديحة.. هيا بسرعة جيبو الغداء
دلال.. تمام هي
داليا.. نوضي تغدي هيااااا
خنساء .. تمام هيا
داليا.. الماكلة فالحة فيها عطك سم
خنساء.. مادخلك فيا ودفت نظارتها بصبعها
داليا..😂😂😂
خنساء .. السلام عليكم كيف حالك بوي
موسى.. أهلين دبة كيف حالك انتي
داليا ودلال .. 😂😂😂😂يادبة
خنساء.. من رزقه هوا بالك توكلو فيا😒
موسى.. هههههه
مديحة.. قالو عرس مودة بنت أختك الأسبوع الجاي
موسى.. ونحنا شن دخلنا
مديحة.. كيف شن دخلنا عرس بنت أختك هذا
موسى.. ربي يهنيهم
مديحة.. مش كان ترفعنا نغيرو حتى جو قبل مايبدو امتحانات خنساء
خنساء.. مش ماشية
داليا.. قرصتها من يدها
مديحة.. والله لينا هلبة مامشينا وين نفسيتنا مدمرة لاسفر لاطلعة لاخشة
دلال.. ايه يابابا والله صغار عمامي وعماتي كان نشوفهم مانعرفهم
داليا.. انا استاحشت لجدي مسكين قالو بدا ينسى هلبة خايفة ينساني وانا ماشفته بكل
موسى.. تعرفوني انا الطريق والسفر مانحبهم
مديحة.. هوا يوم تحمل بينه وبعدين يروح بينا حتى حد من صغار خوتك
موسى.. ساهل ساهل خلونا نتسمسو توا وبعدين ساهل
موسى شخص عصبي هلبة ومايحبش الدوشة سبب انفصاله عن عيلته هوا ان مديحة زمان كانت ديما تتعارك مع حمواتها وبينهم مشاكل وهكي موسى رفع مديحة وسكنها ف يفرن
خنساء .. مش ماشية معاكم مانحبها أوباري بكل
دلال.. تفنص فيها
موسى.. صكرو ع الموضوع خلاص😠😠
تغدو وناضو البنات غسلو الماعين
داليا.. الفرخه أختك تبي تفسد علينا
دلال.. ايه مانحبها أوباري قداش دراه الفرخة هدي متعقدة وبتعقدنا معاها
______________________________
نعرفكم ع أبطال الرواية سنة2010
خنساء وهيا بطلة الرواية سمينة وحواجبها كبار وتلبس ف نظارات متعقدة درجة أولى ديما الوشاح ع راسها ولبسها طويل وواسع أكبر همها القراية وكانت تنجح بإمتياز مواليد 95
دلال.. مواليد 89 مخطوبة أحلا وحدة ف خواتها شعرها طويل وبشرتها أفتح من خواتها واول حفيدة ف العيلة كانت مدلعة هلباااا
داليا.. مواليد94 شيطانة وامها مدلعتها ومدايرتلها تلفون موتوريلا طويلة وضعيفة وتبي رويحتها
علاء.. مواليد88يقرا ف طرابلس
موسى..م62 عصبي هلبة وحنون ف نفس الوقت تزوج مديحة زواج تقليدي وكانو ولاد عم
مديحة..م67 نقشها حلو وتحب بناتها هلبة واكثر وحدة داليا
__________________
الأيام.. تمر
والسنين.. لبن
😂😂😂😂 نبصر
موسى.. وهوا فاتح ع قناة أقرأ ويتفرج ع الشعرواي وتو رواحكم بعد غدوة طالعين
مديحة.. وهيا مقعمزة ع العالة وتخلط ف الشاهي الأخضر وأخيرآ وافقت
موسى.. ماتنسي اي مشكلة بتصير لاعرس لاأعراس وتروحو طول
مديحة.. هذاك زمان كنت صغيرة لكن توا ف هالعمر خلاص
داليا.. الله كان بابا يوافق ونمشو
دلال.. انتي خيرك هابلة ع المشية
داليا.. من لما شفت صورة أمين هبلت بنمشي نقنص عليه أكيد حانعجبه بعد كبرت وحلويت
خنساء.. 😒 هبال ناس تفكيرها محدود خليك ف قرايتك
داليا.. اس انتي مش عارفة كيف متحملة الوشاح فوق راسك سخانة راهو صيف أرحمي شعرك خلي يتنفس
خنساء .. مادخلك فيا انا هكي متريحة
مديحة.. سمعت بنتك خنساء شن قالت
موسى.. خيرها
مديحة.. تبي تلبس خمار
موسى.. شن هوا
مديحة.. مافهمتش شن الى عقدها ماكانت هكي بكل
موسى.. قوليلها مزال صغيرة عليه الخمار
مديحة.. خلي نمشي للبنات نشوفهم
______________________
خالدة(أم موسى)كلمتو خوكم وين وصل
محمود(خو موسى) قريب يوصلو
زهرة(مرات محمود) قداش لينا ماشفناهم
خالدة.. مرته اللفعة خشت علينا بالمشاكل
محمود.. معاش وقته الكلام هذا الى فات مات وخلاص
زهرة.. ناضت للمطبخ وقعدت توتي ف الغداء
امين.. السلام عليكم
زهرة.. وعليكم السلام
امين.. غداك فايح اليوم😍😍
زهرة.. عمك موسى قريب يوصل
امين.. عمي موسى ياحسرة مقدمه نسيت حتى كيف شكله
زهرة.. الله غالب عماتك الحرف هما السبب ياما بهدلو بينا زمان غير عمك موسى فالح رفع عيلته وحول وقعدت انا حاصلة فيهم
امين.. الله غالب
موسى.. وقف السيارة وشاف لبناته هذا حوشنا
مديحة.. ياحسرة ع ايام زمان
نزلو وموسى قعد يخبط ف الباب
أمين.. هيا هي وفتح الباب
يتبع

تقييم المستخدمون: 4.54 ( 9 أصوات)

1 2 3 4 5 6 7 8 9 10 11 12 13 14 15 16 17 18 19 20 21الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock