روايات كاملة

عشقت صوتك (الجزء الثاني)

جميع الحقوق محفوظة للكاتبة القطة الشريرة

عشقت صوتك (الجزء الثاني) للكاتبة القطة الشريرة

عشقت صوتك الجزء التاني1(حقيقية)
بعد مرور 6شهور
ماما نوضي يابنتي خلاص أرحمي روحك راهو حرام الى مدايرته ف روحك تتحاسبي عليه هذا كله
أنا كرهت الدنيا ياماما خاطري نموت مش قادرة ننساه ولانعيش من غيره
ماما انتي ادعيله يرجع سالم ولازم تردي بالك ع صحتك باش كان رجع يلقاك حالك باهي
انا مش قادرة ياماما مش قادرة
ماما الحياة بتستمر ومش حاتوقف نوضي صلي ركعتين وأمسحي دموعك أطلعي وشوفي الدنيا مازلتي صغيرة ضيعتي حياتك وشبابك
أنا نضت صليت وطلعت من داري كأني كيف نكتشف ف الحياة من جديد كان كل شي غريب عليا أول مرة نلاحظ أنهم غيرو ديكور المطبخ وغيرو زواق الحوش والأثات
بابا لولو تعالي حبيبة بابا ستاحشتك وستاحشة نشوفك ف الحوش
أنا حضنته حسيت أني مقصرة فى حقهم وهما مخليني ع راحتي
قررت أنى نبدأ حياتي من جديد وحبي لوسيم وشوقي ليه بيقعد زي ماهوا ومش حايتغير شي
قاعدين نتغدو ع السفرة وكنت نحاول نرجع لطبيعتي
بابا بنقولكم حاجة انا شريت حوش ف الجبل الخدمة هنا مش زي قبل كلمني صاحبي وقالي تعالا نديرو مشروع غادي
ماما وحوشنا وبلادنا
بابا حوشنا بيقعد وبلادنا نزورها ف العطلة
أنا الى تشوفه يابابا
ف العشية طلعت عند غزلان وغيرت جو
غزلان صار بتحولي خسارة كيف بيصير فيا
أنا الله غالب حبيبتي لكن حانديرلك زيارة وعد
غزلان ضروري تجي تحضري العرس
أنا أكيد حبيبتك وحانكون وزيرتك ههههههه
فات أسبوع وحولنا للجبل الصراحة كانت أول مرة نمشيله كان حلووو بجد المناظر الخضراء والطبيعه الحلوه خايفه نقول والطروف نخون وسيم حتى ف النظرة😂😂
رتبنا بيتنا الجديد وكان حلو
ماما هيا نطلعو شوي ف البلاد شكلها معبية طروف
طبعآ ماما جوها حلوو وتبصر ديما
أنا مليتي من الشيبو
بابا هدا عقابها من غدوة بنمشي ندور الثانية
ماما تدلع ع بابا معقولة حبيبي تبدلني بوحدة تانية
انا 😂😂😂 علامات المراهقة المتأخرة هدي
بابا اس عيب مش جنب الصغار
انا خودو راحتكم توا نطلعو انا وخوتي مادورونا
بابا احم هيا ألبسو خلي نأخدو دورة
وقطع عليا صوت رنة التلفون ومن تتوقعو كانت
أنا السلام عليكم
أم وسيم وعليكم السلام كيف حالك يابنتي
أنا الحمد لله ياخالتي كيف حالك أنتي وشن حال عمي زياد
ام وسيم كلهم ف نعمة يابنتي شن حال ناسك أنتي
انا الحمد لله ياخالتي
أم وسيم نبي نقولك يابنتي عرس سند الأسبوع الجاي وكلمتك باش نعزمك
انا بس ياخالتي المفروض عرس سند مع وسيم ليش هكي بس مستعجلين
ام وسيم سند مستعجل لأن أم روان قالت استعجلو البنت ليها 6شهور مخطوبة
انا ف ناس يقعدو بالسنين
أم وسيم عارفه انه محروق قلبك ع وسيم وانا أكثر منك والله بس شن بندير هداك ولدي وهدا ولدي ياريت تجي باش نشوفك
أنا تمام نسأل بابا وماما ونرد عليك
أم وسيم ان الله يوافقو
يتبع
عشقت صوتك بعد التعديل

تقييم المستخدمون: 5 ( 1 أصوات)

1 2 3 4 5 6 7 8 9 10 11 12 13 14 15 16 17 18 19 20الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock