روايات كاملة

عشق رغم الصعاب للكاتبة koka saleh

جميع الحقوق محفوظة

عشق رغم الصعاب للكاتبة koka saleh

رواية عشق رغم الصعاب للكاتبة koka saleh

 

#عـشـق_رغـم_الـصـعـاب
الـحلـقـة الـسـابـعـة عـشـر
فراس استغرب وقعد ايشوفلها زين وانصدم لما نزلت آية وجت عينها في عينه وعرف ان بيانها فراس قعد مصبي ومصدوم وآية نزلو دموعها وخشت للجنان وبدت نسرين اتحولها في عبايتها والوشاح وآية تبكي
نسرين:ويه اسكتي خير ماايشوفك حد الله غالب هذا نصيبكم
آية ساكته وادموعها ينزلو ونسرين قعدت تمسلحها في دموعها واتحاول اتهديها قبل ماايخشن
وفراس قعد قلبة ايدق بسرعه وحاس ان روحه موخوذه منه وخش للحوش ومسك فونه ورن علي آية
نسرين بتخش هي وآية جوا وفي يدها فون آية ورن
آية وقفت وكأنه قلبها حس:فراس صح
نسرين:اها بس خلينا انخشو الناس جوا يرجو فيك
آية;خليني نسمع صوته الأخر مرة
نسرين:خلاص تعالي انخشو للمخزن قبل ماحد ايشوفك وخشن للمخزن وفراس مازال ايرن وآية ردت عليه
فراس يبكي:آية ماتاخذيش
آية تبكي;خلاص يافراس انت وصلتنا لعند هنا
فراس يبكي:اطلعي توا وانا ناخذك ومش هامني حد آية;لا خلاص هكي يقعد العار عارين والناس كلها ملتمة نقدرش اندير في بابا هكي حيصيرله شيء
فراس يبكي:طشتي لو خذاك غيري انموت انتي انهي اللي قاعد ايصير هذا
آية تبكي:خلاص هذا حد نصيبنا معش نقدر ننهي شى
نسرين كانت تسمع في كلام فراس وتبكي عليهم
فراس:ايوته طشتي انتي راضية اتكوني الغيري
آية تبكي وساكته
فراس يبكي:طشتي معش اتحبيني
آية في خاطرها اتقول انحبك بس كبريائها مانعها وتبكي:انت سبب هذا كله مش انا
فراس يبكي:عارف وتأسف ونادم بنموت من الندم بس توا مستعد انصلح غلطي ونوعدك هالمرة تقعدي ليا بس قولي أنحبك وانا حنقلب الدنيا كلها وحنخرب الخطبة وتقعدي ليا
نسرين جنبها:قوليها قوليها معش اتكابري لو تبي تقعدي له بلا عناد وقوليها
آية اتشوف النسرين وتبكي:أها انحبك انحبك ونبيش نقعد الغيرك
فراس يبكي:وانا انموووووت فيك انحبك موت وقسما بالله ماايزفك واحد وانا حي
آية تبكي:شن بدير
فراس:حتعرفي اللي انديره البيان هذا مش حيتم انتي خشي توا وباني طبيعية وانا حنصرف
آية:تمام ومسحتلها نسرين دموعها وسقمتلها مكياجها وخشن وقعدو عاد ايزغرتو وايغنو وآية قمعزت وقمعزت جنبها نسرين بس هنا الاثنين كانن في عالم آخر وخايفات من اللي يبي ايصير
“”
فراس خذا مسدسه وحطه من لاورة وطلع ومشى العمه ولقى عمامه وضنى عمامه كلهم قاعدين قدام الحوش ويرجو في جية العرب
فراس معصب وجا العمه مفتاح وخذاه بروحه:عمي لازم تلغي كل شيء توا
بات آية:بلا اهبال زايد انت في شن تحكي
فراس:اللي سمعته ياعمي انا آية نبيها ومش حياخذها واحد غيري
بات آية:فراس عدي من هنا احسنلك موضوعك انت وآية انتهى وتوا آية مرات راجل
فراس بصوت عالي:آية مش حياخذها غيري والخطبة مش حتم
بات آية بصوت أعلى:وانا من قبل قتلك مش عاطيها لكي وعدي خير ماايصير كلام مايعجبك
بات فراس لما على الجو جاهم:تي شن فيه كنكم
بات آية:ولدك شكله انهبل وجاي بيخرب الخطبة
بات فراس بعصبية:الموضوع انتهى وانا وعمك مش راضيين عالخطبة وحليناها بينا عليش بدير مشاكل انت
فراس بعصبية:مش انتو اتقررو حياتنا انا وآية انحبو بعضنا ولا اي قوة في الدنيا حتفرقنا
بعد الصوت علا الكل التمو عليهم وحاولو ايهدوهم
عبادي:خلاص يافراس توا عدي بلا مشكلة وبعد البيان انتفاهمو
فراس بعصبيه:انا مش ماشي من هنا تي يبو يعطوها الغيري
عمه مفتاح:فراس اقصر الشر وعدي وهذا حد النصيب وارضى بيه
فراس:مش راضي بيه ودبيني حي مش زافها واحد غيري
بات آية حمق بكل:فراس بلا تكثير دوة العرب قريب يوصلو مانبيش مشكلة قدامهم عدي توا وبعدين نحكو
فراس:مش متحرك من هنا لين اتقولي عطيتك آية
بات فراس دفه:فراس امشي احسن ماانمد يدي عليك
فراس:مش اتمد يدك بس لو تبي اقتلني حتى القتل من هنا مش ماشي لين عمي ايوافق ناخد آية
بات آية:وانا مش عاطيها وآية اليوم خطبتها وهذا وضع لازم اتأقلم معاه
فراس:مش متأقلم
وفراس وباته وبات آية عصبو عالأخر وقعدو ايتناقشو والنقاش زاد والباقي ايحاولو ايهدوهم لان العرب قريب ايجو بس وصلو العرب ومازال ايتناقشو وصلو العرب وكانو قريب 5سيارات مليانات صبايا وجو وهما ايبيبو وفرحانين ونزلو الرجالة وقعدو ضنى عمام آية ايسلمو عليهم وبعدها نزلن الصبايا ومنزلات الدبش ويبن ايخشن هنا فراس معش تحمل ومشى يجري ووقف قدام باب حوش عمه وطلع المسدس
فراس بعصبيه وماسك المسدس;مافيش حد حيخش هنا اللي ايخش حيكون أخر يوم في عمره
الصبايا خافن وردن
وعيال عمه جوه وقعدو يبو ايحولوه وهو قعد موجه المسدس عليهم
عيسى صاحب مفتاح مصدوم:شن فيه يامفتاح
بات آية انحرج ومعش عرف يحكي:مافيش شيئ غير
فراس بصوت عالي:مافيش خطبة بنت عمي ونبيها
عيسى:كيف هالدوة يامفتاح
بات آية منحرج ومعش عرف ايرد
عيسى:عيب اللي اديرو فيه من الاول كان قلتو البنت يبيها ولد عمها
بات فراس بعصبيه:فراس تحشم وحول وخلي العرب ايخشو راه اللي ادير فيه غلط راه نغضب عليك وانتبرى منك قدامهم
فراس:موش هامني شيء المهم ماحدش ياخذها غيري
عيسى:اللي درته عيب في حقي انا صاحبك والمفروض من الاول حكيتلي مااتخلينا نوصلو وتكسفونا هكي لكن يامفتاح بنتك عندك ومعش فيه نصيب وركب في سيارته وباقي الرجالة ركبو وروحو
بات آية عصب قرب من فراس وعطاه كف
فراس انصدم وايشوف العمه زين
بات آية:بنتي نعطيها الكلب ولا نعطيها لكي وانتي لا ولد خوي ولا عاد بنعرفك
بات فراس زاده بكف واحد اخرى:انت مااتحشمش علي وجك وانا متبري منك لعند ماانموت
فراس وجعه كلام باته وعمه وطلع وهو الدنيا سودة في عيونه
المعازيم اللي جوا سمعو اللي صار وروحو كلهم
وبات آية خش للحوش ولقى آية في حظن أمها وتبكي وجنبها خالتها ونسرين
بات آية بصوت عالي;عليش تبكي وانتي سبب كل اللي صار
آية صبت وهي تبكي:انا أسفة بابا
بات آية بعصبية وضربها كف لين طاحت:تريحتي بعد جبتيلي العار توا
آية تبكي ومش مستوعبه اللي داره باتها
بات آية:طلعتوني مش راجل قدام العرب حشمتو بيا وفضحتوني ياريتك ميته ولا وجبتيلي كل هالمشاكل ياريت اللي عندي كلهم عيال ضنوتك غلط ماجاني من وراك الا المشاكل والعار وهذا كله عشان خاطر الكلب فراس لكن وقسما بالله دبيني حي ماتاخذيه
أم آية مسكت بنتها:عيب ياراجل اللي اتقول فيه هذي بنتك
بات آية:كله منك ومن كلامك هذي تربيتك
أم آية انصدمت:وكنها تربيتي عليش الدوة هذي
بات آية وام آية قعدو ايتعاركو وام نسرين اتحاول اتهديهم وآية اتشوف فيهم وتسمع في كلامهم وتبكي
زادت المشكله بين بات آية وامها وامها لمت دبشها وآية قعدت تبكي وتجدى فيها تقعد بس ام آية وجعها كلام راجلها ومشت الهلها آية ومعش تحملت كل اللي صار وبعد مشت امها خشت الدارها وسكرت علي روحها وقعدت تبكي وتبكي وتذكر في كلام باتها الها والامها وحاسه إن الدنيا كلها اسكرت في وجها خالتها ونسرين قعدن ايدقن عليها وحاولن ايخلنها تفتح بس هي طلبت تقعد بروحها وهنا خلنها براحتها وماحبن ايكثرن عليها
“”
بعد حوالي ساعة عبادي روح للحوش ومالقش أمه ودق علي دار آية مافتحتش ومشى الحوش خالته وخش
عبادي:خالتي وين امي ووين آية
أم نسرين:قعدت تحكيله في اللي صار
عبادي عصب;وباتي ليش ايدير هكي امي وآية شن دخلهن في الموضوع
أم نسرين:باتك معصب من اللي صار بس وكانت حمقة
عبادي صبى;انا لازم نمشي نحكي معاه
أم نسرين:لالا خليه يهدى قبل توا تمشي حيتعارك معاك وتكبر القصة توا خليه يهدى وهو بروحه حيعرف ان غالط وحيمشي ايرضي فيروز وايجيبها انت عارفه فيروز غالية عليه وماايتحمل زعلها
عبادي:بس ياخالتي
أم نسرين:مافيش بس انت اقعد توا هنا وانا توا حنمشي انجيب آية وانتعشو كلنا هنا وبكرا باتك يهدي وحيحكي معاه عمك
عبادي اقتنع بكلام خالته وقمعز
أم نسرين:خلاص خليك هنا وانا بنمشي انجيب آية ونسرين قاعدة اتوتي في العشاء وانتعشو مع بعضنا
عبادي:تم ياخالتي
عدت أم نسرين بتشوف آية وعبادي قعد مقمعز في الصالة مع خشت صفيان ولد عمهم
صفيان:خير ياعبادي
عبادي:خيرين شن جوك
صفيان:تمام شنجك انت
صفيان:تمام وين نوسه
عبادي عقد حواجبة:من
صفيان:نقصد نسرين وين
عبادي:في المطبخ شن تبي منها
صفيان:نبيها اديرلي فنجال قهوة ماالقيتش في حوشنا وخش للمطبخ علي نسرين وعبادي قعد يسمع في ضحك صفيان مع نسرين غمتله بكل وخش عليهم
عبادي ايفنص في نسرين:مازال ماكملتي القهوة
نسرين اتشوفله:خلاص بنعطيه توا وصبت القهوة الصفيان
عبادي عقد حواجبه:وانا عطيني فنجال
نسرين:حاظر وصبتله
صفيان كمل القهوة وطلع
نسرين اتوتي في العشاء وعبادي كمل فنجال القهوة وجا قرب من نسرين وحطه
عبادي خبط الفنجال
نسرين انفجعت:بسم الله كنك
عبادي بعصبية:عليش تضحكي انتي وصفيان امبدري
نسرين تضحك:يحكيلي علي عركته مع امه عالقهوة
عبادي عقد حواجبه;وعليش يحكيلك ان شاءلله
نسرين:عادي مشفط علي امه ويحكيلي عليها
عبادي قرب منها ونسرين خافت
عبادي عقد حواجبه:انا شن قتلك عالبصارة معاهم
نسرين تبلع في ريقها:هو حكا
عبادي:وهو يحكي انتي لازم تضحكي
نسرين:شن فيها هو ولد عمي
عبادي زاد قرب منها وبعصبيه:وكان ولد عمك مش انا قتلك بطلي البصارة
نسرين خافت ومن خوفها قالت:وانت شن دخلك بيا
عبادي زاد عصب:لا دخلني بيك افهمي انا وفون نسرين رن ونسرين شافت الفونها ووجها تغير وقعدت اتشوف العبادي واتشوف الفونها
عبادي بعصبية:من اللي رن عليك
نسرين بخوف:رقم نعرفش
عبادي بعصبية:باهي هيتي انرد عليه
نسرين خافت وبعدت من عبادي:لالا مااتردش عليه
عبادي بيكر منها الفون ونسرين جرت قدامه عبادي مسكها ودفها عالساس وبياخد منها الفون وخش بات نسرين عليهم
بات نسرين بعصبية:انتو في شنو اديرو
عبادي:ماتفهمش غلط ياعمي
بات نسرين معصب:شن مانفهمش غلط نلقاكم هكي شن معناها
عبادي:ياعمي والله مافيه حاجة راه
بات نسرين بعصبية:وتبوني نرجا لين تقعد فيه حاجة وكر نسرين ووبيضربها
عبادي مسكها وحطها وراه:لا ياعمي نسرين مادخلهش كان بتضرب اضربني انا
بات نسرين معصب;توا انوريك انت وهي ويبي ايكرها
عبادي:ياعمي بالشوية انا انحبها ونبيها بالحلال
نسرين تبكي وانصدمت
بات نسرين:اللي ايحب وحدة ايجي من الباب مش ايتكرس هنا
عبادي:والله هي ماالها ذنب وانا كنت امقرر انجي من الباب لكن شايف المشاكل اللي صايرات بروحك
بات نسرين بعصبية:قرر هنا عندك ماعنديش بنت نعطيها لكي وكر نسرين ويبي يضربها عبادي ماتحمل وكر نسرين من يدها وطلع بيها بسرعه وبيشيلها الحوشهم ويحكي الباته وعمه طلع وراه بسرعه وهو معصب عالاخر وهما خشو للحوش وام نسرين اتجيهم تجري
ام نسرين ترعش:فراس تعال اكسر الباب علي آية من بدري اندق ومااتردش عليا
عبادي مش معاها يجري وكسر الباب هو وعمه وانصدمو لما فتحو لقو آية طايحة عالسرير واحذاها عرم اشرطت أدوية فاضية شالها عبادي بين ايديه وخالته ونسرين يبكن وايعيطن وطلع باتها من العياط وشافها وركبها عبادي في السيارة وبيطلع مع جيت آيهاب ووجه اسود ويبكي ويرعش
إيهاب:فراس ياعبادي فراس
بات نسرين وبات آية بخوف:كنه فراس
إيهاب يبكي:دار حادث والسيارة انفجرت بيه
#يتبع
بسبب عناد الهل وصلو الهنا زعمك شن حيصير في آية وفراس هل حيكون قدرهم انهم ايموتو في يوم واحد او مقدر الواحد فيهم ايعيش من غير الأخر كله حنعرفوه في حلقة بكرا 😍
الرواية قريب تكمل بس مش عارفه كم حلقة مازالت واسفة عالتأخير بس زي ماقلتلكن افكاري والله متشتته بكل وان شاءلله الحلقة اتكون عجبتكن 💗
أسفة لو فيه لخبطة في الأسماء وأكيد رأيكم ايهمني😉
گـتـابـتـي Koka Saleh

تقييم المستخدمون: 5 ( 1 أصوات)

1 2 3 4 5الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock