روايات كاملة

غربة نائية بقلم يمنى عفيف وأمل الحياة

جميع الحقوق محفوظة

غربة نائية بقلم يمنى عفيف وأمل الحياة

#غربة_نائية
#بقلم_يمنى_عفيف_و_أمل_الحياةالنجاح الحقيقي هو أن تتأقلم وتتعايش مع الظروف كيفما كانت

…….
طلعت شمس نهار جديد على المدينة اللي بتعج بالناس

وتحديدًا بالمطار

ماريا : رح أشتقلكم كتير انتبهو على حالكم

إم ماريا : وإحنا رح نشتقلك الله يحميكِ

أبو ماريا : تروحي وترجعي بالسّلامة أحلى عروس

وسام : يلا ماريا خلينا نمشي مشان ما تروح علينا الطيارة

ماريا : يلا حبيبي ثواني بس أودّع إخوتي

وسام : والله مش مطولين اسمه شهر عسل

ماريا : بعرف بس بعمري مافارقت أهلي أكتر من يوم

…….
ماريا
صبية عمرها 27 سنة تزوجت من كم يوم بس من وسام…بتشتغل محامية…تعرفت على وسام بالمحكمة

وسام
شب عمره 35 سنة متزوج من ماريا…وبشتغل قاضي بالمحكمة

بطرف ثاني من المطار

كنز : مارح روح يعني مارح روح بدي شوكلا أول

علياء : ماكان ناقصني غير منتِ يافصعونة إمشي واسكتي
أحسن مانتأخّر عالطيارة وتروح علينا

كنز : طيب بتوعديني بس نوصل تشتريلي شوكلا ؟

علياء ~تنهدت~ : خلص بوعدك يلا امشي

كنز
بنت صغيرة عمرها ٥ سنوات عايشة مع امها بعد ما توفّى أبوها

علياء
صبية عمرها 34 سنة دكتورة بوحدة من مستشفيات مدينتها
عايشة مع بنتها كنز ببيت صغير بعد انقتل زوجها بظروف غامضة
….

سمعت علياء صوت صراخ قريب منهم…. ولحقت الصوت لتعرف شو القصة…. ابتسمت لما شافت مجموعة طلاب جامعة عم يتناقشوا وباين من ملامح وجههم انهم مختلفين على شي

يزن : لأ مارح أقعد جنب مهند أساساً مستحيل أقعد جنبه

مهند : كما تشاء… لكن التذكرة التي معك تدل على أنّك سوف تجلس بجانبي

يزن : يا حبيبي رح أبقى طول الطّريق قاعد جنبك وكل ماحكيت كلمة تقعد تصحّحلي أغلاطي .. مستحيل عم قلكم

نسمة : والنبي يايزن ماتعقدهاش .. إحنا فرحانين ومبسوطين… أرجوك مرقهالو المرة دي بس وأقعد جنبه .. وأوعدك أول ما تسمح لي الفرصة حتكلم مع المضيفة وأقعد مكانك على طول

يزن بابتسامة رضا : تمام اتفقنا .. بس مين قاعد جنبك انتِ ؟

نسمة بابتسامة وهي تراقب معالم وجهه : حمدي

يزن : لأ مينفعش قصدي مارح يمشي الحال شو حمدي؟

سيلينا : يعني مافي غير هالحلين .. إما ترضى بنصيبك وتقعد جنب مهند أو ترجع على بيتك وتخلينا نكفي هالرحلة بخير وسلامة

يزن : خلص رح أرضى بقدري وأقعد جنب مهند

ندى وهي بتزبط بنظارتها : إي هيك من الأوّل … يلا إمشو قبل مانتأخر عالطيارة

نسمة : بنت مصرية طيوبة و هبلة شوي بتدرس أحياء
عمرها 22 سنة بتسافر كل اجازة تشوف أهلها بمصر

ندى : بنت جديّة بتحط نظّارات بتدرس علم نفس عمرها 22 سنة

مهند : شب طموح بيدرس أدب عربي ودايما بصحّح أغلاط أصحابه بالكلام وأغلب كلامه فصحى عمره 22 سنة

حمدي شب سمين ودايمًا عم ياكل… بخيل ما بحب حدا ياكل معه عمره 22 سنة بدرس أدب إنجليزي

يزن
شب طايش بس شاطر بدراسته عمره 22 سنة وبيدرس طب
طلع مع أصحابه رحلة ليرفهوا عن حالهم قبل ما يبدو امتحانات

سيلينا
بنت وحيدة ويتيمة قرايبها كلهم مسافرين وما في غيرها بالبلد… عمرها 22 سنة وبتدرس لغات
……
النداء الأخير للطيارة المتوجهة لماليزيا

قام وسام ومسك إيد ماريا وحكى: يلا حبيبتي ما بدنا تروح علينا الطّيّارة

…..
وعند علياء

حملت بنتها اللي نامت عالكرسي ووقّفت… مشت لعند مكان المغادرة وهي بتتأمل بالفراغ…. قطع تأملها صبيةخبطت فيها….

علياء: ااااه

نسمة:أنا آسفة والنبي آسفة اعزريني

عليا: لا ولا يهمّك

أجا مهنّد وحكى: نحن نعتذر سيدتي… إنّها فتاة مزعجة

صفنت علياء فيه وهي كاتمة ضحكتها

حكت نسمة: ما تخافيش يا مدام أصله مجنون… ااه ما تعرفناش… أنا نسمة

علياء:أهلاً حبيبتي وأنا علياء وهاي بنتي كنز

نسمة: انا مسافرة ماليزيا مع صحابي وزمايلي وإنت؟

علياء: شو هالصدفة الحلوة وأنا كمان

نسمة: معناها تعالي نروح مع بعض

علياء: يلا… منّه بتونس بحدا

مشو الصبابا مع بعض وهمه بتجاذبوا أطراف الحديث

والشّلّة كلها مستغربة من اللي ماشية مع نسمة

مسكت سيلينا مهنّد وحكت: مهنّد مهنّد مين هالصّبيّة اللي ماشية معها نسمة

مهند: سأخبركم ما القصة

حكالهم مهند شو اللي صار…وهمه مركزين معه وما قاطعوه….خصوصاً الصبايا لإنهم كلهم اجتماعيين

حكت ندى: ياااي إجوي رح ينضم فرد جديد للشّلّة

يزن: طيب هلأ إمشو بلا ما نتأخّر وتروح علينا الطّيّارة

#للقصةة_بقية
#بقلم_يمنى_عفيف_و_أمل_الحياة

تقييم المستخدمون: 4.24 ( 8 أصوات)

1 2 3 4 5 6 7 8 9 10 11 12 13 14 15 16 17 18 19 20الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock