أشعار وخواطر

قصيدة رمضان كريم بقلم سمير الشاعر

قصيدة رمضان كريم بقلم سمير الشاعر

اهلا و سهلا بنور البيوت
و يا الف مرحب بشهر السكينة
ابوس ايدك افضل و اوعى تفوت
و الله واحشنا يا ابن اللذينة
اول ما شفت انا ضحكة تصافى
ما بين اتنين كانوا متخاصمين
و لقيت جو الدنيا صافى
و لمست الخير فى البنى ادمين
عرفت ان انت جيت و بنورك غطيت
على كل مبنى و على كل بيت
و ياااااه ع الجمال و شكل الهلال
و ضى الفانوس فى ايد العيال
و شارع منور بلمضة و زينة
يصحى شعور السعادة فينا
و مسحراتى يطبل ينادى
وقت السحور لأجل يصحينا
و يكسب فينا ثواب و اجر
و صوت الجوامع فى التراويح
و الابتهالات ويا التواشيح
فى الراديو قبل اذان الفجر
يا شهر ياللى ملكش مثيل
يا مخلى الكون فى عينينا جميل
نتنفس خير جوة النسيم
يا مجمع كل الناس حواليك
و يتقابلوا ما بين ايديك
و يقولوا لبعض رمضان كريم
#ابوسمرة

تقييم المستخدمون: 4 ( 5 أصوات)

الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock