روايات كاملة

كيد النساء ومكر الرجال

جميع حقوق النشر محفوظة للكاتبة خلود شلابي

كيد النساء ومكر الرجال للكاتبة خلود شلابي

قصة “كيد النساء ومكر الرجال” حلقة 1

برأيك من أقوا ؟!!
كيد النساء ولاّ مكر الرجال ؟

به ،، جاوبتي بينك وبين نفسك؟
،
،
،
،
متأكدة جاوبتي ؟؟
،
،
،
،
،
،
باااااهي مدامك جاوبتي ،، خن نقولك اللي عندي 😁
عندك علم لما يحطّك ذكر ف راسه حتطيحي حتطيحي ؟!!
ومتسألينيش كيف وعلاش !! لأنك حتطيحي تعررفي علاش
لأن خيالهم واسع زي الفيلم الهندي ،، وطبق الإنتقام يقدمو فيه عالبارد ،،
أحني نستعملو ف كيد النساء لمّا ننجرحو وتبدا النهاية واضحة إنّها فاشلة 😔💔 ف نضطرو ننتقمو او نستعملو ردة فعل بعد ما خسرنا وتنازلنا على حاجات فالمقابل ،، يعني م الأخير نلعبو فالوقت الضايع 😔 عواطفنا هيّا اللي تتحكم فينا سواء فالغضب أو الكره ،، بس الرجال عكسنا تمااااما
،
،
الراجل يبدا صاير قدامه زلازل وأعاصير بس يشد ف روحه لأن حيبدا يخططلك ف سيناريو للإيقاع بكِ سيّدتي 😎✌🏻
،،،
،،
،،
كانت جوري واقفة قدّام المرايا ،، تحط ف اللمسات الأخيرة بش تمشي للعرس ،، جوري جميلة جدا وجسمها مغري زي كيم كارداشيان يعني مرغوب من الطرف الآخر 🤪😉 مفيش ولد ميشبحهاش الا ما ينخبط فاها،، مغرورة ،، مجننة شباب الجامعة اللي قايمة عليهم خشمها ✌🏻😎🔥🔥ودلوعة هلبااا تتشقلع ومتكبرة ،، متحبش أي حاجة ومش اي حد تسمحله يكون بجنبها..
أختها سوسن/ هيا عبدو من بكري يراجي ..
طلعت جوري وركبت فالسيارة ،، تشوف ف تيليفونها هلباااا رسائل و مكالمات فائتة من صهيب،،
رقالها بينها وبين نفسها فقررت ادّير حد لتصرفاته،،

خشت للقاعة ونحت عبايتها وقعمزت مع أختها وامها فالطاولة ..
جتها ميسون صاحبتها الإنتيم وسلمت علاها ،،
جوري/ وين اختك العروسة قعدة مجتش؟
ميسون/ لالا جت فوق في حجرة العرايس تصوّر ،، شوية وتنزل عالتدريجة
جوري/ أها الفال ليك يا ربي انتي ومعتز 🙈
ميسون/ والفال ليك إنتي وصهيب
جوري/ اعوذ بالله ،، سيبته خلاص
ميسون/ امتى العفو ،، خيررك ؟ الولد كويس
جوري/ لالا منبيش ناخد واحد قريب من عمري
ميسون/ وكان !! الولد كويس وشاريك ،، وبشقته وبخدمته،، ويدلل فيك غر شن تبي ،، ويبي يخطبك وناوي الحلال ،،
جوري/ لالا صغير عليا وزيدك زايد منبيش نسكن فوق حوش اماليه ،، قتله خود حوش بعيد قاللي منقدرش واني بصراحة ميساعدنيش ،، أني الف واحد يتمناني ويخطبو فيا اللي حياشهم قصور ونرفض ،، نبي نطيح طيحة مقومة ،،
ميسون بمجاملة وبتقزز من سطيحة جوري/ اها باه 😒😑
جتهم حنان قريبة ميسون ،،
كانت طايشة وجوها ضحك ،، مفيش حاجة ادّسها كله عالشارع اللي لاها واللي علاها 😂 قصيرة وملامحها بيبي فيس طفولية،، كل شيء عندها تفاهة ونكتة 😂
تحمسو البنات وقعمزو فطاولة وحدة مع بعض
حنان كل شوية تيليفونها السري يتصل ،، معبّي بالولاد
علي/ وينك يا حبي خيره مترديش؟
حنان/ عارفني ف عرس خيرك انت 😤 والنبي معش تتصل بيا ،، وسكرت فوجهه
عاود مرة واتنين وعشرة وهيا مطنشاته
هدى/ مش عيب عليك يا حنان،،
حنان/ هكي يبو ،، كلاب أصلا ،، تحبيهم يتجكترو عليك ،، تستحقريهم وتعامليهم معاملة الكلاب يبدو يجرو وراك،،
جوري/ بصراحة اني تضايقت قريبتك دارتلي قداد ،، بيئة قريب انوض من عالطاولة 😷🤮 هالشعبي العام
ميسون حزّت ف نفسها لأنها حكمت على قريبتها من غير ما تعرفها شنو بالزبط،،
حنان/ ونوضي من شادك ،، 😡
جوري/ مليكش علاقة انوض ولا نقعد وقلبت عيونها علاها،،🤨
ميسون/ خلاص يا جماعة الخير مش وقته ،،

هدى/ إحكيلي شن جو حاتم؟
حنان/ أهو مدرهلي كبدي نحس فيه يخون فيا 😔
هدى/ ع اساس انتي متخونيش فيه ههههه
حنان/ عينك اني صح نتكلم لكن منحبهمش ومش مواعدتهم بشيء نهدرز ونهزب وخلاص،، لكن حاتم هوا اللي حبيته 😔💔 لكن هوا تغير عليا لدرجة إن قاللي منوعدكش بشيء يعني مش حيتقدملي،،
هدى/ تعرفي يا حنان ،، ريتي اللي يجري وراك ويهتم بيك انتي اطنشي فيه ،، واللي تبيه محتقرك،، خلاص حاولي تعطي علي فرصة و ابدي شوفي الصح ومعش تطفشيه ،،
حنان/ اخخخي لصقة ،، مش فارض شخصيته بكككل معاي،😷 أي حاجة يقوللي حاضر وميغارش بكككل يقوللي واثق فيك،، ونهزب فيه ونسب وهوا شيء يقعد لاصق ،، يقوللي عاذرك أكيد راقيلك من حاجة مضايقاتك وعادي نتحملك ،،
هدى/ حرام فيك هالعلي ،، والله بجديات 😒
ترررن تررررن 📲📞
حنان/ اهو يتصل تاني
ردت عليه وقعدت تتكلم وتشرب فالمشروب وتتقرّع عالسماعة ” تتجشأ ” وجوري فاتحة فمها 😳
حنان/ تعرف يا عليوة ليا خمسة أيام مدوّشتش نحس ف ريحتي صنان 😂 لدرجة شعري يحك فيا شكله جاني القمل
جوري/ أني نايضة اقعدي فاها يا خويمرة 😒
حنان/ بري نيي###
علي مصدوم ع السماعة 😳 وهدى مصدومة وميسون مصدومة وباقي البنات مصدومات ويضحكو
علي/ شن هذا اللي قلتيه
حنان/ تره فوت دينمي الزز،،##
_______________________________________
هدى / هذا شنو حشّم حالك 😳😤
حنان/ بش يعتقني نبيه يكرهني ،،
هدى/ وهكي اتطيحي من قيمتك وسمعتك بش يسيبك
حنان/ مخلاليش الا هذا الحل شن بندير ،، المشكلة ان موعدته بشيء هكي نهدرزو وخلاص هوا اللي حبني 💔😔
هدى/ قوليله يا ولد الناس فوتني علاش هكي بااااه
حنان/ قتله قاللي مستعد نصبر لين تبدي تحبيني😤
______________________________________
ميسون/ اسمعي يا جوري عيب اللي درتيه راهو قريبتي ويتيمة وامها متزوجة بواحد تاني ومسيبتهم ،، هكي تربت ف بيئة مش زيني اني ووياك ف سايري ع خاطري ..
جوري/ عارفتيني منحبش المزيتات وبنات المسترجلات ،، 😒 ومنحبش نقعمز مع أي حد ،، اهو بنقعد بحدا ماما أمتى متبيني تعالي بحداي اهني واعفيني من غادي ،،

ميسون تضايقت من جوري هلبا ،، كانت تشوف ف نظارت الإستهزاء على قريبتها ،، ومثالية جوري المتصنعة اللي ديما كلامها اتيكيت وبرستيج ومتحبش هكي ومتديرش ف هكي ،،
،،،
حنان/ وانتي شن جو مالك؟
هدى/ أهو جووه يهبببل ❤❤ كل دقيقة يتصل بيا 🙈
تره تعالي نمشو للحمام نصور ،، قالي ابعتيلي صور بالقفطان 🤪
حنان/ تم 😂
اتصل مالك بهدى
مالك/ هيا حبي ابعتيلي نبي نشووف 🙈❤
،،
هدى/ وصلوك؟
مالك/ إيه تجنني قمررر 😍😍 لكن خيره مصورة وجهك بسس،،
هدى/ القفطان مكشوف
مالك/ وعادي شن فاها اني حبيبك ومن حقي نشوف 😉 اني جي فخاطري القفطان نبي نشوفه عليك
هدى/ لا يا مالك مكشوف كله الشارع من فوق ،،
مالك/ عادي خودي وشاح وغطّي صدرك وصوريلي 😏
هدى/ شن هيّا الكلمة،، 😑 تحشم على وجهك أيواااه ،،
مالك/ علاش اني شن قلت،،
هدى/ انت تعرف شن قلت 🤨
مالك/ توا اللي تحت الرقبة شن يقولوله بالفصحة ،، صدر ولاه ؟ يعني مقلتش حاجة غلط ،، مقلتش أني صدرك التاني 😏
هدى انكمشت ف بعضها ووجها ولاّ أحمر 💔💔 حست ب تغيير ف عقلية مالك
حنان/ خيرك يا هدى شن فيك
هدى/ لا ما في شيء غر انضغطت،،🥺
_______♡■☆Kd°•Sha▪La`Bi☆■♡_______
ترررررن 📲📞
ميسون/ خيره رقمك مشغول 😒
معتز/ امتى 😳
ميسون/ بالله عليك فوتني ،، عييت منك ومن انتظاراتك ومن كل مررة نلقى ف بنت تهدرز معاها،، كل واحد ف حاله ،، وسكرت عليه
معتز قعد يتصل باها بس ميسون معبراتاش ،،
،،،،
_______♡■☆Kd°•Sha▪La`Bi☆■♡_______
فالجامعة
كانت جوري مقعمزة هيّا وميسون ،، جت هبة اخت معتز ونادت ميسون تبي تكلمها ،، استأدنت من جوري وناضتلها..
هبة / شن جو القرايا
ميسون/ اهو تمام الحمد لله
هبة / خيره خوي يتصل بيك مترديش عليه والله خوي متضايق وحالته حااالة مفددنا حتى احني فالحوش،، 😁
ميسون/ خووك ديما انتظارات ويكلم ف بنات
هبة/ عارفتيه خوي يحبك وقالك مستحيل يكون مع غيرك،، خلاص افهمي منه ،، وردي عليه،،
ميسون/ قوليله تبيني تعالى للحوش اكتر من هكي معش بيناتنا كلام،،
هبة/ غر استهدي بالرحمان خوي والله شاريك
ميسون/ هذا اللي عندي يا هبة

كيف خاطم صهيب ف ممر الجامعة شاف جوري مقعمزة بروحها ،، فقرر يكلمها ويفهم منها
صهيب/ اهلين جوري
جوري/ أهلا وسهلا بيك
صهيب/ هكي نتصل بيك زي الكلب مترديش عليا
جوري/ اسمع كلام البيئة منحباش 😒 ريت ولاه هذا علاش اني معش نبي نكون معاك لان اني ووياك مختلفين ع بعض
صهيب/ مختلفين ولا جايك موضوع تاني،، وانتي من يوم ما طلبت نخطبك متغيرة عليا،،
جوري/ افهم اللي تبي تفهمه 😑 تره خليني ف حالي
صهيب/ شن قصدك ،، معش تبي تكلميني؟
جوري/ أنت متناسبنيش 😒 أني ووين وإنت وووين 😏
صهيب/ وعلاش اني راجل وجيتك برجولية
جوري/ كانك راجل راهو مداير قدر وقيمة لروحك مش شادها فجرتي واني منبيكش 😒 لكن انت مليكش علاقة بكلمة راجل ..
صهيب / تمام ،، ربي يسمعني عليك كل خير وسامحيني بالله ،،
جوري/ معرفة طيبة ،،
_______♡■☆Kd°•Sha▪La`Bi☆■♡_______
معتز/ شن قتلك ميسون كلمتيها؟
هبة/ قتلي كان يبيني يجي يخطبني واكتر من هكي معش تبي تكلمك
معتز/ ايااااه 😳
هبة/ وخلاص حوشك وواتي إنت ،، برا اخطبها خن نفرحو بيك 😍
معتز/ خلاص اتصلي باها قوليلها غدوة جايينكم بنخطبو 😏
هبة/ غر قول لأمي قبل
معتز/ تي من زيها بتحصل مشية وطاسة عصير وشكلاتة وقرمة بالمجان ،، 😁😂
،
،
،
هبة/ اسمعي ميسون غدوة جايين اني وامي بنطلبو يدك
ميسون انصدمت ،، متوقعتش ان معتز حيحاول يرضيها ❤❤
_______________________
فاتت سنة
*وجوري من كتر ما ترد فاللي يخطبو فاها قعدت هكي سنقل معش حد عبّرها ولا ارتبطت بحد ،،
وصهيب تزوج بنت خالته وحبها بجدد ❤❤ وعوضاته ع كل شعور اخخي مر عليه ،، محاولش ينتقم من جوري ،، لا بالعكس حتى ف أخر كلام قاللها ربي يسمعني عليك كل خير

*ميسون ومعتز تزوجو ،، وعاشو أحلى سنة زواج ❤ قررت تتغاضي على ماضيه المعبّي بالبنات واقتنعت بأن مداما اختارها للزواج ف هوا أكيد يحبها ❤
رغم إن ميسون شادتهاله استخبارات ع الطالعة والنازلة وعالمكالمات ،، وبحكم خدمته كلها سفر فالشركة يتعاقدو مع مؤسسات أخرى..

*مالك تغيّر مع هدى وبدي شادهالها نبي تصوريلي بهكي وبهكي ،، وخاطري ف هكي ،، بس هدى سكرت راسها ،، وقررت تطنشه 👌🏻

* حنان آخر حاجة قالتها لعلي لما هزبها ع كلمتها فيوم العرس متع بري ن##% لجوري قعد يكشخ علاها ،، ف هيا دارتها سبلة وتعاركت معاه ودفلت عليه وقتله فوتني ياذكر متجيش فربع راجل ،،
وحاتم شداته بالتابت طلع يخون فاها ،، وخطب غيرها ،،
خشت حنان ف حالة صدمة ،، بالأخص وضع عيلتها المعقد بحكم تسكن هيا وخواتها فحوش جدهم وفاقدين الحنان 💔
_______♡■☆Kd°•Sha▪La`Bi☆■♡_______

**
هدى/ إنت شنو اللي تبيه بالزبط 😭
مالك/ نبيك تطلعي معاي .. و الا صورك حنوزعهم عند ولاد شارعكم ،،😏
هدى/ حسبي الله ونعم الوكيل فيك 😭
مالك/ عندك يومين فكري فيهم براحتك،، لو متجينيش الا ما نشهدر بيك الدنيا كلها يا###

**
حنان قررت تعطي لعلي فرصة .. اتصلت بيه وتأسفتله وحكتله ع كل شيء وان كانت ادير ف هذا كله بش يكرهها ،، وقتله إن تبيه كصديق بسس هوا أصر علاها ان يكون حبيبها ف وافقت ،، طول هالمدة بدت تتعلق بيه وعطاته كل الثقة وحكتله ع ظروف عيلتها وعلى امها اللي مسيبتهم ،، وقتله هذا علاش أني ديما انتظار صح نتكلم ونهدرز لكن معمريش غلطت ،، نعبي ف وقتي بالغلط بس خلاص حنصلح من وضعي ،، هوا شجّعها وقاللها إن حيكمل تشطيب الحوش وحيتقدملها 😍 ومقصرش معاها فولا شيء من هدايا من مصروف ،، غر شن تبي بسسس❤

**ميسون إكتشفت إن معتز يخون فاها معا سكرتيرته (أرملة) اللي تسافر معاه ،، ومش أي خيانة ،، يرقد معاها حتى الرقاد ،، 💔💔

** جوري من كتر مواصفاتها العجيبة في فارس أحلامها تلاقت بالصدفة بشخص ع النت اسمه فراس ،،
كان ادمن لقروب كبير ومعروف فالفيس ،، كان طررف وعايش براااا ورجع لليبيا ،، وينزل ف صوره عالقروب ،، وكانت تعلقله بتلقيح ،، وأكيد عندها ضراير هلبااااا يزمزكوله 😂 ،، بس هيّا قدرت تلخبطه وخشلها ع الخاص ومني منك تعرفو واستمرو فالتهدريز،، كانت تشوفله بأن هو صاحب المواصفات لشريك حياتها،،😍 وقاللها كنت نخدم البرا كملت حوشي اللي اهني وجيت بنستقر بناخد ليبية ،، وان ناوي الحلال بحكم يبي يتعرف علاها كويس لان انعجب باسلوبها واتيكيتها ،، وجي للجامعة شافها انخبط فاها ،، وف جسمها الممشوق
(اعترافات صاحبة القصة مركزة ع وصف جسمها المغري هلباااا)
كترو زيارات فراس ليها ،، وبدت جوري تموت فالأرض اللي يمشي عليها فراس ،، لدرجة يقوللها موتي تموووت ،، 🔥 وشبحها صهيب توقف عليه وقعد يقصقص عليه من بعيد لبعيد طلع يعررف صاحبه الراس لما يجي لجوري بش يشبحها يخطم ويوقف على صاحبه اللي بالجامعة واللي يعرفه صهيب ✌🏻👌🏻 وعرف ان جوري بدت معاه ف علاقة 💔.. وقدر فراس يفرض علاها هلباااا حاجات ف لبسها وطلوعها بحكم يغار عليها،، وعطاها أمه تكلمها ،،
وجتهم بعدها للحوش تعرفت على عيلتها ،،

وبدا يطلب ف صورها وهيّا تبعتله ،، مرررة بوشاح ،، ومررة يقوللها نبي نشوف شعرك ويقعد يحرج ومعش يكلمها لين تنفدله طلبه ،، لين وصلت لمرحلة أن يقوللها خاطري نشوفك بهكي وهكي ويتغزل بجسمها ،، بدت تصوّر بملابس داخلية وأرواب وتبعتله بش يرضى عليها ،، كانت واثقة فيه ثقة عمياء ،، بحكم جايب امها وإنه شابع بنات لما كان براااا ف مش طامع فيها ،،

برأيكم منو اللي حيعود ومنو اللي حيندم ويقول ليتني أعود ؟!!! ،،

المرة هادي حنخلي النهايات زي ماصارت مش حنزيد ب ولا حاجة خيال 👌🏻

يتبع🔥🔥

،،
،،

تقييم المستخدمون: 4.8 ( 2 أصوات)

1 2الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock