روايات كاملة

مابين الكبرياء والحب

جميع الحقوق محفوظة

[box type=”success” align=”” class=”” width=””]مابين الكبرياء والحب للكاتبة : هدو[/box]

إن شاء الله تنال إعجابكم ❤️❤️

الحلقة << 1 >>

#مابين_الكبرياء_والحب

أنا : صباااح الخير للجميع
الكل : صباح النور
ماما : تعالي أفطري
أنا : ماعنديش نية
ماما : خيرك
أنا : ولا شيء

قعمزت بحدا بابا وحطيت ايديا علي ايديه

أنا : صحة صحة
بابا : سلمك يابنيتي
أنا : بابا اسبوع جاي بنبدا جامعة
بابا : شنو ناقصك حاجة
أنا : الحق حق عاجبتني بدلة
سيرين : شنو اللبس كله الي شريتيه وتبي مزال
أنا : اسكتي انتي ماليكش علاقة
سيرين : اتقولي انتي الكبيرة
أنا : كبير الله ، شنو بابا
بابا : حاضر يابنيتي اليوم العشية نرفعك تشريها
أنا : 😊😊

قعمزنا نهدرزو وبعتالي نوضت اني وسيرين وضمينا الحوش 🏡

ستووووووووب أوقفو اهنيء اني خشيت بطول والعرض بدون نعرفكم علينا 😂😂

مي قصدي أنا أسمي هديل مواليد 98 تخصصي طب بشري سنة أولى ونبدأ اسبوع الجاي مميزاتي هتعرفوها مع الوقت ام عيوبي وهو اكبر همي لساني طويل

بابا أسمه سمير عمره 60 سنة ربي يحفظهولي طيب وحكيم ، متقاعد من شغل حكومي لكن يشتغل في تجارة

ماما إسمها سناء عمرها 55 ربي يحفظها طيوبة وماتحبيش مشاكل لكن ماتحبيش حد يوصل فينا

عندي زوز خوت واخت واحدة ربي يحفظهم

إيهاب كبيرنا وكبير الله مواليد 82 متزوج دكتور أسنان مرته اسمها هالة مواليد 92 عندهم ولد زين عمره 5 سنين وبنتين تؤام جنى وجنات عمرهم 3 سنين

سيرين اختي حبيبتي وحياتي مواليد 90 متخرجة من تقنية معلومات وتشتغل في شركة

وأحمد مواليد 92 يقرا اخر سمسيتر اقتصاد

وهادي هيا عائلتي سعيدة 😍😍

:
:
:
:
:
:
:
:
:

حنين : مرااااااااااااام
مرام : خير بلاك تصيحي
حنين : وين ويشاح الازرق يابلوة
مرام : وين نندري عليه
حنين : ياربي صبرني
مرام : ان شاء الله يصبرك
حنين : حناااااااااان
فريدة << ام حنين >> : خيره صوتك عالي يابلوة
حنين : ياماما قولي الخرا وين ويشاحي الازرق
حنان << من المطبخ >> : في غسالة
حنين : اوف اوف معش تقربو حاجاتي اوف
حنان : تبيني نخليه خامر
حنين : ماليكش علاقة اني منلبسه صح
فريدة : البسي اي ويشاح ربي كثر الا أوشحة
حنين : بدلتي هادي ماتطلعيش عليها الا ازرق
مرام : وين ماشية انتي اليوم ماعنديكش جامعة
حنين : بنمشيء المحل
مرام : ومن امتى تساوي في روحك امتي تمشيء المحل😉😉
حنين : من توا ماليكش علاقة
مرام << بشوية >> : ماتقوليش علي خاطر هداكه الاحول ياحولة
حنين : حولة في عينك وماناقص حنين تساوي روحها علي خاطر واحد من جنس أدم
مرام : خيرك انتي وهديل أعداء لي جنس آدم
حنين : لانهم كذابين ومافيهوميش ثقة
مرام : ملا كيف هديل معجبة بي ولد عمتها
حنين : عادي زي اي بنت يعجبها اُسلوب او شكل الولد وبس
مرام : اُسلوبه صار ، باهي وانتي ماصدقتي اعطيتك وجه 😒
حنين : اعطيتي وجه لي مني

وأبدو في عراك 😂😂

أوقفو اهنيء خلي نعرفكم علي توأمي 😍😍 << هاذي هيرو او بطله ثانية لي روايتنا >>

حنون << حنين >> مواليد 97 تقرا هندسة سنة ثانية مميزاتها توا تعرفوهم مع وقت لكن عيوبها عنيدية في عناد تاخذ ترتيب الاول عالميا مش دوليا 😂😂
من الاخير اني وياها علي قولت ماما طنجرة والقيت غطاها

بو حنين في نفس وقت خالي اسمه كمال عمره 58 سنة يشتغل في تنقية طيران حنون وطيوب هو اكثر خال نحبه بين خوالي 😍😍

ام حنين مرت خالي اسمها فريدة عمرها 55 مرأة علي حالها وطيبة وتحب بناتها هلبة

خوات حنونتي

حنان الكبيرة كبير الله مواليد 88 متخرجة تشتغل في شركة

مرام مواليد 2001 هي راجل الحوش في غياب بوها هي واخدة من مواصفاتي ومواصفات حنين يعني العيوب عناد ولسان طويل

:
:
:
:
:
:
:
:
:
:

أنا : سيرو
سيرين : شنو
أنا : كساد
سيرين : باهي شني مطلوب
أنا : ابعتيلي دينار انكلم حنين
سيرين : نعطيك مليون مش دينار
أنا : ها ها ها ضحكت هلبة
سيرين : هدا مطلوب
أنا : ماامبرد جدك
سيرين : جدي في قبره خليه في حاله

ماما << كيف خاشة >> : خيره صوتكم واصل لي اخر شارع
أنا : ماما نبي رصيد
ماما : خوذي مني تلفوني تلقيه فوق طاولة
أنا : شكرًا يااحلا ام 😘😘
سيرين : ماتعطيهاش رصيد اتكمل فيه في ثواني
أنا : اهنينا بسكوتك
سيرين : كان انجيك
أنا : 😝😝

اخذيت من ماما دينار وخشيت انكلم توأمي

حنين : ألو جروتي
أنا : هلا قردتي
حنين : شني الجو
أنا : سبحان الله من وين جاك الأدب
حنين : نتكلم بي أدب اوه نتكلم بي قلة أوه مافهمتيكش شني مطلوب بي ضبط
أنا : باهي وانتي فتحتي فمك معش سكتي
حنين : أتفووه
أنا : عليك
حنين : علاش متصلة
أنا : كساد افتحي نت خلي نهدرزو بي راحتنا
حنين : ماعنديش رصيد
أنا : ديما ماعنديكش
حنين : شني رايك اليوم اتجيء
أنا : توا انشوف ماما وانكلمك
حنين : تمام نستنى فيك
أنا : تمامو

سكرت من حنين وامشيت لي امي كأني ملاك

أنا : ماميتو << بعيون بريئة >>
ماما : مطلوب بدون لف ودوران
أنا : تعجبيني ياسنسن 😍
ماما << ضربتني علي كتفي ضربة خفيفة >>
أنا : مسمحاتك ياسوسو
ماما : هيا شني تبي خلي نمشيء اندير الغذيء
أنا : شني رأيك نمشو لي خالي
ماما : شني عندهم
أنا : كساد نمشو نطلعو لمحلات الي في جيهتهم
ماما : نسأل بوك قبل
أنا : باللهي ياسوسو سمير مستحيلة يقولك لا
ماما : باهي وريني عرض كتافك
أنا : يعني بنمشو
ماما : به
أنا << حضنتها وبوستها >> : شكرًا يااحلا ماميتو 😘😘

خشيت لداري واني نغني فرحانة نمشيء لحنون يعني بنديرو الهبال

سيرين : ربي يثبت العقل ودين
أنا : أجمعين 😝

::
::
::
::
::
::
::
::
::

مرام : خيرك مامشيتش للمحل
حنين : مادخليكش
مرام : أكيدة غطاك جاية لهذا بعتالي بتمشيء
حنين : باري اقلبي وجهك
مرام << قعمزت بحداه في سرير >> : انقولك حاجة
حنين : لا
مرام : وراس حنون
حنين : شنو
مرام : ماتقوليش عجبك اهتمام الاحول بيك
حنين << ضربتها بالمخذة >> : أقلبي وجهك
مرام : أي أي توجع

وأبديت الحرب العالمية ثالثة بيناتهم 😂😂😂

::
::
::
::
::
::
::
::
::
::

فات الوقت وتغذينا وجيت العشية رفعنا احمد لحوش خالي وأكيد اني واحمد نتعاركو علي لبستي

دق دق

حنين : هيا

دق دق دق دق

حنين : هيا هيا ، بشوية كسرتو الباب

دق دق دق دق

حنين : يا ………….

.
.
.
.
.
.
.
.
.
.
.
.
.
.
#تتبع

#هدو

1 2 3 4 5 6 7 8 9 10 11 12 13 14 15 16الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock