متغربين في بلادنا للكاتبتين هوبي الشريف & hadoo al

Staff
2020-02-08T22:33:52+02:00
روايات كاملة
Staff8 فبراير 2020آخر تحديث : منذ سنتين
متغربين في بلادنا للكاتبتين هوبي الشريف & hadoo al

[box type=”success” align=”” class=”” width=””]متغربين في بلادنا للكاتبتين هوبي الشريف & hadoo al

[/box]

#متغربين_في_بلادنا

#الجزء_الأول

الحلقة << 1 >>

بقلم الكاتبتان
#هوبي_الشريف
#hadoo_al

“”””””””””””‘”””””‘””””””

السلام عليكم 💜
بسم الله توكلنا علي الله

قبل مانبدو في الرواية بنفهمكم ع شي انا درت الجزء الاول لان هتكون من كم جزء وكل جزء فيه عدد من الحلقات وكل جزء يحكي علي شي معين وقصة تختلف عن النازحين ان شاءالله تنال آعجابكم حبايبي 😍

ونتشرف بوجود الكاتبة هدو معايا افرحو هتكون الرواية مختلطة بالهجتين الشرقاويه والغرباويه ي حليلي وخلاص 💛

حسيت دويت واجد هي نبدو قصتنا 😀😂

“”””””””””””””””””””””’

كانت اصوات الضحك ماليه المكان واالبالونات بكل الوانها والزينه يلي معلقه 🎈🎈بس اكثر شي كان حلو صوت التؤام وهما يبكو ومنظرهم يلي يجنن وفرحة زينب وعبدالعزيز بثمرة حبهم يلي نورو حياتهم 😍

بس كانت فرحت زينب ناقصة هلها بس 💔

زينب: كنت ماسكه بنتي وفرحانه بيهم هما الاثنين وقاعده نفكر برغم اني قاعده في مكان اكثرهم مش متقبلني وهلي يلي مفروض يكونو جنبي وينهم توا وماما يلي مفروض تكون فرحانه بأحفادها وقاهده جنبي وينها ليش خلتني؟ اسئلة واجد مالهش جواب دموعي في عيوني وخلاص كانن حينزلن بس جت في بالي كلمة عزو طول: مانبيش نشوف دموعك لانهم يكسرولي في قلبي ومانتحملهمش نبي نشوف ضحكتك لانها سبب سعاتي
دغري مسحت دموعي يلي كانو علي اطراف عيوني وابتسمت

قاطع تفكيري صوت اماني
اماني (اخت عزو) : يعني واخيرآ قعدت عمه لا واخرا عمه لتؤام يهبلو 😍
زينب: انتٍ يلي تهبلي ياعمتو

سعيدة (ام عزو) : ها شن سميتوهم
زينب: أيات وفارس 💛
اماني: ياخيا محلاهن الاسماء 😍
امل (اخت عزو) : توقعت تسمو علي ماما؟
سعيدة: اسمي قديم مايسموش عليه هذينا اوامرها لكن ولدي كان ينفع راه ماخذاها من البداية
اماني: ماما مش وقته الكلام هضا البنيه نافس ترعشيها
سعيدة: اسكتي انتٍ مادخلكش

زينب: واطت راسها وسكتت لانها ماتحب ترد علي عمتها في الكلام
اماني: ماتزعليش حبيبتي عارفتك متحمله واجد بس الله غالب
زينب: لا عادي مش مشكلة

طبعا نسيت نعرفكم
زينب م90 بنوته ذوق بكل تنحب من اسلوبها وكلامها كل من شافها حبها حنونه ملامحها طفوليه وتهبل 😍يس انظلمت واجد وهتشوف شن يصير معاها 💔

زوجها عزو م85 يشتغل في شركة. مهندس ومحترم وفارض شخصيته. ع الكل حتى هله يستشيرو فيه في كل شي ودايرينلا الف حساب في كل شي بس لما تزوج البنت يلي اختارها قلبه امه ماكنتش راضيه لانها تبيه لبنت اختها ومن هنا بدت معاملتهم الشينه لزينب 💔
مواصفاته قمحاوي شعره اسود عيونه سود ولحيته سوده انقشه ع الاسود 😍وطويل زينب يالاه طشه 😀

#الكاتبة_هوبي_الشريف 💛
#الكاتبة_Hadoo_Al 💙

“””””””””””””””’””””””””

وكلنا مقعزين في وسط الحوش ،، نظرات أم عزو ليا ومن كثرة كرهه ليا حتى أحفادها ماقامتهوميش ،، الله غالب ماعندي مااندير اخذيت حب حياتي ولازم نتحمل على خاطره ويقولو الي يبي ورد يتحمل شوكه وعلى خاطر عزو نتحمل أي شيء

أم عزو : تستني في مني يدير العصيدة
أماني : أني نوض إنديرها ” وكيف نايضة ”
أم عزو ” فنصت فيها ” : قعمزي وهي شني دير
أماني : ياماما بنت مسكينة قاعدة نافس

حطيت بنتي الي كنت نرضع فيها ونوض ودمعة على جفني ، خشيت للمطبخ وحطيت طنجرة على غاز واني نستنى في ميه تغلي ،، تذكرت أهلي واخواتي نهرت بالبكاء 💔 ،، واني نبكي ونتذكر في أيامي مع أهلي ووجعتني نفسي كيف لا عدلو عليا حتى إتصال وكأني مقطوعة من شجرة 💔 حسيت بحضن دافئ
لفني بين إيديه وهمس في وذني

عزو ” بنبرة هدوء وحب ” : أنتي مصرة توجعيني
زينب ” كانت ساكته لكن صوت شهقات بكائها تتعالى ”
عزو ” حط راسه على كتفها وزاد حضنها أكثر ” : دموعك وكأنهم رصاص يخترقو قلبي
زينب ” بصوت مقطوع طفولي ” : عزو
عزو : عيونه

تلفتت ليه وعيوني تقابلو مع عيونه ،، مسحلي دموعي بإيديه دافية ،، قعدت انشوفله وقلبي قريب يطلع من مكانه كأنه أول مرة أنشوفه ،، حطيت إيديا صغيرة على خذه وقعدت أنمر على ملامح وجهه كأني نرسم فيه

زينب : أنت مش راجلي بس أنت بوي وخوي و صديقي وبو صغاري وولدي
عزو : أنتي هذا ” وأشر على قلبه ”
زينب ” حضنته ” : يارب يخليك ليا يابو فارس
عزو : ههههه ياحليلك أيات بتغار
زينب : ههههههه
أماني : زينب

زينب بعدت من عزو ووجهها طماطم

أماني : احم أسفة نسحابك بروحك ” وكيف بتطلع ”
زينب : تعالي بلا جو
أماني : لا خليني نمشي لي أمي أحسن مااتجي
زينب : تمام

إمشيت أماني ،، شوفت لي عزو القيته شاد ضحكته

زينب : واللهي ماتتحشم ،، هيكي خليت أختك تمشي
عزو : هههههه
زينب : هيا ورينا عرض أكتافك خلي إندير عصيدة
عزو : عصيدة ؟!!
زينب : أمك تبي عصيدة
عزو : باهي خيرها أمل ولا أماني مادورهاش
زينب : شني مشكلة كان اني ديرتها
عزو : شورك ناسية انه امس بس طلعتي من مستشفى
زينب : عادي ياحبيبي
عزو : أمي صح 😡
زينب : لالا اني جيت نية انديرهالها
عزو : زينب
زينب : عزو
عزو : به جيبي دقيق ” قام كمامه ولبس مريول متع مطبخ ”
زينب : شني دير يامجنون هههه
عزو : شيء جيت نية نلعب بالدقيق ، عندك مانع 😒
زينب : ههههه واللهي مجنون
عزو : هيااا يامرتي البايرة

جيبتله دقيق قعد هو يدير في عصيدة واني نوتي في سفرة لكن كان منظره يضحك وخله مطبخ بالكامل دقيق وهو من ساسه لراسه أبيض ههههه

عزو : وأخيرا كملتها ” وتلفت وقت شوفتله نفلقت بالضحك ”
زينب : 😂😂😂😂
عزو : خيرك 🙄
زينب : ماأحلاه منظرك 😂😂😂😂😂
عزو : صار ماأحلاه منظري ” وقعد يقرب مني ”
زينب : عزو

قعد يجري وراي ،، قعدنا انلودو على طاولة الأكل زي مهابيل 😂😂

زينب : خلاص ياعزو العصيدة بتبرد
عزو : واللهي ماك طالعة من إهني ان نلبزك ،، معقولة مرتي حبيبة عجبها منظري وماديرلهاش زيي هههه
زينب : عزو

واني قولت عزو ومش منتبه بيه ،، شادني بدون مانحس

عزو : صار عجبك منظري
زينب : من قال ، رايح شين مافيك منظر 😂
عزو : توا ” وقرب خذه على خذي حتى يلبزني ”
زينب : لالالا
…….. : قولو روحو أحسن

من صدمة دفيت عزو لدرجة ضرب جنابه في دولاب المطبخ

زينب : 😳😳

.
.
.
.
.
.
.
.
.
.
.
.
.
.
.
.
.
.

#تتبع

#هدو
#هوبي_الشريف

رابط مختصر

عذراً التعليقات مغلقة

error: Content is protected !!