روايات كاملة

مجرمه ثائبة للكاتبة اروى الطاهر

جميع الحقوق محفوظة للكاتبة

#مجرمه_ثائبه الحلقه1 (مقدمه)

قصه حقيقيه حدثت في بلاد عربيه مش ليبيا

مرام:قصتي بدأت لما كان عمري 11السنه بس
كنا عيله حلووه انا وماما الطيبه وبابا الحنون كنا عيشين في سعاده وامان ماما كانت فرحانه بيا اكتر من كل شي في الدنيا لان الكل كانو يمدحو فيا وفي جمالي من لما كنت بيبي ولدت بعيون كبيرررره عسليه ورموش طويله ببشره بيضه وانف صغيرون وشفايف ممتلئه بي شعر الكل حاسدني عليه طوووويل واسود حتا مرات يبدو يبصرو علي ماما ويقولولها اعطينا سر شعر مرام بي اختصار كنت جميله زي ماما

بس طبعا مفيش حال يدوم ?اكتشفو ان فيه كيس في بطن ماما وضروري من عمليه مستعجله وفي اثناء العمليه نحولها رحمها يعني خلاص معش تجيب?

✨روايات بنووتة الشيخ(اروى)✨

رجعت ماما للبيت والحمد الله شدت صحتها احسن من الاول وكنت اسعد بنت في العالم وقتها بس بعد مرور شهرين تقريبا نضت في الليل عتشانه وسمعت بابا وماما يتعاركو

هند(ام مرام):?يعني شنو ؟
حمدي(ابو مرام):يعني انا من حقي نشوف صغاري جنبي وانتي متقدريش تلبي طلبي نبي نتزوج من الاخير
هند:??تبكي ومنهاااره…تمام ياحمدي اتجوز
حمدي:وانتي بتطلقي ولا شنو؟
هند:?مستحيل نخلي مرام بروحهابرا اتجوز ويلي تبيه ديره بس انا قاعده مع بنتي
حمدي:ع راحتك

مرام:طلع بابا وسمعت ماما تبكي مشيتلها كانت تمسح علي شعري ودموعها ينزلوو ورقدتني في حضنها

بعد مرور اسبوعين تقريبا؛-
رجع بابا للحوش ومعاه عروسته كانت مغربيه وواضع عليها متنفعش بكل مش متحجبه وجسمها وشم كله بس ماما تحملت ونقلت حجاتها كلها لي داري

تمر الايام ومرت بوي اسمها استبرق كانت اضايق في ماما هلبا بس ماما متحمله ع خاطري استبرق تبي تتخلص من ماما بي اي طريقه لدرجة في يوم خلت بابا يروح من الشغل وتبلت عليها :-

استبرق:تعااال تعال شوف مرتك
حمدي:خيرها
استبرق:ادخل في الرجاله للحوش اسكتت يوم ويومين بس خلااااص معادش قادره
حمدي:رر ررجالت شنو شنو تقولي
استبرق:لو مش مصدقني برا شوف سريرك

مشي حمدي يجري شاف روب هند ع السرير مع حوايج راجل مش معروف وجن جنووونه …
حمدي؛هنننننننند??
مرام:طلعت من داري ونشوف بابا يضرب في ماما واستبرق واقفه من بعيد قعد يضرب في ماما وهيا توخر وتبكي وتحلف انها مدارت شي لين وصلت البلاكونه ضربها لين طاحت من فوق يعني من الدور الثالث انا صارتلي حاله غريبه قعدت نتفرج ومبكيتش ولا عيطت نتفرج وبسسسس

✨روايات بنووتة الشيخ(اروى)✨

مرام:نختصرلكم المعاناة …ماما توفت وبابا نحبس6شهور وطلع بحجة انها جريمة شرف?في ال6الشهور هادم شفت فيهم الويل من مرت بوي ومن لما ماما توفت معش نطقت ولا اي حرف لغاية مرجع بابا من الحبس وانا راقده جنب حوايج ماما

استبرق:كفاره ياسيد الرجال تفضل تفضل
حمدي:ااااخ بالله وتيلي حاجه ناكلها جعان
استبرق:من عيوني
حمدي:وين مرام
استبرق:راقده زي كل يوم في حوايج امها العاهره

حمدي:ناض لي دار مرام …..نوووضي نوووضي ..ويضرب فيها بي رجله
مرام:ناضت وهيا تشوفله ومنطقتش ولا كلمه
حمدي:شنو تبي تطلعي زي امك حتا انتي ياكلبه ياوسخه هاتي جاي حوايج امك ياخامره …اخذ حمدي حوايج هند حطهم فوق الحوش صب عليهم البنزينه وولع فيهم النار
مرام:شفت حوايج ماما بعيوني كيف والعه فيهم النار?رجعت لي داري وانا مصدومه من كل شي صار نبي نبكي بس مش قادره منعرفش علاش؟

حمدي:تعشا هوا ومرته وخشو الدار صكرو عليهم واصوات ضحكهم تتعالا

مرام:ركبت فوق الحوش جبت البنزينه ونشرتها في الحوش كلللللله صكرت الرواشن وخذيت الدبدوب يلي جابتهولي ماما في عيد ميلادي وصورتها وولعت في الحوش النار وصكرت الباب بي المفتاح ونزلت نتفرج ع الشقه كيف تولع فيها الناس وانا نبتسم وحاضنه دبدوبي

بعد تقريبا ساعه وصلت المطافي والشرطه واستبرق ماتت لان النار ركبت فيها وطيحت روحها من فوق الحوش اما حمدي انصاب بي حروق خططططيره وتشوه جت الشرطه ورفعو مرام لي التحقيق عشان يعرفو منو ولع النار لان واضحه الجريمه مفتعله ركبت مرام مع دبدوبها بكل هدوء لي سيارت الشرطه

في التحقيق:-
الضابط:-ششششنووو؟????
الشرطي:مستحيل???
الضابط:حبيبتي افهميني انا سألتك يا شطوره منو صكر الحوش وحرقه
مرام:انا
الضابط:ليش?
مرام:الناس يلي مش كويسين ربي يحرق فيهم وهما مش كويسين هادا باش حرقتهم
الضابط:????..يتبع

تقييم المستخدمون: 4.57 ( 5 أصوات)

1 2 3 4 5 6 7 8 9 10 11 12 13 14الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock