روايات كاملة

مجرمه ثائبة للكاتبة بنووتة الشيخ

 

مجرمه ثائبة للكاتبة بنووتة الشيخ

 

مجرمه ثائبة للكاتبة اروى الطاهر

مجرمه_ثائبه الحلقه 14

مديحه:نكلم فيك سند
مرام:حسيت بي الدنيا تلف بيا ومعش قدرت نوقف اخر شي شفته سند جايني يجري وينادي فيا..

سند:من اول ماطلحت مرام فقد شعوره وجاها يجري يفيق فيه ويخبط ع وجها بشويه ويحضن فيها تهستر …..مراام مرام ردي عليا مرام تي جيبو اميه شنو تتفرجو عليااااااااا مرومتي اصحي تسمعي فيا
فاطمه:هاك سند
سند:خذي شوية اميه بخها ع وجها وقعد يفيق فيها
مرام:بدت ترجع لي وعيها شوي شوي …سس سند
سند:عيونه سند انتي تحسي في شي فايقه؟!
مرام:اي تمام تمام خلاص
سند:نوضي معاي شوي شوي
فاطمه:بعيد الشر علي بنيتي بالك من تعب السفر
مالك:من قلة الماكله ليها قريب 3ايام مكلتش
سند:ركب مرام لي داره وحطها ع السرير ولحقاته فاطمه
فاطمه:كلم سونيا ياولدي اديرلها ماتاكل
سند:تمام …ونزل بسرررعه كلم الخدامه ورجع

مديحه:ها المصيبه هادي وين لقيتوها وكيف جبتوها فهمني ؟
مالك:ساكت
زهيره:متقوليش سافرت معاكم?
مديحه:نعممممممممم؟؟؟؟سافرت معاكم؟تي شنو قصتها الحصله هادي ???
مالك:يامرت عمي انتي عارفه ان سند من لما صغير معاها وداير باله عليهاكيف تبيه ينساها في يوم وليله هادي يعتبر فيها زي اخته ولا حد من عيلته
مديحه:غير كان جت في اخته به لاكن دبارها عندي
زهيره:ربي يستر وخلاص ?

فاطمه:هي نوضي كولي بنيتي
مرام:والله معندي نيه يا امي
فاطمه:غير هيا علي خاطري
سند:خليك معاها وديري بالك عليها
فاطمه:متشغلش بالك عليها
مرام:في خاطرها …تعالا نبيك انت ادير بالك عليا زي ماتعودت قبل وكلني شربني رقدني في حضنك زي قبل?

سند:طلع وهوا باله مشغول عليها ونزل لي امه لان كان عارف انه مجهزتله موضوع طووويل عريض

مديحه:اول ما شافت سند …شنو قصتها هادي
سند:هادي رح تقعد هنايا
مديحه:هه وين هنايا؟
سند:هنايا في الحوش في الطابق التاني تفضىولها غرفه
مديحه:لا يا بابا منبيش حد غريب انا يعيش في حوشي وين نعلم بي اصلها وفصلها انا
سند:وهوا متعصب بس يحاول يحكي بهدوء …امي خلي البنت تقعد هنايا لفتره معينه والا والله ناخذها ونطلع ومعاد راجع لي دين امه الحوش
زهيره:لالالا صلو ع النبي مديحه حني ماصدقنا وليداتنا لتمو في الفيلا معانا عاد
مديحه:قلبت وجها وسكتت
زهيره:خلاص خليها المهم لفتره مؤقته
مديحه:توا هوا يتصرف من راسه هكي وحتا بوه مقالاش
سند:انتي عارفه كويس ان بوي تعز عليه مرام ويفرح لو قتله بتقعد معانا
مديحه:محرف من انت إلا بوك?
سند:تبو شي؟
زهيره:سلامتك وين ماشي
سند:بناخذ شوي حجات
مديحه:اذكرت موضوع ميار?….وليدي حبيبي خليك انت تاعب من السفر استريح
سند:استغرب؟….مش معطل انا
مديحه:به اما غرفه تبي نفضولها مرام
سند:منعرفش اي وحده عادي
مديحه؛انشاء الله تمام
سند:ركب سيارته وطلع

✨روايات بنووتة الشيخ(اروى)✨

مرام:بدت تاكل شوي شوي
فاطمه:تمسح علي شعرها …خيرك شن صاير معاكم
مرام:سند معش مهتم بيا يا امي فاطمه وصار موقف فهمني غلط المشكله والله مدخلي فيه بدي يتجاهل فيا ومعادش حتا يبي يشوفني
فاطمه:بس انتي مشفتيشي كيف خاف عليك لما طحتي
مرام:معادش يبي يحكي حتا معاي??
فاطمه:لا معادش تقولي هكي تو يهدا شوي شوي ويحكي معاك وتتفاهمو
مرام:انشاء الله
فاطمه:هي كملي ماكلتك توا
مرام:به

سند:مشي للمحلات شري حوايج لي مرام توت وملابس داخليه وملابس طلعه وشوي احذيه وخذالها تالفون وشفره وشوية شكاليط ومقويات غذائيه وروح

بنووتة الشيخ:ياربي ع الطيبه يلي فيه ?وووه عليا قريب نزمط تالفوني ?المهم 3

سند:روح للڤيلا وركب دار مرام

طق طق طق

فاطمه:ادخل
سند:السلام عليكم
فاطمه:وعليكم السلام
مرام:تشوفله وساكته
سند:شوي حجات لي مرام تو يفضولها وحده من الديار
فاطمه:به صحيت وليدي
سند:انشاء الله حالك تمام
مرام:هزت بي راسها ودموعهافي عيونها
فاطمه:لالا كويسه بكل كلت وانشاء الله بكرا خير من اليوم
سند:تمام هي سلامات …وطلع

فاطمه:نوضي بدلي حوايجك بنتي هي
مرام:انشاء الله
فاطمه:طلعت من الدار وخلتها ع راحتها
مرام:ناضت تشوف في الحجات يلي جابها وقعدت تبكي لانهابجد فقداته خذت حوايجها وخشت للحمام متع دار سند ادوش

سند:مكانش عارف وين يمشي لان مرام في داره اصلا قعمز جنب امه شويه

مديحه:خيرك مغيرتش حوايجك وارتحت شويه
سند:مرام في الدار شويه وناخذ حوايجي
مديحه؛به انشاء الله …المهم وليدي قولي
سند:شنو
مديحه:امتا نمشو لي حوش ميار ؟
سند:امتا ماتبي
مديحه:معناها بكرا
سند:ع راحتك…وناض خش لي داره بياخذ حوايجه ملقاش مرام فتح دولابه طلع حوايجه وتلفت يشوف مرام طالعه من الحمام ولافه روحها بي فوطه

سند???كنت ناخد في حوايجي بس لا ناان خليك ع راحتك انتي
مرام:من كتر الصدمه معش تكلمت لين طلع سند

سند:طلع وهوا متضر مرام بين عيونه خش لي غرفة مالك دوش في الحمام متعه

✨روايات بنووتة الشيخ(اروى)✨

مرام:بعد الدوش رقدت طول لان راسي واجعني من البكي?ومعش نضت لين جت الساعه 9العشيه 1

سند:مقدرش يرقد قعد مع امه وبوه يهدرزو في الصاله
مديحه:سنودي
سند:نعم
مديحه:ميار بتخطم تاخذ مفتاح امها ناسياته عندي اطلع ارفعهولها
سند:وعلاش متخشش هيا
مديحه:نبيك تقلها بكرا جاينكم
سند:تو ع اساس متعلمش هيا ?
مديحه:خلي البنت تفرح حلوا لما تجي منك
سند:به به

ترن ترن ترن
مديحه:اهي وصلت هاك المفتاح عطيهولها
سند:خذي المفتاح وهوا طالع فوق من نفسه

مرام:نضت حاسه راسي مصدع ومش عارفه وين نمشي وشنو ندير بس وقفت ع روشن نشوف سند واقف ع ميار ???

سند:تفضلي
ميار:شكرا تاعبتك معاي ربي يخليك
سند:لا ولا يهمك مفيش تعب. وبي المناسبه بكرا جاينكم انشاء الله?
ميار:عيونها قلووب قلووب …اي تفضلو ولا يهمك
سند:تسلمي
ميار:سلمت عليه وطلعت
سند:صكر الباب وشاف لي روشن داره جت عينه في عين مرام
مرام:صكرت الستار وبدت تبكي
سند:ساااعدني يارب بس??…وخش داخل

تاني يوم:-
سند:رقدت انس طول لاني كنت تاعب وطبعا رقدت في دار مالك

مرام:طول الليل وانا ساهره نفكر شنو قاعد يصيرلي والكلام يلي قالهولي سند في مصر يقصد انه يحبني جديات ولا هكي ان نحنا متربيين مع بعض وبس ? نوضتني امي فاطمه صليت وبدلت حوايجي ونزلت معاها وكنت متوترررره بسبب ام سند ومرت عمه

ع طاولة الفطور :-
فاطمه:كولي متتحشميش
مرام:ابتسمت …انشاء الله
مديحه:?
سند:صباح الخير …وقعمز
مديحه:صباح النور غزالي
زهيره:مالك اكيد راقد
سند:اكيد …كيف حالك مرام اليوم
مرام:بدون متشبحله….الحمد الله
مديحه:هيا وتي روحك يا عريس اليوم بنمشو
يزن(خو سند الصغير ):منو عريس؟
مديحه:سند عريس وميار البنت الحلوا هذيكا
يزن:اعع نحبهاش
مديحه:خيرها بنيه حلوه
يزن:شعرها قصير زي الولد نديرو مرام عروسه شعرها حلو?
مرام وسند شبحو لي بعض طول ??
فاطمه:هههههه عطيك السلامه يافرخ لسانك ملوي علي رقبتك
مديحه:تحشم وافطر وقت عليك المدرسه?
يزن:به يا ماما ?
سند:يالله انا ماشي لي الصاله
مديحه:روح قبل الساعه 5وجيب معاك باقة ورد وشكلاته
سند:انشاء الله
مرام:??

✨روايات بنووتة الشيخ(اروى)✨

مرام:كملت فطور وقعدت مقعمزه مع ماما فاطمه في الجنان وانا عقلي مع سند ومش مستوعبه ان خلاص بياخذ ميار?

سند:كمل تدريبه في الصاله ودوش غادي ولبس وتكم روحه ولم حوايجه وطلع وفي الطريق خطم ع محل شري معاه بوكي ورد وشكلاته وروح

مكالمه هاتفيه:-في المطبخ
عمار:اي نشغلت عليك اختفيتي مره وحده هكي
مرام:سامحني ياعمي ضرف وحكم
عمار:ولا يهمك المهم انتي بخير
مرام:الحمد الله يالله منعطلشعليك عمي بس قلت نشوفك شنو حالك
عمار:الله يبارك فيك يابناي ربي معاك
مرام:سلام

سند:امي جب….?
مرام:تلفتت وشافت سند كيف منضم روحه وشاد الشكلاته والورد عيونها تعبو دموع في ثانيه
سند:تمالك نفسه ..وين امي
مرام:ابتسمت …مريتهاش ياعريس ?وجت طالعه شدها سند من يدها
مرام:بعدت يدها وطلعت تجري …خشت للحمام وقعدت تبكي?

مديحه:جيت ??مشاء الله مشاء الله ربي يبارك عريس من بعيد
سند:مضاايق …هي شنو واتيه؟
مديحه:اي واتيه
سند:هيا اطلعي
مديحه:خذت شنطتها وطلعت

مرام:طلعت وركبت دار سند ريحته في كل مكان❤️صورنا مع بعض هدايانا في كل مكان في الدار هاذا كيف بيعيش مع غيري نبي نفهم
سونيا:مرام غرفة انت جاهزه
مرام:صحيتي …خذيت حوايجي وخشيت لي الدار كانت بين داري ودار سند غرفة مالك شغلت روحي في ترتيب حوايجي وحجاتي وبعد مكملت خذيت كرسي وقعمزت جنب الروشن نتفرج لان الفيلا كانت اطل ع منضر حلو بكل❤️

سند:وصل الحوش ميار وخليني نختصر عليكم لان طوووول الوقت سند عقله مش معاه بكل ويساير وبس وميار فرحانه وماشيه الدسكه لين روحو

في الطريق:-
مديحه:بالله شنو رايك مشاء الله عليك اسلوب يا ناس
سند:اي مليحه
مديحه:مزال تو بعد تتزوجو تكتشف فيها حجات وتحبها اكتر
سند:انزلي امي وصلنا
مديحه:اول مانزلت من السياره تزغرط لين خشت
مرام:قعدت تصكر في وذانها متبيش تسمع وتشوف في سند من فوق كيف خش للفيلا

ع طاولة العشي:-
فاطمه:سونيا نادي مرام
سونيا:مرام راقده
فاطمه:به خليها ترتاح
سند:انا شبعت صحتين
مديحه:صحتين حبيبي
محمد:محكيتوليش شنو صار معاكم
مديحه:والله كان جو يهبل …وقعدت تحكيله

سند:صلا العشي وقعمز ع تالفونه يتصفح في النت وبس

الساعه3في الليل:-
مرام:مقعمزه نفكر ليش حياتي هكي،؟شن ذنبي في كل شي صار معاي؟اليوم تأكدت اني نموت في شي اسمه سند ومنقدرش نعيش من عيره لان كل شي بنسبه ليا بس شنو الفايده بعد خلاص فات الوقت؟؟؟بما انا انا عايشه مره في هادي الدنيا ليش نخبي ؟؟؟نضت بسرعه وبدون منحس كيف درت هكي

طق طقق طق
سند:خش مالك
مرام:خشت وسكرت الباب وهيا تبكي
سند:ش شن شن اديري هنايا?
مرام:قعدت تقرب منه…يتبع

تقييم المستخدمون: 4.6 ( 6 أصوات)

1 2 3 4 5 6 7 8 9 10الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock