مش ذنبي للكاتبة هوبي الشريف

فريق النشر
2020-06-24T08:49:16+02:00
روايات كاملة
فريق النشر17 فبراير 2020آخر تحديث : منذ سنة واحدة
مش ذنبي للكاتبة هوبي الشريف

[box type=”success” align=”” class=”” width=””]مش ذنبي للكاتبة هوبي الشريف[/box]

مش #ذنبي 💔
#الجزء الأول 💛
الكاتبة #هوبي الشريف✍💙

السلام عليكم ورحمة الله وبركاته 💛
؛
#بسم الله توكلت علي الله وان شاءالله القصة تنال إعجابكم ❤

“”””””””””””””””””””””

عامر الدموع ماليه عيونه وقال: خلاص ياامنة هذا مكتوب وربي هكي مقدرلنا ولا اعتراض علي حكمه
أمنة: وانا راضيه بقضاء الله بس شن ذنبك تنحرم انك تكون اب انا مش انانية مسامحتك تتزوج
عامر: شن تحكي انتٍ وانا ديمه نقولك مانبيش نتزوج ولا نبي غيرك ربي لو كاتبلنا يكون عندنا عيال هيكون وانا راضي ماشكيتش
امنة: الحمدلله علي كل حال ربي يجبر بخاطرنا ❤
عامر: ان شاءالله

طبعآ عامر م65 تزوج. هوا وامنة وهما صغار. تزوج وعمره 20 سنة وهيا 15سنة لهم 10 سنوات متزوجين وربي مارزقهمش بعيال
طبعا القصة قديمة وقتها كانت سنة 1995

عامر صلى العصر وجاه صاحبه يهدرز معاه
عامر: امنة ديرلنا قهوة
امنة: حاضر
عامر طلع لصاحبه: اوو حسونه نورت بنغازي امتى جيت
محسن: منوره بيك ياغالي تسلم توا غير وصلت حتى هلي ماشفتهم جيتك طول
عامر: كنك باين متضايق في حاجة ؟
عامر: صار معايا م
وسمعو صوت بكا بايبي
عامر: شنو هضا جاي الصوت من سيارتك؟
سبا محسن فتح باب السيارة ونزل منها بايبي مغطي ببطانية وردية
البنت مابطلتش بكا 😭
عامر: هات توا نخششها للولية تسكتها وانت احكيلي بنتك هذي ولا من؟
مد محسن البنت لعامر
عامر مسك البنت وهو فرحان كأنه بنته كانت محلاها 💜
امنة: من هذي؟
عامر: امسكيها البنت معش سكتت سكتيها وعطيني القهوة نفهمك بعدين
خذتها منه امنة وهوا خذا القهوة وطلع لقا جارهم قاعد مع محسن
عامر: سمير شن جوك
سمير: الحمدلله انت شن امورك
عامر: الحمدلله
وقعدو يهدرزو وعامر ماسالش محسن قدام جارهم

امنة من اول مامسكتها حسيت بشعور حلو تمنيتها لو كانت بنتي قعدت نهز بيها شوي شوي لعند رقدت 💛دعيت ربي ارزقني ببنت زيها واجبر بخاطري يارب 🙏

محسن رن تليفونه رد
محسن: الو
مريم مرته: وصلت ؟
محسن: اها وصلت توا جاي
مريم: ماتطولش نرجو فيك
محسن: تمام وسكر الخط
محسن: عامر معليش جيبلي البنت بنمشي نتريح
عامر: هي حاضر
خش عامر للحوش ولقا امنة ماسكة البنت وعيونها فيها قعد يبحت فيها شويه وبينه وبين نفسه يقول: ياريتها بنتنا 💔
عامر: امنة عطيني البنت محسن يبي البنت
امنة: تفضل ومدتله البنت
خذا البنت وطلع عطاها لمحسن وقعد يهدرز مع جارهم سمير
سمير: شن سار ياعامر حصلت حوش ولا شقة؟
عامر: اها صح نسيت نقولك حصلت في عمارة مبنيه جديد من خمس ادوار شقتين مقابلات بعضهن شن رايك تمشي معايا بكره نشوفوهن ؟
سمير: خلاص تمام
وكملو هدرزتهم

طبعا سمير وعامر جيران واصحاب قررو يبيعو حواشينهم ويشرو في مكان ثاني لانهم مش متريحين واجد في منطقتهم 💔
سمير متزوج ومراته اسمها خديجة وعندهم عيل واحد اسمه يوسف م90 وبعدها ربي معش رزقهم بعيال

طبعا بعد ماكملو هدرزة خش كل واحد لحوشه
بالنسبة لعامر وامنة الاثنين يفكرو في البنت زعما من وهما الاثنين حبوها بالرغم من انه اول مره يشوفوها ❤
اما سمير وخديجة اللي فرحانين بولدهم ومدلعينه وكل يوم يزيد حبهم واهتمامهم بيه وكانه امس كيف جا 💓

“”””””””””””””””””””

محسن روح لحوشه كان متزوج وعنده 3عيال بس ماعندش بنات
خش وماسك في يده البنيه دغري استقبلاته مراته مريم من هذي وكيف وشن جابها؟
محسن: غير وسعي بالك بدال ماتقولي الحمدلله ع سلامتك دغري بديتي اسئلة هضا ليش تبيني نروح
مريم: اعترف كنت متزوج وهذي بنتك دايرها من ورايا وانا نقول ماشي يشتغل وانت قاعد تتزوج واخرى جايبلي بنت و..
محسن: البنت لقيتها يلا الجامع في طرابلس وقلبي ماطاوعنيش نسيبها
مريم: ان شاءالله ناوي تخليها عندنا لا مستحيل
محسن: مش خاطرنا يكون عندنا بنت اهو ربي رزقنا خلينا نربوها
مريم: قلت لا تبيني نربي بنت مش عارفه اصلها ولا فصلها هذي يلي ناقصة انا صح نحب البنات بس تكون بنت انا يلي جايبتها بس مش بنت زي هذي توا تمشي تحطها في دار الرعاية ولا تطلقني
محسن: لاحول ولا قوة الا بالله العلي العظيم
طلع محسن وسلم البنت للدار وروح وهوا مخنوق 💔

“”””””””””””””””””””

#تسريع في الاحداث:

طبعا انتقلو عامر. وأمنة لشقتهم الحديدة وحتى خديجة وسمير انتقلو للشقة يلي مقابلتهم وتريحو لان المكان كويس والجيران كويسين 😍

عامر يشرب في القهوة هو وامنة وجوهم حلو ويهدرزو
امنة: صح بنقولك مش محسن صاحبك عنده عيال بس ماعندش بنات من البنت يلي يومتها؟
عامر: والله صح صدقتي وانا نقول بنته نسيت بكل انه ماعندش بنات
امنة: البنت حبيتها مع انه مره وحده شغتها لكن محلاها
عامر: ربي يرزقنا ان شاءالله
رن نليفون عامر رد عليه وكان محسن. كان قاعد لوطا يبيه
عامر: انا نازل نشوف محسن شكله متضايق بعد مانجي نطلعو ندهورو
امنة بفرحة: تمام نرجا فيك ❤

نزل عامر لمحسن وركب معاه في السيارة ومشو ومحسن باين عليه متضايق بكل 💔
عامر: غير قولي شن في ياراجل شغلتني؟
محسن : اصبر نوصلو قبل وتفهم كل شي
درس محسن قدام الكورنيش ونزلو قمعزو
عامر: هي نسمع فيك
محسن: مش يومتها لما كنت مروح من طرابلس جيتك دغري كنت بنحكيلك موضوع صار معايا وحكاله من اول مالقا البنت قدام الجامع لعند ماحطها في دار الرعاية 💔
محسن: كنت فرحان بيها بس مرتي مابتش وشلتها
عامر عقله استك من يلي سمعه: قسدك البنت يلي جبتها معاك حطيتها في دار الرعاية
محسن: اها حطينها
عامر :

التكمله في الجزء الثاني 💛

الكاتبة #هوبي الشريف ✍

#تحياتي 💙

كلمات دليلية
رابط مختصر

رأيك يهمنا

error: Content is protected !!