روايات كاملة

نسمة للكاتبة ميرا ياسر الجزء الاول

جميع الحقوق محفوظة

رواية نسمة للكاتبة ميرا ياسر

الحلقات الاولي من هنا

رواية نسمة للكاتبة ميرا ياسر

الحلقة الخامسة عشر 🍃

كانت نسمة راقدة لحد مافاقت ع صوت الباب يخبط مع الساعة 9 وكانت سيرين ،،

وحتى صهيب ناض م النوم بس دار روحه راقد باش ميزعجهمش وياخدو راحتهم

سيرين.. صباح الفلات
نسمة.. صباح القشطات تعالي للدار باش مينوضش صهيب
سيرين.. اوكين هي ..وخشو للدار ،،كيف حالك اليوم
نسمة.. الحمدلله احسن
سيرين.. الحمدلله يارب 😧 بالي قعد معاك طول الليل ياريتني بتت عندك ، صهيب قالي اني توا نرد بالي عليها .. قعد معاك امس ؟
نسمة.. ههههه اي قعد معاي ، ورد باله عليا كويس ، متخافيش انتي
سيرين.. الحمدلله يارب ،يعني بنسافر واني مطمنة عليك
نسمة.. قريب هلبا سفرتكم ؟ 💔
سيرين.. اي خلاص سامح حجزلنا بعد العيد ، قبل كنت خايفة عليك بس بعد ماشفت صهيب امس كيف شكله كان لما قتله عليك اطمنت وعارفة روحي بنخليك ف ايد امينه
نسمة….
سيرين.. نسمة انتي مرتاحة مع صهيب ؟ كل اموركم تمام ،،

وصهيب لما سمع سؤال سيرين فتح عيونه وقعد يستنى ف نسمة تجاوب

نسمة.. شن الي خلاك تقولي هكي ؟
سيرين.. نسال ، لان قبل العرس قلتيلي خايفة ومش مرتاحة ..
نسمة…..
سيرين.. نسومتي ، كل شي هايكون بينا وعد ،، احكيلي.. انتي وصهيب اموركم تمام ؟
نسمة.. هههههه ايي شن تقولي انتي صهيب أي بنت تتمناه ، هوا راجل وطيب .. وحنين ،، وعاملني كويس من اول يوم وعمره ماغلط فيا..وجونا فوق الريح اطمني انتي ومتخافيش عليا

وصهيب سمع كلامها وكل مرة يزيد يأنبه ضميره عالمعاملة الي كان يعاملها بيها 💔

وكل مرة يزيد يتأكد من طيبتها وحسن نيتها ع عكس كلام روان وانها متستاهلش الا انه يعاملها بكل خير ،،

سيرين.. الحمدلله ريحتيني ، بس قوليلي ، علاش راقد برا صهيب ؟

ونسمة توترت ومعرفتش ترد …
وهني خش صهيب ..

صهيب.. حبيبتي صباح الخير اسف خداني النوم امس واني نتفرج ، كيف حالك اليوم ؟

ونسمة سمعت كلمت حبيبتي تشنجت 😂💔

وسيرين ضحكت عالساكت 😂

سيرين.. ههههههه ردي عالراجل😂
صهيب.. اه سيرين هني 😂صباح الخيير اسف مشفتكش
سيرين.. ههههههه ولا يهمك

وجي صهيب جيهة نسمة وحط ايده ع راسها ،،

صهيب.. قاعدة تعبانه ؟

ونسمة فقدت النطق وتشوفله 🌚 وهزتله راسها ب لا 😂💔

صهيب.. ماشي الحمدلله ، بنمشي نصلي ونجي نفطرو لازم تاكلي كويس اليوم امس متعشيتيش باهي ..
نسمة.. 😳 اوك

وباسها من راسها وطلع

سيرين.. ياحليلي انيييي بندوخخ 😍😂 الولد هلبا ره
تقول كرمبة مقعمزة بحداكم 🙂💔 ربي يسعدكم مع بعض ياروحي 💚

نسمة.. هههههه ويسعدك يارب ، اسمعي مكلمتيش ماما ؟ اكيد مضايقة منا لانه ممشينالهاش امس💔 راك تكوني قولتيلها ع اللي صار !!
سيرين.. كنت بنقولها لاكن انتي زي الهم بديريلي عرس ،، قلتلها جونا ناس مقدرناش نجو
نسمة.. ييي فكرتيني اليوم قتلي ابلة سمية بيجونا ناس 😭😭 معنديش ليهم خلوق بكل 💔 شن بنلبس وشن بنحط ف وجهي الهم منعرفش نبلبز روحي بكل انا 😢
سيرين.. ههههههههه ياعمري انتي من غير شي تهبلي 😌 توا نكمل لبس بكري ونجي نبلبزك بالمكياج شوية😂 والبسي قفطانك الازرق الكحلي التلت رباع يطلع يهبل عليك 💙
نسمة .. هههههه اوكين تمام .. منورة ❤ ..
سيرين.. هي اني بنمشي نشوف سامح ، نتلاقو بعدين ❤ تشاو
نسمة.. بااي💚

وطلعت سيرين وقعدت نسمة مصدومة من موقف صهيب معاها وكيف عاملها قدام اختها و للحظة جت بتعيش الدور وتصدق 😂💔

نسمة.. مصحني اني علاش نفكر هكي ! ماهو كله تمثيلي بطلي هبال ونوضي 😑😑 وانت التاني بطل تدق وتعيش اللحظة تمثيل ره😑💔

وناضت خشت المطبخ شربت مية وخشت تتوضى وطلعت تحك سنونها وهيا تلود فلحوش 😛

وشبحها صهيب ضحك ع منظرها 😂

صهيب.. ههههههه خشي الحمام سلم بنتي وانتي تقول بابا نويل 🎅😂
نسمة والفرشة ف فمها .. منعرفش نحك فلحمام 🙂
صهيب.. به كملي وتعالي نفطرو ميت م الجوع اني
نسمة.. هي 😁

وخشت مضمضت وصلت ومشت عالمطبخ ،،

نسمة.. شن تبي تفطر يافندم ؟
صهيب..مفيش منيو ؟ 🤔
نسمة.. في حضرتك 👩‍🍳 عندك دحي اومليت ودحي مطبوخ ودحي محرك ودحي عيون وجميع انواع الدحي 💁‍♀️
صهيب.. ههههههه ع هكي بنمشي الشركة نكاكي
نسمة..هههههه نبصر عليك توا نديرلك هي 🙄

ودارو فطور بسيط ولطيف و زوز طواسي نسكافي وفرشو فلبلكونه وقعمزو

صهيب.. ااه الريحة ترفع وتجيب ❤ هاتي هاتي الخبزة يومين مكليتش
نسمة.. هههههههه صحتين ؛ هدا غير متفطرش غير ف دخان و قهوة 🙄
صهيب.. حتى اني زي بنادم يعني مرة مرة نجوع :’)
نسمة.. هههههههه مه روان قتلي انه متحبش تفطر واكلتك ضعيفة
صهيب .. هههههههه خليها تحرث هاديك ، توا لما نتجوزو نوريها كيف الاكلة الضعيفة شكلها

ونسمة اضايقت وسكتت ، وقعدو ياكلو وهيا تتفرج ع الجنان

صهيب .. خيرك ساكته
نسمة.. لا شي ، نفكر
صهيب.. ف شني
نسمة.. بيجو ناس اليوم ومشعارفة شن نلبس 😅
صهيب.. انتم البنات فاضيات الحق 😑 تي البسي اي شي ان شاء الله هروكة وحطي ع وجهك كيلو مكياج وتوا يحلو فمهم فيك 😂

نسمة.. مه هادي المشكلة ، منعرفش ندير مكياج 😭
صهيب.. كدابة ! قولي والله ؟😂
نسمة..وحق ربي
صهيب.. الشيت اول مرة نشوف بنت فالتاريخ متعرفش تمكيج😂😂😂مصيبة هيا ره
نسمة.. تعيش وتشوف 😒
صهيب.. ههههههه تي نبصر ، انتي قنينة مش محتاجة شي

ونسمة قامت راسها وشبحتله وحست ب قلبها يدق وبيطلع من مكانه وسخنت فجأة و وجهها بدي طماطمة كله مع بعضه 😂

اعراض الحشم يعني 💁‍♀️

نسمة.. شكرا
صهيب..اهم شي ركزي عالكعب 😂
نسمة.. 😳
صهيب.. هههههههه ، صحيتي ياحنه عالفطور نردهولك ف عرسك ان شاء الله
نسمة.. ههه سلمك ، صحتين .. هي دقيقتين وانوض نحددلك بدلتك
صهيب.. لالا مفيش داعي توا نديرها اني
نسمة.. لالا ميجيش توا نديرها اني
صهيب.. تي وحق ربي ماصارت😂
نسمة.. تي واقسم بالله مايصير ياراجل 😂😂
صهيب.. خلص بكيفك 😌 منور ياقدر 😎
نسمة..بوجودك شبيب 😌
صهيب..😂😂😂 لحظة بس .. الو ؟ ايوا مراد ..

ومشي >> 💁‍♀️

نسمة.. وااك الزفت اطلع من راسي اطلع من راسي اطلع من راسي وحق ربي تحبه لما نطلعك من مكانك ونديرك قلاية 😭 اهدي نسمة ،، اهدي … هوا يحب روان ..وروان تحبه ،، متعاوديش نفس قصتك مع يوسف معاش تحبي حد يحب ارجوك 💔 قلب حيوان انت تقول متسلط عليا 😑

وقامت السفرة وخشت حددتله بدلته وهوا لبسها ونزل

وهيا خشت دوشت وبدت تدير ف شعرها لان الناس جايين بعد العصر بشوية

نسمة.. حي الساعة 1 😳 والناس بيجو ال5 وسيرين مكملتش 😭 .. خ نتصل بيها

نسمة.. الو ،، سيرين مازلتي 💔
سيرين.. ياروحي مزال وقت خيرك مستعجلة 😅
نسمة.. مشعارفة خايفة منلحقش ،، كملتي انتي ؟
سيرين.. اني كيف حطيت الغدي عالنار وبنخش ندوش وندير شعري ونجي نمكيجك قبلي
نسمة.. خلاص معناها خ نوتي غداي تكوني كملتي
سيرين.. اي هكي تمام

وخشت نسمة تطيب الغدي

وكملت غداها ودارت دوره خفيفة عالحوش وبخراته وقعمزت تستنى ف سيرين …

سيرين.. بخخ ، الله شن مطيبة 😍
نسمة.. كسكسي 😍كان خاطري فيه كداش ليا 💃
سيرين.. ههههههههه مصح وجهك راك تجوزتي توا ره
نسمة.. شن به تجوزت نموت م الجوع ؟ 😒
سيرين.. لا بس شوفي راجلك شن يحب ياكل واطبخيله 😂 هيا بلا دوة توا خ نكملك فيسع ونمشي نوتي روحي يادوب
نسمة.. هي

وخشو سيرين ونسمة للدار وقعدت تمكيج فيها ، ومخدتش منها وقت هلبا لان نسمة ملامحها كانت هادية ومتحتاجش هلبا مكياج ❤

سيرين.. بيررفكت 👌 ، سلم ايدياتي 😌✨
نسمة.. تراا حولي خليني نشوف ، حييي محلاني 😍😂
سيرين.. اييه اتبتي هي خليني نحطلك الروج 😂
نسمة.. مديريليش لون اوفر
سيرين.. لالا هي … شوفي ترا ؟
نسمة.. مييية مية سلم اييديك ومايحرمني منك يا احلى اخت 😍تي الحمدلله خدينا مع بعض كان هدا ره ضعت 😂
سيرين.. تي شن تسحابي امالا ، تبيهم يقولو واخدين بنات حوش ال *** ومينخبوطش فينا 🙄
نسمة.. ههههههههه
سيرين.. هي وجهك خ نوتي روحي.. الساعة كم ؟
نسمة.. ال4 وربع
سيرين.. يييي وقت ، هي ابدي البسي وشوفي شعرك كيف بتشفشفيه
نسمة.. تم😂

وخشت نسمة تلبس … ولبست قفطان ازرق كحلي مش قصير ومش طويل ، وكمامه تلت رباع ومن الرقبة ٧ ونازل شوية من عند الكتف شوية 😌 ومفيشي هلبا تفاصيل بس كان حلو 💙

ع تاكم فضي كانو شارينهولها هما وكعب زي لون القفطان

ومكياج هادي بكل وروج احمر هادي وشعرها داراته فلو شوية وخلاته نازل وياسر وصف لشكلها طلعت قنينة وحلوة هلبا وخلاص المهم الاحداث 😂

المهم ال5 الا بالزبط كانت واتية ..

وخبط الباب خبطتين وفتح وكانت مرح 💁‍♀️

مرح.. نسسسمة ، سمسومة ؟؟
نسمة..هنييي فالدار مروحة تعالي ،
مرح.. الله محلااااك يافررخة 😍😍😍😍 اللهم ماصلي عالنبي الله يبارك ع كنتنا 💃💃
نسمة.. هههه بجديات ؟ شكلي حلو ؟
مرح.. تتتييي احتمال يخطبوك من ماما اليوم 😍😂
نسمة..😂😂😂مبردك😂
مرح.. ههههههههه المهم ماما قتلك الناس ١٠ د ويوصلو خلاص وتوا فرح مشت لسيرين تقوللها
نسمة.. اييي هي نلبس حديدتي ونازلة وراك
مرح.. هي 💙💙

ونزلت مرح ولبست نسمة كندرتها و بخت برفان وتلبس ف حديدتها و معرفتش تسكرها 😂😂 ،،

نسمة.. ييي خيرها هادي عاد ،،

صهيب.. نسسسمة

نسمة.. 😳😳😳😳 هدا شن جابه توا !! وين عبايتي وين 😭😭😭..

وملحقتش تدور لقاته ف وجهها فلدار 😂

صهيب.. بنقوولك امي قتلك ،،،
نسمة.. 😳😳 .. شن قتلي ؟
صهيب.. قتلك ، هادوك الجماعة
نسمة.. اي ؟؟
صهيب.. في شعب لوطة المهم 🙂
نسمة وهي متحشمة .. اي توة ننزل هي
صهيب.. ماشي هي ……

ونسمة قاعدة حاصلة ف حديدتها الي معاش بت تتسكر 😅💔

وقامت راسها لقت صهيب قاعد واقف عالباب 🌚

نسمة.. خيرك واقف ؟ تبي حاجة ؟
صهيب.. لالا شي ❤ تشبهي لامك هلبا
نسمة.. ههههه الله
صهيب.. اي ،
نسمة.. شكرا
صهيب.. ممكن نساعدك ف المشن امبوسيبل هادي ؟ 🌚
نسمة.. ياريت 😭
صهيب.. هههههه هاتي ايدك
نسمة …….
صهيب.. كملت ، بخري روحك قبل لا تنزلي

و نسمة ارتسمت ع وجهها ضحكة هادية وحلوة ❤ ..

نسمة.. غداك فلمطبخ متغطي
صهيب.. ههههه ايا ، لحقتي تديري حتى غدي
نسمة.. هههههه ، الحياة اولويات
صهيب.. ههههه وشن اولوياتك ؟
نسمة..الماكلة 🙄
صهيب..ههههههههههه بري امي تستنى فيك لوطة امشي
نسمة.. هي

ومشي صهيب للمطبخ ياكل ونسمة وهي نازلة ..

ورجعت ولت😅

صهيب.. خيرك !؟ نسيتي حاجة
نسمة.. جعانه بنموت 💔 وطلعت كاشيك وبدت تاكل فيسع
صهيب…😂😂😂😂 بشوية را تشرقي
نسمة.. ممممم خلص .. كملت ..هي صحة .. تشااو

ونزلت تجري 🏃‍♀️

صهيب.. ههههههه مجنونه

ونزلت نسمة وسيرين للناس وسلمو عليهم وضايفوهم

وكانو 4 نساوين وزوز بنات صغيرات…. وسهام وروان وامها والبنات

وناضت وحدة تكلمت 👩🏻،، والله سمية المرة هادي عرفت تختار 😌❤ ماشاء الله الزوز احلى من بعضهم الله يبارك ❤

و وحدة تانية ردت ،، اي والله صدقتي الواحد معاش لاقي بنات حلال والله ولدي ع قد مادورتله مالقيتله وحدة تنفع كلهم الي قايمة خشمها والي لا اسلوب ولا اخلاق وكل وحدة شايفة روحها عالفاضي
سهام.. ايي والله صدقتي بنات توا موليين مينقربوش
ردت مرا.. اي هدا لاش تحمدو ربكم ع الكناين الي زي العسل هما ياسمية حظك حلو المرة هيا❤ وانتي ياسهومة الكنه الكبيرة عاد ديري بالك عليهم وعامليهم كيف وخياتك الصغار
سهام..اي اكيد خالتي ❤

وهيا واضحة تلقيحة يعني ع سهام 💔😂

وسهام حاولت تكتم حرقت دمها ومتتكلمش💁‍♀️

وروان تشتغل غيظاً😌

وناضو نسمة وسيرين باش يقدمو العصير وخاشات

ناضت روان وهي مقعمزة عوجت طرف البساط برجليها 🙂

ونسمة وهي خاشة عترت فيها وانقلبت منها الصونية

سمية.. ياسسساتر ياساتررر صارلك شي !

وجرو مرح وفرح ينوضوها وسماح وسيرين يلمو فالسفرة

ونسمة تحشمت وبدو عيونها حمر وبتبكي 💔

وتكلمت مرا..معليييشي يابنتي تصير تصير

وردت وحدة تانية.. عوينه وطارت يابنتي ولا يهمك حني مش غرب ❤

نسمة.. سامحوني مقصديش
مرح.. ييي طرف البساط متني اكيد عترتي فيه 💔
المرا.. اي عندها حق مسيكينه.. يلا حصل خير بري بدلي سلم بنتي واقري المعوذات ع روحك اكيد في حد ضربك ب عوينه هني … وشبحت لسهام 😂💔

روان.. سحيقة تسحقكم كلكم ان شاء الله 😒

اما نسمة ف ركبت تجري باش تبدل وكانت تبكي ..

وصهيب كان فالصالة يتفرج وهيا وخشت تجري للدار ..

صهيب.. نسمة ؟؟ نسمة خيرك !
نسمة..شي
صهيب.. كنتي تبكي ؟
نسمة.. لالا مافي شي .. شوية بس لو سمحت بنبدل
صهيب.. ماشي اوك ،، اني بنمشي الشركة تبي شي ؟
نسمة.. سلامتك
صهيب.. اوك سلام

ولبست نسمة حاجة تانية ونزل صهيب وهوا نازل لقي روان فلجنان مع سهام

صهيب..روان خيرها نسمة ؟
روان.. ايا قصدك تبكي! ووووه فاتك نص عمرك 😂😂😂
صهيب.. تي ادوي شن صار
روان.. ههههههههههه وهي خاشة تمد العصير للناس تكركبت وانقلبت هيا والصفرة منظرها كان يضحك بكل تعرف وتوا طلعت تبكي زي الصغار 😂😂😂😂😂 تكركبت زي البطشة وااك هههههههههههه
صهيب.. حاجة اضحك هادي توا ؟
روان…..

يتبع…….

تقييم المستخدمون: 4.78 ( 3 أصوات)

1 2 3 4 5 6 7 8 9 10 11 12 13 14 15الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock