روايات كاملة

نوفيلا كوكتيل للكاتبة امل احمد سلوم

جميع الحقوق محفوظة للكاتبة

[box type=”success” align=”” class=”” width=””]نوفيلا كوكتيل للكاتبة امل احمد سلوم[/box]

#كــــوِكــــتُيـــــل ؛؛؛؛؛؛؛

#أمل_أحمد_سلوم
#هاجر_إبراهيم {Hajar SH}

#مقدمة ….

بعد نص الليل ومن بعد ما انطفت أضواء البيت كلها .. م̷ـــِْن بين هالعتمة ظهر ضو كشاف صغير وشخص كان بيتسلل بقلب البيت بكل خفة وبيتلفت شمال ويمين عالهسي، ، بقي يتحرك بالظلمة ويتسلحب وكأنو لص محترف ..

كان ماشي وبدون قصد ضربت رجلو بالطاولة ..
وبالغرفة كان فِيَھ بنتين كل وحدة منهن بتشتغل شغلة ..

وحدة كانت قاعدة قدام اللابتوب والتانية كانت بتمنكر ضوافرها ..

وبس سمعو صوت الحركشة جفلو واتطلعو ببعض ..
منار: شو هالصوت انجي؟
انجي «بلعت ريقها »:والله مابعرف .. قـ قومي شوفي
منار: بالله مو شـ شايفتيني مشغولة بقراءة الرواية اللي منزلينها عالكروب ..
انجي عأساس أنا اللي فاضية .. المنكير لسا مانشفو عضوافري .. حـ حبيبتي منورة روحي شوفيه مين فِيَھ برة
منار: لٱ والله مابعتب برة الغرفة الا ورجلي عرجلك ..

أخيرا وبعد مليون نقااش قررو منار وانجي يطلعو يشوفوا مين بيتسحب بعتمة الليل بقلب البيت ..

كانو ماشيين وماسكين ببعضهن ورجليهم بتضرب ببعض وهنن بيرجفو م̷ـــِْن الرعبة ..
همست انجي: خـ خلينا نشغل الضو منار
منار: لٱ .. ازا شغلنا الضو والحرامي شافنا يمكن يقتلنا بأرضنا
انجي: شكلا الروايات بلشت تسيطر علـّۓ. عقلك اختي .. شو نحنا وين عايشين .. بـ بشيكاغو
منار: والله ياحبيبتي انا مو مستغنية عن حياتي ..ازا حضرتك مستغنية عنها روحي لحالك شغلي الضو
انجي «بخوف »:لٱ خلص .. اكيد يعني مالي مستغنية عنها ..

كانو بعدن ماشيين باتجاه المطبخ وصوت الحركشة بقرب أكتر وبيصير واضح اكتر ..

،،،،،،: شو اللي مصحيكون لهلأ؟

التفتوا التنتين وهنن لازقين ببعض ومرعوبين ..
منار «بهمس »: هشششش خالتو محاسن ..
محاسن: هي الهش الي وليه منار
انجي: مو قصدا خالتو ..بس يمكن فِيَھ حرامي جوا بالمطبخ .. مابدنا اياه يسمعنا
فتحت محاسن عيونها عآخرهم وأخدت وضعية الهجوم وعطول شلحت حفايتها ورفعت قميص النوم ليبان شروالها الأبيض المنقط م̷ـــِْن تحتو .. وعملت حركة المره السمره يلي بتوم وجيري وهي بتلاحق الحرامي 😂
محاسن: شو هاد .. حرامي.. اي والله لورجيه نجوم الضهر وموتو بأرضو
انجي: لٱ م̷ـــِْن هالناحية ماتاكلي هم، ، هوة بس يشوف شروالك المنقط منور رح يموت م̷ـــِْن الضحك 😂

محاسن: بعدولي هيك بلا فزلكة ..

وفجأة دخلت محاسن عالمطبخ مداهمة مع منار وانجي وشغلو الضو مرة وحدة لينصدمو م̷ـــِْن المنظر اللي قدامهن ..

حنين: بونسواااغ 😊

منار: هادااا انَــْتي ؟؟؟؟؟
انجي: والله كان لآزٍمٍ اعرف انو انَــْتي يامفجوعة ..
محاسن: طبعا لَيــِْـِْش. مين فِيَھ غيرها حنين ام كرش بتعمل هيك عملة ..

كانت حنين بتطلع فيهم وحدة وحدة هيك 🙂
وقاعدة بنص المطبخ وحاضنة صحن الكيك وملغوصة وجها شوكولا ..😂

محاسن: ڵـڱ يخربيتك ياحنين مابقدر خبي شي مـڼـڱ انا
حنين: يعني جعت ،، شو اعملك يعني
اتنكرزت محاسن ورفعت الصرماية بوجها ..
محاسن: قلتيلي جعتي مووو.. والله لخليكي تجوعي عالمزبوط ..

وهجمت عليها وبس شافتها حنين هاجمة عليها متل القضا المستعجل انتفضت م̷ـــِْن مكانها وهي بتحكي: والله معد عيداا خالتوو حسونة
محاسن: ڵـڱ ماتناديني حسوونة
حنين: عم ندلعك ولوووو

رغم حجم حنين الكبير الا انها وقفت عالطاولة ونطت م̷ـــِْن عليها وركضت لبرا
منار: يخربيتك شو سعدانة ڵـڱ وقفي وليييه
انجي: الحمدلله ما انكسرت الارض مكان ما نطت هالدلفينه ..

كانت محاسن راكضه ورا حنين وحنين راكضه اتجاه غرفة ابوها وهي بتصرخ: يبااابااااا يباااباااا الحقنيييي

اما جوا بالغرفة انتفض ابوها م̷ـــِْن مكانو وهو سامع صوت وقع خطوات حنين عم يقرب عالغرفة وملامح الرعب باينة عوجهو .. تناول نظارته ولبسها بوهن وحكا بصوت عم يرجف: شو في زلزال يعني اتشاهد انا هلأ ..

وفجأة دفشت حنين الباب وهجمت عأبوها وهو م̷ـــِْن حلاوة روحو صرخ بس شافها نطت عليه 😂
الاب: يا .. يااااا محاسننن
حنين: الحقني يبابا خالتو محاسن بدها تضربنيييي 😭
الاب وهو بيختنق: انا يلي بدي مين يلحقني لأني رح موت فعسسسسس

فاتو منار ومحاسن وانجي عالغرفة وشافو حنين قاعدة فوق ابوها وهو بيلاطش تحتها وبجاهد في سبيل الحياة ..😂
محاسن: يي ييي ييي يخربيتك رح تموتيلي الرجاال بعدي عنووو
منار: ولي عليكي ياحنين بابا رح يموت تحتك
انجي: يخرب عقلك بعدي عن أبـْيے يا مفتريةةة 😭

واخيرا بعد جهد جهيد قدرو يبعدو حنين عن ابوها قبل مايودع هالدنيا ..
محاسن: زياد حبيبي صرلك شييي
زياد وهو بياخد نفس: كنت رح موت يامحاسن .. لسا حنين بدها تموتني فعيس
حنين: بعيد الشر عنك يبابا 😞

محاسن :انَــْتي بالزات بتخرسي وليه مفجوعة .. يخربيتك اديش مرق عراسي بنات بعمرا مامرقت عليي م̷ـــِْن نمرتك ..
حنين: حكيتلك جعت .. اموت م̷ـــِْن الجوع يعني ..😭
محاسن: لٱ بتجيبيلنا الجلطة وبتطعمينا رعبة •اللّـہ̣̥ مولاهااا ..
زياد :طولي بالك حسوونة مو محرزة تخانقيها مشان قطعة كيك اكلتا ..
محاسن: ماتناديلي حسونة زياد .. ال مو محرزة ال .. لٱ محرزة ونص .. ڵـڱ كيف بدو يزبط معها الدايت وهي بتتسلحبلي متل الحرمية عالتلاجة بنصاص اليالي .. وانا عم قول لحالي لَيــِْـِْش. وزنا ماعم ينزل عن ال 80 .. اتاريها بتاكل م̷ـــِْن ورايي هالدبة ..ڵـڱ افهم مين الحمار يلي بدو يطس بخلقتك ويتجوزك ويخلصني مـڼـڱ

منار: ههههههههه دبة 😂😂
حنين: 😒😒
محاسن: قالولك انَــْتي احسن ست روايات .. عأساس رح تلاقي حدا يحواكي انَــْتي وهوسك اه ..
منار: 😶😶
كانت انجي حاطة ايدها عتمها وكاتمة ضحكتها عخواتها ..
محاسن: ماني نسيانتك انجي خانوم .. يلي مفكرتيلي حالك ملكة جمال ومفكرة اللي رح ياخدك رح يوظفلك الخدم والحشم تٌَحَـتْ مـڼـڱ ..لاا حبيبتي انَــْتي واياها طول مانكون بهوسكون بحياتكون مارح تلاقو حدا يطلع بخلقتكون ..
انجي: باين وصل البل لدقني …
محاسن: اي وصل ليكون ماعجبك بس انجي خانم
انجي: لٱ والله ماعجبني خالتو حسونة
محاسن: روحي بلطي الزرقا معناتا .. عمرو مايعجبك ..

كان زياد قاعد وحاط ايدو عخدو وصافن فيهم وهنن بيتخانقو ..
زياد: خلصتو؟
محاسن: لٱ ياسيدي ماخلصت .. ڵـڱ افهم بس انت لما جيت وخلفت هالثلاثي المرح بشو كنت بتفكر انت والمرحومة .. ڵـڱ بس لْـۆ ماكانو وصية المرحومة امهن ولا بطس بخلقتهن بتاتا .. •اللّـہ̣̥ يرحمك يا أونس .. خلفتيلي كوكتيل ومهوسات .. شي باللابتوب والروايات
منار: 🙂
محاسن: وشي بالمكياج والمنكير
انجي: 😑😑
محاسن: وشي بالاكل وببطنها ..
حنين: 😊😊
محاسن: ماكنتي تعرفي تخلفي وحدة مهووسة بشغل البيت
منار: غير مرة خالة حسونة 😂
رجعت حملت محاسن الصرماية وصرخت: انقلعوووو م̷ـــِْن خلقتييييي

بلمح البصر طلعو البنات هريبة م̷ـــِْن غرفتها وهنن فارطين ضحك 😂

حبيت عرفكم عالثلاثي المرح منار وانجي وحنين
ومتل ماشفتوا كل وحده منهم مهووسه بشغله ومعوفين مرت ابوهم حياتها
ياترى رح يلاقوا عريس يطس فيهم ولا العنوسه رح ادق ابوابهم

1 2 3 4 5 6 7 8 9الصفحة التالية
الوسوم