روايات كاملة

هكدا حياتي للكاتبة hadoo al

هكدا حياتي للكاتبة hadoo al

الحلقات السابقة

رواية هكدا حياتي

 

الحلقة { 19 }

#هكذا_حياتي

خشيت الدار وكنت محطياته في شاحن لان كان مسكر واول ماخشيت فصل أستغربت آلقيت 7 مكالمات من مرام و4 من عمي و6 من رامي ومكالمتين من هند وآخر اتصال كان منصف وتصل مرة ثانية

أنا : ألو
منصف : ميرال “صوته حزين”
أنا : خيرك منصف
منصف : رواد
أنا : خيره رواد 😢 قولي خيره بسرعة
منصف : دار حادث
أنا “بصوت عالي” : روااااد 😭 “طاح تلفوني من إيديا”

خشولي بابا وميرا وسوسن وقت سمعو صوتي

بابا : خيرك يابنتي خيرك
أنا : رواد يابابا 😭
بابا : خيرك شني فيه

منصف : ميرال ميرال

بابا سمع صوت تلفون أخذيء تلفون

بابا : شني فيه ياوليدي انشاء الله خير
منصف : رواد دار حادث
بابا : شنو 😨 شني إسم مستشفى
منصف : @£&£

بابا : ميرا لبسي عباية لي أختك
أنا : بابا رواد مات صح مات 😭
بابا : لا يابنتي عايش وإنشاء الله هيكون كويس

ميرا لبستلي عباية وركبت اني وبابا في سيارة وامشينا للمستشفى واني طول طريق ندعي 😢
واول ماوصلنا للمستشفى نزلت زي مجنونة تلقيت مع منصف

أنا : منصف 😭
منصف : ميرال
أنا : رواد كيف حاله
منصف : إنشاء الله خير
أنا : كله بسببي 😭
منصف : تعالي نرفعك
بابا : كيف حاله ياولدي توا
منصف : انقولو انشاء الله خير وخلاص

وركبنا فوق وكانت عيلة كلها موجودة وكل واحد مفترق في جيهة عمتي تبكي ومرام تصبر فيها وهيا تبي مني بيصبرها وعمي مقعمز محطي ايديه علي راسه ورامي واقف علي باب غرفة عمليات وهند تواسي فيه ونرمين مقعمزة وزعميته تبكي

أنا : عمتي 😭

وامشيت لعمتي وحضتنها

عائشة : يابنتي شوفتي شنو صار في وليدي 😭
أنا : انشاء الله هينوض بسلامة 😢
عائشة : إنشاء الله يارب 😭

قعدنا نستنو ساعة ورا ساعة ورا ساعة وساعة اتقولي سنة إن فاتت خمسة ساعات وطلع دكتور وكلنا امشينا في جيهته

عمي : شنو يادكتور
دكتور : 24 جايات هيا الي بتحددنا شنو حالته
أنا : 😭😭
عمتي : وليدي 😭😭

فات ساعة وجيت خالتي سوسن ورجاء وميرا وبلقيس وهيثم وكانو يصبرو فيا وأني أتقولي في عالم ثاني

سوسن : يابنتي مادريش في روحك هيكي
رجاء : إنشاء الله هينوض بسلامة
أنا “في سري” : معقولة نفقده زي مافقدت ماما 😭😭 معقولة شخص الوحيد الي نبض قلبي بإسمه يخليني ويمشيء 😭😭😭😭

بلقيس : خايفة علي ميرال
منصف : من اول ماجيت وهيكي تبكي
بلقيس : حارة حبيبها وراجلها بين حياة والموت
منصف : 😢😔
بلقيس : حبيبي نبيك قوي وإنشاء الله رواد هينوض بسلامة
منصف : إنشاء الله

فاتت ساعة ورا ساعة في حد يجيء وحد يمشيء وجيء الليل

عبد الله : منصف روح بي أمك وأختك وميرال ونرمين ورامي روح انت ومرتك
رامي : أني منخليكش بروحك
منصف : ايه يابوي روح ارتاح انت والعيلة توا اني نقعد
عبد الله : باهي هيا ميرال
أنا : عمي مانمشيش ورواد في هاذي الحالة 😢
عبد الله : يابنتي روحي ارتاحي وغذوا ترجعي
أنا : مش هنقدر هنذوق راحة ورواد هيكي 😢
منصف : خليها توا نقعد اني وياها
عبد الله : باهي رد بالك منها
رامي : حتي أني بنقعد
عبد الله : مش لازم زحمة انت روح رامي
رامي : حاضر

وروحو كلهم قعدت أني ومنصف قعدنا مقعمزين الا وقت قولت للدكتور عادي نخشله في عناية قالي باهي لبست لبسة خاصة بالعناية وخشيت اول ماشفته وكيف ماركبيله أجهزة معش شدِّيت روحي قعدت نبكي 😭😭

أنا : حبيبي ماتخلينيش انت وعدتني انك مش هتتخلى عني حتي لو افترقنا المهم نرتاح انك قاعدة تتنفس في الهواء الي تنفس فيه 😭😭

قعمزت بحداه وحطيت إيديا علي إيديه

أنا : حبيبي أكيدة تسمع فيا أني إنحبك أنت وبس 😢
ممرضة : لو سامحتي مريض يحتاج راحة
أنا : دقيقة بس
ممرضة : لو سامحتي بسرعة “طلعت”
أنا : حبيبي منقدريش نعيش بلاك
ممرضة “رجعت” : لو سامحتي
أنا : حاضر

طلعت وقعمزت برا بحدا منصف فات ساعات وجيء الصبح وجوء العيلة

عائشة : بنتي نوضي خلي منصف يروح بيك ترتاحي شوية
أنا : منقدريش عمتي
منصف : تفضلي “وكانو في ايديه بريوش وعصير”
أنا : لا شكرًا ماعنديش نية
عائشة : ميرال أفطري سلم بنيتي
أنا : حاضر

إخذيت بريوش وعصير علي خاطر ماتزعليش عمتي وماكلتهوميش احطيتهم بحداي

عبد الله : شنو يادكتور
دكتور : حمد الله علي سلامته حالته تحسنت هلبة وحطيناه في غرفة
عائشة : نقدرو نشوفه
دكتور : ايه تقدرو

خشو العيلة كلها لرواد حتي من نرمين وأني قعدت واقفة بحدا باب الغرفة وانشوفله من بعيد

أنا “في سري” : مش مصدقة يارب انه رواد قاعد عايش الحمد الله

عائشة : كيف حالك وليدي
رواد : الحمد الله
عبد الله : منصف كلم ميرال

أني كيف نخشله

رواد : لا مش لازم مانبيش انشوف

أني جيتني صدمة معقولة رواد يقول هيكي معقولة ، طلعت من مستشفى وقلبي مكسور 💔💔

عائشة : علاش ياوليدي
رواد : أمي تعبان وماعنديش نية نتكلم
عبد الله : تتعافي وبعتالي نتكلمو
عائشة : لا حول ولا قوة الا بالله

وفاتو ساعات رواد وله يتحسن وكل مرة يجيه حد يحمد علي سلامته

.
.
.
.
.

فاتو ساعات واني نمشيء وفي راسي أفكار تجيبني وترفعني

أنا “في سري” : خلاص أني ورواد افترقنا معقولة معش يبي يشوفني خلاص 😭😭

رن رن

أنا : ألو بابا 😢
بابا : الو بنتي كيف حال رواد
أنا : الحمد الله ممكن اتجيء تروح بيا
بابا : حاضر

.
.
.
.
.
.
.
.
.
.
.

مرام : ألو حبيبي
كرم : اهلين حبيبتي
مرام : حبيبي رواد في مستشفي
كرم : خيره انشاء الله خير
مرام : دار حادث وكانت حالته خطيرة ولكن توا الحمد الله
كرم : حمد الله سلامته حبيبتي
مرام : الله يسلمك ، حبيبي تصلت بيك علي خاطر غذوا
كرم : حبيبتي عادي نأجلوها توا انقول لي أمي ووقت يتحسن رواد توا أنجو نخطبوك
مرام : شكرًا حبيبي

.
.
.
.
.
.
.
.
.
.
.
.
.
.

فات أسبوعين رواد روح للحوش وتحسن واني وقت كان في مستشفى ديما نمشيء انشوفه بدون مايشفني حد ووقت روح انكلم ديما في مرام انقولها ماتقوليش حد انه كلمتك وعيلتي وعيلته عرفو انه احنيء متعاركين واني حالتي وليت مزرية ديما نفكر فيه حياتي من غيره مش حلوة 💔😢

سوسن : يابنتي شوفي كيف وليتي لامأكلة ولاشراب
أنا : مش قادرة ياخالتي 😢
سوسن : سلم بنيتي كولي حتي شوية
أنا : ماعنديش نية ياخالتي

ميرا : 😢😢

طوط طوط

ميرا : ألو أية تقدري إتجيء تأخذيني للڤيلا رواد
أية : علاش
ميرا : تعالي خوذيني بس
أية : تمام

ميرا : ميرال
أنا : نعم
ميرا : ممكن تلفونك
أنا : خوذيه تلقيه غاذي
ميرا : شكرًا

أخذيت ميرا تلفون وقَعَدت اتدور وألقيت ان تسجيل قاعدة

ميرا : الحمد الله وسامحيني ميرال

.
.
.
.
.
.
.
.
.
.
.
.
.

رواد :
يوم الي قالتلي نرمين ان ميرال تخون فيك مصدقتيش ولكن وقت سمعت تسجيل اتقولي موس نغرس في قلبي 💔💔 ووقت سألت ميرال مانكرتيش طلعت من الحوش اني متعصب واني في طريق مش منتبه اتجيء شاحنة كبيرة وبعتالي معش نندري علي روحي الا وأني في المستشفي ووقت نوضت قال بوي لمنصف نادي علي ميرال اني قولت لا لكن قلبي يقول ياريت اتجيء وفات أسبوعين وجناح مركبتلاشي بكل قلبي يقولي مستحيل ميرال تخونك لكن عقلي يقول العكس 💔💔

(( هذا هو الي يسموه حرب من عقل والقلب 💔💔 ))

دق دق
رواد : تفضل
نرمين : رواد كيف حالك
رواد : الحمد الله
نرمين : شنو ميرال مكلمتيكش
رواد : نرمين
نرمين : شوفت مرتك ماجتيش أتشوفك ولا كلامتك شوره فرحت وقت خليتها شوره تتمعشق هيا وحبيبها
رواد : نرمين أطلعي برا
نرمين : رواد
رواد : 😡 قولتلك أطلعي برااااااااا

.
.
.
.
.
.
.
.
.
.
.
.
.
.
.

نص ساعة وجيت أية وامشيت هيا وميرا للڤيلا

عائشة : أهلين بنتي
ميرا : أهلين بيك
عائشة : تفضلي يابنتي
ميرا : خالتي ممكن نحكي مع رواد
عائشة : توا نادي عليه
ميرا : حاضر

أمشيت عمتي لرواد في دار

عائشة : رواد
رواد : نعم
عائشة : اخت مرتك برا تبيك
رواد : ميرا
عائشة : إيه
رواد : هيا طالع

طلع رواد لميرا

رواد : أهلين ميرا
ميرا : أهلين بيك ، كيف حالك توا
رواد : الحمد الله
ميرا : رواد ممكن نتكلم معاك في انفراد
رواد : تفضلي

خشو رواد وميرا للمكتب

ميرا : رواد بنقولك حاجة ميرال ماخنتيكش
رواد : هذا الباب تسكر
ميرا : قبل مايصير حاجة وتقعدو تتندمو عليه اني هنشرحلك كل شيء
رواد : ميرال طلبت منك اتجيء
ميرا : ميرال ماتعرفيش انه جياتك وحلفتني ان مانقوليكش ولكن منقدريش نسكت
رواد : تفضلي
ميرا : أول شيء أسمع هدا

رواد سمع تسجيل كامل هو مستغرب مصدوم

رواد : اني مافهمتيش
ميرا : أني نفهمك ……………….. وحكتله
رواد : شنو 😨 علاش محكتليش من قبل
ميرا : كانت خايفة تتخلى عنها ، رواد ميرال عليها أسبوعين لا تأكل ولا تشرب وحيلتها حالة
رواد : باهي علاش ماجيتنيش وقت كنت في مستشفى
ميرا : كانت اتجيك ديما بدون مايشفها حد وكان تكلم في مرام ديما لحد اليوم كلمتها
رواد : علاش هدا كله
ميرا : رواد شني تبي من مرأة بعد بيقولها راجل الي تحبه اني مانبيش انشوفها
رواد : 😔😔
ميرا : هيا توا باي المهم اني رتحت ضميري وأختي تحبك هلبة

كيف بتطلع ميرا من مكتب

ميرا : رد بالك من نرمين راهو مش مزبوطة وهيا دبرت كل شيء “وطلعت”

رواد “في سره” : شني دير يارواد معقولة تشك في ميرال شني ديرت ياربي مش هتسامحني

رواد : نرمييييين 😡😡
نرمين : ن ع م
رواد : شني ديرتي
نرمين : شنو
رواد : عطتيني نص تسجيل
نرمين : ءءءء شنو مافهمتيش
رواد : نرمين أول وآخر مرة نحدر معش تدخلي بيني وبين ميرال ومحترمك لان اخت مروة ولأنك قريبتنا ولكن مرة ثانية تتدخلي هننسى كل شيء وهنتعامل معاك معاملة ثانية “وطلع”

.
.
.
.
.
.
.
.
.
.

أنا : خالتي وين ميرا
ميرا : أني جيت
أنا : وين كنتي
ميرا : طلعت شميت هواء
أنا : أها
ميرا : هيا زين نلعبو برا
زين : هيا

طلعت ميرا مع زين واني خشيت للمطبخ

أنا : شني ديري خالتي
سوسن : في رز بالبصل
أنا : أفيه أفيه “أمشيت نجري لحمام ”
سوسن : خيرك يابنتي

خشيت لحمام وقَعَدت نرجع “حشاكم” 😷😷

سوسن : خيرك يابنتي
أنا : لا شيء

.
.
.
.
.
.
.
.
.
.
.

في ڤيلا

رواد : مرام
مرام : نعم
رواد : نبي نطلب منك طلب
مرام : تفضل
رواد : اتفقي انتي وميرا …………………….
مرام “إبتسمت” : فكرة حلوة
رواد : خلاص زي ماتفقنا
مرام : تمام

طلع رواد وكلمت مرام ميرا وحكتلها علي كل شيء

.
.
.
.
.
.
.
.
.
.
.
.
.
.
.
في الليل

بلقيس : أهلين حبيبي
منصف : أهلين
بلقيس : شنو بتجيء غذوا
منصف : منعرفيش
بلقيس : تعالي حبيبي مافيش حد براني عيلتنا وعيلتكم
منصف : تمام ، بلقيس
بلقيس : نعم
منصف : شني صار في موضوع الي قولتهولك
بلقيس : أماهو موضوع
منصف : حبيبتي
بلقيس : قعدة نفكر حبيبي
منصف : الموضوع مايبيش هذا كله
بلقيس : حبيبي
منصف : أنتي تحبيني
بلقيس : مش نحبك بس اني نموت فيك
منصف : ملا خلاص الموضوع مايبيش تفكير هيكي
بلقيس : به خلاص حبيبي قول لي امك تتفضل في أي وقت
منصف : زغرطي ياإنشراح 😂😂😂
بلقيس : 😂😂😂
منصف : انحبك يابيكاتشو 😂😍
بلقيس “تستفز فيها كلمة” : مانحبكيش وبرا حب بيكاتشو علي راحتك “وسكَّرت عليه”

منصف : ههههههه مهبولة

قعد يتصل بيها وهيا تسكر بعتالي بعتلها مسج
(( واللهي أنتي أحلا بيكاتشو 😂😍 ))

بلقيس : أوف اوف مزال يقولي بيكاتشو
أنا : ههههههه خيرك زي مهبولة تكلمي في روحك
بلقيس : علي خو راجلك يقولي بيكاتشو
أنا : ههههههه
بلقيس : أضحكي أضحكي

فات اليوم جيء الليل وكل واحد إمشيء لداره رقد واني مع ميرا في دارها

أنا “نبكي بدون صوت” : 😭😭 أستحشتك يارواد وأستحشت صوتك

(( اشتقت لصوتك .. فهو دواء لجروحي 😢 ))

ميرا : ميرال خيرك
أنا : لا شيء 😢

(( أحيانا يكون الصمت قاتل 💔💔 ))

فاتت الليلة واني دموعي مانشفتيش قعدت نايضة لصلاة الفجر نوضت صليت فجر ودعيت وشكيت لربي (( شكوا لغير الله مذلة ))

في الصبح

ميرا : صباح الخير 😘
بابا : صباح الفل ياوردتي
زين : بابا كان هيا ولدتك اني ثنو
بابا : هههههه أنت قلبي 😉
زين : هييييي القلب يعيث اكثل من ولدة ((هي القلب يعيش اكثر من الوردة ))
بابا & ميرا : هههههههه
ميرا : تعرف شني اليوم بابا
بابا : أكيدة مستحيلة ننساه آليوم
ميرا : لهذا بعتالي اندير سبلة علي خاطر انطلع ميرال وبعدها هيجيء رواد مع مصمم ديكور
بابا : تمام
سوسن : صباح الخير
ميرا : صباح النور توا انجيء نوتي معاك فطور
سوسن : كملت جيت بنقولك هيا كان بتفطرو
ميرا : هيا خلي انوض ميرال

ميرا : ميرال ميرال
أنا : صباح الخير
ميرا : صباح الفل علي الفل

نوضت خشيت ديرت دوش علي سريع ونزلت نفطر معاهم

أنا : صباح الخير
بابا & سوسن : صباح النور
ميرا : خير عطلتي
أنا : خشيت ديرت دوش

أمشيت لكرسي زين وعطيته بوسة

أنا : صباح الخير حبيبي
زين : صباح الخير ياولدتي (( صباح الخير ياوردتي ))
ميرا : هههههه
زين : بابا ولدة متاعك ميلا وأني ولدتي مينال
الكل : ههههههههه
ميرا : ميرال عادي ترفعيني للمحلات ناقصيني حاجات
أنا : اليوم
ميرا : إيه
أنا : باهي وتي روحك مع ساعة 4
ميرا : لالا مش 4 احسن يكون 3
أنا : شني فرق
ميرا : نبي هيكي
أنا : خلاص تمام

.
.
.
.
.
.
.
.
.
.
.
.
.
.
.
.
.
،

في ڤيلا

رواد : شنو صار مرام
مرام : كلمت ميرا قالتلي مع ساعة 3 بنطلعو
رواد : تمام

.
.
.
.
.
.
.
.
.
.
.
.
.
.
.

فات الوقت وجيت ساعة ثلاثة طلعت اني وميرا للمحلات ووصلت ساعة سته وميرا كل مرة اتقولي مكان هذاكه

ميرا : هيا ميرال محل موجود في قرقارش
أنا : قوليلي شني تبي راهو 20 محل خشيناله
ميرا : اخر مرة قرقاش
أنا : أصلا معش فيه وين تمشيء امشيتي كل مكان
ميرا : باهي هيا

وأمشينا للقرقاش وقعدنا انلودو وماشيرناش شيء ووصلت ساعة 7:30

أنا : هيا تعبت
ميرا : شوية بس

رن رن

ميرا : أهلين سندس
مرام : مش سندس اني مرام
ميرا : نعرف نعرف
مرام : بحداك ميرال
ميرا : إيه
مرام : باهي كملنا كل شيء كان بتجو
ميرا : تمام

ميرا : هيا
أنا : هي

روحنا وطولت طريق ست ميرا فاتحة أغنية سعد لمجرد معلم وتغني معاه

ميرا : أنت معلم ونحنا منك نتعلم
أنا : خيرك هبلتي
ميرا : ونحنا منك نتعلم
أنا : هههههه واللهي هبلت ، هيا وصلنا ياسعد
ميرا : سكوزمي
أنا : 😂😂 بنت خاشيت في شخصية فيفي عبدو
ميرا : هههههه “ونزلت تجري”
أنا : خيرك بشوية
ميرا : جعااانة
أنا : ههههههه مختشة

ونزلت أني من سيارة ومختشة خليت باب مفتوح وكان حوش كلها مظلم

أنا : أف ماتقوليش هارب ضيء ميرا

ونفتح ضيء فجأة

الكل : مفاجأة 🎊🎉🎊🎉🎉

أني تفاجأت وفرحت كان الحوش كلها مزين بالونات أبيض وأسود كانت حوش خيالي 😍😍

الكل : happy birthday ميرال happy birthday

أني فرحت واني كنت ناسية أنه آليوم عيد ميلادي وكانو كل موجودين حتي منصف وهيثم ورامي الا عمي ورواد واكيد حتي بومة مش موجودة وكلنا كنا متحجبات وكل مرة اتجيء حد ويعيد عليا ويعطيني هدية

مرام : كل عام وأنتي بالف خير
أنا : شكرًا حبيبتي

أنا “في سري” : حتي اليوم مجاش 😢

ميرا : ميرال ميرال
أنا : شنو
ميرا : باري لداري تلقي ساعتي جيبهالي اني لاهية
أنا : باهي

ركبت لدار وكانت مظلمة

أنا : مافهمتيش علاش تسكر في ضيء

وفاجأة نفتح الضيء

رواد : happy birthday
أنا : رواد
رواد : حبيبتي سامحيني
أنا : شنو اتقول
رواد : عرفت غلطتي سامحيني

أني فرحانة قريب أنطير ولكن قولت اندير روحي قاعدة زعلانه

أنا : شني فايدة بعد ماقلت مانبيش انشوفها
رواد : ياريت نقص لساني قبل بنقول هيكي
أنا : خلاص كل شيء فات
رواد : مافيش شيء فات
أنا : أني منقدريش ننسى
رواد : أني نخليك تنسي ، انحبك ومانقدريش من غيرك
أنا : بشرط تبيني نسامحك
رواد : إيه
أنا : غنيلي أغنية
رواد : نغنيلك
أنا : إيه طلب مش واعر
رواد : لكن
أنا : ملا خلاص
رواد : استني استني

وبديء رواد يغني أغنية لتامر حسني (( بحبك بكل اللهجات )) وأني مشدية ضحكتي بسيف وبعتالي معش قدرت

أنا : 😂😂😂😂😂😂
رواد : تضحكي
أنا : معش تغني شوهت الأغنية 😂😂😂
رواد : صار شهوت الأغنية
أنا : 😂😂😂😂
رواد : إنحبك وأسف علي كل شيء
أنا : أنموت فيك حبيبي
رواد : بما ان اليوم هذا الي جيت فيه أجمل إمرأة في العالم تعالي انوريك حاجة

ووقفنا علي روشن وكان فيه منظر خيالي 😍😍

أنا : حبيبي إنحبك “وحضنته ❤️”

(( ضمنيْ إليكَ 💕�أرِحنِيْ مِنْ كل الأشَياءْ ,,�إجَعلني في قَلبِكَ 💕�فِي صِندُوق حُبْ لا يصَدأ ,,�ولاتتركني ابداً ..*!!💕 ))

كان مدايرلي مفاجأة جامع صغار شارعنا وهلبة صغار وكلهم كانو عندهم قناديل ورسم بيهم happy birthday 😍😍😍😍

أنا : تهبل حبيبي 😍😍
رواد : المهم عجبك
أنا : أكيد ، حبيبي من وين جيبت عدد هذا كله من صغار
رواد : ههههههه تصدقي تصلت بصحابي قولتلهم جيبو صغاركم وصغار خواتكم وصغار الي تعرفوهم وخالتي سوسن قالت لجيرانكم ههههههه
أنا : هذا كله علي خاطري حبيبي 😍😍
رواد : لالا علي خاطر صغار 😂😂
أنا “ضربته علي كتفه” : صار صغار
رواد : هذا سؤال تسأليه 😂😂😂
أنا : إنحبك
رواد : أنموت فيك ، إنسيت
أنا : شنو فيه ثاني
رواد : شوفي سرير

وشوفت سرير وكان قفطان طويل لونه ذهبي بسيط ومعا كندرته وشنطة وتاكم ذهب

أنا : هيكي هلبة حبيبي
رواد : مش هلبة عليك
أنا : تعرفني منحبيش ذهب هلبة
رواد : حبيبتي عجبني وهو اصلا بسيط مايبانيش ذهب
أنا : شكرًا حبيبي
رواد : هيا ننزلو
أنا : هيا

كنت فرحانة هلبة هلبة 😍😍 وكانت من احلى ليالي وكملنا كل حد بديء يروح

رواد : هيا حبيبتي حتي احنيء نروحو
أنا : خليني اليوم إهنيء نساوي دبشي وغذوا نروح
رواد : والله ، مش هنروح الا رجلي علي رجلك
أنا : حبيبي
رواد : باري وتي نستني فيك ، عليا أسبوعين مش راقد كويس
أنا : وعلاش مارقدتيش بكري
رواد : علي خاطر تعودت تحكيلي قصص قبل النوم ، باري سلم بنيتي وتي دبشك ، قالتلي علاش مارقدتيش كويس
أنا : 😂😂😂

خشيت للدار واني نضحك علي رواد

ميرا : دوم فرحتك
أنا : أجمعين ، شكرًا ميرا
ميرا : علي شنو
أنا : حكالي رواد
ميرا : 😄

ووتيت دبشي بسرعة وسلمت علي بابا وخالتي سوسن وميرا وروحنا للڤيلا وفات الليلة حلوة

مرام : صباح الخير حبيبي
كرم : صبا الفل حبيبتي
مرام : حبيبي كان بتقول أمك اتجيء خميس تتفضل
كرم : تتكلمي بجد
مرام : ايه
كرم : فرحتيني وأخيرا
مرام : واخيرا هههههه

وفاتت الأيامات ماتغيريش هلبة حاجات اني ورواد يزيد حبنا وثقتنا في بعض ونرمين كل يوم اتدور علي مشاكل

اما منصف وبلقيس عايشين احلي ايامات حياتهم ومنصف قال لعمي عبدالله علي بلقيس واتفقو بعد اسبوعين يمشو يخطبوها

اما مروان وميرا حتي هما عايشين حالة حب وأتفقو يخطبو حتي هما بعد شهر

وجيء يوم خطبة مرام وتحديدا العشية

مرام : شنو لبستي وشعري
أنا : طالعة تهبلي وكان مش مصدقتني أسألي هند
هند : إيه طالعة تهبلي
ع عائشة : هيا مرام ناس جوء وقت نادي جيبي قهوة وتعالي
مرام : حاضر ياماما

وفات الوقت وعمتي نادت علي مرام وقعمزت معاهم وشوية جيت وقت رؤية شرعية (( مساكين يسحبوهم مايعرفوش بعضهم 😂😂 ))

أنا : ركزي هاذي عاطيها لكرم
هند : هههههه مسكين حطيتله كيلو ملح
مرام : حرام عليك
أنا : باري هاذي عادة
هند : هههههه
مرام : باهي ميه فيه كان شرق
هند : ههههههه حتي مية فيها ملح ههههه
أنا : هههههه
مرام “في سرها” : حبيبي أسفة

وخشيت أعطيتلها قهوة وشوية طلعو عمي رواد وقعدو مرام كرم بروحهم

كرم : حبيبي واخيرا

مرام أبتسمت ابتسامه خجل
شرب كرم قهوة

كرم : إح إح
مرام “شاذة ضحكتها” : خوذ حبيبي ميه

وشرب ميه وزاد هم همين 😂😂😂😂

مرام “نفلقت بضحك” : 😂😂😂😂😂

وفات الوقت كل حلو وكان واضح علي عمي وعمتي انهم موافقين وجيء الليل وكلهم رقدو

أنا : حبيبي رقدت
رواد : 😪😪

حسيت بكبدي تلعي خشيت نجري لحمام وقَعَدت نرجع “حشاكم” 😷😷 من صوتي ناض رواد مخلوع وقعد يدق علي باب

رواد : حبيبي خيرك
أنا : لا شيء حبيبي
رواد : باهي افتحي الباب

اني طلعت من حمام وكيف نمشيء للصالة حسيت روحي مش متوازنة شادني رواد

رواد : حبيبتي بارلي البسي منرفعك للمستشفى
أنا : حبيبي دوخة عادية
رواد : عليك أيام وأنتي حالتك هيكي ، هيا نوضي
أنا : حبيبي غذوا صبح نمشو
رواد : لالا توا مش هنقدر نرقد وانتي تعبانة
أنا : أني حالي كويس توا وغذوا صبح نوعدك نمشي
رواد : باهي حبيبتي ولكن غذوا صبح اول منوضو نمشو للمستشفى

أني حطيت راسي علي كتف رواد ورواد قعد نايض

الصبح ساعة 6:00 فجر حسيت بي بطني توجع فيا لهذا نوضت ووقت نوضت استغربت القيت رواد نايض ويمسحلي علي راسي ❤️

أنا : صباح الخير حبيبي
رواد : صباح النور
أنا : خيرك نايض بكري حبيبي
رواد : أني مارقدتيش
أنا : علاش حبيبي
رواد : سرحت فيك وانسيت نرقد 😍
أنا : بسببي مارقدتيش 😔
رواد : علاش بسببك
أنا : لان شغلتك
رواد : هيا نوضي حبيبي
أنا : وين
رواد : نمشو للمستشفى
أنا : توا مزال بكري
رواد : هيا بلا كسل ونفطرو حتي برا
أنا : حاضر حبيبي

نوضت خشيت دوشت وبدلت بسرعة وخش رواد بعدي دوش وبدل بسرعة وكنا لابسين نفس اللون هو كان لبس سورية عنابية وسروال أسود وكندرة عنابية وأني لابسة سورية من ورا طويلة ومن قدام قصيرة لونها عنابية وسروال أسود وكندرة عنابية وشنطة سودا

أنا : ههههه نبانو كأننا حبيبين مش متزوجين
رواد : أنتي قبل ماتكوني مرتي انتي حبيبتي 😍😘

أنزلنا واركبنا للسيارة ووصلنا للمستشفى طلبو مني تحاليل واني نخاف من يبرة 😢

أنا : خلاص حبيبي اني حالي كويس
رواد : علاش ماتبيش اتدير
أنا : نخاف من يبرة 😢😢
رواد : 😂😂😂😂
أنا : تضحك عليا
رواد : لالا نضحك علي يبرة 😂😂
أنا : رواد
رواد : حبيبتي اني نخش معاك ونشدلك إيديك
أنا : باهي 😔

وخشيت معمل تحاليل ورواد معاي ومشديلي إيديا واني نبكي 😭😭 وممرضة تضحك عليا وقريب تأكل رواد بعيونها واني قريب انوض نقتلها

ممرضة : هههههه
رواد : مرتي دلوعة
أنا : رواد
ممرضة : واضح عليها ههههه
أنا : سلم راجلي الي يدلع فيا 😝
ممرضة : كملنا
رواد : شطورة
أنا : رواد

طلعنا من معمل وقالولها تحاليل تطلع بعد ساعة لهذا طلعنا من مستشفى وأمشينا نفطرو في مطعم

رواد : شنو تطلبي حبيبتي
أنا : نبي بريوش وعصير
رواد : لو سامحت
قارسون : تفضل
رواد : دلعنا طاولة كيف مايعجبك واهم يكون في بريوش وعصير
قارسون : حاضر

وقعمزنا فطرنا وبعدها رجعنا للمستشفى

رواد : شنو يادكتورة
دكتورة : ألف مبروك المدام حامل
رواد : شنو
دكتورة : وين المدام
رواد : في سيارة ، أنتي متأكدة
دكتورة : إيه ، لكن لازم ترتاح وتهتم بنفسها لان حملها ضعيف
رواد : كيف
دكتورة : أي مرأة امتي اتكون حامل في أشهر أولى لازم تهتم بنفسها لان أشهر الاولي اتكون نسبة إجهاض كبيرة ومرتك جسمها ضعيف لهدا تبي راحة واهتمام اكثر
رواد : انشاء الله أني نهتم بيها

كان رواد فرحان هلبة

في سيارة 🚘
أنا : حبيبي شنو صار
رواد : قالت يصيرلك هيكي بسبب تعب وبس
أنا : اني قولتك امس عادي

وروحنا للڤيلا وكانت عيلة كلها مجتمعة ماعدا عمي ورامي

رواد : السلام عليكم
الكل : وعليكم السلام
رواد : نبي انقولك خبر
عائشة : انشاء الله خير وليدي

رواد مسكلي إيديا

رواد : وأخيرا بنولي بابا 😍

أني شوفت لرواد ونصدمت 😨

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

#تتبع

#هدو

0

تقييم المستخدمون: 4.85 ( 3 أصوات)

1 2 3الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock