وصفات طبيعية لتقشير البشرة , تقشير البشرة فى المنزل

Nora Non
وصفات بشرة وشعر
Nora Non12 يوليو 2020آخر تحديث : منذ 9 أشهر
وصفات طبيعية لتقشير البشرة , تقشير البشرة فى المنزل

وصفات طبيعية لتقشير البشرة , تقشير البشرة فى المنزل

وصفات طبيعية لتقشير البشرة , تقشير البشرة فى المنزل

 تقشير الجلد يعنى ازالة خلايا الجلد الميتة من الطبقات العليا من الجلد وده بيحصل بشكل طبيعى بس كل ما بنكبر بيحصل بشكل أبطأ  لو خلايا الجلد مش بيتوفرلها تغذية سليمة  عشان كده لازم تستخدمى وسائل تساعد على التقشير وفى نفس الوقت تقدر تحمى بشرتك من التلف وتديكى بشرة ناعمة ونضرة وصحية، في المقال ده هنعرف مع بعض 5 طرق طبيعية لتقشير البشرة صحية ونتيجتها مضمونة

5 طرق طبيعية لتقشير البشرة صحية ونتيجتها مضمونة

1-العسل:

العسل بيساعد على تسريع عملية التقشير الطبيعية للجلد وبيساعد كمان على الترطيب، حطى كمية مناسبة من العسل ودلكى بيها بشرتك برفق وبعدها اغسلى وشك بماية دافية، وكرري من وقت للتاني.

العسل

2- الزبادى:

الزبادى كمان من الحاجات اللى ممكن تستخدميها لانه فيه حمض اللاكتيك وده هو نفسه الحمض اللى موجود فى منتجات العناية بالبشرة بس بكمية اقل كمان الزبادى بينعم ويهدى البشرة، عشان تستخدميه حطيه لمدة 20 دقيقة على وشك وبعد كده اغسليه، كرري الماسك ده من وقت للتاني.

طرق طبيعية لتقشير البشرة
الزبادي

3- السكر:

السكر بيساعد على تجديد الجلد بشكل صحى وتنعيمه، عشان تعملي سكراب بالسكر اخلطى نص كباية سكر ابيض أو بنى بزيت زيتون ودلكى بيه بشرتك بشكل دائرى وسيبيه لمدة 10 دقايق وبعدين اغسليه بماية دافية.

السكر  - مجلة ست الحسن
سكراب السكر

4- عصير الليمون:

عصير الليمون بيشيل الجلد الميت وبيساعد على تجديده.اخلطى ربع كباية عصير ليمون مع عصير تفاح وعصير عنب مع سكر وقلبى لحد ما السكر يدوب بعد كده حطيه بقطنة سيبيه 10 دقايق وبعد كده اغسليه.

عصير الليمون

5-البابايا:

البابايا بيساعد على التقشير لانه فيه انزيم اسمه papain اللى بيساعد على ازالة الجلد الميت وكمان بيساعد على التفتيح.الانزيم ده موجود اكتر فى البابايا الخضرا. للاستخدام اهرسيها لحد ما تبقى ناعمة واستخدميها وسيبيها لمدة 15 دقيقة بعد كده اغسليها بمادة دافية. بعد التقشير باى وسيلة من دول استخدمى كريم مرطب عشان توصلى لأفضل نتيجة.

كلمات دليلية
رابط مختصر

رأيك يهمنا

error: Content is protected !!