روايات كاملة

ولد أمه للكاتبة القطة الشريرة

جميع الحقوق محفوظة للكاتبة

ولد أمه للكاتبة القطة الشريرة

تحكي عن الراجل الى يسمع ف كلام أمه حتى بعد الزواج

 

 

#ولد أمه المقدمه
االف مبروك علينا ياعمري وأخيرآ ربي جمعني بيك
أنا الله يبارك فيك وكنت متحشمه هلبة ولاكأنه هذا حبيبي الى كنت نحكي معاه الليل كله شعور غريب من نوع أخر صعب يقدر حد يوصفه
مراد تهبلي وإنتي متحشمه طولة اللسان الى ف التلفون وين مشت
أنا ماهو عروس توا عطيني يومين ثلاثة وبعدها نهارك أحرف
مراد إنتي لنهارك احرف مني الليلة
أنا😊😊😊 اسكت خلاص بنموت من الحشمه
مراد يؤبشني جمالو وهوا عامل حالو حجلان
انا عامل نظافه ههههه
مراد لا مش الليلة بليز ماتخربي عليا غلطت عمري قصدي ليلة عمري
انا غلطت عمرك صار طلقني
مراد حبي نبصر عليك توا عادي انتي تتبردي وانا لا معقولة حبي
انا ع سيرة الطلاق مرة ف رصاصة طلقوها من مسدس قعدت تبكي😂😂😂😂
مراد ولما نطلقك انا شن بديري
انا نردلك الطلقه
مراد حبي خليك الليلة رومانسية خيرك باردة
انا تغطى حبي
مراد انتي ماينفع معاك هكي تعالي جاي وحضني نحبك يامجنونه
انا نموت فيك وفاتت ليلتي على خير
انا أحلام مواليد 93 طويلة قمحيه عيوني كبار عسليات جسمي معبي شوية للأسف مش مكملة دراسة هوا مع الأسف بالنسبة لأهلي اما بالنسبة ليا مع السلامه أنا كرهتها يعني الواحد من عمر 6سنين وهوا يقرا يقرا يقرا بدايه المدرسه امتحان نص المدرسه امتحان نهايه المدرسه امتحان وانت راقد امتحان طالعه مع امك لسوق امتحان وعلى شنو 10درجات يحطولك منها درجه ويقولك انتي ماتقري والى شجعني اني نسيب الدراسه ان نحنا الحمد لله حالتنا المادية ممتازة عندي اخت وحدة ريان مواليد 99 واربعه ولاد اشرف موسى معتصم محمد
تعرفت على مراد عن طريق وحدة صاحبتي كانت تكلم ف صاحبها وطلب منها تشوفله وحدة مكسدة يسكد عليها لكن صقع عليه قدرت نطيحه وخليته يجيب ناسه ويخطبني تعرفو شن درتله عطيته أقل من قيمته يعني ف الأول سمعته الكلام الحلو حبيبي بيبي روحي عمري وهوا ماصدق وبعدها بدل ماكنت نكلمه ثلاته اربعه مرات ف اليوم بديت نكلم فيه مرة وحده ومانديرش معاه حتى خمسه دقايق ونقوله اسفه بيبي مشغولة وهوا يقعد يتمسكن وهكي يقعد تفكيره كله فيك ومرة قعدت اسبوع لاكلمته ولارديت عليه لعند يوم بعتلي رسالة انا نبيك ف موضوع ضروري لازم نحكو الليله طبعآ انا ماعطيت لكلامه اي أهميه خليته لليوم الى بعده وتصلت بيه
انا اهلين وبصوت كله زعل
مراد وينك انتي تلعبي بيا شكلك ولاعندك البديل
انا بديت نبكي هو مانبكي بس كيدنا عظيم حرام عليك والله تعبت ونفسيتي تعبانه
مراد خيرك ياعمري زي مايقولو الراجل مايقدرش يتحمل دموع الأنثى
أنا حبيتك من قلبي ونحبك والله بس مانقدرش نكمل معاك ف علاقه مش معروف شن نهايتها وف نفس الوقت مانبيش نخون اهلي الى حاطين فيا الثقه قولي يامراد كيف ندير انا قاعدة بين نارين
مراد وليش قاعدة تفكري بروحك وتزعلي ف عمرك خيرك ماكلمتني ودويتي معايا
انا مانبيش تحس اني نبي نحطك تحت الأمر الواقع باش تتزوجني ونديرلك زي حركات البنات قلت خلي نتحمل ونتقطع من الداخل ولانزعلك
مراد محلاك يابيبي قداشك حنينه باهي شن رايك اني حبيتك وهلبة ونبيك حلالي
انا بجد حبيبي ياريتك جنبي كان هذا قتلك ارقصني باش نصدق
مراد هههه مجنونه نحبك
انا نموت فيك وصكرت
ريان😯نحنا طلعنا من بطن وحدة صح
انا اكيد غير انا جيت من الجيهة الى فيها نسبة الذكاء الأكثر تحت النخاع الشوكي وانتي جيتي جيهة الإثنى عشر
ريان اقسم بالله انتي اكبر كلبه
أنا حايجي يوم وتترجيني نعلمك تي هدو الرجاله هكي يبو ياعمري انتي ونخطبنا بس امه كانت تبيه لبنت خالته وماكانت راضيه عليا هلبه قعدنا سنه مخطوبين وقدر يسرق قلبي وحبيته
ف الصبح
انا نفتح ف عيوني وقعدت نتكسل ومسيت وجه مراد وعيطت
مراد ناض مقعمز بسم الله الرحمن الرحيم خيرك شن فيه
انا انت شن دير هنا
مراد تي راجلك يافرخه
انا اه ايه صح صح والله نسيت انى تزوجت اسفه حبي
مراد طيحتي قلبي عليك صبح
انا حبي اسفه قصدي اول مرة نرقد مع راجل والى يضحك ان اهلي عارفين
مراد هههههه خزي عليك
انا صباح الورد
مراد صباح الجمال والحلاوة صباحيه مباركه ياأحلا عروس
أنا نحبك
مراد نموت فيك
بعد مرور ثلاته أيام
مراد حبي افتحي الباب
انا فتحت الباب وكان نوار ولد خو مراد طبعآ نحنا نسكنو ف مربع واحد حوش أهله وخوته جنب بعضهم كيف حالك ودخلته عطيته شكلاطه احلا حاجة لما تتزوجي ثلاجتك تبدا معبيه
نوار قاتلك حناي عندنا ضيوف وتعالي ديري العشاء
انا ياكبدي وامك وين
نوار ماما مريضه
انا وسهيله ومنيرة وين
نوار عمتى سهيله قاعدة ف حوش حناي وعمتي منيرة مانعرف
انا قلها توا نجي
مراد من ياحبي
انا نوار قالي قاتلك حناي تعالي ديري العشاء جاينكم ضيوف
مراد ايه حبي عادي هيا البسي
انا تي هذا شن الحنه قاعدة جديدة وضيوف شن الى جايينها عليك غبارة وخلاص العزيز ماهي ساهلة شكلها واني شكلي طحت ف سلفات حرف احسن شي حمواتي كل وحده جايبها وادي لكن خلي نشوفو شن وضعهم العيله هدي وبعدها نديرلهم حل يتبع
طبعآ واكيدآ زي كل مرة رايكم يهمني نكمل ولانوقف

تقييم المستخدمون: 5 ( 2 أصوات)

1 2 3 4 5 6 7 8 9 10 11الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock