روايات كاملة

وهم الحياة بقلم الكاتبة هدو

جميع الحقوق محفوظة

وهم الحياة بقلم الكاتبة هدو

الحلقة {{ 1 }}

#وهم_الحياة 💔
نجري بسيارتي بسرعة فائقة .. ووقت وصلت لمكان الي نبيه .. كيف شخص بيدرس سيارته .. إخذيت مكانه ودرست فأجاة وقريب ضرب سيارته .. نزل شاب من سيارة وأبدي يهزب

شاب : يا£&@£

نزلت من سيارة ونحيت نظارتي الشمسية .. وأول مانحيت نظارة جيت عيني طول في المستشفى إلي سلبت مني أثمن وأحلا ايام حياتي 💔💔 .. المستشفى الي سلبت مني روحي وخلتني من غير روح 💔💔 .. المستشفى الي دمرت حياتي 💔💔

.
.
.
.

قبل 11 سنين .. تحديدا في سنة 2008 .. وقت الحياة كانت احلا ❤️❤️

في شقة صغيرة بسيطة .. شقة تتكون من شخصين بس لكن كانت سعيدة ودافئة ومليئة بالحب كأنه فيها عائلة كبيرة

زياد : أيلول أيلول نوضي هتتأخري على المدرسة .. ياأيلووووول

خشلي بقوة واندفاع

زياد : أيلول
أنا : وراس عويناتك العسليات خليني شوية 😪
زياد : واضح إنك تعودتي على الهزايب. ” ونحى ورغان من فوقي ”
أنا : خيرك ماتبيش تفهم .. سواء أمشيت بكري او مأخر بنتهزب لهذا على أقل نرقد اكثر ونتهزب عادي ” ورجعت تغطيت بالورغان ”
زياد : ملا أستحملي الي يجيك
أنا : 😪😪😪
زياد ” نحى ورغان وقامني في حضنه ”
أنا ” تفاجأت ” : ياهوووو وين رفعني 😲
زياد : توا تعرفي 😏

رفعني لجيهة حمام .. طول تذكرت انه وقت مانوضيش الأخ مواطن زياد يقيمني زي شوال السكر ويحطني تحت دوش بدبشي 😭😭

أنا : وقف وقف 😭😭
زياد ” ساكت ”
أنا : وقف باللهي عليك .. واللهي نوضت 😭😭
زياد ” شافلي ” : لالا مش باين
أنا ” فتحت عيوني على كبرهم ” : واللهي نوضت
زياد ” نزلني ” : شعب مايمشيش الا بالعين الحمرا 😂😂
أنا ” بعدت عليه وقَعَدت نساوي في دبشي ” : ماابردك 😒
زياد : شني قولتي
أنا ” ابتسمت ” : قولت ياأخي العزيز من فضلك أطلع .. نبي اندوش
زياد : فايف مينت
أنا ” دفيته وطلعته من دار وكيف بنسكر باب ” : يدير في روحه خش طب ابدي يتفلفسي بالانجليزي 😒😒
زياد : الي مايطول العنب يقول قارس
أنا : ها ها ها من كاذب عليكم يامتع الجزارين
زياد : هذه باري خوشي دولي لانه فاتت دقيقة

خشيت أندوش وأنا نهزب

أنا : توا أتشوف يازياد 😒😒 .. وقت نبدأ محامية توا أتجيني وأتقولي ورأس أوخيتي طلعيني من هالقضية وأنا نقعد نتشمت فيك يامتع جزارين 😒😒

زياد ” من برا ” : نسمع فيك
أنا : 🙄🙄 ” وأبديت نغني 😂
زياد : واللهي مجنونة ههههههه

#بعد_نص_ساعة

طلعت من حمام ” حشاكم ” ولبست زي المدرسي ومشطت شعري وديرتها كعكة ونزلت شوية خصلات ” مش متحجبة ”

.
.

دق دق دق

زياد : أيلول كان كلمتي أفتحي الباب .. أكيد مراد
أنا : أصلا من غيره البارد 😒😒

دق دق دق

أنا : تباهي كسرت أم الباب

دق دق دق

أنا ” فتحت الباب .. وزي ماتوقعت البارد ” : ماأبردك .. قولنا باهي 😒
مراد : الناس يقولو صباح الخير ياوجه الفقر 😝😝
أنا : إلي يشوف وجهك يشوف الخير 😒
مراد ” شدلي خذودي ” : مقبولة منك ياحلوة 😉
زياد ” من وسط الحوش ” : مني ياأيلول
أنا : من غيره البارد 😒
مراد ” شبحلي وأمشيء ” : أني ياحبها
زياد : صباح الخير يانصي
مراد : صباح العسل
أنا : مافهمتيش كيف مصاحبه 😒
مراد : تي خيرها من صبح رقيتلها
زياد : كالمعتاد هههههه
أنا : طنجية وألقيت غطاها 😒 .. خليني نمشي نأخد تهزيبة من المدرسة أحسن مانرتكب جريمة
مراد : تعرفي روحك مهزبة يامهزبة 😂😂
أنا : اللهم طولك ياروح ” أخديت طرف توست وشنطتي وطلعت ”
زياد : حي أنسيت
مراد : خيرك 😶
زياد : أنسيت ماعطتهاش فلوس لرحلتها .. خلي نمشي نلحقها وانت حط قهوة فوق النار
مراد : تمام

طلع زياد ورأي

.
.
.
.

زياد : أيلول
أنا ” تلفتت ” : زياد ؟!
زياد : أنسيتي ماأخذيتيش فلوس لرحلة

قعدت أنشوف للفلوس في إيد زياد .. تمنيت لي لحظات نخذهم لانه هالرحلة عليا سنتين نحلم بيها 💔 .. لكن قعدت نتذكر معاناة زياد حتى يسدد كل مصاريف وفواتير .. تذكرت أمتى ينوض من فجر يوتيلي في فطوري وبعدها يسقدنا للمدرسة وبعدها يمشي للكلية وبعد كلية يروح يديرلي الغذيء وحتى بدون مايتغدي يمشي للكافي الي يخدم فيه حتى الليل وبعدها طول من كافي يمشي يخدم في تاكسي ويروح في ليل مأخر ويدوب يرقد 5 ساعات وهذا كله يدوب يلحق مصاريف 💔💔 .. قولت في خاطري ولا مية رحلة تساوي معناة وتعب خوي 💔💔

أنا ” أبتسمت ” : لالا معش مستحقتهم
زياد : علاش
أنا ” نزلت لوطة أندير في روحي نساوي في سبيدرو .. لانه مانقدريش نكذب وقت نحط عيني في عين زياد ” : لان ألغوها
زياد : كيف ألغوها .. هذا الرحلة الي عليك سنتين تحلم بيها
أنا : نصيب
زياد : متأكدة
أنا ” وقفت ” : إيه .. هيا تأخرت هلبة ” حضنته وأمشيت نجري ”
زياد : غريبة 😕

.
.
.
.

” خلي نحكيلكم على نفسي وعلى زياد ومراد ”

أنا أيلول مواليد 94 ” عمري 14 سنة ” نقرا ثالثة أعدادي وحلمي نقرا قانون ونولي المحامية أدافع على الأبرياء والمساكين ❤️ .. يتيمة الأب والأم ماعنديش في دنيا الا زياد 💔

زياد خوي سندي نور عيوني أكسجيني بالنسبة ليا هو الحياة ❤️ .. مواليد 87 ” 21 سنة ” يقرا طب بشري حلمه يكون جراح ❤️ .. زي ماقلت الصبح يمشي الكلية وفي ظهرية لي للمغرب يخدم في كافي ومن المغرب لي الليل المأخر يخدم تاكسي

حياتنا كانت قاسية ومايقدريش اي شخص يستحمل يعيش عيشة زيها لو الجبل لنهد 😢😢
في عام 99 توفو ماما وبابا ومن وقتها واحنيء وحيدين 😢😢 .. زياد وقتها كان في عمر 12 سنة وأني 5 سنين .. زياد تحمل بسببي هلبة ماعشيش لا حزنه على والديه ولا عاش طفولته بعد موتهم 💔 .. كبر قبل وقته استحمل مسؤولية قبل وقتها في عمر 12 سنة كانت مابين إيديه طفلة عمرها 5 سنين ماتعرفيش شيء على حياة غير إنها تبكي طول وقت تبي أمها 😭😭 ماعرفيش شني يدير .. خاف يمشي للميتم يفرقونا عن بعض 💔
إمشينا لي خالنا الوحيد .. في البداية يشهد الله كان حنين علينا وكأننا صغاره قعدنا معاه خمسة سنين لكن من يوم الي تزوجت نقلب خالي وكأنه مش نفسه .. كل دقيقة ضرب هزايب حرمان وهذا كله زياد الي استحمله بدلي أحيانا يومين يحرموه من مأكلة يومه ويومي يأخده بدلي 💔 .. مرته اللفعة كان تنق عليها كل دقيقة يحطنا في الميتهم 💔💔
يوم الي كان بيرفعنا للميتهم هربنا منه .. هربنا بدون مانفكرو وين نقعدو وقتها كان أهم شيء انه مانتفرقوش على بعض قعدنا أسبوع كامل في شارع بلا مأوى بدون مأكلة كانت كلاب وقطط عايشين خير منا 😢😢
بصدفة تلاقينا من مرأة كبيرة في العمر ربي يجزيها خير .. رفعتنا معاها واعتبرتها كأننا أحفادنا ورجعنا عيشنا كويس كأي إنسان .. لكن ديما فرحتنا مادوميش المرأة بعد سنة توفت ورجعنا للمعاناة من جديد 💔💔
لكن وقتها كان عمر زياد ” 18 سنة ” إبدي يشتغل صبح ليل عشية على خاطر يعطي أجار دار الخامرة الي بدون سقف وكنا نفطرو ونتغذو بس وأحيانا كنّا نفطرو بس وأحيانا نأكله خبزة يابسة بس 💔
لحد ماظهر مراد في حياتنا تغيرت حياتنا بالكامل وأكانه ورقة يانصيب وكأنه حجر الحظ متاعنا ❤️❤️
في بداية سكنا معاه في نفس شقة وبعدها زياد ابدي يشتغل اكثر وأكثر وأخذينا شقة بروحنا ملكنا ❤️❤️ ” الحمد الله على كلي شيء ))

مراد شخص ثالث الي انضم ليا ولي زياد أبدينا عيلة تتكون من ثلاثة أشخاص ❤️❤️ .. مراد على ماقد مانحكي عليه مستحيلة نوصف ربع لدراه ❤️❤️

مراد إنديد زياد يقرأه معاه نفس تخصص .. مراد طيب جنتل طرف ونسونجي 😂😂 .. هو إبن أكبر رجال الأعمال في شرق الأوسط .. عمه عنده مستشفى من أكبر وأشهر مستشفيات .. جده من أعظم جراحين الي أكتشفهم التاريخ .. يعني عيلة معروفة مش في ليبيا بس وفلوس يلعبو بيهم زي بطش .. 100 ألف عندهم زي 100 دينار .. عائلة مراد بالكامل عايشة في العاصمة لكن مراد عايش معانا في قرية ” جبل ” شق طريقه بروحه بشكل مستقل بدون مساعدة عيلته وفلوسهم

وهادي قصتنا من طفولتي لحد توا .. الحاجة الوحيدة الي نشكر الحياة إنها ماسلبتهاش منا هيا الدراسة .. مع كل معاناة الي عيشنا ماتخلناش على قراية .. لانه نعرفو هي الي بتكبرنا وماتخليناش محتاجين لحد ❤️💔

.
.
.
.
.
.
.
.
.
.

وصلت للمدرسة والقيتهم خاشو عليا كالعادة .. خشيت زي الخانب نهرب من مديرة .. وصلت للفصل واستعديت لتهزيبة المدام نفيخة 😂 .. فتحت الفصل وكان هدووء ومهناش الابلة .. جيت عيني في عين ريان وهدى أبتسمت

أنا : شني غريبة مدام النفيخة ماجيتيش 🤔
ريان ” تفنص ”
أنا : وأخيرا جيء اليوم الي مش هنأخد تهزيبة والعقاب المعتاد ” قعدت أنلود من فرحة ”
هدى ” وجهها قريب ينفجر من كثرة ماهي مشدية ضحكتها 😹 ”
أبلة ” جيء صوت من ورأي ” : ياهلا ياهلا أميرتنا وأخيرا شرفتي
أنا : 😳😳
أبلة ” جيت قدامي ” : 😠
أنا : أهليييييين بالعقيد قصدي بوردة فصلنا 😶
أبلة : صار طلع أسمي مدام نفيخة
أنا : من قال هيكي ” وشوفت للطلاب ”
أنا : من قليل الأدب الي قال لسكر مدام نفيخة

الفصل كله في وضع الهزاز من ضحك 😂😂

الأبلة : أيلوووووووووووووول
أنا : بدون ماتقولي

قيمّت سروالي كويس وربطت خيوط سبيدرو كويس وأبديت نجري كالعادة في ساحة .. نعرف روحي مهزبة 😂😂😢

.
.
.
.
.
.
.
.
.

في كلية الطب البشري

البنت : عليك طرف الي واقف غاادي
البنت 2 : شوره يستنى في صاحبته

بصدفة يخطم مراد ويسمعهم .. إمشيء إتجاه الشاب الي يحكو عليه

مراد : حبيبي ” وحضنه ”
زياد ” بعده ” : تي خيرك شني زاارط
مراد : ههههه الطروف غادي كان يحكو عليك إنهم تستنى في حبيبتك فلهذا مابيتيش نكسر بي خاطرهم 😂😂
زياد : واللهي ماك طبيعي 😒😒
مراد : 😂😂😂
زياد : سادك وخلّينا نخشو للمحاضرة
مراد : هههههه هيا

وخشو للمحاضرة وهما في نص المحاضرة زياد قعد يكح بإستمرار حط منديل على فمه

زياد : كح كح كح ” شاف منديل وكان فيه دم ”
مراد ” أنتبه للدم ”

زياد أستأذن وطلع .. لحقه مراد

مراد : زياد
زياد ” تلفت ودس منديل في جيبه ”
مراد :

.
.
.
.
.
.
.
.
.
.
.
.
.

#تتبع

#هدو

تقييم المستخدمون: 4.65 ( 1 أصوات)

1 2 3 4 5 6 7 8 9 10 11 12 13 14 15 16 17 18 19 20الصفحة التالية
الوسوم

رأيك يهمنا

زر الذهاب إلى الأعلى
error: Content is protected !!

أنت تستخدم إضافة Adblock

برجاء دعمنا عن طريق تعطيل إضافة Adblock